Nënkryetari i Partisë Demokratike Edi Paloka deklaroi se opozita vendosi të protestojë sot për të treguar se Parlamenti nuk ekziston më, e nuk i përfaqëson shqiptarët. Sipas tij, sado që të fshihen e të mblidhen në ilegalitet socialistët do e kenë nga pas opozitën.
“Ky parlament nuk përfaqëson më shqiptarët, sot është ilegjitim. Pasi e rrethuan me tela me gjemba sot kaluan në ilegalitet të plotë për të shpëtuar kokën e Ramës, e mbledhin si ta kishin privat, ndërsa ai tjetri bën antimitingun e radhës në Lushnje. Sot të jenë të bindur që s’do shkojnë kurrkund me këtë taktikë.
Ju kemi bërë thirrje qytetarëve të jenë sot para Parlamentit për të protestuar sa herë të mblidhen e fshihen ata. Sa herë të mblidhen do na kenë nga pas”.
Ai ka komentuar edhe deklaratën e ambasadorit të BE-së në vendin tonë Luigi Soreca që bën thirrje të shmangen protestat e dhunshme.
Paloka i ka dërguar një mesazh të qartë ku thotë se: “Protestat janë të qytetarëve, të mos ju kërkojnë shqiptarëve asgjë që s’do ua kërkonin popullit të tyre”.
Paloka për protestën sot: Qytetarët do ti ndjekin sa herë të mblidhen dhe sa herë të fshihen
Do mblidhen si minjtë fshehtas në një Parlament ilegjitim, turpi i një frikacaku në ikje
Në një akt të papreçedent, Ruçi ka shpallur në mënyrë të befasishme se mbledhja e Parlamentit e parashikuar për t’u zhvilluar të enjten do të zhvillohet në orët e pasdites të së martës. Eshtë një akt i papreçedent që dëshmon frikën dhe panikun që ka kapur Ramën nga protesta që opozita kishte parlajmëruar për të enjten në të njëjtën ditë kur parashikohej të mblidhej edhe Parlamenti.
Mbledhje fshehtas të parlamentit nuk kanë ndodhur as në kohën e rebelimit të armatosur të bandave të vitit 1997. Deputetët pritet të futen si minjtë në një Parlament ilegjitim që do të rrethohet nga protestuesit. Ky ëhstë një turp I padëgjuar që mund të ndodhë vetëm me një shumicë qesharake të një frikacaku si Edvin Kristaq Rama. Ai po munohet ti shpëtojë përballjes me qytetarët e revoltuar, por kjo nuk do të mund të zgjasë shumë.
Opozita ka paralajmëruar se edhe pse Parlamenti ka ndryshuar axhendën qytetarët do të jenë aty për të protestuar. Ndërkohë raportohet se Rama do ja mbathë për në Lushnje ku ka planifikuar një tjetër antimiting me punonjës të administratës që janë detyruar të shkojnë në atë takim.
Ndërkohë policia ka nisur të marrë masa të forta për të mbrojtur deputetët e ramës që do të shkojnë në takimin illegal të Parlamentit. Opozita nuk e njeh legjitimitetin e Parlamentit pas zyrtarizimit përmes dosjeve hetimore të përgjimeve të blerjes së votave në katër qarqe.
Trump shprehet optimist për takimin me Kim Jong Un
Presidenti amerikan Donald Trump po parashikon marrëdhënie të mira me udhëheqësin e Koresë së Veriut Kim Jong Un në takimin e tyre këtë javë në Vietnam, ndërsa Shtëpia e Bardhë shprehet se synimi kryesor i bisedimeve është çarmatimi bërthamor i Koresë së Veriut.
“Ne kemi pajtueshmëri, gjë që do ta shihni gjithnjë e më shmë gjatë ditëve në vijim”, tha zoti Trump të dielën. “Do të kemi një takim shumë interesant dy ditor në Vietnam”, u shpreh presidenti gjatë takaimit me një grup grup guvernatorësh të shteteve amerikane në Shtëpinë e Bardhë. “Kemi një shans për çarmatim të plotë bërthamor të një pjese të botës që ishte shumë e rrezikshme.”
Dy udhëheqësit u takuan qershorin e kalur, ku më pas zoti Trump deklaroi se “nuk ka më një kërcënim bërthamor nga Koreja e Veriut”. Por, ndërsa ai takohet të mërkurën dhe të enjten me udhëheqësin Kim në Hanoi, kryeqyteti i Vietnamit, ka pak prova konkrete se është bërë përparim për kushtet specifike lidhur me çarmatimin e premtuar bërthamor të Koresë së Veriut.
Kur u pyet se cili do ishte përkufizimi i çarmatimit, një zyrtar i lartë i administratës së Presidentit Trump nuk pranoi të diskutonte këto detaje duke theksuar bisedimet në vazhdim.
“Jemi në mes të negociatave me Korenë e Veriut dhe nuk jam i gatshëm të flas për qëndrimin e tyre ndërsa jemi ende duke negociuar. Mjafton të them se ne po diskutojmë për këtë dhe për shumë çështje të tjera këtë javë”,tha zyrtari i lartë.
Sekretari i Shtetit Mike Pompeo tha për rrjetin televiziv CNN të dielën se “nuk ka ndryshime” në sanksionet ekonomike amerikane ndaj Koresë së Veriut derisa ky vend të pajtohet me “çarmatimin bërthamor plotësisht të verifikueshëm”.
Ai tha se Shtetet e Bashkuara janë të gatshme të ofrojnë “garanci në fushën e sigurisë” që Koreja e Veriut të mbijetojë si një shtet i pavarur, që “Koreja e Veriut të bëhet si Koreja e Jugut”, një fuqi ekonomike. Ai tha se Shtetet e Bashkuara po i ofrojnë Koresë së Veriut një alternativë, që ky vend të mos kthehet “në një shtet të izoluar në arenën ndërkombëtare”.
Por kryediplomati amerikan e pranoi se duhet shumë punë për arritjen e një marrëveshje, se si dhe kur Pheniani do të shkatërrojë arsenalin e tij bërthamor.
“Një hap i verifikueshëm (drejt çarmatosjes) është gjëja kryesore ku është përqendruar Presidenti Trump”, tha zoti Pompeo. Ai shtoi se zyrtarët amerikanë janë të vetëdijshëm për historinë e Koresë së Veriut, që gjatë dekadave, ka bërë premtime për çarmatosjen dhe pastaj nuk i ka respektuar marrëveshjet.
