19.8 C
Tirana
E martë, 13 Maj, 2025
type here...

Shqipëri-Skoci, Shkodra në “shtetrrethim”!

Nesër në mbrëmje, ora 20:45, do të luhet në stadiumin “Loro Boriçi” të Shkodrës ndeshja ndërkombëtare e futbollit, Shqipëri-Skoci. Një ballafaqim i vlefshëm për Ligën e Kombeve, ku kuqezinjtë synojnë medoemos fitoren, në të kundërt puna e trajnerit Christian Panucci konsiderohet e dështuar.
Duke qenë se do të ketë një numër të konsiderueshëm tifozësh skocezë, por edhe shqiptarë, referuar edhe situatës jo fort pozitive kriminale në kryeqendrën e veriut, Policia e Shtetit dhe ajo e Shkodrës do të marrin masa për mbarëvajtjen e aktivitetit sportiv para, gjatë dhe pas ndeshjes në fjalë.
Këto masa janë përshkruar si më poshtë, në njoftimin për shtyp të uniformave blu:
“Më datë 17.11.2018 ora 20.45 në Shkodër do të zhvillohet ndeshja ndërkombëtare e futbollit, e vlefshme për Ligën e Kombeve, ndërmjet përfaqësueseve të Shqipërisë dhe Skocisë, e cila do të luhet në stadiumin “Loro Boriçi”.
Në kuadër të planit të masave të marra nga Departamenti i Rendit dhe Sigurisë Publike në Drejtorinë e Përgjithshme të Policisë së Shtetit, Drejtoria Vendore e Policisë Shkodër, do të merren një sërë masash teknike dhe organizative për sigurimin e rendit dhe sigurisë publike, para, gjatë dhe pas zhvillimit të ndeshjes ndërkombëtare të futbollit, duke synuar një mbarëvajtje të aktivitetit sportiv.
Në kuadër të këtyre masave të parashikuara, informojmë qytetarët e qytetit Shkodër, tifozërinë vendase dhe tifozët e ardhur nga Skocia e treva të tjera, që do të ndjekin ndeshjen në stadiumin “Loro Boriçi”, se DVP Shkodër, për mbarëvajtjen normale të aktivitetit sportiv, do të marrë disa masa ndaluese dhe kufizuese mbi qarkullimin dhe parkimin e automjeteve në afërsi të stadiumit dhe në akset rrugore, që lidhen me të, si më poshtë vijon:

1. Për lëvizjen e automjeteve dhe parkimin e tyre do të përdoret Unaza e Qytetit Shkodër, si nga krahu lindor, ashtu edhe nga krahu perëndimor.
2. Për parkim të automjeteve në qytetin Shkodër do të përdoren këto vende:
▪ Sheshi “Mehmet Shpendi” tek ish-Ndërmarrja e Fermentimit.
▪ Gjatësia e rrugës së Shkollës së Mesme Industriale “Arben Broci”.
▪ Sheshi tek stacioni i trenit të udhëtarëve.
▪ Sheshi dhe rruga tek “Fusha e Druve” në unazën lindore.
3. Në rrugën “Bujar Bishanaku” (ose rruga e gjerë e Kirasit), duke filluar nga ora 10:00 do të ketë ndalim të qarkullimit rrugor dhe ndalim të parkimit të automjeteve në të dy kahet e rrugës, deri në orën 24.00.
4. Marrja e këtyre masave bëhet për arsye se kjo rrugë do të jetë e vetmja rrugë kryesore e hyrje-daljes së tifozave vendas dhe të huaj.
5. Në aksin bulevardi “Zogu i Parë” (ose sheshi Parrucë deri tek “Ish 5-Heronjtë”), duke filluar nga ora 10:00 do të ketë kufizim të qarkullimit dhe ndalim parkimi të automjeteve në të dy kahet e rrugës, deri në orën 24.00.
6. Do të ndalohet parkimi i automjeteve dhe lëvizja e tyre nga degëzimet e rrugës që të çojnë në rrugën “B. Bishanaku” dhe anasjelltas, nga ora 10.00 deri në ora 24.00.
7. Do të ndalohet parkimi dhe lëvizja e automjeteve në rrugën “Zyhdi Repishti” (rruga e ish-poligonit të qitjes) nga ora 10.00 deri në orën 24.00.
8. Do të ndalohet parkimi dhe lëvizja e automjeteve në rrugën e tregut industrial dhe fruta-perime në Zdrale nga ora 10.00 deri në orën 24.00.
9. Do të ketë kufizim lëvizjeje të automjeteve në orët e pasdites deri në përfundim të ndeshjes në segmentet rrugore:

– “Xhabije – Parrucë”
– “Sheshi 2 Prilli – Parrucë”
– “Kryqëzimi i ish degës – Ish 5-Heronjtë”
– “Kryqëzimi i Rusit – Ish 5-Heronjtë”
10. Aktiviteti sportiv është parashikuar të fillojë në orën 20.45 dhe hyrja e tifozërisë, me qëllim shmangien e konfuzionit, do të nisë në orën 17.00.
11. Kërkojmë mirëkuptimin e sportdashësve që do të marrin pjesë në këtë aktivitet në respektimin dhe zbatimin e këtyre masave, si dhe paisjen me biletë dhe dokument identifikimi, duke shmangur njëkohësisht mbajtjen me vete dhe futjen në ambientet e stadiumit të sendeve të forta, borive, shisheve të çfarëdolloji, fishekzjarreve, monedhave apo sendeve metalike, pasi në hyrje do të kontrollohen fizikisht të gjithë.
12. Njoftojmë administratorët e bizneseve që zhvillojnë aktivitet tregtar përreth dhe në afërsi të stadiumit “Loro Boriçi” që të tregohen mirëkuptues, duke i mbyllur aktivitetet në orën 14.00.
13. Drejtoria Vendore e Policisë Shkodër kërkon mirëkuptimin e komunitetit shkodran dhe drejtuesve të automjeteve, që të shmangin zonën ku zhvillohet aktiviteti sportive, duke përdorur akse dhe drejtime të tjera lëvizjeje, pasi kjo do të vlerësohej si një ndihmë mjaft e çmuar në mbarëvajtjen dhe garantimin e masave të sigurisë”.

