Sekretari i përgjithshëm i NATO-s, Jens Stoltenberg, ka reaguar pas formimit të ushtrisë së Kosovës, duke shprehur keqardhje që ky vendim u bë pavarësisht shqetësimeve të NATO-s si dhe, sipas tij, vendimi i sotëm nuk duhet të rrisë tensione në rajon.
“Sot, institucionet në Kosovë kanë njoftuar miratimin e tre ligjeve që iniciojnë procesin e tranzicionit të Forcës së Sigurisë së Kosovës. Më vjen keq që ky vendim është marrë pavarësisht shqetësimeve të shprehura nga NATO. Ndërkohë, transformimi i Forcës së Sigurisë së Kosovës është në parim një çështje që Kosova të vendosë, ne kemi bërë të qartë se ky veprim është i gabuar”, ka thënë Stoltenberg.
Ai ka shtuar se pas këtij vendimi NATO-ja duhet ta rishqyrtojë mbështetjen për ushtrinë e Kosovës.
“NATO-ja mbështet zhvillimin e Forcës së Sigurisë së Kosovës nën mandatin e saj aktual. Me ndryshimin e mandatit, Këshilli i Atlantikut të Veriut tani duhet të rishqyrtojë nivelin e angazhimit të NATO-s me Forcën e Sigurisë së Kosovës. NATO-ja mbetet e angazhuar përmes KFOR-it për një mjedis të sigurt dhe të sigurt në Kosovë dhe për stabilitetin në Ballkanin më të gjerë perëndimor”, ka thënë shefi i NATO-s.
Ai, po ashtu, ka bërë thirrje për paqe dhe të vazhdohet dialogu mes Kosovës dhe Serbisë.
“Të gjitha palët duhet të sigurojnë që vendimi i sotëm nuk do të rrisë më tej tensionet në rajon. Të gjithë aktorët politikë përgjegjës në rajon duhet të përqendrohen në përparimin e reformave dhe në dialog. E përsëris thirrjen time për Prishtinën dhe Beogradin që të mbeten të qetë dhe të përmbahen nga çdo deklaratë apo veprim që mund të çojë në përshkallëzim. NATO-ja vazhdon të mbështesë dialogun e sponsorizuar nga BE-ja midis Beogradit dhe Prishtinës si zgjidhja e vetme politike e qëndrueshme për rajonin”, ka thënë Stoltenberg.
Ndryshe, Kuvendi i Kosovës sot me vota unanime ka themeluar ushtrinë e Kosovës.
Stoltenberg: Ushtria e Kosovës, vendim i gabuar, por SHBA e përshëndet
Mogerini kundërshton krijimin e ushtrisë së Kosovës
Pas formimit të ushtrisë së Kosovës ka reaguar edhe Bashkimi Evropian.
Maja Kocijançiq, zëdhënëse e Përfaqësueses së Lartë të BE-së, Federica Mogherini, ka thënë për Kalxo.com se BE-ja do të mbajë qëndrimin e njëjtë sikurse NATO-j karshi kësaj ushtrie.
“Kuvendi i Kosovës miratoi sot një legjislacion mbi Forcën e Sigurisë së Kosovës. Ashtu si NATO, Bashkimi Evropian vazhdon të ndajë qëndrimin se mandati i FSK-së duhet të ndryshohet vetëm përmes një procesi gjithëpërfshirës dhe gradual në përputhje me Kushtetutën e Kosovës. Bashkimi Evropian pret që Kosova të vazhdojë të mbajë detyrimet e saj sipas marrëveshjes së parë të përfunduar në Bruksel në prill 2013 dhe aranzhimet e saj të sigurisë”, ka thënë Kocijançiq.
Kosova pas 10 vitesh pavarësi ka formuar ushtrinë e saj. Ky vendim është marrë sot në Kuvendin e Kosovës me vota unanime nga ana e deputetëve.
Reagimi i menjëhershëm ka qenë nga ana e NATO-s të cilët shprehën keqardhje për formimin e ushtrisë së Kosovës.
“Më duket vetja si tek opinioni me Ramën”, studentët ndërpresin rektorin: S’ka dialog!
Mbledhja e senatit në Universitetin e Korçës ku të pranishëm ishin studentët dhe rektori i universitetit Ali Jashari është zhvilluar mes tensionesh.
