29.5 C
Tirana
E diel, 17 Gusht, 2025
type here...

Audiopërgjimi i Agron Xhafajt/ Pse mashtron policia? Ku e arrestoi dhe ku e mban sot Alizotin?

Deputeti demokrat, Ervin Salianji ka reaguar sërish sot për çështjen e audiopërgjimit të Agron Xhafajt dhe konkluzionet që dha Prokuroria. Salianji ngre disa pyetje që ende nuk kanë marrë përgjigje:
“Akt ekspertimi anglez fakton se zëri i audiopërgjimit është i Xhafajt. Producenti Rama dështon në prodhimin e filmmit njësoj si në qeverisje. Dy pyetje presin përgjigje sot: A e konfirmoi plotësisht laboratori shtetëror italian, laboratori më i mirë në botë sipas Ramës, që zëri është i Xhafajt? Pse nuk e nxjerr Policia arrestimin e Alizotit? Ku e arrestoi? Ku e mban sot?
Xhafaj tha që nëse ekspertiza provon që zëri është i vëllait do dorëhiqej, për kur e ruan dorëheqjen Xhafaj, pasi ekspertiza e konfirmoi zërin dhe vetëm policia e drejtuar prej tij ka fabrikuar prova?”

“Kam dhënë 200 mijë euro?” Salianji: Nëse do kishte prova s’do isha i lirë!
Deputeti Ervin Salianji ka hedhur poshtë se ai ka dhënë para për audio-përgjimin. Nëse ka prova, atëherë “unë s’do isha këtu”, tha Salianji, duke lënë të nënkuptohet se do ishte arrestuar.
“Ka dalë një përgjim mes një personi që është aktor, po e ritheksoj Prokuroria ka së paku dy aktorë që i ka çuar për ekspertim. Njëri thotë që e kam bërë unë. Përgjimet (nga prokuroria) janë bërë në 1-2 javë pasi ka dalë përgjimi. Nëse prokuroria ka fakte që kam dhënë 200 mijë euro, ça prokurorie është kjo, prokurori pa këllqe, shkon te këta, jo mo jo…”, tha Salianji.
Ai shtoi se hetimi i prokurorisë s’ka qenë i plotë: “Investigimi gazetaresk ka shkuar të kryeplaku në Tragjasë, te një lokal i Habiljave me mërin Ermal, Ermali është shef i Policisë në Dhërmi… Nëse Prokuroria do kishte vërtetuar këto budallaqet që shkruan aty unë s’kisha si të dilja këtu”.
“Prokuroria thotë që ne i kemi dhënë këto. Ka pesë muaj që prokuroria ka kohë ta vërtetojë këtë, si s’mund ta vërtetojë, kjo është qesharake”, tha.

Faqja e pare

Maskat me armë futen në lokal për të grabitur, ja si i “paralizon” shitësja (Video)

Një ngjarje gati si nëpër filma është regjistruar ditën e sotme në Tiranë, ku dy vajza të guximshme kanë parandaluar një vjedhje. Tentativa e grabitjes ka ndodhur pasditen e sotme në një dyqan argjendarie, rreth orës 17:56 në rrugën ‘Muhamed Gjollesha’, përballë shkollës ‘Sabaudin Gabrani’.
“BalkanËeb” ka arritur të sigurojë pamjet nga kamerat e sigurisë së dyqanit, ku shihet skena e frikshme. Në pamjet në fjalë duket një person, i veshur me bluzë me kapuç dhe kapele në kokë, ndërsa hyn brenda në dyqan duke kërcënuar me pistoletë. Të kapura në befasi, dy vajzat që qëndrojnë pas banakut, kanë nisur të ulërasin, ndërsa njëra prej tyre ka nxjerrë prej sirtarit një sprai, duke ia drejtuar hajdutit.
Ky i fundit, pas këtij akti është larguar nga dyqani, ndërkohë që vajza vijon të hedhë drejt tij sprai, ndërsa dëgjohet edhe alarmi i sigurisë që bie. Pavarësisht se agresori ka pasur armë, vajza e guximshme ka vepruar me shpejtësi, duke shmangur kështu vjedhjen. Fill pas ngjarjes së rëndë, shitëset kanë bërë denoncimin, ndërkohë që policia vijon hetimet për identifikimin dhe kapjen e autorit.

