Anulohet takimi Pompeo – Merkel

Departamenti amerikan i Shtetit, tha se është anuluar takimi i planifikuar ndërmjet sekretarit amerikan të Shtetit, Mike Pompeo dhe kancelares gjermane, Angela Merkel.
Sekretari Pompeo planifikonte të takohej të martën me kancelaren Merkel dhe ministrin e Jashtëm gjerman, Heiko Maas, në Berlin.

Departamenti i Shtetit tha se takimet duhet të ri planifikohen për shkak të “çështjeve të ngutshme”, por nuk ofroi ndonjë shpjegim tjetër për ndryshimin e planeve.

Nuk pati ndonjë koment të menjëhershëm as nga zyra e kancelares Merkel dhe as ajo e ministrit Mass. Sekretari Pompeo mori pjesë në një takim të Këshillit të Arktikut në Finlandë. Nuk është e qartë se ku do të udhëtojë ai më pas.

Departamenti i Shtetit tha se sekretari Pompeo “mezi pret që të jetë së shpejti në Berlin” për të mbajtur “serinë e rëndësishme të takimeve” që ishin planifikuar.

Sipas planeve fillestare, sekretari Pompeo pritej të diskutonte me kancelaren Merkel çështje “të interesit të përbashkët” si Ukraina, Rusia, Kina, Siria dhe Ballkani Perëndimor.

Paloka: Rama po e çon vendin në përplasje, policët mbrojnë kreun e krimit!

Nënkryetari i PD, Edi Paloka është në mbështetje të banorëve tek komisariati nr.6 në Kombinat. Gjatë një prononcimi për mediat, Paloka tha se, Rama po e çon vendin në përplasje.

Lidhur me protestën te “Fabrika e Miellit”, ai sqaroi se banorët kanë dalë në rrugë pasi panë forca të shumta policore dhe menduan se policia po u prishte banesat. Paloka denoncoi edhe dhunën policore gjatë protestës. “U sulën si bisha ndaj qytetarëve”, tha ai. Më tej, tha se Rama nuk ndalet përballë asgjëje për të përfituar nga projekti korruptiv te Unaza.

“I shoqëruar në komisarit është dhe deputeti Klevis Balliu, se është deputeti i shqiptareve pasi ka marrë votat. Është i mbyllur në komisariat se doli në mbështetje të banorëve.

Policët janë duke mbrojtur kreun krimit, Kreymsinitrin e krimit në Shqipëri. Këta janë sulur mbi qytetarët. Kanë marrë bura dhe gra duke i futur brenda dhe mbahen pa asnjë të drejtë.

I shoqëruar është edhe deputeti Klevis Balliu i cili doli në mbrojtje të banorëve që në fund të fundit mbrojnë banesat e tyre.

Rama dhe kushdo tjetër do të marrin përgjigjen e merituar, tha nënkryetari demokrat.

Me këtë sjellje vetëm ja ofron fundin vetes së tij dhe qeverisë së tij’, tha gjatë fjalës së tij nënkryetari i PD, Edi Paloka.

Ish-deputetë të tjerë të opozitës janë në mbështetje të banorëve. “Lironi djemtë tanë, Rama ik” ishin disa nga thirrjet e banorëve.

Disa protestues kanë mbetur të plagosur nga dhuna policore.

Protestuesit thanë se dy gra dhe tre burra janë në gjendje të rëndë nga dhuna fizike që policia ushtroi ndaj tyre dhe përdorimi i sprajit lotsjellës.

Bardhi nga komisariati: Nuk e njohim drejtorin kriminel të policisë së Tiranës, përgjegjësia mbi Lleshin

Sekretari i Përgjithshëm i PD, Gazmend Bardhi deklaroi pas daljes ng ambjentet e komisariatit Nr.6 u mbahen të ndalura 5 protetsues mes të cilëve edhe ish-deputeti Balliu, se opozit nga ky moment nuk e njeh më legjitimitetin e Drejtorit të policisë së Tiranës.

