Rreth 3 mijë fermerë kanë bllokuar aksin rrugor Lushnje – Fier duke derdhur në mes të autostradës, prodhimet e tyre, në shenjë proteste për mossubvensionimin e TVSH.

Fermerët e revoltuar akuzojnë qeverinë për falimentimin e tyre.
Në vendngjarje ka forca të shumta policore, të cilat kanë tentuar të largojnë protestuesit e shumtë nga rruga.

Prej disa ditësh, grumbulluesit e qumeshtit kanë bojkotuar mbledhjen duke çuar në falimentim fermerët, ndërkohë që në protestë jane bashkuar edhe fermerët e produkteve të tjera, të Lushnjes dhe zonave përreth.

Fermerët thonë: “Kërkojmë uljen e TVSH për qumështin. Kemi marrë kredi, ndërkohë që prodhimet detyrohemi t’i hedhim në plehra!”

Një ditë pas protestës që zgjati për disa orë në zonën e Unazës së Re, policia ka shpoqëruar 6 persona, të cilët janë banorë të zonës.
Sipas burimeve mediatike, bëhet e ditur se janë shoqëruar shtetasit Gezim Sadikaj, Lutfi Kastrati, Ilir Katiraj Lindita dhe Dorian Protoduari dhe Skënder Doda.
Kujtojmë se mbrëmjen e djeshme në të gjithë zonën e Unazës së Re kishte një prani mjaft të madhe të policisë dhe forcave të FNSH-së, ndërsa pranë banorëve mbërriti me urgjencë dhe kryedemokrati Lulzim Basha.
Banorët thonë që në të gjithë zonën kanë qenë rreth 300 punonjës të policisë.

Kryetari i opozitës, Lulzim Basha ka shkuar pranë banorëve të Unazës së Re, në një kohë që policia po planifikonte të ushtronte dhunë dhe të arrestonte banorët që kanë 5 muaj që protestojnë.
Basha u shpreh për mediat se, kishin marrë urdhër deri para pak minutash që të arrestonin banorët ndërkohë që të pandehur duheshin marrë Rama dhe Gjiknuri.
“Sandër Lleshaj dhe Edi Rama po kërkonin të ushtronin dhunë dhe terror mbi banorët. Këta kanë dalë nga bandat dhe u shërbejnë bandave. Kanë filtruar informacione se policia po tentonte të dhunonte dhe arrestonte banorët”, tha Basha.
Banorët menjëherë pas fjalës së Bashës kanë marrë garanci se, nuk do të cënoheshin dhe kanë filluar të largohen.
Protesta e banorëve të Unazës së Re sonte ka zgjatur më shumë se zakonisht pasi aty janë shfaqur forca të shumta të policisë si dhe të FNSH.
Banorët ju kanë bërë thirrje edhe ambasadorëve të huaj të akredituar që të dalin përkrah tyre pasi ndihen të kërcënuar.
Ata si çdo mbrëmje kanë bllokuar rrugën por gjatë protestës së sotme, ata janë rrethuar nga një numër i madh policësh të cilët nuk i kanë lejuar të bllokojnë të dy akset e Unazës.
Protestuesit duke iu drejtuar Ministrit Lleshaj, i kanë kërkuar këtij të fundit të ketë kujdes me durimin e tyre, pasi do të shikojë një protestë para policisë që se ka parë kurrë. Ata janë shprehur se janë rrethuar si të ishin në Gaza.
Ish-deputeti i Partisë Demokratike, Klevis Balliu ka postuar në rrjetet sociale përkrah të cilës shkruan se Policia përgatitet për dhunë kundër banorëve të Unazës së Re.

Policia me urdhër të Edi Ramës po tenton të mësyjë mbi banorët e Unazës së Re, që prej muajsh protestojnë kundër projektit që prek banesat e tyre. Për këtë ngjarje të rëndë ka reaguari ish-Kryeministri Sali Berisha.
Përmes një postimi në Facebook, Berisha i bën thirrje policisë të ndalë terrorin mbi banorët, të cilët i quan “heronjtë e Unazës së Re”.
Postimi i ish-Kryeministrit Berisha
Ndal terrorit policor, raperzaljeve te narkopoliceve te Edvin Kristaq Urrejtjes dhe Vasalit te tij ndaj heronjve te Unazes Re.
Narko policia i ka rrethuar ata. Qenderstaret kane bllokuar rrugen! sb