PD ka paralajmëruar sot ministrin e Brendshëm, Lleshaj se do të mbaj përgjegjësi për aktet e dhunës ndaj protestuesve dhe i ka kërkuar Prokurorisë të hetojë urdhrin për dhunën shtazarake të dhënë nga Lleshaj me urdhër direkt të Ramës.

“Sandër Lleshaj dhe çdo bandit me uniformë që zbaton urdhrat e tij të paligjshëm për të goditur opozitën, do të mbajnë përgjegjësi personale. Prokuroria duhet të nisë menjëherë hetimet.”, tha Alibeaj.

DEKLARATA E ENKELEJD ALIBEAJ

Partia Demokratike dënon me ashpërsi dhunën kriminale të policisë kundër protestuesve të shtunën dhe kundër sekretarit organizativ Sahit Dollapi. Sandër Lleshaj, ky mbeturinë tranzicionit shqiptar do të mbajë përgjegjësi personale për urdhrat e paligjshëm që i ka dhënë policisë për goditjen e qytetarëve me gaz helmues luftarak dhe për përdorimin e dhunës fizike kundër protestuesve paqesorë.

Partia Demokratike disponon të dhëna të mjaftueshme për ta çuar sadistin Sandër Lleshajn para drejtësisë për shkelje flagrante të ligjit të policisë së shtetit! Prokuroria duhet të nisë hetimet e menjëhershme për të provuar se urdhri për dhunën shtazarake kundër qytetarëve është dhënë nga Sandër Lleshaj me porosi të Edi Ramës.

Sandër Lleshaj, Drejtori i Përgjithshëm i Policisë Ardi Veliu, Drejtori i Policisë së Tiranës, Rebani Jaupi dhe krimineli tjetër me uniformë Arben Baro duhet të shkarkohen nga detyra dhe të hetohen menjëherë.

Ka prova filmike se Sandër Lleshaj, i cili në shkelje të ligjit komandon operacionet e policisë kundër opozitës, është duke u larguar si hajdut nga dera dytësore e Drejtorisë së Përgjithshme të Policisë së Shtetit, pasi njoftohet të shtunën në mbrëmje për zhvendosjen e protestës së opozitës.

Bashkimi ynë në marshimin e protestës sot ne oren 18:30, për zgjedhje të lira e të ndershme të garantuara nga një qeveri e përkohshme pa kryehajdutin Edi Rama, është beteja e vërtetë europiane, që e nxjerr Shqipërinë nga udhëkryqi i rrezikshëm dhe siguron stabilitet afatgjatë për vendin.

Ne jemi sot ne krah të popullit për t’i thënë Edi Ramës dhe kujtdo tjetër që ka vendosur të ndjekë rrugën e dhunës dhe të destabilitetit, se shqiptarët e bashkuar dhe opozita nuk gjunjëzohen përpara dhunës shtazarake të një qeverie që ka ardhur në pushtet me votat e blera me krimin e organizuar.

Beteja me krimin dhe kryekriminelin ka filluar, prandaj, sot ora 18.30 te dyndemi drejt Tiranes te shporrim TIRANIN ed-ver. Ne protestojme dhe do e fitojme kete beteje me narkoshtetin e votave te vjedhura.

Librazhdasit, protestojne dhe kerkojne nje qeveri tranzitore per te garantuar zgjedhje te lira dhe te ndershme si e vetmja rruge per nxjerrjen e vendit nga kriza e rende, ku e ka zhytur ed-veri me rilindasit, si sekt barbare qe nuk njeh kufi ne shperdorimin e taksave te popullit dhe c’popullimin e vendit!

Librazhdi, proteston per shume arsye por me kryesoret jane..

1-Kunder,Sistemit autokratik te Ed-ver Rames!
2-Kunder vjedhjes dhe blerjes se votes!
3-Kunder pushtetit te inkriminuar dhe Mafioz!
4-Kunder oligarkise dhe diskriminimit te biznesit!
5-Kunder papunesise dhe korrupsionit ne cdo nivel!
6-Kunder pagave dhe pensioneve te uleta!
7-Kunder prokurorise dhe Gjyqesorit te inkriminuar!
8-Kunder mashtrimeve te qeveris per kerkesat e Studenteve!
9-Kunder lemoshes si ndihme ekonomike!
10-Kunder cmimit te energjise elektrike dhe gazit!
11-Kunder c mimit te karburanteve dhe lendes drusore!
12-Kunder mungeses se subvensioneve dhe planeve zhvillimore!
13-Kunder mungeses se infrastruktures dhe sherbimeve!
14-Kunder reformes teritoriale dhe grabitjes se taksave!
15-Kunder mashtrimeve per hapjen e 300.000 vende pune!
20-Kunder vjedhjes nepermjet partneritetit publik privat!
21-Kunder braktisjes se trojeve nga djemt dhe vajzave tona!
22-Kunder mashtrimeve per shendetesine falas!
23-Kunder largimeve nga puna dhe vendosjen e militanteve!
25-Kunder rritjes se cmimeve dhe imflacionit te pakontrolluar!
26-Kunder dhunes perdhunimit dhe droges!
27-Kunder politikaneve qe kane frike per vetingun e tyre!
28- Kunder uzurpimit te televizioneve nga mafiozet qeveritar!
29- Kunder varferise dhe besimit qe ka humbur!
30-Kunder fasades te krijuar nga rama me deputete qe flasin ne emrin e opozites, qe japin dhe leksione me injorancen e tyre, qe perdorin sulmin ndaj cdo kujt qe i permben per te mbrojutur batakun ku kane rene dhe perversitetin e tyre, qe oksigjenojne ramen dhe sektin e tij mavi. Turpin e tyre demokratet nuk do e falin.

