Deputeti Dashamir Shehi u shpreh gjatë fjalës së tij para mijëra e mijëra protestuesve, se, ne nuk jemi mrekullia, nuk jemi pa huqe, por të keqe më të madhe se kjo nuk i kishte rënë Shqipërisë.
“Ky zotëria që duam të pëzëmë është e keqja më e madhe që na ka rënë në 30 vjet. Nuk jemi mrekullia ne, nuk jemi pa huqe, por të keqe më të madhe se kjo nuk i kishte rënë Shqipërisë.
Ky njeri që bredh poshtë e përpjetë Shqipërisë dhe hedh helm kundër shqiptarëve dhe pretendon se do na bashkojë me Kosovën, ky do të ndajë edhe Shqipërinë nëse e lëmë. Por nuk do ta lëmë. Është rrugë e gjatë dhe e vështirë po nuk kemi rrugë tjetër. Nuk na ka lanë shteg tjetër përveç protestës së rrugës. Do të vijë dita që do t’i kthehemi asaj salle, por do t’i kthehemi si burrat!”

Jorida TABAKU

Kam hyrë në sallën e këtij Kuvendi në shtatorin e vitit 2013. Hyra këtu në kushtet e një opozite të dalë nga zgjedhjet më tëmira të kryera ndonjëherë në Shqipëri. Hyra për të përfaqësuar flamurin e një partie që kish qeverisur për ta futur vendin nëNATO dhe kish luftuar deri në fund për të nisur procesin e hapjes së negociatave të mohuara nga lufta për “kryetarin e qarkut të Fierit” të udhëhequr nga kryeministri Rama. Isha njëpjesë e vogël e një armate të madhe qeverisëse që e çoi vendin shumë hapa përpara vitit 2005, ndërsa përballë nesh ishte njëmazhorancë e dalë nga votat e blera.
Beteja e parë e opozitës ishin zgjedhjet e Korçës, të cilat, siç u faktuan nga provat filmike ishin të blera dhe të manipuluara. Pak muaj më pas një deputet i mazhorancës kërcënoi gratë nëradhë përpara tij për të marrë mandatin e deputetit, i njëjti deputet që do të sulmonte fizikisht kolegun Strazimiri. Njësulm që erdhi pas një urdhëri të kryeministrit Rama përmes sms-ve dhe që sot e kësaj ditë do të mbetet në memorien e shqiptarëve, përfshirë edhe përqeshjen harbute të kryeministrit që dhunën e ushtruar e konsideroi “ledhatim”.
Në këtë Kuvend kemi evidentuar përditë e më shumëpërfshirjen e të inkriminuarve dhe përdhunuesve me precedentë penalë në grupin parlamentar të mazhorancës. Kjo mazhorancë vazhdonte përdhunshëm të uzurponte në mënyrëanti-kushtetuese institucionet, të shkelte me këmbë edhe ligjin për Nëpunësin Civil që e votoi në fund të mandatit të saj opozitar dhe të shndërronte Shqipërinë në një Kolumbi prej 28 mijë kilometrash katrorë.
Një investim personal i qeverisë dhe ministrave të saj, njëprojekt djallëzor që ishte në garë të ethshme me koncesionet klienteliste që ajo i shpërndante 11 biznesmenëve pranë saj.
Gjashtë vjet më pas shqiptarët, falë dosjes së famshme 339, morën provën më të qartë se si zgjedhjet lokale të Dibrës por edhe ato të përgjithshme të Shqipërisë 2017 ishin një farsë. Eksponentë të rëndësishëm socialistë, disa që janë bërëpublikë, dhe të tjerë që ende nuk janë publikuar, ishin përfshirë në marrëveshje mirëkuptimi dhe ndarje territoresh me bandat e Durrësit, Shkodrës, Dibrës, Tiranës, Beratit, Vlorës, Gjirokastrës dhe Korçës.

