Katër kilogramë heroinë dhe kokainë janë kapur mëngjesin e sotëm në Itali.
Arrestimet janë bërë në Padova, Itali dhe në pranga janë vënë dy shqiptarë.
Droga mësohet se shitej në Padova dhe në Venecia.
Operacioni është bërë nga skuadra e lëvizshme e policisë së Padovas, pas një hetimi të koordinuar nga prokuroria e këtij qyteti.
Shqiptarët janë kapur me 2 kilogramë heroinë dhe 1.7 kilogramë kokainë.
Policia italiane pritet të dalë në një konferencë për të dhënë detaje të tjera.
Partia Demokratike ka vijuar sërish akuzat për kreun e Bashkisë Durrës, Vangjush Dako. Deputetja e PD, Orjola Pampuri, në një deklaratë për mediat tha se, Dako ka lidhje me bandat kriminale dhe duhet të ishte në burg.
“Dako është Peshku i madh i dosjes 339”, tha deputetja demokrate.
Deklarata e plotë
Që prej 22 Tetorit, kur Partia Demokratike u tha shqiptarëve se Vangjush Dako është peshku i madh i dosjes 339 Kryetari i Bashkisë së Durrësit po shpreson ta kalojë me heshtje krimin e blerjes së votave me bandat e Shijakut dhe të Durrësit.
Heshtja nuk do ta ndihmojë Vangjush Dakon! Vendi i tij është në burg, bashkë me bandën e Avdylajve, nën akuzë për trafik ndërkombëtar droge nga Amerika Latine në Europë.
Përgjimet zyrtare të dosjes 339 nuk i lënë rrugë tjetër mikut të bandës së Avdylajve.
Vangjush Dako duhet të arrestohet!
Përgjimet telefonike provojnë qartë masakrën e zgjedhjeve nga bandat e krimit në Durrës, në këmbim të favoreve që kryebashkiaku u ka bërë me paratë e taksapaguesve dhe pashritë e bashkisë së Durrësit!
Vangjush Dako, si simbol i pushtetit të blerë me paratë e drogës së krimit të organizuar, nuk e ka vendin në zyrën e kryebashkiakut të Durrësit, por pas hekurave, si i kreu i shtabit kriminal të vjedhjes, blerjes dhe deformimit të zgjedhjeve në Qarkun e Durrësit!
Provat janë aty, në dosjen e pambyllur 339! Mjafton që prokurorë të guximshëm dhe të pakapur nga Edi Rama, të bëjnë detyrën!
Aq shumë prova ka për krimin elektoral dhe lidhjen me bandat kriminale të Vangush Dakos, sa nga dosja 339 janë zbardhur nga media tre biseda të kryebashkiakut të Durrësit, që provojnë se ai ka qenë në komunikim të vazhdueshëm më bandën para, pas dhe pas zgjedhjeve.
• Biseda e shkurtit 2017 me Altin Avdylaj, me nofkën Niçja, të cilit i premton një favor, e provon këtë.
• Kryetari i Bashkisë së Durrësit, pasi ka blerë vota, bashkë me trafikantët ndërkombëtarë të drogës, komunikon sërish me Niçen për të falenderuar kreun e bandës, Astrit Avdylaj, dy ditë pas zgjedhjeve.
• Nga përgjimet, shqiptarët kanë parë sesi banda e Avdylajve, një pjesë e të cilës është në burg për trafik ndërkombëtar droge, i kërkon Dakos të ndërhyjë për të larguar forcat speciale.
Dosja 339 me provat e krimit elektoral nuk i le asnjë shteg shpëtimi kryebashkiakut :
Vangjush Dako do të arrestohet!
Ish-Kryeministri Sali Berisha ka ironizuar masat e rrepta të ndërmarra nga Policia për të ruajtur zv.ministrin e Brendshëm Sandër Lleshi në takimet e tij jashtë Tiranës, si ai i fundit në Elbasan.