Përgjegjësja e Hipotekës i merr 200 mijë lekë qytetarit për të parë hartat e tokës

Fiks Fare denoncoi një skandal në zyrën e Hipotekës në Bilisht, ku një përgjegjëse i merr një qytetari 200 mijë lekë në zyrën e shtetit për t’i bërë aktet e ekspertimit për tokat që do regjistronte.
Zyrtarja u filmua nga qytetari dhe gazetarët e Fiksit teksa i jep zgjidhje sorollatjes 3 vjeçare të një qytetari, vetëm pasi ai e pagoi.
Punonjësja i mori përsipër që të përgatiste privatisht edhe plan rilevimet e pronës, për tokat që qytetari donte të regjistronte.
Në qershor 2018, një qytetar që kishte shtëpi banimi në fshatin Sinicë të Devollit, u ankua se përgjegjësja e Hipotekës së Bilishtit, Valbona Beshi, i ka kërkuar 300 mijë lekë për t’i bërë aktet e ekspertimit. Këto akte i përgatiste bashkëshorti i saj, Gazmend Beshi.
Në atë kohë, Fiksi nuk arriti që të ‘kapë’ përgjegjësen, teksa pas transmetimit të asaj kronike, zyra qendrore reagoi dhe orientoi qytetarin që t’i drejtohej gjykatës ose bashkisë për procedurat.
Po në atë kohë, Hipoteka pohoi se Valbona u largua nga drejtimi i zyrës dhe u emërua si përgjegjëse e zyrës së hartografisë.
Por, disa muaj më pas, në Fiks Fare u ankua një tjetër banor i Bilishtit, i cili tha se prej tre vitesh sorollatet nga hipoteka.

Gëzim Agastra thotë se ka shkuar disa herë në Hipotekën e Bilishtit, dhe pasi ka kaluar dy drejtorë, prona i del mangut 3 mijë e 100 e 40 metra.
‘Kam takuar në Hipotekë një Valbona Beshi, që sot nuk e di ça është, a drejtoreshë a një gjë. Më ka thënë pa marrë inxhinier nuk zgjidhet kjo punë. Më drejtuan fillimisht në Bashki, takova sekretaren. Në moment vjen kryebashkiaku dhe më thanë që inxhinier topograf, kur të na dërgoj Edi Rama, do t’i bëjmë falas.
Unë një e kam bërë me një inxhinier nga Korça, është i licensuar. Këtë akt e bëra se më ka thnë Valbona Beshi, se desha të bashkoj pronat e babait’ thotë Gëzimi.
Më tej shton se i kanë thënë që të mos lodhet kot. ‘Më thanë, jo 3 vjet, po 13 vjet, po është filanja atje bëji te i shoqi, e ka Gazi, Gazi Beshi.
Zonja Valbona e ka burrë këtë. E hoqën e vunë, ka ngrënë drejtora sa të duash. Nuk e di, po ma zgjidhet ju si Fiks, s’ma zgjidhët këto që janë, do t’i vras fëmijët. Do zihen’ përfundoi Gëzimi.
Pas ankesës, qytetari, bashkë me gazetarët e Fiksit shkuan në zyrën e Hipotekës dhe takuan zonjën Valbona, ku i thotë se ka mangut tokën. Ajo i thotë se duhen bërë skicat dhe do t’i rregullojë ajo të gjitha. I kërkon që të shkojë pas dy ose tre ditësh.

