Pas tre javë pezullimi nga detyra e Rektorit të Universitetit të Tiranës, Mynyr Koni është rikthyer në detyrë. Në një intervistë për Ora, ai tha se vlerëson maksmialisht Presidentin Meta.

“Unë kam qenë i pezulluar për tre javë dhe sot pas dekretit të presidentit unë vazhdoj të ushtroj kompetencat e rektorit të Universitetit të Tiranës”, tha Koni.

dërkohë pyetjes se si e vlerësonte dekretin e Presidentit Ilir Meta, ai ju pergjigj.

“Dekretin e presidentit dhe relacionin shpjegues të  tij shpjegues e vlerësoj maksimale. Një qëndrim shtetari me përmasat e një politikani, i cili e ka treguar gjatë gjithë kohës së tij kuy mbrojti dhe siguroi autonominë institucionale dge garantoi lirinë akademike, të drejtat e fituara nga ana kushtetuese.

Kështu që në emrin tim personal, të stafit akademik të studentëve të UT-së e vlerësoj maksimalisht. Nga ana tjetër e garantoj presidentin dhe gjithë strukturat e universitetet që do të punoj në përkushtueshmëri”.

Persona të armatosur dhe me maska kanë hyrë në banesën e një biznesmeni dhe pasi e kanë lidhur atë dhe bashkëshorten i kanë marrë një sasi të konsiderueshme parash si dhe sende me vlerë.

Ngjarja është regjistruar mbrëmjen e 6 prillit, 2019 në fshatin Çiflig të Korçës. Sipas informacioneve të para dyshohet se autorët kanë qenë tre persona, ndërsa pronari i banesës thotë se kishin aksent verior.

Nevruz Vila ka rrëfyer për mediat momentin e ngjarjes : “Po hanim darkë me bashkëshorten. Më lidhën duart dhe gojën mua dhebashkëshortes. Mua më morën lekët që kisha në xhep, nja 1.6 mln lekë si dhe më hoqën varësen që kisha në qafë. Mirë që u shkëput lehtë ajo. Pastaj dëgjuam zhurmë në dhomat e gjumit. Na thanë të mos lëvizim”

Ai tregon se është pronar i një gomisterie servis dhe anije peshkimi Durrës dhe se në xhep kishte pasur lekët e xhiros së biznesit të tij.

Autorët kanë qenë të veshur me uniforma policie. Vila tregon se policia e ka gjetur me duar të lidhura.

Ndërkohë që zyrtarisht nga policia e Korçës nuk ka asnjë njoftim.

Grabitësit që dyshohet se kanë qenë tre persona të armatosur kanë marrë 1.6 milonë lekë të vjetra.Tre grabitësit kanë dhunuar edhe bashkëshorten.

Sipas burimeve personat kanë qenë të veshur me uniforma policie, dhe të armatosur, ndërsa kanë lidhur çiftin e bashkëshortëve që gjendej në banesë. Ata perfituan nga errësira dhe ikën.

Nga Kastriot Dervishi

Prej vitesh përmendej emri i këtij partizani që pas lufte u përshi në forcat e Divizionit të Mbrojtjes së Popullit. Vrasjet dhe sidomos torturat shtazarake ndaj grave, e bënë kaq të njohur për keq toger Babën, sa vetë regjimi i detyrua ta ndëshkojë. Një injorant dhe i pashkollë, përfaqësues tipik i regjimit të injorantëve filloi të ndjekë metodat tipike për vrasës dhe hajdutë. Hodo Habili u arrestua më 1.6.1947. Më 5, 14 qershor 1947 merret në pyetje nga Fadil Kapisyzi e më pas nga Zoi Themeli e Mustafa Qilimi. Hodo Habilit, lindur në vitin 1918 në Kuç të Vlorës, analfabet, me profesion bujk, me origjinë shtresë e varfër fshatare, ilegal nga viti 1942, por partizan nga maji 1944 me brigadën e 8-të, e më pas në brigadën e 6-të, ku kishte përgjegjësi deri komandant kompanie. Kishte shkuar deri në Bosnjë me formacionet partizane. Pasi vjen në Shqipëri u vendos rreth shkurtit 1945 me forcat e brigadës së 2-të të Mbrojtjes së Popullit në Shkodër, “për ndjekjen e kriminelëve”, në Koplik.

Kështu në prill 1945 ai thotë se vartësi i tij Pertef Pëllumbi kishte torturuar disa gra në fshatin Vermosh. Nga Kopliku, zhvendoset në Mirditë me detyrë “ndjekjen e kriminelëve”. Në maj 1947 ai arreston dhe torturon Pjetër Kolë Mhillin nga Kallmeti. Pas tij arreston Kolë Simonin dhe Gjyste Voglin. Duke qenë pjesë e një bande në pushtet, vendos bashkë me një komunist tjetër që Pjetër Kolë Mhilli të pushkatohej rrugës për në Lezhë. Patrulla zbatoi me “përpikëri” urdhrin e tij. së bashku me një komunist tjetër, vendosin që Kolën dhe Gjysten t’i pushkatonin. Të parin e pushkatoi me të njëjtën metodë se Mhillin, ndërsa për Gjysten u vonua.