Asensio: Dua të ndihem i rëndësishëm te Real Madrid

Marco Asensio thotë se kërkon të ndihet më i rëndësishëm te Real Madrid. Sulmuesi spanjoll këtë sezon nuk ka treguar vazhdimësi teksa Los Blancos kanë vuajtur shumë.
Këtë javë, Asensio u shpreh se kishte liderë të tjerë në skuadër, lojtarë me më tepër eksperiencë, por tani thotë se klubi duhet të tregojë më tepër besim tek ai.
“Jam akoma i ri, ka lojtarë të tjerë që duhet të udhëheqin ekipin,” shprehet ai.
“Dua të bëj një kontribut më të madh për klubin, të ndihem më i rëndësishëm dhe gjithashtu të kem vetëbesimin e duhur në mënyrë që klubi të më japë më tepër përgjegjësi.
“Ndonjëherë ndjej shumë presion. Kur bën një ndeshje të mirë, je më i madhi. Dhe kur shënon gol të bukur, njerëzit fillojnë të kritikojnë.
“Ky muaj i keq nuk më ka ndryshuar mënyrën se si mendoj dhe e di se kemi aftësinë për të përmbysur situatën”.

Xi, partia, shteti: Vertikalja e re e pushtetit kinez

Presidenti ka rivendosur totalisht primatin e PKK-së, të së cilës i është imponuar udhëheqës i padiskutueshëm. Kjo i mundëson që ta përjetësojë binomin kapitalizëm – dirixhizëm. Por në perspektivë tranzicioni politike, me të panjohurat relative, duket i pashmangshëm.

“Parti, qeveri, ushtri, shoqëri, shkollë, Lindje, perëndim, Jug, Veri: Partia është udhëheqësja e gjithçkaje». Kjo shprehje e thënë nga Presidenti kinez Xi Jinping i përshtatet gjuhës së përdorur nga «Timonieri i Madh» Mao Ce Dun dhe pasqyron hierarkinë e sotme të pushtetit në Republikën Popullore. Në pikën që në fundin e 2017 është futur në statutin e Partisë Komuniste Kineze (PKK). Qysh nga viti 2012 që ka marrë drejtimin e vendit, Xi në fakt e ka forcuar më tej rolin e PKK-së (që numëron thuajse 89.6 milion anëtarë) si çernierë rreth të cilës vërtiten qeveria, Ushtria Popullore Çlirimtare (UPÇ), inteligjenca, ndërmarrjet publike dhe të fuqishmit lokalë. Xi, që është përcaktuar zyrtarisht për partinë si «bërthama» (hexin), e ka përqëndruar pushtetin vendimmarrës në duart e tij vetëm siç kishte bërë vetëm Mao më parë, ka lançuar një luftë të ashpër kundër korrupsionit për të përjashtuar antagonistët dhe «drunjtë e shtrembër» nga PKK-ja dhe nga forcat e armatosura, ka pozicionuar njerëz të besuar të tij në pozicione drejtuese dhe ka future risi institucionale për të riorganizuar nyjet e pushtetit. «Neoautoritarizmi» (xin quanwei zhuyi), i të cilit Xi është protagonist, është teorizuar tashmë nga Wang Huning, që sot është në Komitetin e Përhershëm të Byrosë Politike, organ kryesor i lartë i PKK-së. Wang ka një detyrë thelbësore: të plazmojë ideologjinë e partisë, të transmetuar shoqërisë nga aparati i propagandës. Këshilltari i Xi ka kontribuar në zhvillimin e koncepteve ideologjike të përpunuara nga Jiang Zemin dhe Hu Jintao, si edhe të «ëndrrës kineze» dhe të «rilindjes së kombit» të shpallura nga Xi. Kjo e fundit parashikon rikthimin e vendit në rangun e fuqisë botërore brenda vitit 2049. Sipas Wang, stabiliteti politik është baza e zhvillimit politik. Faktorë si demokracia dhe liria individuale do të merren në konsideratë vetëm në një moment të dytë, kur kushtet historike, sociale dhe kulturore do e mundësojnë.
Xi është i bindur se kjo është rruga për të zbatuar reformat socioekonomike paraprake për «rilindjen» kombëtare. Një rrugëtim i tillë pengohet nga probleme tashmë të pashmangshme: hendeku i pasurisë midis pjesës bregdetare dhe asaj të brendshme, si dhe midis qytetit e fshatit; ndotja; urbanizimi; plakja e shpejtë demografike; rrezik i shpërthimit të flluskës imobiliare. Elementëve të tillë u shtohen kërcënimet e jashtme: midis këtyre janë përplasja potenciale me Shtetet e Bashkuara në Azi – Paqësor, tensionet me Japoninë dhe pasojat e mundshme negative që burojnë nga ripushtimi i Tajvanit, të cilin Pekini e konsideron conditio sine qua non të «rilindjes» së tij. Sigurisht që përputhja e faktorëve të brendshëm e të jashtëm do të ndikojë mbi raportin midis Xi e Deep State dhe mbi fatet e partisë.

Përqëndrim vendimmarrës
Një prej ndryshimeve më të rëndësishme të mbujtur nga udhëheqësi i PKK-së në logjikat e pushtetit kinez është heqja e limitit të dy mandative presidenciale, e ndodhur gjatë Kongresit të XIII-të Kombëtar të Popullit (organ suprem legislativ) i mbajtur në majin e 2018. Kjo do t’i mundësojë Xi që ta ruajë rolin e kreut të shtetit edhe pas vitit 2022, paralelisht me atë të Sekretarit të Parë dhe të kreut të Komisionit Qendror Ushtarak (CMC), organ drejtues i UPÇ. Formalisht, partia ka qenë gjithmonë vatra e ekzistencës së republikës Popullore. Megjithatë, kur Ten Hsiao Pini drejtonte vendin, pushteti qendronte tek UPÇ-ja dhe ndahej me PKK-në dhe shtetin. Në fakt, «Timonieri i Vogël» ishte President i Komisionit Qendror Ushtarak, por nuk ishte në krye të Komitetit të Përhershëm të Byrosë Politike të PKK-së. Nuk ishte as midis anëtarëve të saj. Organi udhëhiqej në fakt nga Zhao Ziyang, që nga ana e tij ishte Zëvendëspresident Komisionit Qendror Ushtarak. Presidenti i Republikës Yang Shangkun mbulonte të njëjtin post. Ky mekanizëm kaq i komplikuar dhe i brishtë i detyronte të tri qendrat e pushtetit në një dialektikë konstante. Në mënyrë të veçantë pengonte që të verifikohej një përqëndrim i ri vendimmarrës i ngjashëm me atë të realizuar më parë nga Mao Ce Duni. Në përfundim të mandatit të tij të parë, Xi ka arritur që t’i përmbysë këto ekuilibra pushteti. Udhëheqësi kinez mund t’i mbante frenat edhe pa qenë president, post respektivisht të cilit dy të tjerët i atribuojnë pushtete më të mëdha. Megjithatë, reforma do t’i mundësojë «bërthamës» që ta institucionalizojë ndjekjen e lidershipit të tij, ta ruajë më shumë nga sulmet e antagonistëve të tij potencialë dhe ta forcojë më tej kontrollin e PKK-së ndaj aparatit shtetëror.

