15.5 C
Tirana
E hënë, 5 Maj, 2025
type here...

Urgjent!

Nga Erl Kodra

Banorët e Unazës që do t’u shembin shtëpitë duhet të bëjnë një padi urgjente në Gjykatën Administrative në Tiranë, ku mes të tjerash, të kërkojnë që kjo Gjykatë të nxjerrë një Urdhër (Vendim i Ndërmjetëm) që pezullon çdo aksion ose veprim kundër shtëpive të tyre.
Krahas kësaj, ata duhet të bëjnë një padi në Gjykatën Kushtetuese (!!) meqenëse kjo është një çështje e të Drejtave të Njeriut. Pavarësisht faktit që Gjykata Kushtetuese nuk funksionon, minimalisht ata duhet ta regjistrojnë çështjen e tyre në këtë Gjykatë.
Gjithashtu, ata duhet të bëjnë një padi në Gjykatën Europiane të të Drejtave të Njeriut, duke nënvizuar faktin e mungesës së Gjykatës Kushtetuese, dhe në këto rrethana, ata t’i kërkojnë kësaj Gjykate një Vendim Urgjent për Masa të Përkohshme (Interim Measures).
Në të gjitha çështjet urgjente, Masat e Përkohshme nga Gjykata Europiane e të Drejtave të Njeriut jepen brenda 24 orësh, madje edhe brenda ditës.
Sigurisht ka edhe mundësi të tjera ligjore, siç është ankesa në Komitetin e OKB-së për të Drejtat e Njeriut në Gjenevë, për shkeljen e nenit 11 të Konventës Ndërkombëtare për të Drejtat Ekonomike, Sociale dhe Kulturore nga Shqipëria.
Ata që kanë kontakte me këta banorë, ju lutem t’i informojë ata për mundësitë ligjore që kanë akoma në dispozicion. Do të ishte ideale që një grup avokatësh i të Drejtave të Njeriut t’i asistojë ata në rrugën që duhet të ndjekin.

Pse Rama ka bllokuar arrestimin e Vangjush Dakos

Partia Demokratike kërkoi sërish sot arrestimin e kryebashkiakut të Durrësit Vangjush Dako, pasi lidhjet e tij me bandën e Avdylajve janë të provuara dhe faktet ndodhen në dosjen 339. Deputeti i Partisë Demokratike Xhemal Gjunkshi me në një deklaratë për mediat tha se, Vangjush Dako duhet të ndëshkohet me burg pasi në dosjen 339 dëshmohet lidhja e tij më bandën e Avdylajve. 
“Prej gati një muaji, qytetarët janë njohur me denoncimin e Partisë Demokratike se Vangjush Dako është peshku i madh i dosjes 339!
Denoncimi i Partisë Demokratike u provua i vërtetë, kur disa nga përgjimet e dosjes 339 u bënë publike me arrestimin për trafik ndërkombëtar droge të bandës së Avdyljave.
Nëpërmjet dosjes 339 Partia Demokratike u faktoi shqiptarëve se qeveria e Edi Ramës nuk i ka fituar zgjedhjet, por i ka vjedhur, i ka blerë së bashku me bandat për të sunduar shqiptarët.
Vangjush Dako është një nga personat kyç për blerjen kriminale të pushtetit ilegjitim të Edi Ramës.
Shkarkimi i kryebashkikaut të Durrësit duhet të ishte veprimi i parë që duhet të kishte bërë një kryeministër i pakapur nga krimi,

Arrestimi duhet të kishte qenë vendimi i menjëhrshëm një prokurorie të pakapur nga qeveria dhe krimi.
Vangjush Dako meriton të ndëshkohet me burg për blerjen e votave nëpërmjet bandave dhe për shpërblimin me tendera, punë publike dhe favore të tjera për krimin që i siguroi votat.
Në Dosjen 339 ndodhen qindra faqe me përgjime që vertetojnë lidhjet e bandes kriminale të qeverisë me bandën e Avdylajve, në Durrës dhe Shijak.
Biseda e shkurtit 2017 me bandën Avdylaj, me nofkën Niçja, ku i premton favore, e vërteton më së miri përmasën e skandalit Dako.
Nëpërmjet përgjimeve, shqiptarët kanë parë sesi banditët drejtojnë një kryebashkiak dhe caktojnë pushtetin e një kryeministri.
Edi Rama po tenton bllokimin e dosjes 339, sepse me arrestimin e Dakos zbardhet me prova ligjore denoncimi i opozitës dhe konstatimi i vëzhguesve ndërkombëtarë se si zgjedhjet e vitit 2017-s u blenë.
Këto fakte janë një apel, për të gjithë miqtë e Shqipërisë, për qytetarët e ndershëm që kerkojnë dhe dëshirojnë që në këtë vend të ketë liri, te ketë demokraci, që në ketë vend të sundojë ligji dhe jo krimi.”-deklaroi deputeti i PD-së.

