Kandidati për kryetar Bashkie për Dibrën, Dionis Imeraj është një tjetër emër me ‘njollë’ në CV e tij profesionale.

Edhe pse i diplomuar për Menaxhim Biznesi, dhe punonjës në Drejtorinë e  Tatim- Taksave në Peshkopi dhe më pas në Tiranë, Imeraj nuk është një figurë e pastër.

Një vit më parë Prokuroria ka nisur hetimet ndaj tij pasi u akuzua për shpërdorim të detyrës dhe korrupsion, ndërkohë Partia Demokratike ka ndihmuar drejtësinë me fakte që e implikojnë Dioni Imerajn në blerjen votash gjatë zgjedhjeve të fundit si dhe përfshijre në trafikun e lëndëve narkotike.

Imeraj sot pretendon të marrë postin e kryetarit të bashkisë së Dibrës e cila momentalisht drejtohet nga Muharrem Rama.

Policia italiane sekuestroi 400 kg kanabis në një gomone që po u drejtohej brigjeve të Salentos. Sipas mediave italiane, droga vinte nga Shqipëria.

Radarët që mbikqyrin detin e që administrohen nga Ministria e Mbrojtjes dhe ajo e Brendshme ishin të fikur.

Kështu shkruan ish-kryeministri Sali Berisha i cili ka komentuar operacionin e policisë italiane, si pasojë e të cilit u arrestuan dy trafikantët shqiptarë. Nëse do të hidhej në treg, lënda narkotike që ishte ndarë në 14 pako të mëdha, llogaritej që të kapte vlerën e 4 milionë eurove.

Postimi i ish-Kryeministrit Berisha

Vazhdon eksporti masiv i droges drejt Italise. Radaret e ndrikull Xhaçkes dhe Gjeneral Kanabisit ishin fikur, duhet te shplodheshin pak. sb

Kreu i opozitës, Lulzim Basha i ka shprehur ngushëllimet familjarëve të majorit Klodian Tanushi, i cili u nda nga jeta në një spital në letoni, pasi nuk mundi tu mbijetojë plagëve të marra gjatë misionit të tij në NATO.

Përmes një postimi në rrjete sociale, Basha i shpreh ngushëllimet e tij babit. Nënës, bashkëshortes dhe 3 fëmijëve të komandantit Tanushi.

Postimi i Bashës

Me hidhërim të thellë përcolla lajmin se sonte në mbrëmje u nda nga jeta prej plagëve të marra major Klodian Tanushi, komandanti i kontingjentit ushtarak shqiptar në misionin e NATO-s në Letoni. Ju përcjell ngushëllimet më të ndjera familjes së major Tanushit dhe miqve, kolegëve e të afërmve të tij. Në veçanti mendimet e mija shkojnë pranë bashkëshortes dhe tre fëmijëve të major Klodian Tanushit. Lutem që shpirti i tij të prehet në paqe!

Edhe ish-kryeministri Berisha, i ka dërguar një mesazh ngushëllimi familjarëve të majorit Klodian Tanushi, i cili u nda nga jeta ditën e sotme.

Në mesazhin e tij Berisha shkruan se i përulet me nderim dhe mirënjohje sakrificës sublime të komandant Tanushit.

Postimi i Berishës

Mesazh ngushellimi!

Miq, sonte u nda nga jeta komandanti i kontigjentit shqiptar ne misionin e NATOs ne Letoni, major Klodian Tanushi. Komandant Klodian Tanushi me daten 6 maj mbeti i plagosur rende ne krye te detyres nga eksplodimi i nje mine gjate stervitjes, nga i cili humbi jeten deshmorja e atdheut Zarife Hasani dhe plagosen perveç te ndjerit edhe ushtaraku Julian Kapaj.

