Një tjetër protestë e madhe pritet që të përfshijë Shqipërinë. Këtë herë protesta po organizohet në rrjetet sociale dhe në krye të saj janë vetë qytetarët. Me thirrje nëpër Facebook, të shtunën pritet që të ketë një protestë për çmimin e karburanteve në vend.
Më poshtë thirrja e bërë nga Nisma Thurje
Të shtunën protestojmë kundër çmimit të lartë të naftës. Kundër taksës së qarkullimit.
Sot paguajmë çmimin më të lartë të naftës në rajon dhe një ndër më të lartët në Europë. Por nëse llogarisim dhe vjedhjet në sasi dhe ato në cilësi, çmimi që sot paguajmë është më i larti në Europë!
Kërkesat tona janë:
1. Heqja e taksës së qarkullimit dhe reflektimi i heqjes së saj në çmimin e naftës.
Nuk mund të paguajmë një taksë që e ka humbur funksionin. Në një moment kur për mirëmbajtjen e rrugëve ka një plan për dhënie me konçesion dhe bërje të kalimit me pagesë, si dhe kur ne paguajmë çdo vit taksën e rregjistrimit të automjeteve, atëherë ne kërkojmë heqjen e taksës së tretë, taksës së qarkullimit.
2. Sigurim i cilësisë së naftës dhe garantimi i mosvjedhjes në sasi. Të dyja këto janë detyra bazike të shtetit, të cilat ai s’i ka përmbushur deri më sot. Ne kërkojmë që shteti të bëjë detyrën dhe të mbrojë qytetarët nga këto vjedhje direkte dhe indirekte.
3. Publikimi i të gjitha kontrolleve të kryera nga institucionet e kontrollit të cilësisë së naftës dhe të sigurisë së pistoletave në karburante. Kërkojmë bërjen publike me emër dhe vendodhje të çdo karburanti që është gjetur në shkelje nga institucionet shtetërore. Është e papranueshme që shteti t’i kapë duke vjedhur dhe informacionin t’ua mbajë të fshehtë qytetarëve, dhe ata të vazhdojnë të vidhen.
Protesta do të jetë marshim që do të nisë nga Sheshi Shqiponja dhe do të përfundojë në një tubim përpara Kryeministrisë.
Studentët na e mësuan rrugën si bëhet. Ne na duhet thjesht të bëjmë të njëjtën gjë.
Të shtunën te sheshi Shqiponja!

Deputeti i PD, Agron Shehaj ka hedhur të tjera akuza ndaj ministrit Damian Gjiknuri. Ky i fundit vazhdon të pretendojë se kanë marrë masat e duhura duke anuluar tenderin e Unazës së re, pas zbulimit të skandalit të falsifikimit të dokumenteve të njërës prej firmave, atë DH Albania.
Nga ana tjetër, deputeti i PD-së që zbuloi skandalin, është shprehur se ‘këta janë njerëz që tentuan të vjedhin në mënyrë të organizuar në emër të Edi Ramës dhe tani hiqen si shpëtimtarë të parave publike!’.
Reagimi i plotë i deputetit Agron Shehaj
Gjëja më e padurueshme në skandalin e projektit të Unazës është pafytyrësia dhe mungesa e çdo skrupulli e drejtuesve të ARRSH-së dhe Ministrit Gjiknuri.
Ministri lavdëroi veten se i kishte shpëtuar shqiptarëve 30 milionë euro duke prishur kontratat mashtruese, kurse sot ARRSH ka paditur kompaninë Dunwell Haberman.
Këta janë njerëz që tentuan të vjedhin në mënyrë të organizuar në emër të Edi Ramës dhe tani hiqen si shpëtimtarë të parave publike! Arrogancës me të cilën ata vjedhin ja kalon vetëm arroganca me të cilën ata përçmojnë shqiptarët, duke i trajtuar ata si budallenj që nuk kuptojnë.
Këta njerëz që nuk kanë asnjë fije morali njerëzor nuk mund të vazhdojnë të paguhen më asnjë ditë me paratë e popullit, duhen larguar si hajdutë dhe pastaj të dalin para drejtësisë.

Shpëtim Hala, kryetari i FRESSH-it Elbasan, anëtar i Senatit të Universitetit, ishte një nga të ftuarit e Ramës në studion e Top-Channel në Top Show-n e Dudushit. Ky njeri ka një dekadë që qëndron në vit të parë Master për të shërbyer si student i Partisë. Është edhe kushëriri i Mariglen Dishës, drejtori i hipotekës Elbasan.
Në studion e Top Show ishin ftuar freshistë dhe miq të Ramës e Veliajt. Por pavarësisht se kryeministri brenda përbrenda studios ndihej mbase si në një takim të zakonshëm me strukturat rinore të partisë që drejton, jashtë asaj studioje mijëra studentë qëndronin në të ftohtë nëpër rrugët e krryqytetit duke protestuar për kauzat e tyre të drejta, dhe kjo natyrisht e shqetësonte Ramën.
Përgjatë rreth tre orëve ku pjesën më të madhe të saj e rezauroi ai duke folur, kryeministri herë pas here shpërfaqte tensionin dhe makthin e tij të brendshëm përmes gjesteve të pakontrolluara, mimikës së shpërfytyruar dhe fjalëve që stërpërsëriste sikur të ishte duke i thënë për herë të parë.