Qytetari shkon pas disa ditësh dhe përgjegjësja i thotë se këto skica mund të bëhen me inxhinierë dhe i thotë se duhet të bëjë disa akte. Ajo i thotë se këto skica bëjnë 200 mijë lekë. Qytetari i thotë te kush do t’i bëjë, ndërsa ajo i përgjegjet ‘te Gazi (bashkëshirti)’. Madje, i thotë se do i thojë ajo vetë, ndërsa bën edhe pazarin, ku 1 skicë bën 40 mijë lekë të vjetra. Ajo i merr numrin e telefonit dhe lënë një takim tjetër.
Fiksi shoqëron sërish qytetarin në zyrën e Hipotekës së Bilishtit, teksa në takimin e tretë qytetari i kërkon nëse i ka bërë apo jo këto skica. Ajo i përgjigjet se të gjitha skicat bëjnë 600 mijë lekë të vjetra. ‘S’ka pse vjen atje (bashkëshorti) tani i kam gati. Do t’i rregullojmë këto, pastaj kur të vish me datën 28 do t’i kesh gati’ i thotë Valbona qytetarit.
Në takimin e katërt, të dy lënë takim për të nesërmen. Të nesërmen, qytetari shkoi në Hipotekë dhe ajo i la takim pas 45 minutash. Më pas, i jep dokumentet dhe orienton qytetarin që të bëjë një deklaratë personale te noteri.
Qytetari e pyet përgjegjësen për koston e skicave të inxhinierit. ‘Katër që venë 200 (mijë)’, i thotë ajo. Qytetari i thotë se nga 50 ia llogariti dhe ajo i thotë që 1 ia ka lënë veç. Më pas, qytetari i numëron lekët, 1, 2, 3, 4, 5, 6, 7, 8 (50 mijë lekëshe).

Ekspertiza nga Anglia konfirmon: Zëri në audio i ngjashëm me Agron Xhafajn

Mund të quhet një hetim skandaloz dhe i falsifikuar ai i përpiluar nga Prokuroria e Krimeve të Rënda në lidhje me audio-përgjimin e Agron-Geron Xhafajt.
Në dokumentin e siguruar nga SYRI.net, që është edhe përgjigja e ardhur nga Anglia në lidhje me audio-përgjimin, Prokuroria e Krimeve të Rënda nuk ka asnjë provë se ai është i rremë, apo se është i pasaktë.
Në përgjigjen që ka mbërritur nga laboratori anglez, nuk përcaktohet dot nëse zëri është i Agron-Geron Xhafajt për shkakun se kampioni i marrë në Prokurorinë e Tiranës është shumë i dobët, ashtu edhe si audio-përgjimi i bërë publik.
Por ajo që vë në dyshim të madh vendimin e prokurorisë është fakti se sipas laboratorit Anglez, zëri i Agron Xhafajt është shumë i ngjashëm/përafërt me atë të Fredi Alizotit, personit prokuroria, Rama dhe media e tij e quajnë si aktori.
Ky vendim i prokurorisë është haptas favorizues ndaj vëllait të ministrit të Brendshëm, Fatmir Xhafaj.

Fakti që zëri i Xhafajt dhe Alizotit janë shumë të ngjashëm ngre dyshime të mëdha në lidhje me vendimin e prokurorisë së drejtuar nga Arta Marku.
Pasi kanë sjellë këtë përgjigje, laboratori anglez ka kërkuar audio-përgjimin origjinal dhe zërin më të pastër të Agron-Geron Xhafajt.
Por prokuroria dhe policia nuk kanë pranuar që të çojnë në Angli audiot origjinale, duke vendosur që të mbajnë përgjigjen e cila i lejon prokurorisë të vendosë ndryshe.
Fillimisht ishin zyrtarët e laboratorit italian nuk pranuan që të bënin ekspertizën e audio-përgjimit pasi nuk ishte origjinali.
Por jo vetëm kaq.
Në akt-ekspertim thuhet, se audio-përgjimi i dërguar për analizë në Angli nuk përmban bisedën e plotë, si dhe audiot nuk janë origjinale, ka mbivendosje dhe prerje.
Në këto kushte, prokuroria e drejtuar nga Arta Marku duket se ka vendosur të mos i nxjerrë telashe qeverisë dhe të zbatojë urdhrat e Edi Ramës, i cili ishte i pari që tha se në atë regjistrim nuk ishte zëri i Agron Xhafajt.