“Bllokohen rrugët kur lëviz Lleshi (Lleshaj) i Kallam Dështakut!, shkruan Berisha në Facebook, duke reaguar pas denoncimit të një qytetari, që ka shprehur habi nga masat e jashtëzakonshme. – Përforcime me mijëra policë për vizitën e djeshme të zv.ministrit të parë antikushtetues, antiligjor Lleshi (Lleshaj) në Elbasan. Lexoni mesazhin e qytetarit dixhital,” nënvizon ish-Kryeministri në vijim.
Mesazhi dërguar ish-Kryeministrit Berisha
“Elbasani i blinduar nëpër rrugë. Gjatë gjithë rrugës Tiranë-Elbasan, sidomos në qytet, qindra e qindra policë. Merret vesh se në orën 15:00 ka mbërritur me eskortë të përforcuar, makina e zv.ministrit të Brendshëm = ministër në Drejtorinë e Policisë, sikur udhëtonte në një zonë të pushtuar nga krimi.
Mbarimi i takimit po ashtu, me shumë përforcime, sa rruga e Metalurgjisë ishte bllokuar.
Lind pyetja: Përse?
Nga kush ruhet zv.ministri i rendit?
Po qytetarët shqiptarë, kush i ruan?
A nuk janë edhe ata bij nënash?
Zoti ma ruajt. Flm i nderuar Doktor!”
Barku i fryrë? Cilat janë ushqimet që duhet të shmangim dhe cilat janë ushqimet që duhet të marrin për të qenë gjithmonë në formë?
Barku i fryrë është një çrregullim i bezdisshëm që, përveç të qenit i shëmtuar, gjithashtu ndikon në mirëqenien tuaj. Shkaqet mund të jenë të shumta: kalimtare – si një vakt shumë i rëndë – ose i lidhur me sëmundjet kronike.
Le t’i shohim së bashku dhe të zbulojmë se si mund të ndihmojë ushqimi i shëndetshëm.
Barku i fryrë: nga se varet
Ka shumë faktorë që mund të jenë në origjinë të barkut të fryrë. Një problem që shpesh nuk ka të bëjë me mbipeshën ose me indin yndyror të grumbulluar rreth barkut, por është një shenjë e ajrit në stomak e shkaktuar nga sëmundjet e traktit gastrointestinal: më së shumti është sindroma e zorrëve të irrituara.
Edhe mungesa e tolerancës ndaj laktozës dhe sëmundja celiake, ndër simptomat e tyre më të zakonshme, madje edhe ënjtja e barkut: nëse dyshoni se vuani prej tij, merrni një provë për të siguruar dhe ndryshuar dietën tuaj në përputhje me rrethanat.
Në mungesë të sëmundjeve, barku i fryrë mund të jetë një shenjë e zakoneve të këqija në tavolinë: mes tyre, tendenca për të ngrënë ushqim me bollëk, ose për të ngrënë shpejt dhe për të mos përtypur mirë, duke shkaktuar vështirësi në tretje, rëndim dhe ënjtje.
Por, edhe ushqime të caktuara mund të nxisin ënjtjen e barkut, ashtu si të tjerët mund të ndihmojnë për ta luftuar atë. Le t’i zbulojmë.
Ushqimet që e fryjnë barkun
Rregulli i parë është që të shmangim ushqimet që mezi treten si për shembull ushqimet yndyrore, por edhe ushqimet ose pijet që janë veçanërisht të nxehta ose të ftohta.
Nëse qëllimi është një bark të sheshtë shmang edhe pije të gazuara, lëngje frutash, ëmbëlsirat, disa perime të tilla si brokoli, spinaq, marule, lakër, presh, panxhar, qepë, patëllxhan, gështenja dhe fruta të thata, të cilat tentojnë të fermentohen me lehtësi të madhe dhe prandaj prodhojnë ajër. Kjo këshillë është veçanërisht e vërtetë për ata që vuajnë nga sindroma e zorrëve të irrituara, të cilët gjithashtu duhet të shmangin bishtajoret, patatet, djathin e freskët dhe qumështin.
