“Xhisiela është marrë peng nga qeveria”, kështu e cilëson Enton Abilekaj, situatën në të cilën ndodhet seot vajza, e cila është dhunuar nga ana e djalit të deputetit të partisë socialiste Rrahman Rraja.
Në studion e lajmeve të Fax News, gazetari u shpreh se është paradoksale që kryeministri i vendit shkruan se vajza është marrë peng, sa kohë që policia, prokuroria dhe të gjitha instatncat shtetërore janë në dorën e tij.
Abilekaj theksoi qëndriminse Xhisiela është e detyruar që të bëjë këto deklarat publike për shkak se ajo ka frikë për sigurinë e jetës së familjarëve të saj.
“Xhisiela është marrë peng thoshte Rama, duke marrë parasysh që të gjitha policitë i kotrollon Edi Rama, qoftë policinë e shtetit qoftë ata bashkiake, edhe prokurorinë e ka Edi Rama nuk kuptohet se kush e mban peng Xhisielën. Vajza është e pambrojtur nga Korriku deri në 26 shtator kur u bë publike, ajo ka qenë gjithë kohës e kontrolluar dhe e dhunuar nga ish-i dashuri i saj.
Që prej asaj date Xhisiela nuk është më një person i kërcënuar po është një person i marrë peng direkt nga qeveria, përmes policisë, prokurorisë dhe avokatit të shtetit që i është caktuar. Avokati që i ka caktuar shteti është djali i avokatit që mbron dhunuesit e vajzës.
Personat që e kanë dhunuar e shoqërojnë sot me makinë, ajo lëviz me makinën e fisit Rraja edhe në emisionet ku ka shkuar, tekstet e saj shkruhen nga zyra e PR-it të grupit të Partisë Socialiste. Opozita mundohet që të përdorë çështjen politikisht dhe nuk gjen asnjë zgjidhje institucionale për ta shpëtuar këtë peng”, u shpreh Abilekaj.
Deklarata e fortë: Xhisiela është peng i qeverisë, e çojnë në studiot e televizive me makinat e fisit Rraja
Kush është kreu i PS në Tatime që u arrestua për korrupsion, i dënuar me 7 vjet në Greqi për trafik droge
Kryetari i PS në njësinë nr.3 në Tiranë, Artan Kroi është arrestuar për korrupsion. Ditën e sotme policia e Durrësit ka arrestuar në flagrancë dy punonjës të inspektoriatit tatimor dhe ka shpallur në kërkim një tjetër, pasi duke shpërdoruar detyrën kërkonin dhe ju merrnin ryshfet bizneseve gjatë inspektimit të tyre, shuma në vlera monetare që shkonin deri në 200 000 lek për çdo rast.
Një ndër to ishte dhe Artan Kroi, kryetar i PS-së në njësinë nr 3 në Tiranë. Lajmin më parë e bëri të ditur mbrëmjen e kaluar me anë të një postimi në rrjetet sociale deputeti i PD-së Myslym Murrizi, i cili shkruante se ngjarja po fshihet me urdhër politik.
Më tej Murrizi shkruante se Artan Kroi nuk duhet të ishte fare në administrate,sepse ai rezulton i dënuar me 7 vjet burg për trafik nderkombëtare drogë në Greqi në vitin 2004 më emrin Marjels Kroj.
Postimi i plotë
Kryetari i PS ne njesine nr 3 ne Tirane Artan Kroi, drejtues ne Drejtorine e Pergjithesheme te Tatimeve ,mik i deputetes Klotilda Bushka eshte arrestuar per korrupsion dhe gjobvenie ndaj bizneseve, por ngjarja po fshihet me urdher politik.
Nga Ministria e Brendshme konfirmohet se Fatmir Xhafaj ka urdhëruar fshehjen e ngjarjes dhe manipulimin e provave.
