Pas protestës së sotme para Kuvendit të Shqipërisë, e cila agravoi në përdorimin e dhunës ku u plagosinë disa efektivë dhe disa protestues, ka reaguar edhe Institucioni i Avokatit të Popullit.
Në reagimin e Avokatit të Popullit, thuhet se “Institucioni i Avokatit të Popullit po e ndjek në vazhdimësi situatën e krijuar si pasojë e kundërshtimeve për projektin e Unazës së Re.”
Më tej në reagim thuhet se ka dy javë që ka nisur një hetim për të verifikuar ligjshmërinë e procedurave të implementimit të këtij projekti, ndërsa thekson: “Avokati i Popullit këmbëngul se vetëm rruga institucionale dhe ligjore mund të jetë ajo që prodhon një rezultat të gjithëpranuar dhe koherent me interesat e publikut dhe rregullave mbi të cilat kemi ngritur shtetin tonë të përbashkët.”
AVOKATI I POPULLIT NIS HETIM PËR INCIDENTET E SOTME MIDIS PROTESTUESVE TË UNAZËS SË RE DHE POLICISË
Institucioni i Avokatit të Popullit po e ndjek në vazhdimësi situatën e krijuar si pasojë e kundërshtimeve për projektin e Unazës së Re.
Ndërkohë që prej të paktën dy javësh Institucioni i Avokatit të Popullit ka nisur një hetim për të verifikuar ligjshmërinë e procedurave të implementimit të këtij projekti të kontestuar nga një numër qytetarësh, si dhe garantimin e të drejtave të personave që preken nga ky projekt infrastrukutor, përplasjet midis këtyre të fundit dhe forcave të policisë ditën e sotme vendosin në fokus nevojën e përsëritur nga ana jonë për një debat gjithëpërfshirës rreth këtij projekti.

Avokati i Popullit këmbëngul se vetëm rruga institucionale dhe ligjore mund të jetë ajo që prodhon një rezultat të gjithëpranuar dhe koherent me interesat e publikut dhe rregullave mbi të cilat kemi ngritur shtetin tonë të përbashkët.
Dhuna nuk mund të jetë një mjet me anë të të cilit duhen kërkuar zgjidhje dhe nga ana tjetër po kaq e kritikueshme është intransigjenca e atyre autoriteteve që i bëjnë qytetarët të ndjehen të shpërfillur, pa mundësi për të dialoguar e aq më keq, të pasigurtë në jetën e tyre.
Ruajtja dhe garantimi i dinjitetit njerëzor duhet të qëndrojë në themelin e çdo vendimarrjeje e politike zhvillimi.
Mirëqeverisja si vlerë thelbësore e shtetit të së drejtës nuk mund të realizohet pa u zbatuar ligji si i vetmi burim i sigurisë për jetën, nga secili prej nesh – e nga organet e administratës shtetërore përpara të tjerëve.
Institucioni i Avokatit të Popullit shpreh keqardhjen për situatën e krijuar si rezultat i së cilës nuk u arrit të shmangeshin dot lëndime nga radhët e punonjësve të policisë e të qytetarëve, si dhe u uron shërim të shpejtë të gjithë të plagosurve duke garantuar se një hetim paralel ka nisur të zhvillohet për të parë nëse ka pasur tejkalime të kompentencave nga ana e institucioneve.
Me shpresën se situata të tilla prej të cilëve të gjithë si shoqëri dalim humbës do të evitohen, Avokati i Popullit bën thirrje për ulje të menjëhershme të tensioneve dhe nisjen sa më parë të një procesi të hapur, të ndershëm dhe të sinqertë komunikimi midis palëve deri në gjetjen e një zgjidhjeje të kënaqshme dhe ligjore.

Një prej protestuesve, bashkëshortja e personit që qëlloi me këpucë drejt kryeministrit Edi Rama sot në ambjentet e Spitalit të Traumës, është e ftuar në emisionit “Të PaEkspozuarit” të gazetarit Ylli Rakipi në News24.
Nga studio nr.2 ajo rrëfeu tmerrin që përjetoi paraditen e sotme gjatë përplasjes me policinë tek Parlamenti si dhe fjalët që shkëmbeu me kryeministrin Edi Rama në Spital.
“U tmerruan fëmijët, vetëm sot policia e këto 19 ditë nuk kemi parë asnjë polic të bashkohet me ne. Opozitën e kemi thirrur ne se asnjë deputet i mazhorancës nuk n aka mbështetur.
Unë isha në rreshtin e tretë, dhe policët kanë kaluar mbi trupin tim. Aty rashtë në tokë pa ndjenja dhe nuk mbaj më mend gjë,” tregon ajo.
Më pas tha se kreu i qeverisë Edi Rama përveç kësaj tregoi arrogancë me sjelljen e tij në spital duke i thënë se nuk kishte ardhur për të.
“Rama na ka futur djemtë nëpër burgje. Kam 28 vjet që i paguaj shtetit, po nëse jemi ne të paligjshëm sic na thotë ky kryeministër drogaxhi, mos na i merrte taksat. Nuk jam shpellare unë por qytetare me shtëpi me hipotekë, me legalizim. Kemi fëmijë, kemi punuar me gjak për atë shtëpi. Prandaj i bëj thirrje kryeministrit t’i vejë gishtin kokës se shtëpinë do e mbrojmë me gjak.
Ai erdhi sot në spital, dhe tregoi edukatën e vet, kam ardhur për policen jo për ty. Dhe unë i thashë e kam për turp të vish ti për mua, dhe s’dua të vish këtu kurrën e kurrës”, tregoi Lindita Protoduari.

