Një debat politik ka sjellë vrasjen e ish-drejtuesit demokrat të pushtetit vendor në Selenicë.
Ditën e djeshme në gjykatën e Vlorës, ka dalë përpara togave të zeza, Admir Delaj 44 vjeç nga Selenica për vrasjen e ndodhur 2 ditë më parë në fshatin Selenicë të Vlorës. Ai ka pranuar ekzekutimin me çifte të Fatmir Hodos, i cili ka pasur më herët detyrën e kreut të Njësisë Administrative Kote, si përfaqësues i Partisë Demokratike.
Në seancën e djeshme, Admir Delaj ka shfaqur pendesë të thellë për ngjarjen e ndodhur; “Kam qenë në gjendje të dehur. Jam penduar për atë që kam bërë. Gjithçka ka ndodhur pas një konflikti të çastit që kemi pasur me njëri-tjetrin. Jam shumë i penduar”, është shprehur autori.
Në rrëfimin e tij, Delaj, ka pranuar se gjakrat janë nxehur dhe për shkak të një debatit politik që kanë pasur. 44-vjeçari, i njohur si simpatizant i PS-së me aktivistin e Partisë Demokratike që mbeti i vrarë. Sipas dëshmisë autori ka debatuar me përfaqësuesin e PD-së në Bashkinë Selenicë për faktin, se përse fshati Gumenicë, ku ai jeton, nuk është përfshirë në projektin e qeverisë “100 fshatrat”.
Admir Delaj akuzohet për veprën penale “Vrasje me dashje”, por nuk është ngritur akuzë për armëmbajtje pa leje, pasi ka rezultuar se armët e gjahut të sekuestruara kanë qenë me leje. Pasi është dëgjuar prokurori dhe avokati mbrojtës, gjyqtari vendosi masën e sigurisë “arrest në burg” për 44-vjeçarin.

Drejtoria e Kufirit dhe Emigracionit ka bërë të ditur para Komisionit parlamentar të Sigurisë Kombëtare se është në diskutime me kontraktues privat për të mbuluar të gjitha shërbimet në pikat kufitare në vendin tonë.
Në këtë mënyrë, duket se as doganat shqiptare nuk do t’i shpëtojnë koncesionit me formulën e Partneritetit Publik Privat.
“Kemi parashikuar që në bashkëpunim me doganat të krijojmë një njësi shërbimi me kontraktues. Jemi në tratativa të mbyllim marrëveshjen dhe të vendosim pjesën që do të financojmë ne, ose mund ti ndajmë me pika ose pjesë buxheti. Ta bëjmë tenderin”, sqaron Pëllumb Aliaj.
Për ti dhënë fund problemeve në kontrollet e pasaportave të personave që hyjnë dhe dalin në territorin shqiptar, është kërkuar të vendosen 200 lexues optikë. Ndërkohë 3 milionë euro janë kërkuar për monitorimin e hapësirës në betejën me trafikun e lëndëve narkotike.
“Të sigurojmë një fond që të arrijmë në kufirin 20% të vlerës totale të projektit, që të mund të bëjmë procedurën e prokurimit. 50-80 milion lekë sa të bëjmë procedurën. Të punojmë në dy pikat që i kemi më problematike, në Himarë”, shton Pëllumb Aliaj.
Rreth 25% e armatimit të policisë, e cila pritet të zëvendësohet vitin e ardhshëm, do ti kushtojë shtetit rreth 100 milion lekë.

Banorët e zonës së “Astirit” te Unaza e Re vijojnë protestën kundër prishjes së banesave dhe bizneseve të tyre.
Protestën e sotme, u provokua edhe nga një “argument” më shumë, nga deklaratat fyese e kryebashkiakut ët Tiranës Erion Veliajt, ku i etiketoi protestuesit si “shpellarë”.
Gjatë protestës së sotme, një protestuese ka djegur fotografinë e kryebashkiakut, ndërsa paralajmëroi se, “Fotografinë e Erionit e dogja, nuk e dua më për kryetar bashkie, çe do, 5 vota nga shtëpia ime, dhe na nxjerr rrugëve. Do të protestojmë deri në vdekje, atje brenda le të më zërë, deri në fund”.
Një tjetër protestues i irrituar ka “kërcënuar” dhe paralajmëruar kryebashkiakun, kur u shpreh se, “Do të veshim me fustan siç bëmë me Damian Gjiknurin mbrëmë… Eja, eja këtu bashkë me ne”.
Protesta e sotme e banorëve të zonës së “Astirit” te Unaza e Re ka përfunduar pas rreth dy orësh. Banorët kanë njoftuar se protesta e radhës do të mbahet nesër neser.
Protesta e radhës nesër në orën 17:00
Ka përfunduar pas 1 orë e 40 minutash, protesta e banorëve të zonës së “Astirit” në kryeqytet të cilët kundërshtojnë prishjen e banesave dhe bizneseve të tyre, për ndërtimin e “Unazës së Madhe” pa marrë 100% dëmshpërblim për pronën e tyre.
Ndryshe nga protestat e 10 ditëve të tjera, sot situata u agravua në djegie të gomave, hedhje shashkash, thirrje kundër kryebashkiakut, e djegie të flamurit të “RILINDJE-s”, kjo pasi u ndjenë të ofenduar nga etiketimi nga Veliaj si shpellarë.

