Nëse hani shumë hamburgerë, pica, biskota dhe ëmbëlsira mund të marrë disa vite nga jeta juaj, sipas studimeve të reja
Një anketim i pothuajse 45 mijë njerëzve të moshës së mesme tregoi se vdekjet nga sëmundjet e zemrës, kanceri dhe sëmundjet e tjera ishin të lidhura me konsumimin e ‘ushqimeve të shpejta’.
Këto përfshijnë: patate të skuqura, bukë të bardhë, ushqime të gatshme, salsiçe, drithëra me sheqer dhe pije me gaz, në thelb çdo produkt që përfshin një procedurë industriale.
Këto ushqime përbëjnë gjysmën e dietës mesatare britanike, një përqindje më e lartë se çdo vend tjetër evropian.
Në studim thuhet se kushdo që ushqehet në këtë mënyrë është 14% më i rrezikuar të vuajë pasoja të rënda brenda tetë viteve.
Por jo vetëm kaq, sepse ushqimet “fast food” ndalojnë zhvillimin e trurit të fëmijëve, duke rritur mundësitë e zhvillimit të sëmundjes mendore të Alzheimerit.
Sipas një studimi të publikuar në revistën shkencore të Psikiatrisë, sasia e tepërt e sheqerit dhe yndyrave ul nivelet e një proteine të rëndësishme, të quajtur “reelin”, e cila mban të lidhura neuronet.
Pa këtë proteinë, funksionet e trurit ngadalësohen, duke penguar fleksibilitetin e sjelljes dhe të kujtesës, duke rritur gjithashtu mundësinë e zhvillimit të sëmundjes se Alzheimer, më vonë në jetë.
Studimi kishte në qendër adoleshentët, pasi ata janë edhe më të prirur për të ngrënë ushqime jo të shëndetshme, por edhe pasi truri i tyre është në një fazë zhvillimi.
Megjithëse duhen kryer ende studime, ekspertët shprehen se proteina “reelin” është faktor kyç në rregullimin e funksioneve normale të trurit.
Rezultatet e studimit mund të ndihmojnë për të shpjeguar se si ushqimet jo të shëndetshme, të njohura si ‘fast food’ dhe rrjedhimisht obeziteti janë të lidhura ngushtë me zhvillimin e kushteve neuropsikiatrike dhe neurologjike.
Ushqimet e shpejta rrisin rrezikun e sëmundjeve vdekjeprurëse
Shprehitë që ju bëjnë të ndiheni më energjik gjatë ditës
Ndonjëherë, trupat tonë mund të jenë frustues.
Energjia fizike është diçka që u mungon shumë njerëzve. Me kohën, problemet familjare apo ato profesionale mund të na i tjerrin të gjitha rezervat e energjisë që i kemi.
Fatmirësisht, pavarësisht se çfarë është duke ju bërë të ndiheni të lodhur së fundmi, ka shumë gjëra që mund t’i bëni për ta përmirësuar situatën.
Më poshtë i keni disa shprehi të thjeshta që mund t’i përvetësoni për t’u mbushur me energji.
Pini mjaftueshëm ujë
Konsumimi i sasive të rekomanduara ditore të ujit është diçka që vërtet jua rritë energjinë. Por, të bëhemi të sinqertë… a jeni duke e bërë këtë?
Problemi është se shumë lehtë mund të harrojmë ë pimë ujë. Ne kemi miliona gjëra tjera që duhet mbajtur mend, andaj si mund ta mbani mend se duhet t’i pini tetë ose më shumë gota ujë çdo ditë?
Një prej zgjidhjeve mund të jetë ta blini një shishe të cilën e përdorni ekskluzivisht për ujë dhe e mbani me vete çdo ditë.
Hani fara chia
Në shumë mënyra, kur është fjala për ta mbajtur trupin të balancuar, farat chia janë ushqimi i përsosur.
Këto fara kanë sasi të ulëta të karbohidrateve, ndërkaq një sasi të balancuar të proteinës, yndyrave të mira dhe fibrave. Ky balancim ideal do të thotë se farat e tilla ju ndihmojnë ta mbani sheqerin në gjak të balancuar.