Presidenti Trump niset të hënën për në Hanoi ndërsa udhëheqësi Kim po udhëton tashmë me një tren të blinduar drejt Vietnamit.
Media shtetërore e Koresë së Veriut fotografoi udhëheqësin Kim duke hypur në tren duke njoftuar se ai po shkonte drejt Vietnamit për takimin me presidetin amerikan për herë të dytë. Kjo është hera e parë që media shtetërore koreanoveriore njofton për takimin.
Fuqia Ekonomike
Në muajt e hershëm të presidencës së tij, zoti Trump tha se do t’u përgjigjej me “zjarr dhe forcë të paparë ndonjëherë në botë” kërcënimeve të Koresë së Veriut kundër Shteteve të Bashkuara dhe aleatëve të tyre. Por të dielën, zoti Trump përmes një postimi në Twitter u shpreh për “Marrëdhënie të mira me kryetarin Kim!”
Udhëheqësi amerikan tha se kryetari Kim “e kupton, ndoshta më mirë se askush tjetër, se pa armë bërthamore, vendi i tij mund të bëhet shpejt një nga fuqitë më të mëdha ekonomike në botë. Për shkak të vendndodhjes, njerëzve (dhe vetë atij), ky vend ka më shumë mundësi për rritje të shpejtë se sa asnjë shtet tjetër.”
Presidenti Trump tha se Presideni kinez Xi Jinping “ka qënë shumë i dobishëm duke mbështetur takimin e tim me Kim Jong Un-in. Gjëja e fundit që Kina do të dëshironte, do të ishte një vend fqinj me armë të shumta bërthamore. Sanksionet e vëna nga Kina dhe Rusia kanë qënë shumë të dobishme.”
Zyrtarët amerikanë të zbulimit dyshojnë se Koreja e Veriut synon të mbajë premtimet e bëra në Singapor nga kryetari Kim për çarmatimin bërthamor.
Drejtori i Zbulimit Kombëtar Dan Coats i tha një komisioni të Kongresit amerikan muajin e kaluar se Koreja e Veriut “ka ndërprerë qëndrimet provokuese” duke mos zhvilluar prova me raketa dhe bërthamore prej më shumë se një viti. “Po ashtu, Kim Jong Un vazhdon të demostrojë se është i hapur ndaj çarmatimit të gadishullit Korean”, tha zoti Coats.
Por pavarësisht nërprerjes së provave, tha zoti Coasts, “aktualisht vlerësimi ynë është se Koreja e Veriut do të kërkojë të ruajë aftësitë e saj (me armë të shkatërrimit në masë) dhe se nuk ka gjasa të heqë dorë plotësisht nga armët bërthamore dhe aftësia për t’i prodhuar ato”.
“Vlerësimi ynë përforcohet nga vëzhgimet për disa aktivitete që bien ndesh me çarmatimin bërthamor”, shtoi ai. Zoti Coats tha se udhëheqësi i Koresë së Veriut dhe pjesa tjetër sunduese e vendit “i konsiderojnë armët bërthamore si kritike për mbijetesën e regjimit”.
Pence: SHBA mbështet 100 për qind Juan Guaidon
Administrata Trump mbështet “100 për qind” Presidentin e përkohshëm të Venezuelës, Juan Guaido, tha nënpresidenti Mike Pence, pasi njoftoi një ndihmë të re financiare për popullin venezuelian.
“Ne qëndrojmë me ju, dhe së bashku me të gjitha kombet e mbledhura sot dhe do të vazhdojmë të qëndrojmë me ju derisa të rivendosen demokracia dhe liria,” tha zoti Pence në një fjalim të mbajtur përpara Grupit Lima, pas një takimi trepalësh në Bogota të Kolumbisë me zotin Guiado dhe presidentin kolumbian Ivan Duque. Zoti Pence tha se presidenti i Venezuelës, Nikolas Maduro, “duhet të largohet”.
Gjatë qëndrimit në Bogota, nënpresidenti Pence dhe udhëheqësit rajonalë diskutuan strategjinë për të shpejtuar largimin e Maduro dhe mënyrat e futjes në Venezuelë së ndihmave humanitare që po grumbullohen në kufirin e Brazilit dhe Kolumbisë, ku furnizimet e ushqimit dhe ilaçeve janë të pakta.
“Ne kemi vendosur sanksione në mbi më shumë se 50 zyrtarë të lartë, si dhe në kompaninë shtetërore të naftës Venezuelë, PDVSA, për të ndaluar miqtë e Maduro-s që të pasurohen në kurriz të popullit venezuelian”, tha zoti Pence, duke vënë në dukje se Shtetet e Bashkuara planifikojnë të vazhdojnë presionin financiar dhe diplomatik mbi regjimin e Maduro-s.
“Është privilegji im të njoftoj se Shtetet e Bashkuara do të sigurojnë 56 milionë dollarë shtesë për të mbështetur partnerët tanë në rajon, në ndihmë të popullit venezuelian”, tha nënpresidenti amerikan.
Takimi i Grupit Lima u mbajt pas një fundjave trazirash dhe dhune në kufijtë e Venezuelës me Kolumbinë dhe Brazilin, ku trupat ushtarake besnike të Maduros bllokuan shpërndarjen e furnizimeve mjekësore dhe ushqimore. Maduro këmbëngul se ndihma është pretekst për një pushtim të armatosur të Shteteve të Bashkuara.
“Besnikët e Maduros u kthyen kundër popullit të tyre. Ndërkohë që bota i sheh, ata i vunë zjarrin kamionëve të ngarkuar me ushqime dhe ilaçe të nevojshme për popullin venezuelian,” tha nënpresidenti Pence në fjalimin e tij.
Përdorimi i forcës
Juan Guaido i ka bërë thirrje bashkësisë ndërkombëtare të marrë në shqyrtim “të gjitha opsionet” për të zgjidhur krizën e Venezuelës. Retorika e tij është e ngjashme me atë të Presidentit Trump, i cili ka thënë se “të gjitha opsionet mbeten gjithmonë në tryezë”.
