Ish-Kryeministri Berisha ka publikuar mesazhin e një qytetari i cili shkruan se, bastet vazhdojnë të jenë të hapura tek kompania e Olsi Ramës dhe Vangjush Dakos.
Postimi i plotë i ish-Kryeministrit Berisha në Facebook
Per Boset e mafies se bixhozit Olsi/Gjushi ligji nuk ekziston!
Lexoni mesazhin dhe shikoni fotot te qytetarit dixhital. sb
Prsh Doktor! Ore po kjo kompania e Olsit dhe e Dakos vazhdon pune akoma! Apo si ngacmojme familjaret e atij te gjatit ne! Se ne te tjeret qe mbanim familjen me buke le te rrime pa pune tani. Ja dhe sot pranojne baste tek kompania e Olsit dhe Dakos.

Sot, “Rilindja Demokratike” flet fjalën e parë të saj. Kjo rilindje ka marrë për vete një barrë të rëndë dhe detyrë të ndershme. Ka marrë për detyrë që të thotë fjalën e vërtetë. Shumë-shumë e duan atë fjalë. Vetëm fjala e vërtetë është e lirë, atëherë liria është e vërtetë. Prandaj do ta bëj të pamundurën të mundur për të vënë dhe mbrojtur lirinë e fjalës, lirinë e shprehjes e të mendimit. Ajo kurrë nuk do të ruajë sekretin për disa dhe lejojë në pa kufi për ca të tjerë. Ajo do ta shprehë dhe do ta mbrojë mendimin e lirë të gazetarëve të saj, të bashkëpunëtorëve, por edhe më gjerë gjer të drejtën e ligjshme të mendimit e të shprehjes së lirë në një popull të tërë. Që në fjalën e parë, “Rilindja Demokratike” bën thirrje që askush të mos cënohet, të mos persekutohet, të mos censurohet për shkak të fjalës, mendimit e të shprehjes.
“Rilindja Demokratike” lind pikërisht për të kryer atë vepër të madhe demokratike në mbrojtje të të drejtave të njeriut. Ajo është gazetë demokratike dhe do të ketë mendjen e saj, mendimin dhe fjalën e publicistëve të përparuar demokratë e përparimtarë shqiptarë, do të ketë bekimin e dëshmorëve për demokraci, do të ketë idealin e drejtësisë sociale e të demokracisë.
“RD”, në çdo fjalë e në çdo gërmë, do të ketë çështjen e kombit e të atdheut. Kombi të ngjitet, të vëllazërohet e të përparojë! Kombi shqiptar ngjitet ku i takon e të zhvillohet. Atdheu të gëzojë liri dhe indipendencë. Atdheu ynë i lashtë të bëhet çerdhe e dashur dhe kopësht lulesh për bijtë e vet, që kështu të mos ia kthejnë shpinën, por as fjalën të mos ia kthejnë kurrë Atdheut. Për këtë do të përpiqet “Rilindja Demokratike”.
Në faqet e “RD” do të shihemi e do të kuvendojmë me vëllezërit tanë kosovarë, me të gjithë shqiptarët, vëllezërit tanë të shpërndarë nëpër botë, nga brigjet e tejshme të Adriatikut e gjer në kontinentin amerikan.

