Kryetari i PD, Basha në bashkëbisedimin me studentë universitarë u shpreh se, gjatë qeverisjes së PD do të miratohet një igj i ri për Referendumet, që të ndalim hajdutët që ndërtojnë pa votë fabrikat e vdekjes në Tiranë, Elbasan apo Fier.

Duhet të fuqizojmë rolin e qytetarëve. Ata duhet të kenë mundësinë të shprehen për çështje të rëndësishme. Por ligji i sotëm për referendumet e pamundëson këtë. Imagjinoni për një moment nëse do të kishim mundësi të zhvillonim një referendum për Teatrin Kombëtar.

Të gjithë ata që ngrehen si gjela me një gjuhë vulgare se do ta prishim, po bëhet një vit që atje proteston elita kulturore e Shqipërisë, për të mbrojtur jo shtëpinë e tyre, por shtëpinë e të gjithë artit shqiptar, me vlera të jashtëzakonshme. Po të kishim një referendum të Tiranës apo të të gjithë Shqipërisë, do t’u kishim treguar vendin.

Ligji për Teatrin do të binte dhe ata që e kishin hartuar atë, do detyroheshin të largoheshin nga pushteti. E njëjta gjë për inceneratorët. Pse nuk shprehen dot qytetarët e Elbasanit për fabrikën e vdekjes që u ka ngritur Arben Ahmetaj atje.

Apo të Fierit? Apo të Tiranës? Vjedhin lekët e shqiptarëve dhe ndërtojnë fabrikat që helmojnë shqiptarët, sepse nuk kemi mundësi t’i kundërshtojmë në mënyrë të drejtpërdrejtë.

Ky është një tjetër zotim që dua ta bëj sot para jush dhe që hyn tek projekti ynë i Shqipërisë përfshirëse dhe jo Shqipërisë përjashtuese, që do ta mundësojmë përmes Ligjit të ri për Referendumet, që qytetarët të kenë mundësi të shprehen në mënyrë të drejtpërdrejtë me votë, për çështje të rëndësishme kombëtare dhe lokale.

Dhe kjo të jetë vendimmarrja më e lartë, shumë më e lartë se çdo vendimmarrje tjetër, qoftë kjo edhe e parlamentit apo e qeverisë.

Kreu i opozitës, Basha gjatë bashkëbisedimit u shpreh se, projekti për të djegur mandatet, është shumë më i thellë se sa thjeshtë largimi i kësaj qeverie dhe ndryshimi i kësaj qeverie.

“Projekti që kemi nisur sëbashku dhe kemi djegur mandatet, është shumë më i thellë se sa thjeshtë largimi i kësaj qeverie dhe ndryshimi i kësaj qeverie. Është një projekt kombëtar për të ndërtuar sëbashku një Shqipëri të vlerave europiane. Për këtë duhen edhe ndryshime të thella në sistem.

Përshembull, ka ide të vlefshme si listat e hapura, ku qytetarët jo thjeshtë të vendosin për siglën e partisë, por të vendosin se kë preferojnë nga lista e deputetëve, për një parlament i cili të ketë deputetë që më të vërtetë që e lidhin fatin e tyre me qytetarët.

Në këtë mënyrë, një parlament i tillë është garanci që edhe qeveria do ti shërbejë interesave të qytetarëve, sepse është parlamenti ai që e mban përgjegjës qeverinë në demokraci. Nëqoftëse Parlamenti thotë: jo, nuk e prish dot Teatrin, nuk do i thotë një i çmendur apo një kryehajdut që: unë do ta prish se do të ndërtoj kulla.

Nëqoftëse parlamenti thotë; jo, nuk ndërton dot me paratë e shqiptarëve incenratorë për të helmuar fëmijët e shqiptarëve, nuk ka kryeministër të thotë: po do ta bëj! Na duhet pra një parlament përfaqësues i qytetarëve”, u shpreh Basha.

Bashkëbisedim me studentët 
5 mijë bursa sociale për ata studentë që edhe po t’ua zerosh tarifën, s’kanë mundësi as të marrin dhomë me qira, as të ushqehen e as të blejnë tekstet shkollore. Në një masë prej 2 milionë e 200 mijë lekësh të vjetra në vit, 5 mijë studentë familjet e të cilëve janë në një gjendje ekonomike katastrofike, do t’ju mundësohet studimi

Emanuel Çaushi, student për drejtësi në Londër. Dua të kthehem në Shqipëri. Çfarë incentivash ka që studentë si puna ime të kthehen në atdhe. Shpresoj shumë që gjendja në këtë pikë të ndryshojë me qeverinë e ardhshme të Partisë Demokratike.

Lulzim Basha: Aktualisht s’ka asnjë nxitje, asnjë incentiv. Kjo është arsyeja që asnjë student nuk kthehet, por edhe studentët që janë në Shqipëri mendojnë vetëm për të ikur jashtë. Kjo duhet të ndryshojë, kjo do të ndryshojë, sepse nuk ka shans Shqipëria të mbijetojë, pa ndryshuar si përparësi kryesore këtë problem: të mbajë të motivuar rininë të ndërtojë jetën këtu. Përparësi do të thotë para për arsimin e lartë.

Plani që kam patur rast ta shpalos në seancat e fundit të pseudoparlamentit ishte ky: dyfishim i buxhetit për arsimin e lartë, nga 36 milionë euro që është për vitin 2019 në 72 milionë euro. Është plotësisht e mundur, mjafton që të mos vjedhë Edi me Damianin e me DH Albanian tek Unaza, dhe dalin e teprojnë ato para për dyfishimin e buxhetit.