“Të gjitha burimet politike dhe diplomatike janë shteruar. Tani çfarë mund të bëjmë si rajon për të mbështetur Venezuelën?” tha ai në komentet të hënën.
Një zyrtar i lartë i administratës nuk pranoi të komentonte për përdorimin e forcës përveç se tha se Shtetet e Bashkuara do të kenë takime me zotin Guaido dhe Grupin Lima “për të diskutuar hapat e ardhshëm”.
Guaido u shpall president i përkohshëm në fund të janarit dhe është njohur nga Shtetet e Bashkuara dhe dhjetra vende të tjera si kreu legjitim i Venezuelës.
Ndihmat humanitare nuk kalojnë dot kufirin
Ndihmat e mbledhura në Kolumbi dhe Brazil nuk janë lejuar të kalojnë kufirin nga forcat e Maduros. Në një prej pikave kufitare, kamionët morën flakë dhe turma nxitoi të shpëtonte kutitë me ushqime dhe ilaçe.
Një zyrtar i Departamentit të Shtetit që shoqëron karvanin e ndihmave amerikane dhe braziliane i tha Zërit të Amerikës se dy kamionë arritën të hyjnë të shtunën në Venezuelë, por se në vazhdim u ndalën nga një postbllok ushtarak dhe u detyruan të rikthehen në territorin e Brazilit.
Një zyrtar i lartë i Shtëpisë së Bardhë dhe se administrata amerikane nuk do të zmbrapset. Ai tha se “ndërsa Maduro do të fokusohet tek pikat hyrëse, mundësi të reja do të shfaqen gjetiu”.
OKB-ja dënon dhunën
Të dielën, Sekretari i Përgjithshëm i OKB-së Antonio Guterres dhe drejtuesja e Zyrës së OKB-së për të Drejtat e Njeriut Michelle Bachelet bënë thirrje për shmangie me të gjitha mënyrat “të dhunës vdekjeprurëse, e cila nuk duhet përdorur në asnjë rrethanë”.
Të shtunën, mbështetësit e Maduros qëlluan me armë ndaj njerëzve që përpiqeshin të kalonin ndihmat drejt Venezuelës, ndërsa njësitë kufitare venezueliane përdorën gaz lotsjellës dhe plumba gome.
Sipas OKB-së, “ushtrimi i tepruar i forcës nga forcat e sigurisë venezueliane, si dhe përfshirja e elementëve pro-qeveritarë”, kanë shkaktuar të paktën katër viktima të konfirmuara, si dhe mbi 300 të plagosur gjatë të premtes dhe të shtunës.
Dany Bahar, një ekspert për Venezuelën në Institutin Brookings tha se tashmë komuniteti ndërkombëtar duhet të gjejë mënyrat për të shtuar presionin diplomatik dhe financiar ndaj regjimit Maduro, si dhe “për të marrë mbështetjen e OKB-së, gjë që nuk ka ndodhur ende”.
“Dyshuesja e zakonshme, gruaja”, Junker i përgjigjet gruas në telefon gjatë konferencës
Presidenti i Komisionit Europian Jean- Claude Juncker gjithnjë merr vëmendjen e medias për shkak të sjelljes së tij në publik.
Këtë herë, ai u detyrua të ndërpriste fjalën gjatë një samiti të rëndësishëm me liderët arab në Egjipt, pasi bashkëshortja e tij Kristine po e telefononte.
Herën e parë, Juncker e mbylli telefonin, kërkoi ndjesë dhe e futi në xhep. Por zilet nuk pushonin dhe pas ziles së tretë, presidenti ndaloi dhe u shpreh:
“Po e ndërpres pak fjalën sepse është duke më rënë celulari. Ndjesë!” Me të mbaruar telefonatën, Juncker u drejtua nga salla duke thënë: “Ishte dyshuesja e përhershme. Gruaja ime. Do të përfundoj konferencën këtu, sepse ajo nuk ndalon”, u shpreh Junker. Padyshim, sjellja e tij shkaktoi të qeshura mes të pranishmëve.
Presidenti dekoron Fondacionit “Konrad Adenauer”
Drejtorin e Presidenti i Republikës, Ilir Meta vlerësoi drejtorin e Fondacionit “Konrad Adenauer” në Shqipëri, zoti Walter Glos me dekoratën “Për Merita të Veçanta Civile”.
Presidenti Meta i dorëzoi dekoratën zotit Glos, në përfundim të mandatit të tij, me motivacionin: “Në vlerësim të kontributit të çmuar për forcimin e marrëdhënieve dypalëshe ndërmjet Shqipërisë dhe partnerit të saj strategjik Gjermanisë, si dhe për promovimin e vlerave dhe standardeve europiane në vendin tonë”.
Duke iu drejtuar të pranishmëve,Presidenti i Republikës theksoi:
“Prania e Fondacionit Konrad Adenauer në Shqipëri është padyshim një aset i çmuar dhe shprehje konkrete e mbështetjes së gjerë që Gjermania, një vend mik dhe partner strategjik, i jep vendit tonë në të gjitha platformat e bashkëpunimit.
Pozicionimi i këtij Fondacioni si promotor i fuqishëm i bashkësisë së vlerave Trans-Atlantike, i Europës së Bashkuar, në mbrojtje të lirisë dhe dinjitetit njerëzor, përbëjnë garanci të forta se marrëdhëniet tona janë vendosur në shtratin e duhur.
Veçanërisht në stadin ku ne ndodhemi, në pritje të çeljes së negociatave të anëtarësimit me Bashkimin Europian si rezultat i reformave thelbësore që i nevojiten vendit, bashkëpunimi me Fondacionin dhe zotin Glos kanë kontribuar për të patur një qasje më realiste, të domosdoshme për të arritur këtë objektiv që mbështetet nga e gjithë shoqëria shqiptare.
Në mënyrë të veçantë dua të vlerësoj punën e Fondacionit dhe zotit Glos për forcimin e demokracisë sipas standardeve më të mira europiane dhe punën e tij të palodhur me të rinjtë shqiptarë, të cilët meritojnë më shumë vëmendje dhe përfshirje për të ndërtuar të ardhmen e tyre në Shqipëri.
Forcimi i themeleve të shtetit të së drejtës, duke kontribuar për një shoqëri më të drejtë dhe solidare, ka qenë një tjetër tipar i spikatur i objektit të punës së zotit Glos në Shqipëri.
