26.5 C
Tirana
E mërkurë, 4 Qershor, 2025
type here...

Berisha publikon videon: Protestuesi i plagosur rrëmbehet nga policia nga shtrati i reanimacionit!

Ish-Kryeministri Sali Berisha ka denoncuar mbrëmjen e sotme, marrjen nga spitali dhe përcjelljen për në Polici në gjendje jo të mirë shëndetësore të njërit prej protestuesve që u plagos në protestën e dy ditëve më parë të organizuar nga opozita përpara parlamentit.
Siç shikohet edhe në pamjet filmike, protestuesi është nxjerrë nga Spitali i Traumës me krahun e fashuar dhe shoqërohet nga policia.
Postimi i ish-Kryeministrit Berisha
Protestuesi i plagosur rrëmbehet nga shtrati i reanimacionit! Shpirt katranët, narkopolicët rrëmbejnë nga shtrati i reanimacionit të spitalit të Traumës, me serume duke kundërshtuar edhe mjekun, protestuesin në Komisariat. Ky është një akt tjeter kriminal i Edvin Kristaq Urrejtjes dhe Vasal Kimikut të tij. Turp! Ndiqeni videon tronditese.

Protestuesi i plagosur rrembehet nga shtrati i reanimacionit!Shpirt katranet, narkopolicet rrembejne nga shtrati i reanimacionit te spitalit te Traumes, me serume duke kundershtuar edhe mjekun, protestuesin ne Komisariat.Ky eshte nje akt tjeter kriminal i Edvin Kristaq Urrejtjes dhe Vasal Kimikut te tij. Turp! Ndiqeni videon tronditese. sb

Gepostet von Sali Berisha am Freitag, 22. März 2019

Spahia paralajmëron Ramën për vendimin e Qershorit

Bardh SPAHIA

Pasi u zhduk për 5 ditë, kryeministri u vetëshfaq për të dhënë arsyen e mungesës: paskërka qenë duke lobuar për integrimin!!! E këtë akt kaq fisnik, njeriu që për imazhin e tij ka ndërtuar një makineri gjigande propagande, e paska bërë fshehurazi!!!!

Ky kryeministër që e quan veten legjitim, sapo pranoi në një logorre të gjatë halli, se nuk di të sillet aspak si i tillë dhe është vështirë të kuptosh se ku i nis gënjeshtra e ku i mbaron papërgjegjshmëria për detyrën që ka.

Eshtë i vetmi kryeministër në botë që thotë se u nis fshehurazi e bëri po fshehurazi ca takime informale, për një proces që është krejt normal e transparent, hapja e negociatave të antarësimit.

Se përse një kryeministër sillet si të ishte disident ilegal e jo kryeministër në vendin e tij, se përse nuk pritet as në takime kortezie sic i takon rangut të tij, kur shkel një vend të huaj, këtë nuk e thotë edhe pse e sigurtë që e kupton mirë akullin diplomatik, që i servirin cdo herë homologët e tij europianë.

Prandaj sic thotë vetë, është katandisur të takojë “ish-a“, ish ofiqarë apo politikanë, pesha e të cilëve s’mund të jetë kurrë e barabartë me atë të vendimmarrësve të tyre, që nuk e qasin tashmë Edi Ramën. Me siguri shkon të qahet me stilin e njohur “o burrë, o burrë…aman o burrë“, që liderët e BE të mbyllin sytë, sic iu mbyllën Komisionit Europian për drogën e Saimir Tahirin një vit më parë.

Por e vërteta është kokëfortë o kryeministër ilegjitim: Merkel me kolegët e saj, po gjejnë në tryezat e tyre të njëjtat zullume, për të cilat nuk na denjuan me një vendimmarrje vitin e kaluar, por ia lanë këshillit të ministrave vendimin për shtyrje të hapjes së negociatave të antarësimit.

E kanë krejt të qartë se cfarë përfaqëson, e prandaj nuk të qasin. Sic thua vetë, nëse është e vërtetë, po endesh nëpër Europë, duke kapur kë të mundesh për mënge, njëlloj si ai nxënësi ngelës që kërkon dëshpërimisht një notë kaluese.

E në Tiranë bën trimin, me mandatet e trafikuara në kuvend, për të cilat janë dy dosje në prokurori e me gjasë mund të hapet ndonjë tjetër me lëvizjet e fundit. Pra nuk do jetë aq e thjeshtë Edi Rama…Sa më shpejt ta kuptosh, aq më mirë do jetë, për vendin, edhe për ty!