Banorët kanë njoftuar se protesta e radhës do të mbahet nesër në orën 17:00.
Kujtojmë se protestuesit ndonëse kishin paralajmëruar se protesta do të zvillohej mbrëmjen e nesërme, deklaratat e Veliajt, ku u shpreh se, “shpellarët” nuk do të mund të pengonin “Unazën e madhe”, kanë bërë që banorët të dalin në rrugë, dhe ndryshe nga ditët e tjera, i kanë vënë flakën gomave e kanë gjuajtur shashka, për të bllokuar rrugën, në shenjë proteste kundër Veliajt.
Më herët një protestuese ka djegur fotografinë e kryebashkiakut, ndërsa tha: “Fotografinë e Erionit e dogja, nuk e dua më për kryetar bashkie, çe do, 5 vota nga shtëpia ime, dhe na nxjerr rrugëve. Do të protestojmë deri në vdekje, atje brenda le të më zërë, deri në fund”.
Ndërsa një tjetër protestues i irrituar ka paralajmëruar kryebashkiakun: “Do të veshim me fustan siç bëmë me Damian Gjiknurin mbrëmë te Eni Vasili. Eja se do të vdesësh këtu bashkë me ne”.
Kujtojmë se ndonëse Bashkia është shprehur se do të garantojë një bonus qiraje për 3 vjet për banorët që preken nga ky projekt, banorët shprehen të vendosur se nuk do të lejojnë shembjen e banesave dhe bizneseve të tyre nëse nuk do të dëmshpërblehen për 100% të vlerës.

Deputeti i Partisë Demokratike, Agron Shehaj e ka cilësuar figurën e Mid’hat Frashërit, si një nga patriotët më të mëdhenj të vendit.
Ai tha se rikthimi i eshtrave të tij në vendin tonë është rivënia e historisë në vendin e duhur.
I ftuar në ‘Opinion në ‘News’ 24, Shehaj tha se Frashëri ka qenë figurë historike dhe jo tradhtar siç e ‘shiti’ diktatura për shqiptarët.
Pjesë nga intervista
-Rëndësia e Frashërit për shqiptarët?
“Jo të gjithë e dinë, por falë histografisë, Frashëri ka qenë një nga firmëtarët e aktit të pavarësisë. Në SHBA erdhën gjithë ato shqiptarë për ta nderuar Midhat Frashërin. Ai vdiq në Nju Jork, 1 muaj pasi kishte shkuar atje. Gjykatësi që mori vendimin për nxjerrjen e eshtrave të tij, nuk ishte shumë dakort, edhe vetë amerikanët e njohin si njeri të rëndësishëm. E shohin si aset për vendin e tyre
-Pse keni marrë këtë iniciativë?
“Ne kemi filluar botimin e veprës së Midhat Frashërit, kemi botuar 3 volumet e para, por do jenë 14 volume të tjera.

Përsa i takon kontributit të qeverisë, kjo ka qenë një nga nismat para tonat. Ishte e vetëdijshme se nuk mund ta bënim vetë, nga instituti Lumo Skëndo. Shteti shqiptar mund ta bënte këtë. Është bërë nga një qeveri e majtë, janë për t’u falënderuar për këtë që kanë bërë”.
-Çfarë qëndrimi ka mbajtur për pushtimin nga Italia e Gjermania?
“Historia e diktatorit donte që Frashëri të ishte tradhtar se kështu u trajtua historia përgjatë regjimit komunist. Nëse nuk ishe komunist ishe tradhtar. Nuk ka asnjë fakt që e tregon këtë, bazohen vetëm te propaganda komuniset. Midhat Frashëri ka qenë gjithnjë kundër pushtuesve. Mjafton të lexojmë se çfarë ka thënë deri ditën që ka vdekur është çdo gjë fals. Por kjo i ndan akoma shqiptarët në mes. Qëndrimin e tij e ka treguar me fakte, ai ka luftuar gjermanët e italianët. Është baltë e hedhur gjatë komunizmit”.
-Ka hasur në kundërshtinë e shumë historianëve…
“Po, sigurisht kanë qenë historianët e Enverit, kush guxonte në atë kohë të thoshte një gjë të tillë. Thuhej ajo që regjimi donte të thuhej. Akti i pavarësisë është falsifikuar gjatë regjimit komunist”
-Kur finalizohet ardhja e eshtrave të Frashërit?
“Nesër vijnë, do ketë një pritje, pastaj mbahen homazhet tek akademia e shkencave. I ftoj të gjithë të vijnë të nderojnë një nga njerëzit më të mëdhenj të historisë së Shqipërisë”.