“Rilindja Demokratike” i ka faqet e hapura. Ajo do të interesohët për të gjitha problemet që ka popullit, për ekonominë, për kulturën, për historinë, për letërsinë e artin, për të drejtën, për mësimin e mendimin, ndërgjegjen, për zakonin e traditën, për sot e për nesër. “Rilindja Demokratike” shikon përpara. Ajo ka një dëshirë e vullnet që të hyjë tek të gjithë; te fshatari, te shkollari, te punëtori, te intelektuali, te shkrimtari e shkencëtari, tek i riu e fëmija, tek të mëdhenj e të vegjël.
“Rilindja Demokratike”, e cila lindi së bashku me Partinë Demokratike, do të mbështesë dhe do të pasqyrojë çdo reformë demokratike që i shërben përparimit, pavarësisht se cila forcë politike do të jetë nismëtare dhe zbatuese e saj. Ajo do të kultivojë dialogun, tolerancën, pluralizmin.
Por fjala e “Rilindjes” nuk do të jetë kurrë lustër apo lajkë. Fjala e saj do të jetë e rreptë ndaj burokracisë, ndaj autokracisë, ndaj çdo të keqeje që do të përpiqet të pengojë përparimin e vendit, lirinë e njeriut, forcimin e shtetit juridik shqiptar. Të mos qëndrojmë duarkryq para të keqes shoqërore dhe shtetërore, këtë do ta atakojë vetë dhe do t’ia kërkojë lexuesit “Rilindja Demoraktike”.
“Rilindja Demokratike” do të flasë fjalën shqipe, shqipen gurrë e qelibar, që nuk ngec nëpër gurët e sofizmave, që nuk njëtrajtësohet në enët e ideologjive të përcaktuara, që nuk flashket nëpër frazat e gjata boshe me pamje zyrtare. Ka një dëshirë “Rilindja Demokratike”, njerëzit të mos thonë më: Mos më fol si në gazetë, por të thonë: Flasim si gazeta “Rilindja Demokratike”. Ajo ta ketë fjalën për ta pirë me etje.
Gëzuar të gjithëve fjalën e parë!

Paratë që kanë themeluar Bankën Amerikane të Investimeve kanë kaluar përmes ishujve Cayman. Dokumentat e siguruara nga regjistri global i kompanive dëshmojnë se pronësia e ABI Bank ruhet e fshehtë në parajsën më të madhe fiskale të botës, përmes dy kompanive guackë, New Century Holdings XI dhe NCH Balkan Fund.
Të dy këto fonde guackë janë themeluar në dhjetor të vitit 2012, por pak kohë më vonë do të shndërroheshin në një nga lojtarët më të rëndësishëm të sistemit bankar në Shqipëri.
Sistemi bankar në Shqipëri numëron 16 banka, por vetëm Abi Bank vjen nga kompani offshore. Dyshimet për këtë bankë u shtuan kur në bordin drejtues të saj u ul Linda Rama, bashkëshortja e kryeministrit Edi Rama, edhe ky një tjetër rast i papreçedentë për sistemin financiar global, ku familja kryeministrore përfshihet direkt në sektorin bankar.
Pronësia
Banka Amerikane e Investimeve zotërohet 100 për qind nga një fond financiar i quajtur Tranzit sh.p.k. Por ky i fundit, zotërohet nga 3 aksionerë, një shtetas shqiptar me emrin Andi Ballta, i cili ka 30 për qind të aksioneve dhe dy fonde të tjera guackë, NCH Balkan Fund dhe Neë Century Holding XI, që kanë secila nga 35 për qind të aksioneve.
Të dy këto fonde, të cilat zotërojnë 70 për qind të Bankës Amerikane të Investimeve janë të regjistruar në parajsën fiskale të ishujve Cayman. NCH Balkan Fund, L. P është shoqëri me përgjegjësi të kufizuar e regjistruar në Ishujt Cayman me numër regjistri MC-15214.

Në po të njëjtin vend, pra në ishujt Cayman është regjistruar edhe kompania tjetër që ka në bashkëpronësi Tranzit sh.p.k, New Century Holdings XI, L.P e cila ka si numër regjistri CR-10711.
Fondet fantazmë
Sipas Regjistrit Global të Kompanive, vlera e aseteve të New Century Holding llogaritet 330 milionë dollarë. Ky fond mendohet se ka 426 përfitues, por për shkak të regjisrimit në ishujt Cayman ata janë të fshehtë.
Nga ana tjetër NCH Balkan Fund rezulton të ketë 673 milionë dollarë asete, ndërsa përfituesit e tij janë 57 vetë, po të panjohur.
Të gjitha bankat e licencuara në Shqipëri zotërohen nga grupe të mirënjohura financiare kryesisht nga Europa Perëndimore. Pronësia e tyre është transparente dhe aksionerët që i zotërojnë janë të njohur publikisht. Por në rastin e ABI Bank, çuditërisht kjo traditë u thye, duke ngritur dyshime të forta edhe ligjore për licencimin e bankës në dhjetor të vitit 2015.
Askush nuk e di se kush qëndron pas NCH Balkan Fund dhe New Century Holdings, për shkak të sekretit që ofrojnë parajsat fiskale. Ky fakt ngre dyshime të forta. Kush qëndron pas Abi Bank dhe pse BSH pranoi të licencojë një bankë nga parajsat fiskale?
/Syri.net

