17.5 C
Tirana
E premte, 29 Gusht, 2025
type here...

KLSH padit 5 ish-regjistrues të hipotekës në Kavajë, kthyen pyllin në truall dhe legalizuan objekte buzë detit

Kontrolli i Lartë i Shtetit ka kallëzuar në prokurori pesë ish-regjistrues të hipotekës në Kavajë. Sipas KLSH, të kallëzuarit janë S.C, me detyrë ish-Regjistrues, F.M, me detyrë ish Regjistruese, A.Q, me detyrë ish Regjistrues, F.Gj, me detyrë ish Regjistrues, A.M, me detyrë ish Regjistrues, D.K, me detyrë ish-Specialist Hartograf, të cilët në mospërmbushje të detyrës së tyre funksionale dhe në shkelje të dispozitave ligjore, kanë konsumuar elementët e veprës penale të “Shpërdorimit të detyrës”.
Më tej KLSH bën të ditur se ata lanë kryer regjistrime të pasurive me AMTP pa dokumentacionin e duhur ligjor në sipërfaqe 162851 m2, me dokumente të parregullta duke kthyer nga tokë pyll e tokë pa fryt në tokë arë dhe janë kryer tjetërsime të pasurive duke shkaktuar një dëm ekonomik të dukshëm në vlerën 14,490,960 lekë, kanë regjistruar objekte me leje legalizimi pa respektuar distancat nga kanali kryesor kullues, nga shtrati i detit dhe nga bregu i përroit të Leshnicës.
Gjithashtu ata akuzohen se kanë regjistruar vendime të Komisionit të Kthimit Kompesntimi të Pronave në pasuri të cilat shërbejnë për interesa publike, kanë ndryshuar zërin kadastral nga pyll në truall për regjistrimin e lejeve të ndërtimtit dhe lejeve të legalizimit pa miratimin e organeve të kompetente, duke degraduar brezin mbrojtës pyjor, sipërfaqen e gjelbër me pisha në dëm të zonës turistike bregdetare, ku statusi juridik i tokës ka qenë pyll.
RAPORTI I PLOTË I KLSH-së
Kontrolli i Lartë i Shtetit, në zbatim të programit të auditimit nr.1077/1, datë 17.09.2017, miratuar nga Kryetari, ka audituar Zyrën Vendore të Regjistrimit të Pasurive të Paluajtshme Kavajë, për periudhën 01.10.2015 deri në 01.10.2018.

Bazuar në Vendimin nr.193, datë 20.12.2018 të Kryetarit, për shkelje të dispozitave ligjore të konstatuara, KLSH ka përcjellë indicie penale në Prokurorinë e Rrethit Gjyqësor Kavajë për konsumim të elementëve të veprës penale të “Shpërdorimit të detyrës”, neni 248 i Kodit Penal, për disa drejtues (pesë ish-regjistrues), sepse:
-Në 2 raste kanë regjistruar pasuritë e paluajtshme, bazuar në aktë pronësie vendimet e KKKP-së, duke mos zbatuar kërkesat ligjore, pasi janë regjistruar prona të llojit “Pyll” pasuri të cilat shërbejnë për interesa publike, në papajtueshmëri me përcaktimet e ligjit nr.7698, datë 15.4.1993 “Për Kthimin dhe Kompensimin e Pronave ish-Pronarëve”, i ndryshuar dhe ligjin nr.7843, datë 13.7.1994 “Për regjistrimin e pasurive të paluajtshme” ndryshuar e shfuqizuar dhe ligjim nr.33, datë 29.04.2012“Për regjistrimin e pasurive të paluajtshme”.
– Për mos zbatimin dhe mos ndjekjen e rekomandimeve të dërguara nga KLSH në auditimin e mëparshëm, duke mos vendosur kufizime sipas rekomandimeve ose duke i hequr ato, pa dokumente që justifikojnë mosveprimin në kundërshtimin me Ligjin nr.154/2014 “Për organizimin dhe funksionimin e Kontrollit të Lartë të Shtetit” dhe nenin 59 të ligjit nr.33/2012 “Për regjistrimin e pasurive të paluajtshme”.
– Në 10 raste ka regjistruar transaksione duke tjetërsuar tek palët e treta pasurit të cilat kanë pësuar ndryshim të zërit kadastral nga Pyll në tokë arë, për sipërfaqen totale 11440 m2, në kundërshtim me përcaktimet ligjore për përfitimin e tokës bujqësore, pasi në referencë nuk administrohet dokumentacioni ligjor i plotë që justifikon ndryshimin e zërit kadastral sipas procedurës për miratimin nga Komitetit Ekzekutiv e VKM nr.256, datë 02.08.1991 “Për rregulloren për regjistrimin, ndryshimin dhe kalimin e gjendjes së tokave dhe detyrat e kadastrës”, duke i shkaktuar shtetit një dëm ekonomik që llogaritet në vlerën 14,490,960 lekë referuar cmimit sipas kontratës së shitjes.