Ka shumë mënyra se si mund t’i konsumoni farat chia, por ju mund ta provoni kombinimin ujë-chia dhe kështu e keni më lehtë.
Krijoni një ritual të shkutër të natës
Përmirësimi i kualitetit të gjumit është një prej gjërave më të lehta dhe më të mira që mund ta bëni për t’u mbushur energji sepse jua mbështet sistemin primar që merret me energjinë.
Për ta përmirësuar kualitetin e gjumit, ju mund ta adaptoni një shprehi të thjeshtë dhe të lehtë që jua ndihmon mendjen dhe trupin të relaksohen pas një dite të gjatë.
Ja disa ide:
– Provoni meditimin
– Provoni vizatimin
– Leximin e librave (rekomandohet zhanri trillim, pasi ju mundëson të ‘humbni’ në një botë tjetër)
Filloni t’i llogaritni sasitë e karbohidrateve që i konsumoni
Karbohidratet janë të rëndësishme sepse janë mënyra primare se si e furnizojmë me energji trupin. Kur konsumojnë karbohidrate, trupi i konverton ato në sheqer, e pastaj përdoren për energji.
Sidoqoftë, sasitë e shumta të karbohidrateve e nxisin trupin ta ruaj sheqerin e tepërt, i cili eventualisht shndërrohet në yndyrë. Kjo ndikon që të ndihemi më të lodhur se zakonisht.
Për ta luftuar këtë, filloni të ruheni më shumë sa i përket sasive të karbohidrateve që i konsumoni.
I braktisur totalisht, i nxirë e i frikësuar!… (Foto)
Deputeti i Shkodrës, Bardh Spahia shkruan në një postim në Facebook se, kryeministri Rama është braktisur totalisht. Deputeti i PD shkruan se, Rama në takimin në Vaun e Dejës që zgjati vetëm 7 minuta ishte i nxirë dhe i frikësuar. Në këtë takim kishte aq pak njerëz sa Ramën e zuri paniku dhe u largua me vrap.
“Me shumë forca sigurie se sa qytetarë në takimin e Edi Ramës në Vaun e Dejës. Qytetarët refuzojnë kryeministrin e korruptuar e të mbështetur nga krimi. I nxirë, i frikësuar e pa telekamera, takimi i zgjati vetëm 7 minuta”, shkruan Spahia!
Vendimi i duhur i Bashës dhe frika e Ramës nga zgjedhjet e parakohshme!
Armand MAHO
Basha i luajti te gjitha ne tavoline para kundershtarit. Si ne nje loje pokeri ai dha oferten all in (ne lojen poker kur ve te gjitha sa ke ne tavoline) duke vene natyrisht ne ne rrezik me se pari karrieren e tij. Perballe nje kundershtari qe luan me hile, qe nderron kartat ne fund, qe te godet pas shpine ai zgjodhi qe ose ta braktise perfundimisht tavolinen e lojes ose te asgjesoje kundershtarin.
Ne fakt nuk e ishte e thjeshte. Asnjehere se ka pasur As-in e tij. Ne mandatin e pare pas zullumeve te Rames organizoi protesta te medha, ku mbeshtetja dukej qarte por nuk kishte me vete nje pjese jo te vogel te grupit parlamentar. Megjithese e dinte qe perballe kishte nje lojtar hileqar, i cili ble nderkombetaret, ble deputetet, ble voten dhe cdo gje qe mund te blihet ai serish hyri ne zgjedhjet e qershorit 2017 duke marre ate qe priste nje rezultat katastrofe per te.
Me vetem 43 deputete atij si mbetej gje tjeter vetem se te ishte fasada e pushtetit, nje opozite qe skishte asgje ne dore vetem se te mbante ne kembe Ramen. Nje rezultat qe do ishte shokues per cdo vend demokratik. Shqiperia ne 2017-n vinte nga nje histori e padegjuar trafiku droge . Vendi ishte nen pushtetit e PPP-ve qe gllaberonin miliarda euro, dhe taksat e papunesia kishin sheniar rekorde.
