Protestuesit kanë detyruar kreun e Bashkisë që të mbyllet si mi brenda zyrës së tij. Ai ka siguruar dyert e Bashkisë me zinxhira në mënyra që të jetë i sigurtë në zyrën e tij. Protestuesit fillimisht kanë shpërthyer gardhin e policëve, por nuk kanë mundur që të ngjisin shkallët e Bashkisë që të mbërrijnë tek zyra e Veliajt për shkak se dyert kanë qenë të mbyllura me zinxhirë. Mund të jetë një rast unik kur kryebashkiaku I një kryeqyteti të mbyllet Brenda në zyrë duke siguruar dyert me zinxhirë në një kohë që duhet të dialogonte me qytetarët të cilëve kërkon tu prishë banesat.
Protestuesit e Unazës së Re kanë mësyrë hyrjen e bashkisë së Tiranës, pasi asnjë përfaqësues nuk ka dalë prej saj të takojë me ta. Banorët janë përplasur me policinë bashkiake, që ka penguar hyrjen.
Me thirrjet “jemi të gjithë për një qëllim”, protestuesit kanë shkundur portën prej hekuri të bashkisë, por pa mundur ta hapin, pasi ishte siguruar me zinxhirë nga Policia.
Ata kanë ndeshur me Policinë dhe pas disa tentativave, janë kthyer mbrapsh, duke e konsideruar vetëm si paralajëmrim këtë akt.
Gra e burra jashtë hyrjes kanë rinisur thirrjen “Duam shtëpitë tona”, “Shtëpitë tona janë me gjak”.
Protesta, Veliaj në panik mbyllet si mi brenda Bashkisë, siguron dyert me zinxhira
Personat mbipeshë më pak inteligjentë sesa ata me peshë normale?
Personat me mbipeshë janë më pak inteligjent sesa njerëzit që përpiqen të mos kenë probleme me peshën, pohon një studim provokues. Meshkujt dhe gratë që vuajnë nga mbipesha kanë më pak materie të bardha dhe të hirta në zonat e truri. Hulumtuesit kanë thënë se zbulimi i tyre mund të shpjegohet se përse personat me mbipeshë marrin vendime të gabuara sa i përket zgjedhjes së ushqimit – për shkak se nuk e kanë kapacitetin mendor ta kontrollojnë veten e tyre. Kjo teori mund të kundërshtohet shumë lehtë duke treguar që problemet me peshë dallojnë nga individi në individ.
Hulumtimi kishte përfshirë imazhe të sofistikuara të trurit të 32 të rriturve – 16 meshkuj dhe 16 gra – të zgjedhur nga qyteti i Baltimore, SHBA. Çdo njeri që kishte pasur histori të dëmtimeve në tru, abuzimit me substanca të ndryshme apo sëmundje mendore, ishte përjashtuar nga grupi.
Hulumtuesit e kishin matur BMI-në, matje zakonshme që përdoret për të përcaktuar se sa mbipeshë është një person, si dhe përqindjet e dhjamit në trup dhe i kanë krahasuar ato me ndryshimet ë strukturat e trurit dhe funksionin e trurit.
Udhëheqësi i këtij studimi, Chase Figley, kishte thënë se skanimet e trurit kishin qenë tejet të tërësishme. Ai thotë se i kishin mbuluar ndryshimet përgjatë tërë trurit, e gjithashtu “rrjetet specifike”. Në veçanti ai ishte interesuar në “rrjetin e spikatjes”, që ai e ka përshkruar si “ulëse të motivimit, vullnetit dhe aftësisë për t’i bërë ballë sfidave fizike dhe emocionale”.
Rezultatet kishin shfaqur se nuk kishte pasur dallime shumë të mëdha në termet e materies së bardhë mes njerëzve që kishin pasur peshë normale dhe atyre mbi peshë.
Sidoqoftë, njerëzit me BMI më të lartë kishin pasur dukshëm materie më të madhe të hirtë. Veç kësaj, shikimi i rrjeteve të veçanta, kishte zbuluar se aq më të rëndë dhe mbipeshë që ishin personat, aq më pak materie të bardhë kishin pasur në rrjetin e spikatjes.