– Në 4 raste në regjistrimin e AMTP-ve, nga verifikimi i dokumentacionit të administruar në dosje, regjistrimet e kryera në regjistra, certifikatës familjare që tregon gjëndjen familjare para datës 01.08.1991, si dhenormës për frymë për fshatin Kryemëdhenjë zk.2291, rezulton se është përfituar më tepër tokë bujqësore sipërfaqen totale 32088 m2, në kundërshtim me ligjin nr.7501, datë 19.07.1991 “Për Tokën”, i ndryshuar,
– Për mos kalimin në shtet të pasurisë me sipërfaqe 5900 m2, ZK 3204 Rrakull, e cila ka pësuar transaksione, pjesëtuar në 5 pasuri të reja, ku njëra prej tyre pasuria nr. 200/9, me sipërfaqe 2710 m2, është shitur gjatë periudhës së auditimit, kur është dorëzuar procesverbali dhe projekti i KLSH, çka bën të pamundur kalimin shtet të saj.
– Për mos kalim në shtet të pasurisë 37/3 me sipërfaqe 3040 m2, ZK 3501, Spille, sipas vendimit gjykatës, përkundrazi pasuria ka pësuar transaksione kontratë shitje 28.12.2016, ku prona ka patur probleme me origjinën “PF” dhe ka një rekomandim nga KLSH në vitin 2014, pra nuk është verifikuar akti administrativ për elementët e formës e përmbajtjes.
– Për heqjen padrejtësisht të kufizimit pa shlyer detyrimin prej 22,250,000 lekë, për subjektin A.H për 7 pasuri ZK 1791 Golem, hequr kufizimi me datë 09.07.2015, mos kufizimin e pasurive dhe lejim transaksione sipas vendimit të KVVTP, i cili i është dërguar ZVRPP me datë 25.04.2016, për regjistrim të pavlefshmërisë të AMTP 1194 të urdhëruar kthimin me pronarë shtet, për sipërfaqen totale 12792 m2 mos kufizim pasurisë 32/41 për sipërfaqe 1800 m2 dhe 37/91 për 1584 m2 në zbatim të vendimit nr.36, datë 28.10.2015 të KVVTP për AMTP 1038 datë 15.09.1995 në kundërshtimin me germën “j”, neni 15 të Ligjit Nr.154/2014 “Për organizimin dhe funksionimin e Kontrollit të Lartë të Shtetit”, neni 59 të ligjit nr.33/2012 “Për regjistrimin e pasurive të paluajtshme”.

– Për ndryshimin e zërit kadastral pyll në tokë arë për sipërfaqen 6900 m2, pa njohje të titullit të pronësisë nga KVVTP, ku statusi juridik i saj është pyll, çka nuk është objekt i ligjit për shpërndarjen e tokës bujqësore.
– Për ndryshimin e zërit kadastral nga pyll në tokë arë për sipërfaqen 3100 m2, pajisur me certifikatë pronësie datë 21.01.2016, sipas urdhrit nr.26, datë 15.01.2016 të ish-regjistruesit, veprime këto në kundërshtim me përcaktimet ligjore për përfitimin e tokës bujqësore, pasi në referencë nuk administrohet dokumentacioni ligjor i plotë që justifikon ndryshimin e zërit kadastral.
– Për regjistrimin e pasurive nr.11/5, ZK. 3501–Spille, Kavajë, për 860 m2 “pemëtore”, 200 m2 “Truall” dhe 80 m2 “ND” dhe Pasuria nr. 40/17, ZK. 3501 Spille, Kavajë, për 3600 m2 “Arrë”, në emër të Tefta Mërtiri në kundërshtim me legjislacionin në fuqi, pasi Lista Emërore e Pronarëve të Trojeve dhe Shtëpive me nr. 0001 për Rrethin Kavajë, ZK 3501, Spille nuk ka të regjistruar pronë në Emër të T.M, por për Parcelën nr. 11/5 me “Truall” me sip.200 m2 dhe sip. 80 m2 është në emër Th.T.G gjithashtu AMTP me nr.1831 datë 15.04.1996 e administruar nga ZVRPP Kavajë nuk përmbush elementet e formës dhe përmbatjes.
– Në 8 raste në regjistrimin e lejeve të legalizimit nga verifikimi i materialit hartografik dhe pozicionimit të pronës rezulton se ZVRPP Kavajë, ka regjistruar me të meta dhe mangësi pasurit pasinë 3 raste nuk janë reskpetuar distancat nga kanalit kryesor kullues, nga shtrati i detit dhe nga bregu i përroit të Leshnicës, në 3 raste regjistrimi i “truallit” mbi të cilën është ndërtuar objekti informal i legalizuar sipas lejes së legalizimit është në pasurinë bazë me status “Pyll” në pronësi “Shtet”, në një kohë që kompetenca për ndryshimin e zërit kadastral i takon Ministrit apo organeve të tjera të përcaktuara në ligjë, në një rast objekti është ngritur në zonën “Brez i Gjelbërt” të kategorizuar me Vendim të KRRTRSH nr.2, datë 18.06.2013 dhe Zonë S të kategorizuar me Vendim nr.38, datë 10.05.2013 të KRRTSH,
– Në 1 rast për pasurinë nr. 373/54, vol. 17, fq. 187, zk. 2291, me sipërfaqe 7200 m2, ka vijuar duke regjistruar kalimin e pronësisë nga pronari shtet tek shtetasi R.D sipas AMTP, pa verifikuar më parë elementët e formës dhe përmbajtjes të aktit, në kundërshtim me Vendimin nr.3026, datë 06.10.2016 të Gjykatës Administrative të Apelit Tiranë, që ka vendosur kthimin në shtet ta pasurisë nr.373/54, zk.2291, me sipërfaqe 7200 m2, pasi kjo është përfituar në mënyrë të kundraligjshme.