Diskutimi nuk ka shkuar ashtu siç priste rektori, pasi studentët kanë braktisur mnledhjen. Burime për ‘Fax Neës’ bëjnë me dije se jashtë kamerave ata kanë deklaruar se nuk ka dialog dhe se protesta do të vijojë deri në plotësimin e kërkesave.
“Rektori u tall me ne, s’ka dialog, do vijojmë protestën”, kanë thënë ata. Ndërsa njëra nga studentet e ka ndërprerë rektorin.
“Ju lutem, më duket vetja si tek opinioni me Ramën i cili bën monolog”, ka thënë ajo. Ndërkohë që studentët lënë mbledhjen njëri pas tjetrit, rektori thotë “S’ka problem”.
“jemi këtu për të folur hapur dhe troç me njëri-tjetrin. Kërkesat e studentëve lidhen me ato që janë parashtruar në protestën e madhe. Ata që kanë përgjegjësi për zgjidhjen e tyre jemi ne. Problemi më i rëndë është tarifa. Ne nuk e kemi përfilllur dhe zbatuar tarifën e vendosur nga VKM. Tarifa e shkollimit nga 2014 është 24 mijë lekë të reja. Janë përjashtuar nga tarifa 353 studente dhe kanë përfituar burse 600 studente”, tha rektori.
Por kur rektori bënte këto balance studentët kanë ndërhyrë dhe kanë thënë se kërkojnë të flasin për kërkesat dhe jo për bilancin vjetor të universitetit.
Reagimi i fortë i Vasilit: Mos harxhoni frymë me një kryeministër qen, rrëzojeni!
Kryetari i Grupit parlamentar të LSI, Petrit Vasili ka reaguar sot pas debateve që kanë shpërthyer ndërmjet kryeministrit dhe rektorëve të universitetit e sidomos, pas lumit të fyerjeve të Ramës ndaj rektorit Mynur Koni.
“Mos harxhoni frymë me një kryeministër qen të karriges, rrëzojeni!, u shpreh Vasili sot. Një prej rektorëve rreket t’i shpjegojë ligjin e Arsimit të Lartë, kryeministrit.
Kryeministri, as ka asnjë lidhje as me ligjin e Arsimit të Lartë, që nuk e kupton fare dhe as me studentët, që vuajnë kushte të turpshme jetese e mësimi.
Kryeministri është thjesht një qen, që ka ngulur kthetrat te karrigia dhe leh, jargavitet e qurrepset për të dhe kaq”, shprehet Vasili.
Hej NEANDERTAL…pse?
Edison ÇELA
Kjo urrejtje primitive ndaj pronareve te vjeter, kaq e vjeter, kaq e madhe… Shume here me e madhe se falja, qe ne ua dhame ne heshtje monstrave komuniste!
Dhe sot, kur pronari rimerr pas nje shekulli pronen e tij, qe rrjedh gjak vuajtjesh e gjak djerse, urrejtja e nje shoqerie primitive e “pasurise kolektive”, gulçet si “NEANDERTAL” perseri me mllef e maraz. Denon shoqerine pse ma ktheu mua “Armikut” pronen e time!
Nje posedues e nje portali, me pohoi se sulmet jane inskenim i qeverise!
Sa e vyshkur kjo metode, sa e vjeter, sa vulgare!
Na vodhet jeten, besimin, historine, mundin, kontributin per atdhe te gjysherve duke e shendruar ate ne tradheti kombetare, gjymtuat pasardhesit e tyre .
U lindem me njollen e deles se zeze ne kampe internimi.
U rritem nen presionin totalitar, duke u shnderruar dhe marre vese te ujkut te kanosur hienash per te mbijetuar ne ate kolere komuniste! Gjithkund shihja i vogel shoqerine komuniste “te gjithe te barabarte” e ne ngado ishim si mish i huaj, ishim jetimet e shoqerise! “Nuk ishim dora juaj”.