Institucionalizimi i luftës kundër korrupsionit
Xi ka kërkuar që të ndalet shtimi i qendrave të pushtetit midis enteve shtetërore të niveleve të ndryshme të formyara gjatë presidencave të mëparshme. Politika e reformës dhe e hapjes e promovuar nga Ten Hsiao Pini parashikonte që funksionarët lokalë të kishin përgjegjësinë e stimulimit të rritjes e vendeve në varësi, të stimuluar nga fakti që nga ana e tyre do të pasuroheshin. Kjo strategji krijoi premisat e bumit ekonomik kinez, por favorizoi edhe përhapjen e madhe të korrupsionit. Një situatë e tillë u ashpërsua me presidentët Jiang Zemin dhe Hu Jintao, kur u shfaq më forcë të madhe formimi i rrjeteve midis partisë, aparateve të sigurisë, botës së biznesit dhe forcave të armatosura. Lufta kundër korrupsionit e promovuar nga Xi ka shërbyer pikërisht për ta çmontuar këtë botë, që në fakt kërcënonte stabilitetin e PKK-së. Në vitin 2012, Xi ka ngarkuar aleatin e tij Wang Qishan (tani Zëvendëspresident) që të drejtojë Komisionin Qendror për Inspektimin Disiplinor (CCID) të PKK-së në luftën kundër «tigrave» dhe «mizave» (të korruptuarit e rangut të lartë dhe të ulët) dhe këtë vit ka krijuar një komision të ri për mbikëqyrjen kombëtare. Në ndryshim nga i pari, ky i dyti monitoron jo vetëm sjelljen e anëtarëve të partisë, port ë të gjithë funksionarëve dhe të enteve shtetërore. Përfshi kompanitë publike, spitalet, shkollat dhe qendrat kërkimore. Numri i subjekteve që i nënshtrohen monitorimit do të rritet me 200%. Organi i ri drejtohet nga Yang Xiaodu, ish Zëvendëssekretar i CCID-së. kjo tregon se lufta kundër të korruptuarve mbetet në kontrollin e PKK-së.

Ngritja dhe rënia e aparateve të sigurisë së brendshme
Falë punës së CCID-së, Xi ka marrë kontrollin e aparateve të sigurisë së brendshme. Përpara vitit 2012, Komisioni Qendror i PKK-së, që mbikëqyrte çështjet e sigurisë kombëtare (përfshi aktivitetet e inteligjencës së brendshme) ishte një prej organeve më të fuqishme të PKK-së. Zhou Yongkang, që ishte kreu i tij, konsiderohej si «Cari» i inteligjencës kineze. Zhou e kishte përdorur komisionin për të zhvilluar një rrjet midis shtyllave të pushtetit kinez dhe buxheti i caktuar për organin e kryesuar prej tij ishte më i lartë se ai i UPÇ-së. Për këtë, në vitin 2014 politikani ka qenë «tigri» i parë që është goditur nga fushata antikorrupsion. Vitin e kaluar, Liu Shiyu ka qenë funksionari i parë i nivelit të lartë që ka pranuar publikisht se Zhou bashkë me Bo Xilai (dikur kreu i partisë në Chongqing), Sun Zhengcai (pasuesi i tij) dhe gjeneralët Ling Jihua, Xu Caihou dhe Guo Boxiong kishin organizuar një komplot për përmbysjen e Presidentit. Të gjithë ishin pjesë e të ashtuquajturit «fraksion i Jiang Zemin», formulë me të cilën tregohen politikanët që ia detyrojnë ngritjen e tyre mbështetjes së ish Presidentit. Çmontimi i rrjetit të interesave të Zhou ka shkaktuar një ricaktim të shpejtë të posteve kyçe në aparatin e sigurisë së brendshme dhe në UPÇ të politikanëve që kanë bërë karrierë me Xi. Veç kësaj, Presidenti ka ndaluar që anëtarët e Komisionit për Çështjet Politike dhe Ligjore të mbanin pozicione të tjera drejtuese. Në fakt, sekretari i tij është pjesë e Byrosë Politike të PKK-së, por jo i Komitetit të Përhershëm të saj. Domethënë është në një nivel hierarkisht më të ulët se në të kaluarën.

Kontrolli i të fuqishmëve lokalë
Rasti i Zhou Yongkang ka lënë të kuptohet se të fuqishmit lokalë janë goditur drejtpërsëdrejti nga procesi i përqëndrimit vendimmarrës dhe se proverbi sipas të cilit «nivelet më të larta kanë politikat, ato më të ulëta kundërmasat» (shang you zhengce, xia you duice) duhet të hidhet poshtë. Chongqing, ku më parë Bo Xilai e më pas Sun Zhengcai kanë qenë sekretarë të parë të partisë, është në fakt sot aglomerati urban gjeopolitkisht më interesant i Republikës Popullore pasi sintetizon sfidat gjeoekonomike të vendit të vitet e ardhshme. Njësia në fjalë ndodhet në Kinën Qendro – jugore, në një zonë malore në afërsi të Lumit Yangtze (ose Lumit të Kaltër). Ky buron në rrafshnaltën e Tibetit dhe derdhet në Detin e Kinës Jugore dhe lidh pjesën e brendshme të vendit me brigjet. Në të njëjtën kohë, ndaj pjesën veriore nga ajo jugore. Edhe në dritën e pozicionit gjeografik të tij, Pekini synon tek Chongqing për të mbushur hendekun ekonomik midis qendrës dhe periferisë. Në të njëjtën kohë, aglomerati urban është një nyje nevralgjike e iniciativave infrastrukturore të nisra në kuadrin e rrugëve të reja të mëndafshit. E gjitha kjo shpjegon se pse Chongqing ka qenë gjatë viteve të fundit teatër i luftërave të brendshme të PKK-së dhe pse Chen Min’er, që ka punuar me Xi në njësinë administrative të Zhejiang, është sot Sekretar i Parë i PKK-së në megalopol.

