22.5 C
Tirana
E premte, 6 Qershor, 2025
type here...

Bie me turp akuza ndaj Presidentit, Mueller: Asnjë bashkëpunim i Trump me Rusinë

Prokurori i posaçëm Robert Mueller thotë se as Presidenti Donald Trump, as fushata e tij dhe as ndonjë tjetër i lidhur me këtë fushatë, nuk kanë komplotuar me Rusinë për të ndërhyrë në zgjedhjet presidenciale të vitit 2016, sipas një përmbledhjejr të paraqitur të dielën nga kreu i Departamentit të Drejtësisë (Prokurori i Përgjithshëm) William Barr.

Por përsa i përket pyetjes nëse Presidenti Trump u përpoq të pengonte drejtësinë duke ndërhyrë ose duke u orvatur të prishë hetimin e prokurorit Mueller, zoti Barr tha, “Raporti nuk arrin në përfundimin se presidenti ka kryer ndonjë krim, por as nuk e përjashton këtë”.

Zoti Barr publikoi një përmbledhje të raportit të shumëpritur për hetimin që zgjati 22 muaj rreth akuzave se fushata e zotit Trump kishte bashkëpunuar fshehurazi me Rusinë për të ndikuar në zgjedhjet e 2016-s në favor të zotit Trump.
Prokurori i Përgjithshëm Barr ia dërgoi përmbledhjen e tij Kongresit dhe e bëri atë publik të dielën. Zoti Mueller e dorëzoi raportin e tij në Departamentin e Drejtësisë të premten.

“Hetimi i Prokurorit të Posaçëm nuk arrin në përfundimin se fushata Trump apo dikush i lidhur me të ka bashkëpunuar … me qeverinë ruse në aktivitetet për ndërhyrjen në zgjedhje,” thuhet në përmbledhjen e zotit Barr.
Zoti Barr thotë se raporti arrin pikërisht në këtë përfundim, megjithë “ofertat e shumta nga individë të lidhur me Rusinë për të ndihmuar fushatën Trump”.

Sipas zotit Barr, Prokurori i Posaçëm Mueller nuk nxjerr përfundime nëse Presidenti Trump ka penguar drejtësinë, duke ia lënë këtë çështje zotit Barr dhe Zëvendës Prokurorit të Përgjithshëm Rod Rosenstein. Kreu i Departamentit të Drejtësisë shkruan se nuk ka prova të mjaftueshme për të konkluduar nëse zoti Trump ka kryer krimin e pengimit të drejtësisë. Ai thotë se kjo nuk bazohet në ndonjë nocion se ndaj një presidenti në detyrë nuk mund të ngrihet aktpadi.

“Për të arritur në ngritjen e akuzave për pengim të drejtësisë dhe për t’i mbështetur këto akuza, – shkruan ai, – qeveria do të duhej të provonte përtej dyshimit të arsyeshëm se një person që vepron me synime të korruptuara, angazhohet në sjellje penguese”.

Megjithë pohimet e zotit Barr se raporti i Prokurorit të Posaçëm Mueller nuk e nxjerr presidentin plotësisht të pastër, zoti Trump shkruante kështu të dielën në Twitter: “Asnjë bashkëpunim i fshehtë, asnjë pengim i drejtësisë, pafajësi e plotë. Le ta mbajmë Amerikën të Madhe”.

Më vonë, ai u tha gazetarëve se hetimi ishte “gjëja më qesharake që kam dëgjuar ndonjëherë … është turp që vendit tonë iu desh të kalojë nëpër këtë sprovë… është një turp që presidenti duhej të kalonte nëpër këtë sprovë, madje qysh përpara para se unë të zgjidhesha – ky ishte një akt ipaligjshëm poshtërimi që dështoi dhe shpresojmë se dikush do të hetojë edhe palën tjetër.”

Deri tani ka patur vendime të shumta gjykatash që e mbështesin ligjshmërinë e hetimit të zotit Mueller. Në përmbledhjen e zotit Barr vihet në dukje se gjatë hetimit gati dy vjeçar, Prokurori i Posaçëm Mueller pati në dispozicion të tij 19 avokatë dhe 40 agjentë të FBI-së që punonin me të, lëshoi më shumë se 2.800 thirrje për paraqitje, bisedoi me rreth 500 dëshmitarë dhe kreu gati 500 urdhra për bastitje.

Dhoma e Përfaqësuesve votoi njëzëri këtë muaj për një rezolutë e cila kërkonte që raporti i plotë i zotit Mueller të bëhej publik. Shumë ligjvënës duan gjithashtu të shohin ndonjërën nga dëshmitë që e bënë zotin Mueller të arrinte në përfundimet e tij, sidomos tani që zoti Barr shkruan se raporti i Prokurorit të Posa]ëm Mueller “nuk e nxjerr të pafajshëm” zotin Trump, edhe nëse presidenti thotë të kundërtën.

“Letra e Prokurorit të Përgjithshëm Barr ngre po aq pyetje sa edhe jep përgjigje,” thanë në një deklaratë të përbashkët kryetarja demokrate e Dhomës Nancy Pelosi dhe udhëheqësi i demokratëve të Senatit, Chuck Schumer. “Duke pasur parasysh rekordin publik të zotit Barr për njëanshmëri ndaj hetimit të Prokurorit të Posaçëm, ai nuk është një vëzhgues neutral dhe nuk është në gjendje të bëjë përcaktime objektive rreth raportit”.

Kryetari i Komisionit Juridik të Dhomës, Jerry Nadler, tha se komisioni i tij do të thërrasë zotin Barr të dëshmojë në një të ardhme të afërt “në dritën e mospërputhjeve shumë shqetësuese dhe vendimit përfundimtar në Departamentin e Drejtësisë pas raportit të Prokurorit të Posaçëm, ku zoti Mueller nuk e nxjerr të pafajshëm presidentin.”