Me dyfishimin e buxhetit do bëhej e mundur që së pari të gjithë studentët që vijnë nga familje me të ardhura nën 640 mijë lekë të vjetra të përfitonin subvencionin në masën 100 % të tarifave për bachelor e master. Dhe ne do ta bëjmë këtë realitet.

Së dyti, për të gjithë të tjerët do të thotë përgjysmim të tarifave për bachelor dhe master. Së treti do të thotë mjaftueshëm para për 5 mijë bursa sociale për ata studentë që edhe po tua zerosh tarifën, s’kanë mundësi as të marrin dhomë me qira, as të ushqehen e të blejnë dy palë këpucë, një për dimër e një për verë, as të blejnë tekstet shkollore e as biletën e transportit.

Në një masë prej 2 milionë e 200 mijë lekësh të vjetra në vit, 5 mijë studentë familjet e të cilëve janë në një gjendje ekonomike katastrofike, do t’ju mundësohet studimi. Ne do ta bëjmë këtë realitet. Nuk do të ketë asnjë vajzë apo djalë shqiptar që do të mbeten pa studiuar për shkak se familja e tyre nuk ka mundësi ekonomike. Ne do ta bëjmë realitet.

Dhe mbeten mjaftueshëm fonde në një vlerë prej 32 milionë eurosh për të mbështetur investimet në 2 infrastruktura: studentore dhe akademike. Studentore do të thotë konvikte, mekanizëm të cilin do ta vëmë menjëherë në lëvizje, kur PD me votën e qytetarëe, siç besoj se e keni parë, do t’i besohet dhe do të marrë në dorë qeverisjen e vendit.

Por duhet më shumë se kaq. Duhet edhe më shumë se kaq që ju të mos ndiheni të përjashtuar, por të ndiheni të nxitur për të qendruar në Shqipëri apo për t’u kthyer në Shqipëri. Ne do t’i japim fund sistemit që përjashton, ku i gjithë vendi është në duart e qeverisë dhe 5 oligarkëve që nga mëngjesi deri në darkë, hanë e pinë me kryeministrin dhe vendosin se kush mer çfarë, si, qysh, tek.

Kryetari i Opozitës së Bashkuar, Lulzim Basha është në këto momente në një bashkëbisedim me studentë të Politeknikit ku ndarë edhe takimin e tij të fundit në Bundestagun gjerman ku kishte një drekë pune edhe me studentë shqiptarë të cilët kryenin stazhin në këtë parlament.

“Do doja që këtë pjesë të bashkëbisedimit të anojë nga ajo çfarë ju keni për të parashtruar.

Unë jam kthyer mbrëmë nga Berlini kur isha në një axhendë shumë të rëndësishme, ku pata takime në Bundestag, në Kancelari dhe në insitucionet më të rëndësishme në Berlin.

Kisha mbi 20 takime me mikpritësit gjermanë, ku gjetën kohën të organizojmë edhe një drekë me 40 stazhistë gjermanë në Bundestag. Më vjen mirë që 8 prej tyre ishtin përzgjidhur për tu punësuar nga Shqipëria dhe Kosova.

Po e nis bisedën me këtë rrëfim që më bëri përshtypje.

Ja ku kemi një institucion të huaj si Bundestagu që ka një prag stazhi, që nuk ka projekte vetëm për gjermanët , por për studentë nga rajone të tjera, Çfarë tregon kjo, vizion dhe vullnet politik.

Vizion për një praktikë shumë të çmuar se si funksionon një nga parlamentet më të çmuara të Evropës.

Së dyti vullneti politik, jo vetëm se selekton me konkurse, por kanë ndarë edhe para që t’u jepet mundësi stazhi.

Së treti gjithsecili prej tyre bashkohën në një pikë që stazhin e konsideronin si përvojën e tyre më të mirë studentore.
Unë e ndaj këtë vlerësim.

Edhe unë kisha mundësi kur isha student të bëja praktike, por kulturën e punës nuk e përfiton pa qenë në një vend punë. Ky duhet të jetë model aboslut për studentët tanë.

Ne do të krijojmë mundësi stazhi për 10 mijë studentë në vit, për të përfituar mundësinë përmes konkurencës, qoftë kjo në sektorin privat apo shtetëror.

Mënyra se si do të organizohet do të menaxhojë prioritet e Shqipërisë. Gjithçka duhet të jetë në funksion të krijimit të vendeve të punës me paga dinjitoze.

Ekonomia jonë është në kolaps. Zgjidhja është çlirmi i ekonomisë së Shqipërisë në këto 5 vite që e bëjnë të pamundur zhvillimin e vendit.
Siguria ligjore, një sistem taksash nxitës dhe programe që nxisin kualifikimin e forca punëtore.

Ku jemi ne me këto të treja? Siguria ligjore këtu është zero. Investitorët e huaj këtu i rrahin. Taksa këtu është më e lartë se në Kosovë, pse duhet të vijnë investitorët e huaj?

Këtu mësohet kompjuteri akoma me dërrasë të zezë dhe me shkumës, ndërkohë që jo vetëm Europa por edhe rajoni po kalojnë me tableta. Dhe e gjitha kjo ndodh sepse paratë vidhen nga një grusht njerëzish të lidhur me qeverinë”, tha Basha.