21 C
Tirana
E mërkurë, 14 Maj, 2025
type here...

Krijimi i ushtrisë së Kosovës, Basha: Kontribut për paqen në Ballkan

Kryetari i PD, Lulzim Basha ka përshëndetur votimin e ligjit për formimin e ushtrisë së Kosovës.
Në një status në Facebook, Basha shkruan se Kosova me ushtrinë e vet do jetë kontribut i shtuar për paqen e sigurinë në Ballkan.
“Përshëndes votimin e ligjit që i hap rrugën krijimit të ushtrisë së Kosovës. Kosova me ushtrinë e vet, në bashkëpunim të ngushtë me aleatët euro-atlantikë dhe me aspiratën e antarësimit në NATO, do të jetë një kontribut i shtuar për paqen dhe sigurinë në Ballkan”, shkruan Basha.
Deputetët e Kuvendit të Kosovës kanë votuar të tre projektligjet për transformimin e Forcës së Sigurisë së Kosovës në ushtri.
Projektligji për Shërbimin në Forcën e Sigurisë së Kosovës është miratuar me 96 vota pro.
Ky projektligj rregullon kushtet e përgjithshme të shërbimit në FSK si një shërbim i ndërtuar mbi bazën e parimit të ligjshmërisë, profesionalizmit, komandës, disiplinës, respektit, nderit, ruajtjes së informacionit, komunikimit, jo diskriminimit dhe mundësive të barabarta, paanshmërisë politike, transparencës dhe llogaridhënies.

Këta kanë alergji familjare ndaj fjalës së lirë!

Sali Berisha

Këta kanë alergji familjare ndaj fjalës së lirë!
Status i dt 25 dhjetor 2015. Nje kujtese!
Te dashur miq, Edi, Linda dhe Aneta ne sulm frontal kunder fjales se lire. Ata kane alergji nga fjala e lire!
Kancer i quan e Edi kritikat e gazetareve, ndaj dhe ka vendosur t’iu presi gjuhen si Lukashenko gazetareve dhe kundershtareve me ligjin e kriminalizimit te shpifjes. Nderkohe kur ishte ne opozite votoi per dekriminalizimin e saj.
“Po na helmojne opinionistet” – denoncon Linda Rama ne fjalimin e saj ne takimin e fundvitit me gazetaret dhe fjalen e ka per ata opinioniste qe ende rezistojne pa bolinizuar apo këllirizuar(pra qe nuk jane bere ende si Bolino apo mjerua)
Se fundi, Aneta Koleka, mamaja e Edit, djalit me kompleks Edipi, ushtron presion dhe i kerkon poetit (per mua bejtexhiut ekstermistit te majte) Arben Duka t’i kerkoje ndjese asaj apo ndjese publike sepse ne nje bejte te fundit ai i ka kerkuar Edivinit ti heqe dekoratat edhe Kristaq Rames dhe Gramoz Ruçit!!
Te dashur miq, keta kane alergji familjare ndaj fjales se lire. Standarti i tyre familjar eshte ai i denimit te fjales se lire. Ne mediat shqiptare jane sot jo nje por disa gazetare, qe me shperblimet qe kane marre per shpifjet e tyre te perditshme ndaj politikaneve te caktuar kane ndertuar vila dhe biznese dhe nuk jane paditur ndonjehere apo as dhe i ngacmuar per ato qe kane trilluar.
Arben Duka ka vargje bejtesh te pafundme, te gjata me kilometra qe shkojne se paku nga Tirana ne Vlore kunder meje, po ndonjehere njeri ne telefon nuk e ka marre per bejtet e tij.
Klani Koleka eshte sot klani me armiqesor ndaj lirive tona. Ti krrejme sa me pare! sb

RTSH në shtetrrethim, çfarë po ndodh në televizionin shtetëror?