Disa kandidatë demokratë për president, Kirsten Gillibrand, Cory Booker, Kamala Harris dhe Elizabeth Warren thanë gjithashtu të dielën se një përmbledhje e raportit të zotit Mueller, e filtruar përmes “prokurorit të përgjithshëm” të presidentit, është i pakënaqshëm.

Por udhëheqësi i pakicës në Dhomën e Përfaqësuesve, republikani Kevin McCarthy, tha se letra e zotit Barr e bën “mjaft të qartë dhe pa asnjë hije dyshimi, se nuk ka patur bashkëpunim të fshehtë”. Ai tha se vendi i mirëpret përfundimet e raportit.
Një nga aleatët më të afërt të Presidentit Trump, senatori republikan Lindsey Graham, tha se zoti Mueller bëri një “punë të madhe” dhe e quajti të dielën një “ditë të mirë për sundimin e ligjit” dhe një “ditë të keqe për ata që shpresonin se hetimi i zotit Mueller do ta rrëzonte Presidentin Trump”.

“Tani është koha të ecim përpara, të qeverisim vendin dhe për të përgatitemi për të luftuar Rusinë dhe aktorët e tjerë të huaj në prag të zgjedhjeve të 2020-s,” shkruante ai të dielën.

“VOA”

Pesë simptomat më pak të njohura të kancerit që duhet t’i dini

Kanceri është sëmundja ku qelizat në pjesë të caktuara të trupit rriten dhe riprodhohen në mënyrë të pakontrolluar.
Për momentin nuk ka ndonjë ilaç që e shëron këtë sëmundje, prandaj diagnostikimi i hershëm ndihmon në rritjen e shanseve për të mbijetuar.
Shenjat e caktuara, si gjëndrat, janë simptoma më të njohura se disa tjera. Prandaj, duke marrë parasysh se ka disa simptoma që ende nuk dihen mirë, më poshtë jua sjellim ato.

Kolla e vazhdueshme
Kolla është e zakonsëme, por ekspertët shëndetësorë paralajmërojnë se nëse kolla nuk largohet ose keqësohet, kjo është shenjë se duhet ta vizitoni doktorin.

Humbja e pashpjegueshme e peshës
Ndryshimet e vogla të peshës përgjatë kohës konsiderohen si normale, por, nëse vëreni se keni rënë dukshëm në peshë dhe nuk keni ndryshuar dietën, atëherë njoftojeni doktorin.

Fryrja e vazhdueshme e barkut
Fryrja e barkut është e zakonshme dhe vjen e shkon, e posaçërisht te femrat ose pasi t’i keni ngrënë disa ushqime të caktuara.
Megjithatë, nëse keni fryrje të vazhdueshme, mirë është të kontrolloheni.

Problemet me frymëmarrje
Nëse jeni duke mbetur shumë shpesh pa frymë, gjithsesi njoftojeni doktorin.

Problemet me urinim
Problemet me urinim përfshijnë nevojën për të urinuar menjëherë ose më shpesh. Gjithashtu problemet e tilla përfshijnë edhe paaftësinë për të urinuar ose keni dhimbje kur e bëni këtë.

Berisha publikon skandalin: Polici, anëtar i bandës në grabitje dhe pengmarrje

Një denoncues ka bërë publik një rastë të paprecedent pasi policia në qytetin e Fierit është vënë në funksion të bandave.
Lajmin e ka bërë publik ish-kryeministri Sali Berisha me anë të një postimi në rrjetet sociale. Sipas denoncuesit në datën 15 një qytetar ka bërë një denoncim për një grabitje të ndodhur dhe sipas tij Policia nuk ka marrë asnjë masë.
Sipas tij të përfshirë në ketë ngjarje kanë qenë punonjës policie të veshur me uniformë dhe se një nga policët që ka marrë pjesë në këtë ngjarje, quhet Bardhosh Selami.

Postimi i plotë
Ne Narkoshtet, narkopolicia dhe narkobandat jane nje!
Lexoni mesazhin e qytetarit dixhital. sb
Pershendetje. Doktor dua te bej nje denancim per nje ngjarje qe ka ndodhur ne qytetin e Fierit. Policia eshte vene ne dispozicoin te bandave te trafikut te droges qe behet ne grykederdhjen e Vjoses. Diten e premte ne daten 15 nje qytetar ka bere denancim per dhunim, grabitje dhe tentative pengmarrje dhe po mbushet nje jave policia nuk ka bere asnje veprim sepse te pefshire ne kete ngjarje kapasur punonjes policie me uniform qe punojne ne drejtorin e Kufirit ne derdhje te Vjoses ku nisin dhe skafet me droge.
Ky grupe vepron ne gryke derdhjen e Vjoses me gjobe venie, grabitje rrembime dhe trafikun e droges drejt Italis. Punonjesi i policis qe eshte njeri nga pjestaret e grupit qe ka marre dhe pjese ne ngjarjen e dites se premte quhet Bardhosh Selami punonjes i kufirit ne Drejtorin e Policis Fier. Ky eshte narko shteti.
Anonim te lutem

Fjalimi i Edi Ramës, prelud i Luftës Civile

Nga Erl KODRA

Sot mjerimi i Edi Ramës “shkëlqeu”. Në çdo gjest të tij ndjehej dhe kuptohej tmerri që përjetonte së thelli, ndërsa tejkaloi vijën e fundit drejt humnerës. Unë gjithmonë e kam ditur se kush është dhe çfarë përfaqëson Edi Rama, por gjithësesi, vetëm sot ai goditi bash në zemër të bashkëjetesës qytetare;