Riorganizimi i UPÇ-së
Siç thoshte Mao Ce Duni, «pushteti buron nga gryka e pushkës». Për këtë arësye, Xi ka kryer disa reforma për të mbajtur fuqimisht në duar frenat e UPÇ-së (besnikëria e të cilës i shkon partisë, jo shtetit) dhe në të njëjtën kohë t’i favorizojë modernizimin. Objektivi: të trasformojë Kinën në një fuqi detare dhe kibernetike në vitet e ardhshme. Për mbikëqyrjen në mënyrë të drejtpërdrejtë riorganizimin e forcave të armatosura, Xi ka marrë rolin e kreut të Qendrës së Komandës të betejës së Përbashkët të Komisionit Qendror Ushtarak, të grupit Drejtues Qendror për Reformat Ushtarake për Reformat Ushtarake, të Komisionit Qendror për Sigurinë Kombëtare, të Komisionit për Zhvillimin e Integruar Ushtarako – Civil. Ushtria tokësore është e pajisur me një shtab të përgjithshëm të sajën. Përpara kësaj reforme, ku funksion realizohej nga Komisioni Qendror Ushtarak, gjë që e vinte ushtrinë në pozicion të mbiurdhëruar krahasuar me degët e tjera të UPÇ-së. duke vepruar kështu, Xi ka thjeshtuar strukturën komanduese dhe ka marrë fqusimisht kontrollin e Komisionit Qendror Ushtarak.
Policia e Armatosur e Popullit (PAP) është vënë nën kontrollin ekzkluziv të Komisionit, duke iu hequr Këshillit të Shtetit (Ekzekutivit të Republikës Popullore të Kinës), ndërsa Roja Bregdetare varet tani nga PAP-i. Të dyja i përgjigjen vetëm partisë, jo qeverisë: askush nëpërmjet hierarkisë shtetërore mund ta mobilizojë PAP-in kundër partisë. Pekini ka ngarkuar edhe një Ministri për Çështjen e Veteranëve të sapokrijuar që të merret me çështjet lidhur me ushtarakët në pension, që më shumë se një herë kanë shprehur pakënaqësi për trajtimin ekonomik të marrë. Objektivi është të shmanget që pakënaqësia e tyre të nxisë jostabilitet të brendshëm.

Reforma e kompanive shtetërore dhe kontrolli i kompanive private
Tani që lufta kundër korrupsionit ka nxjerrë jashtë loje kundërshtarë të ndryshëm të Presidentit, Xi mund ta përshpejtojë procesin e reformave të prirur që të përmirësojë cilësinë e ekonomisë kineze. Në mënyrë domethënëse, Komisioni Qendror për Zhvillimin dhe Reformat i Këshillit të Shtetit është privuar nga pushtete të ndryshme, të shpërndara në ministri të tjera. Në fakt, Komisioni merrej shumë me miratimin e projekteve dhe shumë pak me futjen e ndryshimeve të rëndësishme në modelin ekonomik kinez; veç kësaj, anëtarë të ndryshëm të tij janë përfshirë në skandale korrupsioni.
Sistemi kinez parashikon që tregu menaxhon resurset, ndërsa «dora e dukshme» e Pekinit mbledh rezultatet më të mira. Për këtë arësye, PKK-ja ushtron kontrollin si ndaj kompanive publike, ashtu edhe të atyre private: thuajse totaliteti i të parave dhe 70% e të dytave (përfshi ato të huaja që operojnë në Kinë) kanë brenda tyre zyra të partisë që mbikëqyrin operacionet e përditshme dhe luajnë një rol kyç në procesin vendimmarrës.
Partia e ushtron influencën e saj mbi kompanitë publike edhe nëpërmjet Komisionit për Mbikëqyrjen dhe Administrimin e Resurseve Shtetërore të Këshillit të Shtetit (me akronimin SASAC). Pohimet e Drejtorit të tij Xiao Yaqing, të përcjella nga e përditshmja e Shkollës Qendrore të PKK-së, nuk lënë vend për keqkuptime: 10 milion anëtarët e partisë të punësuar në kompanitë shtetërore «janë shtylla kurrizore e klasës punëtore kineze». Xiao thekson se Pekini do t’i rezistojë privatizimit, domethënë që kompanitë shtetërore do të vazhdojnë të udhëheqin ekonominë kineze dhe do të mbeten nën kontrollin e PKK-së. midis reformave tashmë të individualizuara figurojnë «pjesëmarrja e përzier», që u mundëson kompanive private të fitojnë pjesë tek ato publike në vështirësi për t’u shëndoshur borxhet; shkrirja midis kompanive shtetërore të mëdha e të vogla; mbylljen e atyre joprodhuese, të quajtura «zombie» pasi mbahen në jetë nga qeveria. Ky opsion i fundit është më i mprehtë, pasi implikon pushimin nga puna e miliona njerëzve dhe rrezikon të ushqejë pakënaqësinë sociale.