– Për ndryshimin e zërit kadastral nga pyll në truall, Qerret, Kavajë, çka ka degraduar brezin mbrojtës pyjor, sipërfaqen e gjelbër me pisha, në dëm të zonës turistike bregdetare, pasi mbi këto pasuri janë kryer ndërtime me leje legalizimi (16600 m2), me leje ndërtimi për veprimtari turistike nga shoqëri të stimuluara (28853 m2 E… shpk dhe E….shpk, etj ku statusi juridik i tokës ka qenë pyll.
– Për ndryshim të zërit kadastral pyll në tokë arë për sipërfaqen 3000 m2, pasuria 14/55, ZK 3101, Qerret, Kavajë, e cila është përfituar padrejtësisht nga subjekte private me AMTP dhe më tej pasuria ka pësuar transaksione, mbi të me leje ndërtime është ngritur pallat “4-kat+parafino”.
– Për ndryshim të zërit kadastral “rrugë e kullota” e kthyer në “arë” për sipërfaqen 2850 m2, e cila është përfituar padrejtësisht me AMTP, prona më tej ka pësuar transaksione deri tek pallati “Qendër turistike 4-kate, Golem” me leje ndërtimi 27.5.2005, pasuria 64/12 dhe 64/15, ZK 1791, sipas referencave 1823, 1824, 1915, 2623, 3394 viti 2004-2006, veprime këto në kundërshtim me përcaktimet ligjore për përfitimin e tokës bujqësore, pasi në referencë nuk administrohet dokumentacioni ligjor i plotë që justifikon ndryshimin e zërit kadastral.
– ZVRPP Kavajë, për pasurinë nr.1/3, me sipërfaqe 502200 m2 “pyll”, vol 3, faqe 190, ZK 3101, Qerret, në mënyrë të pa argumentuar ka bërë 18 kalime nga një volum në një tjetër, nga vol 3 deri tek 20, ka kryer ndarje të pasurisë, si rezultat i ndërtimeve me leje ndërtimi për veprimtari turistike nga shoqëri të stimuluara (28853 m2 E…e E….i), i vendimeve të VKKP (135500 m2), i ndërtimeve me leje legalizimi (16600 m2) dhe i qiradhënieve (4975 m2 V….. shpk),

duke ndryshuar zërin kadastral nga pyll në truall dhe në ndërtesë për sipërfaqen gjithsej 193020 m2, çka ka degraduar brezin mbrojtës pyjor, sipërfaqen e gjelbër me pisha, në dëm të zonës turistike bregdetare, pasi nga 502200 m2 pyll në vitin 1997 kanë mbetur 309180 m2 “P.F. +Pyll” në 2017.
– ZVRPP Kavajë ka rregjistruar 2 lejet e legalizimit në kushtet e mungesës të dokumentacionit tekniko-ligjor dhe nuk ka ndjekur dhe zbatuar procedurat gjatë shqyrtimit nga KVVTP të njohjes të titullit të pronësisë të AMTP 943 datë 18.02.1995 në emër të I.Z, por ka kryer transaksione me pronën, kanë kryer veprime mbi pasuritë nr. 102/23+1-1, 102/23 +1-2 dhe 1/258 dhe pasuritë e tjera vijuese duke regjistruar ndërtesa që ndodhen mbi ish-sipërfaqet me pisha në bregdetin Qerret, Golem, për të cilat janë dhënë leje ndërtimi për veprimtari turistike të stimuluar, ku nëpërmjet transaksioneve janë kthyer për banim, madje janë regjistruar me leje legalizimi për komplekse, ndërtime, hotele me veprimtari turistike të stimuluara dhe jo për shtëpi banimi.
KLSH i ka kërkuar Kryeregjistruesit në Zyrën Qendrore të Regjistrimit të Pasurive të Paluajtshme, të vlerësojë shkallën e përgjegjësisë dhe marrjen e masave disiplinore për 6 punonjës: P.P, me detyrë Specialist Jurist, A.M, me detyrë Specialist Jurist, E.C me detyrë Hartograf, I.C me detyrë Jurist, A.C me detyrë Juriste dhe F.M me detyrë specialist Hartograf.
Për S.C, me detyrë ish-Regjistrues, F.M, me detyrë ish Regjistruese, A.Q, me detyrë ish Regjistrues, F.Gj, me detyrë ish Regjistrues, A.M, me detyrë ish Regjistrues, D.K, me detyrë ish-Specialist Hartograf, të cilët në mospërmbushje të detyrës së tyre funksionale dhe në shkelje të dispozitave ligjore, kanë konsumuar elementët e veprës penale të “Shpërdorimit të detyrës”, të parashikuar nga neni 248 i Kodit Penal, KLSH ka përcjellë indicie penale pranë Prokurorisë së Rrethit Gjyqësor Kavajë të gjitha provat dhe dokumentet përkatëse.

