Avokati, Çlirim Gjata i ftuar në “Opinion” ka deklaruar se prokuroria ka ngritur akuza ndaj gazetarit Jetmir Olldashi, se ka dëmtuar imazhin e Fatmir Xhafajt.
Duke folur përballë gazetarit Alen Xhelili, edhe avokati tjeter, Sefa ka treguar edhe bisedat që Olldashi ka bërë me gazetarin tjetër, Ylli Rakipi, drejtuesi i emisionit ‘Të paekspozuarit’.
‘Ka pasur qëllim që të dëmtonte imazhin e vëllait të ministrit të brendshëm, duke dëmtuar edhe ministrin e brendshëm.
Ylli Rakipi i ka thënë gazetarit Olldashi se nëse nuk ka pamje video, nuk na intereson.
Jetmir Olldashi nuk njeh, nuk ka kontaktuar dhe nuk ka biseduar ndonjëherë me Fredi Alizotin.
Edhe vetë ky është shprehur se gazetarin Olldashi e ka parë vetëm në ekran.
Është me dokumente, që Agron-Geron Xhafaj ka telefonuar Albert Veliun’, është shprehur avokati Indrit Sefa në SYRI.net.
Ndërkohë, Avokati Çlirim Gjata e ka ritheksuar qëndrimin e tij se akuza për kallëzim në drejtim të gazetarit Jetmir Olldashi, jo vetëm që nuk qëndron por Prokuroria e Krimeve të Rënda është në shkelje të kompetencave të saj.
I ftuar në studion e lajmeve në Fax News, Gjata u shpreh se Olldashi e ka bërë të qartë se ai nuk ka qenë i pranishëm në momentin kur është kryer regjistrimi audio, dhe se një gazetar nuk mban përsipër vërtetësinë e asaj që thonë denoncuesit.

Sipas Gjatës është e qartë se prokuroria përfshin në këtë çështje Olldashin në mënyrë që të duket sikur lidhja me PD-në është e qartë. Sipas avokatit ndryshe nga sa përpiqet që të thojë me të madhe qeveria, përmes mediave, ekspertiza britanike nuk e mohon mundësinë që zëri në audiopërgjimin e Babales dhe ai i Geron Xhafajt të jetë i njëjtë.
“Prokuroria merret me gazetarin në mënyrë që të bëjë lidhjen me PD-në në mënyrë të qëllimshme. Pse merret prokuroria e krimeve të rënda me një çështje siç është kallëzimi i rremë, për të thënë se ky ishte një komplot për të rrëzuar qeverinë.
Albert Veliu e ka kërkuar dhe e ka kontaktuar vetë gazetarin, I cili ishte nisur për një tjetër investigim në Vlorë. Gazetari ka bërë një publikim, dhe jo një kallëzim siç pretendon dhe deklaron prokuroria. Gazetari e ka thënë që ditën e parë që nuk ka qenë aty në ditën kur është kryer përgjimi. Prokuroria duhet të merret me personat e përfshirë dhe jo me gazetarin.
Prokuroria po tenton që të bëjë një lojë, dhe po fut në këtë mes dhe gazetarin, për ta bërë sa më të besueshme. Prokuroria ka ndërruar dhe orarin se kur Agron Xhafa ka shkuar dhe ka çuar zërin, pa ditur dhe kushtet laboratorike në të cilat është kryer kjo. Kishte pese vite që rrinte në Shqipëri dhe nuk e prekte kush, dhe shkon dhe largohet menjëherë pasi bëhet publik rasti.
Prokurorët nuk kanë marrë CD-në orgjinale ku ndodhej zëri i Geron Xhafajt, po kanë marrë zërin që është publikuar në media. Laboratori anglez nuk thotë që nuk është zëri i njëjtë, thotë që është i paqartë”, u shpreh Gjata.