Protesta e banorëve te Unaza e Re: Edi Rama nuk ka çfarë t’i bëjë drogës së vet….

Banorët e Unazës së Re protestuan sot në ditën e 139 kundër qeverisë Rama. Asshtu si edhe në ditët e mëparshme, në mbështetje të protestës ishin ish-deputetët e opozitës, por edhe qytetarë të Tiranës.
Protestuesit bënë thirrje për lirimin e qytetarëve të arrestuar dje nga policia, pas protestës së opozitës para Kuvendit të Shqipërisë.
E para që mori fjalën në protestën e sotme ishte e ëma e Dorian Protoduarit, i cili mbahet nën arrest me akuzën për kundërshtim të forcave të Rendit.
“Edi Rama nuk ka çfarë t’i bëjë drogës së vet, prandaj ju them që mos u trembni nga asnjë. Ne do jemi në ballë të protestave, siç kemi qenë 5 muaj këtu dhe do ti japim përgjigjen e merituar kësaj përgjigje arrogante. Ne nuk na ndalon dot askush”, tha Drita Protoduari.
Me thirrjet “Rama ik”, “E duam Shqipërinë pa Edi Ramën”, “E duam Tiranën pa Erjon Velinë”, protestuesit e cilësuan kryebashkiakun e Tiranës një vemje.
“Këtij vemjes që ka pranuar që dasmën ia ka bërë mamaja, po i themi që ta harrojw që protestën do ta ndalojmë.
Ne do të jemi në këmbë, dhe po të na e marrin frymën e fundit, prapë nuk do të dorëzohemi”, tha njëri prej protestuesve.

Gjermania, 1.3 miliardë euro për fëmijët e varfër, Rama, 2 miliardë euro për 7 oligarkë

Synimi është që të mbrohen nga varfëria familjet me të ardhura të pakta, tha ministri i Punës Hubertus Heil para Bundestagut. Ai e pati paraqitur projektligjin së bashku me ministren e Familjes, Franziska Giffey.

Të drejtë të marrin subvencionin e ri për fëmijët kanë familje, në të cilat të ardhurat e prindërve vërtet mbulojnë nevojën minimale vetjake, por jo atë të fëmijëve. Që në 1 korrik, subvencioni do të rritet nga 170 euro aktualisht, në 185 euro.

Ministri i Punës Heil tha se nga shërbimet do të përfitojnë para së gjithash nënat dhe baballarët në familjet me një prind. Ligji parashikon subvencione më të mëdha për ata me të ardhura të ulëta, familjet me një prind dhe familjet të cilat varen nga ndihma Hartz IV.

Kështu është parashikuar që subvencioni për fëmijët të rritet me 15 euro në muaj. Fëmijët në nevojë, për vitin e ardhshëm shkollor do ta marrin falas ushqimin e shkollës dhe biletën mujore për autobusët e shkollave. Për materialet e shkollës do të jepen 150 euro në vend të 100 eurove.

Do të jenë gjithsej katër milionë fëmijë që do të përfitojnë nga shtimi i shërbimeve. Për “Ligjin e fortë për familjen”, qeveria do të shpenzojë në legjislaturën në vazhdim 1,3 miliardë euro. Sipas mendimit të opozitës, ligji është i drejtë, por nuk shkon aq sa duhet larg.

Krejt ndryshe nga Gjermania është shembulli i Shqipërisë, ku kreu I qeverisë akordoon pjesën më të madhe të buxhetit për oligarkët ose afro 2 miliardë për 7 oligarkë.

Balliu-Ramës: Pse nuk dole live të provoje se ishe në rregull?

Kleves BALLIU

Kryeministër edhe pse u sforcove, sërish kuptohet që sje mirë. E ke nga sëmundja konkrete apo si i sëmurë i përhershëm këtë nuk mund ta them. Por ti që ke dal live në dush e lakuriq në sytë e botës, nuk dole live kur tu kërkuan prova. Gjithë tautologjia jote ka brenda një padituri fenomenale.

Ti kujton se nuk të njohin shqiptarët si individ. Ti harron rrugën tënde që ke përshkuar me ngjarje që lëvizin nga çmenduria në perversitet. Çdo fajtor përpiqet ta bind veten se fajet e tij janë harruar. Por kjo është utopi.

