24.5 C
Tirana
E hënë, 9 Qershor, 2025
type here...

Publikohen fotot: Këta janë civilët e bandës së Edi Ramës të futur mes protestuesve, mos i harroni…

Kryetari i Forumit Rinor të Partisë Demokratike, Belind Këlliçi ka bërë një denoncim të fortë lidhur me protestën e sotme të opozitës duke thënë se disa civil kanë përndjekur të rinjtë dhe qytetarët që kanë protestuar, duke ndaluar dhe dërguar sipas tij, nëpër komisariuate e bodrume bashkishtë rinjtë që janë kundër qeverisë.

Këlloçi me anë të një statusi në rrjetet sociale ka publikuar edhe disa foto për të cilat fton qytetarët që ti shikojnë dhe ti mbajnë mend fytyrat e tyre që sepse sipas tij, koha kur do të jenë përpara drejtësisë ëhtë shpejtë.

Reagimi i plotë
Edi Rama erdhi ne pushtet me bandat kriminale dhe si bande kriminale vazhdon ta drejtoje shtetin. Edi Rama e ktheu policine e shtetit ne sherbim te krimit dhe krimin e veshi me uniforme policie, e sot krahas mbjelljes dhe korrjes se hashashit, trafikimit te saj, pastrimit te parave qe vijne nga droga tani u eshte shtuar edhe ruajtja e padrinos nga populli.

Keta jane civilet e bandes se Edi Rames qe perndjekin te rinjte dhe qytetaret qe protestojne. Pa asnje shenje identifikuese por me kodin e familjes mafioze te rilindjes dhunojne, ndalojne dhe cojne neper komisariate a bodrume bashkish te rinjte qe jane kunder padrinos.

Po te kishte prokurori te pakapur, sot kapobanda dhe tufa e banditeve te tij do ishin para drejtesise. Por meqenese prokuroria eshte bere njesg me familjen mafioze te rilindjes, atehere i lind e drejta qytetareve t’u jape ate qe meritojne banditeve.

Shihini, mbajini mend dhe mos i harroni. Koha kur do te jene para drejtesise eshte e shpejte!

Ish-deputetët e PD i janë bashkuar protestës tek Drejtoria e Policisë

Ish-deputetët e Partisë Demokratike i janë bashkuar protestës së banorëve të ‘Unazës së Re’, të cilët kërkojnë lirimin e 14 personave që u ndaluan nga policia pas protestës së sotme të opozitës.
“Ndalimet e policisë janë të paligjshme. Të urdhërohet lirimi pa vonesë i protestuesve të ndaluar”, ishte kërkesa e ish-deputetëve të opozitës, gjatë orëve të pasdites.
Ndërkohë mësohet se policia e Tiranës ka nisur lirimin e të ndaluarve, pasi nuk mund të argumentojë arsye për mbajtjen e tyre nën arrest, apo të kërkojë masë arresti për ta.
Kreu i PD, Lulzim Basha, përmes një postimi në rrjet shpreh mirënjohjen dhe respektin për çdo qytetar që sakrifikon nga vetja dhe familja për t’iu gjendur pranë me vendosmëri dhe kurajo protestuesve paqësorë, të ndaluar në mënyrë të paligjshme nga polcia!
“Kjo është beteja më europiane që do të sjellë ndryshimin që meriton çdo shqiptar! #shqiperiasieuropa”, shkruan Basha.

Televizioni “Al Jazeera”: Rama, i lidhur me drogën, OSBE konfirmoi blerjen e votave

Gazetari John Psaropoulos i Al Jazeera raporton se ekziston perceptimi se qeveria socialiste e Edi Rama ka përqafuar interesa të veçanta, dhe sidomos tregtia ilegale e drogës, është e përhapur në Shqipëri.

Për kryetarin e Partisë Demokratike, Lulzim Basha thekson se vendimi për djegien e mandateve erdhi pasi opozita u injorua nga mazhoranca. “Ndryshimet që propozuam u hodhën poshtë pa diskutim. Sa herë që ministrat u thirrën për të raportuar para komisioneve parlamentare, ata refuzuan”, tha Basha për Al Jazeera.

“OSBE, e cila monitoron zgjedhjet shqiptare, tha se ka patur intimidime të personave gjatë votimeve, numërim të dyfishtë dhe mashtrime në votim. Por të gjitha partitë pranuan rezultatin dhe Bashkimi Evropian (BE) nuk e vuri në dyshim atë”, shkruhet në artikull.