Rrugëtimi i “refugjatit” Gruevski nëpër Ballkan

Hungaria i kërcënon refugjatët me burg, nëse hyjnë ilegalisht në vend. Por me sa duket ligji nuk vlen për mikun e Viktor Orbanit, ish-kryeministrin maqedonas në kërkim ndërkombëtar, Nikola Gruevski.
Ai është i dënuar, nuk ka dokumente dhe kërkohet në vendlindje, sepse e ka mashtruar shtetin duke i marrë shumë para. Ai është kreu i një klani kriminelësh dhe me gjasë duhet të ketë në zotërim disa telefona smartphone. Ai ka shkuar ilegalisht në Budapest dhe ka kërkuar azil, për t’i ikur një dënimi prej dy vjetësh në vendin e tij.
Viktor Orban e pranon krahëhapur këtë refugjat kriminel. Sepse bëhet fjalë për mikun e tij dhe shokun e idealit, Nikola Gruevski që 10 vjet drejtoi fatet e Maqedonisë, si kryeministër.
Orbani thotë, ai nuk do refugjatë, që nuk përshtaten me kulturën hungareze. Por Nikola Gruevski i shkon shumë për shtat kulturës së Orbanit. Të dy janë autokratë, që brenda pak vitesh i kanë shkatërruar strukturat demokratike, të drejtat qytetare dhe lirinë e shtypit në vendet e tyre. Të dy janë të korruptuar, dhe i kanë bërë shumë të pasur disa miq apo anëtarë të klaneve të tyre. E të dy luftojnë kundër ardhjes së refugjatëve dhe punojnë me teori komplotiste.

Bagazhi që Gruevski mori me vete në Hungari…
Në vitin 2014 ishte Gruevski ai që luftoi, që Maqedonia të shpallej “vend i sigurtë origjine”, po duket se tani ai vetë nuk e po quan vend të sigurtë. Ishte po ai që në marsin e vitit 2016 mbylli kufirin me Greqinë duke e mbyllur kështu edhe itinerarin e Ballkanit. Për këtë atij i shtrohej qilimi i kuq nga konservatorët e populistët e djathtë në Europë. Kancelari austriak, Sebastian Kurz fluturoi madje në Shkup për të bërë fushatë për të. Në një kohë që lista e akuzave kundër Gruevskit ishte e gjatë. Ai lejoi përgjimet ilegale të dhjetëra mijëra qytetarëve, burgosi gazetarët kritikë, u përpoq të fshihte vdekjen e një të riu, që u eliminua nga forcat e sigurisë, dhe madje edhe për vetë marrëdhëniet “ballkaneze” ishte shumë i korruptuar.
Viktor Orban nuk e vret shumë mendjen për këtë – përkundrazi. Në maj mediat e afërta me Orbanin blenë disa mediat maqedonase, që atëherë u bien daulleve për Gruevskin. Njeriu që mbylli itinerarin e Ballkanit është vetë një migrant ilegal. Pasaporta e tij u konfiskua nga autorietetet maqedonase për shkak të rrezikut të arratisë, prandaj atij iu desh të kontrabandohej me disa automjete diplomatike hungareze nëpër disa kufij. Ligjet që bëjnë populistët e djathtë me sa duket nuk vlejnë për vetë ata.
A mund t’i ndodhte kjo Nikola Gruevskit?
Sepse nëse Nikola Gruevski do të ishte vetë një refugjat normal, nuk kishte pse të hynte në Hungari. Ai duhet të priste në qendrën e tranzitit në kufirin serb derisa të vendosej për kërkesën e tij. Kërkesa do të refuzohej, sepse ai nuk mund të paraqiste një pasaportë të vlefshme udhëtimi. Ndoshta Gruevski do të ishte përpjekur në një rast të tillë të udhëtonte ilegalisht përmes Bosnjes deri në kufirin kroat. Por atje ai do të ngrinte nga të ftohtit në çadrat e improvizuara dhe do të ishte i varur nga aktivistët që ndihmojnë refugjatët, të cilët ai dhe miqtë e tij populistë i kanë kriminalizuar dhe i kanë ndjekur penalisht.
Ndërkohë që në përpjekjen për të kaluar kufirin kroat, mund të kishte ndodhur që policët kroatë t’i kishin thyer ndonjë këmbë, ose mund ta kishin qëlluar, si më 31 Maj, kur u qëllua me armë ndaj një autobusi duke u plagosur dy fëmijë.
Por sigurisht të gjitha këto nuk do t’i ndodhnin, Nikola Gruevskit, sepse ai nuk është refugjat lufte, por një kriminel me influencë. Një autokrat i korruptuar, që ka vjedhur popullin e tij dhe që tani i trembet burgosjes.

