FBI e kishte përshkruar që më parë konturin e këtij skenari aventurier dhe në fund doli pikërisht ashtu siç besonin hetuesit e përtej oqeanit.
Mashtrimi i madh shqiptar i Harry Sargeant III, manjati i falimentuar i naftës, mbi të cilin por hetojnë autoritetet amerikane, është kryer në Rusi, duke u ndërthurur bujshëm me një tjetër fill hetimesh të hetuesve amerikanë, ajo e lidhur me “thesarin” e zi të presidentit Vladimir Putin.
Nisemi nga një e dhënë zyrtare: rafineria e naftës në Ballash – besuar nga kryeministri shqiptar Edi Rama dhe qeveria e tij “investuesit shumë serioz amerikan” Harry Sargeant III në këmbim të premtimeve ekonomike të pambajtura kurrë – ka kaluar në pronësi të grupit petrolier Gunvor, i cili ka marrë tashmë kontrollin.
“Dhurata” e Ramës për spekulatorin “made in Usa” tashmë bëhet ekonomi reale. Sigurisht jo për të mirën e vendit e të nevojave të tij, por në favor të xhepave të Sargeant dhe të miliarderëve të uritur mes protektorëve të tij të korruptuar brenda “Pallatit”.
Mjaftuan gjashtë muaj administrim nga ana e themeluesit të International Trading Company (e deklaruar e falimentuar në shkurt 2016 nga një gjykatë amerikanë për shkak të borxhit mbi 100 milionë dollarë) për ta shndërruar fatin e rafinerisë fatkeqe të Ballshit në operacionin më shqetësues të riciklimit ndërkombëtar që mund të ketë parë ndonjëherë Shqipëria.
Sergeant duhej të investonte 52 milionë dollarë në Shqipëri dhe të balanconte ndërkohë financat me borxhe të mëdha të kompanisë Armo, e cila kontrollon impiantin e përpunimit. Kishte deklaruar të investonte edhe 100 milionë dollarë të tjerë në “Transatlantik”, një tjetër kompani energjetike shqiptare në katastrofë financiare. Të gjitha fjalë, të marra si të vërteta nga Edi Rama e qeveria e tij.
Sipas FBI dhe Departamentit të Shtetit të SHBA, ish-piloti luftarak i marinës amerikane Harry Sergeant duhej thjesht të hapte rrugën për mbërritjen e koracatës së Putin, duke injoruar çdo rezistencë “politike” apo kontroll ligjshmërie.

Gunvor – thonë publikisht hetuesit amerikanë – është një nga “asetet” kryesore të thesarit të zi të Presidentit rus Vladimir Putin. Agjentët, që në zbatim të “embargos” kanë llogaritur pasuritë e fshehura të Putinit, citojnë dëshminë e një ish-këshilltari të tij, Stanislav Belkovski, që prej kohësh është vënë në dispozicion të organeve hetimore ndërkombëtare dhe ka treguar se si një pjesë e mirë e pasurive të presidentit përbëhen nga 75% e Gunvor, 37% e grupit të naftës Surgutneftegaz dhe nga 4.5% e kolosit Gazprom.
Vladimir Putin në Gunvor përfaqësohej deri pak kohë më parë nga Genadi Timçenko, një ish-kolonel i KBG që jeton në Gjenevë dhe tregohet – që nga fillimi i viteve ’80 – si një nga hierarkët më të besuar të presidentit rus.
E themeluar më 1997, për dhjetë vjet Gunvor u bë kompania numër tre në botë për tregtinë e naftës dhe komoditeteve nga Evropa Lindore. Aktualisht administron 30% të eksporteve ruse. si kryetar të grupit, siti i kompanis shfaq zyrtarisht një operator suedez, Torbjom Tornqvist, konsull nderi i Suedisë në Gjenevë, i apasionuar pas barkave (skuadra e tij, Artemis Racing, ka fituar edicionin e 34-t të America’s Cup).
Me zyra në Gjenevë, Amsterdam e Qipro, Gunvor përhapet nëpër botë si një njollë nafte.
Tani edhe në Shqipëri, falë shëbrimit të Harry Sargeant III, ekspert i madh i parajsave fiskale dhe i aleancave “të guximshme”.
Kryeministri shqiptar Edi Rama ndoshta nuk është në dijeni të faktit që të gjitha shoqëritë e Sargeant – përfshirë ato “offshore”, për të cilat Departamenti i Shtetit ka hartën e plotë – janë në “listën e zezë” të qeverisë amerikane dhe nuk mund të operojnë në administratën publike.
