Nga Flamur Vezaj

##
Forumi i Gruas ne Partine Socialiste paska zgjedhur kryetaren e saj znj. Klodeta Dibra! Por ky emer me kujtoj kohen kur pedagogia e “pavarur” politikishte kandidoi per Rektore te Universitetit te Tiranes! Ne ate kohe, mazhoranca, nder te tjera tha se nuk ishte kandidatja e tyre znj. Dibra! Por zgjidhja e saj provoi per te disaten here mashtrimet e kesaj mazhorance dhe tentativat e saj per te kap institucionet!
#Vec kesaj mu kujtua edhe Emiljano Shullazi! I “forti” i rruges se Kavajes qe me shpuren e tij, i orientuar nga ish-drejtues te PS-se ne Tirane, ne ate kohe, moren guximin dhe kercenuan kandidatin tashme rektor M.Koni dhe profesorin Dh.Kule, qe te hiqnin dore e te zgjidhej znj.Dibra! Gjykata e shpalli te pafajshem Shullazin dhe banden e tij per kete kercenim, pasi profesoret “humben” kujtesen nga frika, por kjo nuk do te thote se nuk ishte i vertete kercenimi dhe “lobimi” i Shullazit me shok! Gjithashtu zgjedhja e saj, provon edhe njehere tjeter lidhjet qe PS-ja kishte dhe ka me Shullazin! Por a thua, ti kete siguruar ndonje vote “i forti” i rruges se Kavajes nga “313” profesoreshes Dibra, meqe jane banore te te njejtes lagjeje!?? Imagjinoni, kush do drejtoj forumin e gruas socialiste, nje zonje per te cilen kriminel si Shullazi bejne lobim per ate!!! Kjo nga lidhja e saj personale apo nga ish-kryetari i PS-se ne Tirane, mbetet per tu sqaruar ne ditet ne vazhdim nga rrjedha e ngjarjeve se vete profesoresha Dibra nuk besoj se do te tregoi! E pastaj thone se politika nuk ka lidhje me kriminelet! Hajde propagande hajde!
#suksese_kryetares#

Deputeti i Partisë Demokratike, Klevis Balliu u ka bërë thirrje të gjithë shqiptarëve që t’i bashkohen protestës së banorëve të Unazës së Re, Bulevardit të Ri dhe Shkozës, pasi armiku i përbashkët i të gjithëve është kryeministri Rama dhe korrupsioni.
Balliu ishte mbrëmjen e sotme në mbështetje të banorëve të Unazës së re, të cilët kanë 30 ditë që protestojnë kundër vendimit të qeverisë për prishjen e banesave.
‘Këta banorë këtu po luftojnë kundër korrupsionit të kësaj qeverie, pasi është korrupsioni që po i nxjerr këta nga shtëpia. Paratë e dëmshpërblimit të tyre i ka vjedhur Edi Rama. Shumë shpejt llogaritë offshore të Ramës do të gjenden. Rama duhet të japë llogari se ku kanë shkuar paratë e taksave që këta banorë kanë paguar për 25 vite. Prandaj të gjithë qytetarët shqiptarë duhet të bashkohen me këta banorë, pasi të gjithë jeni në luftë me korrupsionin. Shkoza u ngrit, bulevardi u ngrit, kështu duhet të bëjë çdo qytetar për të rrëzuar emblemën e korrupsionit me emrin Edvin Kristaq Ramën. Kambanat për qeverinë kanë kohë që kanë rënë’, deklaroi Balliu.

