Kryetari i Forumit Rinor të Partisë Demokratike, Belind Këlliçi, ka publikuar në rrjetet sociale fotot e disa policëve civilë të infiltruar në protestën që u zhvillua sot para Parlamentit. Sipas tij, detyra e tyre është të përndjekin të rinjtë dhe qytetarët që protestojnë.
Një gjë të tillë Belind Këlliçi e ka denoncuar edhe në protestat e mëparshme.
Postimi i Belind Këlliçit
Shihini mire!
Keta jane banda e Edi Rames qe perndjekin te rinjte dhe qytetaret qe protestojne dhe qe vetem sot kane arrestuar 35 qytetare e studente.
Serish dhe sot pa asnje shenje identifikuese te policise se shtetit, dhunuan e ndaluan neper komisariate studentet qe kishin dale per te protestuar per tarifa me te ulta ne universitete dhe kushte me te mira ne konvikte.
Shihini serish shume mire. Mbajini mend dhe mos i harroni! Koha kur do marin ate qe meritojne eshte shume e shpejte!

Ish-deputetja e Partisë Demokratike, Albana Vokshi i ka cilësuar shpifje të ulëta dhe metoda KGB-je, deklarata e bëra sot nga kreu i grupit parlamentar socialist, Taulant Balla, i cili publikoi një video ku pretendonte se PD paguante protestuesit.
Në reagimin e saj Vokshi shkruan se, ndien keqardhje për nivelin ku është katandisur PS, e cila ka mbetur në dorë të një njeriu si Balla i cili shitet dhe blihet mjaft lirë tek çdo kryetar PS-se.
Postimi i Vokshit
Nuk hoqën dorë nga metodat e Sigurimit të Shtetit dhe KGB, duke sajuar e shpifur për të baltosur njerëzit e lirë.
Taulant, e di që mendjen e ke vetëm tek paratë. E di që shitesh dhe blihesh lirë tek padroni i rradhës. Meqë të ka blerë krimi i organizuar prej kohësh, po të kujtoj që qytetarët e lirë as nuk blihen dhe as nuk mund të shantazhohen.
Keqardhje për nivelin ku është katandisur Partia Socialiste.

Një akt çnjerëzor! Kështu e quan ish kryeministri Sali Berisha dhunën policore ndaj invalidit Gjergj Çuni.
Ky i fundit, edhe pse qëndronte në këmbë me patericë dhe kishte dalë në protestë pasi i kishin hequr me të padrejtë pensionin e invaliditetit, u tërhoq zvarrë nga policia para Parlamentit.
“Një akt çnjerëzor! Narkopolicët e droguar të Edvin Urrejtjes dhe Vasal Kimikut të tij zvarrisin invalidin Gjergj Çuni dhe së bashku me të flamurin kombëtar që ai mbante në njërën dorë sepse në tjetrën mbante një patericë. Krim, turp!”, shkruan Berisha në Facebook.
Më herët reaguan edhe nënkryetarët e PD dhe LSI, Edi Paloka dhe Petrit Vasili, ndërsa fotoja e tij po bën xhiron e rrjeteve sociale duke nxitur shumë komente kundër policisë së shtetit dhe dhunës në protestë.

Protestues të shumtë të Unazës së Re janë drejtuar në Drejtorinë e Policisë së Tiranës, ku do të kërkojnë lirimin e protestuesve të arrestuar në protestën e madhe të opozitës të mbajtur pëpara parlamentit.

Ish-deputeti i PD, Klevis Ballliu, i kujtoi Edi Ramës se mendon gabim kur arreston protestuesit, pasi sa më shumë persona që ndalon aq më shumë janë ata në mbështetje të protestës së opozitës.

“Dua t’ju përgëzoj për atë protestë masive përpara parlamentit, që tmerroi gjithë hajdutët që vodhën xhepat tuaj në këto 6 vite dhe ishte kjo arsyeja që deputetët dhe minisrat futeshin nga hyrja të fshehta dhe ashtu do të futen për sa kohë nuk do të mbahet përgjegjësi për vjedhjen që u bëhet këtyre qytetarëve.