Ky ushqim është akuzuar shpesh për të qenë shkaku kryesor i ënjtjes abdominale, në fakt tretshmëria e qumështit lidhet me ndjeshmërinë individuale, laktozën ose përqindjen e yndyrës që përmban. Eliminimi i plotë i qumështit nga dieta ditore u rekomandohet vetëm atyre që kanë probleme reale të jotolerancës ndaj këtij ushqimi ose, në fakt, vuajnë nga sëmundje që mund të shkaktojnë çrregullime.
Ushqime kundër ënjtjes
Nëse disa ushqime kanë fuqinë për t’ju bërë të ndiheni të fryrë në një kohë të shkurtër, të tjerët duhet të konsiderohen si deflacion i vërtetë i barkut.
Shpargu, për shembull, ka veti diuretike të pabesueshme: futini ato në dietën tuaj dhe do të keni rezultate të menjëhershme. Edhe një sallatë e pasur me kastravec ka vetinë e pastrimit dhe do t’ju ndihmojë të eliminoni toksinat dhe mbeturinat.
Ka ushqime të pasura me kripë, të tilla si parmixhana, harengë, të cilat mund të bëjnë që stomaku juaj të mbushet, sepse ato shkaktojnë mbajtjen e ujit. Nëse nuk mund t’i shmangni ato, sepse ndoshta jeni të ftuar në një darkë, mund të hani një banane për të zvogëluar efektet në stomakun tuaj. Cili është truku? Banania, ashtu si të gjitha ushqimet e pasura me kalium, ndihmon në uljen e nivelit të natriumit në trup dhe në këtë mënyrë lehtëson kullimin.
Dhe për të qëndruar gjithmonë të hidratuar pini shumë ujë, pasi është numri një edhe për të luftuar fryrjen e barkut!
Mëngjesi me një kos grek, i pasur me proteina dhe fermentime laktike, është një ndihmë e madhe për të lehtësuar tranzitin e zorrëve dhe rrjedhimisht keni një stomak të sheshtë.
Si një alternativë për shalqi, ju mund të zgjidhni rrushin e kuq, në gjendje që të zvogëlojë gazin e barkut dhe të shuajë ndjenjën e urisë.
Ndërkohë, nëse jeni të ftuar për një aperitiv, përpiquni të shmangni pijet e gazuara dhe alkoolike dhe të zgjidhni çaj ose kafe të ftohtë, ose ndoshta një përzierje frutash dhe perimesh.
Shumica prej nesh jemi tejet të ngarkuar me jetët tona të përditshme, ndërsa kemi probleme të biem në gjumë në mbrëmje.
Kur është fjala për vendosjen e kokës në jastëk dhe të fjeturit gjumë, nuk ka asgjë më frustuese sesa një trup dhe tru që nuk ndalojnë së garuari.
Një pjesë e madhe e të rriturve raportojnë për probleme me gjumë, ndërsa mungesa e gjumit shpie në koordinim të dobët të duarve me sy, probleme me lëkurë, sistem më të dobët të imunitetit, etj.
Sidoqoftë, Lisa Gatenby, nutricioniste, tregon se dieta e mirë mund ta përmirësojë kualitetin e gjumit. Sipas saj, janë tri ushqime të cilat duhet t’i hamë për gjumë më të mirë:
Qumësht
Mund të jetë diçka që edhe gjyshja ju ka këshilluar ta bëni si fëmijë, por faktikisht ka edhe dëshmi shkencore që e mbështesin këtë këshillë. Qumështi tregohet se i relakson muskujt dhe rrjedhimisht e ndihmon trupin të relaksohen dhe të bëhet gati për gjumë.