Pergjate mandatit te pare, Rama skish bere gje tjeter vetem se kish shtruar rrugen per te gllaberuar cte mundte ne mandatin e dyte. Dhe serish, ja doli te merrte jo pak po rreth 14 apo 15 mandate me shume se zgjedhjet e 2013-es. Ne mandatin e dyte si kryeminister ai vetem ka shtuar arrogancen dukena shtyre drejt nje spiraleje te rrezikshme. Reformen ne drejesi nje investim i SHBA po e perdor per interesa te pushtetit kryeprokuroja u zgjodh mes tymit dhe kundershtive, shtoi represionin ndaj biznesit.
Skandali me unazen e madhe dhe tenderin e OSHE ku jo pak por 30 milione euro u perfituan me ca letra bakalli tregojne me se miri se si funksionon ky pushtet. Porti i durresit dhe jo vetem, u kthye ne nje kanal te pastrimit te parave dhe trafikut te droges. Kapja e Toyotes me 4.5 milione euro dhe 630 kg kokaine ( te dyja me informacione te inteligjences nderkombetare) ne vend te ishte moment reflektimi coi ne shkarkimin e Fatmir Xhafes i cili, po kerkonte koken e Dakos. Natyrisht tek Rama fitoi ky i fundit.
Ne parlament, Rama ne vend te fokusohej tek problemet e vendit, merrej me bulizem ndaj kundershtarit duke provokuar veprime ekstreme sic ishte dhe momenti kur Nenkryetari i Kuvendit Paloka i hodhi boje stilografi ne fytyre. Perpos kesaj mediat nderkombetare gelonin dhe vazhdojne te gelojne rreth ceshtjeve te trafikut te droges dhe blerjes se votes…
Ne keto kushte, opozites nuk i mbetej gje tjeter vetem se te dorezoje mandatet qe ka ne kuvend duke dhene te kuptohet se ai vend nuk ehste me parlament, por thjeshte foleja ku Rama vulos paudhesite e tij. Ai nuk po qeveris por thjeshte po ndan thelat e pushtetit, ku ministra preferon e vendose ca cupelina e cunake pa asnje lidhje me politiken dhe punen qe bejne. Me te gjitha pushtetet ne dore ai rrezikon te vendose nje regjim putinist ne kete vend, ku do jete e veshtire te dalim. Ai ka kuptuar se sado qe ti vjedhe zgjedhjet, serish nderkombetaret sdo kene nge te merren me shqiperine.
Sa per ata qe ka ketej verdalle e ka kollaj. Me dy tre qoka, mund te siguroje ca raporte pozitive. Evropianet, kur bie fjala per Shqiperine sjane aq te kulluar dhe i bien shkurt. Si fjala vjen ajo deklarata e zedheneses se Parlamentit Europian qe dukej sikur ishte nje copy paste e deklarata e te 2017-es, ku nuk arrinte te ndante dot bojkotin nga djegia a mandateve.
Po, eshte e vertete qe kjo ska ndodhur ne asnje vend tjeter, po ne nuk jemi si vendet e tjera sepse vendet e tjera nuk kane nje kryeminister si ky i joni.