“Ai është një kriminel” tha Bardhi. Sekretari i Përgjithshëm i PD deklaroi se me urdhër politik të Ramës, policia po intimidon qytetarët dhe po kërkon të sajojë prova të rreme ndaj të ndaluarve.

Qindra qytetarë po protestojnë përpara këtij komisariati të policisë dhe deklarojnë se nuk do të tërhiqen deri në lirimin e të ndaluarve.

Rrethohet komisariati Nr.6, banorët kërkojnë lirimin e protestuesve të ndaluar

Qindra qytetarë së bashku me një grup ish deputetësh të PD kanë rrethuar komisariatin Nr.6 në Tiranë duke kërkuar lirimin e protetsuesve të arrestuar. Përballë protestuesve banda e Llesh kimikut ka nxjerrë forcat e ndërhyrjes së shpejtë të pajisur me armatim dhe mburoja.

Sekretari i Përgjithshëm I PD, Bardhi është futur në ambjentet e komisariatit të policisë, ndërsa protestuesit vazhdojnë të jenë në ambjentet e jashtme të policisë.
Banorët e Astirit dhe ish deputetë demokratë dolën të protestonin për të bllokuar rrugën kryeministrit i cili do të kalonte aty drejt fabrikës së miellit për një ceremoni përurimi.

Banorët jnë përplasur me policinë e cila ka synuar të mbajë rrugën hapur.

Në vendngjarje shkuan edhe Forcat e Ndërhyrjes së Shpejtë dhe të repartit “Shqiponja”

“Na shtyne, na dhunuan dhe na hodhen gaz lotsjelles. turp tu vije” thote nje protestuese. Dy banore humben ndjenjat dhe pas 30 minutave u moren nga ambulanca.

Ish deputetja demokratike Orjola Pampuri tha se protesta ishte paqësore dhe se policia e urdhëruar nga kryeministri po dhunon qytetarët.

“Ishte një protestë paqësore. Ku shkel ky palo kryeministër?! Kë dhunojnë?! Këta qytetarë që ruajnë prej 6 muaj shtëpitë e tyre këtë rrugë.. edhe ata (policët) po tu cënohej shtëpia minimumi do bëhej kështu.. hodhën gaz lotsjellës. Thjesht banorët donin ti prisnin rrugën Kryeministrit i cili vetëm burrë nuk është”

Nje banore thote: “Kemi 25 vite që jetojmë këtu, Aty janë bërë pallatet dhe u janë dhënë kompensim, ne të dalim në rrugë të madhe nuk mund të ndodhë.”

Policia ka shoqëruar në komisariat edhe ish deputetin Klevis Balliu.

“Edi Rama është në ditët e tij të fundit dhe përdor policinë kundër popullit” tha ish deputeti demokrat, Gazmend Bardhi.

Shoqërimin e Klevis Balliut, Balliu e quajti ‘hakmarrje të pastër politike”

“Sot në burg duhej të ishin ata që me projektin korruptiv tentuan të vidhnin të paktën 20 milionë euro. Klevis Balliu ka qneë në mbështetje të banorëve” tha Bardhi.

Nje banor tha: “Kemi dalë për shtëpitë tona. Duam mundin dhe djersën. Zaptues dhe hajdut është Edi Rama, ne e kapëm duke vjedhur. Kemi 7 muaj në protestë dhe ende nuk vjen të na takojë. Ne nuk e lirojmë rrugën derisa ta dalin nga komisariati ata që u shoqëruan”.

Rritet papunësia tek të rinjtë me shifrat më të larta në Europë

Papunësia te të rinjtë ngadalëson rritjen ekonomike dhe ul produktivitetin. Norma e papunësisë te të rinjtë shënoi rritje në raport me një vit më parë sipas publikimit të INSTAT mbi Tregun e Punës.

