Ministrja e Energjitikës dhe Infrastrukturës, Belinda Balluku, ka shkelur procedurat e prokurimeve gjatë kohës që ka qenë drejtuesja e Albcontrol. Nga një auditim i Kontrollit të Lartë të Shtetit ka rezultuar se në të 22 tenderat ku u ushtrua kontroll është shkelur barazia, duke i ndryshuar termat e referencës gjatë nënshkrimit të kontratës.
Procedurat e tenderave në Albcontrol gjatë kohës kur institucioni drejtohej prej ministres Belinda Balluku janë zhvilluar në mungesë të konkurrencës, madje dhe janë konstatuar mungesë të specifikimeve teknike.
Ky konkluzion ka dalë në auditimin e bërë prej Kontrollit të Lartë të Shtetit, të realizuar në vitet 2016 -2018 dhe të publikuar në fillim të këtij viti. Raporton Ora neës.
Shkeljet janë vërejtur në të 22 rastet e zgjedhura për hetim.
Në raport thuhet se 11 proçedura prokurimesh janë zhvilluar në mungesë të plotë të konkurrencës dhe kontratat e nënshkruara nuk kanë respektuar barazinë mes operatorëve ekonomikë. në 5 procedura prokurimi, në hartimin e dokumenteve të tenderit, nuk janë dhënë argumentime mbi vendosjen e çdo kriteri të veçantë për kualifikim,veprim ky që bie në kundërshtim me “Rregullat e Prokurimit Publik”.

Ndërkohë në 5 tendera të tjerë janë konstatuar se kanë munguar plotësisht specifikimet teknike.
Pas këtyre Kontrolli i Lartë i Shtetit ka rekomanduar që në këtë institucion, i cili drejtohej nga ministrja Balluku, të rritet eficensa në shpenzimet publike, duke zhvilluar procedura prokurimi në përmbushje të kritereve ligjore, kapaciteteve ekonomike, financiare dhe profesionale, në përzgjedhjen e ofertës më të mirë ekonomike, duke siguruar që Autoriteti Kontraktor të pranojë oferta të cilat janë të pakushtëzuara.
Autoriteti Kontraktor, thuhet në raport, duhet të hartojë kërkesa të veçanta për kualifikim, që të sigurojë konkurrencën e nevojshme si një nga parimet bazë të prokurimit në blerjen e mallrave, shërbimeve dhe punëve civile, për të arritur rezultate të dëshirueshme në efektivitetin e përdorimit të fondeve, sigurimin e integritetit, besimit publik dhe transparencës në procedurat e prokurimit publik.

Një grup intelektualësh në qytetin e Korçës i kanë nisur një letër kryeministrit Edi Rama ku shprehin mosdakordësinë e tyre me planin për ndërtimin e një TEC-i në qytetin juglindor.
Një projekt i firmosur nga kryeministri Edi Rama me datë 14.02.2018 dhe që është prezantuar nga Ministria e Infrastrukturës dhe Energjisë me datë 29.03.2018, ku bëhet fjalë për një termocentral me kapacitet 480.9 MW.
Në letrën e tyre, intelektualët argumentojnë edhe qëndrimin e tyre kundër TEC-it:
“Emetimi i gazit karbonik CO2, do të rritet 15 herë krahasuar me ndotjen që vjen nga djegia e druve të zjarrit. Këto të fundit përdoren mesatarisht 4000 orë në vit, kurse TEC-i do të punojë 8000 orë në vit.
Nga djegia e druve të zjarrit emetohet afro 150 000 – 300 000 m3 CO2, m3 në 24 orë për të gjithë rajonin e Korçës në një periudhë 5-6 mujore, kurse nga aktiviteti i TEC-it do të çfirohen 2 100 000 m3 CO2 ne 24 orë dhe me kohë zgjatje 11 muaj. Procesi i djegies së lendës së parë per TEC-in do të jetë gazi natyror i fumizuar nga gazsjellësi që kalon në rajonin tonë.
Nuk jepen në raport specifikimct e përberjes së këtij gazi, por nga vlerësimet tona rezulton se ky gaz është i cilësisë së ulët krahasuar me gaz-sjellësat e tjerë. Sasia e madhe prej 700 milion m3 gazi në vit kur digjet krahas CO2, çlirohen dhe një sërë komponimesh të tjera si oksidet e azotit NO gazi sulfuror SO2, monoksidi i karbonit CO, dhe lëndë të ngurta pezull shumë të rrezikshme për shëndetin e njeriut dhe për ekosistemin. (kur edhe sot këto elemente në qytetin tonë janë më të rriturat në Republikë) Normat e miratuara nga OBSH sipas disa llogaritjeve te bëra nga ana jonë do të jenë në nivelin e pranuar pas një rezeje prej 8,3 km dhe kur lartësia e oxhakut do te jetë mbi 120 metra.

