Analisti i njohur, Fatos Lubonja ka kritikuar qëndrimet e dy shqiptarëve të njohur në Evropë, tenorit Saimir Pirgu dhe drejtorit sportiv të klubit të Lacios, Igli Tare.
Dy personazhet i kanë dalë së fundmi në krah kryeministrit Edi Rama dhe kanë kritikuar protestat që po organizohen në Shqipëri, por sipas Lubonjës, ata nuk e kuptojnë situatën reale në vend.
Analisti i konsideroi Pirgun dhe Tare palaço që nuk meritojnë asgjë më shumë, ndonëse në fushat e tyre janë të suksesshëm.
“Këta janë fyerje për inteligjencën e çdo shqiptari. Ne e dimë çfarë ndodh në Greqi, por nuk ka dalë ndonjë figurë publike greke që thotë na u prish imazhi, por kanë qenë në krah të protestuesve. Këta janë disa palaço që nuk meritojnë asgjë më shumë”, u shpreh Lubonja në ‘News24’.

Ish-Kryeministri Sali Berisha denoncon se gazi që është përdorur dhe pritet të përdoret kundër protestuesve në Tiranë, merret nga Policia nga kompania MSSC.
“Miq, denoncohet furnizimi i narkopolicise me lende helmuese luftarake te ushtrise serbe nga banda e 97-tes e Gjolek Malaj dhe perdorimi i paramilitareve te tij per te hedhur bombat mbi demonstruesit”, shkruan ish-kryeministri në një postim në Facebook, ku paraqet edhe mesazhin e ardhur në adresë të tij.
Statusi i ish-Kryeministrit Berisha
Ja kush furnizon Edvinin me lende helmuese te ushtrise se Beogradit!
Miq, denoncohet furnizimi i narkopolicise me lende helmuese luftarake te ushtrise serbe nga banda e 97-tes e Gjolek Malaj dhe perdorimi i paramilitareve te tij per te hedhur bombat mbi demostruesit.
Lexoni denoncimin e qytetarit dixhital. sb
Duke perjetuar ngjarjet e fundit ku ne gjykimin tim forca paramilitare te Gjolek Malaj jane bere njesh me Garden e republikes, shpreh indinjaten e perpiqem te ndihmoj sa mundem ne kete kundervenje. Une kam prova te besueshme ne gjykimin tim se materialet jane furnizime nga MSSC (MILITARY SYSTEM SUPPLY COMPANY) nje komapni e Emiljano Duashaj antar i bandes se Gj. Malaj ne ngjarjet e vitit 97. Dyshoj qe edhe hedhja e bombave serbe te furnizuara nga vete banda e Gjolek Malaj direkt ne trupin e drejtuesve te opozites eshte e njerezve te tij. Gjithe te mirat e ne konfidence…

Nga Boldnews.al

Prokurori i Tiranës, Genci Qana, rezulton një prej zyrtarëve më të pasur në sistemin e drejtësisë, referuar të dhënave të vetëdeklaruara prej tij në formularët e pasurisë.
Ai rezulton të jetë pronar i tre apartamenteve, 4 makinave, si edhe ka marrë dhurata nga vjehrri i tij, pasuri të paluajtshme që llogariten në vlerën e rreth 120 mijë eurove.
Në deklaratën e pasurisë, dorëzuar për herë të parë në vitin 2004, prokurori Qana, i cili në atë kohë ushtronte funksionet pranë Prokurorisë për Krime të Rënda, deklaron se ishte pronar i një apartamenti 2+1, blerë në vitin 2001, me vlerë 2 milion lekë të reja. Në vitin 2011, Qana, i cili ishte prokuror në Tiranë, si edhe bashkëshortja e tij, gjithnjë sipas deklaratës së pasurisë, blejnë një tjetër apartament me sipërfaqe 84 m2, me vlerë 28 mijë euro. Për të dy këto apartamente, prokurori Qana deklaron se ka shpenzuar kursimet e krijuara ndër vite nga puna e tij dhe e bashkëshortes.
Në vitin 2012, prokurori Qana rezulton me fat të madh. Ai përfiton dhuratë nga vjehrri i tij një apartament me sipërfaqe 116 m2. Vlera e këtij apartamenti të dhuruar arrin në vlerën e 13.5 milionë lekëve të reja (rreth 100 mijë euro).
Pra, nga viti 2001 deri në vitin 2012, prokurori Qana rezulton pronar i tre apartamenteve, 2 prej të cilëve të blerë prej tij dhe i treti, me sipërfaqe më të madhe se dy të parët, i dhuruar.
Krahas apartamenteve, prokurori Qana rezulton të jetë edhe “koleksionist” automjetesh. Në deklaratën fillestare të pasurisë, dorëzuar në vitin 2004, Qana deklaron se ka në pronësi automjetin tip Vloksvagen Jetta, të cilin e ka blerë 200 mijë lekë (të reja).