Studentët kanë paralajmëruar një protestë masive më datë 7 janar para Kryeministrisë, pasi kërkesat e tyre nuk janë përmbushur ende nga kryeministri Edi Rama dhe Ministria e Arsimit.
Ndërsa rezistenca e studentëve vijon pa ndërprerë që prej ditës së parë, ndonëse pjesa më e madhe e tyre u larguan jashtë Tirane për festat e fundvitit, një grup prej tyre vijon çdo ditë të shfaqë rezistencën para Kryeministrisë.
Duke u nisur nga zërat se protesta e 7 janarit nuk do të mbahet në një vend, studentët e “Grupit të Rezistencës” kanë bërë një deklaratë të cilën ua kanë nisur medieve, ku thuhet se protesta do të mbahet para Kryeministrisë, pasi Kryeministri është ai që duhet të japë zgjidhje.
Deklarata e studentëve që po vazhdojnë protestën
QËNDROJMË SË BASHKU!
Rezistenca Studentore VAZHDON…
Ditët e fundit janë shpërndarë njoftime se protesta e 7 Janarit do të mbahet në vende të ndryshme por jo tek Kryeministria, kjo me arsyen e mosarsyes se protesta mund të politizohet?!! A u politizua deri më sot protesta?
Protesta jonë vërtetoi se presioni i vazhdueshëm i studentëve të bashkuar përpara kryeministrisë vuri nën presion kryeministrin i cili edhe pa kërkesën tonë mori vendime politike duke ndryshuar qeverinë por jo të plotësonte kërkesat tona jetike, prandaj le të vazhdojmë të qëndrojmë së bashku deri në fund për ta fituar këtë kauzë.
Për aq kohë sa i qëndrojmë një zëri plotësimit të 8 kërkesave tona i vetmi vend për ti adresuar dhe gjetur zgjidhje është pikërisht Kryeministria dhe Kryeministri e jo një Universiteti dhe Rektori…
Thirrjet për devijim të vazhdueshëm të vendit i bëjnë pikërisht ata që kauzën nuk e duan ta fitojnë studentët, çdo devijim i vendit të protestës i shërben vetëm atij grupimi që kërkon me çdokusht përvetësimin e kauzës së studentit dhe që kjo kauzë të shkrihet shumë shpejt.
Le të bashkohemi të gjitha fakultetet së bashku, mëngjesin e 7 Janarit përpara Kryeministrisë.
#Bashkë #MeStudentët

Pas pushimeve për festat e fund-vitit, studentët do të rikthehen të protestojnë sërish më 7 Janar.
Zgjidhjet e ofruara nga kryeministri nuk janë pranuar nga ata, teksa kanë prezantuar kërkesat e reja të tyre, të cilat konsistojnë në rrëzimin e ligjit të Arsimit të Lartë, të miratuar në vitin 2015.
Protestojmë më fuqishëm se kurrë për të kërkuar:
Përgjysmimin e tarifave në të gjitha nivelet e studimit (sidomos në master).
Rritjen në 50% të peshës së votës studentore.
Dyfishimin e buxhetit të shtetit për universitetet publike.
Ndalimin e financimit publik të universiteteve private.
Asnjë kërkesë nuk mund të realizohet pa rrëzimin e ligjit të Arsimit të Lartë.
Protestojmë më FUQISHËM se kurrë për të kërkuar:
1. Përgjysmimin e tarifave në TË GJITHA nivelet e studimit (sidomos në master).
2. Rritjen në 50% të peshës së VOTËS STUDENTORE.
3. Dyfishimin e BUXHETIT TË SHTETIT për universitetet publike.
4. Ndalimin e financimit publik të UNIVERSITETEVE PRIVATE.
Asnjë kërkesë nuk mund të realizohet pa RRËZIMIN E LIGJIT TË ARSIMIT TË LARTË.
STUDENTËT E BASHKUAR KANË PËR TË FITUAR!