Pekini ka kufizuar edhe investimet e jashtmë e kompanive private për të penguar ato që kanë akumuluar tashmë borxhe të mëdha për kryerjen e operacioneve «iracionale» që ua rëndojnë situatën. Për shembull, konglomeratit “Dalian Wanda” të drejtuar nga Wang Jianlin i është dashur «që të përshtatet me tendencën e zhvillimit ekonomik kombëtar» dhe të përqëndrohet me dhënien vlerë të tregut të brendshëm. Wu Xiaohui dhe Ye Jianming, respektivisht krerë të grupit sigurues Anbang dhe të CEFC China Energy, janë akuzuar në fakt për «krime ekonomike» dhe janë arrestuar. PKK-ja do që të përdorë gjigandët teknologjikë Baidu (motor kërkimi i ngjashëm me Google), Tencent (që posedon systemin e mesazhistikës WeChat) dhe Alibaba (uebsajt shitjesh online) për të mbushur hendekun në fushën e inteligjencës artificiale me Shtetet e Bashkuara. Prandaj ia ka caktuar zyrtarisht atyre detyrën e përshpejtimit të zhvillimit respektivisht të drejtimit automatik, të sistemit të transportit urban dhe të përdorimit të kompjuterëve për diagnozat mjekësore.
Një detyrë e tillë kërkon që këto kompani private të mos operojnë sipas qejfit. Ajo që po ndodh me zhvillimin e sistemit të kreditimit social (mekanizmi me të cilin nga viti 2020 qeveria do të vlerësojë, do të çmojë dhe do të ndëshkojë sjelljen e individëve, enteve publike dhe private) është shembullore. Banka Qendrore e ka penguar kompaninë Tencent që të nis versionin e saj provë të këtij mekanizmi të nesërmen e lançimit të tij, ndërsa krediti Zhima (Sesamo) e Alibaba është akuzuar se shkel privatësinë e përdoruesve. Xi nuk do që këta kolosë të shfrytëzojnë sasinë e madhe e të dhënave të vëna në dispozicion nga 751 milion përdoruesit e Internetit kinez vetëm për interesat e tyre; në fakt, do t’ua përdorë potencialitetet teknologjike për ta kontrolluar më mirë vendin.

Çfarë do të mbesë nga Xi?
Është vështirë të imagjinohet që një riorganizim i ngjashëm i ekuilibrave të pushtetit të mos gjenerojë pakënaqësinë tek ata që më parë përfitonin nga stauskuoja. Prandaj ka të ngjarë që në vitet e ardhshme do të krijohen fërkime të reja në gjirin e PKK-së. Sipas të gjitha gjasave, Xi do të qeverisë përtej vitit 2022, por në perspektivë tranzicioni politik është i pashmangshëm. Megjithatë, nëqoftëse bërthama aktuale e lidershipit kinez do t’ia transferojë të gjithë pushtetin e saj një individi të vetëm apo do ta rishpërndajë, në funksion të teorive të Wang Huning, sot nuk është e parashikueshme. Mbi një proces të tillë do të ndikojnë nfakt rezultati i reformave socioekonomike, dinamikat e brendshme në parti dhe entiteti i kërcënimeve të jashtme ndaj stabilitetit të vendit. Kompleksiteti i këtyre faktorëve e bën një decentralizim të ri vendimmarrës aspak të mirëqenë.
(nga Limes)

Përgatiti
ARMIN TIRANA

Sa megapiksel ka syri i njeriut?

Sipas shkencëtarit dhe fotografit, dr. Roger Clark, rezolucioni i syrit të njeriut është 576 megapiskelë. Rezolucioni prej 576 megapikselëve do të thotë që nëse do të krijonit ekran me fotografi aq të kthjellët dhe të qartë sa që nuk mund t’i dalloni pikselët veç e veç, do të detyroheshit që të paketonit 576 megapikselë në sferën e madhësisë së fushës suaj të shikimit.
Për të ardhur deri te ky numër, doktor Clark ka supozuar kthjelltësinë optimale vizuale në fushën e shikimit, përkatësisht ka supozuar që sytë tuaj lëvizin sipas pamjes para jush. Mirëpo në një shikim, rezolucioni zvogëlohet përreth 5-15 megapikselë.
Kjo është kështu sepse sytë tuaj kanë shumë të meta të cilat kamera nuk i pranon.
Pamjet në rezolucion të lartë i shihni vetëm në hapësirë shumë të vogël madje në qendër të fushës suaj të shikimit, të quajtur fovea.Keni pikën e vdekjes aty ku nervi juaj optik takohet me retinën tuaj. Lëvizni sytë tuaj sipas pamjes jo vetëm për të grumbulluar më shumë informacione, por për t’i përmirësuar ato mangësi në sistemin tuaj vizual.
Mirëpo, syri nuk është objektiv i fotoaparatit i cili grumbullon riprodhime në bankën tuaj memorike.
Syri është më i ngjashëm me detektivin, ai grumbullon të dhëna dhe gjurmë nga rrethina, ndërkaq pastaj i dërgon në tru në atë mënyrë që të formohet fotografia e plotë.
Natyrisht, tashmë ekziston rezolucioni i ekranit në të cilin sytë tanë nuk mund t’i dallojnë pikselët.

Kapen 4 kg heroinë e kokainë në Itali, në pranga dy shqiptarë

Katër kilogramë heroinë dhe kokainë janë kapur mëngjesin e sotëm në Itali.
Arrestimet janë bërë në Padova, Itali dhe në pranga janë vënë dy shqiptarë.
Droga mësohet se shitej në Padova dhe në Venecia.
Operacioni është bërë nga skuadra e lëvizshme e policisë së Padovas, pas një hetimi të koordinuar nga prokuroria e këtij qyteti.
Shqiptarët janë kapur me 2 kilogramë heroinë dhe 1.7 kilogramë kokainë.
Policia italiane pritet të dalë në një konferencë për të dhënë detaje të tjera.

Peshku i madh i dosjes 339/ PD: Dako, simbol i pushtetit të blerë me paratë e drogës, do të arrestohet!

Partia Demokratike ka vijuar sërish akuzat për kreun e Bashkisë Durrës, Vangjush Dako. Deputetja e PD, Orjola Pampuri, në një deklaratë për mediat tha se, Dako ka lidhje me bandat kriminale dhe duhet të ishte në burg.
“Dako është Peshku i madh i dosjes 339”, tha deputetja demokrate.
Deklarata e plotë
Që prej 22 Tetorit, kur Partia Demokratike u tha shqiptarëve se Vangjush Dako është peshku i madh i dosjes 339 Kryetari i Bashkisë së Durrësit po shpreson ta kalojë me heshtje krimin e blerjes së votave me bandat e Shijakut dhe të Durrësit.
Heshtja nuk do ta ndihmojë Vangjush Dakon! Vendi i tij është në burg, bashkë me bandën e Avdylajve, nën akuzë për trafik ndërkombëtar droge nga Amerika Latine në Europë.
Përgjimet zyrtare të dosjes 339 nuk i lënë rrugë tjetër mikut të bandës së Avdylajve.
Vangjush Dako duhet të arrestohet!
Përgjimet telefonike provojnë qartë masakrën e zgjedhjeve nga bandat e krimit në Durrës, në këmbim të favoreve që kryebashkiaku u ka bërë me paratë e taksapaguesve dhe pashritë e bashkisë së Durrësit!
Vangjush Dako, si simbol i pushtetit të blerë me paratë e drogës së krimit të organizuar, nuk e ka vendin në zyrën e kryebashkiakut të Durrësit, por pas hekurave, si i kreu i shtabit kriminal të vjedhjes, blerjes dhe deformimit të zgjedhjeve në Qarkun e Durrësit!