Në vitin 2004, familja e prokurorit Genc Qana shtohet edhe me dy automjete të tjera-një Volksvagen Golf 3, me vlerë 500 mijë lekë (të reja), si edhe një Fiat Panda, me vlerë 70 mijë lekë (të reja).
Mesa duket, prokurori Qana nuk është mjaftuar me pronësinë e 3 automjeteve. Në vitin 2012, ai blen një tjetër, një Ford Focus, me vlerë 14.900 euro. Një vit më pas, në 2013, bashkëshortja e tij blen një tjetër automjet, një Fiat Punto, në vlerën 150.000 lekë.
Nga një analizë e deklaratave të pasurisë së prokurorit Qana nga viti 2003 deri në vitin 2016, të publikuara në portalin “Opendata.al”, nuk rezulton që ai ose bashkëshortja e tij të kenë shitur ndonjë prej këtyre 5 automjeteve të renditura sa më lart.
Krahas apartamenteve dhe makinave, prokurori Genc Qana rezulton të jetë me fat edhe sa u përket dhuratave të marra nga familjarët e bashkëshortes.
Në vitin 2012, prokurori Qana dhe bashkëshortja e tij kanë marrë dhuratë nga vjehrri apartamentin e sipërcituar më lart, me sipërfaqe 116 m2, vlera e të cilit është rreth 100 mijë euro.
Së bashku me apartamentin, çifti Qana kanë marrë dhuratë edhe dy garazhde, me sipërfaqe 18m2 dhe 21 m2, vlera e të cilëve në total llogaritet në rreth 3 milionë lekë të reja.
Gjithashtu, prokurori Qana, ka marrë si dhuratë edhe një shumë prej 4 mijë dollarë cash, të cilat, së bashku me disa kursime të tijat, si edhe një hua pa interes në vlerën 5 mijë euro, i ka përdorur për blerjen e automjetit Ford Focus, me vlerë 14.900 euro.

Analisti Fatos Lubonja i ftuar në rubrikën “Opinion” në News 24 komentoi shfaqjen pak para mesnatës të kryeministrit shqiptar Edi Rama në pjesën e tretë të emisionit “Porta a Porta”, të Bruno Vespës.
Sipas tij, nëse publiku italian donte me të vërtetë të dinte çfarë po ndodh në Shqipëri le të niseshin gazetarët italianë dhe ta shikonin nga afër situatën, jo të ngrihej kryeministri e të përpiqej të rregullonte imazhin e Shqipërisë.
Lubonja tha ndër të tjera se në emision askush nga të ftuarit nuk përfaqësoi Shqipërinë, prandaj analisti e cilësoi shfaqjen e mbrëmshme të Ramës si turpin e turpit të Bruno Vespës.
“Vespa nuk njihet në Itali si ata që thonë të vërtetën, por si shërbëtor i regjimit të Berluskonit. Sado që e kam ndjekur prej kohësh Italinë edhe Vespën ajo që pashë dje i kalonte caqet e imagjinatës sime. Edhe në Shqipëri edhe gazetarët me shërbëtorë bëjnë kujdes të ftojnë në studio jo vetëm njerëz që mbështesin njërën palë, por edhe palën e kundërt, ndërkohë që ai kishte ftuar Ramën dhe tre personazhe, ku njëri ishte gazetari i Liberos që s’dinte asgjë nga Shqipëria, i dyti Igli Tare që është futbollist dhe s’ka jetuar fare në Shqipëri, aq më tepër që njihet si njeri i afërt me Ramën dhe i treti një sipërmarrës edhe ai i panjohur.
Mua më bëri përshtypje që mungonte publiku shqiptar, mungonte një intervistë me njerëzit, një zë i paanshëm, s’po them politik por mungonte gjithçka. Ishte qartazi një gjë si mund ta thuash: e blerë! Ndoshta jo me lekë por me influenca. Ishte turpi i turpit të Bruno Vespës, ndaj besoj edhe e kishte futur në pjesën e fundit. Kryeministri i një vendi në vend që të ketë 15 minuta në orën kryesore, futet atje në fund pas debateve të rëndomta të ditës, kjo ishte e neveritshme.

