Gjatë takimit me të rinjtë në kryeqytet, kreu i PD, Lulzim Basha është shprehur se, djegia e mandateve ka qenë vendimi më demokratik i opozitës, ndërsa theksoi edhe një herë se, largimi i Ramës nga posti i kryeministrit është i panegociueshëm.

“Largimi i Ramës është i panegociueshëm, qeveria transitore është rruga e vetme. Nuk mund të ishim më pjesë e teatrit të kukullave. Në cilin vend të botës parlamenti voton ligje që ti marrë lekët e shumicës e t’ia japë pakicës.

Në cilin vend të botës nuk rriten rrogat e mjekëve dhe infermierëve, këto lekë shkojnë dhe bëhen koncesione. Madje në cilin vend të Ballkanit ndodh që shteti të mos parashikojë subvencione për fermerin dhe të ketë një politikë kaq çnjerëzore ndaj fermerit.

Sot të punosh tokën në Shqipëri nuk është më bekim, por mallkim. Djegja e mandateve ka qenë vendimi më demokratik i PD dhe aleatëve të saj. Asgjë nuk na ndal, asnjë imunitet, asnjë privilegj. Ballë për ballë me të keqen. Jemi të sigurtë se jemi shumica politike dhe morale”, u shpreh kryedemokrati.

Gjatë fjalës së tij, Basha u shpreh se, Shqipëria ndodhet në udhëkryq pasi vendi jo vetëm që nuk po shkon drejt BE-së, por po kthehet vite pas.

“Dua tju falënderoj për këtë javë aksioni politik të paprecedentë, me shpirt dhe me zemër. Këtu nuk ka punë përgjysmë, ose bëhet ose nuk bëhet fare. Unë e di që ju jeni njerëz qytetarë dhe familjarë.

Këto janë 6 vite të vështira për Shqipërinë, për rininë, për fëmijët, për arsimin, për shëndetësinë. Ja ku jemi sot, një ditë e veçantë për Shqipërinë dhe të ardhmen e saj evropiane. Se sa e drejtë dhe vendimtare është rruga që kemi ndjekur.

Për një qeveri të vërtetë që e lidh fatin e vetë me njerëzit, për një drejtësi me një standard dhe jo me dy. Ashtu siç kishim paralajmëruar nuk ka as zhvillim, as mirëqenie dhe as integrim. Nuk mund të ketë hapje negociatash për një vend ku zgjedhjet janë vjedhur dhe kriminelët nuk dënohen.

Këto nuk janë standarde evropiane, por afrikane. Me më të korruptuarin, Edi Ramën, jo vetëm që nuk bën asnjë hap përpara drejt BE por po na kthen 10 vite pas”, është shprehur Basha.

Ish-deputeti i PD, Gent Strazimiri ka reaguar pas deklaratës së kryeministrit të Kosovës, Ramush Haradinaj se, është vënë nën presion dhe është shantazhuar nga homologu i tij, Edi Rama për të hequr taksën ndaj produkteve serbe.

Përmes një postimi në Facebook, Strazimiri shkruan se, interesi kombëtar për momentin është jetim.

“RRËNQETHËSE! Sa herë sundojnë vëllezërit e Miladinit, interesi kombëtar mbetet jetim, i VETMUAR!”, shkruan Strazimiri.

Kryeministri i Kosovës, Ramush Haradinaj, ka bërë një deklaratë të fortë teksa u shpreh se, është vënë nën presion dhe është shantazhuar nga homologu i tij, Edi Rama për të hequr taksën ndaj produkteve serbe.

E gjitha kjo ka ndodhur mbrëmë në Samitin e Berlinit, në sytë e kancelares gjermane Angela Merkel, presidentit Emmanuel Macron dhe gjithë liderëve të rajonit.

“Edhe dje u përsërit ajo që ka ndodhur në të kaluarën. Isha krejtësisht i vetëm. Edhe presidenti, edhe Edi Rama, ma shumë bënte presion Edi Rama me heqë taksën, se sa udhëheqësit e tjerë.

Ai kërkonte që të mos e humbim këtë “shans” për të heqë taksën. Ka qenë një insistim i pandalshëm, në gjuhë që i merrshin vesh kanclarja, presidenti francez, në anglisht. U jam përgjigjur se taksën e kemi vu prej zorit, sepse siguria nacionale ka qenë e rrezikuar, jo vetëm ekonomia”, është shprehur Haradinaj.