Karbohidratet
Ka një arsye se përse i kthehemi karbohidrateve në momentet e nevojshme. Karbohidratet e nxisin lirimin e serotoninës, gjë e cila shkakton ndjenja të mirëqenies dhe lumturisë.
Gatenby sugjeron që karbohidratet t’i konsumoni në shujtën e darkës – duke sugjeruar të konsumoni ushqime si patatet e ëmbla, patatet, orizi, pastat, etj.
Arrat braziliane
Nëse e gjeni veten duke pasur probleme gjatë natës, përpiquni t’i hani disa arra braziliane para se të vjen koha e gjumit.
Ato janë të pasura me selen, ndërsa seleni sjell shumë përfitime për aspekte të ndryshme të trupit, duke përfshirë përmirësimin e funksionit të aftësive njohëse, shëndetin e thonjve dhe flokëve, sistemin e imunitetit, dhe pjellorinë te dy gjinitë.
Nëse nuk konsumojmë mjaftueshëm selen, ne do të kemi probleme me gjumë, prandaj tri arra braziliane rekomandohen për gjumë të mirë
Një i ashtuquajtur super projekt, për ndërtimin e rrugëve, ka shpërthyer sot, në kokën dhe në mediat virtuale të Edi Ramës.
Ky projekt në dukje gjigand, ngjan si dy pika ujë me PPP-të dhe koncesionet proverbiale, prej të cilave Edi Rama do të mbahet mend gjatë.
Ky zëvendësim, bëhet jo vetëm për të rrëmbyer paratë publike, por duket edhe për të thithur nga bankat, një borxh të fshehtë mbi një miliardë euro.
Le ti shohim një pjesë të këtyre projekteve më konkretisht.
Rruga Thumanë – Kashar
Kjo rrugë është e gjatë 21 kilometra. Ajo i është dhënë me koncesion firmës Gener 2. Është rrugë fushore dhe ka një kosto të frikshme, plot 337 milionë euro. Në dokumentat e tenderit rezulton se qeveria do të dalë garant, për kredinë që do të marrë firma ndërtuese Gener 2. Specialistët nënvizojnë se, ky është një korridor rrugor, por jo një prioritet kombëtar. Kosto e saj, 16.85 milionë euro për kilometër, është jashtë cdo norme ndërtimore, duke e krahasuar edhe me rrugët më malore të rajonit.
Rruga Orikum – Dukat
Koncesioni për rindërtimin e kësaj rruge, që është thjesht një zgjerim, është fituar nga kompania “Gjikuria”, me ofertë të pakërkuar. Kësaj kompanie në mënyrë të çuditshme, qeveria, i akordon kontratat më të majme dhe më të dyshimta. Konkretisht, rruga Orikum – Dukat, është 16 kilometra dhe do t’i kushtojë buxhetit të shtetit plot 50.5 milionë euro. Ekpertët mendojnë se çmimi i këtij koncesioni është i dhjetëfishuar.
Rruga Kashar – Rrogozhinë
Është e gjatë 44 kilometra dhe do të kushtojë 15.2 milionë euro për kilometër, pra 670 milionë euro në total. Kjo rrugë me këtë shifër të çmendur është në proces konkludimi. Nuk dihet saktësisht forma e financimit, por mendohet se ajo do të jetë me koncesion dhe kredia me garanci nga shteti.
Rruga e Arbrit, Tiranë-Qafë Bllatë
Ështe 72 kilometra e gjatë. Kostoja e kësaj rruge do të jetë 250 milionë euro. Ëshë një koncesion i fituar nga firma “Gjoka”, e cila do të investonte 250 milionë euro nga buxheti i saj, por pak javë më pas, qeveria ka akorduar plot 4 milionë euro të tjera për shërbime konsulence.
Kjo rrugë ka disa segmente. Pjesa më e madhe e saj ka përfunduar vite më parë. Segmenti Tiranë – Ura e Brarit, ka qenë i përfunduar. Segmentet në Bulqizë – Maqellarë – Kufi Qafë Bllatë, janë thjesht rikonstruksion. Koncesioni ka shumë anë të errëta dhe të paqarta.