Ndërsa për kreun e grupit parlamentar të Partisë Socialiste, Taulant Balla nënvizon se “ata duhet të rikthehen në vendet e tyre. Në demokraci përfaqësuese, nëse nuk përfaqësoni, humbisni autoritetin tuaj”, duke iu referuar përfaqësuesve të opozitës.

Në reportazh përmendet se Shqipëria është shndërruar në vend tranzit të drogërave të forta drejt vendeve të Bashkimit Europian, ndërsa shtohet se papunësia është mbi 13% dhe se shumë persona po përpiqen të largohen, ligjërisht apo ilegalisht, në vend që të mbeten në një treg pune që ata e konsiderojnë politikisht të pjerrët.

Psikopati lirohet nga spitali

Kryeministri, Edi Rama, duke folur gjate seances se fundit parlamentare te sesionit te 6 te Kuvendit te Shqiperise, ku ne rend te dites jane projektligjet per Reformen ne Drejtesi./r/n/r/nPrime Minister Edi Rama, speaks during a parliamentary session.

Njeriu me kartelë që drejton qeverinë e Shqipërisë është liruar nga spitali ku po kurohej në mënyrë intensive në Gjermani.
Nuk dihet nëse ka përfunduar komplet kurën apo ka kërkuar të dalë nga spitali pasi është kuptuar se ai ishte I shtruar për kurim dhe jo në takime sikurse pretendonin mediat afër tij.

Është kuruar në mënyrë intensive për 4 ditë rresht në një spital në Berlin, Gjermani. Edi Rama ka dalë sot në mesditë nga spitali.
Por për të maskuar shtrimin e tij në spital, Rama ka mundur që të organizojë një takim me disa drejtues të SPD-së Gjermane.
Rama pritet të kthehet gjatë mesditës ose darkës së nesërme në Tiranë.

Pas daljes nga spitali, Rama ka reaguar edhe në Tëitter, për herë të parë pas 4 ditësh, duke thënë se nuk kishte asgjë.
Por Rama kishte 4 ditë pa asnjë lajm prej tij, duke ngritur dyshime rreth gjendjes së tij shëndetësore, pas shtrimit të dielën me urgjencë në një spital në privat në Tiranë, pasi kishte pësuar një parainfarkt. Pas kësaj situate, Rama është nisur për në urgjencë ku ka bërë një trajtim intensiv.

Vuçiç deklaratë të njëjtë me Thaçin: Ose ndajmë Kosovën ose luftë!

Presidenti i Serbisë, Aleksandër Vuçiç, tha të enjten se, dështimi për të ringjallur bisedimet për normalizimin e marrëdhënieve ndërmjet Kosovës dhe Serbisë, mund të destabilizojë rajonin e Ballkanit Perëndimorë.

Ai i bëri këto komente në një intervistë për agjencinë e lajmeve Reuters, duke folur për procesin e pezulluar të bisedimeve, vazhdimi i të cilave kushtëzohet me anulimin e tarifave ndaj mallrave serbe që janë vendosur nga qeveria e Kosovës. Kujtojmë se deklarata e Vuçiç është e njëjtë me deklaratën e bërë nga Thaçi vetëm pak javë më parë ku ai po ashtu deklaroi se ose “do të ketë marrëveshje ose rajoni do të destablizohet”.

“Çdo ditë e zvarritjes, çdo ditë dhe çdo javë e zvarritjes, mund të krijojë mundësi në të cilat një shkëndijë mund t’i fusë flakën tërë rajonit. Vendet perëndimore, që e përdhelin Prishtinën, duhet ta dinë këtë shumë mirë”, tha ai.

Serbia vazhdon të kundërshtojë pavarësinë e Kosovës, e cila u shpall në shkurt të vitit 2008, nëntë vjet pas ndërhyrjes së NATO-s për t’u dhënë fund mizorive të forcave serbe në Kosovë.

Por, ajo është përfshirë në një proces të gjatë bisedimesh me Kosovën, meqë normalizimi i marrëdhënieve, është kusht për integrimin e të dyja vendeve në Bashkimin Evropian.

“E ardhmja jonë evropiane varet nga negociatat me Prishtinën dhe nëse ndonjë ditë do të jemi në gjendje të arrijmë ndonjë marrëveshje. Përndryshe, askush nuk do të na lejojë në Bashkimin Evropian dhe qytetarët e Serbisë duhet ta dinë këtë”, tha ai, duke nënvizuar se një marrëveshje është ende e largët.