Përse 2019 do të jetë viti i krizave ekonomike

Krizat ekonomike janë të shpeshta. A do të ketë një krizë edhe në vitin 2019? Pas nesh kemi lënë një vit me shumë sfida, ndërsa këtë vit sfidat do të jenë edhe më të mëdha. Profetët e krizave e kanë të lehtë: Çdo herë ata e vizatojnë një djall në mur dhe thonë se kriza dhe thyerjet ekonomike në vitin e ardhshëm do të jetë edhe më të rënda. E më pas kur vërtet ndodhë diçka thonë: E shihni, ju kemi thënë me kohë! Ata shkojnë nëpër vende të ndryshme, përhapin frikë dhe shesin librat e tyre.
Por nëse shikon gjendjen e tanishme ekonomike, në fund të vitit 2019 mund të ketë vërtet një Crash ekonomik! Probleme të pazgjidhura ka gjithandej. Kaosi rreth Brexitit, populistët në Itali, lufta tregtare SHBA-Kinë. Në fakt, askush nuk do të donte të paramendonte një recesion të ri në Evropë, sepse pasojat mund të jenë të paparashikueshme. Banka Qendrore Evropiane e ka shpenzuar municionin dhe tani ka mbetur peng i politikës së Draghit, me një përqindje zero të interesit. Mosveprimi i Draghit paraqet një bazë të fuqishme për një krizë të re.
Prognozat e zymta
Administruesi më i madh botëror i pasurive Blackrock, ka paralajmëruar investorët që të mos blejnë aksione në tregjet evropiane. Rreziku është tepër i madh, shansat për fitim janë tepër të vogla. Duhet të shqetësohemi nëse investorët sërish i kthehen më fuqishëm blerjes së bonove amerikane, me shpresë se atje do të kenë më shumë përfitime. Shenjat për një krizë të re janë të qarta.

Por shqetësimi më i madh është mali i borxheve në mbarë botën. Prej vitit 2007, borxhet në botë janë rritur për 42 % dhe aktualisht, borxhet kapin një shumë prej 237 bilionë dollarë, që është një shumë jashtëzakonisht e lartë. Investorët kanë futur vetëm në Wall Street një kapital prej 670 miliardë dollarë. Ata spekulojnë me para të huazuara. Një bombë e kurdisur!
Bota sot ka më shumë borxhe se në kohën e krizës. Varësisht nga burimi, thuhet se borxhet e përgjithshme kapin një shumë prej 225% -245% të fuqisë ekonomike botërore. Vetëm sa për shpjegim: Në Eurozonë shtetet përballen me pakënaqësi, në qoftë se borxhet e një vendi janë më të larta se 60%. Ndërkohë që borxhet globale po rriten më shpejtë se shkalla e zhvillimit ekonomik. Rritja e viteve të fundit e ka pasur një çmim të lartë.
Fatura duhet të paguhet
Nëse kjo fluskë pëlcet, që me siguri do të ndodhë, atëherë duhet të jenë të kënaqur të gjithë ata të cilët janë përgatitur mirë. Të tjerët, do të përballen me pasoja të rënda. Shtetet e futura tepër në borxhe nuk mund të llogarisin me paketa të reja ndihmash. Ndërkohë që BQE nuk do të ketë masa të reja në dorë për nxitjen e zhvillimit ekonomik, për shkak se interesi edhe tani është zero.
Amerikanët për shkak të politikës së Trumpit me siguri që do të paguajnë një çmim të lartë, për shkak të futjes së re në borxhe. Ndërsa evropianët do të paguajnë për shkak se janë kënaqur tepër me zhvillimet e mira ekonomike në disa vitet e fundit. Por evropianët nuk janë përgatitur për krizë.
A do të ketë vërtet një thyerje të madhe ekonomike në vitin 2019? Dhe në cilën ditë të javës do të ndodhë një Crash i madh? Këtë duhet t’i pyesni profetët e krizave. Ata mund t’ua thonë shumë sakt!

Përse besoj te Lulzim Basha!

Islam VELIU

Po sepse libelarizoje vizat dhe shqiptaret levizin te lire ne Europe.
Po sepse ndertoje Rrugen e Kombit, te cilen po e vjedh sot Çuni Kristaqit.
Po sepse shpartalloje I vetem banden e Rilindjes.
Po se futi ne burg dhe largoje nga parlamenti kriminelet dhe banditet qe solli Edvin Kristaq Rama.
Po sepse luftoje fort qe kelyshet e baballareve te mos drejtonin drejtesine shqiptare.
Po sepse luftoje i vetem kunder hashashizimit te Shqiperise.
Po sepse shkaterroje banden e Sajmirit.
Po se shkateroje banden e Fatmirit.
Po sepse lufton i vetem kunder oligarkeve qe vjedhin sebashku me Edvinin e Taqit, kafshaten e bukes se popullit.
Po sepse tregon cdo dite me fakte aferat korruptive te Çunit te Kristaqit.
Po sepse kerkon te largoje nga politika te korruptuarit.
Po sepse ka nje program te qarte si mund te perparoje ky vend.
Po sepse pastroje PD nga shushunjat qe i pinin gjakun.
Po sepse jane kunder tij llumi i ketij vendi, ata qe Çuni Kristaqit i paguan vetem te ofendojne Lulzim Bashen.
Po sepse eshte bir i nje familje te ndershme dhe nuk eshte bir e nip krimineli.
Po se ka arsimimim te shkelqyer dhe nuk eshte legen me brekushe si çuni Kristaqit.