Bypassi i Fierit dhe i Vlorës
Deri më tani janë bërë vetëm 10% e punimeve dhe të dyja bashkë kushtojnë 60 milionë euro. Megjithatë, këto dy bypasse, sa i përket çmimeve, janë si nata me ditën me çmimet e rrugëve të lartpërmendura. Lë të marrim si shembull bypassin e Vlorës. Kjo është një rrugë 29 kilometra e gjatë. Është rrugë malore dhe kushton 35 milionë euro. Ndërsa, rruga Thumanë – Kashar, është 21 kilometra dhe është një rrugë fushore, por kushton plot 337 milionë euro. Kjo rrugë, me parametrat e tenderave të BERZH-it, përfshirë këtu edhe veprat e artit, duhet të kushtonte vetëm 3 milionë euro për kilometër. Çuditërisht ajo kushton 5 herë më shumë.
Rruga Tiranë – Elbasan
Është e gjatë 30 kilometra dhe kushton 450 milionë dollarë, pra rreth 13.3 milionë dollarë për kilometër.
Tuneli i kësaj rruge, ka filluar në kohën e qeverisjes së Sali Berishës, i cili në atë kohë e konsideronte atë si një hambar votash. E projektuar dhe e ndërtuar nxitimthi, kjo rrugë ha çdo ditë vetëm para, për shkak të rrëshqitjeve të herë pas hershme. Punimet e kësaj rruge filluan në vitin 2011 me kompaninë greke “Aktor”, me një vlerë prej 312.5 milionë dollarësh. Deri në ditët e sotme, siç e theksuam, kostoja e kësaj rruge, ka shkuar në 450 milionë dollarë dhe nuk dihet a do të përfundojë ndonjëherë. Ajo që dihet saktësisht, është që ish drejtorët e ARRSH-së, të Berishës apo Ilir Metës, herë pas here hyjnë dhe dalin nga burgu. Ky proces nuk ka filluar ende me drejtorët e Edi Ramës.
Rruga Çorovodë – Përmet
Është e gjatë rreth 40 kilometra. Ky projekt, u prezantua në prill të vitit 2016. Punimet u inaguruan na Maj 2017. Siç ndodh rëndom në Shqipëri, disa copa janë ndërtuar më parë. Projekti është i kushtetueshëm dhe i vështirë.Rruga ka filluar të ndërtohet vite më parë nga firma “Salillari”, për një Lot me vlerë 10 milionë euro. Por, pa përfunduar, ARRSH i ka dhënë firmës edhe 2 milionë euro.
Bypassi i Shkodrës
Ky projekt ka filluar para 7 vitesh me një fond 1.9 miliardë lek. Deri sot, punimet vetëm janë shtyrë. Së fundmi, ARRSH i ka dhënë firmës edhe 2.5 milionë euro shtesë.
Rruga Lin – Pogradec.
Ndërtimi i saj ka filluar shumë vite më parë. Pak muaj më parë firma, “Pevlaku”, ka fituar sërish një tender me vlerë rreth 1.3 milionë euro. Kjo është një rrugë që duket sikur nuk to të mbarojë kurrë.
Këto janë në vija të përgjithshme, deri sot, rrugët e florinjta të Edi Ramës.
Të bën përshtypje fakti, që në këto projekte, Edi Rama ka prirjen të thërrasë njerëzit që kanë punuar me Berishën dikur , në tentativë për të bërë edhe opozitën të heshtë.
Edhe më shumë përshtypje të bën fakti, që në këto kontrata, siç është rasti i Rrugës Thumanë – Kashar, qeveria do të japë deri në përfundimin e veprës, 20% të vlerës. Ky fakt të bën të mendosh, që kompanitë do ti ndërtojnë rrugët me paratë e shtetit dhe këtu lind pyetja: ku do të shkojnë paratë e këtyre super kostove të shpallura deri më sot?