Artan Kroi nuk duhet të ishte fare në administratësepse ai rezulton i dënuar me 7 vjet burg për trafik ndërkombëtar droge në Greqi në vitin 2004 me emrin Marjels Kroj.
Duke ndërruar emrin, banditi gjobvënës i Rilindjes është shmangur ligjit të dekriminalizimit.
Fatmir Xhafaj e ka të kotë sepse nuk e shpëton dot trafikantin e drogës së PS në Tatime.
Artan Kroi duhet te denohet edhe për mosdeklarim dhe fallsifikim te formularit të dekriminalizimit.
Operacioni
Policia e Durrësit ka arrestuar në flagrancë ditën e sotme dy punonjës të inspektoriatit tatimor dhe ka shpallur në kërkim një tjetër, pasi duke shpërdoruar detyrën kërkonin dhe ju merrnin ryshfet bizneseve gjatë inspektimit të tyre, shuma në vlera monetare që shkonin deri në 200 000 lek për çdo rast. Policia e Durrësit ka arrestuar në flagrancë shtetasit: Gentian Elezi, 29 vjeç, banues në Tiranë si dhe Artan Kroj 37 vjeç,banues në Tiranë.
Gjithashtu është shpallur në kërkim dhe po punohet për kapjen e shtetasit P.H. 43 vjeç.
Në ngarkim të tre shtetasve të mësipërm, me detyrë Inspektor të Hetimit Tatimor në Drejtorinë Rajonale të Tatim Taksave Tiranë Gjykata e Shkallës së Parë Durrës kishte vendosur masën e sigurisë “Arrest me burg” per nenet 259, 244, 248 e 25 të Kodit Penal.
Vijon puna për kapjen e shtetasit të shpallur në kërkim.
Materialet i kaluan Prokurorisë për veprime të mëtejshme.
Arrestimi i tyre u krye nga strukturat e Hetimit të Krimit Ekonomik e Financiar në DVP Durrës, në bashkëpunim me Prokurorinë e Rrethit Gjyqësor Durrës, pas një hetimi proaktiv 3 mujor për veprat penale ”Korrupsion pasiv personave që ushtrojnë funksione puplike”, “Korrupsion aktiv i personave që ushtojnë funksione publike” dhe “Shpërdorim të detyrës”.
Denoncoi Ramën dhe ministrant, kërcënohet me jetë koleksionisti Gjergji Thimo!
Koleksionisti i njohur, Gjergji Thimo është kërcënuar me jetë në qytetin e Korçës. Në një intervistë për gazetaren e Fax News Ledjona Xheladinaj, Thimo është shprehur se personat që e kanë kërcënuar janë dy dhe njihen si problematikë në qytetin e Korçës. Sipas tij, kërcënimi ka ardhur pasi ai ka denoncuar kryeministrin Edi Rama dhe ministrat e tij.
“Jam kërcënuar me jetë nga dy persona që janë problematik në Korçë. Kanë ardhur në galerinë time dhe më kanë kërcënuar. Shkak për këtë është denoncimi im për Ramën dhe ministrat e tij banditë. Kam denoncuar në polici por askush nuk ka ardhur të më pyes.
Jeta ime është në rrezik sepse kam nxjerrë fakte me prova zyrtare për vjedhjen e veprave të artit nga kryeministri Rama. Më futën në burg padrejtësisht. Ndërsa tani kërkojnë të më vrasin. Do vijoj të qëndroj i ngujuar në galerinë time. Ketu ndihem i sigurt pasi kam kamerat e sigurisë. Kërkoj mbrojtje nga ambasada amerikane”, është shprehur Thimo.
Shefi i policisë akuza të forta: “Hetoni ata që kanë vila e biznese”!
Shefi i stacionit të Policisë së Patosit, Flamur Veliu ka hedhur akuza të forta ndaj qeverisë pas lirimit nga burgu, pas arrestimit për drejtim të mjetit në gjendje të dehur.
