Ndërkohë që Tiranë është ‘ndezur’ nga protesta e studentëve dhe ajo e banorëve të Unazës së Re dhe klima politike në vend është e tensionuar, kryeministri Rama është nisur drejt Turqisë ku ka takuar presidentin turk Erdogan.
Nuk dihet se çfarë është diskutuar në këtë vizitë të befasishme të kryeministrit në Turqi, pasi përveç një foto të tij të publikuar në rrjete sociale nga Rama ku shkruan “Insta of the day”, dhe njoftimit në faqen e qeverisë turke ku thuhet se, presidenti Erdogan takoi kryeministrin e Shqipërisë por nuk jepen detaje të tjera.

Reagim i kryebashkiakut të Kamzës Xhelal Mziu

Damian Gjiknuri, i zhytur këmbë e krye në korrupsion, duke mos qenë në gjendje t’u përgjigjet aferave e skandaleve të tij dhe vartësve si të gjithë anëtarët e organizatës “Rilindje”, sot ka përmendur Kamzën. S’kanë faj, se është një zonë, e cila ua di diagnozën dhe nuk i qas fare si alternativë. I gjendur ngushtë pas skandalit të falsifikimeve të dokumenteve të njërës kompani në tender, duke mos ditur çfarë përgjigjeje të kthejë, shqetësohej nga protesta e banorëve të Unazës së Re dhe qenka mërzitur se banorët e Kamzës, sipas tij punonjës të Bashkisë, i qenkan bashkuar protestës. I kujtojmë Damianit dhe anëtarëve të tjerë të organizatës “Rilindje” dhe kreut të saj Rama se duhet urgjentisht t’u japin zgjidhje kërkesave të banorëve që kërkon t’u prishë shtëpitë dhe të mos devijoje çështjen.
Sa u përket banorëve të Kamzës, qofshin këta edhe punonjës të Bashkisë, Bashkia Kamëz nuk ka të drejtë, as tagrin t’i ndaloje ata të protestojnë apo të organizohen si të duan pas orarit zyrtar të punës. Edhe nëse këta banorë apo punonjës jashtë orarit zyrtar të punës kanë shkuar në mbështetje të banorëve të Unazës së Re, kanë bërë mirë, pasi po mbështesin një kauzë të drejtë. Qytetarët e Unazës së Re kanë plotësisht të drejtë në kërkesat e tyre, ndaj meritojnë vëmendjen e qeverisë.
Banorët e Kamzës janë dëshmitarët okularë të megamashtrimit të Edi Ramës për legalizime falas, bërë në qendër të qytetit në kuadër të paketës së mashtrimeve të “Rilindjes”, ndaj janë të parët që duhet të ngrenë zërin dhe të protestojnë ndaj skandaleve të Ramës. Banorët e Kamzës, duke qenë se kane besuar në premtimin dhe filozofinë e PD, si: legalizim pastaj urbanizim, kanë të drejtë të mos i marrin leje askujt për të kërkuar të drejtat legjitime, për t’i kërkuar llogari qeverisë, për të protestuar dhe madje edhe për të dhenë ultimatum: Kujdes me ne! Së fundmi, i kujtojmë Gjiknurit, Veliajt, anëtarëve të tjerë të organizatës “Rilindje” që të kenë kujdes me Kamzën dhe banorët e saj, pasi gjithnjë kanë ditur t’ua japin përgjigjen dhe do të dinë sërish ta bëjnë një gjë të tillë së herë ta kërkojnë.