Gjermania dhe BE po e bën të qartëpërvijojnë një ndryshim të plotë të kursit në Ballkan he më konkretisht në Shqipëri, Serbi dhe Kosovë. Përmes rreshtave të analistes së mëposhtme kuptohet qartë se Bashkimi Europian gaboi kur besoi se “stabilokratët” duhet të mbështeteshin kur rrënonin demokracinë dhe kjo ka ndodhur dhe po ndodh sot në Shqipëri me tolerimin që i është bërë blerjes së zgjedhjeve nga krimi i organizuar i lidhur me pushtetin. Duket se ky kurs politik i gabuar ka marrë fund dhe ndryshimi do të nisë nga Shqipëria.

Adelheid Feilcke
Stabilitet, stabilitet, stabilitet – ky është elementi bashkues që do ta bëjë Gjermaninë dhe Francën të kujdesen sërish më intensivisht për vendet e Ballkanit Perëndimor. Ai është edhe emëruesi i përbashkët i një politike mes Berlinit e Parisit, që nuk është pa dallime kur vjen puna tek Ballkani Perëndimor. Por edhe një pikënisje realiste pozitive, që artikulon qartë interesin për Ballkanin, pa pasur pritshmëri të kota dhe ndezje shpresash.

Në samitin për Ballkanin Perëndimr në Berlin, që në fillim të dy politikanët e nivelit të lartë, nuk e fshehën, se për çfarë nuk do të bëhet fjalë në këtë takim joformal: Nuk do të flitet për perspektivën europiane, as për Procesin e Berlinit, dhe as “për t’i diktuar një zgjidhje” Prishtinës dhe Beogradit në konfliktin për çështjen e Kosovës.

Se përse do bëhej fjalë më shumë, edhe kjo u bë e qartë: Siguria, luftimi i kontrabandës së armëve, terrorizmi, migracioni i pakontrolluar dhe kriminaliteti i organizuar. Këto janë interesat e përbashkët prioritare për rajonin.

Kujdes me stabilokratët
Prioriteti i stabilitetit e bën politikën për Ballkanin Perëndimor konsekuente dhe të argumentueshme në Europën e BE-së, por ai duhet të përplotësohet politikisht. Sepse në fund stabilitetin e dëshiruar mund ta garantojë vetëm një partner i besueshëm politikisht.

Dhe besueshmëria e politikës funksionon edhe në Ballkanin Perëndimor përmes organeve demokratike të kontrollit dhe politikës demokratike të legjitimuar. Kush nuk e merr seriozisht sa duhet sot shtetin ligjor, nuk ka për të qenë aq serioz edhe në politikën e jashtme.

Të besosh tek stabilokratët, që vërtet zbusin valët e refugjatëve, por gërryejnë nga brenda demokracinë është dritëshkurtësi. Gabimet e bëra në rajone të tjera nuk duhet të përsëriten në Ballkanin Perëndimor!

Prandaj është shumë e vlerësueshme, që megjithatë në fund të këtij samiti të Ballkanit Perëndimor dolën konkluzione politike të bashkëiniciatorëve gjermano-francezë. Ato u sjellin ndër mend pjesëmarrësve ndër të tjera detyrimin “për qëndrim të patundur pro demokracisë, […] shtetit ligjor dhe akte të përgjegjshme shtetërore, për luftimin e korrupsionit si edhe forcimin e rolit të shoqërisë civile dhe mediave të pavarura.” Letra thuhet, se është durimmadhe. Por do të kishte qenë fatale, nëse ky sinjal nuk do të jepej.

Pikërisht ndërlidhja e interesave të stabilitetit dhe një politikë europiane e orientuar nga e ardhmja bëri që të arrihej vitin e kaluar një sukses historik në grindjen dhjetëvjeçare mes Greqisë dhe Maqedonisë së Veriut.

Efekti i këmbënguljes së Merkelit dhe Macron
E parametra të tillë duhet të jenë vijat orientuese edhe në zgjidhjen e konfliktit të Kosovës. Grindja mes Prishtinës dhe Beogradit ishte ndoshta arsyeja më urgjente për thirrjen e samitit, por edhe detyra më e vështirë e tij: Duhej të fshihej përfundimisht nga tryeza e bisedimeve ideja e korrigjimit të kufijve në kompensimin mes Kosovës dhe Serbisë, një “deal” që presidentët e të dyja vendeve me mbështetjen amerikane prej muajsh e kishin sjellë në skenë. Kjo bëri që në kryeqytetet europiane të binin sirenat e alarmit.

