Përfaqësuesi i SHBA’së në Këshillin e Sigurimit, Jonathan Cohen (foto), ka deklaruar se një marrëveshje gjithëpërfshirëse mes Kosovës dhe Serbisë, mund të arrihet gjatë vitit 2019. “Është momenti i duhur që të arrihet një marrëveshje gjithëpërfshirëse dhe kjo është e arritshme në vitin 2019″ tha përfaqësuesi i SHBA’së në mbledhjen e Këshillit të Sigurimit që ka fiskutuar çështjen e Kosovës. Por ai shtoi se “Për Kosovën kjo nënkupton anulimin e tarifave për Serbinë dhe Bosnjën”. Megjithëse publikisht edhe Gjermania nuk mund të dalë pro kësaj takse që është kundër parimeve të tregut të lirë, ambasadori i Berlinit në OKB ka treguar edhe anën tjetër të medajles duke përforcuar hipotezën se është Gjermania ajo që e mbështet kryeministrin Haredinaj në mbajtjen e taksës 100 përqind për produktet serbe, si një mjet për të penguar marrëveshjen përmes ndryshimit të kufijve.
Ambasadori gjerman në Kombet e Bashkuara Christoph Heusgen publikisht theksoi se nuk mund të mos lejohen produktet serbe të futen në Kosovë por shtoi ai: “të mos lejohen produktet e Kosovës në Serbi është gjithashtu kundër perspektives evropiane”.
Christoph Heusgen u tregua i prerë edhe kundër politikës së Beogradit për mos lejuar njohjen e Kosovës nga shtete të tjera të OKB.
“Daçiq vetë ka udhëtuar në shtetet të cilat kanë bërë tërheqjen e njohjeve. Nuk e kuptoj logjikën që qëndron prapa kësaj: Shpallja e pavarësisë së Kosovës është në përputhje me të drejtën ndërkombëtare. Njohja e Kosovës është e njëjta mënyrë për të futur në BE. Duke i shtyrë vendet që ta tërheqin njohjen e Kosovës, ju jeni duke e goditur vetën me duart tuaja dhe unë nuk e kuptoj këtë”, i tha Heusgenministrit të jashtëm serb Ivica Daçiç.
Pra edhe në këtë debat u pa qartë se mes ShBA dhe Gjermanisë ka divergjenca thelbësore për mënyrën se si do të arrihet marrëveshja shqiptaro serbe. Ndërsa Uashingtoni e ka kënë të hapur mundësinë e ndryshimit të kufinjve, Berlini zyryar e ka kundërshtuar fuqimisht atë. Madje ai e ka vënë si kusht për përparimin e vendeve tona drejt BE. Pikërishtë këtë gjë theksoi edhe kryeministri Haradinaj në intervistën e fundit në “T7”.
“Ne kemi interesa strategjike me disa vende të BE. Sot ideja e kufijve bie ndesh me interesat e këtyre vendeve…Nëse presidenti ynë flet për kufij, kjo nuk i vjen mirë Merkelit” tha ai.
Pra është e qartë se nëse të gjithë bien dakord me një zgjidhje përfundimtare të paqes mes Serbisë dhe Kosovës, palët ndahen lidhur me mënyrën se si do të bëhet ajo: përmes ndryshimit të kufijve apo jo. Dhe në një farë mënyre nga kjo do të vendoset edhe për afatet e saj. Nëse në ShBA mendohet se gjithçka mund të zgjidhet brenda 2019, disa nga vendet vendimmarrëse në BE nuk janë kaq optimistë.
Berlini mbështeti taksën ndaj Serbisë, kërkon që të lejohen edhe produktet e Kosovës në Serbi
Maskat grabisin nën kërcënimin e armëve karburantin në Vlorë, kërcënohet roja
Grabitet gjatë natës një karburant në Novosel të Vlorës. Dy persona me maska dhe të armatosur kanë grabitur karburantin gjate orëve të natës, ndërsa kanë kërcënuar rojen që gjendej në objekt.
Sasia e parave që është marrë nga grabitësit mësohet të jetë rreth 35 mijë lekë të reja, ndërsa më pas janë larguar me shpejtësi nga vendi i ngjarjes. Grabitësit kanë thyer xhamin e kabinës ku qëndronte roja gjatë natës, për të marrë prej aty paratë.
Sipas deklarimeve të rojes, ai nuk ka mundur t’i identifikojë grabitësit, të cilët mendohet se kanë qenë 2. Po ashtu ai ka treguar se grabitësit i kanë marrë dhe armën që mbante gjatë shërbimit.
