Kryetarja e LSI-së Monika Kryemadhi, gjatë një takimi me strukturat drejtuese të Lëvizjes Rinore të partisë që ajo drejton, tha se në Unazën e Re po konsumohet një ngjarje e tmerrshme dhe një vjedhje e madhe e parave publike nga ana e qeverisë.
Kryemadhi tha gjithashtu se fatura e këtij abuzimi shkon në 48 milion euro, ndërsa kërkoi prezencën e të gjithë anëtareve të LRI-së për të qenë në mbështetje të banorëve protestues.
Duke folur po pë këtë çështje, Kryemadhi tha se kjo ngarje do të shënojë fillimin e fundit të Edi Ramës, jo si individ, por i Edi Ramës si një lider i keq që e mbolli Shqipërinë me drogë , që shkatërroi të ardhmen e të rinjve shqiptarë, që shkatërroi bizneset, që mbylli bizneset e shqiptarëve, që shkatërroi arsimin e të rinjve shqiptarë.
Deklarata e plotë e Monika Kryemadhit:
Sot ne na duhet të motivojmë të gjithë shoqërinë shqiptare për një situatë të tmerrshme që ka kapur Shqipërinë. Ngjarja e Unazës së Re është një ngjarje që ju të gjithë e keni ndjekur dhe sot po bëhet gati një muaj që banorët e Unazës së Re kanë dalë në protestë.
Propaganda e qeverisë shfaqet në mënyrat nga më të ndryshmet e cila nga njëra anë thonë se për 300 shtëpi nuk do të bllokojmë infrastrukturën dhe në anën tjetër shikon banorë të revoltuar të cilëve u dhunohet prona.
Unë dua t’ju them diçka të cilën ju duhet ta shpërndani kudo që të jeni, ne nuk jemi kundër rrugës, nuk jemi kundër zhvillimit, madje përkundrazi e motivojmë dhe e stimulojmë atë, por ama jemi kundër arrogancës dhe papërgjegjshmërisë së shtetit që shkel me këmbë qytetarët e saj.

Jemi kundër vjedhjes prej 48 milion eurosh që bëhet prej 48 sepse ata kanë harruar edhe 20%-shin e TVSH-së. Pra, 40 milionë shkon rruga për ju studentët e ekonomikut plus 20% TVSH.
Janë edhe 8 milionë të tjera që do t’i shtohen faturës së rrugës, të cilat hidhen dhe janë dukshëm një vjedhje e jashtëzakonshme jo vetëm e buxhetit të shtetit, të taksave që paguajnë qytetarët shqiptarë me litarin në fyt që çdo ditë e më shumë i shtrëngohet, por është edhe vjedhje e pronave, e mundit dhe e djersës të atyre që banojnë në Unazë e Re.
Prandaj, arroganca e Edi Ramës dhe e grupit të tij kriminal duhet të jetë e kujdesshme sepse nganjëherë aty ku mendon që je më i fortë, je shumë më i dobët. Aty ku mendon që je i imponueshëm, je shumë i brishtë. Dua t`ju them që të paktën LRI-ja e Tiranës, por edhe të gjithë ju drejtuesit nëpër qarqet e tjera, duhet të flisni çdo ditë.
LRI-a e Tiranës dhe miqtë e tyre duhet t’u bashkohet banorëve të Unazës së Re në protestën e tyre për t’ju thënë që ju nuk jeni vetëm, ne jemi me ju, ne do t`ju përkrahim.
Ky është vetëm fillimi i fundit të Edi Ramës. Jo Edi Ramës si individ, por i Edi Ramës si një lider i keq që e mbolli Shqipërinë me drogë, që shkatërroi të ardhmen e të rinjve shqiptarë, që shkatërroi bizneset, që mbylli bizneset e shqiptarëve, që shkatërroi arsimin e të rinjve shqiptarë, që shkatërroi çdo gjë dhe çdo ëndërr të atyre 400 mijë të rinjve dhe të rejave që janë larguar dhe po largohen nga Shqipëria.