Ai u arrestua të djelën, pasi sipas SHÇBA-së, duke drejtuar mjetin në gjendje të dehur ka përplasur disa makina që kanë qenë të parkuara.
Ndërkohë menjëherë pas lirimit, Veliu shprehet se gjithçka ka qenë e montuar dhe se ai nuk ka qenë nën efektin e alkoolit kur ka ndodhur fërkimi i mjeteve.
Reagimi pas lirimit
Kërkoj të vendoset drejtësia. Nuk jam përfshirë në aksident, makina që drejtoja thjesht u ferkua me një automjet tjetër. Nuk kam qenë i dehur.
Testi alkolit është bërë disa orë pas ngjarjes.
Jam lënë i lire pas fërkimit të mjeteve më pas jam shoqëruar në komisariat ku më është bërë testi i alkolit, në shkelje ligjore.
Dua të vendos dinjitetin në vend dhe ja lë në dorë drejtësisë.
Sugjeroj ShÇBA të mos merret me gjëra të vogla por të hetoj korrupsionin te njerëzit që vjedhin e kanë vënë pasuri.
Une kam qenë shef komisariati dhe jetoj në një shtepi 70 m2. Ata që kanë qenë në vendin tim sot janë bërë milionera. Kanë vila. Kanë biznese.
Analizat e naftës për makinat, në njërën mostër doli vajgur në dy të tjera, nivel zero
Në emisionin “Opinion” gjatë mbrëmjes së sotme është diskutuar për cilësinë e karburanteve në vendin tonë.
Gazetarja Fatjona Mejdini ka thënë se nga një investigim i kryer, ka rezultuar se nafta në Shqipëri nuk është cilësore.
Mejdini ka treguar se nga pesë mostrat e naftës, të marra në disa pika të ndryshme në Shqipëri, dy prej tyre ka dalë në nivelin zero, për përdorim.
“Për njërën, norma tregonte se ishte vajguri. Shumica e shqiptarëve, që jetojnë afër pikave kufitare, shkojnë e furnizohen me naftë në Malin e Zi, Maqedoni dhe Greqi, po kjo është pak më e vështirë”.
Gazetarja Fatjona Mejdini, të martën, tregoi gjithë procesin dhe rrugën që kanë ndjekur gazetarët për të zbuluar cilësinë e naftës në vendin tonë.
Mejdini u shpreh në studion e emisionit ‘Opinion’ se kompanitë më të rëndësishme të shpërndarjes së naftës në vend rezulton se tregtojnë në pjesën dërrmuese gazoil të përzier me solar apo vajguri, në një kohë kur rafinimi i produktit nuk bëhet i plotë.
Një investigim, i shtrirë në disa muaj, provon qartësisht se nafta, e cila shitet në pikat e karburantit përreth Shqipërisë është në pjesën dërrmuese të saj jashtë standardeve normale të cilësisë.
Ajo tregoi se mostrat e naftës u morën në pikat e shpërndarjes së kompanive Eko Al, Alpet, Gega Oil, Gulf dhe Kastrati.
Në Malin e Zi, Maqedoni dhe Greqi mostrat u morën në pika kufitare, nën emrin e shpërndarësve të rëndësishëm të naftës në këto vende, përkatësisht në Kalamper Oil, MakPetrol dhe Elin Oil.
Mostrat u ekzaminuan në një laborator të Greqisë, për t`u analizuar më pas nga një inxhinier me eksperiencë në fushën e hidrokarbureve, i cili përdori për to shkallën e vlerësimit nga 0 deri në 5 (yje), ku zero ishte cilësia më e ulët e gjetur dhe pesë ajo më e larta.
Sipas saj, ekspertit iu dhanë elementët për t`u interpretuar, pa përcaktuar se cilës kompani i përkisnin apo nga cili vend mostrat vinin.
Më tej, Mejdini tregoi se për analizimin e të dhënave të përfituara nga analizat e kryera nga laboratori grek; ishin shumë të vështira për t’u shpjeguar, pasi specialistët shqiptarë nuk preferonin për t’i parë të dhënat.
