Protesta e 25 majit do të të jetë një ditë e tmerrshme për çdo njeri që kërkon të shkatërrojë pluralizmin.

Kështu u shpreh ish-deputeti demokrat Klevis Balliu, ndërsa i ka bërë thirrje qytetarëve që t’i bashkohen kësaj proteste.

“Ju keni vetëm një hall. Halli juaj është data 25 maj, se do jetë një ditë e tmerrshme për çdo njeri që kërkon të shkatërrojë pluralizmin.

Ju ftoj që të mbrojmë gjithë bashkëqytetarët tanë. Nuk ka qytetar që si rrezikohet jeta nga bandat e Edi Ramës, ndaj ju ftoj që në 25 maj të marrim pjesë në protestën madhështore”, u shpreh Balliu.

Përmes një dokumenti, Jamarbër Malltezi, anëtar i Kryesisë së PD-së, ka denoncuar grabitjen e një fondi prej 800 mln lekë nga Ministria e Mjedisit dhe Turizmit, e drejtuar nga Blendi Klosi.

Kjo ministri ka njoftuar për një tender “shërbim konsulence” për studim masterplani për zonat turistike.

Afati i mbylljes së dorëzimit të dokumenteve është data 3 qershor 2019.

Por studime mbi atë çka kërkon sot të bëjë Ministria e drejtuar nga Klosi dhe qeveria e Ramës, janë bërë në vitin 2006-2007 nga Eptisa. Mjafton një kërkim i thjeshtë në internet për të parë studimet që janë kryer nga Eptisa në Shqipëri në fushën e turizmit, si dhe specifikisht në zonat turistike, qofshin këto në bregdet apo në mal, për të kuptuar se këto studime ose kanë mbetur në sirtarët e institucioneve, ose sot gjendet një mënyrë për të grabitur fonde në emër të studimeve që do të kryhen.

Përmes një postimi në rrjet, Malltezi denoncon skandalin.

“Ja si Rama-Klosi përlajnë 680,000 euro për studime, të cilat i kanë në sirtar qysh prej 12 vitesh!!! Duan studime në zonat bregdetare ndërkohë që këto studime janë kryer nga prestigjozja Eptisa qysh në 2006-2007!

680,000 euro për 4 muaj punë?! Këta janë veç për të rrjep paratë publike dhe me nda llokmat e tokës me trafikantë e oligarkë që ndajnë paratë pa as nuk kanë lidhje me memorien institucionale dhe as me shërbimet ndaj qytetarëve. Gjynah!”, shkruan Malltezi.

Sot në Rumani, si pasojë e një aksidenti automobilistik, ka humbur jetën Ervin Dervina, Oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC), si dhe bashkëshortja e tij, shtetase rumune.

Policia e Shtetit shpreh dhimbjen dhe solidaritetin për familjarët e 41-vjeçarit dhe bashkëshortes, për humbjen e papritur dhe të parakohshme të të afërmve të tyre, si dhe është e angazhuar maksimalisht dhe në bashkëpunim të vazhdueshëm me autoritetet rumune për zbardhjen e shkaqeve të aksidentit.

Hapja e negociatave me Bashkimin Europian u shty për në shtator, por duket se dhe atëhere nuk do të realizohet pasi lajme të këqija na vijnë nga Franca.

Ish-Ministrja franceze për Çështjet e Europës, Nathalie Loiseau është shprehur kundër hapjes së negociatave me Shqipërinë. Nathalie Loiseau deri në marsin e këtij viti, ka deklaruar se Franca do të votojë kundër hapjes së negociatave me vendin tonë dhe Maqedoninë e Veriut në qershor.

Loiseau është aleatja e ngushtë e presidentit Emmanuel Macron është kandidatja e tij kryesore deputete në zgjedhjet e Parlamentit Europian

Gjatë një interviste për RTL ajo ka treguar se gjatë kohës që ishte ministre ka bllokuar hapjen e negociateve për Shqipërinë dhe Maqedoninë e Veriut në 2017.

“Kur isha ministre e punëve europiane, unë bllokova zgjerimin e Shqipërisë dhe Maqedonisë Veriore në Bashkimin Europian. Ne do të jemi kundër, do të vazhdojmë të jemi kundër, ata janë gjeografikisht në Evropë, ne duhet t’i ndihmojmë ata, por zgjerimi nuk është i mundur”, deklaroi Nathalie Loiseau në RTL.

Edi Rama i ka kapur të gjitha. Ka sot qeverinë, pseudo parlamentin, pseudopolicinë, pseudo drejtësinë, mediat kryesore. Ai ka kapur ekonominë me oligarkët. Një grusht njerëzish me në krye Edi Ramën I kanë kapur të gjitha.

Atëherë, ku janë asetet tona?

Ku është forca jonë?

Ku janë mjetet tona?

Po, ai I ka kapur të gjitha, por pikërisht sot e ka të gjithë popullin kundër. Të gjithë njerëzit e bashkuar e të vendosur për ti dhënë fund këtij teatri të shëmtuar politik që na kushton çdo ditë mijëra vende pune, spitale pa ilaçe, arsimin në kolaps, mijëra emigrant çdo ditë.

Përballja ka sot nga njëra anë pakicën më të tkurrur të horrave, zuzarëve, gangsterëve të politikanëve të korruptuar, pakicën e vesit dhe antivlerave para shumicës më të bashkuar dhe morale që Shqipëria ka pasur. Që kurrë më qeveria të mos jetë peng i kriminelëve, kjo betejë nuk do të përfundojë thjesht dhe vetëm me largimin e Edi Ramës. Largimi i Edi ramës është hapi i parë i panegociueshëm, hapi që do t’i hapë rrugë zgjidhjes politik të krizës.