Rama duket se i druhet zgjedhjeve me nje kryeminister tjeter. Ai e di fort mire se zullumi i qeverise eshte teper i madh tek shqiptaret, dhe ne kushte normale do dilte si rruar qethur. Vota dhe indinjata e njerzve sjane ne objektivat e tij. Duke qene perballe nje bilanci katastrofe premtimesh luan me faktin se “ opozita eshte e paafte per te marfe pushtetin” apo se “ Rilindja eshte e keqja me e vogel” duke na sjelle ndermend vitet e diktatures ku shqiptaret shqetesoheshin se kush do na mbronte pas vdekjes se Enverit. Nje lloj amnezie qe per hir te se vertetes ka ngjitur fort tek nostalgjiket qe perbejne nje pjese te madhe te elektoratit te tij. Sot ai gjendet perballe nje situate qe se kishte menduar… Ne rast se nuk e di, ja thone ata qe ka verdalle se pa opoziten ne parlament akrepi i ores shkon mbrapsht, dhe me Lefter Maliqin nuk do e shtyje shume kohe. Shembulli i vitit 1996 me Sali Rexhepin eshte prova me e qarte. Pallavrat se ai mund te fitoje kurdo qe te hyje ne zgjedhje nuk para pijne shume uje ne keto momente, dhe kjo shihet fare qarte nga paniku dhe diversioni qe kerkon te beje sa me LSI-ne dhe sa me kandidate ne lista qe kerkon ti fuse si zevendesues. Cfaredo qe te beje opozita institucionale nuk mund te zevendesohet. Rruga eshte nje dhe e vetme, te provoje te hyje ne zgjedhje me kushte te barabarta. Ne rast se shqiptaret e duan aq sa pretendon, atehere aferim i qofte le ta mbaje dhe 30 vjet pushtetin, dhe ne te tjeret te shohim ndonje vend tjeter per e rritur femijet. Por ne rast te kundert, duhet te ike sa me larg, aq larg sa dhe emri mos i kujtohet!
Revoltë tek Gjykata, familjarët kërkojnë lirimin e 15 protestuesve: Nuk paska drejtësi me në krye Edi Ramën!
Forca të shumta policie kanë blinduar paraditen e sotme godinën e rrethit Gjyqësor Tiranë. Familjarët e personave të arrestuar në protestën e opozitës, të datës 16 shkurt, po presin masën e arrestit para gjykatës.
Me anë të një urdhri të gjyqtares është vendosur që familjarët të mos pranohen brenda për të mos patur ndonjë konflikt të mundshëm.
Familjarët e personave të arrestuar kërkojnë që ata të dalin të pafajshëm nga gjykata, pasi nuk kanë përdorur dhunë ndaj forcave të policisë dhe ndaj asnjë personi tjetër.
Nëna e njërit prej të arrestuarve shprehet:
“Çuni im ka dalë në protestë për të drejtën e vet. Shteti i Edi Ramës qenka i korruptuar në themel që nga gjykata , është shtet kriminal, nuk doli për t’i marrë që qeverinë Edi Ramës. Ndaj në shtetin shqiptar nuk paska drejtësi, me në krye Edi Ramën”.
Familjari i një tjetër të arrestuari:
“Ai ka qenë te protesta, kanë ardhur dhe e kanë çuar në komisariat. Nëqoftë se ka dalë, është e drejta e tij të protestojë”.
Deklarata e një protestuesi:
“Edhe unë jam pjesëmarrës i protestës. Pretendohet se sjellja e policisë ka qenë shembullore. Ata përdorën armë kimike. Kam pasur probleme shëndetësore. Të enjten do i bashkohem sërish protestës, edhe sikur 10 herë më shumë të përdorë këto armë”.
Personat e arrestuar nga policia janë:
Florenc Hoxha, Emanauel Nallbani, Naim Haxhiu, Andon Gjini, Resul Daci, Suzana Dimushi, David Linati, Hasan Jakupi, Ilir Hamedini, Festim Taku, Sajmir Rexhepi, Mitat Fieraku, Lefter Jakupi, Pëllumb Sheluka, Veljan Dine, Ndue Tuci. Agim Peposhi.
Ka dhe emra të tjerë të arrestuar, por që nuk janë bërë publikë.
Një personazh tjetër i arrestuar është Agim Peposhi. Djali I Peposhit ka dhënë një deklaratë për Fax Neës.
Djali i Agim Peposhit thotë:
”Agim Peposhi është babai im. Ai ka marrë pjesë në protestë me një shkak, mosprishjen e shtëpisë. Ai është arrestuar ditën e dielë në drekë. Ishim duke ndenjur, ndërsa policia vjen pa fletë arresti me arsye për një deklarim në komisariat, ndërkohë që e çuan në Drejtorinë e Tiranës.