/Syri.net/

Pse e ka mbyllur goren Taulant Balla?

Arben SHAHINI

Prej dy ditësh u vazhdua debati virtual mes ish-Kryeministrit Berisha dhe kreut të grupit parlamentar të PS, Taulant Balla. Fillimisht ish-Kryeministri postoi një foto të Taulant Ballës në një zonë të Librazhdit me trafikantin e kokainës, Maksim Beço. Në foto lehtësisht dalloheshin Balla dhe në krah të tij trafikanti i dënuar me vendim gjykate në vitin 2015.
Pas publikimit të fotos në facebookun e Berishës erdhi menjëherë reagimi i Ballës, i cili e mohoi që foto të ishte e vërtetë dhe deklaroi se kemi të bëjmë me një montim të zyrat e kinostudios së Shqu-pit, duke nënkuptuar kështu PD-në.
Ajo që bie në sy në gjuhën e Ballës është se kemi të njëjtën terminologji drejtuar PD sikurse edhe padroni i tij në Kryeministri, Rama, i cili po ashtu sikurse Balla tha se të gjitha skandalet e fundit që lidhen me burgosjen e vëllait të ministrit të brendshëm, përdhunimin e vajzës në Fushë-Krujë nga djali i deputetit të tij si dhe rasti i fundit i akuzave ndaj Ballës janë fabrikime të bëra në zyrat e Kinostudios së Shqu-pit.
Replikat mes Berishës dhe Ballës vazhduan gjatë ditës së djeshme me një kundërpërgjigje të Berishës, i cili postoi sërish foton duke deklaruar se kemi të bëjmë me një foto origjinale dhe të vërtetë dhe ku nuk kishte asnjë montim.
Replika e dytë e Berishës nuk solli ndonjë reagim nga Balla. Berisha, i cili kishte armën e dytë dhe të fortë shkatërruese për Ballën në duart e tij e vijoi replikën në mëngjesin e së hënës kur i dha ultimatum Ballës që ose të kërkonte ndjesë publike për ato që kishte deklaruar ose pas orës 14.00 do të botonte “dokumentat përvëluese”.

Balla sërish heshti dhe nuk reagoi duke dhënë shenjat e para se tashmë ai i frikësohej të vërtetës që kishte Berisha në duart e tij. Fiks në orën 14.00 Berisha poston në faqen e tij në facebook, jo më foton e Taulant Ballës me trafikantin e dënuar Maksim Beço, por videon që tregonte Ballën dhe Beçon në një takim ku bisedonin së bashku. Prej atij moment, gorja i Ramës, Taulant Balla nuk është bërë më i gjallë dhe ka heshtur.
Ai ka humbur një bast të madh përpara publikut me Berishën se kush është i vërteti. Shqiptarët kanë mundur të njohin fytyrën e mashtrimit që nuk është vetëm Balla se ai shërben vetëm si gore e shefit të tij, por fytyrën mashtruese të kësaj kupole në qeveri.
Tani shqiptarët e kanë të qartë se kush janë të vërteta dhe kush janë të rrema në deklaratat publike mbi skandalet e fundit. Shqiptarët e kanë të qartë se kush thotë sot të vërtetën.
E thotë Nënkomisari i policisë Nuhu, i cili deklaroi zyrtarisht se Balla ishte në komisariat kur ai u kërcënua me pistoletë në kokë, apo e thotë gorja Balla që pretendon se ishte për peshkim?
E thotë Babalja të vërtetën për përgjimin e Agron Xhafës, apo goret Rama-Balla që s’po lënë laborator në botë pa kërkuar që të ti nxjerrë nga bataku ku janë zhytur.
Rasti i fundit i fotos së Ballës me trafikantin e kokainës është diskretimi më i mirë public që i bëhet propagandës mashtruese të qeverisë dhe një njollë turpi mbi kreun e qeverisë dhe Kryetarin e tij të grupit parlamentar.
Nëse Balla do të ishte një deputet i zakonshëm, atëhere skandali nuk do të kishte këto përmasa, por fakti se ai drejton një grup parlamentar dhe përsërit si papagall atë që I kërkon shefi, atëhere kemi të bëjmë me një mashtrim në grup të këtyre fundërrinave që sot kanë pushtetin dhe kanë kapur mediat, por jo rrjetet sociale.

