Reshjet e dëborës kanë bllokuar disa fshatra në Bulqizë. Banorët thonë se iu duhet që disa rrugë ti përshkojnë në këmbë, pasi lëvizja me automjete është e pamundur.
Ulja e ndjeshme e temperaturave vijon të mbajë mbërthyer fshatrat e Bulqizës Banorët kërkojnë ndihmën e pushtetit vendor për hapjen e rrugëve.
“Nuk lëvizet këtu, akull krejt rruga. Vi nga jashtë krejt rruga mirë, sa hyn në doganë si me hy, nuk e di çfarë të them. Nuk kalohet, e sheh dhe vetë si është rruga. Me zor, me zinxhirë. A punon ky shtet apo jo”?
“Janë bllokuar rrugët prej akullit, unë ec në këmbë”.
Nënprefekti i Bulqizës, Avni Muliu, tha se problem mbeten fshatrat Tërnovë e Madhe dhe e Vogël, të cilët janë të izoluar totalisht.
Në këto fshatra, trashësia e dëborës shkon në 40 centimetra.
Avni Muliu: Aty bëhen rreth 115 shtëpi, rreth 200 e ca banorë. Po merremi me menaxhimin e situatës. Është një urdhër i Ministres së Mbrojtjes që e ka çuar për përballimin e emergjencave.
Në Bashkinë e Dibrës të izoluar kanë mbetur fshatrat e njësive Lurë e Selishtë. Këto dy njësi administrative nuk kanë komunikim me Rrëshenin dhe me Peshkopinë.
Sakaq, ulja e ndjeshme etemperaturave në Bulqizë që shkojnë deri në -10 gradë, kanë nisur të shkaktojnë probleme në rrjetin e furnizimit me ujë të pijshëm si pasojë e ngrirjes së tubacioneve.
/OraNews

Policia nis terrorin ndaj studentëve në kryeyqtet. Një incident ka ndodhur në orët e mbrëmjes së sotme pranë Fakultetit të Ekonomikut në kryeqytet. Disa studentë kanë shkuar pranë Fakultetit për të bërë një mbledhje që lidhet me protestën që do të rifillojë të hënën e 7 janarit.
Studentët kanë thënë se tek porta e Fakultetit janë mbledhur disa forca policie dhe nuk po i lejojnë të futen në Fakultet për të zhvilluar mbledhjen.

Gjatë muajit janar pritet të ketë zhvillime të nxehta politike, të cilat nisin me protestën e studentëve ditën e hënë.
Deputeti i LSI-së, Endrit Brahimllari ka paralajmëruar publikimin e disa materialeve që do të demaskojnë qeverinë.
Përzgjedhjen e Gent Cakajt si ministër të Jashtëm, Brahimllari e ka konsideruar si një provokim për opozitën.
Sipas tij, ky post kërkon një figurë të lartë politike, gjë që nuk e reflekton CV-ja e Cakajt.
Për protestën e studentëve, Brahimllari shprehet i sigurt se në datën 7 janar do të rikthehet më e fuqishme.
Kjo, sipas tij, pasi VKM-të për uljen e tarifave të studimit janë mashtrim pasi ato nuk janë reflektuar me ndryshimin e buxhetit të shtetit.

Siç edhe është lajmëruar përmes spotit, i cili shkaktoi shumë debate këto ditë nëpër rrjetet sociale, sot në mbrëmje kryeministri Rama do të jetë i ftuar në shown televiziv “Xing me Ermalin”.
Lidhur me këtë ka reaguar edhe deputeti i Partisë Demokratike Oerd Bylykbashi i cili shkruan në një status në facebook: “Grabitësi me maskë kllouni‎. A ka njeri me dy pare mend që ka dyshim që Rama është grabitqar si një piranjë i fondeve dhe pasurive publike?”.
Bylykbashi shkruan gjithashtu ndër të tjera se sonte grabitqari dhe sharlatani bëjnë xing bashkë tek një person.
Statusi i plotë i Oerd Bylykbashit
Grabitësi me maskë kllouni‎. A ka njeri me dy pare mend që ka dyshim që Rama është grabitqar si një piranjë i fondeve dhe pasurive publike? Koncensionet, PPP-të, taksat që rriten dhe paratë e taksave që shkojnë për të paguar koncensionet e oligarkëve, tenderat me maksimumin e fondeve me një garues të vetëm, çmimi i karburantit i lartë edhe kur bie Euro, 30 milionë Euro të vjedhura me dokument te falsifikuar. Doni më? ‎
‎A ka njeri dyshim që Rama është një sharlatan që politikën e sheh ‎si karagjozllëk që nga mënyra si cakton ministrat për t’i perdorur si grabitës, deri tek shitja e shkeljes së të drejtave si “bërje shteti”?
‎Sonte grabitqari dhe sharlatani‎ bëjnë xing bashkë tek nje person. Gjithesesi, nuk është hera e parë. Duartrokisni dhe filloni debatoni a është grabitës apo klloun, por në fakt, ai është dy në një.

Ish-Kryeministri Berisha ka publikuar mesazhin e mbërritur në adresë të tij nga një qytetar, i cili shkruan se, ministrja e re e Ekonomisë, Anila Denaj në kohën që drejtonte Fondin e Sigurimeve Shëndetësore, la të gjitha farmacitë në borxh pasi nuk likuidoi asnjërën prej tyre që nga shtatori i vitit të kaluar.
Sipas qytetarit që denoncon tek Berisha, farmacitë janë në prag të falimentimit sepse depot nuk japin ilaçe pa paguar paratë për furnizimet.
Sipas tij, sa herë që farmacistët kanë shkuar t’i ankohen ish-drejtoreshës, Anila Denaj, kjo e fundit nuk i ka pritur sepse sipas qytetarit, nuk ka fytyrë t’ju dali përpara farmacistëve që kërkojnë lekët e tyre.
Berisha shkruan në profilin e tij në facebook se Denaj, pas falimentimit të Fondit të Sigurimeve Shëndetësore do të marrë në dorëzim financat e falimentuara të shtetit.
Statusi i plotë i Berishës
Dena, mikesha e Madam Rames pas falimentimit te Fondit te Sigurimeve Shendetesore do marre ne dorezim financat e falimentuara te shtetit!
Lexoni denoncimin e qytetarit dixhital. sb
Doktor ju uroj shendet,dhe viti qe vjen te jete liruar nga kerma Edi Rama. Nje denoncim nga nje shok i imi qe e shte Farmacist. Ish- drejtoresha e fondit te sigurimeve,pervec qe sberi asgje 1 vit e ca muaj qe ndejti ne ate detyre,nje pa aftesi te frikshme qe kto rilindsit te afte jan vetem per te vjedhur… la te gjitha Farmacit ne Borxh sepse nuk likuidoj asnje farmaci qe nga shtatori 2018 e deri me sot. Farmacit jan ne prag falimentimit se depot nuk japin pa lek furnizim dhe Fondi nuk ka leshuar leket e rimbursimeve per farmacite….ky shoku im qe ka farmaci thote qe shteti me ka 48 miljon lek dhe nuk na i jep,janari eshte me receta 2 mujore dhe depot nuk na japin barna me lekuiditet te vonshem sepse dhe ato depot jan ne kriz nga borxhi qe mbartin farmacin…kur shkojne te pyesin tek fondi i tiranes ajo drejtoresha 28 vjecare nuk del ne pune se ska fytyre ti dali para farmacisteve qe kerkojne leket e tyre… ky eshte vetem nje shtet i falimentuat…se si jetojne njerezit ne ate vend nje zot e di…rrespekte Doktor…