Deputeti i LSI, Lefter Koka është një prej 3 deputetëve të opozitës që nuk iu bashkua inisiativës së fortë politike për dorëzimin e mandatit parlamentar.
Koka dha shpjegimet e tij për këtë refuzim, nëpërmjet një statusi në rrjetet sociale, ku pretendoi se “nuk pranon që LSI të tërhiqet nga Berisha”.
Por, përtej këtij qëndrimi politik, refuzimi i Kokës për të dorëzuar mandatin lidhet me “aferën” e inceneratorëve. Ai ka qenë ministër i Mjedisit në kohën kur janë miratuar tre inceneratorët e përpunimit të mbeturinave, në Fier, Tiranë dhe Elbasan.
Marrëveshjet për ngritjen e inceneratorëve, të cilat lidhen me emrin e një njeriu të vetëm, Klodian Zotos, janë shoqëruar me dyshime të forta për klientelizëm dhe korrupsion. Për shkak të pozicionit që ka pasur, Lefter Koka mund të jetë një prej zyrtarëve më të lartë që do të gjenden nën akuza, në rast hetimi penal mbi këto marrëveshje.
Një afrimitet me Edi Ramën, i cili nga ana e tij kontrollon tërësisht sistemin hetimor në Shqipëri, mund të jetë një kokëçarje më pak për Lefter Kokën.
E, nga ana tjetër, edhe kryeministri Edi Rama po synon t’a shpërblejë Kokën për daljen e tij nga radhët e opozitës.
Burime për “Boldneës.al” deklaruan se kryeministri Rama pritet të emërojë në postin e Drejtorit të Përgjithshëm të Ujësjellës-Kanalizimeve, Alqi Bllakon, një prej njerëzve më të afërt të Lefter Kokës.

Me një moshë të re, rreth 27 vjeç, Alqi Bllako u emërua Sekretar i Përgjithshëm i Ministrisë së Mjedisit, kur ky institicion drejtohej nga Lefter Koka. Emri i Bllakos gjendet në procedurat dhe pagesat e kryera për inceneratorët.
“Boldneës.al” publikon, në mënyrë ekskluzive, një dokument që daton në Korrik 2017, ku Alqi Bllako, në cilësinë e Sekretarit të Përgjithshëm të Ministrisë së Mjedisit, kërkon nga Ministria e Financave fonde shtesë për inceneratorët e Fierit dhe të Elbasanit, vetëm pak ditë para se ai të largohej nga posti.
Në shkresën nr. 5995 Prot, dt. 26.07.2017, Alqi Bllako kërkon nga Ministria e Financare “fonde shtesë në zërin e shpenzimeve kapitale në buxhetin e miratuar për Ministrinë e Mjedisit, për vitin 2017, për likujdimin e kësteve mujore për projektet: “Inceneratori i Elbasanit” dhe “Impjanti për prodhimin e energjisë nga mbetjet, Fier”.
Shtesa e fondit të kërkuar, me firmën e Alqi Bllakos, arrinte në një total prej rreth 250 milionë lekë (të reja).
Katër ditë pasi firmosi këtë shkresë, Alqi Bllako lëviz nga Ministria e Mjedisit, duke shoqëruar në këtë mënyrë largimin e Lefter Kokës nga posti i Ministrit të Mjedisit.
Më 31 Korrik 2017, Bllako emërohet Sekretar i Përgjithshëm i Presidentit Ilir Meta, i cili kishte mandatin e tij si kreu i Shtetit vetëm 10 ditë më parë.
Alqi Bllako është larguar pak muaj më parë nga posti i Sekretarit të Përgjithshëm të Presidencës, pasi synoi të angazhohej në një kompani private të huaj që operon në Shqipëri.
Por, siç duket, ai nuk ka arritur të realizojë qëllimin e tij dhe tashmë pret emërimin nga Edi Rama në postin e Drejtorit të Përgjithshëm të Ujësjellës-Kanalizime, ndërkohë që njeriu i tij i afërt, Lefter Koka po ruan mandatin parlamentar.
“Boldnews.al”

Protestat masive të opozitës dhe djegia e mandateve nga deputetët e saj kanë tërhequr vëmendjen e gazetave, televizioneve dhe portaleve jashtë vendit.
Më i fundit në rradhë është portali pranë të djathtës gjermane, “Freie Welt”, i themeluar nga gazetarë dhe blogerë të njohur ku në një artikull të saj flitet për zhvillimet e fundit në Shqipëri. Poratli i njohur shkruan se, “Edi Rama është drejt fundit, njësoj si diktatori i Venezuelës, Nicolas Maduro”.
Shkrimi i “Freie Welt
“Në Amerikën e Jugut, regjimi socialist i Nicolas Maduros është drejt fundit. Maduro po mbahet në pushtet vetëm me dhunë. Edhe në Evropë, një regjim socialist po shkon drejt fundit. Në Shqipëri duket se janë orët e fundit në detyrë për kryeministrin Edi Rama. Gjithmonë e më shumë njerëz po dalin në rrugë në kryeqytetin e vendit duke kërkuar dorëheqjen e tij. Një aleancë e gjerë e forcave opozitare nga të gjitha kampet politike është mobilizuar kundër Ramës. Fundjavën e kaluar, demonstruesit sulmuan edhe selinë e Ramës. Vetëm duke përdorur masivisht gaz lotsjellës dhe granata të përziera, forcat e sigurisë e morën sërish situatën nën kontroll.