Gjykata amerikane për aktet e korrupsionit jashtë vendit i ka përkufizuar aventurat e fundit të manjatit të naftës si “forma më e keqe e përfitimive nga lufta” e pahetuar kurrë, përfundim në të cilin kishte arritur edhe një komision special i Kongresit. Sargeant, gjatë luftës në Irak, kishte siguruar një kontratë me Departamentin e Mbrojtjes për furnizim të ushtrisë amerikane me karburant. Ai administronte transportin e karburantit – nga Jordania në Irak – në regjim absolut monopoli pasi kishte korruptuar me dhjetëra miliona euro një apo më tepër anëtarë të familjes mbretërore jordaneze, të cilët i siguronin ekskluzivitetin e sektorit dhe përjashtimin me forcë të çfarëdolloj konkurrrence.

Pas tri kontratave të para me Departamentin e Mbrojtjes, Sargeant përgatit goditjen e katërt. Në rastin e marrëveshjes prej 2.7 miliardë dollarësh, vendos të përjashtojë ortakun jordanez që i kishte siguruar në fillim licencën e transportit në shkëmbim të pjesëmarrjes në biznes. Ish-marinsi vendos t’i kanalizojë ndryshe përfitimet për të shmangur thelën e madhe jordaneze.
Më 2008, Mohammed al-Saleh, dhëndri i Mbretit të Jordanisë – ortaku i Sargeant – nis procedurën ligjore kundër Sargeant në Gjykatën e Apelit në Florida, duke e akuzar për mashtrim, dhe më 2011 e fiton gjyqin: 29 milionë dollarë dëmshpërblim, plus 3.5 milionë dollarë interesa.
Ndërkaq, gjatë debatit dolën provat e akteve korruptive, të dokumentuara për të paktën 50 milionë dollarë, për të cilat nisën hetime voluminoze.
Në fund, më 2016, falimentimi, vendosur nga Gjykata Falimentare e SHBA.
Çështja bëri bujë, edhe për shkk se Sargeant ishte midis financuesve kryesorë të Partisë Republikane dhe mbështeste ekonomikisht fushatën elektorale të Mitt Romney e John Mc Cain.
Nga thellimi i FBI u zbulua gjeografia ndërkombëtare e komnpanive të Sargeant në parajsat fiskale dhe një mal miliardash të fshehura nga taksat.
Pastaj, e pabesueshme por e vërtetë, pikërisht në muajt e errët të falimentit, mbërritja në Tiranë…
Deri sot, asnjë qindarkë nuk është investuar nga sipërmarrësi nga Florida në afarin shqiptar.
Por shitja te Gunvor – siç pohojnë të mirinformuarit e sektorit – ishte programuar prej kohësh. Dhe provat e shitjes janë në dokumentat e paraqitur nga Gunvor pranë një banke evropiane me filial në Tiranë, si garanci për furnizimin me lëndë të parë të destinuar për rafinerinë.
Po tani, çfarë do të bëjë drejtësia në Tiranë? Është e mundur që në një shtet të së drejtës institucionet të befasohen në mënyrë kaq të bujshme?
Dhe si do të sillet politika, e detyruar tashmë të bëjë llogaritë me thesarin sekret të Vladimir Putin, i vlerësuar në 40 miliardë dollarë dhe tashmë i zbarkuar edhe në Shqipëri falë një ish-piloti me yje e shirita?
Marrë nga Pianetaitalianews.it-Përgatiti: SYRI.net

Është provuar se Edi Rama dhe Erjon Veliaj, kanë nënshkruar ndryshimin e Planit Urbanistik për të bërë një gjë të paparë e të padëgjuar që nga koha e Romës së lashtë, ndryshimin e shtratit të Lumit.
Kjo është arsyeja se pse pardje në parlament u bashkuan kartonat e deputetëve të lidhur me krimin për të hedhur poshtë ligjin për vetingun.
Ti hapin rrugën një Shqipërie ku të gjithë qytetarët bashkë të ndihemi pjesë e një komuniteti, ku Kushtetuta dhe ligji të zbatohen njësoj si për qytetarët ashtu edhe për politikanët, dhe kjo është edhe arsyeja se pse beteja jonë, pastrimi i politikës nga krimi, do të vazhdojë deri në fitoren e saj.
Prononcimi i plotë i kryetari të PD, Lulzim Basha në protestën e banorëve të Unazës së Re
Së pari dua të ju përshëndes ju, gazetarët dhe opëratorët që ndodheni këtu natë për natë me protestuesit, me banorët e unazës së re të cilt ia kane dalë që me qëbdresen e tyre, të rrëzojnë një nga projektet më korruptive në historinë e Europës.
Para disa ditësh po dëgjoja disa banorë që po e analizonin fare qartë atë që ka ndodhur: Në më pak se dy kilometra janë angazhuar tre kompani. Edhe nga ana e menaxhimit të punës, tre kompanie më shumë e ngatërrojnë njëra-tjetrën se sa e përshpejtojnë zhvillimin e projektit në një gjatësi prej vetëm 2 kilometrash.
