Kreu i opozitës, Lulzim Basha ka deklaruar sot nga Shkodra, se shqiptarët nën udhëheqjen e PD dhe opozitës së bashkuar do të bëjnë gjithçka për të ndalur tiraninë e krimit dhe korrupsionit.

Ai tha se sot ja vlen të sakrifikosh çdo gjë për të ndalur këtë të keqe.

‘Mendoj se mesazhet që kemi dhënë sot janë shumë aktuale. Për të ndaluar një tjetër Tirani të krimit ja vlen çdo sakrificë. Ne jemi gati të ndalojmë një tjetër tirani. Kjo është një betejë për jetë a vdekje, që do të jetë fundi i atyre që duan të instalojnë tiraninë’, u shpreh Basha për mediat.

Pyetje: Zoti Basha, më 31 Maj Rama nis zyrtarisht fushatën. Si edhe sot ripërsëriti që do të ketë zgjedhje. A jeni të vendosur t’i pengoni?

Lulzim Basha: Mendoj që mesazhet që kemi dhënë sot me rastin e një ngjarjeje kaq të rëndësishme janë shumë aktuale. Për të ndaluar një tirani të krimit, bëhet çdo sakrificë me çdo çmim. Unë, PD, opozita dhe gjithë shqiptarët e bashkuar do të jemi më të vendosur se kurrë për të ndaluar një tjetër tirani, një tjetër monizëm, por, kësaj rradhe të veshur me krim, me korrupsion dhe oligarki babëzitëse, që e ka shkatërruar vendin dhe ka mbyllur dyert e Europës. Kjo është një betejë për jetë a vdekje dhe fundi i kësaj beteje është tashnë i përcaktuar. Do të jetë fundi i atyre që duan të rikthejnë tiraninë dhe fitorja e gjithë shqiptarëve të bashkuar.

Nënkryetari i Lëvizjes Socialiste për Integrim, ish-ministri Petrit Vasili e ka cilësuar Komisionin Qëndror Zgjedhor si gropë mbeturinash që riciklon plehrat e Edi Ramës, kjo pas vendimeve të fundit të KQZ-së që duket hapur që është futur në tutelën e Ramës.

Vasili shkruan më tej se kjo KQZ regjistron dhe ç’regjistron sipas urdhërave të Edi Ramës, këdo që ajo do, mjafton tu fishkëllejë Rama.

Postimi i plotë i Vasilit

KQZ-ja si gropë mbeturinash, që riciklon plehrat e Edi Ramës!!

Komisioni Qendror i Zgjedhjeve në çdo veprim e qëndrim po dhunon ligjin sheshit dhe pacipësisht.

Regjistron gjithfarë partish deputetësh, kandidatë për kryetarë bashkie e për këshilla.

I regjistron në drekë i ç’rregjistron në darkë.

I fut me dokumenta pa dokumenta, me dokumenta të fallsifikuara dhe me dokumente të supozuara.

Çdo lloj mbeturine politike mund të hyjë atje pa u tutur hiç si në një fushë mbeturinash. Në fakt edhe këto të fundit kanë me shumë rregulla.

Matufet e Edi Ramës në KQZ, mjafton që ai tu fishkëllejë dhe ata sulen si qeni pas sallamit që të përmbushin çdo skizofreni të tij.

KQZ nuk ka parë ditë më të zeza as në ditët më tragjike të ndryshimit të sistemeve.

Çdo veprim i saj dhe i anëtarëve të KQZ është në sytë e të gjithë shqiptarëve.

Është e sigurtë që ata që marrin këto vendime duke dhunuar hapur ligjin do të goditen rreptë nesër nga drejtësia, askush nuk do ti falë sepse asgjë nuk harrohet….

Këta anëtare të KQZ do t’ju njihet vetëm një “merite”, ajo që e shndërruan KQZ në një gropë mbeturinash ku riciklohen mbeturinat e Edi Ramës.

Gjatë ceremonisë së inagurimit të memorialit të viktimave të regjimist komunist, kreu i PD, Lulzim Basha u shpreh se, vesi dhe krimi komunist nuk u ndëshkua, por u lartësua. Ai tha se, do e kthejmë ligjin për ish-të përdnjekurit në shinat e Kushtetutës.

“Sot është rasti të hedh një hap pas nga retorika politike që është e nxehur tej mase, sepse e nxehur tej mase është e nxehur edhe kriza politike në Shqipëri dhe që kërkon zgjidhje dhe zgjedhje.

Të hedh një hap pas dhe në praninë e nderuar dhe të ndriçuar të kësaj sale, të kuptojmë se një nga arsyet pse kundërshtarët tanë politikë, vazhdojnë të promoovojnë me këmbëngulje vesin, krimin, është sepse vesi me krimin kurrë nuk u denuan ashtu siç duhet. Në fakt u lartësuan, u rehabilituan, ndërsa vlerat për të cilat u sakrifikuan shumë shqiptarë, burra fisnikë dhe trima të pushkës, të mendjes dhe të penës.

Gra kurajoze, si ato që Europa i ka ngritur në mitet e saj këto 400 vjet. Fëmijë që u poqën para kohe dhe që sot i kemi mes nesh me thinja në kokë.

Një nga arsyet kryesore, pra është, se ne e lamë harresën të mbizotëronte mbi kujtesën, dhe kësisoj nuk i dhamë ndëshkimin e merituar moral, total, diktaturës komuniste dhe krimet e saj të përbindëshme. Përtej çdo dëshpërblimi, financiar, moral, personal, që ky komb dhe ky shtet i ka borxh çdo të përndjekuri dhe çdo familjari apo pasardhësi, dhe për të cilin: po, për t’i kthyer përgjigje zonjushes që më pyeti nëse do të ketë një ndryshim të ligjit, për të rivendosur atë  në binarët e kushtetutshmërisë dhe për ta larguar nga modeli i poshtër që kaloi para disa vitesh, për të ndëshkuar familjarët e të përndjekurve”, u shpreh Basha.

Basha u shpreh nga Shkodra se, ata nuk duhen quajtur viktima, por heronj e martirë. “Edhe sot është i njëjti model. Jo i veshur me petkun e ideologjisë, por me petkun e servilit, hajdutit, të njeriut pa besim në Zot e në atdhe e që përbuz familjen e punën e ndershme. Këtë betejë mund ta fitojmë vetëm nëse rivendosim si kudo në Europë të vlerave mbi vesin dhe jo vesin mbi vlerën.

Në respektin më të thellë të familjarëve të atyre që u vranë e u burgosën, t’ju lus mos i quajmë viktima, ata janë herojnë, martirë, pa të cilët kombi nuk mund të ketë filtrin e qëndresës dhe ngritjes. Ata janë heronj, nuk ka fitore të vlerave pa herojnë e pa sakrifica sublime. Zoti e bekoftë Shkodrën martire dhe Shqipërinë”, e mbylli fjalën e tij Basha.

Kryetari i Partisë Demokratike, Lulzim Basha ishte në Shkodër ku mori pjesë në inagurimin e Memorialit të vikimave të regjimit komunist

Memoriali është ndërtuar nga Bashkia e Shkodrës, në bashkëpunim të ngushtë me të persekutuarit politikë, organizatën “Drejtesi dhe Paqe” dhe me bashkëfinancimin Renovabis e donatorë vendas e të huaj.

Një memorial që lartëson realitetin e vuajtjes së intelektualeve, hoxhallarëve e priftërinjve, burrave e grave, të rinjve, që vuajtën tmerrin, u masakruan, u internuan e u vranë.