Olsi Rama merr kryesimin e bixhozit! Posta në dispozicion të “Bast Arenës”!

Ish-Kryeministri Berisha ka publikuar mesazhet e disa qytetarëve, të cilët shkruajnë se Olsi Rama ka marrë kryesimin e bixhozit, ndërsa Posta është vënën në dispozicion të “Bast Arenës”.
Postimi i ish-Kryeministrit Berisha në Facebook
Denoncohet Don Olsi Rama qe merr kryesimin e bixhozit!
Posta ne dispozicion te Bast Arenes!
Lexoni mesazhet dhe shikoni fotot e qytetareve dixhital! sb
Mirmbrëma Doktor,
Doja të denoncoja:
1. Superbast vetëm ka ndryshuar logon.
2. Eurolloto nuk punon online dhe as nëpër qytetet për shkak të klientelizmit
3. E treta Bast Arena ka aktivizuar llogaritë online.
Po ju dërgoj dhe fotot.
Respekte
1. Superbast ka shtuar vetem Superbast Kosove (per kamuflazh)
2. Eurolloto e bllokuar për klientelizëm
3. Bast Arena e don Olsit jo vetëm që të lejon të luash por të udhëzon si të vendosni para plus ka çdo opsion hapur….
Pershendetje Z.Berisha. Gezuar Vitin e Ri 2019. Qofte vit i mbare per ju dhe per Shqiperine.Une qe po te shkruaj jam emigrante ne USA. Te ndjek ne te gjitha debatet dhe shkrimet e tua.Dua te te them qe ai Kallam Deshtaku qe thote”u mbyllen bastet”i ka hapur online.Ne dt 1 janar ne ora 10 i nates ne amerike u hap faqja ne compjuter :Llotomania.al.Me kete faqe online keto kasape, drogmene duan te marrin leke jo vetem nga Shqipetaret ne Shqiperi ,por dhe nga emigrantet.Skane me leke nga populli ne Shqiperi i lane ne varferi te plote hapen kete faqe te rrjepin dhe emigrantet.Te uroi shume shendet Z.Berisha.RESPECT!
Kjo foto tregon qart mbylljen e llotove,nderkoh qe bast arena vazhdon aktivitetin dhe mbushja e llogarive behet ne instuticion shteteror te posta shqiptare,ju falenderoj perzemersisht.

Mbi 15 mijë biznese falimentuan, reagon Berisha: Regjimi i instaluar nga Rama vrasës i bizneseve

Gjatë vitit 2018 falimentuan mbi 15 mijë biznese ose 62 % më shumë se në vitin 2017.
Kështu shkruan ish-Kryeministri Berisha i cili ka bërë një përmbledhje të treguesve ekonomikë në vend bazuar në statistika.
Berisha shkruan ndër të tjera se në këto vite nuk është rregjistruar asnjë biznes i huaj serioz ndërkohë që janë larguar nga Shqipëria kompani të mëdha botërore në fushën e turizmit dhe fusha të tjera të cilat investonin miliarda euro në turizën, energji etj.
Berisha thotë se, regjimi i kakistokracisë, i instaluar nga Edi Ramaështë vrasës i bizneseve.
Ja postimi i plotë i ish-Kryeministrit Berisha
Kakistokracia eshte regjimi i vrasjes masive te bizneseve!
– Gjate vitit 2018 vdiqen 15.340, kundrejt 9482 ose 62% me shume se ne vitin 2017.
-Ne kater vite, nga 1 janar 2014 ne 1 janar 2018 u mbyllen 74.857 biznese
-Asnje investim serioz i huaj nuk u regjistrua gjate ketyre viteve ne Shqiperi
-U larguan kompani te medha qe kishin vendosur te investojne miliarda euro ne Shqiperi.
Te dashur miq, statistikat zyrtare deshmojne se:
1. Gjate muajit dhjetor 2018 kane kaluar ne status pasiv plot 1.670 biznese, ose 54 % me shume sesa dhjetor 2017 (gjate te cilit rezultojne se kane kaluar ne status pasiv 1.083 biznese). Gjate dhjetorit 2018 kane mbyllur qepenat 55 biznese cdo dite kalendarike, ose 76 biznese per cdo dite zyrtare pune.
2. Gjate vitit 2018 kane kaluar ne status pasiv plot 15.340 biznese (rreth 30 mije familje te prekura drejtpersedrejti), ose 62 % me shume viti i kaluar (gjate te cilit rezultojne se kane kaluar ne status pasiv 9.482 biznese.
Gjate vitit 2018 kane mbyllur qepenat 42 biznese cdo dite kalendarike, ose 59 biznese per cdo dite zyrtare pune.
3. Qe nga 1 janar 2014 – 31 dhjetor 2018 (ne 5 vite) kane kaluar ne status pasiv (kane ulur qepenat) plot 74.857 biznese (mesatarisht 14.971 biznese cdo vit) (rreth 150 mije familje te prekura drejtpersedrejti gjate ketyre 5 viteve te qeverisjes).
Asnje biznes seroiz i huaj nuk u regjistrua gjate ketyre viteve ne Shqiperi.Perkundrazi gjate viteve 2014-2018 u larguan nga Shqiperia kompani te medha boterore te turizmit dhe fushave te tjera qe do investonin miliarda euro ne turizem, energji etj etj.
Mbi 80% e investimeve te huaja te viteve 2014-2018 jane kontratat e medha te qeverise se mepareshme per TAP, Kaskada e Devollit, Kaskada e Fanit etj etj. Keto te dhena faktojne se regjimi i kaksitokracise (kakistos, nga greqishtja e lashte dmth me i keqi) i instaluar nga Edvin Kristaq Hajnia dhe banda e tij ne keto vite ne Shqiperi eshte antibiznes apo regjim biznesicidi, pra vrases i biznesit. sb