Deklarata e fortë e Kryemadhit: SHBA refuzoi vizitën e Ramës
“Ramës i kanë refuzuar vizitën në Shtetet e Bashkuara”. Deklarata e fortë është bërë nga Kryetarja e LSI, Kryemadhi gjatë një interviste në TPZ. Kryemadhi dha edhe detaje të nga ky refuzim i cili bëhet publik për të parën herë. “Vizita e Ramës ishte parashikuar me 27 Janar, por është refuzuar”, tha Kryemadhi. Kryetarja e LSI tha se Basha i ka fikuar Ramës aparatin e oksigjenit dhe se ai tani nuk mund të shpëtohet nga askush.
Kryemadhi dha detaje edhe nga telefonata e ramës me Bolton: “Kanë folur për Venezuelën”, tha Kryemadhi duke ju referuar postimeve të Bolton në rrjetet sociale.
Kryetarja e Lëvizjes Socialiste për Integrim, Monika Kryemadhi, ka qenë e ftuar në emisionin “Të Paekspozuarit”, ku ka shpërthyer ndaj kryeministrit Edi Rama, ndërkohë që po diskutoheshin arrestimet e fundit në ministrinë e drejtësisë.
Kryemadhi u shpreh se në këtë proces po përfshihet Ylli Manjani dhe Petrit Vasili, për shkak se janë kundërshtarë të Edi Ramës.
“Zonja ministre, i pushoi të gjithë personat që janë në listë. Kanë shkuar në gjykatë dhe kanë fituar të drejtën për t’u kthyer. Aty ka qenë edhe burri i Vasilika Hysit.
Vajza e tezes së ministres së drejtësisë, që ështe sekretare e përgjithshme në ministrinë e financave, i tha më sill një audit nga ministria e financave dhe më bëj këtë për këta persona.
Bëhet fjalë për mirëmbajtje të sistemeve elektronike, punojnë apo jo nuk më intereson.
Zonja në fjalë përmend emrin e Ylli Manjanit dhe Petrit Vasilit, që nuk kanë firmosuar kurrë por janë të vetmit njërëz që janë përballe Edi Ramës.
Kjo është një tërheqje vëmendje, për të dhënë me koncesion të gjithë këto procese.
Le t’i marri Edi Rama ti fusë në burg të gjtihë, nuk ka bir nëne ta shpëtoje Edi RAmën, në zullumin që ka rënë.
Edi Rama do rrëzohet edhe nga opozita, sepse ka një disavatazh shumë të madh.
Ambasadorët ikën me xhepat e fryrë, ndërsa shqiptarët duhet të presin 20 vjet që ti mbarojnë proceset gjyqësore”.
Kryetarja e Lëvizjes Socialiste për Integrim, Monika Kryemadhi, e ftuar në emisionin “Të Paekspozuarit”, ka deklaruar se opozita ende nuk ka marrë një vendim nëse do të futet në zgjedhe me Edi Ramën kryeministër.
“Opozita më shumë se kurrë, është më e qartë në qëndrimet dhe veprimet e saj. Çadra e bëri funksionin e saj, e uli Edi Ramën në tavolinë dhe lëshoi pesë ministra.
A jemi të vetëdijshëm, që Basha u kërcënua për të nënshkruar një marrëveshje nga institucione që ishin nën hyqmin e Soros?
Efekti cadër ka një gjë shumë të mirë, nuk ka më Edi Rama me Lul Bashën vetëm për vëtëm. Sot, opozita më shumë se kurrë është e vendosur të ecë në një axhendë. Nuk ka qeveri teknike. Ka një qeveri tranzitore, e cila garanton zgjedhje të lira dhe të ndershme, që garanton hapjen e negociatave.
Fronti opozitar e ka zgjidhjen politike për të gjitha llojet e varianteve, demokratike dhe popullore”u shpreh Kryemadhi.
Kryemadhi: Më të vendosur se kurrë, qeveri tranzitore që iu garanton shqiptarëve zgjedhje të lira
Si e rrëzon opozita Edi Ramën? Kjo është pyetja dhe tema e emisionit të sotëm “Të paekspozuarit” në News24. Kryetarja e LSI-së Monika Kryemadhi ka qenë e vetmja politikane e ftuar, e cila ka shpalosur strategjinë e opozitës për të mos hyrë në zgjedhje me kryeministër Edi Ramën. Kryemadhi mohoi ngritjen e një çadre si ajo e 2017-ës.
Ajo tha se opozita është me e vendosur se kurrë dhe se ka një axhendë të qartë që do formalizohet hap pas hapi.
Duke e nisur nga përgjimet e dala në disa raste të zyrtarëve dhe të lartë, Kryemadhi tha se qeveria është e kapur në flagrancë.