Është e qartë pra se kompania fantazëm e regjistruar në parajsa fiskale, nuk kishte asnjë rrol tjetër, vetçse të merrte paratë e Edi Ramës dhe ti conte në Amerikë. Të merrte pra, paratë e shqiptarëve që kishte ndërmend ti vidhte Edi Rama dhe ti conte në Amerikë.
E dini se pse e them këtë?!
Është shumë e rëndësishme të kuptoni ju dhe cdo shqiptarë, se ajo që ka ndodhur këtu, nuk mund të ndodhë as si plan i vetëm Damian Gjiknurit, as vetëm i Arben Ahmetajt, as vetëm i Erjon Velisë, por i një autoriteti që është në gjëndje të bëjë koordinimin mes ministrisë së Financave, ministrisë së Ekonomisë, ministrisë së Infrastrukturës, Autoritetit Rrugor Shqiptar, Policisë së Shetit, IKMT, Bashkisë së Tiranës, dhe në të njëjtën kohë ti mbyllë gojën Prokurorisë dhe të njëjtën kohë të urdhërojë Agjencinë e Prokurorimit Publik dhe QKR-në të mbyllin sytë para fallsifikimit.

Shikoni sa agjenci janë, lodhesh edhe po ti numërosh!
Kush e ka autoritetin ti bindë të gjitha këto agjenci të shkelin ligjin me të dyja këmbët?
Për ti mbyllur sytë para një kompanie fantazëm, roli i vetëm i të cilit nuk ishte vetëm të transportonte as asfalt, as zhavorr, por të transportonte paratë që Edi Rama do të vidhte këtu, për në Amerikë, për në kontot bankare në parajsat fiskale.
Duke iu përshëndetur ju dhe të gjithë punonjësit e mediave që kanë qënë këtu gjithë këto ditë, dua t’i bëj një thirrje kryeredaktorëve që ta hapin ekranin gjatë gjithë kohës së protestës. Unë jam këtu dhe ju filloni transmetimin live, por transmertimi live kur këta banorë shprehin nga zemra atë që mund të ndjejnë prindërit në prag festash, që në vend që të përgatisin tavolinën, në vend që të qajnë hallin dhe të gjejnë mundësitë të kënaqin këta vogëlushë, vijnë e protestojnë përditë këtu, këtë ndjeshmëri nuk duhet ta heqin nga ekrani. Këtë ndjeshmëri duhet ta shohin të gjithë shqiptarët se përndryshe, ata që marrin ti heqin nga ekranet protestuesit, të heqin zërin e tyre, të heqin vuajtjen e tyre, i bëjnë një shërbim të keqes dhe bëhën palë me hajdutët.
Së treti dua të them se afera që nisi si korrupsion i pastër me lekët e buxhetit të shtetit, është provuar sot si aferë më e thellë kriminale: Është provuar se Edi Rama dhe Erjon Veliaj, kanë nënshkruar ndryshimin e Planit Urbanistik për të bërë një gjë të paparë e të padëgjuar që nga koha e Romës së lashtë.
Kanë firmos për të ndryshuar Lumin e Lanës për ti hapur rrugë prishjes së shtëpive të mbi 200 familjeve, që most ë cenohet asnjë centimetër katror i një zhvillimi të një trafikanti droge i cili do të ndërtojë atje një objekt me një vlerë prej 60 milionë eurosh.
Ky akt kriminal, tregon se si funksionon sot shteti.
Shtetifunksionon si një shtet hajdut, ku Edi Rama vulos, nënshkruan dhe detyron cdo nëpunës shteti dhe cdo ministër të nënshkruajë akte korruptive si ky i Unazës së re.

Tre lote dy kilometra, ku një nga fituesit ka vetëm një ka vetëm një rol, të ngarkojë paratë e qytetarë e ti transferojë përmes skemës së pastrimit të parave në Amerikë. Ja si funskionin shteti në ortakëri me krimin.
Marrin një territor, i detyrojnë banorët, pronarët e këtij territori ta kalojnë në pronësi të trafikantit të dënuar dhe pastaj zhvendosin shtratin e Lumit, ndryshojnë planin urbanistik, Edi Rama dhe Erion Veliaj sepse kanë firmat e tyre aty.
I bëj thirrje kryeredaktorëve të medias së shtruar dhe medias vizive të mos thonë sipas pretendimeve por të nxjerrin dokumentin sepse është detyrë e medias ta kishte bërë këtë investigim. E ka bërë opozita. Të nxjerrin planin urbanistik të Tiranës të nënshkruar nga Edi Rama dhe Erion Veliaj ku tregohet qartë gjëja më e pamendueshme, më absurd që nga koha e Romës së Lashtë se si i pari i vendit dhe i pari i qytetit zhvendosin Lumin, e zvendosin shtratin e Lumit për të prishur 200 shtëpi vetëm e vetëm që ti mos i preket prona ku ndërton ortaku i Taulant Ballës me firmën e Erion Veliajt, Edi Ramës dhe nesër siç do të dalë me fakte nga selia e PD, edhe me firmën e Ahmetajt.