Dhoma e Përfaqësuesve voton për rihapjen e qeverisë

Dhoma e Përfaqësuesve e udhëhequr nga demokratët, votoi për rihapjen e qeverisë federale dhe për të financuar Departamentin e Sigurisë Kombëtare deri në muajin shkurt.
Por, asnjëra nga masat e miratuara nga Dhoma e Përfaqësuesve nuk përfshinë 5 miliardë dollarët e kërkuar nga presidenti Donald Trump, për murin përgjatë kufirit jugor të Shteteve të Bashkuara, gjë që me siguri nuk do të miratohen në Senatin e kontrolluar nga republikanët dhe pothuajse me siguri do të përballen me veton e presidentit Trump.
Ideja e masave është rihapja e qeverisë ndërsa çështja e murit të lihet për negociata të veçanta.
Presidenti Trump i ka ftuar udhëheqësit e Kongresit për një takim tjetër në Shtëpinë e Bardhë të premten për të diskutuar rrugët e rihapjes së qeverisë, mbyllja e pjesshme e së cilës është duke hyrë në javën e tretë.
Bisedimet e së mërkurës nuk çuan askund meqë të dyja palët ngulën këmbë: presidenti Trump duke kërkuar 5 miliardë dollarë për murin dhe demokratët duke thënë jo, asnjë qindarkë.
“Ne mund të shkojmë poshtë e lartë”, tha kryetarja e Dhomës së Përfaqësuesve, Nancy Pelosi për NBC News. “Sa herë duhet të themi jo? Asgjë për murin”.

Zonja Pelosi akuzoi presidentin Trump se po e mban peng qeverinë federale për shkak të premtimit të tij gjatë fushatës për ngritjen e murit për të cilin kishte thënë se do të paguaj Meksika.
“Kjo është qesharake. Nën a: Meksika nuk po paguan për të dhe nën b: ne mund të kemi një përdorim më të mirë të fondeve për të ruajtur kufijtë. Presidenti e di këtë”, tha zonja Pelosi.
Udhëheqësi republikan i Senatit, Mitch McConnell, i cilësoi ‘teatër politik” ligjet e miratuara nga Dhoma e Përfaqësuesve.
Derisa presidenti Trump nuk e përdori fjalën “veto”, këtë e bënë zyrtarë të tjerë të Shtëpisë së Bardhë. Një zyrtar tha se presidenti u ka thënë udhëheqësve demokrat se do të dukej ‘i marrë’ nëse do t’i jepte fund mbylljes së qeverisë.
Presidenti Trump fajëson demokratët për situatën aktuale.
“Mbyllja e qeverisë ka të bëjë vetëm me zgjedhjet presidenciale të vitit 2020”, shkroi ai të enjten në twitter. “Demokratët e dinë se nuk mund të fitojnë për shkak të të gjitha arritjeve të Trumpit, kështu që ata janë përqendruar në murin dëshpërimisht të nevojshëm dhe sigurinë e kufirit…Për ta është thjeshtë politikë”.
Presidenti Trump tha se vendi ka nevojë për mbrojtje dhe tërhoqi vërejtjen se krimi, drogat dhe bandat po vërshojnë në Shtetet e Bashkuara nga Meksika.
Ai tha se më shumë se 35 milionë emigrantë të paligjshëm janë në Shtetet e Bashkuara duke rënë në kundërshtim me ekspertët që pohojnë se ky numër është shumë më i vogël.
Ndërkohë, 800 mijë punonjës federal janë çuar në shtëpi ose punojnë pa pagesë tashmë dy javë.
Pirgjet e mbeturinave po rriten në parqet kombëtare, të cilat janë mbyllur zyrtarisht, sikurse edhe shumica e atraksioneve më të mira turistike të Uashingtonit.