Ajo tha se sa u thuhej atyre se kemi ca analiza, ata u thonin gazetarëve: ju lutem mos na fusni në telashe.
Qytetarët në revoltë për ilaçet, kardiologu shpërthen kundër Ramës
Një qytetare u ankua në emisionin “Stop”, pasi ka të atin të sëmurë nga zemra dhe duhet të bëjë ndërhyrje urgjente për valvul dhe bypass. Por prej kohësh e sorollatin dhe i ati luan çdo ditë me jetën.
“Nuk po gjej zgjidhje në asnjë rrugë tjetër. Kam babin që vuan nga zemra. Pasi ka bërë një koronare në spitalin ‘Nënë Tereza’, i kanë kthyer përgjigje që është e nevojshme urgjente që të kryejë një ndërhyrje kirurgjikale. Duke qenë që muaji Gusht është një muaj që sipas spitalit, nuk bëjnë operacione, na e lanë për në Shtator. Ndërkohë meqenëse ishte urgjente dhe neve muaji Gusht na u duk i gjatë u drejtuam në një spital privat, ku morëm një çmim që ishte shumë i lartë. Shkonte te 10000 Euro dhe ishte i papërballueshëm për ne. Në këtë pikë ishim të detyruar të prisnim spitalin shtetëror. Erdhëm këtu dhe morëm përgjigje që nuk mund të futet në operacion se nuk ka bazë materiale”, u shpreh denoncuesja.
Ajo shtoi se janë ende në pritje për kryerjen e operacionit të pacientit, i cili sipas mjekëve duhet të kryhej në mënyrë urgjente, pasi rrezikon jetën.
Në një përballje me kardiologun, ky i fundit shpërtheu duke fajësuar kryeministrin Edi Rama.
Mjeku: Po presim të na sjellin materialet. Nuk do mërzitesh, do vish prapë. Hajde nga mesi i javës, nga e mërkura nga e enjtja. Të shohim se ça mund të bëjmë.
Qytetarja: Po u bë një muaj, data 3 shtator, po vjen tetori ..
Mjeku: Më fal, të të bëj një pyetje?
Qytetarja: Është jetë njeriu se të jemi për gjëra të tjera presim…
Mjeku: Mirë, më fal, pse më drejtohesh në atë mënyrë? Çfarë faji të kam unë? Mund të ma shpjegosh pastaj, që të të shpjegoj pak se ti më thua… Shko thuaja Edi Ramës, që tall bythën me njerëzit nga mëngjesi deri në darkë… Ne nga katër operacione që duhet të bëjmë, bëjmë 2 operacione për mungesë materialesh dhe kemi bërë vetëm pacientë, të cilët janë në gjendje të rëndë dhe nuk dalin nga spitali. Unë nuk mund të përgjigjem për hajdutërinë dhe për pisllikun e tjetrit, që ne punojmë me materiale të skaduara, skadente komplet dhe punojmë në një ambient jashtë çdo lloj standardi. Këtë gjë nuk ta zgjidh dot!
Qytetarja: Po mirë, akoma nuk është bërë ky furnizimi me materiale? Akoma kjo puna e tenderit?
Mjeku: Vazhdon një herë për një herë.
Qytetarja: Akoma s’ka furnizime? Është bllokuar?
Mjeku: Po!
Moderatori i emisionit “Stop” u shpreh: “Ky është një tmerr i madh! Ne duhet të lëvizim vendit. Me këto ilaçe të skaduara na ka vdekur nervi, por ky është momenti që duhet të çohemi në këmbë përtej partive. Jemi në momentin që po tallen me shëndetin tonë. Po na trajtojnë si kavje!”.
Jepini ilaçet psikopatit se ka ikur fare: Kush flet kundër meje do paditet
Nga dita në ditë Edi Rama, që është edhe kryeministër i Shqipërisë, po çudit me nismat e tij.