Një shqetësim i ngritur në portalin e ankesave të Edi Ramës ka bërë që në Radio Televizionin Shqiptar të shpërthejë një raprezarje nga drejtuesit e tij.
Gazetarë dhe punonjës të RTSH-së kanë treguar për SYRI.net se dyert e televizionit janë mbyllur dhe askush nuk hyn e nuk del.
Sipas tyre, pak ditë më parë disa punonjës kanë bërë një ankesë në portalin e Edi Ramës ku janë ankuar për drejtuesit dhe shpenzimin pa kriter të parave me projekte e preventive fikse.
E në vend që portali i Ramës tu zgjidhte hallin punonjësve, denoncimi i tyre ka përfunduar në tavolinat e drejtuesve.
Pikërisht pas marrjes së ankesave, drejtuesit e RTSHsë kanë vendosur mbylljen e dyerve deri sa të gjejnë denoncuesit.
Pritet që drejtuesit të marrin masa të shumta ndaj denoncuesve deri në largime nga puna.

Derbi i bomberave argjentinas

Të dielën do të luhet derbi i Milanos, mes Interit dhe Milanit. Në “San Siro” do të jetë e fokusuar jo vetëm vëmendja e tifozëve të dy skuadrave në fjalë, por edhe të dashamirësve të futbollit në mbarë globin. Kjo, për faktin se e një rëndësie të tillë është kjo përplasje, pavarësisht qasjes aktuale të kuqezinjve dhe zikaltërve, që e shohin veten minimalisht një hap mbrapa Juventusit.
Do të jetë një ballafaqim total mes lojtarëve në fushën e blertë, mes trajnerëve në stolat respektivë, edhe mes dy tifozërive të zjarrta, që gjithmonë në derbi i “vënë flakën” stadiumit e jo vetëm. Mediat italiane, por jo vetëm, e kanë parë derbin e së dielës edhe si një “tango argjentinase”, duke iu referuar sulmuesve në të dyja kahjet: Mauro Icardi dhe Gonzalo Higuain.
Mes të dyve (pjesë e Albiceleste) do të jetë derbi i parë milanez. Në të kaluarën ata janë vendosur ballë për ballë, por jo duke mbrojtur ngjyrat e të njëjtin qytet. Higuain ka përfaqësuar fanellat e Napolit dhe Juventusit, më parë, në Seria A, ndërsa Icardi është besnik i ngjyrave zikaltër (pa harruar eksperiencën e një sezoni te Sampdoria, por atëherë nuk ishte i njohur).
Pra, do të jetë një derbi bomberash argjentinas, ai i së dielës, në “San Siro”, veç të tjerash. Në funksion të këtij këndvështrimi, po përmbledhim në infografikun shoqërues të këtij shkrimi edhe sa “peshon” njëri e tjetri në skuadrat respektive. Për këtë kampionat, Icardi ka shënuar 3 gola, ndërsa Higuain 4 gola. Ky i fundit është një hap para, edhe pse debutues me Milanin.
Edhe sa iu takon pasimeve të sakta (të suksesshme), “Pipita” qëndron më lart, me 88%, përkundrejt 71% të kapitenit zikaltër. Edhe në shifrat e tjera specifike të futbollit, sikurse janë driblimet, krosimet, goditjet në portë, bie në sy epërsia e Higuain.
Kujtojmë se ky krahasim ka në bazë aktivizimin e tyre, i cili është i tillë: Mauro Icardi ka luajtur në 6 ndeshje të Seria A, për këtë sezon, ose ose 486 minuta lojë. Nga ana e tij, Gonzalo Higuain ka qenë prezent në 5 ndeshje të kuqezinjve, me 450 minuta lojë aktivizim. A do të kenë ndikim të dielën këto “valenca” të dy bomberave argjentinas në derbin e “San Siros”? Këtë mbetet ta tregojë fusha e lojës, por si një pikënisje për prognozë mund të shërbejnë…