Kjo praktikë e Edi Ramës, është kritikuar vazhdimisht nga Fondi Monetar Ndërkombëtar, si mekanizëm për rritjen e borxhit publik.
Nënvizojmë, se eksperiencat e Berishës me Rrugën e Kombit, apo atë të Elbasanit, Edi Rama i ka shumëfishuar, me skema thuajse piramidale, të njëjta me ato të PPP-ve dhe kosto stratosferike që do ta çojnë këtë vend, pashmangshmërisht drejt greminës. Për të gjitha këto, në mos sot, nesër, Edi Rama do duhet të pergjigjet./Tpz
Presidenti Ilir Meta ka vendosur që t’i japë kohë vetes deri sonte në mbrëmje për të thënë fjalën e tij lidhur me dekretimin apo jo të Sandër Lleshit në postin e Ministrit të Brendshëm.
Duke iu përgjigjur interesimit të gazetarëve pas një eventi të organizuar në ambientet e Kuvendit, Meta tha se në mbrëmje në emisionin Zonë e Lirë ai do të paraqiste vendimin e tij final.
“Ka kohë deri në mbrëmje kur të jem te Zona e Lirë me gazetarin Arian Çani”, u shpreh Meta. Ndërkohë që nëse i ka mbërritur apo jo një përgjigje nga ana e Ministrisë së Mbrojtjes, rreth 14 pyetjeve të bëra nga presidenca, Meta u shpreh se ishte duke shkuar në zyrë, dhe do të konsultohej me të gjitha dokumentacionet.
Kujtojmë se kjo është hera e dytë që Meta do të shprehet për Sandër Lleshin, pas refuzimit për herë të parë të emrit të tij për postin e Ministrit të Brendshëm.
Arsyeja që dha Meta për rrëzimin e dekretit të parë:
Çështja është më e qartë për opinionin pas iniciativës së dytë të Ramës për të propozuar sërish kandidaturën e zotit Lleshi. Pyetjet që unë bëra publike e sqarojnë.
Kemi të bëjmë me sqarimin e situatës së ushtarakut dhe ministrit të cilat janë të papajtushme me Kushtetutë.
Unë nuk kam marrë asnjë vendim. Unë po bashkëpunoj për të sqaruar. Ne po vazhdojmë diskutimet aktualisht. Një shkelje e qartë e kushtetutës është një përgjegjësi e madhe e presidentin.
Afrimi i zgjedhjeve lokale po kristalizon grupimet brenda Partisë Socialiste, me Edi Ramën nga njëra anë dhe dyshen Fatmir Xhafaj-Erjon Veliaj nga ana tjetër. “Boldnews.al” raportoi pak ditë më parë për një sherr të ashpër mes kryeministrit dhe kryetarit të Bashkisë së Tiranës. Gjatë këtij debati, sipas burimeve të “Boldnews.al”, Edi Rama ka kërcënuar “Lali Erin” se nuk do ta rikandidojë për bashkinë e Tiranës dhe në vend të tij, Partia Socialiste do të përfaqësohet nga ministrja aktuale e Shëndetësisë, Ogerta Manastirliu.
Ky “kërcënim” duket se është vlerësuar maksimalisht nga Lali Eri, pasi mediat pranë kryebashkiakut kanë nisur një fushatë kritikash ndaj ministrisë së Shëndetësisë, e cila drejtohet nga Manastirliu.
Rasti më tipik është Top Channel, televizioni që ka vendosur t’i bëjë “opozitë” qeverisë vetëm në çështjet e shëndetësisë, sektor i drejtuar nga Ogerta Manastirliu. Natyrisht, në aspektin mediatik janë të kuruara mirë nga stafi i Top Channel, pasi, në të vërtetë, sektori i Shëndetësisë në vendin tonë është në gjendje të mjeruar.