Gazeta Handelsblatt : Rama s’i përgjigjet gazetarëve që s’kontrollon, televizionet në duart e oligarkëve

Situata e medieve në vendet kandidate për në BE në Ballkan është një rrezik për demokracinë. Tregjet e reklamës janë të vogla, mediet e pavarura të rralla, shkruan gazeta Handelsblatt.
Për të paraqitur përmbledhtas situatën e medias në Ballkan „Handelsblatt” i referohet Shqipërisë. „’Çfarë doni?’, pyet vrullshëm kryeministri Edi Rama gazetarët e huaj në bibliotekën e rezidencës qeveritare në kryeqytetin Tirana. Socialisti 54 vjeçar, një burrë shtatmadh, është me humor të zymtë këtë pasdite. Socialisti, vendi i të cilit do të hyjë mundësisht sa më shpejt në BE, gjithsesi nuk e ka përzemër t’u përgjigjet pyetjeve të gazetarëve, aq më keq nëse ai nuk i kontrollon vet ato.
Megjithatë Rama e di mirë, se nuk u shmanget dot medieve të huaja, kur i duhet të bëjë reklamë për antarësimin në BE. Atij i duhet një imazh i mirë në Europë. Ndaj artisti që qeveris qysh nga viti 2013 pranon dialogun e vështirë me gazetarët ndërkombëtarë. (…)
Gazetarët shqiptarë vetëm mund të ëndërrojnë për një takim të hapur shtypi të këtij lloji. „Më mirë syri, se nami” thotë një fjalë e urtë në Shqipëri. Po kështu është edhe qendrimi i të pushtetshmëve me median vendase. Synohet vetëm inskenimi i personit dhe i verpave të tij heroike. Kritika, edhe kur ajo është e argumentuar dhe dëshmuar, jo vetëm në Shqipëri, por edhe në vendet e tjera të rajonit, perceptohet shpesh si ofendim personal ose si sulm. Ndaj kryeministri shqiptar i shmanget dialogut të vazhdueshëm me mediat vendase. Ai preferon rrjetet sociale, në radhë të parë Facebook-un, ankohet një gazetar në Tiranë. Gazetarët vendas kanë akses vetëm në konferenca ndërkombëtare shtypi.( … )

Mediet ndodhet nën darë, prej nga ato nuk mund të çlirohen vet. Televizioni në vendin me 2,8 milione banorë ndodhet në duart e oligarkëve. Kjo ka pasoja. „Ne si gazetarë investigativë kërcënohemi anëmbanën ë rajon”, thotë një reporter kritik ndaj qeverisë. Ofendimet dhe mashtrimet janë në rend të ditës, shton një gazetar tjetër.
Shipëria është vetëm një shembull. Edhe vendet e tjera kandidate të BE-së në Ballkan gjendja e medias nuk është më mirë, madje ndokund ehd emë keq se në Shqipëri. „Ne kemi një pozicion më të mrië se në Mal të Zi”, thonë një gazetar shqiptar me ironi. Por me këtë ai ka të drejtë.
Në pranverë në kryeqytetin e Malit të Zi në Podgoricë u qëllua nga persona të panjohur gazetarja kritike ndaj qeverisë Olivera Lakic. Gazetarja e së pavarusës „Vijesti” është e specializuar në raportimin për korrupsionin dhe kriminalitetin e organizuar.(…)
„Gazetaria më e mirë është ajo nga bota e jashtme”, pranon hapur një gazetar shqiptar. Euroneës së shpejti do të hapë një zyrë korrespondentësh vendas në Tiranë. „Ne duam të sjellim në treg një vështrim të kthjellët me standarde të reja”, thotë një korrespondente e përzgjedhur nga Euroneës në Shqipëri.
Fillimi i Euroneës është modest, por një kontribut i rëndësishëm për një liri më të madhe të medias, që është e domosdoshme për një demokraci funksionuese në skajin juglindor të Europës”, shkruan „Handelsblatt në artikullin (08.10) me titull “Mediet në Ballkan nën darë”.