Do kisha dashur te isha i pavuajtur, i perkedhelur, i perkrahur pa merite nga shoqeria. Ah, sa do kisha dashur per ate Zot! Por Perendia me kish taksur nje mallkim! Te mos isha kelysh kom
Rama reagon pas ultimatumit të studentëve
Kryeministri Edi Rama ka reaguar pas ultimatumit të studentëve në protestë për zgjidhjen e 8 kërkesave të tyre deri nesër në orën 16:00. Studentët i bënë thirrje Ramës që të mbledhë nesër Kuvendin dhe të miratojë 8 kërkesat e tyre, por Rama shkruan në një postim në instagram se kërkesat do të zgjidhen vetëm me dialog.
Kujtojmë se këtë qëndrim kryeministri kishte edhe ditën e djeshme në Kuvend, po ashtu edhe në mbledhjen me rektorët dhe dekanët, duke nënvizuar rëndësinë e dialogut.
Sot studentët i bënë atij thirrje që të mbledhë nesër në një seancë të jashtëzakonshme Kuvendit, ndërsa afati ishte deri në orën 16:00. Po ashtu studentët paralajmëruan për faktin se nëse nuk mblidhej Kuvendi, do të zhvillojnë protestë kombëtare.
Studentët ultimatum Ramës: Nëse deri nesër në orën 16:00 nuk thërrisni parlamentin do bëjmë protestë kombëtare
Teksa qëndrojnë poshtë zyrës së Ramës, studentët i kanë bërë thirrje Parlamentit që të zhvillojë të shtunën (nesër) një seance të jashtëzakonshme për të shqyrtuar kërkesat e tyre. Ata i kanë dhënë ultimatum kreut të qeverisë që të thërrasë deputetët nesër deri në orën 16:00, në të kundërt, kërcënojnë ata, do të bëjnë protestë kombëtare. “Thërrisni deputetët. Të flitet aty për ne. Jemi të vendosur, nuk na përçan dot. Nëse deri në orën 16:00 nuk thërrisni parlamentin në shesh nuk do janë vetëm studentët. Do bëjmë protestë kombëtare”, pohojnë njëzëri protestuesit.
Ndërkohë kryeministri Edi Rama nëpërmjet deklaratave për mediat apo dhe postimeve në rrjetet sociale nuk lëshon pe, duke i bërë të ditur studentëve se kërkesat e tyre do të zgjidhen vetëm përmes dialogut. Presidenti Ilir Meta riktheu serish në Kuvend ligjin për buxhetin 2019, me qëllim që t’u jepet mundësi plotësimit të kërkesave të studentëve.
Sot protesta e studentëve hyn në ditën e dhjetë. Disa prej tyre nuk i janë ndarë për asnjë moment protestës duke e gdhirë tërë natën në të ftohtë e shi para Kryeministrisë.
Siç kishin paralajmëruar, studentët u mblodhën sërish në Fakultetet e tyre për të marshuar më pas drejt godinës së kryeministrisë në bulevardin Dëshmorët e Kombit.
Kushtet e këqija atmosferike nuk i kanë penguar aspak studentët të protestojnë. Duke folur për gazetaren Klodiana Lala, disa studentë thanë se nuk do i ndahen protestës, ndërsa prej ditësh kërkojnë plotësimin e 8 kërkesave.
Isco, Bale dhe tifozët që braktisën stadiumin: Solari “i hedh ujë zjarrit”
Trajneri i Real Madridit, Santiago Solari, foli në konferencën e zakonshme për shtyp një ditë para se të luajë ndaj Rayo Vallecano-s, në “Santiago Bernabéu”. Ai u ndal edhe tek gjesti i Isco-s ndaj CSKA të Moskës (reagoi keq ndaj tifozëve) dhe situata e Gareth Bale, ndër të tjera, ndërkohë që natyrisht komentoi fishkëllimat dhe braktisen e stadiumit nga tifozët e irrituar në mesjavë.
Besim te Real Madridi: “Si mund të mos besojmë te Real Madridi, që ka fituar 13 Champions, mes të tjerash?! Shumë legjenda janë të gjalla dhe na frymëzojnë. Në sport ka maja, por edhe më poshtë. Në historinë e futbollit, Real Madridi ka pasur më shumë maja”.
Tifozët u larguan para kohe, duke fishkëllyer ekipin: “E vërtetë, por pati edhe duartrokitje. Tifozët e thonë gjithnjë fjalën e tyre dhe duhen respektuar. Shpresoj të na japin shtysën e duhur, për ndeshjen kundër Vallecano-s dhe për Kupën e Botës për Klube”.