Organizimi i Ditëve të Kujtesës, jo thjesht dhe vetëm si detyrim moral për të hedhur dritë mbi të vërtetat e dhimbshme historike, por edhe si përgjegjësi kombëtare për të nxjerrë mësimet e duhura duke mos rënë në grackën e gabimeve ciklike, janë një vlerë e shtuar që Fondacioni ka sjellë në Shqipëri.
Jam i sigurtë se Fondacioni do të vijojë më tej punën mbi këtë trashëgimi, frymëzuar nga Kancelari i madh gjerman Konrad Adenauer, i cili udhëhoqi vendin e tij nga rrënojat e Luftës së Dytë Botërore drejt demokracisë, stabilitetit, begatisë dhe partneritetit shembullor perëndimor. Ish-Kancelari gjerman Adenauer thonte se ‘ne të gjithë jetojmë nën të njëjtin qiell, por nuk shikojmë të njëjtin horizonte’.”, – theksoi Presidenti Meta.
Glos, pasi falënderoi Presidentin e Republikës, vuri në dukje se e mirëpriti me kënaqësi këtë vlerësim, që sipas tij vjen si fryt i përpjekjeve të përbashkëta dhe bashkëpunimit për forcimin e mëtejshëm të demokracisë së re në Shqipëri.
“Shqipëria është pjesë e Europës dhe populli shqiptar dëshiron të hyjë në Bashkimin Europian. Kjo ka shërbyer si nxitje edhe për punën e Fondacionit ‘Konrad Adenauer’ që të bëjë çka është e mundur në mënyrë që ta ndihmojë vendin tuaj për t’u bërë pjesë e Bashkimit Europian sa më shpejt që të jetë e mundur.” – theksoi zoti Glos, mes të tjerash.
Gazetari më i vjetër i PS: Rama të largohet, vendit i duhet një Kryeministër tjetër
NGA: HAMDI JUPE
Protesta e opozitës mbushi bulevardin “Dëshmorët e Kombit” me njerëz. Nuk ishin parë aq shumë protestues prej shumë vitesh në shesh. Na nxori mallin e protestave të moçme. E pashë në televizor dhe u kënaqa. Protesta zgjati për pesë orë, si asnjëherë tjetër më parë. Ajo u transmetua në të gjitha televizionet e botës. I pashë vetë në disa prej tyre. Na nxinë faqen televizionet e huaja. Por fajin për këtë e ka Arta Dade, që ka kritikuar qeverinë në një artikull a intervistë në një gazetë të Tiranës.
Protestuesit sulmuan selinë e qeverisë. Në atë seli është zyra e kryeministrit. Ajo zyrë është e mbushur me pikturat e Edit. Atje ka edhe një fushë basketbolli, enkas për të luajtur kryeministri. Atje, edhe fasada e ndërtesës gati njëqind- vjeçare kryeministrore, është ndryshuar, sipas shijes së kryeministrit aktual. Në oborrin e kryeministrisë, ishte vendosur edhe një këpurdhë prej çimentoje (e paharruar qoftë!) Domosdo, këpurdha është simboli ynë kombëtar! Thonë se këpurdha ishte vendosur atje, me qëllim që të tërhiqte sulmet e opozitës mbi vete dhe kështu, të shpëtonte zyra kryeministrore, e kthyer në studio piktori. Dhe opozita ra në kurth. Fajin për këtë e ka Arta Dade.
Po si nuk u kujtua kryeministri të vinte edhe një monument të preshit atje, te dera e kryeministrisë, ashtu, prej allçie dhe të lyer me bojë preshi, se preshi na mban gjalle tre muaj të vitit, atëherë kur nuk ka perime të tjera të freskëta? Ky do të ishte një kontribut i shquar në fushën e zhvillimit intensiv të bujqësisë socialiste. Kështu do t’i mbyllej goja edhe Arta Dades dhe nuk do ta kritikonte më qeverinë.
Ndërkohë që po organizohej protesta në Tiranë, kryeministri kishte organizuar në Vlorë antimitingun e popullit të qytetit të pavarësisë. Kishte lezet: miting në Tiranë, antimiting në Vlorë. Të dya, “live” në televizor. Na nxorri mallin e antimitingjeve, kur u rrëzua monumenti i shokut Enver. Të tilla mitingje/antimitingje, populli ynë kishte parë vetëm atëherë. Edi Rama atëherë ishte në miting në Tiranë, jo në antimiting, si tani në Vlorë.
Kryeministri deshi të tregojë se sa shumë e do populli atë dhe qeverinë e tij. Mirëse erdhe Edi Djali, se neve na mori malli! Ai mund ta bënte mitingun atje nje ditë para ose një ditë pas, por jo, duhej bërë pikërisht atë ditë dhe atë orë që kishte miting opozita. Por fajin për ketë e ka Arta Dade. E ka thënë edhe kryetarja e sotme e gruas socialiste në Facebook.
Pensionet për këtë vit do të rritej 2,5 përqind. Kaq ka thënë opozita (se qeveria nuk e ka dhënë akoma sihariqin) Pensionet do të rriten një muaj para zgjedhjeve lokale të qershorit, me qëllim që pensionistët të mos harrojnë të mirën që po u bën qeveria. (të mos harrojnë, gjithashtu, gjelin e vitit të ri) Se ata dreqër pensionistë, janë nja gjashtëqind e pesëdhjetë mijë tani dhe ata të hedhin në erë në votime. Dhe për këtë, fajin e ka Arta Dade.
Në rrethin e Sarandës prodhuesit e agrumeve këtë vit dolën me këpucë të kuqe. Ata nuk e shitën dot prodhimin e mandarinës, prodhimi mbeti atje dhe u kalb. Për t’u qarë hallin. Ata nuk dinë gjë tjetër, veçse të punojnë. Ndërsa tregun duhet ta gjejë Ministria e Bujqësisë, që paguhet për atë punë. Prodhimi është shumë më i madh se nevojat e vendit. Por shteti u zhduk, nuk ndihmoi për të gjetur tregje. Dhe kështu, rreth dhjetë milionë Euro prodhim i mandarinave vajti dëm. Atëherë fermerët u nisën për në miting në Tiranë kundër qeverisë. Edhe fajin për këtë e ka Arta Dade.