Sepse u thye një tabu: Zhvendosja e kufijve si pjesë e një kompensimi bilateral. E jo pa të drejtë shumë i tremben një efekti negativ në vendet fqinje, veçanërisht në Bosnje-Hercegovinë, një konstrukt i brishtë i rrezikueshëm nga thyerje të tilla tabush etnopolitike.

Këmmbëngulja e Merkelit dhe Macron për një dialog të udhëhequr nga BE e dha më në fund një efekt: Serbia dhe Kosova duan sërish të futen në dialog nën ndërmjetësimin e BE-së, me qëllimin e arritjes së një marrëveshjeje të zgjeruar dhe përfundimtare, që i shërben stabilitetit në rajon dhe hap rrugën drejt Europës.

Sikur gjysma e konkluzioneve të këtij samiti të çohet seriozisht përpara, atëherë ky samit arriti shumë: Mbi bazën e interesave të përbashkëta të stabilitetit arrihet uniteti mes Gjermanisë dhe Francës në politikën për Ballkanin Perëndimor.

Ky duet i fuqishëm europian sjell kështu një dinamikë të fuqishme në proceset e ngecura apo të orientuara gabim në rajon, sidomos në marrëdhënien mes Kosovës dhe Serbisë. E rëndësishme është që ky impuls dhe presion të mbahet gjallë nga Berlini dhe Parisi. Ndryshe ato do të bëheshin shpejt pluhur diku mes Beogradit e Prishtinës.

“DW”

Ish-kryeministri i Shqipërisë, Sali Berisha, ka thënë se Samiti i 29 prillit në Berlin, ka qenë një zhgënjim i madh për ideatorin e krijimit të Serbisë së Madhe, Aleksander Vuçiqin, dhe argatët e tij, Hashim Thaçin e Edi Ramën, pasi Merkel dhe Makron kanë dalë kategorikisht kundër idesë për korrigjim të kufijve.

“Miq, Samiti i Berlinit me qëndrimin e tij të prerë kundër Serbisë së madhe dhe coptimit të Kosovës ka zhgënjyer presidentin serbomadh, Vucic, dhe argatët e tij në këtë projekt, Miladinin shqipfolës, pra argatin e tij në Prishtinë dhe Zografin bis, argatin e tij të Tiranës”, shkruan Berisha në profilin e tij.

Berisha thotë se të tre, Vuçiq, Thaçi e Rama, kanë mbetur duarbosh nga ky takim, pasi që në shërbim të ruajtjes së karrigeve të tyre dëshirojnë të ndezin konflikte të reja në Ballkan.

Sipas tij për të zbehur rëndësinë e këtij takimi, të tre shpërndanë lajme të ndryshme se si ‘Samiti ishte zhgënjyes’.
“Të tre këta të mbetur duarbosh dhe të damkosur si sherrexhinj, që për karriget e tyre duan të ndezin me projektin e Serbisë së Madhe konflikte të reja në Ballkan, përvecse me fotot e tyre të nxira që bënë xhiron e mediave ndërkombëtare, e vunë në garë për të shpërndarë lajme sa më të këqija që deklarojnë se ‘samiti ishte i rëndë’, se ‘nuk solli asnjë rezultat konkret’, se nuk ka pasur asnjë përparim dhe se ishte ‘zhgënjyes”, vazhdon Berisha, raporton Gazeta Express.

Berisha përmend edhe gafën e Edi Ramës me Deutche Ëellen, rreth gjatësisë së takimit me Merkelin. Ai thotë se për të mashtruar shqiptarët, Rama ka përdorur edhe ‘Baton Stanishiqin’.

“Kulmin ne këtë aspekt e arriti Zografi Bis qe i lejoi vetes te falsifikojë ne facebookun e DË lajmin per takimin e tij te shkurtër me pak se gjysmë ore me kancelaren Merkel sepse ishte përgatitur ta deklaronte se paku 80 minutesh.

Madje ne skizen e tij ai përdori çirakun e Baton Stanishiqit për te mashtruar pafytyrësish shqiptaret duke thëne për hapjen e negociatave me Shqiperine pikërisht ate qe Kancelarja nuk kishte thëne, gjë qe doli qarte nga njoftimet zyrtare te qeverise gjermane.

Në fund Berisha thotë se ‘gangsterët e Ballkanit në Berlin morën atë që mëritonin. “në të vërtetë një rezultat i rëndëishëm i Samitit ishte se këta gangsterë të Ballkanit që luftojnë vetëm për karriget e tyre, morën në Berlin atë që meritonin’, ka përfunduar, ish-kryeministri i Shqipërisë.