Provat janë aty, në dosjen e pambyllur 339! Mjafton që prokurorë të guximshëm dhe të pakapur nga Edi Rama, të bëjnë detyrën!
Aq shumë prova ka për krimin elektoral dhe lidhjen me bandat kriminale të Vangush Dakos, sa nga dosja 339 janë zbardhur nga media tre biseda të kryebashkiakut të Durrësit, që provojnë se ai ka qenë në komunikim të vazhdueshëm më bandën para, pas dhe pas zgjedhjeve.
• Biseda e shkurtit 2017 me Altin Avdylaj, me nofkën Niçja, të cilit i premton një favor, e provon këtë.
• Kryetari i Bashkisë së Durrësit, pasi ka blerë vota, bashkë me trafikantët ndërkombëtarë të drogës, komunikon sërish me Niçen për të falenderuar kreun e bandës, Astrit Avdylaj, dy ditë pas zgjedhjeve.
• Nga përgjimet, shqiptarët kanë parë sesi banda e Avdylajve, një pjesë e të cilës është në burg për trafik ndërkombëtar droge, i kërkon Dakos të ndërhyjë për të larguar forcat speciale.
Dosja 339 me provat e krimit elektoral nuk i le asnjë shteg shpëtimi kryebashkiakut :
Vangjush Dako do të arrestohet!

Tmerr në Elbasan, reagon Berisha: Bllokohen rrugët kur lëviz Lleshi i Kallam Dështakut

Ish-Kryeministri Sali Berisha ka ironizuar masat e rrepta të ndërmarra nga Policia për të ruajtur zv.ministrin e Brendshëm Sandër Lleshi në takimet e tij jashtë Tiranës, si ai i fundit në Elbasan.
“Bllokohen rrugët kur lëviz Lleshi (Lleshaj) i Kallam Dështakut!, shkruan Berisha në Facebook, duke reaguar pas denoncimit të një qytetari, që ka shprehur habi nga masat e jashtëzakonshme. – Përforcime me mijëra policë për vizitën e djeshme të zv.ministrit të parë antikushtetues, antiligjor Lleshi (Lleshaj) në Elbasan. Lexoni mesazhin e qytetarit dixhital,” nënvizon ish-Kryeministri në vijim.
Mesazhi dërguar ish-Kryeministrit Berisha
“Elbasani i blinduar nëpër rrugë. Gjatë gjithë rrugës Tiranë-Elbasan, sidomos në qytet, qindra e qindra policë. Merret vesh se në orën 15:00 ka mbërritur me eskortë të përforcuar, makina e zv.ministrit të Brendshëm = ministër në Drejtorinë e Policisë, sikur udhëtonte në një zonë të pushtuar nga krimi.
Mbarimi i takimit po ashtu, me shumë përforcime, sa rruga e Metalurgjisë ishte bllokuar.
Lind pyetja: Përse?
Nga kush ruhet zv.ministri i rendit?
Po qytetarët shqiptarë, kush i ruan?
A nuk janë edhe ata bij nënash?
Zoti ma ruajt. Flm i nderuar Doktor!”

Si të luftojmë fryrjen e barkut

Barku i fryrë? Cilat janë ushqimet që duhet të shmangim dhe cilat janë ushqimet që duhet të marrin për të qenë gjithmonë në formë?
Barku i fryrë është një çrregullim i bezdisshëm që, përveç të qenit i shëmtuar, gjithashtu ndikon në mirëqenien tuaj. Shkaqet mund të jenë të shumta: kalimtare – si një vakt shumë i rëndë – ose i lidhur me sëmundjet kronike.
Le t’i shohim së bashku dhe të zbulojmë se si mund të ndihmojë ushqimi i shëndetshëm.
Barku i fryrë: nga se varet
Ka shumë faktorë që mund të jenë në origjinë të barkut të fryrë. Një problem që shpesh nuk ka të bëjë me mbipeshën ose me indin yndyror të grumbulluar rreth barkut, por është një shenjë e ajrit në stomak e shkaktuar nga sëmundjet e traktit gastrointestinal: më së shumti është sindroma e zorrëve të irrituara.
Edhe mungesa e tolerancës ndaj laktozës dhe sëmundja celiake, ndër simptomat e tyre më të zakonshme, madje edhe ënjtja e barkut: nëse dyshoni se vuani prej tij, merrni një provë për të siguruar dhe ndryshuar dietën tuaj në përputhje me rrethanat.
Në mungesë të sëmundjeve, barku i fryrë mund të jetë një shenjë e zakoneve të këqija në tavolinë: mes tyre, tendenca për të ngrënë ushqim me bollëk, ose për të ngrënë shpejt dhe për të mos përtypur mirë, duke shkaktuar vështirësi në tretje, rëndim dhe ënjtje.
Por, edhe ushqime të caktuara mund të nxisin ënjtjen e barkut, ashtu si të tjerët mund të ndihmojnë për ta luftuar atë. Le t’i zbulojmë.