Në këtë Kuvend kam parë sesi kjo mazhorancë e timonierit pa frena, kjo mazhorancë e kusisë dhe tepsisë të shndërruar nëkazanin e grykësisë së këtij njeriu në krye të vendit shpërndaukoncesionet dhe projektet PPP me vlerë 2 miliardë euro që do të paguhen për mbi 20 vjet nga taksat e shqiptarëve, nga ne dhe nga fëmijët tanë..
Në këtë Kuvend kam parë sesi tepsia e abuzimeve rritej përherë e më shumë ndërsa institucionet e llogaridhënies zvogëloheshin gjithnjë e më shumë.
Në këtë parlament, u votua nga deputetë që e quajnë veten qytetarë, vendimi i qeverisë për të shembur Teatrin Kombëtar a thua se teatri kombëtar ishte një kioskë. Në këtë parlament, kjo qeveri përgatiti terrenin për të shkërrmoqur Gjykatën Kushtetuese. Në këtë parlament janë noterizuar ligje me emër biznesmeni që vjedhin pronën publike dhe atë private.
Përballë kësaj mungese të demokracisë dhe vlerave më elementare të parlamentarizmit funksional,
Në kushtet e një qeverie që uzurpon me përdhunë dhe dhunë çdo institucion demokratik,
Në kushtet e një pushteti që ka ardhur prej krimit dhe punon për oligarkët dhe krimin,
Në kushtet e një qeverie që është konvertuar në një qeveri-kartel,
Opozita nuk mund të jetë më një fasadë për këtë parlament.
Djegia e mandateve nuk është sakrificë,
Nuk është as edhe shqelm ndaj demokracisë.
Sot përfundoi procesin e dorëzimit të mandatit tim si deputete. 28 vjet pas ditës në të cilën pashë time më në sheshin Skëndërbej të gëzonte rrëzimin e statujës së diktatorit gjakatar Hoxha; së bashku me shqiptarët dua të luftoj për të rrëzuar një diktator të ri në lindje. Në shkurtin e vitit 1991, ne përmbysëm diktaturën komuniste, sot së bashku do të përfundojmë përmbysjen e diktaturës së narko-shtetit, diktatin e një mazhorance që punon për krimin.
Asnjë pendesë, asnjë zhgënjim. Por krenare që për fëmijët tanë hedhim hapin e duhur për të mposhtur këtë regjim. Së bashku ne mund t’ia dalim. Së bashku ne do t’ia dalim!

Garda e kryepushtit Edvin Kristaq Rama ka vendosur që të heqë mbrojtjen ish kreut të qeverisë, Sali Berisha. Ky është një vendim hakmarrës i qyqarëve në krye të pushtetit që mendojnë se mbrojtja e Berishës është në duart e Gardës. Berishën sot e mbron i gjithë populli dhe kemi të bëjmë me një veprim qesharak të një frikacaku që drejton qeverinë. Sot Shqipëria është ngritur në këmbë duke pasur përballë partinë-shtet. Partia-shtet do të rrëzohet përballë revoltës popullore. Pushteti ëhstë ilegjitim pasi ka dalë nga votat e blera me paratë e krimit të organizuar. Sot me djegien e mandateve të opozitës vendoset funeral I Parlamentit ilegjitim, i cili nuk do të ketë asnjë ditë jetë pa opozitën.
Republikës i hoqi sëfundmi gardistët Sali Berishës, por këta të fundit kanë marrë një vendim ekstrem për të qendruar pranë liderit historik të demokratëve.
Mësohet sëfundmi se pas vendimit të Gardës së Republikës për t’i hequr rojet fizike Berishës, dy garditët e tij që kishin këtë detyrë nën urdhrat e Gardës kanë dhënë dorëheqjen nga kjo e fundit dhe vijojnë mbrotjen e Berishës si persona fizik.
Berisha mbrohej nga Garda e Republikës pasi me ligj është detyrim që Kryeministri të mbrohet deri tre vite pasi largohet nga pushteti.
Sipas Gardës së Republikës ky afat ka përkuar gjatë javës së fundit për Berishën prandaj edhe ia hoqën tani gardistët.

Kryetari i PD-së në Kukës, Arif Rexhmati u shpreh se, rrethimi i parlamentit me tela me gjemba bëhet nga kryetari i Kuvendit, Gramoz Ruçi, i njejti person që vrau të rinjtë shkodranë që protestuan për demokraci në 2 prill 1991.
“Dua të falenderoj të gjithë qytetarët e Kukësit që në këtë orë te hershme të mëngjesit ngrihen dhe nisen për në Tiranë për të protestuar kundër qeverisë së Ramës.
Janë më shumë se herën e parë, mijëra qytetarë të nisur që mbrëmë dhe me autobuzët e fundit, po nisen edhe të tjerë të qytetit të Kukësit për të protetsuar para parlamentit.
Arsyeja e protestës dihet, ne jemi në mbrojtje të demokracisë. Parlamenti tashmë nuk është i qytetarëve shqiptarë, i kriminelëve dhe i horrave.
Nëse ju e keni vënë re, mbrëmë në orët e vona është rrethuar parlamenti. Tempulli i demokracisë është rrethuar me tela me gjemba dhe me policë, tempulli i qytetarëve që rrethohet nga klika e Edi Ramës dhe Gramoz Ruçit.
Siç Gramoz Ruçi vrau të rinjtë e Shkodrës kur ishte Ministër i Brendshëm, edhe sot kërkon të vrasë qytetarët duke rrethuar tempullin e demorkacisë me tela me gjemba.
Ka ikur koha e diktaturës, ka ikur koha e bunkerëve. Tani qytetarët do të marrin fatin e veta në dorë.do të mbrojnë demokracinë me çdo kusht”.