Publicisti dhe opinionisti, Fatos Lubonja i ftuar në rubrikën “Opinion” në News 24 ka deklaruar se mos mbështetja ndaj banorëve të zonës së Astirit është një humbje për të gjithë shoqërinë.
“Është një ngjarje që na bën humbës të gjithëve. Ata mund të ishin fitues, nëse do ishim edhe ne bashkë me ta atje. Kjo qeveri ka humbur edhe atë minimumin e asaj që mund të quhet empati e njerëzve që qeverisë. Kanë një strategji të kalkuluar ftohtë, se si do të punojnë në formë konstante që njëherë i quajnë biznesmenë, njëherë ofsh-orista, na grabisin dhe nuk respektojnë ligjet”, tha Lubonja.
Gjithashtu Lubonja theksoi faktin se projekti i “Unazës së Re” është një skandal i madh nga pikëpamja ligjore.
“Aty është një skandal nga pikëpamja ligjore. Prandaj ngjarja nuk ka fitues, edhe sikur ata të kthehen dhe të mos ua prishin shtëpitë, shqetësimi është i madh. Ai foli edhe për protestën në Francë për të cilën theksoi se shërben si leksion edhe pë policët tanë.
Unë shoh se kjo është një nismë që po vijon përpara. Kjo është një qeveri fashiste. Askush mos të ketë shpresë që do të këtë vota të blera, edhe nëse populli do të votojë kundër, këta nuk mërziten. Kemi shumë të humbur në Vlorë. Kjo tregon se në çfarë niveli është krimi në këtë vend. Forca normalisht përdoret kur nuk e ke masën kritike. Kur popullin e ke si populli ynë, atëherë ai reagon vetëm kur i preket kuleta. Forca është pak e dëshpëruar.

Forcë është ajo që është në Francë. Masa nuk është e madhe. Kjo varet nga veshët e qeverisë. Forca nuk është e mirë, sepse mund të prodhojë dhuna dhe dhuna sjell dhunë. Këtu kanë mësuar se populli është i nënshtruar si në kohën e Enver Hoxhës. Strategjia e tyre është e qartë: Kafsho këtu, kafsho atje”. I varfër nuk është ai që s’ka, por i babëzituri dhe i pangopuri. Këta janë të pangopur dhe kjo sjellë kafshime të papërgjegjshme”, shtoi Lubonja.
Lubonja u ndal edhe tek ekspozita e kryeministrit Rama të hapur në Gjermani, që sipas tij, atje tregoi se mbron interesin publik.
“Kur shkon jashtë shtetit dhe kur hap ekspozitën, atyre iu flet se sa kujdeset për interesat e opinionit publik dhe këtej shemb teatrin dhe çdo pronë publike kërkon ta privatizojë. Merr paranë publike dhe ua jep oligarkëve. Njeriu i thjeshtë ka humbur besimin për mbështetje tek partitë politike”, tha mes tjerash, Fatos Lubonja.
Teksa komentoi paketën “anti-shpifje” të propozuar nga qeveria shqiptare, Lubonja theksoi faktin se Rama ka probleme me të vërtetën dhe jo me shpifjen. Sipas tij, shefi i qeverisë përpiqet të fsheh të vërtetën.
“Rama nuk e ka problemin me shpifjen, por me të vërtetën. Ai nuk e fsheh dot të vërtetën, por s’ia del. Të behët transparencë me tenderin e Unazës së Re. Unë do ta bëj një tender që ta ul çmimin. Ky ligj është kërcënim, Janë metoda fashiste që përdorin, ndërsa hapi tjetër është që të të lëshojnë kriminelët”, shtoi ai.

Gratë e unazës së Re të kapura dorë për dore, i kanë bërë apel kryeministrit Edi Rama që të heqë dorë nga vendimi i tij për të prishur shtëpitë dhe për ti nxjerrë ata jashtë.
Ato ishin të qarta më mesazhin e tyre kur thanë se shtëpitë e tyre nuk kanë për ti dorëzuar pa u dëmshpërblyer më parë.
Në protestë ndodheshin dhe deputetë të opozitës. Klevis Balliu tha se ehde deputetë të Partisë Demokratike mun dtë veshin jelekët e verdhë për t’u solidarizuar me qytetarët.
Deputeti i LSI-së Endrit Braimllari tha se çdo gjë këtu është bërë në kundërshtim të ligjit dhe qytetarët nuk kanë as informacion.
Ndërkohë që kanë bllokuar të dy akset e rrugës, qytetarët paralajmërojnë kryebashkiakun Veliajn dhe kryeministrin Rama se shtëpitë e tyre nuk i shemb dot.