Për ty do ketë libra e filma dramatik, tragjik e komik sepse ti ashtu e ke jetën tënde. Duke u shkaktuar drama të tjerëve me veçantësinë se sa më shumë të afërt ti kesh aq më zi i trajton.

Dhe këto faktkeqësi që u ke shkaktuar qytetarëve nga Tirana e deri në Gjermani. Nga Tirana e deri në Spanjë dhe janë rrugëve sot njerëzit që i ka goditur çmenduria jote. Kudo që ve dorën ti për të kënaqur shijen dhe projektin tënd ti inkriminon, qofshin këta biznesmen, qofshin analist politik apo bashkëpuntor në parti.

Ti je një hidrocentral vesi dhe krimi. Ti nuk ke projekt politik apo ekonomik, ti ke vetëm projektin e megavjedhjes dhe harron që kjo betejë do të mbyllet me zbulimin tënd total, me shpalljen tënde në sy të publikut dhe ligjit.

Gjithë karriera jote nuk është politike, është karrieria e një buldozeri që mbyllet me dashurinë për lekët që nuk i mban në xhepat e pantallonave por në offshoret ku është kërkuar dhe ku do të konkludohet.

As fshehtësia, as harresa, as miqtë e paguar me natyrë, me para dhe me ves nuk do të të mbrojnë por gjithçka që do të dali prej tyre do të dënoj.

Urrejtja raciste kundër opozitës ka një bazë të thellë tek ty. Kjo sepse ti ke një problem me të qenin njeri normal dhe si i tillë ti gjithçka normale tek njerëzit e urren prandaj ata ti mund ti etiketosh si të duash, por je ti që nuk hyn dot në serën fisnike të njerëzve që duan të vërtetën, duan këtë vend dhe duan të ardhmen e tij.

Ti ke kaluar në 100 projekte politike nga fashist, zogist, ballist, komunist për të fshehur një gjë që do ti shërbesh Spiro Kolekës dhe kompleksit të veseve të tua personale.

Çdo ditë që kalon vetëm rrit malin e fakteve dhe krimeve të tua në kurriz të shqiptarëve, i cili do të shkoj në përputhje me ndëshkimin.

Për gjendjen e rëndë shëndetësore të kryeministrit Edi Rama shkruan edhe mediat greke, edhe pse vetë kryeminsitri pavarësisht se për 4 ditë nuk u duk në asnjë media, ka mohuar të kundërtën.

Qeveria gjermane në të njëjtën linjë me opozitën: Duhet garanci e pakufizuar për votën

Akuzat, të cilat kanë të bëjnë me mbarëvajtjen e zgjedhjeve të kaluara, duhet të verifikohen dhe përpunohen nga drejtësia dhe parlamenti në përputhje me procedurën e parashikuar për këtë. Kështu theksohet në një deklaratë të dy zyrtarëve të Qeverisë gjermane, pas vizitës së zhvilluar në Tiranë.
Dr.Christian Hellbach, i Ngarkuari për Evropën Juglindore, Turqinë dhe Shtetet e EFTA-s pranë Ministrisë Federale të Punëve të Jashtme dhe Thomas Ossoëski, i Ngarkuari për Politikat e BE-së pranë Ministrisë Federale të Punëve të Jashtme të Gjermanisë, deklarojnë se Shqipëria duhet të zhvillojë instrumenta efektivë për të parandaluar mashtrimet në zgjedhje dhe blerjen e votave si dhe për të ndjekur në mënyrë të vendosur çdo moment dyshimi.
“Duhet të garantohet besimi i pakufizuar i qytetarëve në forcën e votës së tyre!”, thuhet në deklaratë.
Gjatë vizitës në Shqipëri ata zhvilluan takime me Presidentin e Republikës, Ilir Meta, Kryeministrin Edi Rama, ministrin e Brendshëm Sandër Lleshaj, ministrin në detyrë për Evropën dhe Punët e Jashtme, Gent Cakaj, kryetarin e Partisë Demokratike Lulzim Basha dhe përfaqësues të shoqërisë civile.