Presidenti serb si dhe presidenti i Kosovës Hashim Thaci, që nga vera e vitit të kaluar kanë folur për idetë e “korrigjimit të kufijve” apo “vënies së kufijve”, që nga analistët janë interpretuar si synime për shkëmbim territoresh. Në Kosovë, parlamenti ka miratuar një platformë për bisedimet me Serbinë duke vënë vijat e kuqe, përtej të cilave Kosova nuk mund të diskutojë.

“Nuk dua të flasë për vija të kuqe, por kemi mjaft sosh, ashtu sikundër ata kanë shumë sosh. Por, nuk dua të flasë për to, sepse kjo i dëmton bisedimet. Kemi shumë dhe nuk jemi askund afër ndonjë marrëveshjeje.

Nuk kemi asnjë projekt, nuk kemi marrëveshje të propozuar, nuk kemi asgjë në këtë moment. Nuk do të shkatërrojë mundësitë për të biseduar, sepse bisedimet e mbajnë gjallë Serbinë”, tha ai.

Presidenti serb shfaqi bindjen se së shpejti mund të ketë disa nisma të reja gjermano franceze apo evropiane rreth kësaj çështjeje.

Tash për tash, nuk ka asnjë lëvizje që flet për vazhdim bisedimesh, derisa Beogradi ngulë këmbë në anulimin e tarifave, ndërsa qeveria e Kosovës refuzoi edhe trysninë amerikane për pezullimin e tyre, duke kërkuar garanci që bisedimet do të përmbyllen me njohje të ndërsjellë, në kufijtë ekzistues të Kosovës.

Reagon Berisha: Arrestimi i Dorianit për agjitacion e propagandë, i ati i kryepolicit donte t’i vriste gjyshin

Ish-Kryeministri Sali Berisha, ka reaguar ashpër për arrestimin e Dorian Protoduari. Berisha ka publikuar mesazhin e një qytetari, i cili shkruan se, babai i drejtorit aktual të Policisë së Tiranës, Dhimtraq Ziu, Daqi Ziu, gjatë kohës së komunizmit ka kërkuar dënimin me vdekje të gjyshit të Dorian Protoduarit, Asqeri Protoduari.

Postimi i ish-Kryeministrit Berisha
Qendrestaret e Astirit, e revotes me te gjate ne historine e Europes se Pasluftes se Dyte Boterore, marshojne drejt drejtorise se policise per lirimin e Dorjan Protoduarit, arrestuar sot me urdher te Edvin Kristaq Urrejtes dhe Vasal Kimikut nga narkopolicet e tyre.

Përshëndetje i nderuar Doktor! Babi i Dhimitraq ziut, Daqi ziu ka kerkuar te denohej me pushkatim gjyshin e Dorit Asqeri Protoduari Agjitacion e propagandë.
Asqeri Protoduari u arrestua në vitin 1979, për “sabotim ekonomik”, akuza zyrtare “kishte sabotuar tokën duke e punuar cektë” dhe u dënua me 21 vjet burg.

Policia e Tiranës ka shoqëruar me forcë Dorian Protoduari, banorin e Unazës së Re i cili mori pjesë në protestën e opozitës ditën e sotme përpara Parlamentit. Ai është arrestuar nga policë me maska dhe të shumtë në numër.

Basha me kreun e PPE: Takim i shkëlqyer me Joseph Daul

Kryetari i Partisë Demokratike, Lulzim Basha ka publikuar një foto nga takimi i sotëm me presidentin e Partive Popullore Europiane, Joseph Daul.
“Me Presidentin e PPE Joseph Daul. Takim i shkëlqyer me një demokrat dhe europian të madh. #ShqipëriaSiEuropa”, shkruan Bash mbi foto.

Basha ka marrë pjesë në samitin dyditor të Partisë Popullore Europiane, që u mbajt në Bruksel.
Kreu demokrat raportohet se ka zhvilluar takime të shumta me drejtues të PPE-së dhe partive pjesëmarrëse në këtë samit, ku i ka informuar lidhur me situatën që po kalon vendi, por edhe vendimin për dorëzimin e mandateve nga opozita.