Edi Rama shkeli vijën e kuqe. Me një gjuhë plot urrejtje dhe zhargon të rëndë për shqiptarët, ai e zyrtarizoi përgjatë fjalës së tij se ai nuk lëvizë asnjë centimetër nga pushteti i blerë, pavarësisht çmimit, qoftë edhe edhe konfilkti civil. Fjalori i ndyrë me të cilin ai sulmoi nominalisht Lulzim Bashën; gazetarët dhe mediat që nuk i nënshtrohen vullnetit të tij suprem; por edhe popullin armik opozitar, sot tejkaloi çdo kufi. Ata që nuk e duan Edi Ramën, sipas Edi Ramës janë armiqtë e popullit, ndërsa “populli i vertetë” ishte ulur në qindra karrige para tij; një lloj populli i kënaqur nga udhëheqësi i shquar i Partisë dhe i shtetit.

Ka diçka të jashtëzakonshme dhe ogurëzezë, që paralajmëron saktësisht se javët dhe muajt që do të vijnë, lehtësisht mund të kthehen në një luftë civile. Fjalori i Edi Ramës e paralajmëron këtë, ndërsa thotë pa iu dridhur qerpiku se do të shembë përdhe shtëpitë e 4000 qyetarëve tek Unaza e Re, për të ndërtuar “Unazën prej floriri” 48 milionëshe. Edi Rama zotohet se do të shembë Teatrin Kombëtar për t’i hapur rrugë përbindëshave prej betoni, sepse ai tashmë e mendon veten të pandalshëm, të papërballueshëm, një lloj Zoti i zbritur në Tokë për të udhëhequr shqiptarët.

Edi Rama as nuk i konsideron mijërat e qytetarëve shqiptarë që janë ngritur kundër tij, ai tashmë është i bindur se haremi i tij i deputetëve në të ashtuquajturin Parlamenti i Shqipërisë do të votojnë gjithçka që ai u vë përpara. Ai e di se nuk ka Gjykatë Kushtetuese, ndërsa garancitë e fundit ia jep Gjeneral Sandër Lleshaj, një “streteg” mediokër dhe fanatik enverist, i komanduar në krye të Ministrisë së Brendshme.

***
Media kryesore në vend është blerë me kohë, ndërsa mercenarët e tij mediatik vazhdojnë mbështetjen pa kushte. Gjithçka që lejohet të lëvizë nën këtë qiell duhet të ekzistojë në funksion të Edi Ramës, të marrë frymë prej tij, dhe të përçojë frymën e tij. Gjithkush tjetër që nuk i bindet, është armik, është Kadri. Qytetarët e Karrigeve janë të denjë për bekimin e tij, ndërsa ata që nuk i përulen, janë armiqtë e Popullit të Karrigeve.
A nuk është ky preludi i një Lufte Civile?

Rrethanat janë të jashtëzakonshme, ndërsa zemërimi i popullit “armik” ka arritur kulme të reja. Saktësisht, këto janë rrethanat e llojit ku arsyeja e “zakonshme” nuk ka më kuptim, ku ndahet e mira me të keqen, e vërteta me gënjeshtrën. Është ai momenti tragjik që po përjeton çdonjëri prej qindra mijëra qytetarëve që sot protestojnë kundër urisë, vjedhjes, mashtrimit, drogës, krimit dhe mafias në zemër të shtetit. Fjalimet e Edi Ramës janë fyese, denigruese, përçarëse, shantazhuese; ato kullojnë ndyrësi dhe të pëgëra në eter që rëndojnë gjendjen emocionale të shqiptarëve të pamundur.

Në këto kushte ekstreme, zemërimi kthehet në një fuçi baruti.

Partia Demokratike duhet të përkthejë fjalë për fjalë fjalimin e sotëm të Edi Ramës, me zë dhe figurë, me titra, në gjuhët gjermane, franceze dhe angleze. Këtë fjalim duhet ta dërgojnë në të gjitha kancelaritë perëndimore dhe në të gjitha vendet anëtare të NATO-s. Kjo situatë shpërthyese duhet të demaskohet shpejt dhe fort, jo për të fituar mbi Edi Ramën, por për të shpëtuar vendin.

Ata ndërkombëtarë që e kanë mbështetur deri më sot duhet të mënjanohen, ndërsa opozita shqiptare duhet të gjejë rrugë të tjera komunikimi, sepse qendrat vendim marrëse të botës demokratike duhet ta lexojnë gjuhën e tij të drejtëpërdrejtë dhe gjuhën e tij të trupit, qëndrueshmërinë e tij mendore, gadishmërinë e tij për ta zhytur vendin në Luftë Civile. Sot shkenca e psikologjisë dhe mjeksia ka arritur në nivele të tilla sa është në gjendje të përcaktojë saktësisht, vetëm duke analizuar fjalimin e sotëm, se çfarë diagnoze ka Edi Rama, si dhe rrezikun që ai mbartë si njeriu që ka rrëmbyer të gjitha pushtetet në Shqipëri.

Sot, Edi Rama nuk ngjante, por ishte i njëjtë me Adolf Hitler dhe Joseph Goebbels të marrë së bashku, ishte i njëjtë me Benito Mussolinin, Joseph Stalin dhe Enver Hoxha. Edi Rama sonte ngjante shumë me Slobodan Miloševi?. Fjalimi i sotëm para “Qytetarëve në Karrike” ishte prova. Këtë provë tashmë e njohin gjithë shqiptarët; por këtë provë duhet ta njohin edhe vendet anëtare të NATO-s.