Edhe në nivelin politik, opsionet e Ramës po mbarojnë. Shumë deputetë të opozitës kanë dhënë dorëheqjen nga parlamenti shqiptar. Kështu ka dalë jashtë funksionit edhe parlamenti. Megjithatë, ky hap kritikohet nga përfaqësuesit e BE.
Shqipëria është një vend kandidat për pranimin në BE dhe negociatat duhet të fillojnë këtë vit, ndërsa nga ana e BE është bërë thirrje për dialog konstruktiv.
Opozita në Shqipëri ka një tjetër pikëpamje: Rama duhet të japë dorëheqjen. Qeveria e tij është e korruptuar dhe ka lidhje me krimin e organizuar një qeveri ekspertësh duhet të formohet menjëherë, për ta stabilizuar vendin dhe për të organizuar zgjedhje të reja. Protestat nuk do ndalen deri në dorëheqjen e Ramës”.

Nga Basir ÇOLLAKU

Qindra CD të pazbardhura të 339, janë sekretet e mazhorancës dhe pushtetit, që ruhen nga Donika Prela dhe Arta Marku. Kjo është super-dosja elektorale ku pushtetit dhe bandat kanë punuar së bashku dhe më pas kanë ndarë njëlloj bashkë pushtetin e fituar.
Dosja e nxehtë ruhet nga zonjat e Prokurorisë të cilat garojnë dhe për vendet e njëra-tjetrës, në fshehtësi.
Në dosjen 339 të janë qindra CD përgjimesh, ende të pazbardhura, që kanë mëkate tronditëse për qeverinë. Ndaj duhet të qëndrojnë në detyra eprorësh njerëzit e bindur, si kasaforta të mosshpërthimit të hetimit.
Kush i financon prokurorët, gjykatësit, trupën drejtuese të sistemit, në promovim karriere në këtë kohë të mbrapshtë, kur zhurma të mbyt për reformën, e heshtja bën hatanë nën dorë?!
Dyshimet serioze vështirë t’i shoqërosh me prova bisedash, premtimesh, pagesash, shkresash, por ama sjelljet në hetime prokurorie dhe vendime gjykatash, janë më tepër bindëse se hamendësimet.
Po përse?!
Emërimi i njëanshëm, jokonsensual i Arta Markut, sipas Kushtetutës, i përkohshëm, e për pak javë u bë vite, shpërndarja internuese e Prokurorëve të Krimeve të Rënda të dosjes “Shullazi” e “Tahiri”, mbarimi i atyre të “Dajtit”, shpërblimi i Donika Prelës nga Durrësi ditën e vjedhjes së postës sekrete të prokurorisë, me emërim në krye të Prokurorisë për Krimeve të Rënda, e mjaft vendime haptazi të paligjshme, kanë futur drejtësinë në rrugë të verbër.
Dosja 339, është një investim partnerësh më së shumti, me fashikuj të pafund përgjimesh, për blerjen masive të votave në të gjithë qarqet e Shqipërisë.