Ish-ministri i Drejtësisë, Ylli Manjani ka lëshuar akuza të forta ndaj kreut aktual të bshkisë Tiranë Erjon Veliaj.
Në një postim në faqen e tij në facebook ai shkruan se “bashkia e Erion Velisë u shqua për qoka mediatike, për daravitje interesash dhe përçarje ndërmjet qytetarëve, si asnjëherë tjetër më parë”.
“Fyrjet dhe fjalori me gjuhë urrejtje e përçarje që ky zotëri përdori tregojnë mungesë pjekurie në rastin më të mirë. Përndryshe kjo kategori politikanësh quhen rracistë!”, shkruan ai.
“Erioni na mashtroi paq kur tha se nuk do lejonte kulla, por do bënte parqe. Madje do bënte rrugë që të lidheshin liqenet e Tiranës”.
“Në fakt firmosi leje kullash nga më të lartat e mundshme”.
Postimi i plotë i Manjanit
Për Erionin që ‘ka punuar’
——————
Vijoj të mendoj se Erion Veliaj nuk e meriton dot më mbështetjen dhe votën time. Llogjikshëm edhe të gjithë atyre si unë,që e votuam në 2015-ën.
Erioni nuk punoi për të mbajtur premtimet me të cilat na mori votën, por improvizoi punë të prapambetura të Bashës, por me vizatimet e Ramës.
Erioni na mashtroi paq kur tha se nuk do lejonte kulla, por do bënte parqe. Madje do bënte rrugë që të lidheshin liqenet e Tiranës.
Në fakt firmosi leje kullash nga më të lartat e mundshme.
Mashtrimi dhe mosmbajtja e fjalës së dhënë janë krye-arësyet për të braktisur një të zgjedhur.
Shprehja që “Erioni ka punuar”, ka dalë dhe është ngulur në kokë nga vetë Erioni dhe media që i shërben.

Shifrat dhe llogjika e thjeshtë na mësojnë se Erioni ka bërë shumë pak në raport me buxhetin e rritur nga rritja e taksave dhe tarifave.
Luksin buxhetor që pari Erioni nuk e ka pasë as vetë Edi Rama. Lulzim Basha jo e jo.
Erioni pati luksin që kostot e bashkisë t’ja faturojë 100% qeverisë dhe Edi Ramës. Është zyrtari tipik që ngjan me mizën e kalit që bërtet se po tërheq karrocën.
Bashkia e Erion Velisë u shqua për qoka mediatike, për daravitje interesash dhe përcarje ndërmjet qytetarëve, si asnjëherë tjetër më parë.
Fyrjet dhe fjalori me gjuhë urrejtje e përçarje që ky zotëri përdori tregojnë mungesë pjekurie në rastin më të mirë. Përndryshe kjo kategori politikanësh quhen rracistë!
Ndoshta Erioni mund të përgatitet të drejtojë një parti si PS, se me G99 nuk qullosi gjë. Por, këtë nuk mund të lejohet ta bëjë nga Bashkia.
Ska përse Kryeqyteti të paguajë përjetësisht kostot e kryetarëve që duan të bëhen kryeminisitra dhe kryetar partish!
Nëse vërtetë Rama ka një ide të mos e mbështesë Erionin për rikandidim (gjë që nuk e besoj) do bënte vërtet një gjë të mirë për kryeqytetin dhe për vetë mjedisin politik.
Do i bënte mirë sadopak edhe PS, por edhe vetes së vet.
Përndryshe : ja paftë hajrin!
Në çdo rast kush i jep mbështetje politike modelit Veliaj për të përdorur bashkinë për politikë, i bën dëm kryeqytetit.
E kam bindje këtë gjë dhe, as top e as parti nuk ma ndryshon dot!