Një shaka?
Nikola Gruevski madje ka futur në politikë teorinë më të dashur komplotiste të Viktor Orbanit, ajo që miliarderi hebre, George Soros në prapaskenë lëviz fijet, që të islamizojë Europën përmes emigrantëve. Orbani e bëri të tijën këtë narrativë dhe si temë kryesore të fushatës së fundit elektorale. Pra burri i dikurshëm i fortë i Maqedonisë, ka dëmtuar keqazi jo vetëm vendin e tij, por ka futur në sallonet e politikës një teori antisemitiste komplotiste. Prandaj mund të paramendohet se trajtimi i kërkesës për azil mund t’i sjellë favore…
Mendoni se kjo është shaka? Jo nuk është. Kur një zëdhënës i partisë hungareze, Fidesz u pyet për Gruevskin, ai tha “Hungaria u ofron të gjithë të përndjekurve mbrojtje, dhe Nikola Gruevski kërcënohet nga qeveria maqedonase, që ndodhet nën influencën e George Sorosit.”
Rasti Gruevski hedh dritë mbi një problem bazë të demokracive në Europën Lindore. Pushtetmbajtësit në Hungari, Rumani, Bullgari, Serbi, Mal të Zi e vende të tjera janë të korruptuar e duhet të llogarisin një ditë që edhe mund të burgosen, nëse pushteti i tyre merr fund. Prandaj ata janë të gatshëm të bëjnë gjithçka, që të mbajnë postet e tyre, pa e çarë kokën për shtetin ligjor e demokracinë. Viktor Orban dhe Nikola Gruevski janë të dy tipi i këtij politikani dhe prandaj është logjike që njëri i hap krahët tjetrit, edhe kur nuk është ndonjë mik i madh i refugjatëve.
Krsto Lazarević ka lindur në Bosnjë -Hercegovinë dhe si fëmijë ka ardhur refugjat në Gjermani bashkë me familjen. Sot ai jeton në Berlin, punon si gazetar dhe publicist dhe shkruan për media të ndryshme në gjuhën gjermane

Çështja e Brexit, May kërkon ndihmë nga Brukseli

“Një ndërrim në lidership nuk i bën negociatat aktuale më të lehta dhe nuk ndryshon gjë në aritmetikën parlamentare”, deklaroi Theresa May në intervistë te Sky News. Ajo edhe mund t’u kishte thënë Brexitasve të vijës së ashpër në partinë e saj: bëni çfarë të doni, por jeni ju që e trashëgoni rrëmujën. Dhe njëkohësisht kryeministrja bëri të ditur se ka në plan që të kthehet që këtë javë në Bruksel, për të negociuar atje më tej me shefin e Komisionit Evropian Jean-Claude Juncker.
Marrëveshja është marrëveshje, por…
May foli për negociata në vazhdim me BE dhe ajo e përdor këtë formulim për të zbutur kritikët e saj në kabinetin qeveritar britanik. Një grup i kritikëve të saj kërkon që ajo të vazhdojë edhe më tej përpjekjet për t’i marrë lëshime Brukselit. Por May e di se kjo nuk ka shanse, sepse si qeveria franceze, ashtu edhe kancelarja Angela Merkel në Berlin e kanë bërë të qartë, se marrëveshja nuk do të rinegociohet më. Pra ajo që kërkon kryeministrja britanike janë disa bonbone, të cilat në metrat e fundit para takimit të nivelit të lartë të BE të dielën e ardhshme mund të futen ende në të ashtuquajturën “deklaratë politike”. Në të skicohet, si e përfytyron BE raportin midis të dyja palëve pas Brexitit.
Është fjala për një dokument me shtatë faqe, në të cilin me viza hyrëse deri tani janë përshkruar vetëm temat për negociatat e mëvonshme. Marrëdhëniet e ardhshme tregtare për shembull do të zhvillohen mbi bazën e një bashkimi doganor, siç janë përcaktuar tashmë si siguri për Irlandën e Veriut në marrëveshjen e ndarjes. Këtu May mund të përpiqej që të marrë premtime më konkrete nga BE, për të mundur që ta shesë me ndihmën e tyre më mirë paketën në Britaninë e Madhe.