“Provat që dhatë nuk janë prova të opozitës, janë prova të prokurorisë që kanë ardhur nga përgjimet. Bisedat telefonike përveç trafikut të drogës zbardhën dhe një grup shitblerje votash në PS.
Dosja 339 që janë përgjimet e zgjedhjeve në 2016 në Dibër, që nuk kanë dalë ende se janë mijëra orë. Kambanën e alarmit e jep VOA, që kryeministri e quajti kazan, por kryetari i bordit të VOA-s është sekretar shteti.
Vijmë tek opozita, që thua një opozitë në epruvetë, e nisi kështu-ashtu. Nuk është një eksperiment, është një opozitë që 15 muaj ka bërë denoncime shumë të rënda.
Ke një qeveri me 90% të saj të ndërruar. Ke një qeveri të kapur në flagrancë për shkak të emisionit tuaj, për shkak të ngjarjes. Ishin njerëzit që ishin në rrugë me muaj, opozita nuk tentoi ta politizonte çështjen dhe ndërkohë nga një emision i juaji doli që vidheshin 20 mln euro që shkonin në një kompani fantazmë. Garancia financiare është 1.8 mln euro që duhet t’ia merrte shtetit shqiptar”, tha Kryemadhi e cila më pas debatoi me gazetarin Ylli Rakipi.
Rakipi: Ti i jep ligjshmëri qeverisë.
Kryemadhi: E kam denoncuar që kur jam zgjedhur kryetare e LSI.
Rakipi: Je opozita nuk duhet të denonconi.
Kryemadhi: Çfarë duhet të bëj unë. Ne s’kemi institucionet në dorë, as prokurori, as gjykatë. Kur qëllova unë më shatë. Çfarë duhet të bëjë opozita? Ne si opozitë kemi një axhendë që do të vijë hap pas hapi.
Ka dy metoda të të menduarit të opozitës. Është rasti kur themi nuk hyjmë me Ramën kryeministër dhe hyjmë në zgjedhje.
Kemi dhe rastin kur opozita thotë do e bëj këtë gjë dhe nuk e bën. Sot më shumë se kurrë opozita është me qartë se çfarë do bëjë. Çadra e bëri funksionin e saj. E uli Edi Ramën në tavolinë, e tërhoqi. Erdhi Rama lëshoi 5 ministra. Ku bëri gabime Lul Basha, hajde ta diskutojmë. Po a jemi ne të vetëdijshëm që Lul Basha u kërcënua për të bërë marrëveshje?
Rakipi: A jeni marrë vesh me PD?
Kryemadhi: Edhe sikur të ndodhë efekti çadër nuk ka më Lul Bashë dhe Edi Rama vetëm për vetëm. Opozita është më e vendosur se kurrë për të ecur para.
S’ka më qeveri teknike, por qeveri tranzitore që iu garanton shqiptarëve zgjedhje të lira e të ndershme, qeveri tranzitore që iu hap shqiptarëve negociatat.
Rakipi: Ju mund të ngrini dhe një çadër të re por nuk do jetë vetëm Basha?
Kryemadhi: Nuk ka çadër, ka lëvizje.
Rakipi: Ju me zotin Edi Rama nuk kaloni në zgjedhje?
Jemi 99% të qartë në këtë vendim por shumë shpejt do kalojmë në hapa të mëtejshëm për ta formalizuar këtë qëndrim.
Të gjithë së bashku me 16 shkurt për ta hequr qafe këtë zgjedhë të rëndë robërie!
Nga Sandër Jaçi 
Edvin Rama në këto vite të “mbretërimit” të tij dëshmoi se, është një diktator tipik, demagog e i papërgjegjshëm, i katapultuar në krye të bandave duke shkelur e përdhosur kushtetutën e Shqipërisë, dhe për më tepër duke u bërë garant i baronëve të krimit dhe i promovuar ata në auolën e demokracisë parlamentin e vendit, dhe joshur me ofiqe qeveritare të niveleve të larta përfaqësimi.
Me këtë veprim në mbrojtje të baronëve të krimit, Edvin Mavija, arriti të sfidoi haptazi ligjin, asgjesoi prokurorinë dhe të gjitha shkallët e gjyqësorit, vetëm e vetëm për të arritur qëllimin e tij prej diktatori, me synimin e vetëm për të kapur të gjithë pushtetet! Që në një fare mënyre i’a ka arritur ta realizojë me sukses.
