Njerëzit e gjatë janë më të rrezikuar që të preken nga kanceri, ka zbuluar një studim i ri, ku janë përfshirë më shumë se 1 milion njerëz.
Studime të mëparshme kanë arritur në të njëjtin konkluzion, por a duhet të alarmohen njerëzit shumë të gjatë, apo është vetëm një legjendë?
Ekspertët theksojnë se rezultatet e këtyre studimeve tregojnë vetëm për një rrezik shumë të ulët krahasuar me faktorë të tjerë, si duhanpirja.
Plus, nuk është e qartë se cili është shkaku kryesor pas kësaj lidhjeje. Një ndër teoritë më të përmendura është që njerëzit e gjatë kanë më shumë qeliza, prandaj probabiliteti është më i madh që të kthehen në kancerogjene.
Por, nivelet hormonale, sëmundje të tjera dhe sa të pasur apo varfër kanë qenë këta njerëz në moshë të re, mund të kenë ndikim në gjatësinë e trupit dhe rrezikun për kancer gjithashtu.
Autori i studimit, dr. Leonard Nunney, tregon për BBC se faktori i rrezikut për një person varet nga gjatësia e tij ekzakte.
Në raportin, e publikuar nga Royal Society, thuhet se për çdo 10 cm më shumë në gjatësinë mesatare, 170 cm për meshkujt dhe 160 cm për femrat, rreziku është 10% më i lartë që ky person të preket nga kanceri.

Të dhënat janë nxjerrë pas analizimit të 4 studimeve afatgjate. Në secilin studim janë analizuar të dhënat e më shumë se 10 mijë rasteve me kancer për secilën gjini. Nga 18 lloje të kancerit të analizuara si tek gratë ashtu edhe burrat, katër lloje kanceri – i pankreasit, fytit, stomakut dhe gojës – nuk shfaqën ndonjë rritje të rrezikut me gjatësinë.
Çfarë mendojnë ekspertët?
Gjatësia është vetëm njëri nga faktorët që përcaktojnë rrezikun e zhvillimit të kancerit te një person, dhe pa dyshim që nuk është më i rëndësishme. Ekspertët thonë se kryesorja për të shmangur sëmundje të tilla është të bësh një jetë të shëndetsj,e.
Georgina Hill, nga Shoqata Britanike për Hulumtimin e Kancerit, tregon për BBC: Rreziku është shumë i ulët dhe ka një sërë mënyrash për të ulur rrezikun e zhvillimit të kancerit, si mos konsumimi i duhanit apo mbajtja e një peshe të shëndetshme.
Dr. John O’Neill, autori kryesor i studimit, nga Laboratori MRC i Biologjisë Molekulare, thotë? Nëse ke më shumë qeliza, je më i rrezikuar nga kanceri. Njerëzit e gjatë kanë më shumë lëkurë dhe më shumë melanocite, prandaj janë më të rrezikuar që të preken nga melanoma”.

Jeni duke debatuar për filxhanin e dytë të kafesë? Ose ndoshta të tretin? Tani shkencëtarët thonë që mund t’i pini me një ndërgjegje më të lehtësuar.
Një studim në Shtetet e Bashkuara ka zbuluar që pirja e kafesë në sasi të mëdha nuk duket që rrit rrezikun e tensionit të lartë të gjakut, pavarësisht shqetësimeve të mëparshme.
Befasuese: Dr. Chen ka zbuluar që njerëzit të cilët pinë më shumë se pesë filxhanë kafe në ditë nuk kishin më shumë gjasa për të pasur hipertension se ata që pinin krejt pak.
Tensioni i lartë i gjakut, ose hipertensioni, ka qenë i lidhur me sëmundjet e zemrës, sulmet në tru dhe probabilitetin e një jete më të shkurtër dhe disa shkencëtarë kanë sugjeruar që kafeja mund të shkaktojë këto probleme.
Por, sipas raportit në “The American Journal of Clinical Nutrition” që ka grumbulluar të dhënat nga gjashtë studime të mëhershme, duke mbuluar 170,000 njerëz, kjo nuk duhet të jetë rasti.
Studimet kanë vrojtuar pjesëmarrësit për të zbuluar sa filxhanë kafeje pinin ata çdo ditë, prej më pak se një e deri më shumë se pesë, pastaj i kanë përcjellë deri në 33 vjet.
Vetëm më shumë se një në pesë eventualisht ka zhvilluar tensionin e lartë të gjakut, me mundësinë e të qenit i diagnostikuar me gjendjen jo më të ndryshme se për njerëzit që thoshin se kanë pirë më shumë se pesë filxhanë kafe në ditë dhe ata që pinin krejt pak.
“Unë nuk mendoj për kafenë si një faktor të rrezikshëm për tensionin e lartë të gjakut,” tha Lawrence Krakoff, i cili studion tensionin e lartë të gjakut në Mount Sinai Medical Center në New York. Por, nëse njerëzit pinë 12 filxhanë kafe në ditë dhe nuk flenë, atëherë supozoj që është një çështje e rëndësishme.”
Marrëdhënia në mes pirjes së kafesë dhe tensionit të gjakut është e komplikuar nga mundësia që nuk funksionon në të njëjtën mënyrë për çdokënd,” tha dr. Chen.
“Njerëzit me prapavijë të ndryshme gjenetike mund të reagojnë ndryshe ndaj kafesë,” tha dr. Chen. “Për disa njerëz ndoshta është e sigurt të pinë shumë kafe, por jo edhe për disa të tjerë.”

Tashmë është e ditur se jeta pasive është e dëmshme, por a jua merrte mendja se qëndrimi me orë të tëra pa lëvizur është më i rrezikshëm se duhanpirja?
Sipas një studimi të kryer së fundmi nga Universiteti i Cleverland ka rezultuar se aktiviteti fizik është i lidhur ngushtë me jetëgjatësinë.
Për të arritur në këtë përfundim, studiuesit kanë marrë në shqyrtim rastet e 122 000 individëve pas vdekjes së tyre, duke analizuar në mënyrë të hollësishme cilësinë jetës.
Rezultatet treguan se personat të cilët kishin patur një jetë sedentare ishin më të prirur të prekeshin nga sëmundjet vdekjeprurëse krahasuar me personat që kishin qenë duhanpirës.
“Diabeti, tensioni i lartë dhe shumë probleme të tjera të shëndetit shkaktohen nga mungesa e aktivitetit fizik dhe jo nga pirja e duhanit”, ka thënë për CNN Dr. Wael, udhëheqësi i këtij studimi.