Në Francë vijojnë protestat e “Jelekëve të verdhë”, te cilet tashme synojne uljen e kostos së jetesës, pas tubimeve kundër rritjes së çmimit të naftës.
Në manifestimin e sotëm është valëvitur edhe flamuri shqiptar nga një protestues, i cili besohet se mund të jetë shqiptar.
‘Jelekët e verdhë’ kanë motivuar edhe banorët e ‘Unazës së Re’, të cilët protestojnë prej ditësh me ndryshimin se jelekët e tyre janë ngjurë portokalli.

Shumë shoqata kanë dalë në krah të tyre. Sot ata kanë marrë edh mbështetjen e Shoqata Erasmus Mundus.
Deklaratë Solidarizuese-Protesta e Studentëve Shqiptarë
Shoqata Erasmus Mundus (EMA) solidarizohet me studentët shqiptarë, të cilët po protestojnë ndaj tarifave të larta, që për rrjedhojë zvogëlojnë aksesin e studentëve në arsimin e lartë cilësor.
Programet e Erasmus-it bazohen në parimin e qasjes së barabartë nga studentët në Sistemet e Arsimit të Lartë pavarësisht përkatësisë së tyre. Ne synojmë krijimin e kushteve të barabarta për studentët pavarësisht origjinës së ndryshme sociale, financiare, kulturore dhe kombëtare, duke theksuar rëndësinë e një edukimi cilësor për këdo që e kërkon atë.
Shoqata Erasmus Mundus (EMA) solidarizohet me studentët shqiptarë, që po protestojnë kundër tarifave të larta, që kanë sjellë ulur aksesin e studentëve në arsimin e lartë cilësor.
Duke pasur parasysh efektet e tjera që sjell një vendim i tillë, EMA inkurajon cdo person që ndikon në marrjen e vendimeve pozitive në këtë drejtim. Kur zërat bëhen së bashku, ata mund të dëgjohen më shumë.
Jemi të keqardhur megjithatë që një ngjarje e tillë ndodh në kulmin e fushatës sonë #DoesItMatter, që bazohet pikërisht në mundësitë e barabarta për të gjithë, ndaj është e rëndësishme të kuptohet pse keni ndërmarrë një vendim të tillë.

Bashkia e Kukësit iu përgjigj në mënyrë ironike, akuzave të kryeministrit Edi Rama dhe etiketimeve të tij ndaj bashkive të djathta, duke theksuar se po përpiqet të “sfumojë me çdo kusht protestën e studentëve”.
Sipas deklaratës, së kryebashkiakut Bashkim Shehu, qytetarët e Kukësit kanë vuajtur më shumë se çdo kush tjetër padrejtësisë e qeverisë.
“Kukësi nuk ka tashmë studentë, sepse ju zt. Kryeministër e mbyllët Filianin e UT-së, duke detyruar qindra të rinj të braktisin auditorët nga pamundësia ekonomike e të ikin jashtë vendit. Populli i Kukësit e ka dhuratë aeroportin dhe ju e gënjeni çdo ditë që do të hapet. Zoti Kryeministër merr shembull nga Bashkia e Kukësit, që megjithëse e varfër në maksimum, ka 3 vite që e trajton me bursë 100% të studentëve aplikonte të Kukësit”, thuhet në reagimin e kryabashkiakut.

Ndërkohë që studentët vazhdojnë protestën e tyre në kryeqytet, në ditën e 8-të të qëndresës para Ministrisë së Arsimit dhe kryeministrisë, ish-Kryeministri Sali Berisha ka denoncuar dhunën dhe terrorin ndaj studentëve të Shkodrës.
Përmes një postimi në rrjetet sociale, Berisha ka publikuar mesazhin e një studenti nga qyteti i Shkodrës, i cili shkruan se policia i ka dhunuar për të mos i lejuar t’i bashkohen protestës në kryeqytet.
Postimi i ish-Kryeministrit Berisha në Facebook
Rama i tmerruar urdheron te bllokohen studentet qe vijne nga Shkodra drejt Tiranes.
Lexoni denoncimin dhe shikoni fotot e studentit dixhital. sb
Nj grup studentash na ka ndalua policija dhe nuk na len qete vim ne tiran per te kerkuar te drejta tona bile nj oficer policije ka hypur ne atobuz e na ka ba persjon dhe na ka shty e na ka goditur dhe ofenduar shum rend.

Banorët e Shkodrës, njërit nga qarqet më të varfër të Shqipërisë, të rrënuar ekonomikisht me papunësinë më të lartë ne vend dhe me një nivel shumë të lartë emigrimi, po protestojnë për të treten ditë me radhë në hyrje të qytetit të tyre. Me parrulla në duar kundër rritjes së çmimeve, protestuesit kanë bllokuar rrugën për rerth një orë. Në një nga parrullat shkruhej: “Ulni çmimin e dritave ose do t’u ulim automatin”.
Ata kanë disa kërkesa, jetike, ekonomike.
Protestuesit kërkojnë jetesë më të mirë, rritjen e pagave, uljen e çmimit të karburantit, punësim dhe taksa më të ulta.