Pogba përçan Barcelonën

Të gjithë duan Pogba. Në përgjithësi, sepse francezi është një nga lojtarët më të kërkuar në botë, por veçanërisht nga Barcelona. Në fakt, sipas “Daily Mail”, lojtarët e Valverde-s po kërkojnë me ngulm blerjen e mesfushorit të Manchester United. Ata që duan zbarkimin e kampionit të botës në “Camp Nou” janë, Messi dhe Pique, të cilët e konsiderojnë Paul një përforcim të domosdoshëm për mesfushën, edhe pse Vidal nuk po bind.
Por nuk janë vetëm dy simbolet e Barçës që e kërkojnë një gjë të tillë; të gjithë, ose pothuajse, në Katalonjë e duan Pogba. Ai është shumë mik me dy francezët e “blaugranave”, Dembele dhe Umtiti, me të cilët ka shkuar në Disneyland në ditën e pushimit të kombëtareve. Por, përveç tyre, edhe trajneri Valverde do të ishte i gatshëm të gjente një sistemim për francezin në skemat e tij. Edhe pse eliminimi i pësuar vitin e kaluar në Champions League nga Roma dhe fillimi jo i mirë në këtë sezon, tregojnë se Barcelona-s, përveç zotërimit të topit në mesfushë, i duhen edhe pak muskuj.
Por jo të gjithë janë të bindur nga kjo ide. Vetë klubi, ose të paktën departamenti i vëzhguesve. Sipas “Daily Mail”, ka disa zëra që kanë dalë kundër blerjes së Pogba, që sipas disa prej vëzhguesve të Barcelona-s nuk do të ishte i përshtatshëm për lojën e katalanasve. Francezi rrezikon shumë kur ka topin në këmbë dhe nuk e ka aq të zhvilluar sa duhet sensin e pozicionimit në mënyrë që të përshtate menjëherë me lojën e skuadrës së Valverde. A do të mjaftojnë këto të dhëna për të bindur grupin që është pro blerjes së tij? Duke parë emrat e përmendur më sipër, ndoshta jo. Kështu, në janar (ose më parë), telenovela mund të rifillojë…

Vasili për Check-up-in e Ramës: E çuan si langaraq, e tallën dhe e bënë helaq para gjithë dynjasë

Kryetari i grupit parlamentar të Lëvizjes Socialiste për Integrim, Petrit Vasili, ka reaguar pas videos së publikuar nga kryeministri Rama, ku shfaqej teksa bënte Check-up dhe nuk kursente batutat me infermierët.
Me anë të një postimi në rrjetet sociale, Vasili shprehet se vizita e Ramës pas 4 vitesh pune të koncesionarit të Check-up, tregon se është i pavlerë, në të kundërt sipas tij do të shkonte më herët.
Postimi i Vasilit
Edi Rama ben check up vetem pas 4 vjetesh,sepse nuk ka vlere.
E vune perpara ata te koncesionit dhe e cuan si lengaraq, e tallen dhe ben helaq para gjithe dynjase, qe te bente check up pas 4 vjet e kusur qe ka filluar.
Te kish pasur vlere do kishte vajtur vajtur qe diten e pare.
Shteti i Edi Rames i paguan Check up-it mijra ekzaminime te pakryera dhe nuk mbulon me shume se 30% te popullates duke provuar qarte se eshte i panevojshem.
Kur ben Edi Rama vleresime per leverdine e check up-it eshte njelloj si pellitjen e gomarit ta shesesh si ariet e Pavarotit.

Rama bëri check-up, deputetja: Kujdes ç’del nga analizat, jo pak burra kanë dalë shtatzënë

Pas postimit të kryeministri Edi Rama pak më parë të një video ku bënte check-up-in falas në poliklinikën nr.9 në Tiranë, ka reaguar deputetja e partisë Demokratike, Albana Vokshi.
Me anë të një postimi në rrjetet Vokshi shkruan se në vend që të japë dorheqjen Rama jep shfaqje në mbrojtje të koncesionit të vet më korruptiv prej 120 milionë eurosh.
Më tej ajo deklaron se Partia Demokratike do ta anullojë këtë koncesion korruptiv që është baza e degradimit të sistemit shëndetësor.
Statusi i plotë
Në vend që të japë dorëheqjen për dështimin me turp të check up-it, Edi Rama jep shfaqje në mbrojtje të koncesionit të vet më korruptiv prej 120 milionë eurosh.
Pavarësisht manipulimeve, shantazheve dhe kërcënimit të mjekëve, vetëm 27% e shqiptarëve e kryejnë check up-in.
Partia Demokratike do ta anullojë këtë koncesion korruptiv që është baza e degradimit të sistemit shëndetësor. Paratë e përfituara në kundërshtim me ligjin nga sponsorizuesja e Edi Ramës, Vilma Nushi, do t’i kthehen qytetarëve me investime serioze që i shërbejnë realisht shëndetit të qytetarëve.
p.s. Nëse epruveta me kampionin e gjakut të Edi Ramës, nuk është marrë mbrapsht, uroj që të mos ketë gabime. Jo pak burra kanë dalë shtatzanë nga check up. Fati i keq i ndonjë tjetri, se nga analizat e gjakut, mund të rezultojë me dozë të lartë kokaine.