Isco dhe nervozizmi me tifozët: “Unë e kam parë nga larg. Më dha përshtypjen se po protestonte për një korne, ose një faull. Nuk ka pse përqendrohemi kaq shumë te gjëra të tilla, më mirë të përqendrohemi dhe të luajmë si kemi luajtur në shumicën e ndeshjeve të fundit, kemi fituar 8 nga 10 ndeshjet e fundit”.
Bale luajti 45 minuta: “Nuk është një çështje pushimi, ka një problem me gjurin. Do të shohim se si situata e tij do të evoluojë, pastaj do të marrim një vendim”.
Humbja kundër CSKA-së: “Ne analizojmë çdo gjë, edhe kur fitojmë, jo më kur humbasim. Natyrisht, nuk e prisja atë disfatë, por ka qenë një lojë e dobishme për të parë shumë gjëra. Lashë disa lojtarë për të pushuar dhe pashë disa të tjerë në veprim. Me rëndësi është se e mbyllëm të parët në grup. Do të kisha dashur ta mbyllja këtë raund me fitore”.
Isco: “Ai është një njeri i pjekur, një profesionist, i cili i ka dhënë shumë gëzim këtij klubi. Ne jemi të sigurt që do të vazhdojë të japë më të mirën, si të gjithë lojtarët e tjerë, që punojnë fort çdo ditë. Sa më shumë lojtarë të kem në dispozicion, aq më mirë, pastaj më mbetet mua si trajner që të zgjedh”.
Mungesa e motivimit: “Unë mendoj se nuk kishim mungesë intensiteti në Huesca. Në rastin e CSKA ishte një lojë tjetër, që kishte ndërlikime të tjera”.
Atmosfera te Real Madridi: “Çdo gjë në lidhje me këtë klub është shumë e madhe. Çdo detaj është me rëndësi të madhe, jemi në qendër të mediave. Për momentin duhet t’i përqendrojmë të gjitha energjitë tona te sfida e radhës me Rayo Vallecano”.
Keylor Navas: “Keylor ka respektin dhe admirimin tim si futbollist dhe si një njeri, që na ka dhënë shumë gëzime si “madridismo”. Pjesa më e vështirë e një trajneri te Real Madridi është që të bëjë përzgjedhjen e formacionit, sepse grupi është mjaft konkurrues mes veti”.
Ushtria e Kosovës/ Berisha: Ditë historike për kombin shqiptar!
Ish-Kryeministri Sali Berisha ka përshëndetur ngritjen e Ushtrisë së Kosovës.
Vendimi i Kuvendit të Kosovës të ditës së sotme është një akt historik, shkruan ish-Kryeministri Berisha në një postim në Facebook.
Mesazhi i ish-Kryeministrit Berisha
Të dashur miq, sot parlamenti i Republikës se Kosovës, ne një akt historik për konsolidimin e pavarësisë se saj votoi për ngritjen e Ushtrisë.
Duke përshëndetur përzemërsisht këtë votim, uroj qe forcat e armatosura te Kosovës te shndërrohen ne një partnere te vërtet te ushtrive te SHBA dhe vendeve anëtare te NATO-s, garanci e kufijve te Republikës se Kosovës dhe kontribuues i rëndësishëm i paqes dhe stabilitetit te rajonit tone.
Urime Kosove.
Basha i përgjigjet Ramës: Asgjë nuk e shpëton hajdutin psiqik!
Kryetari i PD, Lulzim Basha i është përgjigjur Ramës për vettingun në politikë. Me një postim në Twitter, Basha shkruan se, asgjë nuk e shpëton ‘hajdutin psiqik’.
Reagimi i plotë i Bashës
Hajduti psiqik ka 9 ditë që nuk kupton as shqipen, pale pastaj anglishten!
Mirënjohje Komisionit të Venecias që hapi dritën jeshile për vetingun e politikanëve.
Asgjë nuk e shpëton hajdutin psiqik nga lidhjet me krimin! Koha kur politikanët janë mbi ligjin po mbaron!
Pasi Komisioni i Venecias miratoi opinionin përfundimtar për vettingun në politikë, reagoi kryeministri Rama duke sulmuar kreun e PD, Basha.
Kryesore
Continue to the category