Por, ky television ka intensifikuar publikimin e problemeve të shëndetësisë, sidomos gjatë dy javëve të fundit, periudhë që përkon pikërisht me sherri Rama-Veliaj.
Ditën e martë, Top Channel kishte rezervuar në edicionin qëndror të lajmeve dy kronika të njëpasnjëshme
lidhur me mungesën e burimeve njerëzore dhe infrastrukturën në disa qendra shëndetësore.
Në kronikën e parë, evidentohej gjendja e mjeruar e qendrës shëndetësore Ballsh, në të cilën nuk ka as infermierë dhe as ambulanca. Në kronikën e dytë, Top Channel sjell shqetësimin e zonjave nga Bulqiza, të cilat nuk kanë mundësi të kryejnë mamografinë në qendrën shëndetësore të qytetit. Pak ditë më parë, Top Channel solli pamjet e ambjenteve të mykosura në qendrën shëndetësore të Zhabjakut, në Rrogozhinë.
Në një kronikë të pak ditëve më parë, Top Channel arriti në konkluzionin se “Task-Forca” e Ministrisë së Shëndetësisë për të kontrolluar barnat në farmaci nuk janë treguar efikase. Sipas kësaj kronike, “Kur kontrollet e task forcës së ngritur nga Ministrisë së Shëndetësisë janë drejt fundit rastet e konstatuara për subjekteve që tregtojnë barnat kontrabandë apo barna pa pullë janë shumë të pakta…”.
Gjatë dy javëve të fundit, Top Channel ka transmetuar lajme problematike që lidhen me mungesën e ilaçeve për fëmijët me sindromën Doën, për organizimin e një konkursi të dyshuar fiktiv lidhur me shefat e rinj të pavioneve apo edhe për problemet e talasemikëve. Të gjitha janë kronika që paraqesin realitetin e vështirë të Shëndetësisë shqiptare.
Por, paralelisht me këto kronika problemore për Shëndetësinë e drejtuar nga Manastirliu, Top Channel vijon me intensitet pompimin e Erjon Veliajt si “njeriu i punës”, “njeriu që mendon për njerëzit”, ashtu siç “Lali Eri” ka orientuar zyrën e tij të propagandës dhe mediat bashkëpunëtore të tij.
“Boldnews.al”
Bashkia Tiranë do t’i japë 3,2 milionë euro kompanisë Fusha shpk për ndërtimin e impiantit të përpunimit të ujit të pijshëm në liqenin e Bovillës.
Kontrata është lidhur më 23 tetor dhe ka një kohëzgjatje prej 10 muajsh.
Në tender morën pjesë pesë kompani, dy prej të cilave nuk kanë paraqitur ofertë ekonomike, ndërsa dy të tjera janë skualifikuar nga gara pasi nuk përmbushnin kriteret, duke lënë kompaninë Fusha shpk të vetme në garë.
Vlen të theksohet se kompani nuk ka eksperiencë të mëparshme në ndërtimet e impianteve të përpunimit të ujit.
Deri më tani, tenderët që Fusha shpk ka fituar kanë qenë kryesisht për ndërtime apo rikonstruksione sheshesh, godinash dhe për pastrimin e qyteteve.
Pak ditë më parë, Fusha shpk fitoi dhe tenderin me vlerë 1 milionë euro për rikonstruksionin e godinës së Universitetit Politeknik të Tiranës.
Kompania Fusha shpk, po ashtu, ka fituar të dyja fazat e rindërtimit të Sheshit Skënderbej dhe ndërtimin e parkimit nëntokësor në këtë shesh, pa asnjë konkurrent tjetër në tender.
Po ashtu ajo ka fituar së bashku me ‘Everest shpk’ tenderin për ndërtimin e sheshit shumë të debatuar Veliera në Durrës.
Në muajt e ardhshëm, Fusha pritet gjithashtu të fillojë ndërtimin e një ndërtese të re të Teatrit Kombëtar dhe disa kulla, në krah të tij, në tokë publike, pa asnjë procedurë tenderimi.