Librazhdasit jane me ju z. Lulzim Basha dhe kerkojne prej jush qe 13 MAJ 2019 te jete dhe fundi i uzurpimit te institucioneve nga mafiozet e veshur me pushtetin ilegjitim!

Bujar Vreto

Kryetar, 
Dega e PD Librazhd
12-05-2019

Partia Socialdemokrate e Kosovës njofton se Policia ka arrestuar sot në orët e para e të mëngjesit deputetin Dardan Molliqaj, i cili është bashkëshorti i Besa Shahinit, ministres shqiptare të Arsimit.

Ai është arrestuar në banesën e tij dhe sipas PSD-së nuk ka qenë i paralajmëruar më herët për seancë apo paraqitje ne gjykatë.
‘Molliqaj është arrestuar nën arsyetimin për pjesëmarrje në protestën për lirimin e deputetit Albin Kurti, në vitin 2015.

Arrestimi i deputetit në fjalë ka qenë në kundërshtim me liritë dhe të drejtat e njeriut dhe në shkelje të plotë të procedurave ligjore. Për këtë arsye, ajo protestë ka qenë e drejtë dhe e nevojshme’, thuhet në njoftimin e PSD-së.

Partia Socialdemokrate kërkon lirimin e menjëhershëm të deputetit Dardan Molliqaj, ndërsa i cilësojnë të papranueshme veprimet e policisë.‘PSD është për shtet të së drejtës, ku respektohet liria për protestë dhe kritikë. Prandaj, për ne është e papranueshme çfarëdo përpjekje për cenimin e tyre’, thuhet në reagimin e PSD-së.

Shoqëria Civile e cilëson gjykon si anormale shpalljen e kandidaturave për kryetarë bashkie për zgjedhjet e 30 Qershorit 2019.
Reagimi vjen nga rrjeti “Zëri i Integrimit”, që është një hapësirë e lirë debati mbi Integrimin Evropian të Shqipërisë.

Përmes një deklarate publike, “Zëri i Integrimit” thekson se zgjedhjet lokale janë një moment bashkimi, ku komunitetet e bashkive, nga vetë fjala bashkësi, zgjedhin përfaqësuesit që do jenë përgjegjës dhe do u delegohet vetë – administrimi i komuniteteve, në mënyrë gjithëpërfshirëse dhe paqtuese. P

ra zgjedhjet lokale nuk kanë si qëllim prevalimin e njërës palë mbi tjetrën, e njërës skuadër mbi tjetrën, por kanë si qëllim zgjedhjen e kandidatëve që kanë mundësi reale për të sjellë zhvillim ekonomik, paqe sociale dhe harmoni ndërmjet grupimeve të ndryshme të komuniteteve bashkiake.

Reagimi i plotë:
Rrjeti i profesionistëve dhe aktivistëve të #ZëriIngrimit gjykon si anormale shpalljen e kandidaturave për kryetarë bashkie për zgjedhjet e 30 Qershorit 2019, nga ana e partive politike, bazuar në arsyet në vijim:

Zgjedhjet lokale janë një moment bashkimi, ku komunitetet e bashkive, nga vetë fjala bashkësi, zgjedhin përfaqësuesit që do jenë përgjegjës dhe do u delegohet vetë – administrimi i komuniteteve, në mënyrë gjithëpërfshirëse dhe paqtuese.

Pra zgjedhjet lokale nuk kanë si qëllim prevalimin e njërës palë mbi tjetrën, e njërës skuadër mbi tjetrën, por kanë si qëllim zgjedhjen e kandidatëve që kanë mundësi reale për të sjellë zhvillim ekonomik, paqe sociale dhe harmoni ndërmjet grupimeve të ndryshme të komuniteteve bashkiake.

Aktualisht një pjesë e mirë shoqërisë ka formalizuar kërkesën për mos – zhvillimin e zgjedhjeve në datë 30 Qershor, nëpërmjet partive përfaqësuese të opozitës.

Nga informacionet që kemi në dispozicion, si rrjet profesionistësh dhe aktivistësh, një përqindje që varion nga 20% deri në 60% të popullsisë bashkive, në varësi të preferencave të ndryshme më bashkitë e vendit, nuk pranon zgjedhje lokale në 30 Qershor.