Ajo zbardhi skemën kriminale të bashkëpunimit të qeverisë, eksponentëve të lartë politik dhe publik. Në të kemi, kryebashkiakë, si Gjushi me shoqni, prefektë, disa ministra, plot deputetë, shumë zyrtarë të lartë, të cilët hapur drekojnë, kuvendojnë, shkëmbejnë para dhe ndere për tendera, punë publike, para publike, me organizata kriminale, të trafikut të drogave të shtrenjta si heroinë, kokainë.
E gjithë sasia e përfitimeve të paligjshme, shkonte tek Edi Rama, arkitekti i rritjes së numrave në Parlament dhe ndenjësve nëpër Bashki, me ortakëri me bandat. Me gjithë konspiracioinin, mbylljen hermetike të Prokurorisë, për të mos dalë sheshit zullumet e frikshme të kësaj dosje, Zëri i Amerikës dhe Birn, publikuan materiale shokuese. Fajtorët nuk shkuan as në burg, as askund, por qëndrojnë ende në pushtet.
E nisën me dosjen Shullazi, duke larguar mbi 10 Prokurorë të Krimeve të Rënda, pjesë e rëndësishme hetimi edhe në 339-ën. Vijuan me lehtësira befasuese për Dritan Dajtin. Kulmon me komedinë me bosin Klement Balilin. Donika Prela bëri rrëmujën e paprecedentë në Krimet e Rënda, duke degraduar deri në sherr fizik. Arta Marku nisi procedimin disiplinor dhe transferimin, ku nuk mungonin Besim Hajdarmataj dhe Olsian Çela, dy ish-drejtues të Krimeve të Rënda. Gjykata Administrative vendosi kundër Donikës dhe Artës, duke vendosur se zonjat drejtuese kanë vepruar paligjshmërisht.
Sërish halli kthehet te 339, Kodi i Kuq për mazhorancën dhe kryeminsitrin. Vangjush Dako del zbuluar në ortakëri me bandat, deputetët drejtues në burgje dhe terren elektoral dalin hapur në aktivitet kriminal, në favor të plackitjeve të votave. Donika dhe Arta nuk e arrestojnë dot Dakon, nuk munden ta bëjnë nga frika e Ramës dhe të tjerëve.. Po tani kush sponsorizon?

339, është hapur politikë dhe krim. Bandat në Durrës, Lezhë, Dibër, Vlorë, Kukës, Shkodër, në mbi 9 qarqe kanë punuar për llogari të Rilindjes. Vangjushi, Ahmetaj, Gjiknuri, Tahiri, Sejdini, janë kryesisht më të dyshuarit për mbajtjen e fijeve lidhëse, të cilat kulmojnë tek shef Edi.
Fatmir Xhafa provoi të dilte nga laku dhe të arrestonte Dakon, por Donika dhe Arta nuk iu bindën. Sandër Lleshi as në ëndërr nuk mendon të sillet njëlloj. Ai mjaftohet me rregullat e qarkullimit rrugor dhe rregulloret, ose kundragaz për gazetarët.
Në këtë dosje gjenden të dhëna thuajse kinematografike, për banda politiko-kriminale, të vjeljes së gjobave, për ministra e politikanë, të cilët nuk kanë dorëzuar taksat tek shefi.
Por çfarë po ndodh saktësisht?!
Rama nuk është vetëm. Bandat e lëna në qetësi, të patrazuara, mundet lehtësisht të kenë bërë marrëveshje me kryeministrin dhe të emërojnë në detyra të rëndësishme prokurorë e gjyqtarë, apo në për shumë KLPLGJ-ra dhe me marifete proceduriale paguajnë karriket ku janë ulur.
Të lirë apo nëpër qeli, të fortët e krimit, pasi kanë arkivuar telashet e përfshirjes së Ramës në këtë skemë pushteti, për llogari të tyre bëjnë çdo biznes. Në episode frike e trembje nga daljet e të fshehtave, Rama kanos butësisht si në lutje, duke thënë se janë dërguar mesazhe nga burgu, nga “qeveria tjetër”.
Ndaj nëse Donika dhe Arta, japin kohë, leje, mundësi pune dosjes 339, të veprojë ligjërisht për Gjushin, ministra e deputetë, prefektë e zyrtarë dhe pa harruar shef Edin, atëherë 339, është vettingu i parë serioz në drejtësi..
Deri atëherë Gjushi mbetet siç vetëthotë akullore, e Rama një surrelas në pritje…

Katër prej banorëve të Unaës së Re u është dëguar fletëthirrja për tu paraqitur në komisariatin nr 4. Në komisariat u paraqitën Artan Manushaqe, Gëzim Sadikaj, Lindita Protoduari dhe Altin Qeku.
Sipas banorëve shoqërimi i tyre është bërë me pa të drejtë, dhe po kryhet për të dobësuar rezistencën e protestës së tyre në zonën e Unazës.
“Unë protestoj për shtëpinë time. Aty protestojnë me qindra qytetarë ndërsa mua më kanë hapur 2 dosje dhe kjo është e treta për tubim të paligjshëm. Edi Rama ta harrojë nuk ka gjykatë që të na gjykojë pse ne po protestojmë për pronën. Ne na kërcënojnë çdo natë” tha një banor.
Veç të tjerash banorët e Astirit u pyetën dhe për marshimin e bërë një muaj më parë pranë shtëpisë së kryeministrit Edi Rama.
“Me urdhra politikë janë shoqëruar banorë me arsyetimin për të dhënë fakte e rrethana nga marshimi që është bërë në Surrel drejt Dajtit. Këto shoqërime janë bërë me urdhër të Ramës”.
I pranishëm me banorët e Unazës tek komisariati nr.4 ishte dhe deputeti i PD-së, Klevis Balliu, i cili fletëthirrjet për të dëshmuar, i ka quajtur me urdhër të kryeministrit Rama.