Ushqimet që e fryjnë barkun
Rregulli i parë është që të shmangim ushqimet që mezi treten si për shembull ushqimet yndyrore, por edhe ushqimet ose pijet që janë veçanërisht të nxehta ose të ftohta.
Nëse qëllimi është një bark të sheshtë shmang edhe pije të gazuara, lëngje frutash, ëmbëlsirat, disa perime të tilla si brokoli, spinaq, marule, lakër, presh, panxhar, qepë, patëllxhan, gështenja dhe fruta të thata, të cilat tentojnë të fermentohen me lehtësi të madhe dhe prandaj prodhojnë ajër. Kjo këshillë është veçanërisht e vërtetë për ata që vuajnë nga sindroma e zorrëve të irrituara, të cilët gjithashtu duhet të shmangin bishtajoret, patatet, djathin e freskët dhe qumështin.
Ky ushqim është akuzuar shpesh për të qenë shkaku kryesor i ënjtjes abdominale, në fakt tretshmëria e qumështit lidhet me ndjeshmërinë individuale, laktozën ose përqindjen e yndyrës që përmban. Eliminimi i plotë i qumështit nga dieta ditore u rekomandohet vetëm atyre që kanë probleme reale të jotolerancës ndaj këtij ushqimi ose, në fakt, vuajnë nga sëmundje që mund të shkaktojnë çrregullime.
Ushqime kundër ënjtjes
Nëse disa ushqime kanë fuqinë për t’ju bërë të ndiheni të fryrë në një kohë të shkurtër, të tjerët duhet të konsiderohen si deflacion i vërtetë i barkut.
Shpargu, për shembull, ka veti diuretike të pabesueshme: futini ato në dietën tuaj dhe do të keni rezultate të menjëhershme. Edhe një sallatë e pasur me kastravec ka vetinë e pastrimit dhe do t’ju ndihmojë të eliminoni toksinat dhe mbeturinat.
Ka ushqime të pasura me kripë, të tilla si parmixhana, harengë, të cilat mund të bëjnë që stomaku juaj të mbushet, sepse ato shkaktojnë mbajtjen e ujit. Nëse nuk mund t’i shmangni ato, sepse ndoshta jeni të ftuar në një darkë, mund të hani një banane për të zvogëluar efektet në stomakun tuaj. Cili është truku? Banania, ashtu si të gjitha ushqimet e pasura me kalium, ndihmon në uljen e nivelit të natriumit në trup dhe në këtë mënyrë lehtëson kullimin.
Dhe për të qëndruar gjithmonë të hidratuar pini shumë ujë, pasi është numri një edhe për të luftuar fryrjen e barkut!
Mëngjesi me një kos grek, i pasur me proteina dhe fermentime laktike, është një ndihmë e madhe për të lehtësuar tranzitin e zorrëve dhe rrjedhimisht keni një stomak të sheshtë.
Si një alternativë për shalqi, ju mund të zgjidhni rrushin e kuq, në gjendje që të zvogëlojë gazin e barkut dhe të shuajë ndjenjën e urisë.
Ndërkohë, nëse jeni të ftuar për një aperitiv, përpiquni të shmangni pijet e gazuara dhe alkoolike dhe të zgjidhni çaj ose kafe të ftohtë, ose ndoshta një përzierje frutash dhe perimesh.

Ushqimet që duhet të hani për një gjumë të qetë

Shumica prej nesh jemi tejet të ngarkuar me jetët tona të përditshme, ndërsa kemi probleme të biem në gjumë në mbrëmje.
Kur është fjala për vendosjen e kokës në jastëk dhe të fjeturit gjumë, nuk ka asgjë më frustuese sesa një trup dhe tru që nuk ndalojnë së garuari.
Një pjesë e madhe e të rriturve raportojnë për probleme me gjumë, ndërsa mungesa e gjumit shpie në koordinim të dobët të duarve me sy, probleme me lëkurë, sistem më të dobët të imunitetit, etj.
Sidoqoftë, Lisa Gatenby, nutricioniste, tregon se dieta e mirë mund ta përmirësojë kualitetin e gjumit. Sipas saj, janë tri ushqime të cilat duhet t’i hamë për gjumë më të mirë:
Qumësht
Mund të jetë diçka që edhe gjyshja ju ka këshilluar ta bëni si fëmijë, por faktikisht ka edhe dëshmi shkencore që e mbështesin këtë këshillë. Qumështi tregohet se i relakson muskujt dhe rrjedhimisht e ndihmon trupin të relaksohen dhe të bëhet gati për gjumë.
Karbohidratet
Ka një arsye se përse i kthehemi karbohidrateve në momentet e nevojshme. Karbohidratet e nxisin lirimin e serotoninës, gjë e cila shkakton ndjenja të mirëqenies dhe lumturisë.
Gatenby sugjeron që karbohidratet t’i konsumoni në shujtën e darkës – duke sugjeruar të konsumoni ushqime si patatet e ëmbla, patatet, orizi, pastat, etj.
Arrat braziliane
Nëse e gjeni veten duke pasur probleme gjatë natës, përpiquni t’i hani disa arra braziliane para se të vjen koha e gjumit.
Ato janë të pasura me selen, ndërsa seleni sjell shumë përfitime për aspekte të ndryshme të trupit, duke përfshirë përmirësimin e funksionit të aftësive njohëse, shëndetin e thonjve dhe flokëve, sistemin e imunitetit, dhe pjellorinë te dy gjinitë.
Nëse nuk konsumojmë mjaftueshëm selen, ne do të kemi probleme me gjumë, prandaj tri arra braziliane rekomandohen për gjumë të mirë

Rrugët e florinjta të Ramës, shpenzimet stratosferike dhe piramidat e reja financiare

Një i ashtuquajtur super projekt, për ndërtimin e rrugëve, ka shpërthyer sot, në kokën dhe në mediat virtuale të Edi Ramës.
Ky projekt në dukje gjigand, ngjan si dy pika ujë me PPP-të dhe koncesionet proverbiale, prej të cilave Edi Rama do të mbahet mend gjatë.
Ky zëvendësim, bëhet jo vetëm për të rrëmbyer paratë publike, por duket edhe për të thithur nga bankat, një borxh të fshehtë mbi një miliardë euro.
Le ti shohim një pjesë të këtyre projekteve më konkretisht.
Rruga Thumanë – Kashar
Kjo rrugë është e gjatë 21 kilometra. Ajo i është dhënë me koncesion firmës Gener 2. Është rrugë fushore dhe ka një kosto të frikshme, plot 337 milionë euro. Në dokumentat e tenderit rezulton se qeveria do të dalë garant, për kredinë që do të marrë firma ndërtuese Gener 2. Specialistët nënvizojnë se, ky është një korridor rrugor, por jo një prioritet kombëtar. Kosto e saj, 16.85 milionë euro për kilometër, është jashtë cdo norme ndërtimore, duke e krahasuar edhe me rrugët më malore të rajonit.