Pra aktualisht kemi grupime të konsiderueshme brenda komuniteteve që qartësisht refuzojnë të hynë në zgjedhje lokale. Nuk duhet harruar se me mos – pjesëmarrjen e opozitës, dhe plus pjesa gri që nuk voton, rrezikojmë që bashkitë të qeverisen nga mandati i 10 – 20% e komunitetit.

Shpallja e kandidaturave, nga partitë e lidhura me ekzekutivin qendror, pa marrë parasysh vullnetin e komuniteteve formuese të bashkive, përbën një injorim të qartë nga ana e pushtetit qendror ndaj autonimisë së pushtetit lokal.

Përtej dyshimi të arsyeshëm se kandidaturat janë de facto emërime dhe jo përzgjedhje nga brenda komuniteteve, shpallja medeomos e tyre, në një verbëri institucionale, është papërgjegjshmëri e partive ndaj shëndetit të komuniteteve formuese të bashkive.

Nuk duhet harruar se partitë politike janë të rregulluara në dokumentin themeltar të Republikës së Shqipërisë, në Kushtetutë, prandaj dhe përgjegjësia e tyre bëhet thelbësore në mbajtjen e rendit kushtetues.

Kryetarët e bashkive aktualë, të cilët janë denoncuar për të kaluar kriminale, lidhje me krimin, apo krim elektoral, aktualisht, nga të dhënat që kemi në dispozicion nga media e specializuar, ose do kandidohen, ose do t’ja lënë vendin e kandidatit një pasardhësi të zgjedhur, me shumë gjasa, po nga ata vetë, pa asnjë garë brenda partisë.

Pra ka dyshime të arsyeshme se personazhet e dyshuara të botës së krimit do i kemi sërish në krye të punëve në bashki të caktuara, por kësaj radhe jo në vetë të parë, por nëpërmjet rrethit të ngushtë.

Për më tepër disa nga bandat më me influencë, edhe politike, në bashkitë e mëdha të Shqipërisë janë në proceset e përfundimit të gjykimit dhe vendim – marrja e trupave gjykuese, për koinçindencë ose jo, bie në kalë të zgjedhjeve lokale, duke shtuar një faktor tjetër influencues, me shumë gjasa për më keq.

Reforma në drejtësi ka rralluar shkallët e gjyqësorit dhe mund të jetë faktor i shtuar influencues në vendim – marrjet e kolegjit zgjedhor. Vetë reforma në drejtësi është një proces i paragjykuar nga një pjesë e madhe e popullsisë që vetë – identifikohet me opozitën politike.

II.
Pra, duke qenë se ka elemente të mjaftueshme që paragjykojnë (1) koezionin komunitar lokal, (2) paqen sociale, (3) autoniminë lokale, (4) influencën e botës së krimit mbi administrimin e territorit, si dhe (5) aftësinë e sistemit të drejtësisë për të mbajtur balancën në raste shkeljesh dhe konflikti elektoral, rrjeti i profesionistëve dhe aktivistëve të #ZëriIntegrimit rekomandon marrjen e këtyre masave:

Tërheqjen e çdo kandidature për zgjedhjet lokale të 30 Qershorit nga partitë parlamentare, si provë fillestare e angazhimit për paqen brenda komuniteteve të bashkive.

Zhvillimin e një procesi transparent për zgjedhjen e kandidatëve brenda partive dhe koalicioneve, me zgjedhje të brendshme “një anëtar një votë” dhe jo me emërim nga kryetarët, si provë fillestare e respektimit të autonomisë lokale.

Angazhim nga kandidatët se nuk do të pranojnë fitoren nëse nuk marrin më shumë se 50% + 1 të votave të komunitetit të tyre, si provë e vullnetit për të qenë përfaqësues të komunitetit dhe jo të partisë.

Krijimin e një task force speciale, me mandat dy vjeçar, të përbërë nga elemente nga Prokuroria, Shërbimi Informativ Shtetëror dhe Policia e Shtetit, të përzgjedhur dhe drejtuar nga Institucioni i Presidentit të Republikës, që do të hetojë, parandalojë dhe ndëshkojë influencën e botës së krimit në këto zgjedhje lokale.

Ngritje e një komisioni të përbashkët të përbërë nga përfaqësues të koalicioneve të partive politike, që duhet të mundësojë një marrëveshje politike për llojet dhe përmasat e shkeljeve për t’u çuar në ankimim sipas shkallëve, me qëllim lehtësimin e procesit, si dhe mekanizmin e monitorimit të vendimeve të kolegjit zgjedhor.

III.
Bazuar në këto rekomandime, rrjeti i profesionistëve dhe aktivistëve të #ZëriIntegrimit gjykon se mund të kalohet ngërçi shoqëror dhe politik që është krijuar dhe si masë të parë për këtë i bëjmë thirrje Presidentit që të vlerësojë thirrjen e koalicioneve dhe partive përfaqësuese në një tryezë dialogu, si dhe mundësinë e fillimit të procedurave për shtyrjen e zgjedhjeve lokale në një datë të përshtatshme, në mendimin tonë jo më shpejt se Tetori 2019.

Shënim: Kjo është një nismë vullnetare dhe jopartiake, e pa financuar nga asnjë palë e tretë.