Në grupin e të rinjve që nuk janë të punësuar dhe nuk janë as duke ndjekur shkollën apo ndonjë formim profesional, 36,6% klasifikohen si të papunë, nga 35% që ishte një vit më parë. Pjesa tjetër, janë jashtë tregut të punës për arsye se janë ose të dekurajuar (11,7%), ose duke përmbushur detyra dhe përgjegjësi familjare (22,0%), ose për arsye të tjera (29,6%).

Papunësia është më e përhapur te djemtë, ku 50.4% e djemve në moshën 15-29 vjeç aktivë nuk janë të punësuar, duke ndjekur shkollën apo ndonjë formim profesional. Te vajzat kjo përqindje është 25.7.

Papunësia më e lartë se në BE dhe rajon
Në të gjithë Europën, Shqipëria ka normën më të lartë të të rinjve të cilët nuk janë të punësuar dhe nuk po ndjekin shkollën apo ndonjë trajnim. Organizata Ndërkombëtare e Punësimit ILO, publikoi pak kohë më parë një hartë mbi papunësinë e të rinjve në Europë.

Papunësia e të rinjve është një fenomen shqetësues në të gjithë rajonin e Ballkanit Perëndimor, përveç Malit të Zi. Në Bosnjë dhe Hercegovinë, përqindja e të rinjve të papunë ishte 26.4, ndërsa në Maqedoni dhe Serbi, përkatësisht 24.9 dhe 23.8%. Në Kosovë, norma e papunësisë përllogaritet rreth 30.1%.

Për të rinjtë e papunë, rrugëzgjidhje mbetet emigrimi në vendet, ku norma e papunësisë së të rinjve është shumë më e ulët. Ballkani Perëndimor, veçanërisht Shqipëria, po përjeton një valë emigrimi të grupmoshave të reja drejt vendeve të Europës Perëndimore.

Norma e papunësisë së të rinjve është më e ulët në vendet e Europës Perëndimore dhe Veriore. Holanda ka përqindjen më të ulët të të rinjve të papunë, me vetëm 4%. Pas saj renditet Norvegjia ku papunësia te të rinjtë në 2018-n ishte 4.6%.
Në Gjermani, Çeki, Zvicër, Austri dhe Suedi, norma e papunësisë varion nga 6-6.5%.

“Monitor”

Llesh kimiku nxjerr policinë me kallashnikovë kundër banorëve te Unaza e Re

Vazhdojnë sjelljet skandaloze të policisë së Sandër Lleshit kundër shqiptarëve. Qindra policë kanë sulmuar sot banorët e Unazës së Re, që i kanë bllokuar rrugën Edi Ramës.

Duke mos qenë i qetë në asnjë vizitë të tij, Edi Rama ka urdhëruar kukëllën e tij Sandër Lleshi që të sulmojë banorët e Unazës së Re.

Policët e Lleshit e kanë marrë urdhrin duke dalë në Unazën e re me kallashnikovë kundër qytetarëve.

Banorët e “Unazës së Re” në kryeqytet janë përballur sërish këtë të martë me dhunën policore. Ata kanë dalë në protestë në rrugë, pak metra larg vendit ku e zhvillojnë çdo pasdite, pas vizitës së kryeministrit Edi Rama në një biznes aty pranë.

Praninë e Ramës në zonë, banorët e kanë parë si provokim, ndërsa efektivë të shumtë të policisë janë vendosur në vendngjarje duke u përpjekur të shuajnë protestën.

Përplasje fizike, shoqërim me forcë në furgonin e policisë dhe më tej në komisarit dhe shtyrje me dhunë janë pranë në protestën e paradites së kësaj të marte. Madje një prej banorëve humbi ndjenjat. Disa prej banorëve pretenduan se policia përdori shkopat e gomës dhe nj% lloj spraji lotsjellës ndaj tyre.