Nuk i pranojnë dorëheqjen, por e përjashtojnë nga policia një ditë pas publikimi të skandalit në Shijak TV.
Nënkomisar Emiljano Nuhu përjashtohet nga policia vetëm një ditë pas denoncimit publik në Shijak TV të skandalit të dy deputetëve të qeverisë Rama, Tauland Ballës e Rrahmaan Rrajës, si edhe kryebashkiakut Artur Bushi, shkruhet në faqen e ShijakTv.
Vendimi për shkarkimin është firmosur nga drejtori i departamentit të policisë kriminale dhe njoftimi i është përcjellë nga shefi i burimeve njerëzore të drejtorisë vendore të policisë së Beratit, Qenam Tregaj.
Shkelja e rëndë e kryer nga nënkomisari, është mungesa tre ditë në punë.
Në vendimin në shkresë thuhet se masa disiplinore, përjashtim nga policia është marrë për shkelje të nenit 206 ‘mosbindje e rëndë’ pika 6- mungon pa arsye për tre ditë.
Zyrtarisht e Policia e Shtetit e përjashton Nuhun për shkak të mungesës prej tre ditësh, arsye e mjaftueshme për kryeministrin për të kanosur nënkomisarin që ai e quajti ‘horr’.
Ndërkohë nënkomisar Nuhu, kishte paraqitur vetë dorëheqjen e parevokueshme nga funksioni më 14 shtator, si pasojë e kanosjeve të përsëritura për jetën ndaj tij dhe familjes dhe mosmarrjes në mbrojtje nga eprorët.
Agjenti nuk pranoi të bëjë kompromis me drejtuesit për të ndryshuar tekstin e dorëheqjes në këmbim të favoreve dhe heshtjes. Në këtë situatë ai u largua nga Shqipëria nga ku kërkon zbardhjen e çështjes dhe kallzimeve të tij me argumentin se ka prova për të faktuar denoncimet e bëra publike. /ShijakTv/

Kamera e fshehtë e emisionit “Stop” solli me zë dhe figurë llojet e lëndëve narkotike të ndaluara, që u shiten nën dorë nxënësve dhe të rinjve. Mjafton një interesim i thjeshtë e disa para me vete dhe do të gjeni njerëz jashtë çdo lloj dyshimi që tregtojnë me shumicë e pakicë ketaminë, një anestetik ky i fuqishëm për kafshët.
Mjeku veteriner Martin Toro shpjegoi se ketaminën mund ta marrin vetëm veterinerët me licencë.
“Është një medikament që përdoret vetëm për anestezi të përgjithshme te kafshët, te qentë dhe të macet. Ne i përdorim vetëm për ndërhyrjet kirurgjikale”, u shpreh mjeku veteriner.
Ndërsa mjekja toksikologe Sonila Bitri tregpo efektet negative të këtij medikamenti te njeriu.
“Ketamina është anestetik me veti haluçinogjene dhe disicioative. Përdoret në mjekësinë veterinere për qëllimin anestetik, ndërsa te njerëzit, te adoleshentët kryesisht, abuzohet për efektet haluçinogjene, psikoaktive që kjo substancë ka. Abuzohet në disa forma si inhalatore, venoze, orale, por format më problematike dhe më shpesh të abuzuara janë ato inhalatore. Shpesh herë për fat të keq përzihet dhe me cigare dhe kanabis. Efektet kryesore janë në sistemin nervor qendror, por jo vetëm. Jep ndjesinë e shkëputjes nga trupi dhe realiteti dhe kanë probleme me memorjen, probleme të rënda mendore, haluçinacione, probleme me orientimin e humorin. Jep çrregullime me ritmin e tensionin, probleme me frymëmarrjen dhe për fat të keq në doza të larta edhe në fatalitet”, tha toksikologja.
Ajo gjithashtu shtoi se kjo substancë jep varësi, çka nuk dihet nga përdoruesit, ndaj dhe abuzohet me të. Gjatë kamerës së fshehtë të emisionit “Stop”, shitësja e ketaminës shfaqet e qartë mbi atë se çfarë është duke bërë, duke treguar se “mallin” e saj e marrin shumë të rinj, të cilët dinë edhe si përgatitet.