Fitorja e Trump me Kavanaugh ndez republikanët në prag të zgjedhjeve, senatori demokrat: Po dështojmë

Supreme Court nominee Judge Brett Kavanaugh stands next to U.S. President Donald Trump in the East Room of the White House in Washington, U.S., July 9, 2018. REUTERS/Jim Bourg - RC1A6E42BBA0

Ndërsa Presidenti Donald Trump siguroi një fitore të rëndësishme, emërimin e zotit Brett Kavanaugh në Gjykatën e Lartë, Uashingtoni po bëhet gati të përballet me pasojat politike të procesit të konfirmimit, vetëm një muaj përpara zgjedhjeve të Kongresit në nëntor. Siç njofton korrespondenti i Zërit të Amerikës, Michael Boëman, mobilizimi i votuesve liberalë që kundërshtuan kandidaturën e zotit Kavanaugh, mund të pasohet nga një rigjallërim i konservatorëve që u bashkuan në mbrojtje të tij.
Një proces konfirmimi që filloi me kaos dhe mosmarrëveshje dhe që shkaktoi javë protestash…përfundoi me betimin e zotit Kavanaugh si anëtari më i ri i Gjykatës së Lartë amerikane. Senatorë nga të dyja palët shprehën zemërim dhe indinjatë për spektaklin që përjetuan.
“Filloi me shumë shpejtësi si një garë shkatërrimi”, tha Senatori republikan Chuck Grassley.
“Na doli një sprovë dhe po dështojmë”, tha Senatori demokrat Cory Booker.
Presidenti Donald Trump përshëndeti rezultatin dhe parashikoi avantazh të republikanëve në zgjedhjet e nëntorit.
“E vetmja arsye që të votonit për demokratët do të ishte nëse jeni lodhur së fituari, apo jo? Ne duam të fitojmë, të fitojmë, të fitojmë”, u tha mbështetësve Presidenti Trump.

Demokratët patën një mesazh të qartë për ata që u ngritën kundër Gjykatësit Kavanaugh.
“Për miliona amerikanë që u revoltuan nga ajo që ndodhi, ka vetëm një përgjigje – votoni. Nëse besoni se Gjykata e Lartë duhet të mbrojë të drejtat e grave – votoni”, tha Senatori Chuck Schumer, udhëheqës i demokratëve.
Protestat e ashpra ndaj zotit Kavanaugh në Uashington dhe qytete të tjera tregojnë se votuesit demokratë janë të mobilizuar. Por, anketimet tregojnë se edhe republikanët janë mobilizuar ndërsa zoti Kavanaugh luftoi kundër akuzave për sulm seksual.
“Baza jonë është ndezur. Zbuluam më në fund të vetmen gjë që do ta ndizte bazën republikane. Pala tjetër e realizoi”, tha Senatori Mitch McConnell, udhëheqës i republikanëve.
Procesi i konfirmimit shkaktoi një dialog kombëtar për shkeljet seksuale që disa mendojnë se do të zgjasë përtej zgjedhjeve të mesmandatit.
“Populli amerikan mësoi diçka dhe po ngre zërin, pasi kohërat po ndryshojnë”, tha Senatorja demokrate Amy Klobuchar.
Të tjerë theksojnë se institucionet amerikane do t’i mbijetojnë stuhisë.
“Senati dhe vendi do ta tejkalojë këtë situatë, siç bëjmë gjithnjë”, tha Senatori republikan Mitch McConnell.
Zoti Kavanaugh pritet të konsolidojë maxhorancën konservatore në Gjykatën e Lartë, një institucion që duhet të qëndrojë mbi ndasitë politike.