Dhuna policore solli edhe irritomini e banorëve. Sharje u drejtuan prej tyre në dresë të efektivë të policisë, disa prej të cilëve ishin me armë zjarri në duar. “Ju q*** robt, motrat”, ishte mllefi i shprehur banorëve ndaj efektivëve të policisë që u përplasën me banorët.

Ndërsa një tjetër e quajti poverinë-“prostitutë”.

Ndërsa prej prej banorëve, në një intervistë me një gazetar nga terreni, e quajti kryeministrin Edi Rama “një bir “kur*e”.

Nderi i humbur i ministres së Arsimit

Nga Luçiano BOÇI

Vendimi i Presidentit për të mos miratuar kërkesën e Ministres së Arsimit për pezullimin e Rektorit, dëshmoi dhe njëherë batakun ligjor ku është katandisur qeverisja më e dështuar e të gjitha kohërave.

Rishtarja e Ramës në Ministrinë e Arsimit humbi dhe atë pak fije nder që i kish mbetur asaj, brenda kulturës së papërgjegjshmërisë e paaftësisë së instaluar aty që me Linditën.
Nën ethet e entuziazmit fillestar dhe të zellit të tepruar bindës ndaj shefit të madh, Ministrja e Arsimit konsumoi jo vetëm tejkalim ligji me pezullimin e falsifikuar, por dhe e shkeli rëndë atë me komandimin e Rektorit të ri.

A thua se bëhej fjalë për një shkollë 9-vjeçare dhe jo për një institucion të lartë me autonomi të kërkuar, por ende të pagarantuar.

Shkelja ishte aq e trashë sa tronditi dhe studentët e vitit të parë të drejtësisë.
Shkelja ishte jo thjeshtë shkelje ligjore. Më shumë dukej si fyerje ligji.

Reagimi i Presidentit në këtë rast ishte i duhuri dhe i pritshmi.
Në fakt në vazhdën e të gjitha qëndrimeve të deritanishme të përplasjeve Presidencë-Qeveri.

Përplasje që kanë dëshmuar se sot Rama dhe profanët e tij nuk e përfillin ligjin, përkundrejt një stoicizmi presidencial për të lozur me çdo kusht rolin e gjykatës së munguar kushtetuese dhe për të qenë garant i Kushtetutës.

Por çfarë e detyroi Besën të bënte një akt të tillë?
Mund të thuhet shpejt se ajo gjeti momentin për t’i çuar në tepsi Ramës me nxitim, kokën e kërkuar prej kohësh të Konit.

Për të fituar sadopak buzëqeshjen e ngërdheshur të tij.
Sikurse mund të vërtetohet se gjithçka ka të bëjë me dëshirën e Kryeministrit shullazist, për të kontrolluar e bërë zap Universitetin në pragzgjedhje.

Njëkohësisht për të zbutur shpirtrat e trazuar studentorë, duke u hedhur atyre në mes fajtorin e krijuar dhe jo fajtorin real që është ai vetë.

Por këto hyjnë në rendin e arsyetimeve të thjeshta. Besa deri këtu shkon. Deri tek humbja e nderit. Ndërsa Rama ka dëshmuar që është më i thellë në instalimin e aplikimin e së keqes.
Qëllimi i tij dhe në këtë rast është akoma më diabolik.
Përpos arsyeve të parashtruara, lufta me Konin është mbi të gjitha një luftë trojesh ndërtimi e interesash financiare.
Këto përfshijnë territorin e kampusit dhe jo vetëm.
Por nuk mbaron këtu. Projekti goditës ndaj UT është edhe më i thellë.

Me largimin e tij të konsideruar pengesë e jobashkëpunues, Rama kërkon të zbatojë kapitullin XII, të ligjit antikushtetues të Arsimit të Lartë.

Kërkon ta kthejë atë në Universitet Publik të Pavarur, duke ia dhënë çelësat në dorë të kësaj pasurie kombëtare, njërit prej klientëve të tij.