Rruga Orikum – Dukat
Koncesioni për rindërtimin e kësaj rruge, që është thjesht një zgjerim, është fituar nga kompania “Gjikuria”, me ofertë të pakërkuar. Kësaj kompanie në mënyrë të çuditshme, qeveria, i akordon kontratat më të majme dhe më të dyshimta. Konkretisht, rruga Orikum – Dukat, është 16 kilometra dhe do t’i kushtojë buxhetit të shtetit plot 50.5 milionë euro. Ekpertët mendojnë se çmimi i këtij koncesioni është i dhjetëfishuar.
Rruga Kashar – Rrogozhinë
Është e gjatë 44 kilometra dhe do të kushtojë 15.2 milionë euro për kilometër, pra 670 milionë euro në total. Kjo rrugë me këtë shifër të çmendur është në proces konkludimi. Nuk dihet saktësisht forma e financimit, por mendohet se ajo do të jetë me koncesion dhe kredia me garanci nga shteti.
Rruga e Arbrit, Tiranë-Qafë Bllatë
Ështe 72 kilometra e gjatë. Kostoja e kësaj rruge do të jetë 250 milionë euro. Ëshë një koncesion i fituar nga firma “Gjoka”, e cila do të investonte 250 milionë euro nga buxheti i saj, por pak javë më pas, qeveria ka akorduar plot 4 milionë euro të tjera për shërbime konsulence.
Kjo rrugë ka disa segmente. Pjesa më e madhe e saj ka përfunduar vite më parë. Segmenti Tiranë – Ura e Brarit, ka qenë i përfunduar. Segmentet në Bulqizë – Maqellarë – Kufi Qafë Bllatë, janë thjesht rikonstruksion. Koncesioni ka shumë anë të errëta dhe të paqarta.

Bypassi i Fierit dhe i Vlorës
Deri më tani janë bërë vetëm 10% e punimeve dhe të dyja bashkë kushtojnë 60 milionë euro. Megjithatë, këto dy bypasse, sa i përket çmimeve, janë si nata me ditën me çmimet e rrugëve të lartpërmendura. Lë të marrim si shembull bypassin e Vlorës. Kjo është një rrugë 29 kilometra e gjatë. Është rrugë malore dhe kushton 35 milionë euro. Ndërsa, rruga Thumanë – Kashar, është 21 kilometra dhe është një rrugë fushore, por kushton plot 337 milionë euro. Kjo rrugë, me parametrat e tenderave të BERZH-it, përfshirë këtu edhe veprat e artit, duhet të kushtonte vetëm 3 milionë euro për kilometër. Çuditërisht ajo kushton 5 herë më shumë.
Rruga Tiranë – Elbasan
Është e gjatë 30 kilometra dhe kushton 450 milionë dollarë, pra rreth 13.3 milionë dollarë për kilometër.
Tuneli i kësaj rruge, ka filluar në kohën e qeverisjes së Sali Berishës, i cili në atë kohë e konsideronte atë si një hambar votash. E projektuar dhe e ndërtuar nxitimthi, kjo rrugë ha çdo ditë vetëm para, për shkak të rrëshqitjeve të herë pas hershme. Punimet e kësaj rruge filluan në vitin 2011 me kompaninë greke “Aktor”, me një vlerë prej 312.5 milionë dollarësh. Deri në ditët e sotme, siç e theksuam, kostoja e kësaj rruge, ka shkuar në 450 milionë dollarë dhe nuk dihet a do të përfundojë ndonjëherë. Ajo që dihet saktësisht, është që ish drejtorët e ARRSH-së, të Berishës apo Ilir Metës, herë pas here hyjnë dhe dalin nga burgu. Ky proces nuk ka filluar ende me drejtorët e Edi Ramës.
Rruga Çorovodë – Përmet
Është e gjatë rreth 40 kilometra. Ky projekt, u prezantua në prill të vitit 2016. Punimet u inaguruan na Maj 2017. Siç ndodh rëndom në Shqipëri, disa copa janë ndërtuar më parë. Projekti është i kushtetueshëm dhe i vështirë.Rruga ka filluar të ndërtohet vite më parë nga firma “Salillari”, për një Lot me vlerë 10 milionë euro. Por, pa përfunduar, ARRSH i ka dhënë firmës edhe 2 milionë euro.

Bypassi i Shkodrës
Ky projekt ka filluar para 7 vitesh me një fond 1.9 miliardë lek. Deri sot, punimet vetëm janë shtyrë. Së fundmi, ARRSH i ka dhënë firmës edhe 2.5 milionë euro shtesë.
Rruga Lin – Pogradec.
Ndërtimi i saj ka filluar shumë vite më parë. Pak muaj më parë firma, “Pevlaku”, ka fituar sërish një tender me vlerë rreth 1.3 milionë euro. Kjo është një rrugë që duket sikur nuk to të mbarojë kurrë.
Këto janë në vija të përgjithshme, deri sot, rrugët e florinjta të Edi Ramës.
Të bën përshtypje fakti, që në këto projekte, Edi Rama ka prirjen të thërrasë njerëzit që kanë punuar me Berishën dikur , në tentativë për të bërë edhe opozitën të heshtë.
Edhe më shumë përshtypje të bën fakti, që në këto kontrata, siç është rasti i Rrugës Thumanë – Kashar, qeveria do të japë deri në përfundimin e veprës, 20% të vlerës. Ky fakt të bën të mendosh, që kompanitë do ti ndërtojnë rrugët me paratë e shtetit dhe këtu lind pyetja: ku do të shkojnë paratë e këtyre super kostove të shpallura deri më sot?
Kjo praktikë e Edi Ramës, është kritikuar vazhdimisht nga Fondi Monetar Ndërkombëtar, si mekanizëm për rritjen e borxhit publik.
Nënvizojmë, se eksperiencat e Berishës me Rrugën e Kombit, apo atë të Elbasanit, Edi Rama i ka shumëfishuar, me skema thuajse piramidale, të njëjta me ato të PPP-ve dhe kosto stratosferike që do ta çojnë këtë vend, pashmangshmërisht drejt greminës. Për të gjitha këto, në mos sot, nesër, Edi Rama do duhet të pergjigjet./Tpz

1...5 1525 1535 154...8 303Faqja 5 153 nga 8 303

Kryesore

Continue to the category
Më shumë
© 2024 Rilindja Demokratike Euroatlantike