Flet mamaja e Dorian Protoduarit: Djalin ma arrestoi i biri i atij që kërkoi t’i pushkatonte gjyshin

Drita Protoduari, mamaja e Dorian Protoduarit, i arrestuar ditën e sotme nga Forcat e Ndërhyrjes së Shpejtë tha se djali i saj është arrestuar sapo zbriti nga autobusi nga 20 forca policie me maska.
Ajo u shpreh gjatë protestës para Drejtorisë së Policisë së Tiranës se, djali i saj është arrestuar me të padrejtë pasi ai nuk ka kryer asnjë veprim ndaj Forcave të Rendit, dhe për ta vërtetuar këtë fakt, ka kërkuar që të hapen edhe kamerat e zonës ku është zhvilluar protesta.
Po kështu Drita Protoduari tha se djali i saj është arrestuar nga djali i personit që i arrestoi të vjehrrin gjatë komunizmit, në gjyqin e famshëm të Poshnjes, duke iu referuar Drejtorit të Policisë së Tiranës, Dhimitraq Ziu, babai i të cilit kërkoi që të dënohej me pushkatim gjyshi i Dorianit, Asqeri Protoduari.
Me qindra protestues të Unazës së Re vazhdojnë të qëndrojnë në këto momente përballë Drejtorisë së Policisë së Tiranës, ku kërkojnë lirimin e të afërmve të tyre të arrestuar pas protestës së sotme të opozitës përballë parlamentit.

Banorët e Unazës së Re rrethojnë Drejtorinë e Policisë së Tiranës: “Lironi çunat”!

Banorët e Unazës së Re kanë rrethuar Drejtorinë e Policisë së Tiranë, ndërkohë që forca të shumta policie me pajisjet më të fundit janë vendosur përballë tyre në një kordon sigurie.
Banorët kanë lëshuar thirrje “Lironi çunat” ndërkohë që në mbështetje të tyre kanë shkuar edhe ish-deputetë të opozitës. Gjendja është shumë e tensionuar përballë Policisë së Tiranës.
Protesta vazhdon ende tek Drejtoria e Policisë së Tiranës ku mbahen të ndaluar 7 të rinj protestues midis tyre edhe Dorian Protoduari, të cilin policia e arrestoi sapo kishte zbritur nga autobuzi pranë banesës së tij pak minuta pas përfundimit të protestës së opozitës.
Ata kanë bërë thirrje për lirimin e tyre duke akuzuar Kryeministrin Edi Rama dhe Ministrin e Brendshëm Sandër Lleshaj se po pengojnë të drejtën e qytetarëve për të protestuar duke arrestuar qytetarë të pafajshëm.
Ata paralajmëruan edhe kryebashkiakun Veliaj se nuk do ta lejojnë që ti shembë banesat e tyre, duke thënë se do ti mbrojnë me gjak.
“Mos këni frikë nga oligarkët, shumë shpejt sistemi i tyre do të bjerë”, u shpreh njëri nga protestuesit.
Lidhur me arrestimin e Protoduarit ka folur edhe babi i tij duke bërë thirrje për lirimin e djalit të tij, duke argumentuar se është një vendim i padrejtë.
E ëma e Dorianit deklaroi se djali i saj është i pafajshëm duke thënë se nuk ka asnjë provë për përfshirjen e tij në akte të dhunshme.
Klevis Balliu deklaroi se të gjithë ata djem që janë arrestuar janë heronj, dhe sipas tij shumë shpçejt do të dalin për tju bashkuar protestës për të mbrojtur banesat e tyre.
“Protestë do të ketë dhe do të përshkallëzohet, ka mbaruar koha që të helmohen qytetarët, është koha të helmohet Rama”, tha ish-deputeti i PD.

20 forca të RENEA-s rrëmbejnë dhe arrestojnë organizatorin e protestës te Unaza e Re

20 forca speciale ma maska arrestuan Dorian Protoduarin, një nga organizatorët më në zë të protestës te Unaza e Re. Ai u arrestua nga forcat RENEA menjëherë sapo zbriti nga autobuzi në afërsi të shtëpisë së tij pasi përfundoi protesta e mbajtur nga opozita përballë Parlamentit.
Protoduari është arrestuar nga policë të maskuar të cilët e kanë futur në furgon me forcë siç shihet edhe nga pamjet.
Kujtojmë që më herët policia ka shoqëruar edhe gjashtë protestues të tjerë të cilët morën pjesë në protestën e opozitës. Protoduari ka qenë një nga protestuesit më aktivë në protestën e Unazës së Re të cilët kanë rreth 4 muaj që protestojnë për të mbrojtur shtëpitë e tyre që parashikohen të shemben pasi preken nga ndërtimi i Unazës së Re.
Protoduari u shoqërua në Polici nën masa të forta sigurie për disatën herë.
Familjarë të Protoduarit thanë se ai po mbahet në Drejtorinë e Policisë Tiranë. Aty në këtë moment ndodhen edhe ish-deputetë të Partisë Demokratike të cilët kërkojnë lirimin e tij si edhe familjarë.

1...4 8364 8374 838...8 376Faqja 4 837 nga 8 376

Kryesore

Continue to the category
Më shumë
© 2024 Rilindja Demokratike Euroatlantike