Njëra nga kritikat kundër marrëveshjes është që Britania e Madhe po e blen derrin në thes, përsa i përket raportit të ardhshëm. Por kjo nuk do të ndryshojë në mënyrë rrënjësore. Deklarata politike nuk është e detyrueshme nga ana juridike. Qeveritë e BE mund ta ndryshojnë mendimin e tyre më vonë në çdo kohë. Sepse deri tani kanë qenë të preokupuar vetëm me ndarjen, negociatat e vërteta për të ardhmen ende nuk kanë nisur. Ato do të zhvillohen vetëm pas Brexitit dhe ndoshta do të zgjasin me vite.
Edhe më tej e ardhme e pasigurt
Thuajse nuk ekzistojnë shanse, që Theresa May të arrijë në Bruksel lëshime që ia vlen t’i përmendësh. Po të arrihet me të vërtetë të formohet grupi për mocionin e votëbesimit brenda partisë së saj, ithtarët e vijës së ngurtë mund të vepronin që në fillim të javës. Besohet se May votimin vërtet mund ta mbijetojë politikisht, por kundërshtarët e saj besojnë që ajo do të dëmtohet rëndë.
Pengesa vendimtare është parlamenti, ku aktualisht nuk ka shumica për një marrëveshje. Shefi i laburistëve, Jeremy Corbyn bëri të ditur sërish të dielën se partia e tij do të votojë kundër. Të njëjtën gjë ka thënë partia skoceze SNP, disa liberalë dhe deri më sot edhe DUP irlandezoveriore. Po t’i shtosh këtyre edhe disa dyzina mbështetësish të vijës së ashpër, në këtë gjendje duket thuajse e pashpresë që marrëveshja të miratohet në parlament.

Shqiptarët e paguajnë karburantin më shtrenjtë se çdo vend tjetër në Europë

Shqiptarëve u duhen mesatarisht 10.3% të të ardhurave ditore për të blerë një litër benzinë, duke e renditur në këtë mënyrë në shtetin europian që ka karburantin më të shtrenjtë në Europë, në raport me të ardhurat për frymë (pa përfshirë vendet e Ish Bashkimit Sovjetik).
Ndërsa në botë renditet në vendin e 15, me vendet të tilla si Afganistani, Zambia, Haiti, Etiopia, Kamboxhia, Bangladeshi (shiko tabelën në fund).
Të dhënat janë përllogaritur nga Monitor, bazuar në të ardhurat për frymë të publikuara nga Fondi Monetar Ndërkombëtar dhe Global Petrol Price për benzinën. https://ëëë.globalpetrolprices.com/gasoline_prices/
Një litër benzinë në Shqipëri kushton 1.48 euro, ndërsa të ardhurat ditore për frymë janë 14 euro (ndër më të ulëtat në Europë, bashkë me Kosovën).
Teksa në vlerë absolute, benzina në Shqipëri është pak më e lirë se në vende të tjera të Europës, si Francë, Portugali, Finlandë, Greqi, Holandë, Itali, në raport me të ardhurat për frymë ajo është shumë më e shtrenjtë.
Në Francë, e cila prej disa ditësh është mbërthyer nga protesta masive për shtrenjtimin e çmimeve të naftës, qytetarëve të saj u duhen vetëm 1.3% të të ardhurave ditore, pra 10 herë më pak se shqiptarëve. Italianëve u duhen 1.8% të të ardhurave ditore, holandezëve 1.1%, grekëve 2.9%.