Hakerat sulmojnë politikanët gjermanë, mes tyre edhe Merkel

Hakerat kanë sulmuar të dhënat e qindra politikanëve. E prekur është edhe Angela Merkel dhe të gjitha partitë. Përveç AfD-së. Të dhënat janë publikuar në internet. Ministrja e Drejtësisë Katharina Barley flet për sulme “të rënda”. Media e parë që ka raportuar për këtë ngjarje është Rbb, ku thuhet se hakerat kanë sulmuar të dhënat e politikanëve dhe të artistëve, si telefona celularë, chat-e private, adresa dhe dokumente të tjera, të cilat më pas janë publikuar. Ato janë publikuar së pari në një llogari Twitter-i, e cila për një kohë të gjatë ka mbetur e pazbuluar. Të prekur janë politikanë nga të gjitha partitë në Bundestag, përveç partisë populiste të djathtë “Alternativa për Gjermani” (AfD). Edhe kancelarja gjermane Angela Merkel (CDU) është ndër personat e sulmuar nga hakerat, shkruan gazeta “Bild”. Thuhet se ndër dokumentet e kapura nga hakerat janë një numër faksi, një adresë e e-mailit dhe shumë letra, që ka dërguar kancelarja apo i janë dërguar asaj. Deri tani nuk dihet saktë sa të ndjeshme janë të dhënat e sulmuara. Por flitet se në mesin e dokumenteve të kapuara janë edhe të dhëna nga xhirollogaritë. Gazeta “Bild” thotë se ndër personat e prekur më së shumti janë ekologjisti Robert Habeck, sekratari i përgjithshëm i SPD-së Lars Klingbeil dhe ish-shefi i SPD-së Sigmar Gabriel.
“Tentativa për dëmtimin e demokracisë!”
Barley thotë se “Iniciatorët kanë dashur të dëmtojnë besueshëmrinë tonë ndaj demokracisë dhe institucioneve.” Politikania e CDU-së kërkon hetime të shpejta dhe zbulimin e sfondit të mundshëm politik të këtyre sulmeve. Deri tani nuk dihet se kush është përgjegjës për këto sulme dhe cilat janë qëllimet e publikimit të të dhënave personale. Ndër të dhënat e publikuara janë edhe numrat e telefonave, si dhe dokumentat me të cilat politikanët kanë konkurruar në kongreset e partive të tyre për ndonjë post. Këto sulme janë vlerësuar me shumë seriozitet nga të gjitha grupet parlamentare. Ato menjëherë kanë filluar hetimet të berdëshme. Të prekur janë jo vetëm politikanët në federatë, por edhe ata lokalë dhe artistë. Rbb njofton se sipas të dhënave të deritanishme, nuk është publikuar ndonjë informacion tepër i ndjeshëm. Por publikimi i të dhënave private ka shaktuar dëme të mëdha.
Twitter është publikuar në kohën e Krishtlindjeve
Rbb shkruan se pronari i llogarisë në Twitter, nga i cili janë përhapur përmes këtij rrjeti, ka shkruar edhe vet për çështje si Security Researching, Artistë, Satira apo Ironia. Mendohet se pronari i llogarisë në Twitter ndodhet në Hamburg. Ndërsa të dhënat e para duket se janë botuar që në kohën e Krishtlindjeve, por askush nuk i ka vënë re ato deri të enjten (03.01) në mbrëmje.

Nga 1 janari hyri në fuqi rritja e taksës së pronës. Bizneset do të paguajnë 2 deri në 4 herë më shumë

Partia Demokratike ka dalë me një deklaratë sot për gjendjen e vështirë ekonomike. Këshilltari për Çështjet Ekonomike, Dorian Teliti, bëri të ditur se në vitin 2018, falimentuan mbi 15 mijë biznese, ose 62% më shumë se një vit më parë dhe shkak qenë gjobat e taksidarëve, taksat e tarifat e rritura, shtrenjtimi i energjisë dhe i ujit.
“Nga 1 janari hyri në fuqi vendimi i qeverisë për rritjen e taksës së pronës. Bizneset do të paguajnë 2 deri në 4 herë më shumë, shtoi Teliti. Situata e rëndë ka vetëm një ilaç për ta kuruar: zbatimin e planit të Partisë Demokratike për rimëkëmbjen e biznesit dhe të ekonomisë nëpërmjet uljes së ndjeshme të taksave”. Katër hapat e këtij plani janë:
Taksa e sheshtë 9%
Përjashtimi nga skema e tvsh-së për bizneset me xhiro deri në 120 milionë lekë
Ulja me 300 lekë për litër e karburantit
Anulimi i çdo koncesioni korruptiv do ta çlirojnë ekonominë nga një grusht oligarkësh, që grabisin pasuritë e shqiptarëve në zyrën e kryeministrit!
Deklarata e plotë e Dorian Telitit:
Nëse shumica e shqiptarëve lejon që t’i qeverisë sërish Edi Rama, 2019-a do të jetë edhe më keq për ekonominë e çdo familje që mbahet me një biznes të vogël.
Viti 2018 është shënuar në llogaritë e ekonomisë shqiptare si një nga vitet më të këqija të qeverisjes së Edi Ramës. 15 340 biznese kanë falimentuar nga janari deri në dhjetor.