Prodhuesit e mollëve në Peshkopi dhe në Korçe ankohen se nuk e shesin dot mollën. Prodhimi ka qenë i mbarë, por çmimet e shitjes janë përtokë. Dyqanet gjithandej janë të mbushura me mollë, me çmime qesharake. E gjitha kjo, bie mbi fermerët që vitin tjetër do të braktisin tokën, duke na e lënë barkun thatë, sepse bujqësia nuk po u jep gjë. Po ka edhe më keq, fshatarët po i presin mollët për dru zjarri. Dhe pastaj nisen për protestë në Tiranë. Dhe fajin për këtë e ka Arta Dade.
Studentët dolën në shesh në bulevard për një muaj rresht. Ata e tundën qeverinë nga themelet. Sepse studentët, edhe për të marrë një vërtetim në universitete, duhet të paguanin para, megjithëse e kishin paguar më pare taksën e shkollës.
Kryeministri u zgjua nga gjumi i pataksur nga këto që po dëgjonte. Nëntë pika kanë studentët? Nëntëmbëdhjetë do t’u japim ne. Po ku ishte qeveria deri atëherë? A kishte apo nuk kishte qeveri ky vend, që i plasi papritur bomba në duar? Por fajin për këtë e ka Arta Dade.
Ministrja e Arsimit kishte mbaruar shkollën e lartë me notë mesatare 5,9 dhe kishte rritur njohuritë shkencore te Universiteti “Kristal”. Fëmijën e saj e kishte çuar në universitet jashtë vendit, sepse “nuk bëjnë këto universitetet tona”. Megjithatë, ajo qëndronte ministre arsimi, derisa i thanë studentët “ik, ik, ik!” “Ti Halim që s’di këndim, je adapt për arsim”. Këtë poezi Noli e ka shkruar për qeverinë e kohës së Zogut, po ja që ka vlerë aktuale. Po si nuk vajtën studentët më parë në protestë atje, te
Ministria e Arsimit, xhanëm? Ku flinin gjumë studentët deri atëherë! Po fajin e ka Arta Dade.
Parlamenti shqiptar prej 28 vitesh ka 140 deputetë. Kaq kishte kur populli shqiptar ishte katër milionë, në vitin 1991, kaq ka edhe sot, kur populli është 2,8 milionë. Këta deputetë marrin rroga dhe trajtime të majme. Ata nuk bëjnë asnjë punë, ata vetëm ngrejnë kartonin një herë në javë, siç t’u thotë partia. Askush nuk i njeh tre çerek të tyre, përveç grave/burrave të vet. Ata janë anonimë, nuk dinë të flasin. Kjo ndodh sepse në vitin X, Berisha dhe Rama u mblodhën kokë më kokë dhe vendosën të ndryshojnë Kushtetutën, duke ia hequr popullit të drejtën e zgjedhjes së përfaqësuesve të tij dhe duke ia dhënë atë Berishës dhe Ramës. Dhe kështu, na vijnë në Parlament deputetë merhumë, të nxjerrë nga xhepi i kryetarit të partisë, për arsye që i di vetëm kryetari. Por fajin për këtë e ka Arta Dade.
Kryeministri shkarkoi shtatë ministra menjëherë, megjithëse ata nuk kishin një vit e gjysmë në detyrë. Askush nuk u pyet për këtë nga forumet e partisë (mavro forume!) Vetëm Edi vendosi. Dhe çfarë vuri në vend të atyre që hoqi? Vuri ca njerëz anonimë dhe një ministër të jashtëm po aq anonim, shokun e Batonit. Ah, po, më falni, vuri edhe Braçen zëvendës/kryeministër. Por nuk sqaroi se përse e shkarkoi zëvendës /kryeministren që e mori nga Shkodra një vit më parë, megjithëse nuk e njihte askush. Nuk sqaroi as atë se përse e shkarkoi ministrin e punëve të jashtme. dhe vuri një kalama në vend të tij. Prish bucela, bëj kanaçe. S’ka gjë, se pas një viti, do t’i heqë edhe këta ministra që vuri tani dhe do verë ca të tjerë, po aq anonimë. Por fajin për këtë prapë do ta ketë Arta Dade që boton intervistë.
Kryeministri vete u bën dhuratë nga një shtëpi familjeve të vobekta, atje në fshatin e humbur, të Republikës së Edit, i shoqëruar kudo nga ministrja e shëndetësisë. Kur pyetet kryeministri se ku i gjen paratë që bën këto “bamirësira”, ai thotë se ua merr miqve të tij bisnesmenë. Mirëpo këto në italisht quhen “tangente”, domethënë korrupsion. Me fjalë të tjera, “unë të jap tenderin, ti më jep ca para që të bëj ca bamirësira, siç bënte Nënë Tereza”. Dhe këto pastaj dalin në televizionin ER TV, te rubrika “Shqipëria që duam” që t’i shikojë gjithë bota. Turp! Qeveria ka fond rezervë të miratuar nga Parlamenti për këso rastesh. Ato nuk janë dhurata të kryeministrit, janë kontribut i shoqërisë për njerëzit në nevojë. Por ç’ti bëjmë Arta Dades që jep intervista kundër qeverisë?
Tre tendera, me dyzetë milionë Euro, u dhanë për të ndërtuar Unazën e Re. Kryeministri i kishte propaganduar vetë këto rrugë të reja të qeverisë së tij me të madhe. Mirëpo na dolën ca probleme me tenderat. Fillimisht një tender, pastaj tjetri, pastaj edhe projekti i të tretit. Pra, nusja ishte një çikë “me barrë”. E pranoi vetë ministrja e re, e cila tha sa mund të rishikohet projekti i unazës. Por ajo nuk tha se kush është ai që e bëri “me barrë” projektin. Pra, nuk e ka fajin çuni i Fariut që ngriu e mbiu në protestë me banorët e atjeshëm. Kushedi se çfarë do dalë akoma. Rruga te Unaza e re ka mbetur copë – copë, sepse ashtu filloi, po copë – copë. Kushedi se kur do të mbyllen tani ato rrugë. Unaza e Re kutërbon erë të qelbur korrupsioni që tutje. Por fajin për këtë e ka Arta Dade.