Me një postim në Twitter, Rama ka paralajmëruar se kushdo që është kundër tij dhe organizates ‘Rilindja’, do të paditet për shpifje.
Sipas tij, të gjitha ato që thotë opozita dhe mediat që nuk janë të kapura nga ai, shpifin.
Nga ana tjetër Rama më në fund e ka kuptuar se Xhisiela Maloku është marrë peng, por për këtë ai akuzon opozitën.
E sipas tij, kjo ka sjellë që të përgatitet një paketë antishpifje.
Ja çfarë shkruan Rama në Twitter
Më vjen mirë që s’jam më i vetmi që them se vajzën e morën peng dhe e kthyen në mish për topat e kazanit politik e mediatik!
Më mirë vonë se kurrë.
Ndërkohë duhet çmontuar me fakte pjesa tjetër e këtij horrori mendjesh e gojësh të përdala. Dhe shumë shpejt një paketë antishpifje.
Rama me kartelë mjekësore
Kryeministri aktual Edi Rama ka vuajtur nga sëmundje të rënda psikike dhe është kuruar sistematikisht në pavijonin e neurologjisë pranë spitalit pas viteve 1980. Më pas me rekomandim të komisionit mjekësor është dërguar në Paris për një trajtim më profesional dhe një terapi intensive.
Simptomat e para të sëmundjes së Ramës datojnë që në fillimin të viteve ‘80, kohë kur ai nisi të frekuentojë rregullisht spitalet. Sikurse dokumentohet në kartela dhe sikurse pohojnë mjekët, pacienti
Rama ka qenë mjaft agresiv jo vetëm në ambiente shoqërore, por edhe me pjesëtarët e familjes. Kjo e detyronte familjen që të kërkonte ndihmë në spital. Në atë kohë, duke njohur pozitat e larta në parti të Kristaq Ramës, Edit i rezervohej një pritje e veçantë në ambientet e spitalit ku kurohej.
Përdorimi i dhunës ndaj nënës së tij dhe gruas së asaj periudhe kishin detyruar autoritetet për t’ia nënshtruar pacientit Edi Rama edhe një kurë të veçantë mjekësore, e cila më pas u vazhdua në Paris. Diagnoza e ekzaminuar edhe nga personeli mjekësor është konsideruar siç shihet edhe nga kartela klinike e pacientit si “skizofreni e thellë” me simptoma përdorimi dhune të shfaqur tek familjarët dhe të afërmit e tij. Skizofrenia pati shkaktuar depresion agresiv dhe luhatje në kujtesë që shfaqeshin me pagjumësi nga ana e pacientit Edi Rama.
Rama është kuruar sistematikisht në Pavijonin e Neurologjisë pranë Spitalit Nr.5. Faksimilet e akteve të ekspertizës mjekoligjore të rrahjeve dhe keqtrajtimeve nga Edi Rama, kartelën klinike të mjekimit për skizofreni të Edi Ramës, paditë gjyqësore të firmosura nga Edi Rama për mohimin e atësisë së djalit të tij, çështja e sëmundjes, u lakua edhe në kohën e divorcit me aktoren e talentuar, viktimë e qëndrimit çnjerëzor të bashkëshortit të saj të çekuilibruar, që bëri akuza, në gjyqin kalvar që zgjati 9 vjet. Kartela e plotë e sëmundjes së Ramës është botuar fillimisht në gazetën “Tema”.
Kartela e Ramës, Dritëroi: Mos i jepni armë atij se…
Simptomat e sëmundjes të skizofrenisë tek Rama të shfaqura që në fillimin e viteve ‘80 vijonin të paraqisnin të njëjtën problematikë dhe të njëjtën rrezikshmëri edhe në vitet e mëvonshme. Ata që vuanin më së shumti pasojat e saj kanë qenë familjarët e Ramës.