141 ditë në mbështeteje të protestës së banorëve të Unazës së Re

Po bëhen 5 muaj që banorët e Unazës së Re janë në protestë për të mbrojtur shtëpitë e tyrë nga prishja si pasojë e një projekti fund e krye korruptiv.
141 ditë protestë e përditëshme e këtyre banorëve të cilët nuk u mposhten as nga policia e dhuna e saj as nga metodat e ndryshme të korruptimit të stilit Veliaj -Rama dhe as nga moti herë me shi e herë i ftohtë për të mbrojtur shtëpitë e tyre, djersen e tyre.
Në mbështetje të tyre si thuajse çdo ditë ishin të pranishëm edhe ish-deputetët e PD-së dhe LSI-së.
Por në mënyrë të veçantë drejtuest lokalë të këtyrë forcave politike. Na krah të këtyre banorëve kanë qenë drejtuesit e degës së PD kombinat dhe anëtarët dhe simpatizantët e kësja force politike.
Kreu i demokratëve të kombinatit Dashnor Visha thotë se, “mbështetja është shtuar nga ditë në ditë, dhe do të vazhdojmë të jemi pranë këtyrë banorëve pasi protesta e tyre është e drejtë sublime”. “Një projekt korruptiv kërkon tu marrë atyre jetën, banesen dhe pasurinë e fëmive të tyre” shprehet Visha.

Pse e shtyn qeveria SPAK-un dhe Byronë që s’kanë lidhje me opozitën?!

Nga Ylli MANJANI

Disa miq e gazetarë pyesin se si e bllokon mungesa e opozitës krijimin e SPAK?
Përgjigja është fare e thjeshtë: Fare! Nuk e bllokon dot asnjë parti, deputet apo grup deputetësh, një apo disapërdorimësh.
SPAK e zgjedh KLP e cila është krijuar dhe funksionon. Parlamenti nuk ka më asnjë rol për të luajtur. Edhe për institucionet e tjera që janë në pritje për t’u ngritur, Parlamenti, edhe ky që është, nuk e bllokon dot. Ndryshimet Kushtetuese që u miratuan me konsensus, përcaktojnë mekanzimin zhbllokues kur Parlamenti nuk merr dot vendime.
Pra debati që ikja e Opozitës bllokon reformën është propagandë e pa bazuar në asnjë fakt.
Pyetja shtrohet përse vonohet krijimi i SPAK dhe i institucioneve të tjera? Kujtojmë se vendi është jo vetëm pa SPAK e Byro Hetimi, por edhe pa Gjykatë Kushtetuese, pa gjykatë të Lartë funksionale, pa Inspektorin e Përgjithshëm madje edhe pa Kontrollin e Lartë të Shtetit.
Kujt i interesojnë këto vakume të tmerrshme ne funksionin e shtetit?! Opozitës apo Qeverisë?!
Qartësisht “Hallatet” i mungojnë qeverisë. Asaj nuk i interesojnë fare as SPAK, as BKH, as gjykata e as prokuroria e pavarur. Ndaj dhe i shtyjnë e i shtyjnë e i shtyjnëëëë…. Ndërkohë shtohet paranoja, pasiguria e ankthi…..
Por ama fajin e ka … Opozitaaaaa, e cila veçse pa imunitet është edhe pa “Hallate”! Këto të fundit janë më interesante për lajme…

KPK shkel afatet ligjore për Donika Prelën, nuk zbardh vendimin…

Komisioni i Pavarur i Kualifikimit shkel afatet ligjore për zbardhjen e vendimit për drejtuesen e Prokurorisë së Krimeve të Rënda, Donika Prela.
Trupa gjykuese e drejtuar nga Roland Ilia, me relatore Valbona Sanxhaktarin dhe anëtar Olsi Komicin shpalli më 5 shkurt konfirmimin në detyrë të Prelës si dhe njoftoi se vendimi me shkrim do të komunikohej brenda 30 ditëve. Afati maksimal i zbardhjes, pa llogaritur ditën e njoftimit të vendimit është plotësuar të enjten më 21 mars, por KPK nuk e ka zbardhur ende atë në faqen e vet zyrtare.
Afati 30-ditor për Komisionin e Pavarur të Kualifikimit është detyrim ligjor, që buron nga pika 7 e nenit 55 të ligjit “Për rivlerësimin kalimtar”. Donika Prela drejton Prokurorinë e Krimeve të Rënda prej majit të vitit 2018 si e komanduar nga Prokurorja e Përgjithshme e Përkohshme, Arta Marku. Prela është gjithashtu kandidate për Strukturën e Posaçme kundër Korrupsionit dhe Krimit të Organizuar, e njohur ndryshe si SPAK. Konfirmimi i Prelës kaloi përmes një sërë akuzash publike, kryesisht nga Partia Demokratike, e cila e akuzoi atë si të njëanshme.
Akuzat publike të deputetit të PD-së, Enkelejd Alibeaj, e detyruan KPK-në që ta shtynte njoftimin e vendimit nga data 29 janar më 5 shkurt. Prela po ashtu pati një seancë dëgjimore jo të lehtë. Ajo u përball me pikëpyetje mbi të ardhurat e bashkëshortit dhe transaksionet me pasuritë e paluajtshme në seancën dëgjimore me Komisionin e Pavarur të Kualifikimit më 22 janar. Prela u mbrojt, duke dorëzuar në Komision dokumente shtesë mbi të ardhurat familjare.