Kryeministri mbledh forumet e partisë në orarin zyrtar të punës në shtet. Gati 250 anëtare të Asamblesë Kombëtare të Partisë (asambleistë, ose: shto miell e shto ujë) lënë punën e shtetit për të cilën marrin rrogën atje ku punojnë dhe vijnë në Tiranë, po me makinat e shtetit, për të bërë mbledhjen e partisë. As Enver Hoxha që e kishte partinë – shtet, nuk i bënte mbledhjet në orar të punës. Por Edi e bën. Është i zoti Edi. Edhe për këtë e ka fajin Arta Dade.
Ka ardhur koha që në Partinë Socialiste të mendohet për një kryeministër të ri. Të mendohet, thashë. Ka një përvojë në këtë drejtim. Gjatë qeverisjes tetë-vjeçare 1997 – 2005, Partia Socialiste ndërrroi gjashtë herë kryeministrin: Fino, Nano, Majko, Meta, Meta, Nano. Të gjithë ishin socialistë. (Atëherë ishte ministre edhe shoqja Arta) Dhe në fund të mandatit në vitin 2005, rritja ekonomike në vend ishte 6 përqind. Mos vallë duhet mësuar nga kjo përvojë? Përvojë socialiste është. Po të duan, le të pyesin Arta Daden për këtë.
Të shkojë Edi të pushojë ca kohë në vilën e tij në Surrel, pse të mos shkojë? Të bëjë atje piktura dhe ekspozita. Të luajë atje bashketboll dhe të mbjellë edhe një këpurdhë betoni te shtëpia e tij. Le që, atje këpurdhat mbijnë vetë, nuk ka nevojë t’i mbjellësh. Kështu do të freskohet nga ajri i pastër dhe do t’i vijë mendja në vend Edit. Këtu është Shqiperia. Edhe partinë atje e ka. Arta Dade do ishte shumë e lumtur me këtë. Ah, Arta, Arta, ç’na bëre!
Pas këtij shkrimi, kryeministri mund të më fusë edhe mua te “mediat e kazanit”. S’ka gjë. Unë dhe Arta nuk mërzitemi. Pensionin nuk na e heq dot kryeministri. Kryeministri neve vetëm të na hajë atë që s’thuhet me gojë. Vetëm se herën tjetër, mund të jemi edhe ne në protestën e opozitës në bulevard.
Doni më për Arta Daden?
Denoncimi i qytetares tek Berisha: Leli po ndan kreditë me punonjësit e Bashkisë, populli rri rrugëve këta…
Një qytetare e Vlorës ka denoncuar përmes një mesazhi te ish-Kryeministri Sali Berisha aferën korruptive që po bën kreu i Bashkisë së Vlorës Dritan Leli, me kreditë për shtëpi.
Sipas saj, Leli nuk i ka kaluar emrin për të përfituar kredi për shtëpi, pasi ato do të ndahen me punonjësit e Bashkisë dhe me njerëzit pranë tij.
Postimi i ish-Kryeministrit Berisha
Narkoqeveritaret e regjimit kakistokratik mendojne per njeri tjetrin dhe jo per qytetaret.
Narkokryetar Leli kredite per strehim nuk i ka per qytetaret e pastrehe por per narkoservilet e tij.
Lexoni mesazhin e te pastrehit dixhital. sb
Pershendetje dr.Dua te denoncoi nje afere korruptive te kryetarit te bashkis Leli. Jam nje qytetare qe kam aplikur per kredi shtepie ne bashkine e Vlores, por kryetari i bashkis Leli nuk me kaloj emrin pasi kerkon qe kredit per shtepi ti ndaj me punonjesit e bashkise.
Kete jave eshte dhe mbledhja e bashkis per ti miratuar. Populli rri rrugeve dhe keta ndajne pasurite e popullit me njeri tjetrn. Lista esht e mbushur me punonjes te bashkise Vlore. respekte Doktor.
Taulant Balla i merr 100 mijë euro një të inkriminuari për ta bërë drejtor të ZVRPP në Elbasan
Kreu i grupit parlamentar të PS, deputeti i Librazhdit, Taulant Balla i ka marrë 100 mijë euro një personi të inkriminuar për të bërë të ZVRPP-së në Elbasan. Denoncimi është bërë nga ish-Kryeministri Berisha pas mesazhit të një qytetari nga Elbasani. Ky i fundit, punonjës i administratës në këtë qytet, informon se, në Elbasan janë emëruar në poste të larta individë me rekorde të theksuara kriminale brenda dhe jashtë vendit.
Postimi i plotë i ish-Kryeministrit Berisha
Rekordet kriminale si merite per poste ne Kakistokraci!
Qytetari dixhital denoncon
Trafikante e fallsifikatore emerohen ne detyra te rendesishme.
Ata blejne postet tek Taulant Toyota Jaris/Bego etj etj me 100,000 euro.
Pronat e tyre te krimit askush nuk i prek! sb
I dashur Z.Berisha! Jam punonjes ne administraten shtetrore. Bashkeshortin, e lufton Aurel Guni, vellai i Artur Gunit qe aktulisht eshte Drejtor i Aluizmit Elbasan, i emeruar nga klani mafioz i Taulant Balles dhe i Qazim Sejdinit. Dy vellezerit Artur dhe Aurel Guni jane persona me rekorde kriminale, te denuar ne Greqi, Itali, France per veprat penale te “Trafikim prostitucioni” dhe “Trafikim nderkombetar te lendeve narkotike” dhe me parate e paligjshme te krimit kane ndertuar vila ne Elbasan, hotele ne Spille -Kavaje dhe lokale ne Elbasan dhe Tirane. Vellain e Aurel Gunit/ Artur Gunin qe aktualisht eshte drejtor i Aluizmit Elbasan, i cili bashke me te vellane jane me diploma fallco, pa mbaruar shkollen e mesme (ku kane bere diploma fallco neper fshatra, si ne Bradashesh Elbasan) kane blere diploma te shkollave te larta. Drejtorin e Aluizmit Elbasan Artur Gunin, deputeti i Librazhdit Taulant Balla po pergatitet ta emeroje Drejtor ZVRPP- Elbasan kundrejt pageses 100,000 Euro, duke i shtuar kompetencat dhe harten gjeografike Hipotekes Elbasan. Ju lutem Z. Berisha te me ndihmoni, une jam nene e nje djali 6 vjeçar dhe dua qe te ruaj dhe mbroj bashkeshorin tim dhe familjen time. Me respekt
Thirrja nga Gjermania: Qytetarët të pakënaqur, në Shqipëri, krim, korrupsion e blerje votash
Deutsche Welle: Zoti Feyerabend, fondacioni juaj e konsulton rregullisht Partinë Demokratike në Shqipëri. Deputetët e kësaj partie tashmë janë larguar përfundimisht nga parlamenti dhe i kanë dorëzuar mandatet e tyre. A jeni dakord ju me këtë hap?