Dy e treta e meshkujve dhe 57 për qind e grave në Britani janë të kategorizuar si persona me mbipeshë, gjë që e bën Britaninë me përqindjen më të lartë të njerëzve me mbipeshë.
Studimi ishte raportuar në revistën Frontiers in Neuroscience.
Studimi, 70 përqind e personave bëhen të varur që pas cigares së parë
Shkencëtarët kanë analizuar të dhënat e studimeve të mëparshme me mbi 215,000 njerëz nga e gjithë bota për të treguar se 70 për qind prej tyre kishin filluar të pinin duhan rregullisht që pasi kishin pirë cigaren e parë.
Profesori Peter Hajek nga Universiteti ‘Queen Mary’, Londër, thotë se kjo është hera e parë që tregon varësinë të cilën mund ta krijojë konsumimi i vetëm një cigareje, transmeton Telegrafi.
“Në zhvillimin e çfarëdo varësie, kalimi nga eksperimentimi në përdorim të rregullt është gjë e rëndësishme, sepse tregon që një aktivitet rekreacional po shndërrohet në një nevojë.
Ne kemi zbuluar se përqindja e atyre që e provojnë duhanin dhe shndërrohen në konsumues të rregullt të duhanit është shumë e lartë, dhe kjo ndihmon në konfirmimin e rëndësisë që ka parandalimi i eksperimentimit me cigare”, ka treguar ai.
Në vitin e kaluar, një studim i përmasave të mëdha nga shkencëtarë kanadezë – me rreth 44,000 persona të moshave 14 deri 18 vjet – kishte zbuluar se ata të cilët përdorin cigare elektronike janë thuajse dyfish më të prirë të bëhen konsumues të rregullt të duhanit.
Shkencëtarët gjithashtu kanë paralajmëruar se cigaret elektronike ndihmojnë në ‘ri-normalizimin’ e duhanpirjes pas disa viteve të krijimit të shprehisë së duhanit.
Reagimi i ashpër i Manjanit: Çfarë legenllëku e tepsihane e qeveris këtë vend!
Ish-ministri i Drejtësisë, Ylli Manjani, me anë të një postimi në rrjetet sociale ka reaguar ashpër ndaj situatës së krijuar për shkak të mungesës së Gjyakatës Kushtetuese.
Manjani shkruan se për liritë dhe të drejtat themelore që dhunohen çdo ditë Rilindjes nuk i duhet Gjykata Kushtetuese, ndërsa për dekretimin e Sandër Lleshit premtohet se do bëhet shpejt gjykata!
Postimi i plotë
Për liritë dhe të drejtat themelore të njeriut që dhunohen çdo ditë. Ka njerëz që rrinë në burg ose ju rrëmbehet prona;
Për ligje që partia-shtet miraton në shkelje flagrante të Kushtetutës. Ligji i Teatrit është simboli i shkeljes së Kushtetutës;
Për marrëveshjen e detit e jo vetëm;
Rilindjes nuk i duhet Gjykata Kushtetuese.
Ndërsa për dekretin e Sandër Lleshit po! Për një dekret premtohet se do bëhet shpejt gjykata.
Çfarë legenllëku e tepsihane e qeveris kët vend!!!
Ulje drastike e temperaturave, ja kur pritet të bjerë borë
Sipas parashikimit të Meteoalb, ditët vijuese mbeten në ndikimin e masave ajrore të qëndrueshme kontinentale duke diktuar mot të kthjellët, por të ftohte në të gjithë vendin.
Edhe fundjava parashikohet e kthjellët dhe e ftohtë, ndërsa dita e diel sjell reshje të dobëta shiu si edhe dëbore në zonat malore.
Temperaturat e ajrit sërish do të pësojnë rënie në orët e mëngjesit dhe të mesditës duke bërë që minimumi të ulet deri në -6 grade °C ne zonat malore dhe maksimalja të arrijë deri në 18 °C në zonat e ulëta dhe bregdetare.
Sipas Meteoalb, ditët më të ftohta të javës janë e premtja dhe e shtuna.
Matja e numrit të rrahjeve të zemrës mund t’ju shpëtojë jetën
Matja e të rrahurave të zemrës gjatë pushimit mund të ndihmojë në parashikimin e problemeve me zemër te femrat, pavarësisht aktivitetit fizik dhe faktorëve të tjerë të rrezikut, pohon studimi i ri.