Prokurorja
Drejtuesja e Prokurorisë së Krimeve të Rënda, Donika Prela, replikoi edhe me vëzhguesin e ONM-së, Theo Jacobs, i cili ngriti dyshime për mospagimin e taksave nga bashkëshorti për një pjesë të të ardhurave. Jacobs e krahasoi dosjen e saj të vetingut me shijen e keqe të një ilaçi të kapërdirë pa ujë në mëngjes, por që kalon në kohën e drekës.
Prokurorja Prela u përgjigj se ajo dhe bashkëshorti i saj kishin jetuar në Shqipëri dhe jo në ndonjë vend të BEsë, ku marrëdhëniet e punës fillojnë dhe mbarojnë në mënyrë të ligjshme. “Bashkëshorti im ka nënshkruar një kontratë dhe i është përmbajtur detyrimeve të saj. Legjislacioni shqiptar ngarkon me përgjegjësi punëdhënësin për detyrimet dhe nuk ka asnjë dispozitë që tregon se tatimi në burim mund të paguhet në mënyrë vullnetare”, tha Prela.
Drejtuesja e Prokurorisë së Krimeve të Rënda u ngarkua me barrën e provës edhe për burimet financiare të një të afërmi të bashkëshortit, i cili u kishte dhënë 15 mijë euro hua për blerjen e një apartamenti në vitin 2007 si dhe dha sqarime mbi denoncimin e një qytetari lidhur me apartamentin ku banon aktualisht, i blerë për 110 mijë euro në vitin 2018.
Pas komandimit të saj në Prokurorinë e Krimeve të Rënda, Prela ka qenë disa herë në qendër të sulmeve kryesisht nga opozita që e akuzon për pengim apo mbyllje të hetimeve ndaj zyrtarëve dhe ish-zyrtarëve të lartë të shumicës qeverisëse.

Konfirmimi në detyrë vetëm mbi dy kritere, u shmang pasuria
Komisioni i Pavarur i Kualifikimit, më 5 shkurt të këtij viti dha vendimin përfundimtar për drejtuesen e Prokurorisë për Krime të Rënda, Donika Prela, duke e konfirmuar atë në detyrë. “Pas një denoncimi publik, trupi gjykues ka njoftuar shtyrjen e seancës, duke konsideruar të nevojshëm verifikimin e këtij denoncimi nëse kishte elemente për rihapjen e hetimit. Verifikimet çuan në përfundimin se deri me tani nuk ka indicie të nevojshme për të çuar në rihapjen e hetimeve”, u tha ne nisje të seancës.
Më tej, u dha edhe vendimi: “Trupi gjykues pasi shqyrtoi dokumentacionin, zhvilloi një procedurë të thellë hetimi për tri kritere, dëgjoi subjektin e rivlerësimit. Në përfundim, vendosëm konfirmimin në detyrë për Donika Prelën”. Një javë para se të konfirmohej në detyrë, Komisioni e shtyu dhënien e vendimit për Prelën, duke njoftuar se për “shkaqe të arsyeshme”, vendimi do të jepej në një datë tjetër. Ndërkohë, pas seancës dëgjimore, opozita ngriti akuza në lidhje me hetimin e kryer ndaj drejtueses së Krimeve, duke thënë se, edhe pse janë konstatuar probleme me pasurinë dhe një pjesë e tyre nuk janë hetuar fare, Prela do të kalojë vetingun.
Referuar hetimit për Prelën, ka rezultuar se në dy kriteret e rivlerësimit, atë të pastërtisë së figurës dhe aftësive profesionale, prokurorja ishte e përshtatshme për të vazhduar detyrën. Problem, sipas relacionit të lexuar nga Pine, u bë paga e marrë në “të zezë” e bashkëshortit të prokurores, dy apartamente të blera me një çmim më të ulët se vlera e tregut, si dhe një hua e marrë nga një i afërm. /BIRN/

Bodiguardët e Ramës fusin me forcë në makinë dhe dhunojnë një 35 vjeçar, nuk dihet fati i tij

Ish-Kryeministri Sali Berisha, ka publikuar mbrëmjen e stome një tjerë denoncim, ku qytetarët rrëfejnë dhunën shtetërore të Ramës ndaj atyre që e kundërshtojnë.
Një qytetar ka denoncuar se si ditën e djeshme gjatë kongresit të PS-së, bodigadrët e Ramës kanë dhunuar dhe marrë me forcë një 35-vjeçar, fati i cilit edhe sot nuk dihet.

Postimi i ish-Kryeministrit Berisha
Badiguardet e Rames arrestojne qytetarin ne antimitingun e tij!
Lexoni denoncimin e qytetarit dixhital. sb
Pershendetje dr kam qene dje te Sheraton, ne momentin kur filloi te flase gorilla, nje nga rojet e tij ka mare forcerisht nje djale afersisht 35 vjec dhe brutalisht ka tentuar ta fuse ne makinen e policise edhe policet jane sjelle brutalisht vetem qe ta fusnin ne makine. Me vjen keq dhe nuk di fatin e tij. Nese mundesh bej dicka se mos e marin ne qafe edhe sajojne gjithcka per ta lene pas hekurave.

Basha: Përgjigjet nga SHBA dhe Britania vërtetojnë se PD nuk ka shkelur ligjin

Kryetari i opozitës Lulzim Basha ka zbardhur sot, arsyen e paraqitjes së tij në Prokurori gjatë mëngjesit, lidhur me një hetim të hapur prej një viti e gjysëm dhe ka deklaruar se është e vërtetuar që PD-ja dhe drejtuesit e saj nuk kanë shkelur asnjë ligj.

Basha bëri të ditur se zhurma mediatike që po bëhet për thirrjen e tij në Prokurori është e nxitur qëllimisht nga qeveria, ndaj i bëri thirrje Prokurorisë të publikojë përgjigjen e ardhur prej mëse 6 muajsh nga SHBA për çështjen në fjalë.

Basha sqaroi: “Jemi thirrur sot në Prokurori për të dhënë informacione si persona që mund të kenë dijeni për rrethanat e hetimit. Dua ta bëj të qartë për gjithsecilin prej jush sot dhe qytetarët se hetimi i hapur prej një viti e gjysëm bëhet mbi bazën e nenit 190 për çështjen e plotësimit të formularëve të deklarimit në KQZ. Pra, çështja që po hetohet me kërkesë të PD-së është nëse këto formularë janë mbushur apo jo siç duhet.