Shpresa – Si je?
Blerësi – Mirë! Çfarë ke bërë?
Shpresa – Si dukesh? Si ia kalove? Ça ke bërë ti?
Blerësi – Mirë!
Shpresa –Tani, çfarë doje ti. Unë për momentin kam te shtëpia, kam një të vogël, kam dhe një gjermane 35. Ke marrë ndonjëherë nga këto gjermanet?
Blerësi – Unë nuk kam marrë asnjëherë, asnjë. Mua më thanë që mund të më ndihmoje. Sa është gjermania?
Shpresa – Kam dy lloje. Ja të tregoj! Kam dy lloje, po domethënë do vish te shtëpia taksirat, aty kam plot.
Blerësi – Ku e ke shtëpinë?
Shpresa – E kam aty poshtë te Ministria e Arsimit, po për momentin me vete kam këto se po vij nga puna, se jam në punë. Për momentin kam këtë.
Blerësi – Ça është kjo?
Shpresa – Kjo është gjermane, KETAMINA, është 35.
Blerësi – Kjo është për qetësim?
Shpresa – Po pra, nga ajo që të kanë thënë ty.
Blerësi – Është 35, është e mirë kjo?
Shpresa – Gjermanen ma marrin shumë domethënë, me thënë të drejtën, unë…
Blerësi – Me ça ashtu kjo? Me shiringë në damar?
Shpresa – Nuk e di mo, si e bëjnë. Jo nuk e di, e bëjnë pluhur, a nuk e di… Pyet ndonjërin që mund të ashtu, unë s’të ndihmoj dot.
Blerësi – Po kjo?

Shpresa – E njëjta gjë është edhe kjo, po kjo është 10 mililitra, është 20 mijë lekë.
Blerësi – Ketaminë?
Shpresa – Po, po, po. Edhe kjo e ka.
Blerësi – Ta provoj, po me shiringë si injektohet?
Shpresa – Jo, unë nuk e di, nuk e di, unë i mbaj kështu, nuk di më tepër. Unë i shes dhe te farmacia. Kam ca klientë i marrin, po sesi.., ashtu nuk të ndihmoj dot.
Blerësi – Ok! Sa të detyrohem për këtë?
Shpresa – 35! Unë e kisha një gocë, ajo e bënte kshu pluhur.
Blerësi – Si e bënte pluhur?
Shpresa – E bënte pluhur. Ta thyejmë këtë 5-mijëshen, ta thyejmë tek kjo, hajde ta thyejmë te kjo!
Blerësi – Qysh ëëë?
Shpresa – E merr ndonjë çun, ashtu pa marrë në telefon, pa folur me ndonjërin!
Blerësi – Dakord!
Shpresa – Vetëm se s’ashtu aman! Të lutem, se nuk dua…!
Blerësi – Mirë, mo mirë! Të kuptoj, të kuptoj drejt. Unë mendova, se ti do të dije, sesi do ta bëja se…
Shpresa – Jo, jo unë. Ajo përdoret më shumë për kafshët.
Blerësi – Për kafshët?!
Shpresa – Po! Ne e kemi narkozë për kafshët, por i marrin edhe çunat, i marrin. Kam një kosovar që i merr me shumicë, një çun tjetër vetëm aq, unë nuk e di, vetëm aq di. Për kafshët përdoret narkozë, për t’i vënë në gjumin e vdekur, për njerëz nuk e di. Kisha një gocë që i merrte, ajo gjithmonë e ziente e bënte pluhur.
Blerësi – Si e bën kshu?
Shpresa – Zihet ajo me xhezve.
Blerësi – A zihet?
Shpresa – Zihet kjo dhe e përdor ashtu. Zihet dhe është më e lehtë ashtu për mendimin tim. Ti fol me ndonjë çun nga këto dhe mos të kesh ndonjë problem a ndonjë gjë! Pafshim!

