Një grup i vogël protestuesish dhe disa policë të pozicionuar në hyrje të oborrit të Parlamentit, nga rruga “Xhorxh Bush” kanë krijuar disa incidente të vogla, që ndodhin shpesh në protestë.
Ata janë shtyrë mes tyre me trup, një veprim që më shumë se një përplasje, është një shtriqje qoftë për protestuesit ashtu edhe për policët e angazhuar në rrjeshtin e parë.
Për më shumë mund të shikoni videot e mëposhtme.

Kryetar i FRPD-së, Belind Këlliçi ka hedhur akuza në forta në drejtim të kryeministrit Edi Rama dhe kreut të Bashkisë së Tiranës, Erjon Veliaj.
Nga protesta e opozitës para Kuvendit, Këlliçi tha se Rama është modeli më i keq i qeverisjes, ndërsa Veliaj një mashtrues kronik.
“Edi Rama është modeli më i keq qeverisës. Erion Veliaj është mashtruesi kronik që ka kthyer betonin në Tiranë.
Erion Veliaj sot e ka kthyer Tiranën në oazin e pastrimit të parave”, tha Këlliçi.

Kryetari i Forumit Rinor të PD-së, Belind Këlliçi tha gjatë fjalës së tij në protestën para Parlamentit se, paratë e shqiptarëve shkojnë për botoks, çanta dhe veshje të shtrenjta, dhe jo për të ardhmen e fëmijëve shqiptarë.
Nga protesta e opozitës para Kuvendit, Këlliçi theksoi se mjafton të shikoni fotot që postojnë, përfshi këtu edhe Elisa Spiropalin, për të kuptuar se ku shkojnë paratë.
“Shqiptarët janë krenarë që sot ndodhen në këtë shesh.
Fëmijët tanë do vijë dita që do na pysein ku ishe ti kur Edi Rama detyroi 500 mijë shqiptarë të largoheshin nga Shqipëria, ku ishe ti kur ekonomia shqiptare shkoi drejt kolapsit.
Veliaj ktheu diktatin e betonit në Tiranë.
Kjo protestë është historike, pasi do të përmbysë një sistem që varfëroi shqiptarët”, tha Këlliçi.

Risia e protestës së ditës së sotme është pikërisht pushteti dhe vendimmarrja që i është besuar pikërisht të rinjve demokratë. Sic edhe u paralajmërua, drejtimin e kësaj proteste nga ana e demokratëve do ta mbanin të rinjtë e FRPD ndërsa atyre do t’i bashkohen edhe zyrtarët të tjerë të Partisë Demokratike si dhe aleatët e pandashëm në këto protesta, LSI dhe LRI.
Në marshimin e tyre nga selia e PD deri në ambjentet përpara Parlamentit, ajo që vihet re është jo vetëm një numër i madh pjesmarrësish, por edhe prezanca e ‘stisur’ e kreut të qeverisë Edi Rama. Njëri nga protestuesit është maskuar si kryeministri Rama dhe marshon bashkë me demoktatët, si një shenjë e ‘kapjes’ së tij nga protestuesit.

Është tensionuar situata në protestën e opozitës ndërsa vatra më e nxehtë duket të jetë ajo ku gjendën banorët e Astirit. 
Protestuesit po tentojnë të shkojnë drejt Parlamentit por po hasin pengesa nga Policia.
“Kjo është policia e leshit. Drejtorët e Policisë po na pengojnë të drejtohemi drejt Kuvendit. Nuk përdoret Policia për të mbrojtur një njeri. Policia e shtetit nuk duhet ta mbrojnë kryeministrin,është një i çmendur dhe po e shkatërron Shqipërinë.
Rama tenton të bëjë humor nëpër Librazhd tallet me qytetarët.Kryeminstri drogës. Protesta është kundra Ramës dhe Veliaj” shprehen protestuesit e zonës së Astirit.

Forca të shumta policore kanë bllokuar rrgën tek Pedonalja dhe nuk lajojnë qytetarët që shkojnë tek Parlamentio për të protestuar. Në këtë zonë janë bllokuar banorët e Unzës së Re dhe nuk lejojhen nga policia t’i afrohen Parlamentit.
Ish-deputeti Klevis Balliu në krye të një madhe protestuesish është përballuar me Policinë në udhëkryqin përpara Ministrisë së Brendshme, pasi ka kërkuar që prej aty t’i drejtohen parlamentit.
Por, një drejtues i Policisë nuk i ka lejuar, duke i kërkuar të ruajnë perimetrin e sigurisë, ku janë rreshtuar qindra policë.
Balliu u shpreh për mediat se, e gjtihë kjo situatë tensionohet me qëllim nga policia, pasi ky shesh dihet që është një pikë grumbullimi për qytetarët, tensionohet me qëllim që shumë prej tyre të shoqërohen në Polici.
Ndërkohë që midis protetsuesve dhe Policisë ka pasur disa të shtyra, në taracën e Ministrisë së Brendshme janë vendosur policë që me kamera filmojnë grumbullin e qytetarëve.
Thirrje nga gratë dëgjohen në sfond: O shtet i krimit!