Pas Shqipërisë, në Europë, nafta është më e shtrenjtë në vendet e rajonit, ku në Bosnjë duhen 7.6% të të ardhurave ditore, në Maqedoni 7.2% dhe në Bosnjë 7.1%.
Në botë, nafta më e shtrenjtë është në Afghanistan dhe Zambia, ku banorëve u duhen përkatësisht 42 dhe 38% e të ardhurave ditore për të blerë një litër karburant. Ndërsa më e lirë në botë është në Venezuelë, me vetëm 0.1%.
Pse nafta në Shqipëri është kaq e shtrenjtë
Operatorët vendas pohojnë se taksat e larta që paguajmë për naftën janë arsyeja kryesore se pse Shqipëria ka çmime kaq të shtrenjta të karburanteve, ku mbi 60% të çmimit e përbëjnë taksat.
Në Shqipëri nafta taksohet si vijon:
-Akciza, 37 lekë për litër;
-Taksa e qarkullimit, 27 lekë për litër;
-Taksa karbonit, 3 lekë për litër.
Krahas tyre, vitet e fundit në kosto janë përfshirë dhe tarifa e markimit dhe ajo e skanimit, nga 1 lekë për litër secila, dhe taksa e rilicencimit prej 3 lekë/litër. TVSH totale i arrin 30-40. Nga 182 lekë që paguajnë për naftën sot konsumatorët, 100-110 lekë shkojnë si taksa për shtetin. Një tjetër koncesion është në horizont, ai për pompat e naftës, kosto e të cilit pritet të shkarkohet sërish tek çmimi final.
Teksa Shqipëria po planifikon të bëjë një pjesë të madhe të rrugëve me pagesë, që ka filluar tashmë të zbatohet për Durrës-Kukës, shqiptarët po i paguajnë dy herë taksat, njëherë në çmimin e naftës si taksë qarkullimi dhe një herë direkt, kur kalojnë rrugën e Kombin, aktualisht, dhe më pas kur të fillojë taksimi tek të tjerat.

Trump: Jam një ndër presidentët më të mirë amerikanë

Pothuajse në gjysmën e mandatit të tij katërvjeçar në Shtëpinë e Bardhë, Presidenti Donald Trump thotë se e sheh veten në mesin e presidentëve më të mirë amerikanë.
“Do t’i jepja vetes një A +,” tha Trump në një intervistë me Fox News Sunday. “A mund të shkoj më lart se kaq?”
Por presidenti Trump, në një intervistë të regjistruar në Shtëpinë e Bardhë, të premten dhe të transmetuar të dielën, pranoi një gabim në gjykim, duke thënë se duhet të kishte shkuar të hënën e kaluar në Varrezat Kombëtare të Arlingtonit për të përkujtuar Ditën e Veteranëve duke nderuar ata që kanë shërbyer në forcat e armatosura amerikane ose që shërbejnë aktualisht në një nga degët e saj ushtarake.
“Në retrospektivë, duhet të kisha shkuar,” i tha presidenti Trump intervistuesit Chris Wallace. Udhëheqësi amerikan, i cili ende nuk ka vizituar trupat në ndonjë zonë lufte jashtë vendit, tha gjithashtu, “Ka gjëra që po planifikohen, do ta bëj këtë.” Ai nuk pranoi të komentonte se kur mund të ndodhte një vizitë e tillë për shkak të shqetësimeve të sigurisë.
Në zgjedhjet e 6 nëntorit për në kongres, demokratët e opozitës morën kontrollin e Dhomës së Përfaqësuesve për herë të parë në tetë vjet dhe fituan garat për guvernatorë në shtetet industriale që ishin të rëndësishme në zgjedhjet presidenciale në vitin 2016.
Por presidenti Trump nuk pranoi fajësinë për humbjet sepse emri i tij nuk ishte personalisht në fletëvotime, edhe pse ai tha në disa tubime politike përpara zgjedhjeve se votuesit duhet t’i vlerësonin zgjedhjet si një referendum për politikat dhe ecurinë e punës së tij gjatë 22 muajve të parë të presidencës.
“Fitova Senatin dhe kjo është historike,” tha Trumpi. “Kjo është një fitore e madhe.” Partia republikane e presidentit Trump mund të shtojë dy vende në bllokun e tanishëm 51-49 të shumicës në Senat, kur të vendosen dy gara të kontestuara.