Protestës së banorëve të Unazës së Re i kanë bërë jehon edhe mediat ndërkombëtare. The Washington Post, NY times, AP neës agency, ABC news, Daily mail e shumë të tjera shkruajnë:
Disa qindra protestues shqiptarë janë përplasur me policinë ndërsa ata u përpoqën të hynin brënda në Parlament për të protestuar kundër një vendimi qeveritar për prishjen e ndërtesave të tyre që i hap rrugë ndërtimit të një rruge të re.
Mediat ndërkombëtare vijojnë më tej duke theksuar se banorët kanë bllokuar rrugët ccdo ditë në shenjë proteste.
Ndërsa Kryeministri Edi Rama, vijojnë më tej mediat prestigjoze, u bëri thirrje protestuesve “të marrin atë që ju jep ligji dhe të largohen nga rruga!”

Kreu i Partisë Zgjidhja, Koço Kokëdhima, ka reaguar ashpër ndaj sjelljes së policisë dhe qeverisë, ndaj banorëve të Astirit.
I ftuar në studion e ‘Opinion’ në News 24, Kokëdhima shkruan se që po ndodh sot në Unazën e Tiranës me ato banorë dëshmon fatkeqësinë e popullit tonë.
Sipas tij ky është një sulm i pashembullt fatal mbi ata banorë që janë në të drejtën e tyre.
“Ndërtimet e tyre nuk janë të paligjshme, por si gjithë ndërtimet informale të bëra në 25 vite të shkuara. Ata banorë goditen fatalisht. Janë në të drejtën e tyre për të mbrojtur pasurinë e tyre. Është krim dhe akt çnjerëzor goditja e këtyre banorëve. Ç’ndryshim ka një shtëpi e ndërtuar atje, apo një shtëpi në Transballkanike në Vlorë. Programi i Zgjidhjes është asnjë ndërtim i bërë para vitit 2013 nuk do të shembet. Ndërtimet në Shqipëri, nuk ka pasur mundësi të bëheshin në mënyrë të ligjshme se mungonte kontrolli. Prandaj çështja e atyre banorëve sot është çështje e të gjithë Shqipërisë”, tha Kokëdhima.

Nëna e Dorjan Protoduarit, i cili u arrestua paraditen e sotme nga policia gjatë protestës para parlamentit, si dhe bashkëshortja e Flori Protoduarit që qëlloi Ramën me këpucë, Lindita Protoduari, deklaroi mbrëmjen e sotme se ajo nuk ka frikë.
Gjatë protestës në Unazën e Re, Lindita Protoduari deklaroi se as ajo si burri dhe djali i saj nuk i trembet burgut, ndërsa shtoi se Rama nuk do të mundet kurrë t’u prishë shtëpitë banorëve të Unazës së Re.
“Nuk trembem nga burgu i Edi Ramës që më ka arrestuar djalin dhe burrin. Sa po dal nga serumi. Jam një nënë krenare që do luftoj deri në ditën e fundit, se këto shpi nuk ka për t’i prishur, derisa të vdes. Më ka ardhur në spital dhe më ka thënë që nuk kam ardhur për ty. Dhe i kam thënë që e kam për turp të vish tek mua mo kryeministër drogaxhi, mo kryeministër i korruptuar”, tha Lindita Protoduari.

Banorët e zonës së “Astirit” kanë filuar për të 19 ditë protestën e tyre, në kundërshtim të prishjes së banesave dhe bizneseve të tyre, që preken nga projekti i “Unazës së Madhe”, pa u dëmshpërblyer në masë 100%.
Ndërkohë bëhet e ditur se janë dhunuar dhe deputetët e opozitës, të cilët ishin të pranishëm mbrëmjen e sotme në krah të qytetarëve.
Deputetët Flamur Noka, Endrit Brahimllari, Floida Kërpaçi janë përplasur dhe shtyrë me dhunë nga forcat e policisë të pranishme në protestë.
Dhuna ndaj deputetëve të opozitës është ushtruar pas urdhrit të NënDrejtorit të policisë Xhovalin Loci.
Gjatë protestës së ditës së sotme ka pasur persona të dhunuar nga policia, po ashtu dhe efektivë policie të lënduar.

Protestuesit në Unazën e re ja kanë dalë që të zbrapsin kordonin e policisë që ishte vendosur në zonë.
Qindra banorë, me përkrahjen edhe të deputetëve të PD-së ja kanë dalë që të protestojnë dhe të bllokojnë rrugën.
Me urdhër të Edi Ramës në zonën e Unazës së re, pasditen e sotme janë dislokuar qindra policë ku mes tyre ka dhe forca speciale.
Protestuesit e Unazës së re i kanë bërë thirrje kryeministrit Edi Rama që të mos lodhet kot, pasi nuk do të mund t’i përçajë qytetarët ashtu siç bëri me aktorët e Teatrit Kombëtar.
Sipas protestuesve të vetmit banorë që kanë marrë legalizimin janë të Partisë Socialiste, ndërsa ata pa parti ose me partitë opozita re nuk janë legalizuar.
‘Edi Rama mos u lodh kot, sado miliona të na japësh nuk na përçan dot. Nuk na përçan, sepse u mësove me artistët tek Teatri, ku ndave Robert Ndrenikën me shokë. Atyre ju dhe para dhe i përçave por neve nuk na përçan dot.