“VOA”

Përplasje me armë në Cërrik, plagosen dy të rinj

Dy persona kanë mbetur të plagosur pasditen e sotme në Cërrik. Ngjarja ndodhi rreth orës 18:00 në vendin e quajtur “Kryqëzimi i Yllit”. Burime zyrtare nga policia bënë me dije se është plagosur me armë zjarri në këmbë shtetasi me inicialet G.K., 20 vjeç, banues në fshatin Malasen Cerrik, si dhe shtetasi J.R., 22 vjeç, banues në lagjen Nr.Cerrik.
Ky i fundit ka marrë plagë të lehta në dorë, ndërsa të dy ndodhen në spitalin kirurgjik Elbasan, jashtë rrezikut për jetën. Nga veprimet e shpejta të Policisë dhe grupit hetimor dyshohet se shtetasi B.H sëbashku me shtetasin I.F, po udhëtonin me një automjet tip Golf që drejtohej nga shtetasi A. Zh.
Shtetasi B.H, ka parë shtetasin G.K me të cilin kishte një konflikt të mëparshëm për motive të dobëta ka zbritur nga automjeti dhe është konfliktuar fizikisht me të. Në konflikt është përfshirë edhe shtetasi J.R, shoku i shtetasit G.K, si dhe dy shokët e shtetasit B.H, shtetasit A.Zh dhe I.F.
Në konflikt e spiër dyshohet se shtetasi B.H , ka qëlluar me armë zjarri pistoletë në drejtim të shtetasit G.K, i cili është plagosur në këmbë, si dhe është plagosur në dorë shoku i tij shtetasi J.R.
Policia ka kapur dhe shoqëruar në Komisariat drejtuesin e mjetit Angjelo Zhelegu, i cili ka larguar nga vendngjarja autorin e dyshuar dhe shokun e tij. Forca të shumta të Policisë të DVP Elbasan, janë vënë në ndjekje të autorit dhe bashkëpuntorit tjetër ku vijon ndjekja për kapjen e tyre. Grupi hetimor po vijon punën për zbardhjen dhe dokumentimin e plotë të kësaj ngjarjeje.

Thaçi paralajmëron shkarkim të Haradinajt, kryeministri i thotë se “ka vdekur…”