Më poshtë keni deklaratën e plotë të zyrtarëve gjermanë që u publikua në faqen e Ambasadës së Gjermanisë në Tiranë 
Tema e bisedave ishte situata aktuale e politikës së brendshme pas dorëzimit të mandateve nga opozita. I kemi dëgjuar me vëmendje argumentat e të gjitha palëve. Debatet dhe përballjet politike janë të dëshiruara në cdo demokraci. Dhe: E drejta për të protestuar është një element i rëndësishëm i kushtetutshmërisë demokratike. Por dhuna është e papranueshme.
Është detyra e të gjithë deputetëve të zgjedhur, pikërisht në parlament, me angazhim dhe në mënyrë konstruktive, të çojnë përpara reformat e nevojshme dhe të arrijnë rezultate konkrete. Shqipëria është, p.sh. në reformën e drejtësisë, në rrugë të mbarë. Kurse bojkoti i parlamentit dhe sidomos dorëzimi i mandateve është për ne i gabuar.

Ndaj u bëjmë thirrje të gjitha partive të tregojnë përgjegjësi përkundrejt zgjedhësve të tyre dhe të marrin pjesë në zgjedhjet vendore të datës 30 qershor. Rekomandimet e OSBE-ODIHR-it,- të cilat u drejtohen si pushtetit ekzekutiv ashtu edhe atij legjislativ, kanë bërë të qartë, se në cilët sektorë duhet të përmirësohet ende sistemi zgjedhor shqiptar. Qeveria Federale është angazhuar prej muajsh tanimë, që reforma zgjedhore të shkojë përpara dhe ka financuar ndër të tjera punën e ekspertëve të pavarur për këtë qëllim.
Shqipëria duhet të zhvillojë instrumenta efektivë për të parandaluar mashtrimet në zgjedhje dhe blerjen e votave si dhe për të ndjekur në mënyrë të vendosur çdo moment dyshimi. Duhet të garantohet besimi i pakufizuar i qytetarëve në forcën e votës së tyre! Por kjo arrihet vetëm me një parlament funksional. Ne u bëjmë thirrje të gjitha partive, të punojnë në mënyrë konstruktive për reformën zgjedhore. Akuzat, të cilat kanë të bëjnë me mbarëvajtjen e zgjedhjeve të kaluara, duhet të verifikohen dhe përpunohen nga drejtësia dhe parlamenti në përputhje me procedurën e parashikuar për këtë.

Maturantët me detyrim për antimiting nga Dibra në Tiranë! Zbulohet SMS-ja

Mitingu i organizuar nga Veliaj që do të mbahet nesër në ora 11:00 tek sheshi ‘Nënë Tereza’ pas Kongresit të PS-së, ka filluar që pasditen e sotme.
Mitingu do t’i ngjajë atyre të fundit që ka zhvilluar Edi Rama në rrethe, ku njerëzit do të ulen në karrige. Dhe karriget janë marrë pikërisht nga shkollat e Tiranës.
Por përveç kërcënimit që kreu i FRESSH, Eljo Hysko, i bënte anëtarëve për të qenë me detyrim në miting bashkë me të paktën 10 persona, ndryshe humbasin vendin e punës, ish kryeministri Sali Berisha ka publikuar një tjetër sms, ku tregohet se si edhe maturantët e Dibrës detyrohen të jenë nesër në Tiranë.
Postimi i ish-Kryeministrit Berisha
Maturantet me detyrim per antimiting nga Dibra ne Tirane!
Lexoni mesazhin e prindit dixhital. sb
Pershendetje dr.Berisha. Jam prindi i nje maturanti nga Dibra. DAR Diber, nepermjet strukturave FRESH-it organizon maturantet e gjimnazeve te Dibres per t’i derguar ne mitungun e dites se shtune qe organizon Erion Velia ne Tirane.

Zbardhen përgjimet/ Drejtori i policisë së Fierit: Do të nis unë njeri me lekë, Fredi Alizoti: Eee e kape muhabetin…

Ish-deputeti i PD, Ervin Salianji, ka publikuar sot një pjesë nga biseda e përgjuar mes drejtorit të policisë së Fierit dhe Fredi Alizotit, në kuadër të dosjes së bujshme ‘Babale’.
Ervin Salianji i akuzuar për ‘kallëzim të rremë’ dhe i marrë i pandehur për dosjen ‘Xhafaj-Babale’ ka publikuar ne faqen e tij ne FB, biseden mes drejtori i Policisë së Fierit dhe atij qe ai e quan ‘dëshmitar të fabrikuar të qeverisë’, Fredi Alizoti.