Ky është hetimi dhe jo gënjeshtrat dhe shpifjet për të cilat është investuar fuqimisht qeveria, e cila e aktivizon këtë hetim sa herë i duhet për nevoja politike.

Ka një vit e gjysëm që ka nisur hetimi, ka më shumë se 6 muaj që kanë ardhur përgjigjet nga SHBA dhe Britania e Madhe, nga Skocia, të cilat vërtetojnë se as PD-ja, asnjë drejtues i PD-së nuk ka shkelur asnjë ligj, as në Shqipëri, as në SHBA dhe as në Britaninë e Madhe. Ndaj i kam kërkuar Prokurorisë dhe ju nxis t’i kërkoni të bëjë publike përgjigjet e ardhura nga SHBA dhe Britania e Madhe”.

Pyetje: Kur jeni njohur më këtë përgjigje?
Basha: Sot! Edhe njëherë unë ju nxit t’i kërkoni Prokurorisë të bëjë publike përgjigjet e ardhura prej mëse 6 muajsh nga SHBA dhe Britania e Madhe, të cilat vërtetojnë se PD-ja dhe drejtuesit e saj nuk kanë shkelur asnjë ligj.

DEKLARATA E KRYETARIT TË PD LULZIM BASHA PARA PROKURORISË
Jemi thirrur sot në prokurori për të dhënë informacione si persona që mund të kenë dijeni për rrethanat e hetimit. Dua ta bëj të qartë, për gjithësecilin prej jush sot këtu dhe, përmes jush, të gjithë qytetarët, se hetimi i hapur tashmë prej një viti e gjysëm bëhet mbi bazën e nenit 190 për çeshtjen e plotësimit të formularëve të deklarimit në Komisionin Qëndror të Zgjedhjeve.

Pra çeshtja që po hetohet me kërkesë të Partisë Demokratike, është nëse këta formularë janë mbushur apo jo siç duhet. Ky është hetimi dhe jo gënjeshtrat dhe shpifjet për të cilat është investuar fuqimisht qeveria e cila e aktivizon këtë hetim, sa herë i duhet për nevoja politike.

Ka një vit e gjysëm që ka nisur ky hetim, ka më shumë se gjashtë muaj që kanë ardhur përgjigjet nga SHBA dhe Britania e Madhe, nga Skocia, të cilat vertetojnë se as Partia Demokratike, as një drejtues i PD nuk ka shkelur asnjë ligj, as në Shqipëri, as në SHBA dhe as në Britaninë e Madhe.

Ndaj i kam kërkuar prokurorisë dhe ju nxis ju t’i kërkoni t’i bëjë publike përgjigjet e ardhura nga SHBA dhe Britania e Madhe.

Pyetje: Kur jeni njohur me letërporositë?

Basha: Sot.

Pyetje: Çfarë thoshin letërporositë?

Basha: Unë edhe njëherë ju nxis t’i kërkoni prokurorisë të bëjë publike përgjigjet e ardhura prej më shumë se gjashtë muajsh nga SHBA dhe Britania e Madhe, të cilat vërtetojnë se PD dhe drejtuesit e saj nuk kanë shkelur asnjë ligj.

Faleminderit, ditë të mbarë!

22 Marsi i vitit 1992 dhe quantum leap-i shqiptar!

Nga Sali BERISHA 

Te dashur miq, dje shqiptaret ne Shqiperi dhe kudo ne bote festuan 22 Marsin, diten e pare te lirise dhe demokracise ne shekuj dhe mijevjeçar ekzistence.
Si dje 27 vjet me pare mbi 1.7 milione te rinj, te reja, burra dhe gra, njerezit me te shtypur, me te izoluar dhe me te mjeruar te planetit, nen udheheqjen e Partise Demokratike permbysen me voten tyre te lire ne vendin me monist te planetit diktaturen orwelliane te Enver Hoxhes, Hitlerit shqiptar te Pasluftes.
Me 22 mars te vitit 1992 ne ndame epokat dhe nisem udhetimin e tone ne rrugen e lirise dhe dinjitetit njerezor dhe kombetar, rrugen e mbrojtjes se interesit tone kombetar dhe çeshtjes shqiptare si dhe hapjes, renditjes dhe integrimit te Shqiperise ne krahun e miqve te saj te lirise dhe proceset euroatllantike.
PD dhe aleatet e saj moren me 22 mars te vitit 1992, ne vendin e trete me te varfer te globit, ne te cilin te ardhurat per fryme ishin vetem 204 dollare ne vit, me vetem 4 milion dollar rezerve valutore dhe nje borxh te jashtem 500 milion dollar dhe papunesi qe kalonte mbi 80% si dhe nje inflacion tre dhe kater shifror. Diktatura 46 vjecare hoxhiste kishte shkaterruar Shqiperine pothuaj ne permasa apokaliptike dhe qartas me shume se sa kishin shkaterruar ndonjehere ndonje vend luftrat civile. Per te shpetuar nga dhimbjet e tmerrshme te diktatures se mjerimit ne vitet 1990-1992 rreth nje milion shqiptar u larguan nga Shqiperia me eksode biblike.
Kushtet pra ne te cilat erdhi ne pushtet PD ishin te jashtezakoshme, por me e jashtezakoshme ishte fuqia e lirise dhe vlerave te saj, dyert e te cilave hapen me voten e tyre te lire shqiptaret.
Me permbysjen e diktatures komuniste qeveria e PD, partise qe kishte shpallur qe ne javen e pare te themelimit te saj, para shqiptareve dhe botes interesin kombetar dhe çeshtjen kombetare deri atehere te tradhetuara, si yllin e saj polar, vendosi kete çeshtje ne krye te programit te saj.