Takimi i dytë
Shpresa – Si je? Si ia kalove? Të ngatërrova me një çun tjetër se vjen dhe te shtëpia, e kam shtëpinë këtu.
Blerësi – Pashë në internet, si bëhej.
Shpresa – Epo mirë! Në qoftë se ke parë, pa problem fare! Kështu, ça do lloj? Këtë e kam 35, këtë e kam 20!
Blerësi – Po shumë e vështirë për t’u gjetur!
Shpresa – S’ka! Është vështirë, s’ka!
Blerësi – Unë kam pyetur në çdo lloj farmacie. Jo tha, hyn te drograt e forta.
Shpresa – Ne jemi me burrin veteriner. Unë kam farmaci veterinare se dhe mua nuk më lejohet. Po ka pas ca klientë që m’i thonë kështu edhe i shes. Vijnë dhe ata çunat nga Kosova që i marrin.
Blerësi: Për këtë do të pyesja dhe unë, për punën e shumicës.
Shpresa: Sa do? Me shumicë? Në qoftë se do me shumicë ti, ka çmim tjetër. Me fol mua për shembull, sa copë duhen, aq të flas unë, aty ku i marim se i merr burri im. Lëviz burri larg, m’i merr burri se këtu në Tiranë s’ka.
Edhe më porosit 2 ditë përpara që të them se ça cmimi, mund t’i marri çikë më lirë ai. Po nuk japin, as unë kam vite, që e kam farmacinë të lidhur, i shesim, se i kam thënë që i duam për kuaj, për kto gjëra, po nuk… ëëëë, janë çikë me problem këto, prandaj janë dhe të shtrenjta.
Shpresa – Edhe herë tjetër mund të vish deri te shtëpia, mund të vish poshtë.
Blerësi – Po mirë! Vij!
Shpresa – E, se jam çikë më poshtë, se unë biles, unë punën e kam larg, unë vij pasdite pas orës 5.
Blerësi – Rrofsh!
Shpresa – Pas orës 5, unë vij në shtëpi nga kjo orë, unë jam në punë po sot më ka ardhur vëllai nga Italia.
Blerësi – Mirë! Faleminderit!
Shpresa – Mirupafshim!
Ky ishte denoncimi i emisionit “Stop” për këtë fenomen të tmerrshëm që po ndodh në vendin tonë. Nuk mjaftojnë substancat narkotike që shpërndahen madje edhe në shkollat 9-vjeçare, por tanimë u shiten të rinjve edhe anestetik të fuqishëm për kafshë…/tvklan.al

Asambleja Parlamentare e Këshillit të Europës (PACE) ka zgjedhur këtë të martë Darian Pavlin si gjyqtar në Gjykatën Europiane të të Drejtave të Njeriut, me seli në Strasburg, përfaqësues të Shqipërisë.
Pavli, i cili ka marrë shumicën absolute të votave, zgjidhet gjyqtar në GJEDNJ për një mandat 9-vjeçar, të cilin duhet ta fillojë jo më vonë se 3 muaj nga dita e zgjedhjes.
Gjykatës zgjidhen nga “PACE”, nga një listë prej 3 kandidatësh të nominuar nga secili shtet, që ka ratifikuar Konventën Europiane të të Drejtave të Njeriut.
Pavli është votuar me 98 vota pro, nga 170 vota të hedhura në kutinë e votimit, prej të cilave 13 rezultuan të pavlefshme. Rivalë të tij ishin Sokol Berberi me 13 vota dhe Marjana Semini me 59 vota. Ai zëvendëson Ledio Biankun në këtë detyrë.
Tashmë është zyrtare që Darian Pavli, një aktivist i shoqërisë civile i financuar nga Sorisi do të jetë përfaqësues i Shqipërisë në Gjykatën e të Drejtave të Njeriut në Strasburg.
Pas tre dështimeve me propozimet e bëra më herët me kandidatët shqiptarë për në Gjykatën e të Drejtave të Njeriut në Strasburg, sot është vendosur për Darian Pavlin. Ai nuk ka punuar asnjeherë në karrierën e tij si gjyqtar dhe megjithatë, kjo se ka penguar që të zgjidhet për të gjykuar në Gjykatën më të lartë të të Drejtave të Njeriut në Strasburg!
Por kush është i riu që do të përfaqësojë Shqipërinë dhe lidhjet e tij me Sorosin?