Nëse duan të mësojnë ç’ndodh këtu le të vijnë gazetarët italianë, por jo të niset kryeministri nga Shqipëria për të sqaruar çfarë ndodh këtu dhe për të rregulluar imazhin e Shqipërisë”, tha Lubonja. Sipas analistit, kryeministri Rama tha gënjeshtra në emision.
“E dëgjova që tha ka 20 mijë sipërmarrës italianë në Shqipëri. Nga të dhënat që kam unë ka 10 herë më pak italianë, që mund të kenë 1 apo 2 njerëz të punësuar. Pra, nuk janë 20 mijë por 2 mijë, janë nja 3 mijë e ca rezidentë italianë këtu. Këto të dhënat i kam nga burime serioze. Si mund të shkojë një kryeministër dhe të gënjejë atje. Tha edhe që vijnë 500 mijë italianë këtu me pushime, por ku shkojnë paratë që lënë këta këtu? Pse nuk lulëzon ekonomia? Këto gënjeshtra që thotë janë skandale”, vijoi Lubonja.
I pyetur nëse e ka Rama mbështetjen e qeverisë së re italiane drejtuar nga Giuseppe Conte, i cili ndodhej në Beograd gjatë vizitës së Ramës, Lubonja tha se ende nuk dihet qëndrimi i tij
“Qeveria e tanishme e Italisë udhëhiqet nga njerëzit që janë anti-kastë me Renzin Rama ka pasur lidhje më të mira, pra me liberalet europianë, ndërsa kjo qeveri nuk ka përcaktuar ende politika të qarta për Shqipërinë. Mund të ishte më e hapur ndaj qëndrimeve kritike që bëhen për Shqipërinë. Ajo që dihet se është qeveri anti-emigracion dhe anti-zgjerim për Europën. Mendoj që është një qeveri që ka ende shumë probleme të brendshme, ndërsa Rama për momentin është mbështetur tek lidhjet e vjetra, shkoi tek Vespa që ka lidhje me kastën e vjetër, ndërkohë që pjesa e re e politikës italine është e paqartë, nuk ka përcaktuar politika të qarta me Shqipërinë”, shtoi ai.

Ish-deputeti i PD-së Klevis Balliu, vazhdon të jetë në krah të banorëve të Unazës së Re për çdo natë. Banorët janë ngritur prej më shumë se 120 ditësh në protestë kundër qeverisë së Edi Ramës.
Gjatë protestës së sotme, Balliu ka zbuluar publikisht një mesazh që, siç tregoi, i ka ardhur në telefon nga ministrja e Energjisë dhe Infrastrukturës, Belinda Balluku.
Gjatë protestës që u zhvillua këtë pasdite te Unaza e Re në kryeqytet, deputeti që dorëzoi mandatin, tregoi se në mesazh, kërkohej një vlerësim nga ish-deputeti për cilësinë e shërbimit, pas një vizite që ai kishte bërë në një nga zyrat e transportit rrugorë në Tiranë.
“Ministja kërkon vlerësimin tim për cilësinë e shërbimit dhe unë këtë vlerësim vendosa ta jap së bashku me banorët e Astirit. Doni të dini vlerësimin? Ai është zero. Nëse doni realisht të dini vlerësimin ejani këtu”, tha Balliu.

Një vendim skandaloz i pa ndodhur më parë. Qeveria e drejtuar nga Edi Rama e gjetur nën sulme të shumta për skandalet ku është përfshirë, ka vendosur të dëbojë një gazetare të huaj që jetonte e punonte në Shqipëri.
Alice Taylor është dëbuar nga Shqipëria me vendim të Edi Ramës dhe vendimin e ka bërë të ditur vetë gazetarja. 
‘Qeveria shqiptare, pasi më sulmoi mua dhe partnerin tim për shkak të punës si gazetarë dhe kritikat e mia ndaj tyre, tani më kanë anuluar rinovimin e lejes së qëndrimit.
Kështu tani jam në Shqipëri në mënyrë të paligjshme dhe më kërkojnë të largohem, pavarësisht se kam një certifikatë mjekësore duke thënë se nuk mund të udhëtoj për shkak të komplikimeve që mund të kem pasi jam pothuajse 6 muajshe shtatzënë. Me një fëmijë shqiptar’, shkruan Alice Taylor në Twitter.

Më poshtë është artikulli që gazetarja britanike ka publikuar përpara disa ditësh në të cilën mbizotërojnë akuza të shumëllojshme ku ndër të tjera shkruhet se ajo është një agjente ruse dhe shkruan për mediat ekstremiste:
Gjyqi i portaleve sensacionale ndaj “spiunes ruse” më famëkeqe në Shqipëri—pra mua— ka vazhduar edhe sot. Zbulimet më të fundit nga gjirizi i shtypit shqiptar kanë nxjerrë në pah se, me sa duket, fakti që artikujt e mi gjenden në faqen e internetit të Tsarizm—një faqe amerikane, pa asnjë farë lidhje me Rusinë— do të thotë se unë jam, pa dyshim, e lidhur me teorinë e çuditshme se ne po përpiqemi të rrëzojmë nga pushteti Edi Ramën me ndihmën e Rusisë.
Por këto portale po luajnë një lojë të rrezikshme, sepse teksa thonë se, meqë unë jam një kontribuese e kësaj faqeje, ngaqë artikujt e mi shfaqen atje, ata janë, në fakt, duke bërë autogol. Arsyeja është e thjeshtë: gjatë 12 muajve të fundit, unë kam qenë “kontribuese” në të njëjtat portale (nuk dua t’i quaj gazeta, pasi kjo do të nënkuptonte se ata janë gazetarë, gjë që nuk është e vërtetë), të cilat po përpiqen të më diskreditojnë mua.