Deklarata të toger Babës

-Para se të bëja vrasje kam arrestuar një vajzë në katundin Fishtë, mbasi isha informuar se strehon ilegalë. Mbasi e arrestova, pasi e kërcënova, ua dhashë partizanëve ta shtrëngojnë. Ata e torturuan. Më pas e thirra në një dhomë dhe detyrova dy gra që ta zhvishnin lakuriq. Por pasi këto nuk e zhveshën dot, pas vajza nuk deshi dhe qante, e detyrova unë që të zhvishej lakuriq. Kjo prej frikës time u zhvesh siç e ka bërë nëna. Pasi e zhvesha e lashë mëse një gjysmë ore të zhveshur dhe pastaj e lashë të vishej. Vajzën e zhveshur e panë veç disa ushtarëve, edhe disa nga populli.

-Pas 3-4 ditësh kam arrestuar edhe një burrë në këtë katund dhe e kam zhveshur lakuriq, nga mbrëmja deri në mëngjes. Atëherë e lashë të vishet dhe e lirova. I thashë të më dorëzonte të vëllanë. Këtë e kanë parë edhe disa katundarë.

-Në katundin Mnellë kam shtrënguar dy murgesha që të na tregonin lidhjet që kishin me ilegalët dhe që sabotonin vajtjen e rinisë në hekurudhë. Njërën prej tyre, nga shtrëngimi që i bëra unë prifti e çoi në shtëpi.

-Në katundin Kallmet ku pushkatova Pjetër Kolë Dushin, para se ta pushkatoja, në darkë thirra vajzën e tij, e mbajta dy orë, pastaj e lirova. Nuk i kam bërë gjë.

-Kam zhveshur një grua në katundin Dedaj të Koplikut dhe ashtu e kam futur në dëborë. Andej kam rrahur edhe disa njerëz. Mace nuk i kam futur njeriu në pantallona.

Procesi ndaj Hodo Habilit nisi më 14.6.1947 në Hajmel nga Gjykata Ushtarake e Shkodrës. Në fillim, i pandehuri deklaronte se ishte dekoruar disa herë, se ishte kundër ballistëve e zogistëve. Në gjyq sillen deklarata të ndryshme për torturat e krimet e toger Babës.

Gjyste Gjergj Vogli nga Hajmeli, dëshmoi në gjykatë:

“Në shtëpinë e kushëririt tim Kolë Simonit ka ardhur toger Baba. E ka lidhur kushëririn dhe i ka nxjerrë të gjithë jashtë. Ka ardhur nga ana e shtëpisë sime dhe pasi i mbylli të gjithë në një dhomë më pyeti e ku i kisha vëllezërit. Kur unë i thashë se i kam jashtë më tha të siguroja derën. Unë i thashë se dera e siguruar ishte, por ai më tha të ngrihesha e ta siguroja pasi do bënim dashuri në qoftë se doja që unë e Kola të shpëtonim gjallë. Duke u ngritur vetë në këmbë, më tha që nuk e hante këtë gjë të rrinte me derë hapur e të vinin vëllezërit e mi e ta kapnin. Për këtë mori një hekur për t’ia vënë derës. Erdhi te unë me automatik në dorë e më tha: ‘unë ja të shkërdhej ty sot, ja shkërdhej Krishtin tënd’ e filloi më bëri ato që më bëri që nuk mund t’i them dot”.

Me vendimin nr.192, datë 15.5.1947 gjykata e deklaroi fajtor në bazë të ligjit nr.41 dhe e dënoi me vdekje, në litar. U la në fuqi me vendimin nr.154, datë 27.6.1947 të Gjykatës së Lartë Ushtarake.

Telnis SKUQI

Të thuash që Florenc Llanaj, nën/drejtor i Spitalit të Sarandës, një nga tetë të ndaluarit gjatë ditë së sotme për llogari të Prokurorisë së Krimeve të Rënda me akuzën “Trafikim ndërkombëtar të lëndëve narkotike” është gjeni, këtë vetëm deputeti socialist Alket Hyseni mund ta shpjegoj.

Qytetarët e Sarandës duan të dinë se kush e vendosi në pozicionin e nën/drejtorit, duke spostuar një specialist, dhe çfarë merite kishte djali i ish drejtorit të arsimit të Sarandës?!

Të gjithë saranditët e dinë që Florenci është ekonomist analfabet funksional, por merita e tij ishte se kishte dy aftësi: të flirtonte me deputetin dhe të jepte haraç tek ai nga fitimet e majme të rrugëve të drogës.

Florenc Llanaj, nën/drejtor i Spitalit të Sarandës, është një nga personat e ndaluar në orët e fundit nga Forcat e Ndërhyrjes së Shpejtë, në megaoperacionin që ka nisur që në orët e para të mëngjesit të sotëm.

Florenc Llanaj i cili është djali i drejtorit të Arsimit,  akuzohet si kreu i një bande që merrej me trefikimin e lëndëve narkotike.

Emri i tij thuhet se ka dalë nga përgjimet e Prokurorisë së Krimeve të Rënda, ku ka rezultuar i përfshirë në trafikun e drogës.

Të ndaluar të tjerë në këtë operacion janë edhe shtetasit: Adrian Xhibro, Edvin Xhibro, Mikel Jorgji, Armando Zholi.

Ndërkohë FNSH arrestoi më herët edhe dy femra, por që më pas u lanë të lira.