Studimi, alkooli dhe duhani më të rrezikshëm se droga

Një studim britanik tregon se konsumimi i alkoolit dhe cigareve përbën rrezikun më të lartë për shëndetin e njeriut – madje edhe nga narkotikët.
Deri më sot, është konsideruar se narkotikët, dhe sidomos barnat “e rënda”, janë rreziku më i madh shëndetësor, si në aspektin e vdekshmërisë dhe në disa lloje të aftësisë së kufizuar.
Por sipas një studimi të ri, përdorimi i alkoolit dhe cigareve drejtpërdrejt ndikon në shëndetin e 250 milionë njerëzve në mbarë botën, në krahasim me drogat ilegale që ndikojnë drejtpërdrejt dhjetëra miliona.
Sipas të dhënave, çdo i shtati banor është një duhanpirës kudo në botë, dhe çdo i pesti është një herë në muaj në kushte alkoolike.
Evropa Perëndimore, Qendrore, Lindore dhe kanë konsumin më të lartë të alkoolit për person, si dhe numrin më të madh të alkoolistëve të regjistruara (50.5% Evropën Qendrore, 48% e Lindjes dhe 42% në Evropën Perëndimore).

Sa i përket konsumit të duhanit, prin Evropa Lindore me 24.2%, e ndjekur nga Evropa Qendrore me 23.7% dhe ajo Perëndimore me 21%.
Në përdorimin e drogave ilegale prin marihuana, e cila ndikon në shëndetin e çdo personi të njëzet, ndërsa shkalla e përdorimit të amfitamimave, opioideve dhe kokainës është ende më e ulët se marihuana, dhe ndikimi i tyre direkt në shëndet në kuptimin global është më i vogël.
Megjithatë, ka shtete ku përdorimi i drogës është dukshëm më i lartë se mesatarja. Prin SHBA ku të dhënat zyrtare të marihuanës tregojnë 749 raste në 100,000 njerëz, opioidet (650 për 100,000) dhe kokaina (301 raste për 100,000 njerëz).
Australia dhe Zelanda e Re kanë shkallën më të lartë të varësisë nga amfetamina (491 për 100,000 njerëz), por gjithashtu kanë norma të larta të drogave të tjera ilegale: marihuanë (694 për 100,000) opioide (510 për 100,000) dhe kokainë (160 në 100,000 njerëz).
Sipas analizës të studiuesve, është e qartë se alkooli dhe cigaret janë më masive dhe njëherësh veset më të rrezikshme për shëndetin e njeriut, por kjo nuk do të thotë se përdorimi i drogës është në rregull, por nevojitet që të gjitha varësitë negative të largohen nga jeta.

6 mënyra efektive për të larguar dhimbjen e kokës

Dhimbjet e kokës ndodhin. Lajmi i mirë është se ka disa gjëra të thjeshta që mund t’i bëni për të lehtësuar dhimbjen pa ndonjë recetë të doktorit ose tableta.
Provoni të vendosni diçka të ftohët në kokë
Nëse keni migrenë, vendosni një gjë të ftohët në ballin tuaj. Copëza akulli të mbështjella në një peshqir, ose një dush i ftohët mund t’ju lehtësoj dhembjet. Mbani atë të vendosur për 15 minuta, pastaj largojeni për 15 minuta.
Përdorni një jastëk të ngrohët ose kompresorë
Nëse keni dhembje nga tensioni, vendosni një jastëk të nxehtë në qafën ose mbrapa kokës. Nëse keni dhimbje nga sinuset, mbani një rrobë të ngrohtë në zonën që dhemb. Një dush i nxehët mund të ndihmojë gjithashtu.
Presionet e lehta në kokë
Nëse keni kapur flokët dhe i keni shtrënguar shumë, mund t’ju ketë shkaktuar dhimbje të kokës. Ato mund të vijnë edhe si pasojë e veshjes së një kapele, shiriti apo edhe syzeve të notit që janë shumë të ngushta. Në një studim, gratë që kishin lënë flokët e lira e panë që dhimbja e kokës u ishte zhdukur.