Kjo do të finalizonte dominimin pasuror e politik të botës Universitare.
Po Ministrja e Arsimit?!

Ajo e mbaroi tashmë misionin e saj me dështim.
Humbi nderin dhe së shpejti pret të humbasë dhe detyrën.

Civilët brenda policisë që dhunojnë qytetarët te Unaza e Re janë identifikuar dhe do të përgjigjen deri…

Ish-kreu i grupit parlament te Lëvizjes Socialiste për Integrim Petrit Vasili ka reaguar ashpër pas dhunës së ushtruar nga policia ndaj banorve të Unazës së Re.

Postimi i tij i plotë

Maskarenjtë e policisë ndalojnë dhe dhunojnë poshtërsisht banorët e Astirit, ndalojnë Klevis Balliun dhe mbrojnë hajdutet dhe kriminelët e qeverisë, që vodhën 40 milion euro tek projekti i Astirit.

Gjakosin qytetarët e ndershëm, që mbrojnë pronën e tyre, djersën dhe gjakun e tyre nga faqezinjtë e qeverisë të kapur në flagrancë duke vjedhur paratë e shtetit.

Civilët brenda policisë që dhunojnë qytetarët janë identifikuar dhe do të përgjigjen deri në një, ata vetë përsonalisht dhe ata që i komandojnë.

Policia perfundimisht armike e qytetareve dhe mbrojtese e kusareve.

“Rama nuk kalon” përleshje mes qytetarëve dhe bandës, ka të plagosur nga banorët

Vazhdon beteja e qytetarëve kundër Ramës në Unazën e Re. Qindra qytetarë janë përleshur me policinë pasi më parë i kishin bllokuar rrugën e kalimit Ramës.

Pasi banorët kanë protestuar në mënyrë paqësore, menjëherë kanë mbërritur forcat special ta pajisur deri me armë automatike kundër protestuesve. Kjo ka sjellë përleshje ku disa qytetarë janë plagosur nga goditjet me mejte të forta nga banda në polici.

Qytetarët nuk janë tërhequr nga protesta dhe vazhdojnë të përplasen me bandën në polici. Banorët kanë bllokuar të dyja rrugët e kalimit të Unzës së Re në shenjë revolte ndaj reagimit brutal të bandës në polici.

Terror te Unaza e Re, policia sulmon dhe plagos banorët, mes tyre edhe gra

Situatë e rëndë tek Unaza e re, ku policët e Lleshit kanë sulmuar banorët që dolën për të protestuar kundër Edi Ramës.

Por protesta e ka tërbuar Edi Ramën që kohët e fundit nuk gjen qetësi në asnjë vend.

Ai ka urdhëruar policët që të sulmojnë banorët. Forcat e Ndërhyrjes së Shpejtë kanë ndërhyrë brutalisht ndaj banorëve duke i qëlluar e duke lënë disa të plagosur.

Disa grave u ka rënë të fikët nga dhuna e policisë, ndërsa të tjerë banorë janë shoqëruar për në komisariat.

Situata në zonën e Unazës së re është e rëndë.

Banorët kanë bllokuar rrugë për të mos lejuar kryeministrin Rama të futet tek Fabrika e Miellir ku kishte paralajmëruar një vizitë.

Gjatë kësja përleshje, Policia ka futur në furgonët e saj dhjetra protestues e ndër ta edhe ish-deputetin Balliu, që ishte në mbështetje të banorëve që kërkojnë kompensim për shtëpitë dhe pronat që do t’u shemben.

Rama ishte nisur për tek fabrika ‘Miell Tirana’, për ka hasur në bllokadën e banorëve. Ai është futur tek fabrika, duke ndjekur një rrugë tjetër mes pallateve, nga pas fabrikës.

Banorët e zonës së Unazës së re që kanë më shumë se 4 muaj në protestë në mbrojtje të shtëpive të tyre i kanë bllokuar rrugën Edi Ramës.