Ndërkohë largësia nga qendra e qyrtetit rezulton 2,8 km dhe për më tepër lartësia e oxhakut eshte 22 m. Lidhja e TEC-it me nën stacionin e Zëmblakut është projektuar të kryhet me dy linja paralele të tensionit të lartë 400 kv, në një gjatësi prej 11,2 km. Sipërfaqja e tokës poshtë kësaj linje me gjërësi 250 m për anë, është e kontaminuar nga fusha elektro magnetike (EMP) dhe çlirimi i ozonit nga efekti i kurorës që janë të dëmshme për gjallesat, bimët dhc njerëzit që kanë veprimtari afër kësaj linje pra e pashfrytëzueshme.
Çpronësimi i 90 hektarëve tokë humusore të sistemuar dhe drenazhuar do të sjellë impakt social- ekonomik në jetën e fshatarëve, duke ulur nivelin e jetesës se tyre. TEC-i i parashikuar nuk do të jetë për përdorim të brendshëm se nevojë të tillë Shqipëria sot për sot nuk ka. Ai është kryesisht për eksport.
Deri sa ERE nuk prononcohet na përforcon qëllimin e ndërtimit të këtij objekti. Përsa i takon ngrohjes së qytetit tonë nga ky TEC, pak kush mund ta besojë; Kjo sepse nuk përmendet fare nëse ka një studim të miratuar për këtë punë, por i lihet në dorë Bashkisë për një të ardhme. Nga një studim paraprak qyteti ynë ka nevojë për një fuqi ngrohje prej 15 MË. Imagjinoni të kryhet dhe një herë nga e para çarja e rrugëve të qytetit.
Sipas nënshkruesve të letrës së hapur, specialistët e qytetit të Korçës janë në gjendje të zgjidhin problemin e ngrohjes me kosto më të ulët dhe pa dëmtuar mjedisin.

Pas protestave të opozitës para Parlamentit dhe atyre të banorëve të “Unazës së Re” në Tiranë, duket se i gjithë vendin zien nga protestat.
Edhe fermerët e rrethit Korçë janë ngritur në protestë duke bllokuar aksin rrugor Korçë-Kapshticë.
Ata kanë bllokuar rrugën në një protestë pa afat, ku në shenjë revolte kanë hedhur në rrugë prodhimet e pashituara.
Në një kohë kur fermerët ankohen për mosshitje të produkteve të tyre, në tregjet e qyteteve çmimet rriten dita-ditës…
“Fermeret e Devollit ne revolte ndaj narkoqevetitareve, te cilet me kontrabanden e tyre po iu kalbin mijra kujntal molle. Ju lumte fermereve te Devollit! sb”, shkruan Berisha ën në një postim ën Facebook duke publikuar edhe videon.

