Sipas parashikimit të Meteoalb, ditët vijuese mbeten në ndikimin e masave ajrore të qëndrueshme kontinentale duke diktuar mot të kthjellët, por të ftohte në të gjithë vendin.
Edhe fundjava parashikohet e kthjellët dhe e ftohtë, ndërsa dita e diel sjell reshje të dobëta shiu si edhe dëbore në zonat malore.
Temperaturat e ajrit sërish do të pësojnë rënie në orët e mëngjesit dhe të mesditës duke bërë që minimumi të ulet deri në -6 grade °C ne zonat malore dhe maksimalja të arrijë deri në 18 °C në zonat e ulëta dhe bregdetare.
Sipas Meteoalb, ditët më të ftohta të javës janë e premtja dhe e shtuna.

“Reforma territoriale ka dështuar totalisht”! Kështu deklaroi deputetja e PD, Jorida Tabaku në tryezën e organizuar në lidhje me Reformen Territoriale, e cila kryesohet nga Presidenti i Komitetit Europian të Rajoneve Franz Schausberger.
Në fjalën e saj, Tabaku tha se 3 vjet pas nisjes së zbatimit të saj, propaganda qeveritare për këtë reform ka rënë poshtë.
Zyrtarja demokrate tha se bashkitë tashmë nuk mund të bëjnë asnjë investim pasi fond ii tyre shkon vetëm për paga.
Po kështu Tabaku i’u referua edhe diskriminimit politik që u bëhët bashkive që drejtohen nga e djathta.
Ajo tha se 90 % e fondit të zhvillimit të rajoneve shkon për bashkitë e majta. Rasti më flagrant është a ii Lezhës por dhe mjaft bashkive të tjera të djathta të cilat pavarësisht projekteve të paraqitura, kanë mbetur në mes të 4 rrugëve nga diskriminimi financiar i qeverisë.
“Kjo reformë ka prodhuar dështim të madh. Ky process nuk u shoqërua nuk asnjë moment me buxhete të përshtatshme, transferim kompetencash etj. 3 vite pas nisjes së zbatimit, propaganda e tyre ka rënë poshtë.
Bashkitë shpenzojnë 116 milionë euro vetëm paga. Bashkitë nuk mund të bëjnë investime, pasi buxheti i tyre shkon vetëm për paga.

Taksat janë rritur dhe në funde të ditës qytetarët nuk e marrin shërbimin.
Bashkia e Lezhës psh, ka paraqitur me dhjetra projekte por ka mbetur në mes të 4 rrugëve.
90 përqind e fondit të zhvillimit të rajoneve shkon për bashkitë e majta dhe jo për të djathtat.
Kjo reformë pra nuk ishte territoriale por elektorale.
Aktualisht kemi lëvizur nga një demokraci lokale e zgjedhur në atë të emëruar.
67 % e shqiptarëve, sipas raporteve ndërkombëtare, nuk besojnë se administrate lokale e kryen punën e saj.
Reforma territoriale ka dështuar, është sakat, si cdo gjë që kjo qeveri ka prodhuar.
Ne kemi një ide të qartë që lidhet me rikonceptimin e pushtetit vendor dhe rikthimin e demokracisë locale.
Sot Qarqet janë jashtë loje.
Askujt nuk i duhen qëndrat bosh të qyteteve, apo platformat online që nuk i kryejnë punë kujt.
Njerëzit kanë nevojë shërbime, ujësjellësa.
Teatri Kombëtar është bërë një cështje europiane.
Dhe kjo cështje është shembulli sesi qeveria shkel kopetencat e qeverisjes lokale.
I janë marrë të gjitha kopetencat këshillit bashkiak. Teatri në fakt është dëshmi e dështimit të plotë të reformës territoriale”, tha Jorida Tabaku.

Reshjet e vitit të kaluar sollën përmbytje në Kamëz dhe Paskuqan. Pavarësisht nga ndërhyrja e Bashkisë brenda kapaciteteve të saj, e gjendur përballë vetos së qeverisë për të pajisur Kamzën me ekskavatorët për pastrimin e kolektorëve si dhe dhënien e fondeve për ndërtimin e tyre, sërish me qindra familje u gjendën nën ujë. Reagimi i Bashkisë Kamëz për t’u ardhur në ndihmë ishte i shpejtë, ku në kohë rekord grupi i punës së Bashkisë ofroi ndihmën në terren dhe bëri evidentimin e çdo dëmi në secilën familje.
Kryetari i Bashkisë Kamëz, z. Xhelal Mziu, ka bërë thirrje dhe vijon t’i bëjë thirrje qeverisë për sjelljen e ekskavatorit, ndërtimin e tre kolektorëve problematikë që sjellin përmbytje – premtim i pambajtur nga Rama në Kamëz – si dhe dëmshpërblimin e familjeve të dëmtuara.
Kryebashkiaku Xhelal Mziu thotë: “Kur jemi një vit nga përmbytjet dhe familjet në Kamëz pësuan dëme, nuk kanë marrë ende asnjë lekë nga qeveria. Kujtojmë që si pasojë e reshjeve të dendura të shiut në territorin e Bashkisë Kamëz, qytetarët kanë pësuar dëme të konsiderueshme në orendi dhe pajisje elektroshtëpiake dhe materiale ndërtimore nga përmbytjet, me pasojë dëmtimin e banesave dhe objekteve të tjera të qytetarëve të Bashkisë. Bashkia Kamëz, nga ana e saj, ka ngritur grupet e punës me urdhrin nr. 385, datë 1.12.2017, për verifikimin dhe konstatimin e dëmeve të shkaktuara në gjithë territorin e saj. Nga verifikimet e kryera në zonat e përmbytura, nga grupet e punës u konstatuan rreth 700 familje të përmbytura, të cilat kanë pësuar dëme të mëdha ekonomike”.

Sipas z. Mziu, Bashkia Kamëz, në pamundësi financiare për përballimin me të ardhurat e saj të gjitha dëmet e shkaktuara nga përmbytjet e ndodhura në zonë dhe për t’u ardhur në ndihmë këtyre familjeve të dëmtuara nga reshjet e shumta të shiut të datës 30.11.2017, pas evidentimit ka bërë një përpilim të saktë të listës së familjeve dhe dëmeve dhe i ka kërkuar po në kohë rekord Këshillit Bashkiak që të miratojë shumën e dëmshpërblimit financiar sipas listës së familjeve në nevojë dhe dërgimin për financim pranë Drejtorisë së Përgjithshme të Emergjencave Civile, procedurë tashmë e kryer.
“Bazuar në relacionin përcjellë nga Drejtoria e Shërbimeve Publike, Këshilli Bashkiak bëri “Miratimin e shumës së dëmshpërblimit me vlerë 276.051.865 (dyqind e shtatëdhjetë e gjashtë milion e pesëqind e një mijë e tetë qind e gjashtëdhjetë e pesë) lekë të 700 familjeve të përmbytura nga reshjet e shiut të datës 30.11.2017 dhe dërgimin për financim të kësaj shume pranë Drejtorisë së Përgjithshme të Emergjencave Civile, për mungesë fondesh financiare të Bashkisë Kamëz”, thotë kryetari i Bashkisë Kamëz, Xhelal Mziu. Kur jemi një vit nga përmbytjet e vitit të kaluar, ende rreth 700 familjet nuk kanë marrë asnjë kacidhe nga qeveria “Rama”, e cila si gjithnjë Kamzën e diskriminon në çdo drejtim. Qytetarët, me shpresën që një ditë do të marrin dëmshpërblimin, luten që këtë vit të mos përmbyten sërish!