Në prezantimin e shkurtër të kandidaturës së Pavlit, thuhet se ai është ‘jurist me 15 vjet përvojë në dizenjimin, koordinimin dhe zbatimin e aktiviteteve që promovojnë mbrojtjen e të drejtave të njeriut në Nju-Jork, Tiranë (Open Society Justice Initiative, Human Rights Ëatch), përfshirë rajonin e Këshillit të Evropës, ekspert ligjor pranë EURALIUS V, këshilltar i Komisionit të Posaçëm Parlamentar i Reformës në Drejtësi, përfaqësim të disa çështjeve në GJEDNJ.’
Emri i Pavlit del si ekspert ligjor i ‘EURALIUS’ dhe si jurist i Fondacionit për Shoqëri të Hapur, që i përket miliarderit Geroge Soros.
Në jetëshkrimin e Pavlit thuhet gjithashtu se ka shërbyer si këshilltar i Komisionit të Posaçëm Parlamentar i Reformës në Drejtësi.
Reforma në drejtësi u konceptua, u organizua dhe u zbatua nga Fondacioni ‘Soros’. Një paketë me mijëra e-maile dhe dokumente të brendshme të këtij fondacioni u publikuan në muajt Gusht-Shtator 2016.
Këto dokumente zbuluan se rrjeti ‘Soros’ kishte hartuar një strategji të detajuar mbi reformën në drejtësi në Shqipëri dhe strategjia ishte gati që prej vitit 2013.
Ky fondacion ka pasur patronazhin e reformës në drejtësi në Shqipëri.
Kjo reformë sot e ka çuar në kolaps sistemin e drejtësisë në vend, duke qenë se aktualisht Shqipëria është pa Gjykatë Kushtetuese dhe pa Gjykatë të Lartë.

Ish-drejtuesi i policisë, Breçani ka rrëfyer përmes një interviste pozicionin e tij në lidhje me aktorin e gjetur nga qeveria, Fredi Alizoti. Ai tha se nuk e njihte Alizotin dhe ishte habitur kur ai e kishte marrë në telefon dhe i ishte prezantuar duke i dhënë shpjegime të çuditshme se donte ta takonte dhe se përgjimet me Agron Xhafën nuk ishin të vërtetë dhe se ishte ai personi që i kishte bërë ato. Breçani i kishte kërkuar të dinte se përse e kishte marrë në telefon atë dhe ai i ishte përgjigjur se kishte besim tek ai.
Ish polici tha se ishte çuditur jo vetëm nga telefonata e Alizotit të cilin nuk e njihte, por edhe nga kërkesat e tij. Ai tha se Alizoti I kishte kërkuar 4 mijë lekë borxh për të fjetur në Tiranë. Ish-drejtuesi në polici e kishte pyetur se nga ishte, dhe ai i ishte përgjigjur se ishte nga Fieri dhe Breçani tha se e kishte ndihmuar të shkonte tek furgoni.
Breçani pohoi faktin se ishte thirrur nga Prokuroria e Krimeve të Rënda pasi ishte përmendur në audio-përgjimin e publikuar nga PD, ku implikohet vëllai i Xhafajt në pazare droge.
Sipas Erzen Breçanit ‘Babalja’ ishte për të përfituar azil politik, ndërsa shtoi se e kishte marrë në telefon kunati i ‘Babales’ dhe i kishte kërkuar takim.