Florian Feyerabend: Shqipëria ka nisur shumë reforma gjatë viteve më të fundit. Por ka pasur dhe abuzime dhe shumë mangësi, për të cilat opozita ka folur shpesh në muajt e fundit, siç janë problemet me Krimin e Organizuar, skandalet me korrupsion, blerjen e votave, kufizimi i lirisë së medias, mosveprimet në politikat arsimore dhe mosrespektimi i të drejtave të opozitës parlamentare. Qytetarët dhe sidomos të rinjtë janë shumë të pakënaqur dhe të zhgënjyer, siç e dëshmuan edhe protestat studentore në dhjetor. Opozita e sheh veten edhe si zëdhënëse të kësaj pakënaqësie të përgjithshme, e cila u pasqyrua edhe në numrin e madh të pjesëmarrësve në protestat e 16 dhe 21 shkurtit. Nuk ka asnjë dyshim që gara politike duhet të jetë një garë për idetë më të mira për zgjidhjen e sfidave dhe problemeve. Në një demokraci parlamentare vendi i përballjes me probleme të këtij lloji duhet të jetë parlamenti. Për këtë nuk ka asnjë dyshim. Por, nisur nga sfidat e mëdha që ka përballë Shqipëria, nisur edhe nga çelja e mundshme e negociatave me BE-në, që është paraparë në shtator, është e domosdoshme që parlamenti të jetë funksionues, e të kryejë funksionin e tij kontrollues mbi qeverinë. Jo vetëm qeveria, por edhe opozita duhet të mbajë përgjegjësi për të ardhmen e Shqipërisë. Për Partinë Demokratike dhe partitë e tjera opozitare shtrohej pyetja se si mund ta ushtronin ato këtë përgjegjësi parlamentare pa shërbyer si gjethe fiku demokratike për një qeveri, të cilën ato e akuzonin për manipulim zgjedhjesh dhe lidhje me Krimin e Organizuar.
Shumë aktorë ndërkombëtarë e kanë kritikuar këtë hap të opozitës. Por ka edhe shumë zëra në Shqipëri që i akuzojnë vëzhguesit ndërkombëtarë për mosnjohje të situatës, ose për mosinteresim, sepse nuk duan që të kenë një vend tjetër të paqëndrueshëm në rajon. Ka diçka të vërtetë këtu?
Stabiliteti aftagjatë dhe zhvillimi i qëndrueshëm realizohen vetëm me procese transformuese gjithëpërfshirëse. Të mbyllësh sytë para problemeve dhe mangësive faktike do të ishte e gabuar. Dhe pikërisht kjo detyrë i takon sidomos opozitës, si organ kontrollues i qeverisë. Por edhe ne, si fondacion politik krijojmë një tablo më të diferencuar duke shkëmbyer pikëpamjet me përfaqësuesit e politikës dhe shoqërisë civile dhe duke i ndarë këto përshtypje dhe vlerësime me Berlinin dhe Brukselin. Nuk është gjithçka vetëm e bardhë ose e zezë!
Besoni se duke pasur parasysh situatën aktuale, grupi parlamentar i CDU / CSU-së në Bundestag do të japë dritën e gjelbër për hapjen e negociatave?
Ne as nuk mund ta parashikojmë vendimin e grupit parlamentar të CDU / CSU-së e as nuk mund të flasim në emër të tij. Megjithatë është e qartë se grupi parlamentar do të vendosë në bazë të përparimit të reformave të bëra. Kohët e fundit, grupi parlamentar – i cili ka ngritur enkas një grup pune për Ballkanin Perëndimor – zhvilloi në Shqipëri një udhëtim për mbledhje faktesh. Përsëri, rezultati nuk ishte i zi apo i bardhë, por gri e errët: Me përjashtim të vetting-ut të gjyqtarëve dhe prokurorëve më të lartë, nuk është realizuar ndonjë progres i dukshëm në krahasim me qershorin e vitit 2018. Në interes të qytetarëve të Shqipërisë mbetet shumë për të bërë! Jo vetëm për të arritur çeljen e negociatave me BE-në, e cila do të jetë vetëm guri i parë i kilometrazhit në procesin ambicioz të anëtarësimit – por edhe sepse reformat janë në të mirë të popullsisë së Shqipërisë. Reformat nuk bëhen për hir të reformave! Edhe nëse Bundestagu Gjerman – në qershor, ose ndoshta në shtator – do të japë dritë jeshile, ka ende 26 shtete të tjera anëtare të BE-së që duhen bindur. Qeveria aktuale duhet, pra, të dëshmojë me prova se po bën përpjekje serioze për reformat. Në interes të popullsisë shqiptare, pra nuk ka kohë për të humbur.
Kryeministri shqiptar Edi Rama ka folur kohët e fundit për bashkimin e shqiptarëve. Si vëzhgues gjerman, çfarë kuptoni ju me këtë dhe me çfarë ndjenjash e shikoni këtë zhvillim?
Ëndrrat për mbretëri të mëdha etnike – Shqipëria e Madhe ose Serbia e Madhe ose Kroacia e Madhe – në shekullin e 21-të duhet t’i takojnë së kaluarës. Se çfarë dëmesh dhe pasojash negative mund të shkaktojnë ëndrra të tilla, e kemi parë pikërisht në Ballkan kur në vitet 1990 qindra mijëra njerëz i paguan ato me jetën e tyre. Por kur për himera të tilla jo vetëm ëndërrohet, por edhe flitet seriozisht, atëherë ne këtë e shohim me shqetësim të madh. Kundërmodeli i politikës etnonacionaliste është projekti i përbashkët i Bashkimit Evropian!