Ai bleu thuajse të gjitha mediat, korruptoi disa eksponentë që gjoja nuk mendonin si ai por në fakt i kanë shërbyer zellshmërisht atij dhe më keq akoma i keq përdori duke i sërvirur si “zëri i opozitës”, duke tentuar të asgjesoi liritë dhe të drejtat e qytetarit përmes udhës së etërve të tij dhe pikërisht asaj të demagogjisë, që përmes mediave kazan e të blera prej tij ua sërvir shqiparëve.
Unë nuk po hyj të numëroj mëkatet e tij dhe as të numëroj premtimet që ai nuk i mbajti kurrë, por dua të theksoj një gjë se ai përtej varfërisë dhe krimit, abuzimit masiv dhe korrupsionit me shifrat më të frikshme e të dëgjuara ndonjëherë, ky njeri i papërgjegjëshëm me poltronin kryeministrorë ka arritur të instaloj regjimin e neodiktaturës në këtë vend. Pasojat e të cilit po i vuajmë të gjithë.
Prandaj duke patur një mijë arsye për të protestuar, çdo qytetar i ndershëm i këtij vendi, studentë, pedagogë, mjekë, ingjinierë e manovratorë, fermerë, e pensionistë dhe kushdo që është i përgjegjshëm për fatet e tij dhe të familjes por dhe të shoqërisë shqiptare, duhet që të ngrihet në nivelin më të lartë të përgjegjëshmërisë qytetare dhe atdhetare, pikërisht aty ku kombi e therret.
Të gjithë së bashku, duke protestuar për ta hequr qafe këtë zgjedhë të rëndë robërie, kemi bërë aktin me sublim ndaj vetes, shoqërisë dhe vendit, dhe kemi firmosur besimin dhe shpresën e të ardhmes tonë.
Çdo shqiptar i përgjegjshëm dhe i ndershëm nuk duhet të ndalojë së besuari dhe protestuari, si norma më elementare e demokracisë, prej së cilës varet e ardhmja jonë është zgjimi qytetar dhe protesta mbarë popullore. Nesër do të jetë vonë, madje tepër vonë.
I vihet flaka godinave para Bashkisë për t’i hapur rrugë kullës “Rama” 150 metra të lartë
Një zjarr i madh ka rënë në zonën përreth Bashkisë Tiranë. Vendi ku ka rënë zjarri ështrë rrethuar për tu bërë pallat.
Zjarri ka rënë në ndërtesat që ndodhen para Bashkisë. Zjarri është i qëllimshëm. Shkaku i zjarrvënies është që ti hapet rruga ndërtimit të një kulle të lartë rreth 150 metra me aktorë klientët e afërt të Ramës. Leja e nërtimit është dhënë nga Rama 5 ditë më parë, ndërsa sot I ëhstë vënë flaka godinve që mund të pengonin ndërtimin e kullës.
Dyshja Rama-Veliaj kanë firmosur për ndërtimin e dy kullave të tjera në qendër të kryeqytetit, pranë sahatit. Kompania e cila ka fituar të drejtën e ndërtimit të dy kullave është TD&Partners në pronësi të Glendi Abdi dhe Dajlan Avdia.
Ndaj kryeministrit ka ardhur dhe akuza prej rradhëve të Partisë Demokratike, duke e gjykuar ndërtimin e kullave si pjesë të pastrimit të parave të kryeministrit Rama.
PD akuzon gjithashtu aksionerët e kompanisë së lojërave të fatit APEX, për këto ndërtime.
“Aksionaret e APEX, parate e bixhozit i shperndane ne disa shoqeri qe blene apo themeluan (Invest Society, Techno-Alb, TD&Partners, Golden Land, Linea Style), duke filluar nga 2016 e vazhdim.
Kontraktuan klientet e Rames, Anri Salen (51N4E) dhe Stefano Boeri-n (Archea Studio) per projektimin kullave ne bllok (2) dhe prane kulles se Sahatit. Kercenuan pronaret e truallit per te lidhur kontrate sipermarrje me ta, duke perdorur instrumentat e Bashkise Tirane. U pajisen me leje zhvillimore nga KKT, me firmwn e Ramws”, shprehet Jorida Tabaku.
Vulën përfundimtare për ndërtimin e dy kullave në Tiranë e ka dhënë kryetari i Bashkisë së Tiranës, Erion Veliaj.
“Po me firmen e Rames u favorizuan me VKM nr. 582/2018, te personalizuar, me kufizimin e zones se mbrojtur ne qendren historike, duke e rrudhur ate e duke ngulur piketat e kullave te bixhozit. Vulen ia vendosi Erioni Veliaj, duke miratuar lejen e ndertimit dhe shkaterrimit te qendres se Tiranes. Nder shume shoqeri qe kane pronaret Avdia/Abdi, perdorin njeren syresh, me 580 mln aktive, ne cilesine e shoqerise sipermarrese (TD&Partners)”, vijon më tej deputetja e PD-së teksa denoncon ndërtimin e dy kullave të reja.
