Gazetari Basir Çollaku ka bërë një deklaratë të fortë mbrëmë në emisionin “360gradë” ku ka thënë se ka në dorë dosje ku përmenden shumë emra ministrash e deputetësh. Madje ai shtoi se, shumë shpejt do të publikohet në media.
“Do të shkoj në prokurori pasi Taulant Balla më ka paditur në lidhje me çështjen e Emiljano Nuhut. Kam shumë dosje ku përmenden shumë emra, dhe do të publikohen shumë shpejt në media”, tha Basir Çollaku.
Teksa pritet të shkojë në prokurori për padinë e bërë nga Taulant Balla, Çollaku thotë se nuk ndihet i frikësuar për shkak se ka thënë të vërtetën.
“Nuk ndihem i kërcënuar sepse nuk kam gënjyer. Kjo është ajo që më mbron. Mekanizmi që po përdoret është shantazhues, jo vetëm ndaj meje por ndaj çdo opinisionti në këtë vend. Të krijosh Byronë Politike në 2018-n se kush duhet të dënohen, kush shkon në Prokurori. Trafiku i drogës është normalitet dhe prokuroria merret me gjëra të tilla. Nuk di çfarë duhet të hetojnë tjetër Prokuroria dhe policia, kur krimi është bërë normalitet. Unë nesër do të dëshmojë në prokurori për kallëzimin e Taulant Ballës për kallëzim të rremë. Nëse unë kam shpifur, do të dënohem unë. Problemi këtu është të shmanget çfarë ka deklaruar komisari, Emiljano Nuhu. Ai thotë edhe prova që është gati t’ia vërë në dispozicion drejtësisë, jo asaj servile ndaj qeverisë. Janë implikime konkrete ministrash, deputetësh në trafiqe, në para elektorale miliona euro. Janë gjëra që kanë ndodhur në Shqipëri. Kryeministrin e ka marrë e keqja para”, tha Çollaku.
Çollaku tha se kryeministri Rama po riformaton marrëveshjet me të ‘fortë” të rinj, pasi të “vjetrit” janë dekonspiruar.
“Është duke riformatuar marrëveshjen me të “fortët”. Nuk i ka në dorë ky të “fortët”, por të “fortët” e kanë këtë. Janë të ‘fortë’ Ndokaj, Rraja, Tahiri, Balla. Ish-ministri që ka një dosje për trafik droge në një organizatë ndërkombëtare të krimit të organizuar. Janë një pjesë e këtyre të fortëve që dolën nga Parlamenti.
Janë edhe nja 10 të tjerë që po u dalin dosjet. Tani po bëhet marrëveshja e re se u dekonspiruan grupi i parë i të fortëve, duhen të fortë të tjerë dhe për të riformatuar marrëveshjen, duhen para të tjera”, u shpreh Çollaku.

Alfred Veliu, i njohur si Babalja ka treguar një tjetër episod të rëndë nga komunikimi i pushtetit me Babalen, të cilit i kanë premtuar 150 mijë euro në rast se do të deklaronte se përgjimi është fallso. “Ma kërkuan tek lokali i deputetit, tek ai deputet që i ndjek njerëzit këmba-këmbës”, ka thënë Babalja pa treguar emrin e deputetit, por duke e bërë të qartë se kemi të bëjmë me një nga emrat më të afërt të Ramës.
Duke u ndalur në përgjimet e Fredi Alizotit, ku ai flet me persona të tjerë, pas publikimit të video-përgjimit të Babales me Agron Xhafajn, Eni Vasili, ka këmbëngulur në emisionin “Open” që Babale të shpjegojë përmendjen e emrave të kryepolicit Ardi Veliu dhe të një personi me emrin Taulant.
“Ardi Veliu ka në dorë të bëjë të bardhën të zezë dhe të zezën të bardhë.
Taulanti është ai i famshmi, i njohur për lidhjet e tij me të fortët në gjithë Shqipërinë. Është ai që i ka mbetur në gojë ‘Babalja…, Babalja’”, u shpreh Albert Veliu.
Sipas Babales, Fredi Alizoti është manipuluar dhe ai është person që gënjehet me dy birra.
“Fredi Alizotin e njoh, por nuk kam lidhje familjare me atë. E kam ndihmuar kur ka dalë nga burgu. Ai e ka ditur historinë time sepse ia kisha treguar vetë
Për herë të fundit jam takuar me atë në Tiranë, ato ditët e problemit tim, pa ardhur në Kosovë.
Nuk është i vërtetë pretendimi i Fedi Alizotit. Merrni zërin tim, të Fredi Alizotit dhe të ‘X’ dhe ballafaqoheni, Nuk i kam premtuar asnjë euro Alizotit, është një manipulim prej dikujt që e ka mashtruar, ai është njeri që gënjehet me dy birra. Jo që nuk i kam premtuar asnjë euro, por unë jam 52 vjeç dhe as nuk jam blerë e as nuk jam shitur.
Nuk më ka paguar asnjë për këtë audio-përgjim. Kam ardhur ën Kosovë me 300 euro dhe sot ha bukën e azilit, në xhep kam vetëm 4 euro.