Me kete rast, duke u perulur me nderim dhe mirenjohje te thelle para sakrifices sublime ne krye te detyres te najor KlodianTanushit shpreh ngushellimet me te ndjera familjes, te afermve, miqve te tij dhe lutem Zotit qe te gjejne force per te perballuar dhimbjen e madhe dhe shpirti i birit, bashkeshortit, prindit te tyre te dashur te gjeje paqen e merituar!

Gjithashtu nga zemra uroj sherim te plote dhe te shpejte rreshter Julian Kapajt! Sb

Major Tanushi vdiq në një spital të Letonisë si pasojë e plagëve të marra gjatë një misioni të NATO-s, ku mbeti e vdekur edhe nëntetarja Zafire Hasanaj, e cila u përcoll sot për në banesën e fundit.

Ish-deputeti i PD, Klevis Balliu, qw u lirua dje nga gjykata, ka shkuar në zonën e Astirit në mbështetje të banorëve të Unazës së Re, të cilët vijojnë me protestën e tyre, duke bllokuar qarkullimin në këtë zonë.

Gjatw fjalws sw tij, Balliu tha se, koha kur vendosin bandat ka mbaruar. “Rama i ka ditët e fundit, nuk ka forcë që na ndal. Shoqërimet e Ramës na bëjnë më të fortë. Tre të arrestuarit me mua, janë heronj.Të bashkohemi të gjithë bashkë më 11 maj”, tha ish deputeti Klevis Balliu.

Ish-deputeti demokrat nuk kurseu akuzat as ndaj kryeprokurores Arta Marku.

“Opozita nuk do të marrin pjesë në zgjedhje dhe qytetarët nuk do të marrin o pjesë në zgjedhje. Sot përballë nesh janë një grup  banditësh. Sot kemi përballë një Arta Marku, e cila nuk gjen prova për të mbajtur në burg Bajrat, por gjen prova për të mbajtur qytetarët e lirë në burg.

Ditën që u arrestova unë me qytetarët, ata liruan Bajrat, sepse iu duhen për të vjedhur shtëpinë. Të gjithë nesër orën 18:30, të bashkohemi si vëllezër dhe motra të jemi përballë kryeministrisë jo për të sjellë PD në pushtet, por për të  shpëtuar kombin”, tha Balliu gjatë fjalës tek zona e Astirit.

Ndërsa një prej banorëve paralajmëroi kryeministrin Rama dhe ministrin Lleshi se do të përgjigjen penalisht për dhunën e ushtruar ndaj protestuesve të Unazë së Re.

“Rama, Sandër Lleshi dhe të gjithë ata që kanë urdhëruar dhunë ata do të shkojnë prapa hekurave. Këta janë frikacakë, mjeranë. Ishin të armatosur deri në dhëmbë përballë grave dhe fëmijëve”, u shpreh një prej banorëve të Astirit.

Krijimet e tij ‘shkundin’ internetin duke marrë mijëra shpërndarje. Në jo pak raste janë kthyer në burim frymëzimi dhe për emisionet satirike televizive.

Bëhet fjalë për Genc Sejkon, të riun shqiptar që jeton në Angli dhe që prej kohësh është kthyer në atë që njihet si ‘njeriu meme’. Por memet e fundit të bëra nga ai kanë detyruar ushtrinë virtuale të Rilindjes të bëjë raporte të shumta.

Kjo bëri që Facebook-u të bllokonte llogarinë e tij personale për 30 ditë.

Sot, aktivisti dhe ‘mjeshtri i memeve’ Genc Sejko i është kthyer sërish profilit të tij në rrjetin më të famshëm social dhe sigurisht që nuk mund të mungonte një reagim i tiji, i shkurtër por shumë kuptimplotë.

I nxitur edhe nga situata politike, ekonomike dhe sociale në vend Sejko shprehet se: “Ky pushtet që ka frikë nga Facebook-u im, tmerrohet nga fuqia juaj”.

Më pas nuk ka munguar dhe nje meme e tija ku ka ironizuar me ministrin e Bujqësisë, Bledi Çuçi, për deklaratën që bëri për vajin e palmës.