Sikur shteti t’i mbajë të gjithë , brenda unë do jem aty nesër pasnesër dhe çdo ditë. Le të shkojnë të kapin ata që bëjnë krime, jo babain tim. Kemi punuar 25 vjet për atë shtëpi.
Ai vjen për të prishur shtëpinë tonë vetëm se kemi marrë pjesë në protestë. Unë marr pjesë për të drejtat e mia. Do të jem sërish në protestë”.
Arrestohet protestuesi tek ‘Astiri’, banorët rrethojnë komisariatin e policisë
Policia e Tiranës ka arrestuar sot një nga protestuesit tek zona e Astirit, banesat e të cilëve preken nga projekti i Unazës së Re.
Efektivët e komisariatit numër 6 kanë shoqëruar Lutfi Kastratin, pasi sipas policisë ka bërë thirrje në protestë që të goditen me armë forcat e policisë.
Në mbështetje të banorit të zonës së Asirit para komisariatit numër 6 janë të pranishëm disa banorë si dhe deputetë të PD që kërkojnë lirimin e tij.
Kujtojmë se banorët e zonës së Asitrit po protestojnë për më shumë se 3 muaj duke kundërshtuar prishjen e shtëpive të tyre si pasojë e projektit për Unazën e Re.
Aktualisht punimet në lotin e parë të Unazës janë pezulluar pas zbulimit të megaskandalit, ku kompania fituese kishte falsifikuar dokumentet për të përfituar tenderin e ndërtimit.
Bashkia Kamëz, ndër 6 bashkitë më të mira për “Menaxhim me pjesëmarrje dhe transparencë të buxhetit”
Vlerësimet për performancën e qeverisjes së mirë për Bashkinë Kamëz nuk kanë munguar. Ato kanë qenë si nga institucione vendase, ndërkombëtare madje dhe institucione të qeverisë siç ishte ministria e Financave që në dhjetor të vitit 2017 e vlerësoi Kamzën si bashkinë më të mirë sa i përket menaxhimit financiar. I njëjti vlerësim nuk ka munguar as vitin pasardhës duke qenë sërish ndër më të mirat dhe më i fundit vjen sot nga Projekti Star.
Në letër komunikimin e drejtuesve të projektit STAR, ku me firmat e drejtorit ekzekutiv të SHBSH, Agron Haxhimali, të Alexandër Mihaylov, dhe Adelina Farrici të SHAV, me kryetarin e Bashkisë Kamëz,
z. Xhelal Mziu shkruhet: -“I nderuari z. Xhelal Mziu, së pari na lejoni të iu falënderojmë për bashkëpunimin dhe gatishmërinë tuaj në procesin e identifikimit të eksperiencave më të mira, arritjeve dhe sfidave në drejtim të bashkisë Kamëz kryer më herët nga Shoqata e Bashkive të Shqipërisë në bashkëpunim me Shoqatën për Autonominë Vendore të Shqipërisë, në kuadër të “Projektit Konsolidimi i Reformës Administrative Territoriale”, STAR 2 i zbatuar nga PNUD.
Kjo iniciativë synon mbështetjen e 61 kryetarëve të Shoqatës së Bashkive të Shqipërisë përmes programit të shkëmbimit të eksperiencave me synimin e forcimit të aftësive drejtuese dhe administrative të njësive të qeverisjes vendore.
Në vijim të intervistave më 61 kryetarët e bashkive, Shoqata e Bashkive në bashkëpunim me Shoqatën për Autonomi Vendore kryen një analizë të hollësishme të të dhënave të mbledhura gjatë procesit të intervistimit duke identifikuar 61 eksperiencat më të mira që do të promovohen gjerësisht përmes Botimit të Eksperiencave vendore. Në vijim, gjashtë praktikat më të mira mes 61 praktikave të identifikuara në nivel kombëtar, u përzgjodhën duke u bazuar në disa kritere si rezultatet e arritura, mënyra e financimit, risia, përfshirja e grupeve të veçanta, mundësia e replikimit nga bashkitë e tjera, etj. Ndaj kemi kënaqësinë të ju informojmë se eksperienca juaj: – “Menaxhim me pjesëmarrje dhe transparencë buxheti”, është përzgjedhur si njëra prej gjashtë më të mirave”.