Në këtë studim kanë marrë pjesë 129.135 në postmenopauzë, të cilat deri atëherë nuk kishin pasur probleme me zemrën.
Këtyre femrave i është matur numri i të rrahurave të zemrës gjatë kohës kur ato kanë pushuar.
Para fillimit të studimit janë marrë parasysh edhe faktorët e rrezikut (shtypja e lartë e gjakut, niveli i lartë i kolesterolit në gjak, pirja e duhanit, konsumimi i alkoolit etj.) të cilët mund të ndikojnë në shëndetin e zemrës si dhe në numrin e të rrahurave të zemrës në minutë.
Këto femra janë përcjellë për tetë vite dhe janë shënuar të gjitha vizitat mjekësore dhe problemet me zemër. Gjatë kësaj periudhë nga numri i përgjithshëm (129.135), probleme me zemër kanë pasur 2.281 femra, ndërsa 1.877 prej tyre kishin pësuar infarkt të zemrës.
Shkencëtarët kanë zbuluar se femrat të cilat kishin numër më të madh të të rrahurave të zemrës në minutë (më shumë se 76 rrahje në minutë) gjatë kohës kur ato pushonin, ishin të prira që të zhvillonin probleme me zemrën, në krahasim me fermat të cilat kishin numrin më të ulët të rrahjeve në minutë (62 rrahje në minutë ose më pak) gjatë kohës kur pushonin.
Më tutje është treguar se lidhja ndërmjet numrit të të rrahurave të zemrës gjatë pushimit dhe problemet e zemrës nuk varen nga aktiviteti fizik, ndërsa këto probleme më shpesh shfaqen ndërmjet moshës 50 dhe 64 vjeçare.
Berisha zbulon simbolin të cilit i përulet Rama: Rrëzoi Shqiponjën për bunkerët e etërve të tij xhelatë!
Ish-Kryeministri Sali Berisha, i është rikthyer sërish rrëzimit të monumentit të Shqiponjës nga ana e qeverisë dhe ka zbuluar simbolin që i përulet Kryeministri Rama.
Përmes një postimi në facebook, Berisha thotë se Rama e urren shqiponjën e flamurit dhe simbol të tij ka bunkerin e etërve të tij xhelatë.
Ja postimi i ish-kryeministrit Berisha
Jo shqiponja e flamurit qe urren por bunkeri i eterve te tij xhelat eshte simboli i Zografit bis. sb
Haradinaj: Më ftuan të bëhem pjesë e skenarit për ndarjen e Kosovës, ai që firmos këtë marrëveshje do të vulosë fundin e vet
Kryeministri i Kosovës, Ramush Haradinaj, ka thënë se presidenti i Serbisë, Aleksandar Vuçiç, synon një pjesë të veriut të Kosovës, në shkëmbim të njohjes së pavarësisë së vendit.
Ai ka thënë në T7, se serbët po provojnë të marrin pjesët e veriut të Kosovës, me pasuri natyrore.
Ramush Haradinaj ka thënë se skenari për ndarjen e Kosovës është përgatitur nga Beogradi dhe presidenti Vuçiç dhe u është paraqitur ndërkombëtarëve duke u thënë se Serbia do të njihte Kosovën por duhet të merrte diçka për t’u justifikuar para serbëve.
Kryeministri ka thënë se, e di shumë mirë se prekja e kufijve të vendit është skenar i Beogradit.
Ai ka thënë se serbët e kanë ftuar edhe atë që të bëhet pjesë e këtij skenari për ndarjen e Kosovës.
Haradinaj njihet si kundërshtar i madh i idesë së korrigjimit të kufijve mes Kosovës dhe Serbisë, për të cilën presidenti Thaçi thotë se nuk nënkupton në asnjë formë ndarje të Kosovës.
Për më tepër ai ishte i qartë në deklaratën e tij se, “ai që firmos një marrëveshje që cënon territorin e Kosovës do të vuloste fundin e vet”.