Presidenti i Kosovës, Hashim Thaçi, tha të hënën se kryeministri i Kosovës duhet të jetë “më racional dhe më i përgjegjshëm në deklaratat për qëndrimet e tij lidhur me dialogun” për normalizimin e marrëdhënieve me Serbinë.
Ai u shfaq i rreptë në kritikat ndaj kryeministrit Ramush Haradinaj, i cili më herët gjatë ditës tha se “u shpreh ngushëllimet e mia për këtë idenë e kufijve e të ndërrimit të territoreve, sepse mendoj që ka vdekur”.
Presidenti Thaçi, tha se dialogu nuk ka vdekur por është në një fazë të rëndësishme.
“Është deklaratë interesante edhe nga ana e kryeministrit. Kjo tregon se ose është në humor të mirë ose ndjehet tepër komod në karrigen e vet. Por të them të drejtën unë kam pritur nga kryeministri që të jetë më racional dhe i përgjegjshëm në deklaratat për qëndrimet e tij lidhur me dialogun. Një kryeministër serioz nuk flet çdo ditë për luftëra dhe tragjedi, por zhvillon përparësitë dhe angazhimet për reforma. Sido që të jetë kanë dështuar që të bëjnë një gjë të tillë sidomos në javët dhe muajt e fundit”.
Më herët kryeministri Haradinaj kishte deklaruar se prekja e kufijve është “kthim në tragjeditë e së kaluarës”.
Ai i cilësoi deklaratat e kryeministrit si populiste, elektorale dhe pa përmbajtje.
“Jam i sigurt se kryeministri mund dhe ka nevojë t’i korrigjojë deklaratat dhe qëndrimet e tij lidhur me procesin e dialogut. Pa dialog nuk ka të ardhme euro-atlantike për Kosovën, as për NATO, as BE, dhe as njohje nga Serbia, sepse, tek e fundit, të gjithë e dimë se pozitat tona nuk janë të përhershme. Kryeministrat dhe presidentët mund të ndërrohen, shkojnë e vijnë të tjerë, siç janë ndërruar edhe më herët. Sidomos mund të ndërrohen shpejt ata në rast se nuk korrigjohen”, tha presidenti Thaçi.
Ka kohë që të dy udhëheqësit e institucioneve këmbejnë kritika për shkak të mospajtimeve rreth ideve për rrugët e normalizimi të marrëdhënieve me Serbinë, posaçërisht pasi që gjatë verës presidenti i Kosovës, Hashim Thaçi, dhe ai i Serbisë, Aleksandër Vuçiç, kërkuan mbështetje ndërkombëtare për një marrëveshje që mund të përfshinte edhe ndryshimin e kufijve.

Presidenti serb ditë më parë e shpalli të humbur politikën e tij të vënies së kufirit ndërmjet serbëve dhe shqiptarëve, që nënkuptonte ndarjen e Kosovës.
Presidenti Thaçi, po vazhdon të përsërisë idenë e tij për “korrigjimin e kufirit”, që nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën.
Ideja e tij nuk është përkrahur në Kosovë, ku edhe është protestuar kundër saj.
Javën e kaluar udhëheqësit e partive politike të koalicionit qeverisës në Kosovë, hartuan një projekt-rezolutë për siç thuhet, përmbylljen e bisedimeve në mes të Kosovës e Serbisë për normalizimin e marrëdhënieve ndërmjet tyre.
Teksti i projekt-rezolutës gjashtë pikëshe parasheh që, siç thuhet “dialogu të përmbyllet me një marrëveshje ligjore ndërkombëtarisht detyruese, përmes të cilit do të ndodhte njohja reciproke. Kosova është shtet i pavarur, sovran dhe i pandashëm dhe se kufijtë e saj janë të pacenueshëm dhe të panegociueshëm”.
Idetë për prekjen e kufijve reagime edhe në skenën ndërkombëtare. Një pjesë e vendeve të Bashkimit Evropian, posaçërisht Gjermania dhe Britania e kundërshtojnë ndryshimin e kufijve nga droja për pasojat në pjesën tjetër të rajonit të Ballkanit.
Zyrtarët amerikanë kanë ritheksuar disa herë se “Shtetet e Bashkuara duan t’u japin hapësirë të dyja palëve që të gjejnë një zgjidhje “krijuese”, që do të jetë e qëndrueshme dhe e zbatueshme, por në fund do të thonë fjalën e tyre.
Serbia kundërshton pavarësinë e Kosovës që u shpall në shkurt të vitit 2008 me mbështetjen e Shteteve të Bashkuara dhe vendeve kryesore të Bashkimit Evropian, nëntë vjet pas ndërhyrjes së forcave të NATO-s për t’u dhënë fund mizorive të forcave serbe.
Por, të dyja vendet janë përfshirë në një proces bisedimesh për normalizimin e marrëdhënieve me Kosovën që është kushti kryesor për integrimin e të dyja vendeve në Bashkimin Evropian.

1...5 3545 3555 356...8 382Faqja 5 355 nga 8 382

Kryesore

Continue to the category
Më shumë
© 2024 Rilindja Demokratike Euroatlantike