Siç jeni njoftuar edhe përmes zyrës së projektit STAR 2, ashtu edhe gjatë intervistave , 6 eksperiencat e përzgjedhura do të promovohen përmes aktiviteteve në bashkitë e tyre gjatë muajit mars dhe në një aktivitet kombëtar gjatë muajit tetor. Gjatë këtyre aktiviteteve do të keni mundësi që eksperiencën tuaj ta ndani me drejtuesit e tjerë vendor si dhe nëpërmjet një dokumentari filmik. Duke ju përgëzuar për përzgjedhjen e eksperiencës tuaj dhe duke iu falënderuar sërish bashkëpunimin”.
Djegia e mandateve, Dash Shehi: Jam i sigurt se dhe Europa që bën tani zhurmë do ta pranojë këtë!
Deputeti dhe kreu i LZHK, Dashmir Shehi ka qenë i ftuar në studion e lajmeve në Fax Neës ku tha se është plotësisht dakord me djegien e mandateve. Sipas Shehit, korrupsioni i qeverisë Rama ka bërë që ky vendim në dukje radikal i opozitës, të jetë rruga e vetme për garantimin e zgjedhjeve të lira në vendin tonë.
“Vetëm protesta nuk ishte e mjaftueshme, ishte vetëm nisja e një aksioni të ri, që kërkon ndryshime radikale. Nisur nga kjo ne kemi menduar se qytetarët kanë nevojë për një reagim serioz, se nuk ka më kuptim që ne të shkojmë në parlament dhe të diskutojmë sikur nuk ka ndodhur asgjë.
Ne besojmë që ditën e enjte do të rritet intesiteti i protestës, ndikuar dhe nga djegia e mandateve. Vjen në një moment që nuk ka më kuptim bojkoti, të cilët e kemi aplikuar në këto muaj. Duke qenë se kjo ndodh për herë të parë, do të shohim se cili do të jetë rezultati.
Kishte nevojë që ky vendim të maturohej, dhe nuk mund të ndërmerrej në kohën kur ishte protesta e studentëve. Duhet krijuar një protestë e madhe që të ketë brenda të gjitha kauzat, nga studentët, te Teatri dhe te Astiri”, u shpreh deputeti.
Shehi tha se, qeveria tranzitore do të garantojë integrimin e vendit, ndryshe nga sa shprehen disa përfaqësues të BE-së, dhe shtoi se, në fund të këtij viti vendi do jetë gati për zgjedhje.
“Ne gjykojmë që një qeveri tranzitore nuk e rrezikon aspak integrimin, por e afron atë. Jam i sigurt që dhe Europa që bën tani zhurmë do ta pranonte këtë. Do ishte shumë e rëndësishme kjo, që askush të mos i binte gjoksit dhe të thoshte se e bëra unë këtë. Qeveria tranzitore do të sillte në hullinë e duhur dhe Reformën në Drejtësi.
Qeveria tranzitore do të ketë të gjithë të drejtën morale për të goditur krimin majtas dhe djathtas dhe do të kemi mundësi që për herë të parë të shkojmë në zgjedhje me fushën e pastruar. Unë mendoj se deri nga fundi i vitit do të ishte një kohë e mjaftueshme për të pasur zgjedhje. Unë mendoj se ka nevojë dhe për një përmbysje figurash, dhe nëqoftë se jemi njerëzit e njëjtë ne duhet të mendojmë ndryshe për të bërë ligjet.
Më shumë sesa aftësia e opozitës sheshin e ka mbushur mllefi që kanë njerëzit ndaj kësaj qeverie. Ne mund të rrinim me ditë të tëra aty, por numrat nuk mund të ishin të njëjta. Në një masë prej 100 mijë vetësh, mund të ketë dhe një numër të vogël që mund të shfaqin elemente të dhunës.