Kreu Departamentit të Politikës së Jashtme në Partinë Demokratike, Kreshnik Çollaku, i ftuar në studion e lajmeve të SYRI.net, u shpreh se, qeveria me në krye Ramën, po vepron si organizatë mafioze, ndërsa shtoi se agjencitë e huaja kanë dokumentuar lidhjet e qeverisë me krimin dhe veprimtarinë e saj.
Më tej Çollaku akuzoi edhe Prokuorinë si të kapur nga qeveria, pasi sipas tij nëse një prokuror nuk do të ishte peng i qeverisë gjërat do të ishin ndryshe.
‘Situata është e rëndë. Shteti ka rënë. Këta funksionojnë si një bandë e krimit të organizuar, që ka kapur shtetin. Këta thjesht po administrojnë skandalet, për t’i fshehur ato.
Me këtë bandë në këtë qeverisje gjuha do jetë kjo, dhe është minimumi ajo që ka kërkuar Basha, pra arrestimin e Veliut dhe heqjen e imunitetit të Ballës.
Maksi procesi i Antimafias në Itali filloi nga një dëshmitar kyç, Busheta, i cili ishte pjesë e mafias.
Në këto procese kundër mafias, provat i japin njerëzit e lidhur me ta. Këta njerëz sot kanë pranuar të dëshmojnë, Babalja dhe Alizoti, nuk kanë rëndësi personazhet por faktet që ata nxjerrin, implikimi i institucioneve të shtetit apo të policisë.
Me një prokuror që nuk do ishte peng i qeverisë dhe Ramës, gjërat do ishin ndryshe.
Arta Marku dhe vartësit e saj janë në këto pozicioni si pjesë e mafias për ti fshehur skandalet që po ndodhin. Por betejën e tyre ata do ta humbin dhe nuk do ja dalin dot.
Shqipëria nuk është vend i izoluar, ka agjenci partnere këtu.

Ka edhe më rëndë se kjo që dimë. Këta nuk do të shpëtojnë dot. Ka agjenci të cilat e kanë dokumentuar veprimtarinë kriminale dhe kontrolluar atë.
Këta njerëz do të vijnë para drejtësisë shpejt dhe nuk do shpëtojnë dot nga llumi ku janë zhytur.
Jemi të bindur që zgjedhje me këtë qeveri në Shqipëri nuk do të ketë. Me këtë bandë nuk ka më një proces demokratik në Shqipëri’, tha Kreshnik Çollaku.
Përsa i përket masakrës së ndodhur në Mat, ku kreu i PS-së së fshatit Shëlli vrau 3 punonjës të bashkisë, Çollaku është shprehur se e gjithë ngjarja është e frymëzuar nga Edi Rama.
Çollaku tregon se, konflikti ka qenë politik e jo siç është bërë publik deri më tani, për shtrimin e rrugës.
‘Ngjarja është e qartë, askush nuk ka dyshime për çfarë ka ndodhur.
Masakra do kishte qenë edhe më e madhe, pasi vrasësi ka tentuar të vrasë më shumë se 15 vetë.
Vrasja është e pastër politike, pavarësisht manipulimit që po i bëjnë mediat këtu në Tiranë. Vrasësi është kreu i PS së zonës, njeri i dhunshëm dhe problematik, me një pirg dosjesh dhe denoncimesh për vepra të shumta, dhe pavarësisht këtyre nuk është arrestuar asnjëherë.
Ai sa herë e shoqëronin dilte për 1 orë nga burgu pasi ishte kreu i PS.
Ky u ka bërë presion punëtorëve të Bashkisë. U ka thënë se po punojnë aty që të fitojnë zgjedhjet. I ka vrarë me bukë në gojë.
Ngjarja është frymëzim i forcës dhe arrogancës se qeverisë. U kemi kërkuar familjeve të ruajnë qetësinë dhe të përmbahen’, është shprehur Kreshnik Çollaku në studion e SYRI.net.