“Ata dëshirojnë të marrin rrugën që shkon prej Zveçanit deri në Jarinje dhe disa vendbanime Kushtovë, por janë rezervat më të madhe të xehjes dhe në atë pjesë e synon më së shumti Presidenti Serb, Vuçiç. Por unë nuk besoj se do të ndodhë këtë, kushdo që e bën këtë do të bën shkelje ligjore dhe duhet të ndjeket me ligj”, ka thënë Haradinaj.
Tabaku: Reforma territoriale ka dështuar totalisht! Bashkitë kanë para vetëm për rrogat
“Reforma territoriale ka dështuar totalisht”! Kështu deklaroi deputetja e PD, Jorida Tabaku në tryezën e organizuar në lidhje me Reformen Territoriale, e cila kryesohet nga Presidenti i Komitetit Europian të Rajoneve Franz Schausberger.
Në fjalën e saj, Tabaku tha se 3 vjet pas nisjes së zbatimit të saj, propaganda qeveritare për këtë reform ka rënë poshtë.
Zyrtarja demokrate tha se bashkitë tashmë nuk mund të bëjnë asnjë investim pasi fond ii tyre shkon vetëm për paga.
Po kështu Tabaku i’u referua edhe diskriminimit politik që u bëhët bashkive që drejtohen nga e djathta.
Ajo tha se 90 % e fondit të zhvillimit të rajoneve shkon për bashkitë e majta. Rasti më flagrant është a ii Lezhës por dhe mjaft bashkive të tjera të djathta të cilat pavarësisht projekteve të paraqitura, kanë mbetur në mes të 4 rrugëve nga diskriminimi financiar i qeverisë.
“Kjo reformë ka prodhuar dështim të madh. Ky process nuk u shoqërua nuk asnjë moment me buxhete të përshtatshme, transferim kompetencash etj. 3 vite pas nisjes së zbatimit, propaganda e tyre ka rënë poshtë.
Bashkitë shpenzojnë 116 milionë euro vetëm paga. Bashkitë nuk mund të bëjnë investime, pasi buxheti i tyre shkon vetëm për paga.
Taksat janë rritur dhe në funde të ditës qytetarët nuk e marrin shërbimin.
Bashkia e Lezhës psh, ka paraqitur me dhjetra projekte por ka mbetur në mes të 4 rrugëve.
90 përqind e fondit të zhvillimit të rajoneve shkon për bashkitë e majta dhe jo për të djathtat.
Kjo reformë pra nuk ishte territoriale por elektorale.
Aktualisht kemi lëvizur nga një demokraci lokale e zgjedhur në atë të emëruar.
67 % e shqiptarëve, sipas raporteve ndërkombëtare, nuk besojnë se administrate lokale e kryen punën e saj.
Reforma territoriale ka dështuar, është sakat, si cdo gjë që kjo qeveri ka prodhuar.
Ne kemi një ide të qartë që lidhet me rikonceptimin e pushtetit vendor dhe rikthimin e demokracisë locale.
Sot Qarqet janë jashtë loje.
Askujt nuk i duhen qëndrat bosh të qyteteve, apo platformat online që nuk i kryejnë punë kujt.
Njerëzit kanë nevojë shërbime, ujësjellësa.
Teatri Kombëtar është bërë një cështje europiane.
Dhe kjo cështje është shembulli sesi qeveria shkel kopetencat e qeverisjes lokale.
I janë marrë të gjitha kopetencat këshillit bashkiak. Teatri në fakt është dëshmi e dështimit të plotë të reformës territoriale”, tha Jorida Tabaku.
Konfirmohet blerja e votave/ “Rroftë Dako, rroftë PS, aty qaj hallet”, deklarata bombë e “Niçes” në gjyq
“Rroftë Dako, rroftë PS, aty i qaj hallet”. Kështu ka deklaruar nga salla e gjyqit sot Astrit Avdyli, një nga të arrestuarit si pjesë e bandës së ‘Avdylave’ në sajë të operacionit të “Vo-Vo 4”. Para togave të zeza Avdyli u shpreh se Ndokat i ka miq. i kam njohur në burg. Ndokat i ka miq, i kam njohur në burg”, tha ai.
Me deklaratën e tij të sotme, Astrit Avdyli konfirmoi lidhjet e ngushta me kreun e Bashkisë së Durrësit Vangjush Dako dhe Partinë Socialiste për blerjen e votave.