Kush thotë se këto janë kompani bixhozi, gënjen! Të tilla, të regjistruara në Qendrën e Bizneseve numërohen me gishtat e një dore. 15 340 mijë bizneset e mbyllura në një vit janë të qytetarëve të zakonshëm, sipërmarrës të vegjël e të mesëm që e kanë ulur qepenin nga taksat dhe tarifat lokale të rritura 2-3 herë, nga energjia 30% më e shtrenjtë, nga fatura e ujit 44 % më e shtrenjtë! 2018-a është edhe më keq se një vit më parë.
Mbi 15 mijë biznese të falimentuara do të thotë 62 % biznese të mbyllura më shumë se një vit më parë. Janë mbi 15 mijë familje shqiptare që nuk i kanë mbijetuar gjobave të taksidarëve, që nuk i kanë mbijetuar skemës dërrmuese të TVSH-së. A ka patur kompani të reja, që janë hapur, ndërkohë që biznesi i ndershëm falimentonte?
Të gjithë e dimë që po! DH Albania, kompania fantazëm që u regjistrua në korrik dhe brenda pak javësh mori 50 milionë euro tendera, është fytyra e ekonomisë që ka ndërtuar Edi Rama: falimentim me taksa dhe gjoba të rënda për shqiptarët e zakonshëm, miliona euro për kompanitë e parajsave fiskale, me të cilat ndan pushtetin.
Nëse shumica e shqiptarëve lejon që t’i qeverisë sërish Edi Rama, 2019- a do të jetë edhe më keq për ekonominë e çdo familje që mbahet me një biznes të vogël, do të jetë më keq për këdo që bën biznes të ndershëm dhe nuk vjedh nga paratë publike.

Prej 1 janarit ka hyrë në fuqi vendimi i qeverisë për të mbidyfishuar taksën e pronës. Çdo biznes që akoma nuk e ka ulur qepenin, do të paguajë 2-4 herë më shtrenjtë për vendin ku ushtron aktivitetin e tij.
Nëse qeveria nis zbatimin e koncesionit të kasave të reja fiskale, çdo biznesi i duhet të paguajë 600-1000 mijë euro të tjera për të zëvendësuar sistemin, nëpërmjet të cilit do të transmetojë në qendër çdo veprim në dyqanin e tij.
Situata e rëndë ka vetëm një ilaç për ta kuruar: zbatimin e planit të Partisë Demokratike për rimëkëmbjen e biznesit dhe të ekonomisë nëpërmjet uljes së ndjeshme të taksave.
Taksa e sheshtë 9% – Përjashtimi nga skema e tvsh-së për bizneset me xhiro deri në 120 milionë lekë – Ulja me 300 lekë për litër e karburantit – Anulimi i çdo koncesioni korruptiv do ta çlirojnë ekonominë nga një grusht oligarkësh, që grabisin pasuritë e shqiptarëve në zyrën e kryeministrit!

“L’Equipe”: Ky është ekipi ideal, më i miri në botë

Ashtu siç ndodh çdo vit, e përditshmja franceze “L’Equipe” ka përpiluar formacionin ideal të vitit 2018, që sapo u mbyll.
Reali i Madridit është ai që ka më shumë përfaqësues në këtë formacion, me 3 të tillë: mbrojtësit Varane e Marcelo, si dhe mesfushorin Luka Modriç, që është edhe fituesit i “Topit të Artë” për vitin 2018.
Ajo që të bie në sy është lënia jashtë e Antoine Griezmann, kampion bote me Francën, por edhe fitues i Europa League e Superkupës Europiane me Atletico Madrid. Ky i fundit ka si përfaqësues të vetëm në formacionin ideal të prestigjiozes “L’Equipe” portierin Jan Oblak.
Sa i përket pjesës tjetër të skuadrës, reparti i mbrojtjes plotësohet nga Trent Alexander Arnold dhe Virgil Van Dijk të Liverpoolit. Në mesfushë, Modriçit i bashkohet francezi i Chelseat, N’golo Kante.
Ndërkohë, Kylian Mbappe, Lionel Messi dhe Eden Hazard janë zgjedhur në formacionin ideal të “L’Equipe” si treshe e avancuar, në mbështetje të Cristiano Ronaldos së Juventusit, në rolin e sulmuesit të vetëm.

Studimi, video-lojërat nuk i bëjnë fëmijët e dhunshëm

Nga shumica e njerëzve supozohet se pasi që shumica e video-lojërave përmbajnë dhunë, kjo mund të ndikojë që lojtari të jetë më agresivë dhe më i dhunshëm.
Megjithatë, personat të cilët me padurim presin të luajnë lojëra në PS4, të luajnë Counter Strike, etj., do t’jua thojnë të kundërtën.
Përveç tyre, edhe hulumtuesit nga Universiteti Southwest në Kinë e kanë sfiduar teorinë e lartcekur se video-lojërat e dhunshme i bëjnë personat agresivë.
Ata kanë kërkuar nga 18 pjesëmarrësit e studimit të tyre t’i listojnë video-lojërat e tyre të preferuara, të tregojnë sa shpesh e luajnë çdo lojë dhe të vlerësojnë sa të dhunshëm janë.
Pastaj, pas hulumtimeve dhe eksperimenteve të ndryshme duke përdorur edhe fMRI, hulumtuesit kishin deklaruar se ekspozimi afatgjatë ndaj video-lojërave të dhunshme nuk është i lidhur me dhunë.

1...5 0895 0905 091...8 382Faqja 5 090 nga 8 382

Kryesore

Continue to the category
Më shumë
© 2024 Rilindja Demokratike Euroatlantike