Ajo nxori Shqiperine nga izolimi me i thelle, e lidhi ne miqesi me SHBA dhe vendet te tjera te lira. PD tashme ne pushtet nderkombetarizoi ne samite te OSBE dhe OKB ceshtjen e Kosoves, konfirmoi ne rezoluta te votuara me 2/3 ne OKB te drejten e qytetareve te Kosoves per vetevendosje, promovoi ceshtjen e te drejtave njerezore dhe kombetare te shqiptareve ne Maqedoni, Mal te Zi, Luginen e Presheves dhe kudo ne rajon.
Lokomotive e integrimeve europiane dhe euroatllantike qeveria e PD dhe aleatve te saj anetaresuan Shqiperine ne Keshillin e Europes dhe ne dhjetra organizata nderkombetare si dhe firmosi nder me te parat partneriterin per paqe me Aleancen e Atllanitkut te Veriut. Ne Letren e tij te Bardhe te vitit 1996, Komisioni Europian duke vleresuar suksesin e reformave do perzgjidhte Shqiperine si vend per ti hapur procesin e stabilizim asociimit ne BE.
Ne vendin e hiperkolektivizimit total qeveria e PD hodhi themelet e ekonomise se tregut te lire dhe te demokracise, liberalizoi dhe privatizou ekonomine, beri 220 mije familje shqiptare pronare te apartamenteve te tyre dhe mbi 460 mije familje ne fshat pronare te fermave te tyre si dhe qindra mijra ndermarrje te vogla dhe objekte u privatizuan. Ne fund te kater viteve te ardhurat per fryme u katerfishuan dhe mbi 80% e prodhimit te brendshem vinte tashme nga sektori privat, u liberalizua kursi i kembimit dhe u arrit stabilizimi monetar e inlacioni ra ne njeshifror, rezerva valutore u rrite rreth 35 here.
Ne vitin 1997 Partia Demokratike njohu gabimin e saj historik te mosndalimit ne kohe te skemave pyramidale. Ajo iu kundervu rrebelimit komunist me mjete politike dhe percaktoi zgjedhjet e pergjithshme si rruge politike per zgjidhjen e krizes. Ne fushaten elektorale PS premtoi kthimin qindarke per qindrake te parave te humbura ne skema piramidale. Kurse PD deklaroi se nje borxh qe nuk eshte marre nga qeveria nuk mund te njihet. Ne vitet 1997-2005, PD ne opozite qendroi e pamposhtur para vrasjeve, akuzave dhe proceseve politike te drejtuesve te saj, perfshire ketu edhe akuza monstruoze per krime kunder njerezimit nga rregjimi i atyre qe erdhen me dhune ne pushtet.

Me fitoren e zgjedhjeve te pergjithshme ne vitin 2005, PD ne nje rast unik ne histori perzuri me vote nga pushteti ata qe erdhen me dhune dhe rebelim komunist.
Ne 8 vite te qeverisjes se saj, qeveria e PD dhe aleateve te saj firmosi dhe ratifikoi me BE Marreveshjen e Stabilizim Asociimit, anetaresoi vendin ne NATO. PD dha ndihmese thelbesore ne pavarsine e Kosoves lajmin per te cilin e shpalli ne Tirane,me te famshmen “time is now” Presidenti George W Bush ne viziten e pare dhe historike te nje presidenti te SHBA ne Shqiperi. Qeveria e PD dha kontribut thelbesor ne njohjet nderkombetare te Kosoves. Me reforma serioze te gjithaneshme u plotesuan te gjitha kushtet dhe u hoqen vizat me BE, si dhe u mor ne tetor te vitit 2012 dhe ne tetor te vitit 2013 rekomandimi i Komisionit Europian per statusin e vendit kandidat, te cilin e bllokoi Edi Rama duke refuzuar te votoje tre ligjet e ndermjetesuara dhe dakortesuara me Komisionin Europian. PD erdhi ne pushtet ne nje kohe kur bandat famezeza shqiptare benin ligjin ne vend.
Qeveria e PD luftoi me zero tolerance krimin e organizuar dhe bandat e tij. Vendosi para ligjit ne 18 muaj mbi 1000 bos dhe anetare te 206 grupeve dhe organizatave kriminale dhe beri Shqiperine nje vend te sigurt.
Ajo luftoi me vendosmeri korrupsionin dhe arriti pragun e Korporates se Mijevjeçarit te qeverise se SHBA, Shqiperia sipas UN ishte vendi i pare qe vendosi sistemin e prokurimit dixhital, sistem qe do certifikohej nga vet UN.

Qeveria ndermori reforma te thella e te suksesshme ekonomike si:
-ulja e tatim fitimit nga 25 ne 10 %
-ulja e tatimit te ardhurave personale nga 23 ne 10 pra vendosje te takses se sheshte prej 10 %,
-ulja e sigurimeve shoqerore nga 32% ne 15% per punedhenesin.
-ulja e tarifave doganore nga 6 ne 1% ,
-u krijua one stop shop per regjistrimin e bizneseve dhe u arrit reduktimi i kohes dhe kostos se regjistrimit nga 42 dite dhe 4 mije euro ne gjithsej 30 minuta dhe vetem 1 euro,
-u krijua Qendra Kombetare e Liçencave dhe Lejeve pasi u hoqen mbi 2/3 e tyre.
-U sanksionua ne ligj nisma 1 euro pra per dhenien me 1 euro te tokes publike per investitoret e huaj te medhenj
Te gjitha keto reforma, siç pohojne Komisioni Europian, Banka Boterore, FMN, IBRD etj, bene qe ekonomia e vendit, ne kulmin e krizes ekonomike dhe financiare te botes, te vazhdoje te rritet dhe te mos njohe reçesion.
-Papunesia njohu ulje progresive, ajo ra ne 12.8%
– Numeri i bizneseve u tre-fishua.
– Eksporti dhe investimet e huaja u rriten perkatesisht me 300% dhe 316%.
-Te ardhurat buxhetore u dyfishuan.
-Kredite per ekonomine u rriten 6 here.
Sipas Censusit te vitit 2011,
-343 mije familje shqiptare kishin me shume se nje shtepi.
-Shqiptaret ne banesa per 1000 banore lane mbrapa 5 kombe te vendeve anetare te BE.
Qeveria e PD dhe aleateve te saj,
-rriti me 120-150% rrogat dhe
-100% pensionet e ulta,

