Zbulohen të tjera shkelje në lidhje me konkursin për gradën e kryekomisarit në Policinë e Shtetit. Një prej 280 konkurrentëve që ka garuar në 12 ka pasur njëherësh edhe detyrë të mbikëqyrte testin.
Ai është Arjan Zoton, që rezulton si një prej 30 fituesve, pasi ka arritur të sigurojë 87 pikë.
Zoto, sipas këtij dokumenti të mëposhtëm, edhe ka marre pjese ne konkurs edhe ka mbikëqyrur kolegët e tij që të mos kopjonin në sallën 1 të akademisë, çka është në kundërshtim me rregullat e zhvillimit të testit.
Zyrtarisht nga Akademia e Sigurisë, një nga institucionet përgjegjëse për zhvillimin e testit, nuk ka ende sqarime për rolin e Zotos. Ky fakt del në dritë teksa konkurrentë të tjerë janë ankuar për mënyrën e strukturimit të tezës, e cila, sipas tyre është ndryshuar pa paralajmërim në momentin e fundit.
Testi për këtë gradë po zhvillohet i ndarë në tre faza dhe përfundon të enjten.
Por problemet kryesore janë konstatuar në testin e parë për gradën Komisar, kryesisht në urdhrin e drejtorit të përgjithshëm, Ardi Veliu, për ta anuluar atë 6 ditë pas përfundimit.
Shërbimi për Çështjet e Brendshme dhe Ankesat ka bërë një kallëzim në Prokurorinë e Tiranës për shpërdorim detyre për anëtaret e komisionit, ku bën pjesë edhe Veliu dhe Prokuroria po kryen verifikimet për të parë nëse ka shkelje penale.

Një operacion i madh antidroge ka përfshirë rreth 80 policë në Teramo, duke goditur një rrjet të shpërndarëve të drogës. Hetimi ka hedhur dritë mbi një rrjet të shpërndarësve të lëndëve narkotike, të lokalizuar në veçanti në Giulianova (Teramo), një stacion për blerësit e shumtë edhe nga zonat fqinje.
Mediat italiane shkruajnë se heroina dhe kokainë vinte nga Shqipëria. Të ardhurat nga droga u kishin sjellë një jetë me standarde të larta, pjesëtarëve të grupit, kryesisht shqiptarë dhe romë.
Darka mijëra euro, blerje banesash, si dhe dhjetëra mijëra euro gjithmonë të disponueshme, janë disa nga faktet rreth grupit siç dëshmohet nga konfiskimet. Në një apartament u gjetën 40 mijë euro para të gatshme. Këto janë disa nga detajet e operacionit “Fort-Apache”, që çoi në ekzekutimin mëngjesin e sotëm të 10 urdhër-arresteve me burg.
7 kg dhe 1 kilogram kokainë u konfiskuan përveç pajisjeve për paketimin e dozave.
Persona të shumtë janë përfshirë në hetimet e kryera në terren, me përgjime telefonike dhe mjedisore, të cilat lejuan të identifikonin vendin ku ruhej droga nga shqiptarët.

Pas më se 2 vitesh që nga prishja e banesave për zgjerimin e Bulevardit të Tiranës, banorët e prekur nga ky projekt ende nuk kanë marrë asnjë dëmshpërblim.
Ana Alla, një prej banoreve që i është prishur banesa dhe nuk ka marrë asnjë dëmshpërblim. Për mikrofonin e Fax Neës, Ana tregon se prej 2 vitesh jeton me qira.
Gjatë intervistës ajo ka edhe një mesazh për banorët e “Astirit:. Ajo kërkon që ata të mos tërhiqen nga protesta dhe t’i mbrojnë me armë banesat e tyre pasi në të kundërt do të dalin të humbur.
Në atë kohë edhe pse disa familje patën përplasje me policinë dhe bënë rezistencë për mos prishjen e banesave, nuk ia dolën që të mbronin banesat e tyre.

Analisti Fatos Lubonja i ftuar në studion e lajmeve të “News24”, ka komentuar projektin e ndërtimit të ‘Unazës së Madhe’. Për Lubonjën i gjithë projekti është një vjedhje e madhe.
Teksa komenton koston prej 40 milionë euro të projektit, Lubonja shprehet se po punohet që të fitojë një grusht i vogël njerëzish.
I pyetur nëse 40 milionë euro është një kosto e fryrë për 2.2 km rrugë, Lubonja e cilësoi si një tjetër çështje, duke theksuar se duhej transparencë.
“Ajo është tjetër çështje, pastaj. A i pyete ti këta qytetarë në emër të cilëve po flet, se ku do ishin më mirë të harxhoheshin 40 milionë euro? Apo të kishe më shumë parqe, që njerëzit të kishin cilësi jete.
Është një pyetje tjetër, në qoftë se po ta ngrinim këtë çështje qoftë në Këshillin Bashkiak, qoftë po të kishim njerëz normal në këtë qeveri, do ta ngrinim këtë çështje kështu.
E gjithë analiza të çon se këtu punohet për një grusht njerëzish për ato 40 milionë euro. Këtu është bërë ha, kafsho edhe ik. Kafsho ku të mundesh, pa asnjë strategji, prandaj është bërë Shqipëria siç është bërë, këtu nuk ka zhvillim. Ky nuk është zhvillim. Po të kishte zhvillim nuk do kërkonin mbi 50% e shqiptarëve të ikin. Po na grabisin me paturpësinë më të madhe”, tha ai.

Çështja e Unazës së Madhe prej më shumë se dy javësh është shtruar në diskutim për shkak të protestave të përditshme të banorëve, të cilët kërkojnë dëmshpërblim për shtëpitë e tyre që siç thonë ata i kanë ndërtuar me para gjaku.
Edhe pse prej disa ditësh ka nisur shkulja e pemëve në zonë, dhe heqja e shtyllave të ndriçimit, vetëm dje Këshilli Kombëtar i Territorit i ka hapur rrugën Autoritetit Rrugor Shqiptar, për të vazhduar punën.
Në mbledhjen e fundit KKT që mban datën 20 Nëntor është miratuar leja e zhvillimit për rehabilitimin e segmentit rrugor, ‘Mbikalimi i pallatit me shigjeta rrethrrotullimi Shqiponja’.
Ky vendim i KKT-së vërteton akuzat e opozitës dhe të banorëve se punimet që tentuan të nisin në këtë segment nga firmat private ishin pa leje.
Banorëve u kërkohet që të lirojnë shtëpitë, u vihet kryq i kuq mbi mure, hiqet ndriçimi i rrugës, priten pemë rrethohet ambienti, shkojnë fadromat, ndërkohë që e gjithë kjo sipërmarrje nuk kishte ende leje nga autoriteti përgjegjës që është Këshilli Kombëtar i Territorit.