Dritat
Drita e madhe ose dritat lëvizëse, madje edhe nga ekrani i kompjuterit, mund të shkaktojnë migrenën. Nëse jeni të prirë t’i keni këto dhembje, mbuloni dritaret me perde që ndalojnë diellin. Vëni syze dielli kur jeni jashtë. Gjithashtu mund t’i shtoni ekranit të kompjuterit ndalues të ndriçimit dhe të përdorni llamba fluoreshente në instalimin e dritave.
Provoni mos të përtypni
Çamçakëzi jo vetëm që mund të lëndoj nofullën, por edhe kokën gjithashtu. E njëjta është e vërtetë për përtypjen e gishtërinjve, buzëve, dhe brendësinë e faqeve, ose ndonjë gjë që mbani në dorë siç janë lapsat. Sigurohuni që merrni kafshata të vogla gjatë ushqimit. Nëse kafshoni dhëmbët gjatë natës, pyesni doktorin tuaj për mbrojtëse të dhëmbëve. Kjo mund të lehtësojë dhembjet e hershme të kokës
Merrni kafeinë
Pini çaj, kafe, ose diçka me pak kafeinë. Nëse e merrni më herët mund të lehtësoj dhimbje e kokës. Ajo gjithashtu mund të ndihmojë lehtësuesit e dhimbjeve të punojnë më mirë. Vetëm mos pini shumë, sepse tërheqja nga kafeina mund të shkaktojë dhimbje koke gjithashtu.
Praktikoni relaksues
Edhe nëse bëni zgjatje, yoga, ose relaksime të muskujve, të mësuarit si të qetësoheni në mes dhimbjeve të mëdha të kokës mund të ndihmoj në lehtësim.
Provoni masazhe
Mund ta bëni edhe vet. Disa minuta masazh të qafës dhe mund të ndihmojë në lehtësimin tensionit në kokë, që mund jetë si shkak i stresit

Personat që shtyjnë alarmin janë më inteligjentë

Opsioni për shtyrjen e alarmit në përgjithësi ka një reputacion të keq.
Personat që e përdorin këtë opsion shpeshherë emërtohen si dembelë dhe të padisiplinuar, ndërkaq shumë njerëz besojnë se duke fjetur 10 minuta më shumë pasi të bie alarmi vetëm e dëmtoni ritmin tuaj circadian.
Nëse jeni në mesin e këtyre njerëzve, atëherë shkenca ka një lajm të mirë për ju: ju mund të jeni shumë më inteligjentë, më kreativë, madje edhe më të lumtur sesa ata që zgjohen menjëherë posa të bie alarmi.
Ky studim e ndërlidhë shtyrjen e alarmit me kreativitet, inteligjencë dhe me një shpirt të pavarur.
Autorët e këtij studimi, Satoshi Kanazawa dhe Kaja Perina argumentojnë se ne jemi të adaptuar të jetojmë (dhe të flemë) sikurse paraardhësit tanë – që nënkupton të flemë herët dhe të zgjohemi herët – ndërsa aftësia për t’u adaptuar me jetën moderne është shenjë e një inteligjence të jashtëzakonshme.

Veliaj nis prerjen e pemëve tek Unaza e Re, banorët ngihen në revoltë, inspektorët e AP në vendgjarje

Banorët e Unazës së Re e kanë nisur sot ditën e 16 të protestës së tyre jashtë radhe. Protestj ka nisur paradite, jo siç ishte parashikuar për pasdite, e provokuar nga punonjësit e firmës Sallilari, që po pret pemët në të dy krahët e rrugës ku do të zbatohet projekti i zgjerimit të rrugës.
Banorët i janë drejtuar në grup, punonjëve të firmës dhe i kanë detyruar të lënë punën, ndërsa një ekskavatori të largohet prej tyre.
Policia është e pranishme për të shmangur konfrontimet.
Po ashtu, një ekip nga Avokati Popullit po ndjek situatën nga afër.
Inspektori i AP tha se “po e mbikqyrim situatën dhe kemi ardhur për ta ndjekur në rrugë administrative.
Qëndrimin zyrtar e ka mbajtur vetë Avokatja e Popullit, dy ditë më parë. Ne po mbledhim informacion në terren por jemi dhe duke ndjekur rastin e zonjës, e cila kallëzoi dhunën që ushtroi mbi të Policia”.
Avokati i Popullit njoftoi dy ditë më parë se ka nisur hetimet për këto zhvillime tek Unaza e Re dhe solli në vëmendje të publikut se Bashkia e Tiranës nuk ka leje për kryerjen e punimeve.

1...5 1245 1255 126...8 281Faqja 5 125 nga 8 281

Kryesore

Continue to the category
Më shumë
© 2024 Rilindja Demokratike Euroatlantike