-ndertoi dhe rindertoi ne mbare vendin mbi 11 mije km rruge, pra siç thote Komisioni Europian me shume se i gjithe rajoni
-Ndertoi rrugen e Kombit,
-autostraden Tirane Elbasan, ne te cilat vetem tunele jane 16 km.
-Ndertoi dhe rindertoi 1300 shkolla e institucione arsimore,
-720 sisteme ujesjellesash dhe kanalizimesh,
-10 impiante te perpunimit te ujerave te zeza dhe
-400 qendra shendetesore dhe spitale.
-U ndertua terminali i aeroportit te Rinasit dhe me
pas ne fazen e dyte u dyfishua ky terminal.
-U zgjeruan ndjeshem portet e Sarandes Vlores, Shengjinit dhe
– u ndertua terminali i portit te Durresit
-u shpalle fituese kompania qe do thellonte portin per anije te medha gjer ne 50 mije ton.
Karahas infrastruktures energjia u be nje perparesi tjeter madhore e qeverise se PD. “Shqiperia superfuqi e vogel e energjise se rinovueshme ne rajon” u be moto e qeverise se PD dhe aleateve te saj.
Nga fundi i vitit 2007 e ne vazhdim,
-moren fund nderprerjet e energjise elektrike qe me pare ishin se paku 6-10 ore ne dite.
-Shqiperia u be vendi i dy projekteve gjigande energjitike;
-TAP, investimi aktual me i madh ne Europe, gazsjellesi qe do sjelle gazin azer ne Itali, dhe
-kaskades se Devollit.
Qeveria firmosi ndertimin e 420 hidrocentraleve me konçesion nga kompanite private, nga te cilat
-112 kane perfunduar dhe japin,
-mbi 40% te prodhimit te energjise se vendit dhe,
-87 jane ne ndertim e siper.

-Shqiperia dixhitale eshte nje nga realizimet madhore te qeverise se PD.
-Ne vitin 2006, perdorimi i internetit ne Shqiperi ishte vetem 4.8% nderkohe u rrit ne 63% ne vitin 2012,
-interneti dhe kabinetet e informatikes u shtrine ne çdo shkolle,
-u garantua internet falas per popullaten ne 1250 zyra ne mbare vendin,
-u ulen 3 – 5 here çmimiet e bisedave me celular,
-u licensuan dy kompani dhe u shtri ne mbare vendin teknologjia 3G dhe u pregatit kuadri per 4G
Numri i studenteve nga viti 2006 ne vitin 2013 u rrit nga,
-12 ne 50 per 1000 banore,
-70% e maturanteve hynin ne Universitet.
Trupa akademike universitare u rrit nga
-6 000 ne 10.500.
Ndjekja e shkollave te mesme u rrit,
nga 69 ne 86%.
Ne Shqiperine rurale ne 8 vite u investuan 3,2 miliard euro
Ne zonat rurale u ndertuan:
-mbi 8 mije km rruge rajonale, dytesore dhe te treta.
-mbi 1 mije shkolla e kopshte,

-630 ujesjellesa dhe kanalizime,
-qindra km kanale vaditese dhe kullues dhe u subvencionuan 45 mije projekte ne bujqesi e blegtori, gje qe beri te mundur
-te mbillen mbi 10 milion rrenje ullinj dhe
-miliona rrenj molle, arra, vreshta dhe dru te tjere frutor.
Prodhimet bujqesore ne teresi u mbrojten,
u ulen ndjeshem importet u mbi dyfishua toka e punuar,
eksportet bujqesore u rriten 3 here.
Numri i turisteve dhe vizitoreve nga 300 mije qe ishte ne vitin 2004 u rrit ne 4,7 milion ne vitin 2012.
Shqiperia, e cila ne vitin 1992 ishte vendi i trete me i varfer i planetit se bashku me Uganden dhe Angolen, nga viti 2008 kaloi ne grupin e vendeve me te ardhura te mesme te larta.
Qe nga viti 1992 ajo eshte rritur 21 here, ndofta me shpejt se çdo vend tjeter.
Shqiperia ende nuk ishte nje vend i zhvilluar por ajo linte mbrapa disa vende te zhvilluara ne vdekshmerine ametare, vdekshmerine ne pergjithesi, jetegjatesine mesatare te popullates dhe arriti te kete vdekshmeri infantile nje-shifrore.
Ne vitin 2013 shqiptaret me vullnetin e tyre hodhen poshte kontraten me PD dhe Sali Berishen dhe votuan per nje kontrate tjeter. Respektova plotesisht vendimin e tyre dhe pa ndonje veshtiresi te vecante mora te gjitha vendimet e duhura…. ( vijon)

1...4 8244 8254 826...8 370Faqja 4 825 nga 8 370

Kryesore

Continue to the category
Më shumë
© 2024 Rilindja Demokratike Euroatlantike