Fusha shpk ka përfituar të paktën rreth 30 milionë euro kontrata nga pushteti lokal vetëm gjatë periudhës korrik 2015—korrik 2018. Të paktën rreth 13 milionë të tjera Fusha i ka përfituar nga pushteti lokal, në të njejtën periudhë kohe, së bashku me kompani të tjera, me të cilat ka fituar kontrata si bashkim kompanish.
/Exit.al
Kryetarja e LSi, Monika Kryemadhi, e ka ngritur zërin dje gjatë një takimi me LSI në Dibër për protestën e banorëve të Unazës së Re në Tiranë, aty ku siç u shpreh, “një pjesë e tyre janë dhe dibranë, bashkëpatriotë tanët.”
“Duke pasur parasysh që janë gati 370 familje, të cilët humbasin shtëpitë e tyre, humbasin pronat e tyre, – tha Kryemadhi, – arroganca e Edi Ramës kalon çdo lloj norme e kufiri.
Jemi të gjithë dakord që rrugët në Tiranë duhen shtruar, zhvilluar.
Jemi të gjithë dakord për infrastrukturën se ashtu siç po shtrohet rruga e Arbërit, edhe pse do të ketë një kosto shumë të madhe, për buxhetin e shtetit dhe për xhepat e shqiptarëve, ne jemi dakord edhe pse mund të kemi objeksionet tona përsa i përket momenteve korruptive që mund të ketë ajo rrugë.
Ne themi që është një rrugë që në fund të fundit, nuk ka për ta fut në xhep as Edi Rama, as Monika as Rimi, por do jetë një rrugë që do ta përdorin dibranë, do ta përdorë biznesi për të zhvilluar ekonominë.
Ndërkohë në Tiranë kemi një gje tjetër, kemi spostimin e shtratit të Lanës, jo me qëllim për të bërë rrugë por kemi spostimin e shtratit të Lanës me një qëllim të vetëm, për të krijuar hapësirë për sipërfaqe ndërtimi, për kompani ndërtimi që duan të ndërtojnë pallate.
Dhe ndërkohë të gjithë këta qytetarë, të gjithë këta njerëz të cilët kanë 22 vjet që paguajnë taksa, taksë gjelbërimi, pastrimi, televizoni, shkollash, energji, drita, pastrim rrugësh, të gjitha, këta njerëz prej 22 vitesh kanë paguar dhe legalizimet, dhe mbi 8 milionë lekë, edhe kur i kemi thënë do t’i keni falas dhe kur do ju themi i kemi me pagesë.
Kanë paguar topografët, harta, dokumentacione, pra të cilat janë para pafund, sot ju thuhet që do të ikni dhe do të ngreni plaçkat.
Do t’i prishni dhe shtëpitë vetë.
Pra të marrin dhe matrapikun për të prishur shtëpitë e tyre.
Po nëse ne do t’i shkonim Edi Ramës dhe do t’i kërkonim që të prishte shtëpitë e tij apo të familjarëve të tij, ç’do të bënte Edi Rama?
Gjëja e parë do t’i rregullonte në këto apartamentet luksoze që ka bërë mes Tiranës. Pra siç kujdeset ai për familjarët e tij, për oligarkët e tij, ne mendojmë që qeveria ka të drejtë apo dhe Bashkia e Tiranës ka të drejtë që të kujdeset për qytetarët e tij.
I njëjti koncept, i njëjti mentalitet, të njëjtën logjikë Edi Rama përdor kudo në të gjitha Bashkitë. Bashkitë të cilat ai i kontrollon, bën si të dojë vetë, pra i bën një vizatim hartës së qytetit dhe prish pallate, prish shtëpi, prish biznese për të krijuar fasadat e veta të ekspozitave dhe skulpturave të tij të baltës,” theksoi Kryemadhi.