Diskutimi që bëhet në Shqipëri për këtë çështje nuk kuptohet si një ëndërr nacionaliste kundër popujve të tjerë të rajonit, por për të bashkuar diçka që – sipas shumë shqiptarëve – i takon të jetë tok, ngjashëm me bashkimin e Gjermanisë në vitin 1990. Një federatë e tillë mes Kosovës dhe Shqipërisë, e cila do të synonte patjetër edhe anëtarësimin në BE, me afro pesë a gjashtë milionë banorë, nuk do të ishte as shteti më madh i rajonit. Çfarë do të fliste kundër kësaj?
Krahasimi me ribashkimin gjerman në vitin 1990 çalon në shumë drejtime. Unë nuk dua të bëj ndonjë analogji të mëtejshme për shkak të kontekstit të veçantë historik, rajonal dhe politik. Një gjë është e qartë: të luash me idenë e ndryshimit të kufijve në Ballkan është si të luash me zjarrin, veçanërisht kur këto ndryshime bëhen mbi bazën e përkatësisë etnike. Pasojat mbi balancën e pushtetit në rajon, impakti mbi shtetësitë e fqinjëve dhe mbi bashkëjetesën sociale të këtyre vendeve – çfarë do të ndodhte për shembull me shqiptarët në Maqedoni? – janë të paparashikueshme dhe ato do të shtonin vetvetiu frikërat historike nga njëra anë dhe aspiratat etnonacionaliste në vendet fqinjë, nga ana tjetër. Do të hapej Kutia e Pandorës dhe do të bëhej një politikë në frymën e viteve ’90. Pasojat tragjike të kësaj politike janë të njohura. Unë gjithashtu nuk njoh ndonjë sondazh, prej nga del se qytetarët i japin rëndësi krijimit të mbretërive të mëdha etnike. Ajo që njerëzit me të vërtetë presin nga politika nuk janë lojërat cinike me iluzione nacionaliste, por zgjidhja e problemeve konkrete në vend – luftimi i korrupsionit dhe i krimit, hapja e vendeve të punës, e perspektivave të zhvillimit të ekonomisë dhe e një të ardhmeje evropiane. Nëse kjo nuk realizohet, për shkak të paaftësisë ose mungesës së vullnetit, atëherë njerëzit do të votojnë me këmbë, pra, duke u larguar dhe himerat e mbretërive të mëdha etnike do të jenë vende pa popullsi.
Si e gjykoni ju rolin aktual të Shqipërisë në zgjidhjen e çështjes së Kosovës? Çfarë do të prisnit nga Shqipëria tani që dialogu është në fazën përfundimtare?
Qarkullojnë shumë thashetheme, disa prej të cilave ndoshta të vërteta, që i atribuojnë kryeministrit shqiptar Edi Rama një rol të rëndësishëm në diskutimin e shumëpërfolur aktualisht mbi korrigjimin e kufijve ose ndërrimin e territoreve midis Kosovës dhe Serbisë. Dialogu i udhëhequr nga BE-ja midis shteteve sovrane Kosovë dhe Serbi ka si qëllim normalizimin e marrëdhënieve. Shumë baballarë e mbytin fëmijën, e nganjëherë duhet të kalojë ca kohë derisa të vijë momenti i përshtatshëm. Pra, në këtë fazë përfundimtare, do të ishte më e dëshirueshme sjellja e rezervuar, sesa ngutja e panevojshme.
Kosova është e gatshme t’i anulojë tarifat doganore ndaj prodhimeve serbe vetëm nëse merr garancinë e njohjes nga Serbia. Serbia, nga ana tjetër, është gatshme për negociata vetëm pas heqjes së tarifave doganore. Si mund të dilet nga ky pat?
Ndonëse janë të kuptueshme frustrimi apo edhe zemërimi i Qeverisë së Kosovës për praktikat e politikës së jashtme serbe – pengimi i anëtarësimit në Interpol, presioni ndaj disa vendeve për të anuluar njohjen e Kosovës – vendosja e tarifave ka qenë një vendim në kundërshtim me parimet e Procesit të Berlinit, me Marrëveshjen e Tregtisë së Lirë të Evropës Qendrore dhe me frymën e procesit të normalizimit. Pjesa më e madhe e shkëmbimeve ekonomike dhe bashkëpunimi mes Serbisë dhe Kosovës është dëmtuar kohët e fundit. Dhe embargoja tregtare – e cila vlen edhe për prodhimet nga Bosnja-Hercegovina – dëmton në radhë të parë popullsinë kosovare dhe sektorin privat.
Disa politikanë shqiptarë kanë bërë thirrje kohët e fundit për një rol më të drejtpërdrejtë të Gjermanisë në zgjidhjen e konfliktit midis Serbisë dhe Kosovës. A e përkrahni ju këtë kërkesë?
Politika e jashtme gjermane është gjithmonë e ngërthyer në një kornizë evropiane. Dialogu i normalizimit ndërmjet Kosovës dhe Serbisë udhëhiqet nga BE-ja. Sidoqoftë, nuk mund të mos vihet re se dialogun nuk do ta dëmtonte pak më shumë orientim, me qellim që te mos përfundonte në një rrugë qorre ose të merrte tatëpjetën. Qysh në vitin 2011, kancelarja Angela Merkel mori përsipër një rol udhëheqës në çështjen e statusit. Ajo ende gëzon reputacion dhe adhurim shumë të lartë në Ballkanin Perëndimor. Pozicionimet e Gjermanisë, si fjala vjen, refuzimi i ndryshimit të kufijve, dëgjohen me vëmendje dhe kanë peshë. Edhe fondacionet politike mund të luajnë një rol në këtë proces. Dhe ne po e bëjmë këtë dhe po e bëjmë duke nxitur këmbimin politik në nivel jo zyrtar dhe në Serbi duke shoqëruar “dialogun e brendshëm”, aq të rëndësishëm, të nisur nga presidenti Aleksandar Vuçiç. Sepse në fund duhet të dalë një zgjidhje, e cila do të pranohet nga të dy popujt, duke përfshirë këtu edhe pranimin e ndonjë fakti të dhimbshëm.
*Florian Feyerabend është referent për Ballkanin Perëndimor dhe Evropën Juglindore në fondacionin gjerman të partisë demokristiane, CDU, Konrad-Adenauer.
Kryesore
Continue to the category