Berisha publikon videon: Ja si helmohen banorët e Fushë Krujës nga pushteti mafioz i Kallam Deshtakut!

Ish-Kryeministri Berisha ka publikuar një video, teksa shihet tymi i madh dhe ndotja ekstreme që krijohet nga furrat e gëlqeres në Krujë.
Berisha pohon se kështu helmohen banorët e kësaj zone nga pushteti mafioz i Edi Ramës. Qytetari i shkruan Berishës se kjo situatë është e përditshme.
Postimi i plotë i ish-Kryeministrit Berisha
Ja si helmohen banoret e Fushe Krujes nga pushteti mafioz i Kallam Deshtakut!
Lexoni mesazhin shikon videon e qytetarit dixhital. sb
Pershendetje doktor berisha ja si digje plehrat ne kameras te qytetit te krujes dhe askush nuk reagon per kete kjo vazhdon cdo dit dhe po kthehet ne nje kancer t vertet shpresoj te behet ndonje gje sepse kjo situate po behet e padurueshme..repsekte doctor.

Ja si helmohen banoret e Fushe Krujes nga pushteti mafioz i Kallam Deshtakut!Lexoni mesazhin shikon videon e qytetarit dixhital. sbPershendetje doktor berisha ja si digje plehrat ne kameras te qytetit te krujes dhe askush nuk reagon per kete kjo vazhdon cdo dit dhe po kthehet ne nje kancer t vertet shpresoj te behet ndonje gje sepse kjo situate po behet e padurueshme..repsekte doktor

Gepostet von Sali Berisha am Donnerstag, 18. Oktober 2018

Balla gënjen duke përdorur edhe fenë, provat e reja të lëvizjeve me trafikantin e drogës

Deputeti Luçiano Boçi ka reaguar ndaj deklarimeve të djeshme të Taulant Ballës, sipas të cilit ai është njohur me Edmond Begon në vitin 2015 në xhaminë e Dragostunjës.
Boçi i konsideroi mashtrime deklarimet e Ballës dhe solli prova të reja, sipas të cilave, Taulant Balla dhe Edmond Bego kanë njohje më të hershme.
Boçi i’u referua sërish sistemit TIMS, pikërisht datës 7 korrik 2014, ku Balla ka udhëtuar me Edmond Begon. Kontrolli i dy pasaportave është bërë brenda 2 minutave çka tregon se kanë qënë pas njëri tjetrit, tha Boçi.
Më tej ai përmendi datën 22 shtator 2014, dhe në këtë rast kontrolli për Ballën dhe Begon është bërë brenda 1 minute.
Deputeti demokrat deklaroi se vetëm në vitin 2014, Ballad he Bego kanë udhëtuar së bashku jashtë vendit plot 12 herë.
Boçi I konsideroi qëndrimet e Ballës si përpjekje për ti shpëtuar përkohësisht burgut.Taulant Balla përdori fenë për të mashtruar shqiptarët për njohjen me mikun trafikant droge Edmond Bego në vitin 2015.
Vetëm në vitin 2014, Balla dhe miku i tij trafikant droge kanë udhëtuar së bashku, me makinë dhe me avion, plot 12 herë vajtje – ardhje.
Mashtrimi, mohimi dhe inflacioni me paditë fasadë janë e vetmja mënyrë që Taulant Balla të ruajë mandatin dhe t’i shpëtojë burgut edhe për pak kohë!