Komisioni Hetimor Parlamentar në Kosovë ka miratuar Draft-Raporti lidhur me shpenzimet për lobim nga ana e Presidencës dhe e Qeverisë. Anëtarja e këtij Komisioni Arbërie Nagavci ka thënë që prokuroria duhet të nis hetimet ndaj Thacit për përdorim të paligjshëm të fondeve për lobim.
“Prokuroria të nis hetimet lidhur me përdorimin e paligjshëm të fondeve për lobim nga Hashim Thaçi. Sot mbajtëm mbledhjen e fundit të Komisionit Hetimor Parlamentar në lidhje me shpenzimet për lobim nga ana e Presidencës dhe Qeverisë të Republikës së Kosovës dhe votuam edhe Draft Raportin”, ka shkruar Nagavci në një postim në “Facebook”.
Ajo ka shkruar që MPJ dhe Presidenca kanë tentuar ta pengojnë punën e komisionit hetimor parlamentar duke mos ofruar raportet e punës.
“Gjatë 6 muajve të punës, pati përpjekje të qartë nga Ministria e Punëve të Jashtme dhe Presidenca për të penguar hetimin parlamentar. Ata nuk ofruan materialet e kërkuara nga komisioni hetimor, si kontrata apo raporte të punës dhe nuk u paraqitën në seancat intervistuese. Megjithatë nga shqyrtimi i të dhënave që kemi siguruar, ka bazë të mjaftueshme për shkeljet e bëra, për keqpërdorim të buxhetit të vendit, andaj dhe për hetime nga ana e Prokurorisë së shtetit”, ka shkruar me tej ajo.

Sipas saj në dëshminë e dhënë nga këshilltari i Thaçit Ardian Arifaj ka pasur kundërshti.
“Hashim Thaçi ish Ministër dhe tash President, përkundër ftesave nga komisioni hetues, nuk dha asnjë përgjigje, njëjtë edhe ministri aktual i Punëve të Jashtme, Behgjet Pacolli.
Por Këshilltari i Presidentit, Ardian Arifaj gjatë dëshmisë ka dhënë dy deklarata kontradiktore dhe është evidente në kuptimin e dëshmive se mjetet nga buxheti i vendit, gjegjësisht nga fondet e destinuara për lobim janë përdorur për promovim personal të Hashim Thaçit, pra për shkruarjen e parathënies së librit për të”, ka shtuar ajo duke thënë që ky raport do të diskutohet edhe në Kuvend.
“Raporti do të diskutohet edhe në Kuvend, por gjithsesi Prokuroria e Republikës së Kosovës ka obligim të hetojë si keqpërdorimet e buxhetit nga ana e Presidentit Thaçi, për promovim personal, ashtu si dhe këshilltarin e tij për deklarata të rrejshme e bashkëpunëtorët tjerë për pengimin e punës së komisionit, keqpërdorimin e detyrës zyrtare dhe veprat tjera penale. Po ashtu ka dyshime të bazuara por që kërkojnë më tej hetim se të njëjtat janë përdorur edhe për shtyrjen përpara të idesë së shkëmbimit të territorit që po e bart Presidenti aktual. Kuvendi do të duhet ta niste po ashtu një komision që e shqyrton këtë temë po ashtu”, përfundon postimi i Nagavcit.
/Lexo.al

Kryeministri Edi Rama është sulmuar sot në faqen e tij në Facebook, pas publikimit të një videoje në profilin ku shfaqte me kënaqësi sesi banorët e Unazës “po kontribuonin” vetë për shembjen e banesave dhe godinave të tyre. Rama është sharë e fyer me komente nga më të ndryshmet.
Komentet e egra vërshuar pasi Rama shkroi dje duke publikuar një video: “Mirëmëngjes dhe me këtë reflektim qytetar të Ukë Çelkolajt, i cili zgjodhi të kontribuojë për zgjidhjen e ngërçit të sajuar nga politika tek Unaza e Re, duke dhënë një shembull kuptimplotë për bashkëqytetarët e atij komuniteti, ju uroj një ditë të qetë”.

Një grup banorësh të Unazës së Re janë mbledhur para Gjykatës së Tiranës. pasi një prej të arrestuarve do të njihet me masën e sigurisë.
Është fjala për Kujtim Yllin, seanca për të cilin ka nisur rreth orës 11:00. Ai u arrestua dy ditë më parë nga ana e policisë, nën akuzën e prishjes së pronës publike, pasi sipas tyre hoqi blloqet e betonit e vendosur nga firma private që ka fituar tenderin e Unazës së Madhe.
Kujtim Ylli u shoqërua me forcë nga ana e policisë.