Biseda e trasnkriptuar 
Numri është i telefonit të drejtorit të policisë së Fierit, Bert Nushi.
Ora 12:28 e natës
Drejtori: Fredi.
Fredi: Ai është b.q prokuror, të më thotë ai mua…
Drejtori: Ku je, se nuk..
Fredi: Dëgjo mua, atë që kam nisur…eee…

Drejtori: Ku je në Fier apo jo,
Fredi: Të kam q.. robt, atë që kam nisur nuk e kthej mbrapa, a ti thosha të kam q…motrën mu në p…
Drejtori: Fredi, po më dëgjo, Frediii.
Fredi: Unë nuk di si më lini në rrugë mua, vari k muhabete, i ka marrë në dorë Gramozi këto punë
Drejtori: Se jam në vendngjarje tani, ça do, më thuaj.

Fredi: Do më dërgosh njeri që të flas.
Drejtori: Jam në Fier kam një ngjarje, jam në Ballsh.
Fredi: E mban mend ku me ke lënë herën e parë, më dërgo njeri për çerek ore,
Drejtori: Ka mundësi të mos më kapë telefoni se jam në vendngjarje.
Fredi: E dëgjon, aty ku më le, e mban mend.
Drejtori: Po do të nis unë njeri me lekë.
Fredi: Po e kape, e do troç, e kap, jam në mes të rrugës.

Krimi bën ligjin, vritet në Elbasan avokati i Emiljano Shullazit

Një ngjarje e rëndë ka ndodhur para pak minutash në Elbasan. Bëhet e ditur se, një person është qëlluar për vdekje në qendër të qytetit.
Sipas burimeve, viktima quhet Ravik Gurra, me profesion avokat.
Gurra ishte avokat i Emiljano Shullazit.
Ende nuk dihen shkaqet e kësaj ngjarje të rëndë, ndërsa qytetarët janë përfshirë nga frika e paniku. Policia edne nuk ka dhënë asnjë njoftim për këtë ngjarje të rëndë.

Njoftimi i policisë Elbasan
Rreth orës 19:35, në një lokal në Elbasan, nga persona ende të paidentifikuar është vrarë me armë zjarri shtetasi R.G., 50 vjeç, banues në Elbasan.
Sherbimet e Policisë kane ngritur pika kontrolli në të gjitha rrugët në hyrje e dalje si dhe po krehin zonen ku dyshohet se janë larguar autorët. Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes.
Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes.

Kush ishte Ravik Gurra
Ravik Gurra ka marrë pjesë në procesin që Shullazi ka ndaj Ylvi Beqajt për çështjen “Vollga”, ku Shullazit dhe grupi i tij që akuzohen për veprën penale “shtrëngim për dhënie pasurie dhe grup të strukturuar kriminal”.
Ravik Gurra, tha në gjyq se pyetjet e tyre ndaj dëshmitarit nuk ishin konfidenciale, por kishin karakter procedural.
Gurra po ashtu ka qenë edhe avokat i ‘Hakmarrjes për Drejtësi’ dhe i ‘Çapajve’ në Elbasan.

Reagimi i Dash Shehit ndaj Mustafait, ja memet që po bëjnë xhiron e internetit

Reagimi i ish-deputetit Dahsamir Shehi ndaj sahanlëpirësit Mustafa Nano mbrëmjen e djeshme në emisionin “Oponion” ka shkaktuar mjaft debate në rrjetet sociale.
Me sportivitetin e tij, deputeti demokrat ka bërë që të gjithë analistët e vënë rë rresht kundër tij të heshtin.
Megjithatë, reagimi i Mustafait kur i tha ‘paske kthyer ca gota me sa duket’ ka shkaktuar revoltë në rrjet. Ishte Nano ai që i tha Shehit se ka pirë ‘ndonjë gotë’, kurse ish-deputeti ja ktheu duke e quajtur ‘banda e legenëve të Edi Ramës’.
Që prej mbrëmjes së djeshme replikat mes dy të ftuarave janë kthyer në meme që po bëjnë xhiron e internetit.

1...4 8224 8234 824...8 364Faqja 4 823 nga 8 364

Kryesore

Continue to the category
Më shumë
© 2024 Rilindja Demokratike Euroatlantike