Tek unaza e Re, këto javë është zhvilluar një betejë qytetare me të keqen. Në fillim dukej se kjo betejë nuk do fitohej sepse Edi Rama suli kundër këtyre banorëve gjithçka; dhunën e gangsterëve që janë të angazhuar që janë angazhuar për të marrë paratë e Unazës dhe ndërtimit atje, dhunën e policisë, sharjet dhe shpifjet e tij, gjuhën e tij të rëndë e të ndyrë duke i etiketuar shpellarë e kadrinj. Shiti mashtrime sikur këta banorë ishin milionerë e po mbronin prona prej shumë miliona eurosh por në fakt milionat po i vidhte vetë Edi Rama. i vunë pra banorët kundër qytetarëve duke u thënë zaptues.
Në fakt secili prej tyre e ka blerë pronën. Ka certifikatën e blerjes së pronës. Gjithsecilit prej tyre e ka blerë pronën dhe është në proces legalizimi, atë që ky e premtoi falas. Pra ka nxjerrë në pah edhe mashtrimin e Edi Ramës.
Por mbi të gjitha ka nxjerrë sot në pah se pse shteti shqiptar nuk u shërben qytetarëve sepse sot shteti u shërben vetëm oligarkëve dhe kriminelëve sepse me ta ka lidhur pakt. Kjo është arsyeja se pse pardje në parlament u bashkuan kartonat e deputetëve të lidhur me krimin për të hedhur poshtë ligjin për vetingun.

Sepse me akte të tilla korruptive si ky i trafikantit të dënuar që zhvendos Lumin e Lanës, kështu është zhvendosur Kushtetuta, ligji, kështu shkelen ditë për ditë të drejtat dhe liritë e qytetarëve për të favorizuar kriminelët dhe oligarkët.
Ndaj kjo betejë është simbolike për një betejë shumë më të madhe që ka nisur në të gjithë vendin, për betejën e studentëve, të cilët e kuptojnë se zgjidhja nuk mund të vijë thjeshtë dhe vetëm nga ulja e tarifave por duhet të vijë nga rrëzimi i sistemit të degjeneruar arsimor, nga rrëzimi i ligjit korruptiv për arsimin. Nga ngritja e sipërmarrjes, së fermerëve, e qytetarëve që kanë bllokuar dhe kanë paralajmëruar bllokimin e rrugëve dhe ulje qepenash sepse shqiptarët paguajnë çmimin më të lartë të naftës dhe energjisë në vendin më të varfër e më të ulët blerëse për të mbushur xhepat e Edi Ramës dhe klikës së kriminelëve dhe oligarkëve me të cilët ai qeveris.
Ndaj fitorja e plotë e kauzës së Unazës së re falë qendresës dhe bashkimit të tyre do të jetë edhe fillimi i një kapitulli të ri në historinë 28 vjeçare të pruralizimit në Shqipëri. Ku për herë të qytetarët tregojnë forcën e tyre, ku për herë të parë qytetarët nuk i merr më peng as krimi i organizuar, as krimineli, as hajduti, as oligarku, as qeveritari i lidhur me ta. Ku për herë të parë siç e thonë prej ditës së parë këtu këtu tek unaza e re; këtu vendosin qytetarët.
Për ne si opozitë është jo vetëm detyrë të jemi në krahun e njerëzve këtu siç jemi përditë por edhe në protesta të tjera që janë zhvilluar, është jo vetëm detyrë të mbështesim pa kushte protestat dhe kërkesat e studentëve, por është po kështu edhe një frymëzim që të shohim se si aty ku qytetarët me të vërtetë vendisin të ngrihen, aty bie e keqja.
Le të jetë ky mësimi jo vetëm fundi i këtij viti të vështirë për shqiptarët por edhe shpresa për vitin e ri që po vjen, shpresa që kjo sakrificë e banorëve të unazës, sakrifica e studentëve dhe vendosmëria e tyre për tu përballur, ti hapin rrugën një Shqipërie ku të gjithë qytetarët bashkë të ndihemi pjesë e një komuniteti, e një familje ku e keqja të mos na hedhë më kundër njëri tjetrit ku kushtetuta dhe ligji të zbatohen njësoj si për qytetarët ashtu edhe për politikanët, dhe kjo është edhe arsyeja se pse beteja jonë, pastrimi i politikës nga krimi, do të vazhdojë deri në fitoren e saj.