PD ka reaguar sot për dënimin e Emilajno Shullazit dhe bandës së tij. Në një deklaratë për emdiat, PD shprehet se, ky dënim është i vonuar, ndërsa Policia dhe Prokuroria kanë mbyllur sytë përballë akuzave edhe më të rënda.
Po ashtu PD deklaron se, Emiljano Shullazi është i plotpushtetshmi i Edi Ramës, që vendos edhe deputetët, ndërsa duhet të arrestohet edhe deputeti socialist Jurgis Çyrbja, për lidhje me këtë bandë.
Deklarata e plotë e PD
Sot gjykata dënoi bandën e Emiljano Shullazit, që u arrestua vetëm falë denoncimit dhe betejës së pandërprerë të PD, si dhe mbështetjes së SHBA.
Nëse Emiljano Shullazi dhe banda e tij, nuk do të kishin mbështetjen e Qeverisë së Edi Ramës, dënimi i bandës do të ishte sot shumë më i rëndë. Ata nuk do të ishin dënuar vetëm për gjobëvënie, por edhe për krime të tjera të rënda, që janë lënë pa zbuluar, pasi policia dhe drejtësia kanë mbyllur sytë.
Kjo bandë është autore e disa vrasjeve, e trafikut të drogës, shkatërrimit të pronës me eksploziv, grabitjes së pasurive të paluajtshme.

Në vend të dënimit të merituar, Edi Rama i ka dhënë pushtet edhe në burg Emilano Shullazit për të emëruar deputetë, drejtues të institucioneve vendore e qendrore.
Dënimi i bandës së Shullazit është një betejë ende e pafituar plotësisht
Prapa hekurave duhet të jenë edhe anëtari me pushtet politik i bandës, deputeti i PS Jurgis Çyrbja.
Përgjimet e prokurorisë faktojnë se deputeti Jurgis Çyrbja ishte një anëtar aktiv I bandës së Shullazit dhe informonte bandën për hetimet e prokurorisë.
Shqiptarët presin sot përgjigje nga prokuroria: kur do të arrestohet dhe të vihet përpara drejtësisë Jurgis Çyrbja, si anëtar i bandës së Emiljano Shullazit?
Po Edi Rama dhe Saimir Tahiri a do të hetohen dhe të vihen përpara përgjegjësisë për mbështetjen shtetërore që i kanë dhënë bandës së Emiljano Shullazit?
Drejtësia do të bëhet e plotë!
Edi Rama, Saimir Tahiri dhe Jurgis Çyrbja, shumë shpejt do të kenë fatin e Shullazit!

Ish-ministri, Veliajt: Po shpellarë jemi ne që të votuam, nëse të votojmë sërish atëherë …
Ish-ministri i Drejtësisë, Ylli Manjani ka reaguar pas deklaratës së bërë nga kryetari i bashkisë së Tiranës, Erjon Veliaj, i cili i quajti shpellarë qytetarët që protestojnë për shtëpitë e tyre.
Me anë të një postimi në Facebook, Manjani shkruan se Veliaj ka të drejtë kur i quan shpellarë ata të cilët votuan që ai të shpallet kryetar bashkie, madje do të ketë edhe më shumë të drejtë nëse e votojnë sërish.
Postimi i Manjanit
Po po, shpellarë jemi të gjithë ne që e votuam këtë kryetar Bashkie!
Ka shumë të drejtë!
Do ketë të drejtë edhe më shumë po e votuam prap.
Vasili, Ramës dhe Veliajt: Jeni fryrë si gjela, por do përfundoni si …
Kreu i grupit parlamentar i Lëvizjes Socialiste për Integrim, ka reaguar ashpër pas deklaratave të bëra sot nga kryebashkiaku i Tiranës Erjon Veliaj, i cili i quajti protestuesit shpellarë.
Në postimin e tij në Facebook, Vasili e quan Ramën dhe Veliaj si gjela të fryrë të cilët do të përfundojnë si të gjithë hajdutët që kanë vjedhur shqiptarët.
Postimi i Vasilit
Jane fryre si gjela dhe kane perfunduar si jashteqitje.
Kafshet hajdute te pushtetit kane surrat dhe i quajne qytetaret shpellare,se kerkojne hakun e tyre demshperblimin pasi duan tju prishin shtepite djersen e gjakun e jetes se tyre.
Keto kafshe hajdute do te kene nje fund te hidhur si te gjithe legenat qe ka pare ky vend qe jane fryre si gjela dhe kane perfunduar si jashteqitje.