“Bojkot ndaj çdo ekrani të paguar me lekët që u vidhen shqiptarëve për t’u bërë vegla të autokratit më të korruptuar e të inkriminuar të Ballkanit kundër opozitës dhe qytetarëve”, u shpreh Basha gjatë fjalës së tij para protestuësve në Elbasan.

“Shërbëtorucët e ekraneve qeveritare i dalloni fare lehtë. Në ekranet e tyre, të njollosura nga paratë që u grabiten shqiptarëve dhe u jepen pronarëve të këtyre ekraneve, bëhet propagandë nga mëngjesi në darkë kundër bashkimit të shqiptarëve, kundër tiranisë, bëhet propagandë kundër opozitës, shpiken sebepe pse qëndresa jonë po shqetësoka qytetarët dhe qarkullimin e tyre, vetëm për shkakun se pronarët e këtyre televizioneve marrin miliona euro të vjedhura nga xhepat tuaj, drejtpërdejt nga Edi Rama dhe i shërbejnë Edi Ramës, duke u munduar të këndojnë këngën e vjetër të përçarjes.

Turp për ta! Dua t’i paralajmëroj sot se, përveç shërbimit që i bëjnë padronit të tyre, njësoj si oligarkëve, njësoj si kriminelëve, shqiptarët nuk do t’ua falin! Mos i mërrni shqiptarët për budallenj! Ekranet tuaja janë të djegura.

Bojkoti ndaj jush është përgjigja më të cilën shqiptarët do t’ju kthejnë reston. Bojkot ndaj çdo ekrani të paguar me lekët që u vidhen shqiptarëve dhe që cilët janë bërë sot veglat e autokratit më të korruptuar e të inkriminuar të Ballkanit, njeriut që ka bllokuar integrimin europian të Shqipërisë dhe që e trajton Elbasanin dhe Shqipërinë si çiflig.

Po kështu, përgjegjësi do të mbajnë edhe oligarkët, edhe ata që fusin duart në buxhetin e shtetit, në xhepat e qytetarëve shqiptarë dhe, nga ana tjetër, kthejnë kokën e bëjnë sikur nuk shohin padrejtësitë që bien mbi kurrizin tuaj.

Ta dinë fare mirë se jo vetëm qeveritarët, jo vetëm nëpunësit, por të gjithë aksesorët e Edi Ramës në këtë krim kundër Shqipërisë do të mbajnë përgjegjësi. Dita dhe ora për këtë po afron dhe nuk ka fuqi mbi tokë që ta ndalë”, u shpreh Basha.

Kreu i opozitës lulzim Basha u shperh se, ne do t’i heqim vizën Edi Ramës dhe bashkë me të edhe krimit të organizuar. “I them Europës, mos ndëshko popullin tim, ne do ia heqim vizën Edi Ramën, bashkë me të edhe krimit të organizuar. Ne do t’i kthejmë shqiptarëve dinjitetin që u takon”, u shpreh Basha.

Kreu I opozitës, Basha ka treguar edhe njëherë bindjen e tij dhe të opozitës se më 30 qershor nuk do të ketë zgjedhje.

Për Bashën, opozita nuk do të lejojë që më 30 qershor Bashkitë të kapen nga kjo maxhorancë, e cila më pas ti përdorë si taksidarë kundër qytetarëve të saj.

Këta tradhtuan qytetarët kur i mashtruan për shëndetësinë falas, për uljn e taksave dhe u sulën si çakej duke ngritur çmimin e naftës duke e bërë më të shtrenjtin në Evropë.

Gjatë fjalës së tij para protestuesve të shumtë në mbikalimin e Bradasheshit në Elbasan, Basha u shpreh se, me Ramën kryeministër Shqipëria është zhytur në mjerim.

“Zullume e krime në jetën e çdo shqiptari. Në këtë protestë janë bashkuar hallet e qindra mijëra të rinjve sikundër në të gjithë Shqipërinë. Sot jetojnë kohët më të pasigurta që ka njohur rinia dhe drejtohen të largohen drejt pasigurisë së emigracionit.

Ekonomia në duart e kriminelëve, paratë shkojnë në xhepat e kryeministrit, Damian Gjiknuri e Qazim Sejdini me shokë. Gjendja e fermerëve ka arritur kufijtë e ekzistencës, sikundër mjekët, infermierët dhe mësuesit.

Ne jemi këtu e nëna e të gjitha të këqijave është vjedhja e votës. Duke tjetërsuar vendimin e shqiptarëve Rama ka shkatuar mjerimin më të madh, papunësinë më të madhe, dëshpërimin më të madh”, deklaroi Basha.

Katër oligarkë që vjedhin 33 miliardë euro dhe nuk bëjnë asnjë shërbim, por shkatërrojnë ekonomimë. Edi Rama nuk ka forcë që të shpëton.

Ne jemi bashkë për të çeluar së bashku ditën e re të shpresës për Shqipërinë. Që nesër ligji të jetë i barabartë për të gjithë, ku të mos punojë për taksidarët e terrorit.

Do t’i japim fund makthit ekonomik, mjerimit dhe shpopullimit të shqiptarëve.

Unë ju jap fjalën se jemi bashkë jo thjesht për një rrotacion por mbi të gjitha për ti dhënë fund tranzicionit të gjatë në Shqipëri.

Pa votë të lirë, pa zgjehdje të lira, nuk mund t’i japim fund mjerimit, nuk mund të ndërtojmë një shëndetësi që të kujdeset për një njerëzot, pa një parlament dhe qeveri legjitme, është e pamundur të ndërtojmë një ekonomi të qëndrueshme.

Do të bëjmë realitet për shqiptarët ëndrrën evropiane. Ne hoqëm bizat, futëm vendin në NATO, por sot me këto standarde nuk mund të bëhemi pjesë e sotme e Evropës

I them Evropës, mos ndëshko popullin tim, ne do ia heqim vizën Edi Ramën, bashkë me të edhe krimit të organizuar. Ne do t’i kthejmë shqiptarëve dinjitetin që u takon.

Beteja vazhdon, me 30 qershor ne nuk do të lejojmë farsë zgjedhore.

Zgjedhje pa opoziutën huk do të ketë. Kjo ditë nuk do të gdhijë më 30 qershior dhe këta nuk do ti kapin bashkitë”, tha Basha.