U futën si kriminelë të vërtetë në atë sallë. E vërteta është se ata e kanë vjedhur atë parlament, prandaj futen si hajdutë.

Dëgjova sot ofendimet personale të Edi Ramës nga Parlamenti dhe siç ka thënë Margaret Thaçer, ‘nëse merresh me anët personale të njerëzve, është sepse je në ditën e fundit, sepse nuk ke argumenta politikë’.

Ndaj është i kuptueshëm shpërthimi yt, inati yt, pasi po të vjen ora për të shkuar përpara gjykatës.
Edi Rama hapi veshët o mjeran, sepse pastaj do të tronditesh nga fuqia që do të të vijë ballit nga qytetarët shqiptarë.

Do të të përplaset ballit, e drejta, fuqia e këtyre njerëzve dhe do të thuash që ma bëri koka.
Ke kohë t’i hapësh rrugë zgjidhjes politike, dhe jo të bësh këto arrestime politike.

Sot janë arrestuar 30 protestues. Por çfarë mendon ti se ata janë vetëm. Por ne për një ngrihemi 1 mijë, për 30 ngrihemi 30 mijë.

Ne nuk do ti lejmë vetëm, sepse ne nuk jemi të pabesë si puna jote.
Kështu siç jemi ju ftoj që t’i drejtohemi bashkë Drejtorisë së Policisë. Edi Rama nuk na frikëson”, tha Balliu.

Në protestën e opozitës gjatë ditës së sotme ra në sy edhe një foto e cila u shpërnda në rrjet në mënyrë të rrufeshme, është fotoja e një qytetari që vetëm se proteston me opoziten i kanë hequr edhe ndihmën sociale.
Ndërkohë që gjatë protestë së sotme ai u dhunau fizikisht nga forcat e policisë.
Ai është Gjergj Çuni nga Shkodra, të cilit i kanë hequr pensionin e invaliditetit.
Ai duke kaluar në afërsi të kordonit policor tek Ministria e Brendshme shprehet se, “nuk duam luftë, jam shqiptar e nuk dorëzohem”.

Ish-ministri i Brendshëm, Fatmir Xhafaj është pozicionuar kundër pr/ligjit të qeverisë lidhur me Vettingun në Policinë e Shtetit.
Gjatë seancës plenare, Xhafaj shprehu keqardhje për alibitë false që u përdorën për mos zbatimin në kohë të ligjit të vetingut në Polici.
Më konkretisht, Xhafaj theksoi se Vettingu i policisë nuk mund të kryet nga SHÇBA.
“Policia nuk është pasuri e partive, por shtyllë e shtetit të së drejtës. Vetingu mbetet instrument kyç. Keqardhje që me alibi false nuk u bë i zbatueshëm në kohë, por për dy vite futëm në procesin e zbatimit në drejtësi. Gjithsesi më mirë se vonë se kurrë, nuk është herezi ndryshimi i një ligji, por në vlerësimin tim ndryshimet nuk janë të duhura në disa arsye, mund të cënohet pavarësia e procesit.
Kemi të bëjmë me skanim të veçantë, dhe nuk mund të bëhet nga SHCBA, në varësi të ministrit. Një nga sukseset e vettingut në drejtësi është se është i besueshëm nga të gjithë. Së dyti cenohet cilësia dhe shpejtësia e procesit. SHCBA-ja nuk ka kapacitetet për ta kryer këtë proces.
T’i besojmë vettingun 13 mijë punonjësve një institucioni që ka 100 punonjës vlerësoj se do ta ngadalësojë procesin. Argumenti financiar nuk është i justifikuar, ajo shumë që mendohet se do të kursehet 2 mln euro, është e papërfillshme nga ajo që pritet. Por një gjë është pozitive, nuk preket thelbi i vlerësimit dhe kriteret”, tha ai.