Zyrtarët premtuan t’i hiqnin të dhënat pasi The Independent njoftoi kryeministrinë, shërbimet inteligjente, ministrinë e jashtme, ministrinë e brendshme, ministrinë e mbrojtjes dhe ministrinë e financave se publikimi i këtij artikulli ishte në pritje. Gjatë muajve që informacioni ka qenë online, ka mundësi ta ketë lënë vendin të brishtë përballë infiltrimit të operativëve nga agjensi inteligjence ruse apo të tjera.
Në mars, Shqipëria dëboi dy diplomatë rusë, të akuzuar për operacione inteligjence të paatorizuara. “Puna e tyre nuk i korrespondonte statusit të tyre diplomatik”, tha në atë kohë ministri i jashtëm Ditmir Bushati.
Shqipëria duket se ka vuajtur në mënyrë të përsëritur nga mungesa e sigurisë së informacionit kur bëhet fjalë për shërbimet inteligjente. Vitin e kaluar, presidenca publikoi online një kopje të paredaktuar të kartës kombëtare identitifikuese të drejtorit Bendo, që përfshinte numrin e identitetit dhe adresën e shtëpisë, si pjesë e një iniciative transparence.
Më herët gjatë këtij viti, një agjencie shtetërore iu dërguan 250 emra të operativëve që shërbejnë në Inteligjencën Ushtarake.
Dokumentet e SHISH datojnë që nga 2014, teksa Shqipëria është përpjekur t’i tregojë

Bashkimit Evropian se po lufton korrupsionin publik dhe po përpiqet të jetë më transparente dhe e përgjegjshme si hap drejt anëtarësimit.
Ligji shqiptar e ndalon nxjerrjen e informacionit sekret shtetëror, me dënime deri 10 vjet burg për zyrtarët që e nxjerrin atë dhe 5 vjet për qytetarët e zakonshëm.
Pasi mësuan për rrjedhjen e informacionit, zyrtarë nga zyra e kryeministrit, ministria e financave, e brendshme dhe e jashtme, nxituan në prapaskenë të hiqnin të dhënat, por edhe të fajësonin për ngjarjen.
“Thesari regjistron në sistemin e vet online të gjitha faturat e urdhërpagesat që ekzekutohen çdo ditë”, tha një zyrtar në anonimitet.
“Të gjitha detajet që jepen këtu janë për shkak se janë shkruar si urdhërpagesa nga vetë institucioni. Ata nuk duhej t’i kishin detajuar faturat me informacion kaq sensitiv”.
Një ish-oficer me karrierë të gjatë në shërbimin inteligjent shqiptar tha për The Independent se faji qëndron te vetë SHISH, për dhënien e informacionit kaq sensitiv zyrtarëve të ministrisë së financave pa nivelin e duhur të sigurisë.
“Është mungesë kompetence e drejtuesve të tij”, tha ish-oficeri, gjithashtu anonim.
“Shpeshherë njerëzit emërohen jo për shkak të kualifikimeve apo punës së mirë, por për shkak të ndikimit të politikanëve. Shpeshherë njerëzit vijnë në institucionet e sigurisë pa vetting. Problemi fillon nga maja”.
Botuar në The Indipendent

Mediat në SHBA, i kanë kushtuar edhe sot një hapësirë protestës së studentëve dhe vendosmërisë së tyre për të arritur të ndryshojnë VKM për uljen e tarifës së studimit dhe përmirësimin e kushteve.
Sot ato shkruajnë se studentët vazhdojnë protestën e tyre pa ndikime politike dhe nuk pranojnë asnjë dialog nëse nuk plotësohen kërkesat e tyre, duke iu referuar medias Assiociated Press. Sipas medieve të huaja, disa studentë kanë lënë të kuptohet se mund të fillojnë një grevë urie.
Shkrimi i plotë i ABCNews
Studentët e universitetit publik po vazhdojnë të protestojnë në kryeqytetin shqiptar, duke hedhur poshtë ofertat për të negociuar me qeverinë, nëse kërkesat e tyre nuk plotësohen.
Studentët të shtunën sfiduan shiun dhe i shtuan kërkesat e tyre, duke hedhur poshtë mbështetjen e opozitës politike.
Ata kanë bllokuar një rrugë kryesore para Ministrisë së Arsimit dhe disa prej prindërve të tyre janë bashkuar me ta.
Kërkesa kryesore është një përgjysmim i tarifave të shkollimit, të cilat për kurset bachelor variojnë nga 20,000 në 45,000 lekë në vit.
Disa studentë kanë lënë të kuptohet se mund të fillojnë një grevë urie.
8 dhjetori konsiderohet si një festë kombëtare në Shqipëri, duke shënuar datën në vitin 1990, kur një protestë studentore rrëzonte regjimin komunist.