“Është e vërtetë që jam thirrur nga prokurori i Krimeve të Rënda për këtë ngjarje. Kam marrë një telefonatë para dy tre muajsh. Më është prezantuar një person si kuanti i Babales. “Jam kunati i Babales” tha. ‘Dua të rrëfej për diçka që të flasim nga afër’, tha. Më tha; ‘dua dhe 4 mijë lekë borxh se skam ku të fle’. E pyeta se; ‘pse nuk shkon të flesh në shtëpinë tënde në Fier’. Ai përmendi edhe azilin politik. Unë i thash se nuk duhet të merrej me këtë çështje. Në prokurori jam thirrur dhe para një muajsh, nuk kisha folur me askënd. Pyeta prokurorin dhe i thash; pse e keni nxjerr këtë, se unë e njoh hetimin”, tha Breçani.
Alizoti është personi i vetofruar për të luajtur “luajtur rolin” e dëshmitarit të rremë të qeverisë.
Pak ditë më parë prokuroria kërkoi masën “arrest me burg” për Albert Veliun i njohur si “Dëshmitari X” apo “Babalja” i cili aktualisht ndodhet në Kosovë ku ka kërkuar azil. E njëjta masë u kërkua edhe për Fredi Alizotin nga Fieri, por policia nuk njoftoi nëse ky person ishte arrestuar. “Detyrim paraqitje” ishte masa për gazetarin Jetmir Olldashi.
Këtë të martë Alizoti u paraqit në seancën e verifikimit të masës së sigurisë në Gjykatën e Krimeve të Rënda. Avokati i tij tha se Alizoti ka bërë një marrëveshje me prokurorinë dhe se e ka pranuar akuzën e “kallëzimit të rremë”, por nuk zbuloi arsyet e kësaj lëvizjeje të klientit të tij.

Prokuroria e Shkodrës ka nisur hetimet për organizatorët e atij që u quajt si “Marshimi i paqes kundër krimit e mafias”.
Lajmi është bërë i ditur nga kryetari i FRPD-së në Shkodër, Arvit Bushati, i cili në një postim në rrjetet sociale shkruan:
“Çështje iniciative.
Në qytetin ku ka më shumë ngjarje kriminale, këto ditë prokuroria e qytetit me iniciativën e vet ka nisur hetimet duke marrë disa të rinj të forumit në pyetje në lidhje me aktivitetin tonë politik, me prova të vetme, video dhe foto të postuara po nga ana ime në rrjetet sociale.
Ka dy palë, ato që zgjedhin ta bëjnë detyrën e tyre qoftë edhe si qytetar të lirë dhe ato që zgjedhin të keqpërdorojnë detyrën”.

Që prokurorja e përgjithshme Arta Marku është vënë në shërbim të Edi Ramës dhe Fatmir Xhafajt, kjo nuk është diçka e re, pasi ky fakt u konfirmua që me zgjedhjen e saj.
Por çdo ditë Arta Marku dhe vartësit e saj po konfirmojnë me fakte se janë thjeshtë në shërbim të Ramës për të mbyllur dosjet e skandaleve të qeverisë.
Rasti i tillë është edhe audio-përgjimi i skandalit të Agron-Geron Xhafajt.
Çudia e prokurorisë vazhdon edhe bëhet zyrtare në dosjen që ka dorëzuar në gjykatë për këtë skandal.
Në një prej faqeve të kësaj dosje thuhet se, ‘Agron Sezai Xhafaj është i padënuar’.
Ky është një fakt i gënjeshtërt publik pasi Agron-Geron Xhafaj pas daljes së audio-përgjimit iku me vrap në Itali, ku po vuan dënimin e dhënë nga gjykata italiane për trafik droge.
Më poshtë dokumenti i prokurorisë: