Në Shkodër, u zhvillua paraditen e sotme ceremonia përkujtimore e masakrës së 2 Prillit 1991, që njihet ndryshe masakra e fundit e komunizmit në Shqipëri.
Adela Kryeziu, mbesa e Nazmi Kryeziut, një prej 4 dëshmorëve të masakrës së 2 Prillit, u shpreh se: “Ajo që e bën më tragjike këtë ngjarje, është se autorët dhe skenaristët e masakrës shpërblehen në postë më të larta shtetërore”.
“Nuk besoj të jetë rastësi. Përkundrazi, instalimi i figurave dhe eksponentëve injorantë e barbarë të monoklaturës së kuqe në qeverisjen e sotme. Është shenja më domethënëse, që tregon se çfarë synon kjo qeveri. Misioni parimor bazë i çdo qeverie në raport me qytetarët e vet është harmonia sociale dhe progresi ekonomik. Në momentin kur ajo çedon dhe nxit konfliktualitetin social, thellon varfërinë ekonomike dhe atë kulturore, duhet ta kuptojë se ka ardhur koha të reflektojë. Por duket qartë se misioni i kësaj qeverie është varfërimi, zhvatja, kriminalizimi, poshtërimi i shqiptarëve dhe boshatisja e Shqipërisë.
Ndaj kjo ditë dhe kujtimi i dëshmorëve të 2 Prillit nuk duhet të jetë thjesht një seancë përshpirtjeje për dëshmorët. Kjo ditë, sot më shumë se kurrë ndonjëherë na thërret si alarm i fundit për tu ngritur kundër neodiktaturës së Rilindjes së kuqe”, u shpreh ajo.
Mbesa e dëshmorit të masakrës së 2 Prillit: Autorët dhe skenaristëte vrasjes në poste të larta shtetërore
Basha në Shkodër: Protesta ka vetëm një përfundim, atë që pati protesta e 2 Prillit, rrëzimin e diktatuës!
Kryetari i Partisë Demokratike, Lulzim Basha ka marrë pjesë sot në ceremoninë përkujtimore për 4 dëshmorët e masakrës së 2 prillit 1991 në Shkodër.
Pasi vendosi kurora me lule në memorialin e tyre, kryetari i PD tha se për këtë ngjarje nuk janë marrë përgjegjësitë e duhura.
“Ne ikëm nga strofulla e krimit sepse nëse nuk do të iknim do të ishte njësoj sikur të sihim ende në 2 prill të 1991, por në anën e krimit. Sot në Shkodër dhe mbarë Shqipërinë situate është e ngjashme me fjalët e At Zef Pëllumbit ku njerëzit e ditur nuk dinin më kurrëgja dhe të paditurit dinin dhe ishin gati të bënin gjithçka. Ky është realiteti i sotëm, prandaj edhe sot nuk tingëllon kurrë më kaq aktuale 2 prilli. Në delir nga aleanca e politikës me krimin, shëmbëlltyra e këtij regjimi mendon se mund të bëjë pa opozitën, mund ta marrë Shkodrën edhe pa zgjedhje dhe mund ta mbajë dhe Shqipërinë nën zgjedhë. Por nuk ka as gaz lotsjellës, as paarat shtypës që mund të kthejë qetësin e kufomën politike, Rilindjes.
Protesta ka vetëm një përfundim, atë që pati protesta e 2 Prillit, rrëzimin e diktatuës, triumfin e lirisë dhe demokracisë. Në këtë përvjetor, s’mund të rri papërmendur një marre që komunizmi i bëri Shkodrës. Askund s’jam vënë më shumë në mendime se sa për shkeljet dhe përdhosjes që komunizmi i bëri kryeqytetit të Shkodrës, jeruzalemin e shqiptarisë, komunizmi gjakatar hapi muzeun e parë ateist të botës; parrullën e një qytetërimi të pazotë. Atje Krishti u ngjall, këtu i ringjall feja pas diktaturës. Shkodra do ta bëjë hasha këdo që shet dhe blen votën dhe të gjithë po bëhen gati që nën shëmbullin e Shkodrës. Sot nuk i drejtohem vetëm shkodranëve, por edhe të gjithëve se nderimi dhe përkujtimi për 4 heronjtë e 2 prillit, jemi dhe duhet të jemi krenar për këtë çmim të lavdishëm që keni vendosur në altarin e demokracisë”, u shpreh ndër të tjera Basha.
Berisha nderohet në Itali me çmimin ndërkombëtar “Bonifacio VIII”
Ish-Kryeministri Sali Berisha ishte në Itali ditën e diel, në një ceremoni ku u nderua me çmimin ndërkombëtar të Akademisë Bonifaciana, çmimin “Bonifacio \/|||”. Vetë Berisha ia ka rrëfyer mbështetësve të tij në rrjetet sociale, këtë udhëtim në qytetin Anagni dhe pritjen që u bë atje.
Në Itali, në qytetin Anagni!
Miq, ditën e diel unë isha në Itali në qytetin Anagni, pjesë e provincës së Frosinones, Romë, një qytet i lashtë me histori të madhe, qytet i 5 papëve, ndër të cilët, papës së famshëm Bonifacio VIII (i tetë)!
Në Anagni unë shkova i ftuar nga Presideni dhe Rektori i Akademisë Bonifaciana, zoti Sante De Angelis për të më nderuar me çmimin ndërkombëtar të Akademisë, çmimin “Bonifacio VIII”.
Ky çmim ndër vite u është akorduar personaliteteve të shquara italiane dhe të huaja, të politikës, shkencës, biznesit, kishës, ushtrisë dhe fushave të tjera. Që nga themelimi i Akademisë e në vazhdim, çmimin e saj e kanë marrë kryeministra, kryetarë parlamentesh e ministra. Ndër ta mund të përmend Papa Gjon Pali II, Benedikti XVI, Antonio Tajani, Julia Timoschenko, Giulio Andreotti, Carlo Azeglio Ciampi, Oscar Luigi Scalfaro, Anthony Troy Carter, Rita Levi Montalcini, Presidenti i Parlamentit Europian Jerzy Karol Buzek etj, etj..
Në ceremoninë madhështore të organizuar me këtë rast në pallatin municipal të qytetit, merrnin pjesë përfaqësues të qeverisë, Vatikanit, kishës, diplomacisë, ushtrisë, shkencës, biznesit, policisë.
Presidenti dhe Rektori i Akademisë Bonifaciana, Sante De Angelis u ndau çmimet e vitit, çmimet kombëtare dhe ndërkombëtare të Akademisë, personaliteteve të fushave të ndryshme.
Në këtë ceremoni, në momentin e marrjes së çmimit, mbajta një fjalë të shkurtër, në të cilën i shpreha mirënjohjen time të thellë Akademisë Bonifacio VIII, Presidentit dhe Rektorit të saj, zotit Sante De Angelis, për nderin e madh, që më bënë duke më akorduar këtë çmim prestigjioz si dhe për interesin, ndihmën dhe solidaritetin e tyre miqësor me shqiptarët dhe kryesisht ata më në nevojë në Shqipëri dhe Kosovë, për bashkëpunimin dhe nderimin që kjo Akademi dhe udhëheqja e saj i ka bërë Kishës Katolike në Shqipëri, drejtuesve të saj të shquar.
Unë gjithashtu shfrytëzova rastin të falenderoj me mirënjohje popullin mik italian dhe qeverinë italiane për mbështetjen e fuqishme dhe miqësinë e dëshmuar në këto dekada ndaj Shqipërisë.
Ne Itali ne qytetin Anagni!Miq, diten e diele une isha ne Itali ne qytetin Anagni, pjese e provinces se Frosinones, Rome, nje qytet i lashte me histori te madhe, qytet i 5 papeve, nder te cilet papes se famshem Bonifacio /||| (i tete)!Ne Anagni une shkova i ftuar nga Presideni dhe Rektori i Akademise Bonifaciana, zoti Sante De Angelis per te me nderuar me çmimin nderkombetar te Akademise, cmimin “Bonifacio /|||”.Ky cmim nder vite u eshte akorduar personaliteteve te shquara italiane dhe te huaja, te politikes, shkences, biznesit, kishes, ushtrise dhe fushave te tjera. Qe nga themelimi i Akademise e ne vazhdim çmimin i saj e kane marre kryeministra, kryetare parlamentesh e ministra. Nder ta mund te permend Papa Gjon Pali II, Benedikti XVI, Antonio Tajani, Julia Timoschenko, Giulio Andreotti, Carlo Azeglio Ciampi, Oscar Luigi Scalfaro, Anthony Troy Carter, Rita Levi Montalcini, Presidenti i Parlamentit Europian Jerzy Karol Buzek etj, etj..Ne ceremonine madheshtore te organizuar me kete rast ne pallatin municipal te qytetit merrnin pjese perfaqesues te qeverise, Vatikanit, kishes, dipolmacise, ushtrise, shkences, biznesit, policise. Presidenti dhe rektori i Akademise Bonifaciana, Sante De Angelis u ndau çmimet e vitit, cmimet kombetare dhe nderkombetare te Akademise, personaliteteve te fushave te ndryshme.Ne kete ceromoni ne momentin e marrjes se çmimit mbajta nje fjale te shkurter te cilen shpreha mirenjohjen time te thelle Akademise Bonifacio /|||, Presidentit dhe Rektorit te saj zotit Sante De Angelis per nderin e madh qe me bene duke me akorduar kete çmim prestigjioz si dhe per interesin, ndihmen dhe solidaritetin e tyre miqesor me shqiptaret, dhe kryesisht ata me ne nevoje ne Shqiperi dhe Kosove, per bashkepunimin dhe nderimin qe kjo Akademi dhe udheheqja e saj i ka bere kishes katolike ne Shqiperi, drejtuesve te saj te shquar. Une gjithashtu shrytezova rastin te falenderoj me mirenjohje popullin mik italian dhe qeverine italiane per mbeshtetjen e fuqishme dhe miqesine e deshmuar ne keto dekada ndaj Shqiperise. Ketu keni ne videon e meposhtme fjalen time. sb
Gepostet von Sali Berisha am Dienstag, 2. April 2019
Ish-Presidenti: Rama ka treguar elementë të harbutërisë, bën hile në dialog dhe marrëveshje
Ish-Presidenti Buajr Nishani ka folur së fundmi për krizën politike në vend dhe deklaroi se roli i presidentit Ilir Meta është thelbësor. Ai theksoi se palët duhet të diskutojnë por sipas tij veçanërisht mazhorancës i mungon vullneti për tu ulur në bisedime
Nishani u shpreh në “Fax News” se, Rama në këto situata ka treguar elementë të harbutërisë dhe se bën hile në dialog dhe marrëveshje.
Unë besoj se presidenti ka dhe do të duhet të ketë një rol më të rëndësishëm. Institucioni i presidentit është përpjekur që të qëndrojë brenda kornizës kushtetuese, dhe unë vetëm kur kam qenë nën drejtimin e institucionit kam bërë përpjekje për uljen në dialog të palëve, po që kjo të ndodhë duhet që të ketë seriozitet nga vetë forcat politike.
Edhe president Meta e ka të gjithë vullnetin për të dhënë ndihmën e tij në zgjidhjen e ngërçit po është ndeshur me mungesën e bashkëpunimit nga ana e qeverisë. Kryeministri i vendit ka treguar element të harbutërisë, dhe hileve në dialog dhe marrëveshje. Nëse palët do të kenë vendosmëri për ta orientuar procesin te nisja e një modeli të ri për shqiptarët, edhe presidenti është gati që të kountribojë me rolin e tij.
Regjizori i njohur: Veliaj, qen sulmi i Ramës!…
I ftuar në emisionin ‘A Show’ të Adi Krastës, regjizori i njohur Kastriot Çipi ka folur në lidhje me sulmin që Veliaj po i bën atij, ku në emisionin Opinion u shpreh se ai kishte vjedhur para për një film i cili nuk u realizua kurrë.
Pjesë nga deklarata e Çipt
-Përse u bëre armik i shtetit?
Armik i shtetit jam bërë për Teatrin.
-Prokuroria nuk hyn farë pasi është konflikt civil dhe jo penal. Veliaj është një qen sulmi i Ramës, siç ka thënë edhe ish-ambasadori John Withers.
Ai u mundua që të bënte shashkën e radhës me një sulm frontal ku donte të mbyllej një herë e mirë çështja e teatrit.
Regjisori i njohur Kastriot Çipi është shprehur se gjykatat komandohen nga Rama.
Sipas tij kryeministri ka në dorë edhe gjyqtarët të cilët nuk janë pro tij pasi ai i kërcënon me vetingun.
“Sot mazhoranca kontrollon gjykatat pasi edhe ata gjyqtarë që kanë bindje politike kundër PS ata janë të vetë kontrolluar dhe përmbajtur pasi i frikësohen vetingut”, u shpreh Çipi.
Veliaj, një injorant që nuk njeh artin, ja gënjeshtra e tij e radhës
Regjisori Kastriot Çipi ka nxjerrë zbuluar Erjon Veliajn, kryebashkiakun e Tiranës, lidhur me Tetarin Kombëtar.
Çipi tha se Veliaj është një injorant që nuk e njeh artin dhe mundohet të hiqet si ekspert.
Sipas regjisorit, Veliaj gënjen kur thotë se teatri ka 1 mijë metra dhe do të ketë 9 mijë metra katror pasi të bëhet projekti i ri.
“Sot Teatri ka 5500 metra katror sipërfaqe, kjo është gënjeshtra tjetër e Veliajt.
Duan të vjedhin para duke përfituar nga një pronë publike. Sot nuk ka asnjë shkresë, asnjë vendim zyrtar, lidhur me zhvendosjen nga Teatri Kombëtar te Turbinat.
Ajo që mund të them është se Turbina ka tualete më shumë se Teatri Kombëtar, por vetëm kaq”, tha Çipi.
Ai gjithashtu sqaroi se gënjeshtrat që pupuliti është kancerogjen nuk qëndrojnë, pasi mund t’ju them se ky është një izolues shumë i mirë ndaj zhurmave dhe sot po përdoret gjerësisht në Botë.
“Madje mund ti them kryebashkiakut që sot në Tiranë ka dhjetra banesa me pupulit”, tha ai.
Deklarata e fortë e Kryebashkiakes: Drejtues të lartë institucionesh janë përdhunuar nga krimi
Kryebashkiakja Voltana Ademi ka bërë një deklaratë të fortë mbrëmjen e sotme, teksa fliste ngjarjet kriminale që kanë tronditur Shkodrën këto ditë.
E ftuar në emisionin Open, Ademi ka thënë se i gjithë pushteti në Shkodër ka 4 vite që është nën presionin e krimit, madje dhe ajo vetë.
‘I gjithë pushteti në Shkodër, është nën presionin e krimit, ka katër vjet. Sigurisht edhe unë vet jam nën presion, nuk mund të jemi jashtë këtij konteksti.
Në Shkodër janë ndërruar drejtues instituncionesh sepese janë përdhunuar nga krimi, nuk janë të PD por të maxhorancës’, u shpreh kryebashkiakja e Shkodrës ndër të tjera.
Ndërkohë e pyetur nga gazetarja Anila Basha nëse është kërcënuar personalisht ajo dhe familja e saj, apo nëse kanë marrë mesazhe kërcënuese, Voltana Ademi ka thënë se ka pasur raste që kanë ndikuar në jetën e saj publike.
Anila Basha: A është kërcënuar Voltana, bashkëshorti, familjarët, keni marrë mesazhe kërcënuese apo keni marrë në mënyrë të ndryshme mafioze për dhënie tenderash apo para publike? Dhe janë përdhunuar nga krimi, e kishit metaforë apo për përdhunim fizik?
‘Kur kam patur raste që kanë ndikuar në jetën time publike, i jam drejtuar Prokurorisë. Krimi nuk vjen direkt te kryetari por shkon edhe në hallka ndërmjetëse. Ne funksionojmë në hallka zinxhir. Krimi bën presion edhe kur vjen edhe me ndërhyrje qoftë edhe me një shkresë.
Kur bëhet fjalë për përdhunim po flas për dhunim fizik, mediat në Shkodër i dinë rastet, mund t’i drejtoheni institucioneve’, ka thënë Ademi, ndërkoëh që shtoi se drejtues institucionesh në Shkodër janë përdhunuar nga krimi prandaj janë ndërruar shpesh nga detyra.
‘Janë drejtues të lartë jo rastësisht janë ndryshuar drejtorë në hipotekë, në drejtorinë rajonale te spitalit të Shkodrës’, përfundoi Voltana Ademi.
Shqipëria në flakë, 249 vatra zjarri, Rama në kozmetikë
Ministria e Mbrojtjes ka publikuar të dhënat e vatrave të zjarrit që janë raportuar në të gjithë Shqipërinë. Sipas Ministrisë së Mbrojtjes janë evidentuar 245 vatra zjarri në total.
Ndërkohë që qarku që ka pasur më shumë vatra zjarri raportohet të jetë Elbasani, ku janë evidentuar 49 zjarrvënie dhe nga ku janë djegur 15 hektar sipërfaqe pylli.
Ndërkohë që qarqet e tjera më problematike janë Shkodra me 44 vatra zjarri dhe Dibra me 39. Ndërkohë që në total sipas të dhënave të Ministrisë së Mbrojtjes janë djegur 240 hektarë sipërfaqe, ndërkohë që janë proceduar vetëm 57 persona.
Në këtë listën nuk janë shtuar dhe tre rastet e zjarrvënies që u raportuan ditën e sotme.
E ndërsa vendi është në flakë si anësjëherë më parë, Rama ka zgjedhur të bëjë kozmetikë me qeverinë. Nuk raportohet për asnjë zjarrfikës në vatrat e zjarrit. Burimet sqarojnë se zjarret nuk janë të rastësishme dhe se është stina e përgatitjes për mbjelljen e drogës.
Duke qenë se vendi është pa qeveri reale, trafikantët kanë menduar se mund të mbushin sërish vendin me drogë aq më tepër se duhen disa qindramilionë euro të tjera për kullat e drogës në Tiranë.
Ndodhi edhe kjo, këshilltari i Ramës padit qeverinë!
Këshilltari i Kryeministrit Maksim Malaj ka paditur në Gjykatën Administrativë të Apelit institucionin e Këshillit të Ministrave, Ministrinë e Mbrojtjes si dhe Qendrën Nderinstitucionale Operacionale Detare (QNOD).
Tirananews.al mëson se në çështjen që ka për relator Kastriot Selitën, Gjeneral Major Maksim Malaj kërkon detyrimin e palës së paditur që ta dëmshpërblejë me pagën e 12 muajve, si pasojë e zgjidhjes së marrëdhënies së punës në mënyrë të menjëhershme dhe pa shkaqe të justifikuara si dhe detyrimin e palës së paditur që ta dëmshpërblejë me pagën me 2 muaj dëmshpërblim për shkak të mosrespektimin të afatit të njoftimit.
Gjithashtu, në padinë e tij drejtuar gjykatës të regjistruar më 18 mars 2019, Malaj kërkon detyrimin e palës së paditur që ta dëmshpërblejë me pagën me 2 muaj dëmshpërblim për mosrespektim të procedurës së zgjidhjes së kontratës së punës.
Gjeneral Major Maksim Malaj është aktualisht këshilltar për çështjet e sigurisë tek Kryeministri Edi Rama, post të cilin më herët e mbante Sandër Lleshaj, aktualisht, Ministër i Brendshëm.
Ndërkohë Gjeneral Major Maksim Malaj deri në kohën e emërimit në këtë detyrë mbante postin e Prefektit të Qarkut të Elbasanit, detyrë në të cilën u emërua Gledian Llatja, emri i të cilit lakohet si kandidati potencial i të majtës për kandidat për kryetar i bashkisë së Elbasanit në zgjedhjet e 30 qershorit.
Gjeneral Major Maksim Malaj ka lindur në Vlorë më 13 shtator 1958. Eshtë një ushtarak karriere. Ai ka arritur gradën më të lartë për një ushtarak: Gjatë qeverisjen së Sali Berishës ai ishte shef i Shtabit të Përgjithshëm të Forcave të Armatosura, raporton tirananews.al.
Malaj e mori këtë detyrë në vitin 2008, pas ngjarjeve të Gërdecit duke zëvëndësuar në këtë post të lartë Gjenerallejtnant Luan Hoxhën dhe e la në 8 gusht 2011. Me mbarimin e mandatit tre vjeçar, ish kryeministri Sali Berisha i propozoi Bamir Topit lirimin e Malajt nga shefi i Shtabit të FA.
Sipas Berishës, arsyeja e lirimit të Malajt lidhej me mbarimin e mandatit. Në vendin e Malajt në 2011 të FA, u emërua Xhemal Gjunkshi. Ndërsa ishte në lirim, Ministrja e Mbrojtjes, Mimi Kodheli, në janar 2014 e riktheu në detyrë gjeneral majorin në rezervë, Maksim Malaj në postin e drejtorit të QNOD-s, (Qendra Ndëroperacionale Detare në Durrës. Pikërisht edhe padia lidhet me këtë detyrë.
NATO uroi 10-vjetorin e anëtarësimit të Shqipërisë me foton e Bashës
Në ceremonitë e mbajtura për 10 vjetorin e anëtarësimit në NATO nuk u përmendën fare protagonistët e kësaj ngjarje politike.
Por, në faqen zyrtare në Instagram, “NATO” ka uruar Shqipërinë dhe Kroacinë, në 10-vjetorin e anëtarësimit të tyre në NATO me foton e kryetarit të Partisë Demokratike, Lulzim Basha, i cili në atë kohë ishte ministër i jashtëm.
Krahas Bashës ndodhet edhe sekretari i përgjithshëm i NATO-s, Jaap de Hoop Scheffer dhe ish-ministri i jashtëm i kroacisë, Gordan Jandrokovic.
“Gëzuar përvjetorin! Në 1 prill 2009 Shqipëria dhe Kroacia përfunduan procesin e anëtarësimit dhe u bashkuan me Aleancën. Ata tashmë ndajnë përfitimet dhe përgjegjësinë e sigurisë kolektive”, shkruhet në postim.
Kryesore
Continue to the category
