Zëri i Amerikës, ka reaguar pas dhunës së ushtruar ndaj Sekretarit Organizativ të PD-së, Sahit Dollapi.

Në reagimin e saj Zëri i Amerikës shkruan se një skuadër policie e armatosur rëndë, ka sulmuar dhe dhunuar Sahit Dollapin.

Reagimi i Zërit të Amerikës

Një skuadër e shtuar policore, e armatosur dhe pajisur rëndë, arrestoi sonte në sheshin para parlamentit sekretarin organizativ të Partisë Demokratike, Sahit Dollapi, edhe pasi u identifikua si politikan, duke hequr maskën anti-gaz nga fytyra, i veshur civil dhe i pambrojtur me vetëm një celular në dorë. Forca të shumta policore janë vendosur përpara institucioneve kryesore, kryeministri dhe parlament, gjatë protestës së opozitës.

Policia e Shtetit ka nisur dhunën barbare ndaj qytetarëve, të cilët ndodhen para drejtorisë së Policisë së Tiranës.

Efektivë të FNSH kanë sulmuar me shkopinj gome protestues paqësorë, ndërsa më parë ka përdorur ujë me presion dhe gaz lotsjellës.

Në këtë moment ndërhyn ish-deputetja e Partisë Demokratike, Albana Vokshi, e cila përplaset edhe fizikisht me policët.

“S’i nuk u vjen turp”-thotë Vokshi. Më pas, policët largohen nga skena.

Video e mëposhtme tregon një nga momentet e dhunës policore.

Sasitë masive të gazit lotësjellës të lëshuar nga policia përballë drejtorisë së Tiranës kanë qenë në atë masë sa kanë mbytur me mungesë frymëmarrjeje dhe djegje sysh edhe banorët e pallateve aty pranë.

“Megjithëse kemi mbyllur grilat dhe dritaret kemi lotim dhe djegje të forta në fyt. Gjendja po bëhet e padurueshme sidomos për femijët”, deklaroi njëri nga banorët.

Edhe të tjerë konfirmuan gjendjen emergjnte që po krijohe nga shfazimi i policisë.

Presidenti i Republikës, Ilir Meta, i ka bërë thirrje Policisë së Shtetit, të lirojnë menjëherë Sekretarin Organizativ të PD-së, Sahit Dollapi.

Në reagimin e tij meta thekson se Sahit Dollapi duhet dërguar në spital për dëmtimet që i janë shkaktuar nga dhuna policore dhe jo të mbahet në burg.

Pas dhunës dhe arrestimit të paligjshëm të Sekretarit Organizativ të PD, Sahit Dollapi, vjen edhe reagimi i ish-Kryeministrit Sali Berisha.

Përmes një reagimi në Facebook, Berisha i quan policët kafshë që vërsulen shtazërisht mbi Dollapin.

Ish-Kryeministri shkon më tej teksa thotë se, vetë kryeministri Edi Rama do të paguajë për këtë akt.

“Kafshët që vërsulen shtazërisht mbi Sekretarin Organizativ të PD, Sait Dollapi! Shpagim, shpagim personalisht ndaj Edvin Krimit”, shkruan ish-kryeministri Sali Berisha.

Dhunës policore dhe përdorimit pa kriter të gazit lotsjellës dhe helmues nuk i kanë shpëtuar edhe të rinjtë evropianë që ndodhen në Tiranë në kuadër të Samitit të European Democratic Students.

E reja norvegjeze, sekretarja e përgjithshme e EDS, Sara Jurik, ndodhet në gjende të rëndë në spital pas sulmit me gaz që policia u bëri protestuesve.

Lidhur me këtë ngjarje të rëndë ka reaguar edhe ish kryeministri Sali Berisha, i cili e quan kriminal aktin e policisë.

Postimi i Berishës

E reja norvegjeze, sekretarja e pergjithshme e EDS, Sara Jurik ne gjendje te rende ne spital nga helmimi me lendet toksike te hedhura kunder protestuesve paqesore nga Edvin Kristaq Krimi dhe Vasal Kimiku! Krim. sb

Genc Sejko, ose i njohur ndryshe dhe si ‘njeriu i memeve’ ka bërë një tjetër goditje mbrëmjen e sotme.

Duke u nisur nga dhuna e policisë ndaj protestuesve, por dhe nga deklarata dhe kërcënimet e bëra nga Gramoz Ruçi ndaj Lulzim Bashës, Sejko ka bërë një tjetër meme.

Siç shihet edhe në foto, Sandër Lleshi mbrëmjen e sotme ka marrë fytyrën e Gramoz Ruçit, pasi dhuna e policisë ndaj qytetarëve, është e njëjta dhunë që protestuesit përjetuan në vitet 90-të kur në Ministrinë e Brendshme ishte Ruçi.

Forcat e Ndërhyrjes së Shpejtë kanë rrethuar Drejtorinë e Policisë së Tiranës, atje ku janë mbledhur me mijëra mbështetës të opozitës, që kërkojnë lirimin e Sekretarit Organizativ, Sahit Dollapi.

Zyrtari i PD-së u dhunua dhe u ndalua para Kuvendit, ndërsa policia sulmoi fizikisht një grup protestuesish.

Deri më tani janë hedhur disa kapsolla në drejtim të godinës së policisë, ndërsa krahas efektivëve të repartit Shqiponja janë dislokuar edhe trupat e FNSH-së.

Është zbuluar identiteti i policit që urdhëroi arrestimin e Sait Dollapit, Sekretarit Organizativ të Partisë Demokratike, pak më parë para parlamentit. Ai është është Arben Baro dhe është nga Tepelena. Baro është drejtuesi i FNSH-së.

Është ky polici i cili fillimisht e kapi për krahu Dollapin dhe më pas urdhëroi arrestimin dhe dhunimin e tij, në pamjet shokuese që po bëjnë xhiron e mediave.

Ndërkohë që Dollapi aktualisht mbahet në Drejtorinë e Policisë në Tiranë.