LUÇIANO BOÇI, DEPUTET PD
Taulant Balla u shfaq mbrëmë para shqiptarëve si një peng i krimit të organizuar dhe i parave të pista.
Pasi përdori fëmijët e tij për të justifikuar miqësinë me një trafikant ndërkombëtar droge, këtë rradhë, Taulant Balla përdori fenë për të mashtruar shqiptarët për kohën e njohjes me Begon.
Nuk është e vërtetë që Taulant Balla është prezantuar për herë të parë me Edmond Begon në vitin 2015 në xhaminë e Dragostunjës.
Dokumentat zyrtare provojnë se ata kanë udhëtuar së bashku disa herë me makinë dhe me avion në të njëjtën orë, përpara vitit 2015.
Të dhënat e sistemit TIMS provojnë se Taulant Balla dhe Edmond Bego kanë udhëtuar bashkë në 7 korrik 2014 dhe kontrolli i të dyja pasaportave është bërë brenda dy minutave, çka tregon se ata kanë qenë pas njëri-tjetrit.
Balla dhe Bego kanë udhëtuar së bashku edhe në 22 shtator 2014, kohë në të cilën sipas deklaratave të mashtruesit të Edi Ramës, ata nuk njiheshin me njëri tjetrin. Këtë herë pasaportat janë kontrolluar brenda 1 minute.
Vetëm në vitin 2014, Balla dhe miku i tij trafikant droge kanë udhëtuar së bashku, me makinë dhe me avion, plot 12 herë vajtje – ardhje.
Mashtrimi, mohimi dhe inflacioni me paditë fasadë janë e vetmja mënyrë që Taulant Balla të ruajë mandatin dhe t’i shpëtojë burgut edhe për pak kohë!

 

Shehu: Rama, tjetër goditje pas shpine SHBA-ve!

Deputeti i Partisë Demokratike, Tritan Shehu përmes një postimi në Facebook shkruan se qeveria shqiptare i dha një tjetër goditje pas shpine SHBA-së në Asamblenë e OKB. Shehu shprehet se, të martën përfaqësuesi i Shqipërisë votoi përsëri kundër SBBA, duke miratuar Projekt Rezolutën e paraqitur nga Egjipti për të njohur në OKB Palestinën si drejtuese të Grupit 77.
“Ky veprim, krejt në kundërshtim me interesat tona kombëtare, është ne vazhdën e te tilla qëndrimeve të Qeverise sonë në Dhjetor në OKB, Konferencën Islamike e më tej në Gjenevë”, shkruan Shehu.
Postimi i plotë i Tritan Shehut
Qeveria shqiptare i jep tjetër “goditje” mbas shpine ShBA ne Asamblene e OKB.
Diten e marte Perfaqesuesi i yne votoi perseri kunder ShBA, duke miratuar Projekt Rezoluten e paraqitur nga Egjipti per te njohur ne OKB Palestinen si drejtuese te Grupit 77.
Kjo behet megjithese ne nuk jemi pjese e atij grupi dhe as Palestina nuk eshte antare e plote e OKB.
Ndaj kesaj Rezolute kishte vota kunder si ajo e ShBA dhe te tjera absenime, ku benin pjese vende te BE, si dhe vete Bosnja qe eshte antare e Grupit 77.

Reagimi amerikan ishte i menjehershem, duke e konsideruar kete Rezolute si nje akt te demshem dhe qe do te veshtiresoje procesin e paqes ne Lindjen e Mesme.
Ky veprim, krejt ne kundershtim me interesat tona kombetare, eshte ne vazhden e te tilla qendrimeve te Qeverise sone ne Dhjetor ne OKB, Konferencen Islamike e me tej ne Gjeneve.
Te tilla veprime pa asnje dyshim vecse bejne te dobesohet mbeshtetja e madhe dhe thelbesore per kombin tone nga ShBA, te vihen ne rrezik ceshtjet tona madhore kombetare, inkluziv dhe te Kosoves.
Ne kete menyre ne duke “mbeshtetur” te detyruar Palestinen, e njohur kjo per qendrimet e forta kunder Kosoves, jo vetem qi i kundervihemi pozicioneve amerikane, por realisht demtojem dhe proceset e paqes ne ate Rajon, procese, qe nuk mund te zhvillohen pa ShBA-te.

1...5 2425 2435 244...8 304Faqja 5 243 nga 8 304

Kryesore

Continue to the category
Më shumë
© 2024 Rilindja Demokratike Euroatlantike