Për ato që marrin vesh nga ekonomia, në Tiranë po ndërtohen nja 20 kulla, që kushtojnë nja 200 milionë euro investime, kjo është ajo që thotë qeveria që është rritja ekonomike. Kjo nuk sjell asnjë të ardhur në xhepat e qytetarëve shqiptarë, përveç muratorëve që nxjerrin vetëm bukën. Kush mund ta blejë një apartament me 2000 euro metri katror, njësoj si të ishim në Firence. Niveli i kredisë nga bankat ka rënë, nga na erdhën të gjitha këto para? Ekonomia nuk ka pikën e prespektivës, gjithçka do të rrënohet brenda vitit të ardhshëm”, u shpreh më tej Shehi.
Rama devijoi rrugën pas bllokimit nga qytetarët, deputetja: Hajduti dhe mashtruesi ka frikë të përballet
Pas bllokimit të rrugës nga banorët e Lezhës, kryeministri Rama është detyruar të devijojë në rrugë të tjera alternative duke shmnagur kësisoj përballjen me banorët e Lezhës. Sipas burimeve, ky devijim ka sjellë dhe kaos dhe trafik në rrugët e Lezhës.
Menjëherë ka reaguar dhe deputetja e PD-së, Lindita Metaliaj duke e cilësuar veprimin e Ramës si akt të një burracaku hajdut.
”Hajduti dhe mashtruesi devijon rrugën duke u futur nëpër fshatra për të mos u përballur me qytetarët”, shkruan Metaliaj në Facebook.
Deklarata e deputetes
“Hajduti dhe mashtruesi ka devijuar rrugën duke u future nëpër fshatra për të mos u përballur me qytetarët’’.
Kjo është protesta e parë, që pason atë të 16 shkurtit, kur protestuesit e thërritur nga opozita e bashkuar qëndruan mbi 5 orë para zyrës së Ramës me thirrje për largimin e tij.
Nga ana tjetër të gjithë deputetët e opozitës kanë vendosur që të djegin mandatet e tyre, duke thënë se prania në Kuvendin e kapur nga krimi duhet të marrë fund.
Basha: Hapi i parë, largimi i Ramës dhe arrestimi i politikanëve që janë kapur duke vjedhur votat
Kryetari i Partisë Demokratike, Lulzim Basha ka deklaruar sot se, nuk ka kthim mbrapa lidhur me vendimin unanin të marrë dje nga Grupi Parlamentar i PD për djegien e mandateve.
Deklarata u bë pas takimit të Bashës me Bujar Nishanin, kreun e Këshillit Kombëtar të PD-së për zyrtarimin e këtij vendimi sipas statutit të PD-së. “Nuk ka kthim mbrapa. Nuk do të ketë më parlament fasadë”, tha Basha.
Basha ka sqaruar për mediat se çfarë do të thotë qeveri tranzitore e kërkuar prej opozitës me djegien e mandateve, si dhe cilat janë prioritetet që parashikon ajo.
Basha tha se hapi i parë i kësaj qeverie nis me largimin e kryeministrit Rama dhe më pas me arrestimin e politikanëve që janë kapur duke vjedhur votat e shqiptarëve.
“E para dorëheqja e Ramës dhe hetimi i tij. Detyrë të parë e qeverisë tranzitore detyrë të parë ka të arrestojë politikanë për vjedhje votash, pra qeveria duhet të mundësojë që të mos ketë asnjë ndërhyrje politike për mos arrestimin e tyre, Vangjush Dakon se u kap duke vjedh vota. Damian Gjiknuri me Ymer Lalën në Dibër, ata që kanë vjedh votat me Shullazët, Habilajt, Taulant Balla ndryshe sdo të ketë zgjedhje të lira e të ndershme. Në burg duhet t’i çojë drejtësia, por na duhet një qeveri që nuk e pengon drejtësinë të bëjë detyrën e saj. Hapi i parë është dorëheqja e Ramës dhe nuk ka e nuk do të ketë asnjë negociatë”, u shpreh Basha, duke shtuar se me djegien e mandateve nuk do të ketë më parlament fasadë.
Kryesore
Continue to the category