Meta takohet me Sekretarin e Shtetit, Pompeo në Mëngjesin e Lutjeve
Në vijim të vizitës së tij në Uashington D.C, Presidenti i Republikës Ilir Meta mori pjesë sot në Mëngjesin e Lutjeve në prezencë të Presidentit të SHBA, Donald Trump, senatorëve, kongresmenëve, si edhe personaliteteve politike e fetare nga e gjithë bota.
Presidenti Meta u takua me Sekretarin e Departamentit të Shtetit, Mike Pompeo me të cilin bisedoi për partneritetin strategjik mes dy vendeve, sfidave të përbashkëta globale dhe veçanërisht për rolin e pazëvendësueshëm të SHBA për forcimin e sigurisë dhe stabilitetit në rajonin e Ballkanit.
Presidenti Meta, pati gjithashtu një takim miqësor me Kryetaren e Kongresit Amerikan, znj. Nancy Pelosi, të cilën e uroi për zgjedhjen e saj në këtë detyrë të rëndësishme duke nënvizuar rolin e rëndësishëm që Kongresi Amerikan ka në mbështetjen e Shqipërisë dhe promovimin e demokracisë dhe shtetit të së drejtës.
Vdes në Sanatorium nga gripi i derrit 37-vjeçari
Një pacient ka humbur jetën sot në spitalin ‘Shefqet Ndroqi’ në Senatorium. Burimet bëjnë me dije se shkaku i vdekjes mund të jetë gripi. Mësohet se vdekja e tij ka ardhur si pasojë e një komplikacioni në mushkëri.
Pacienti, 37-vjeç, identiteti i të cilit ende nuk bëhet me dije, mendohet se ishte shtruar në spital prej një javë me pneunomi në 2 mushkëritë. Ndërkohë burime nga ISHP bëjnë me dije se përgjigjia për AH1N1 është negative.
Kujtojmë që ky është rasti i katërt i vdekjeve të dyshuara nga gripi, dy prej të cilave janë të konfirmuara nga ISHP.
“Nuk kemi grip derri. Është virus i përfshirë në vaksinën e gripit. Është një vaksinë që në bazë të studimeve që kanë ardhur nga vendet e tjera tregojnë efektshmëri të vaksinës.
Njerëzit të vaksinohen. 50 mijë doza janë prokuruar dhe 50 mijë doza kanë ardhur si ndihmë nga një agjenci amerikane. Fruthi dhe gripi janë dy sëmundje që transmetohen nga rrugët respiratore. Personat që kanë vdekur janë të pa vaksinuar. Kemi patur raste edhe tek fëmijët, por pa pasoja”, tha më herët, shefja e departamentit të sëmundjeve infektive në ISHP, Silva Bino.
Basha: Krim që pensionistët ushqehen vetëm 1 herë në ditë, vetëm se këta të babëzitur duan të marrin gjithçka për vete
Kryetari i PD, Lulzim Basha u ul në një bar me një grup pensionistësh, të cilët i kërkuan mbështetje dhe rritje për pensionet, pasi këto vitet e fundit ndjejnë braktisje nga qeveria.
“E njoh gjendjen shumë mirë. Të dy prindrit i kam pensionistë dhe pa ndihmën time, si shumica, e kanë të pamundur të mbyllin muajin. Por ka shumë që nuk ndihmojnë dot. Është krim që ata të ushqehen vetëm 1 herë në ditë, vetëm se këta të babëzitur duan të marrin gjithçka për vete”, u shpreh kryetari i PD.
Më herët Basha përshkoi në këmbë të gjithë Rrugën e Kavajës dhe bashkëbisedoi me një sipërmarrës në fushën e “call center”, të cilit i premtoi se PD-ja do të ndjekë politika lehtësuese për bizneset.
Në fjalën e tij, Basha tha se punësimi është një ndër prioritetet e parisë së tij dhe këtë do ta aplikojë sapo të marrë pushtetin me votat e qytetarëve.
“Do të keni taksë të sheshtë 9%, tatimi i fitimit dhe taksa e kontriburit shoqëror që do të jetë 9% punëdhënësi, 9% punëmarrësi.E dyta, është ulja me 300 lek e çmimit të karburantit që vetëm për rrugë nuk shkon.
Do të rivendosim fashën për shpenzimin e energjisë. Për biznesin riprodhues ulet me 30-40% të çmimin të energjisë, për biznesin e vogël 20% dhe për konsumatorët.
Kryesore
Continue to the category