Mjeku Zef Doda u godit mesditën e sotme nga një 24-vjeçar, brenda ambienteve të spitalit të Lezhës. Mjeku përfundoi në QSUT me thyerje të kockave të fytyrës dhe do t’i nënshtrohet terapisë.
Lidhur me këtë ngjarje ka reaguar edhe ish kryeministri Sali Berisha, që e quan këtë sulm primitive.
Ai i bën thirrje bluzave të bardha që të ngrenë zërin kundër qeverisë.
Postimi i Berishës
Nje krim tjeter i shemtuar shteteror goditja ne detyre e mjekut Z.D. ne Lezhe!
Te dashur miq, sot nje dore kriminale kreu krimin shteteror te radhes, goditjen ne detyre dhe per shkak te detyres te mjekut Z.D., duke i shkaktuar plage te renda ne fytyre. Pas ketij akti te shemtuar kriminal qe eshte bere i perjavshem ne Shqiperi, autori si dhe ne rastet e tjera u largua pa i hyre ferra ne kembe.
Duke shprehur solidaritetin tim me te madh ndaj mjekut Z.D. viktime e nje sulmi primitiv dhe uruar atij sherim te shpejte, denoj me forcen me te madhe kete akt tejet te rende, kete krim shteteror ndaj nje mjeku ne detyre dhe iu bej thirrje mjekeve dhe infermiereve te vendit te organizohen dhe te ngrene fuqishem zerin e tyre te protestes kunder regjimit kakistokratik te dhunuesve dhe banditeve te lidhur dhe mbeshtetur nga narkoshteti aktual i kreut te meduzes Edvin Kristaq Rama! sb

Sekretari i Përgjithshëm i LSI, Endrit Braimllari ka marrë pjesë sot në protestën e banorëve të “Unazës së Re”. Gjatë fjalës së tij, ai u shpreh se, kryeministri Rama kërkon dialog me opozitën përmes Taulant Ballës, që sipas tij është kryehajduti i Rilinjdes.
Braimllari shtoi se, kreu i Grupit Parlamentar socialist para se të kërkojë dialog me opozitën duhet të vijë e të kërkojë dialog me banorët e “Unazës së Re”.
“Edi Rama sot nxori Taulant Ballën qe gjoja bënte thirrje për dialog. Po si mund të dialogohet me Taulant Ballën, i cili është kryehajduti i Rilindjes, i cili është personi që fiton në dëm të banorëve të Unazës së Re, që fiton tenderë publikë nëpërmjet krimit të organizuar, që emëron drejtues në administratën publike ne kundërshtim me ligjin. Kjo është fytyra e vërtetë e Rilindjes. Ndaj përpara se të kërkojnë dialog, Taulant Balla duhet të vijë këtu tu kërkojë falje banorëve të Unazës së Re, duhet të vijë të dialogojë me ta. Por nuk vjen, sepse ka frikë nga e vërteta, e cila e nxjerr zbuluar atë dhe qeverinë e tij. Ndaj ne jemi më të vendosur se kurrë për të shkuar me një zgjidhje për një qeveri transitore e cila krijon mundësinë e zgjedhjeve të lira e të ndershme në këtë vend dhe hap rrugën për në Bashkimin Evropian. Nuk ka asnjë bashkëpunim me drejtuesit e krimit të organizuar, me hajdutët e Rilindjes. Bashkëpunimi është me qytetarët dhe banorët e Unazës së Re dhe me të gjithë shqiptarët. Sepse djegia e mandateve ishte një kërkesë e qytetarëve dhe ne sot jemi njësh me banorët e Unazës së Re dhe me gjithë qytetarët e Shqipërisë që e kanë dërguar në minorancë qeverinë e hajdutërisë së Edi Ramës”, u shpreh Braimllari.
Sekretari i Përgjithshëm i LSI ftoi qytetarët në një protestë masive më 16 mars.
“Ndaj ju bëj thirrje që të bëhemi më shumë, të bëhemi bashkë, të ftojmë të gjithë miqtë tanë kudo që i kemi që më 16 mars të jenë të gjithë përpara Kryeministrisë sepse 16 marsi është fundi i hajdutërisë së Edi Ramës, Taulant Ballës, Damian Gjiknurit dhe gjithë hienave të tij që po i pinë gjakun Shqipërisë”, ishte apeli i Braimllarit.