Banda e Avdylajvve ka blerë votat për të bërë Vangjush Dakon kryertar Bashkie në Durrës. Mediat publikuan para disa ditësh telefonatat që Dako ka bërë me “Niçen” e Shijakut (tashmë i arrestuar) të cilit i kërkon takim.
Ne bisedën e datçs 27 qershor 2017 mes Dakos dhe njërit nga anëtarët e bandës së Avdylajve zbulohet bashkëpunimi në blerjen e votave.
Niçja: Hë kryetar, hë vllai.
Vangjush Dako: Niçe, ku je?
Niçja: Këtu vërdallë…
Vangjush: Ku është Astriti?
Niçja: Ka lëviz një çikë.
Vangjush Dako: Ku ka lëviz? Jashtë Durrësit?
Niçja: Eh… ça ka? Ka ndonjë gjë?
Vangjush Dako: Po jo mo, doja ta takojsha, ta falenderojsha, ta pyesja një çikë.
Niçja: Po, po ku je ti? Të vij të të takoj… Njësoj është, si ai si unë, e di që jemi një
Vangjush Dako: Po mirë mo mirë, por doja ta takoja…kanë pi ato.
Niçja: Po, e di po, kanë lëviz… Me të taku një çikë unë ty!
Vangjush Dako: Unë tani jam duke ardh nga… rrugës… rrugës…
Për këtë telefonatë Dako u justifikua se po e falënderonte për punën e bërë në zgjedhje dhe se nuk e kishte idenë për problemet e tij me ligjin.
“Niçja” është një qytetar i Durrësit me të cilin kam folur dhe që është një nga këta që është kapur. Kam folur me këtë pas zgjedhjeve. Për ta falënderuar. Ai lufton për mua më jep vota dhe unë të mos i bëj një telefon? Astriti është vëllai i Niçes. Ku e di unë se me ça merrej ai. Nëse ka info policia dhe le të merrej me të. Mua nuk më ka thënë njeri gjë që ky merrej me aktivitete të paligjshme”, u justifikua Dako, por që vetëm 1 minutë më pas “ra vetë brenda” pasi e pranoi që e dinte për problemet e tyre me drejtësinë, por tashmë i konsideron “qytetarë të rehabilituar”.
“E di që ka bërë burg. Tani është rikuperuar dhe është qytetar i mirë”, tha Dako duke lënë të gjithë me gojë hapur.
Së dyti del se Dako u ka kërkuar bashkëpunim personave me precedentë penalë dhe për këtë ka qenë në dijeni. Përgjimet kanë zbuluar që personat nën hetim bënin edhe pazare për vota duke i thënë njëri-tjetrit: “Thuaj Vangjushit t’i japim ndonjë lek, që të votojnë!”
Kryebashkiaku i Durrësit u mundua të gjejë një tjetër justifikim: “Ore dhe mua më marrin vetë dhe më thonë vetë: “A do na japësh ndonjë lek për votën?” Ky është muhabet kot. Pse për bisedat e këtyre do jap përgjigje unë? Atyre u duket vetja kushedi çfarë janë dhe mburren: “Flas unë me Vangjushin. Ta zgjidh unë”.
Poblemi i tretë kryebashkiakut të Durrësit është një tjetër dokument i publikuar mbrëmjen e kësaj të enjteje, pjesë e dosjes së Prokurorisë së Krimeve të Rënda ku zbardhet një përgjim telefonik mes njërit prej personave të arrestuar si pjesë e bandës së trafikut të drogës me qendër në Shijak dhe Vangjush Dakos.
“Jasin Kala alias “Cine” nga Shijaku i shkruan SMS- Dakos: “Shif se do vijnë FNSH, këtu te unë. Kështu më thanë. Cini jamë”. Dako i ka kthyer përgjigje se është në Itali.
Në këtë mënyrë u rërzua edhe alibia e tretë e Dakos se ai flet me qytetarët vetëm për zgjedhjet. Ky përgjim tregon se bashkëpunimi vazhdon dhe se si kryebashkiaku i Durrësit “u zgjidh hallet” votuesve të tij të ndershëm.
Kryesore
Continue to the category