Ashtu sikurse shihet në kartelën klinike të Ramës, mjekët kërkonin që kontrollet ndaj tij të ishin të vazhdueshme. Ata rekomandonin kontroll sistematik dhe i kërkonin atij që të paraqitej çdo tre muaj përpara mjekëve të spitalit ku shtrohej për mjekim dhe kurohej. Këto vizita bëheshin për të parë se sa kishte avacuar sëmundja dhe nëse kishte pasur rezultate ndërhyrja mjekësore, si dhe për të ripërtërirë kurën e mjekimit.
Janë të shumta episodet që sjellin ngjarje vërtet dramatike në sjelljet e Ramës. Në të njëjtën kohë edhe dëshmitarët që i kujtojnë ato ngjarje nuk janë të paktë. Një nga ngjarjet që ka mbetur në kujtesën e shumë njerëzve të asaj kohe për vetë problematikën që përmbante ka qenë ajo e vitit 1985, në Repartin Ushtarak të Burrelit, ku Rama do të duhej të kryente shërbimin e zborit ushtarak.
Zbori ka qenë një nga stërvitjet imagjinare që diktatura bënte me të gjithë shqiptarët. Të gjithë ishin të detyruar që të shkonin në zbor të paktën dy herë në vit. Periudha e zborit ishte nga 7 deri 9-ditore deri në tremujore. Kjo varej nga situata e rrezikshmërisë që paraqitej përpara vendit nga armiqtë tanë të betuar që kërkonin të na pushtonin kurdoherë.
Burra dhe gra dërgoheshin nëpër reparte të ndryshme, ku i nënshtroheshin një stërvitjeje ushtarake për të qenë gjithmonë të gatshëm për të luftuar armikun imagjinar, kryesisht Shtetet e Bashkuara të Amerikës. Të armatosur zboristët i ngjanin një çete qesharake që futej nëpër bunkerë vrojtonte qiellin, futej në bodrumë, bënte qitje dhe gjithfarë veprimesh të tjera që për kohën konsideroheshin si detyrë mbi detyrat.
Më ‘85, Rama dërgohet të kryejë zborin ushtarak në Repartin Ushtarak të Burrelit. Thirrja e tij në zbor shkaktoi një shqetësim të madh tek familjarët e Ramës, të cilët kishin frikë nga veprimet që ai mund të kryente atje, ndërsa ishte nën efektin e kurimit të vazhdueshëm.
Mjaft njerëz të tij të afërt, kanë bërë të pamundurën, duke ndërhyrë tek eprorët e Repartit Ushtarak, ku kryente zborin që Edi Rama të mos pajisej me armë, sepse rrezikonte jetën e të tjerëve. Kristaqi dhe bashkëshortja e tij, Aneta, kanë shkuar pas disa ditësh në Burrel dhe u janë lutur drejtuesve të repartit, që të mos i jepnin armë Edit se mund të vrasë njerëz.
Një anëtar i Lidhjes së Shkrimtarëve të degës Burrel tregon se në shtator, tetor dhe nëntor të vitit 1985, Edi Rama kishte shkuar në garnizonin e Burrelit për të bërë zborin ushtarak tremujor. Njëri nga ata që kanë ndërhyrë ka qenë edhe Dritëro Agolli, i cili në atë kohë ishte kryetar i Lidhjes së Shkrimtarëve të Shqipërisë. Ai kujton se, Dritëroi ka shkuar posaçërisht në Burrel dhe u ka kërkuar drejtuesve të degës së Lidhjes së Shkrimtarëve të Burrelit, që të ndërmjetësonin tek Komandanti i Repartit Ushtarak, që të mos i jepnin armë Edit, pasi paraqiste rrezik për shkak të problemeve mendore.
Ka qenë pikërisht ndërhyrja në atë kohë e Dritëroit, si dhe ndërhyrja e vazhdueshme e prindërve të Ramës që të bënin që atij përgjatë kohës që kryente zborin ushtarak ndryshe nga të tjerët të mos i jepej arma.
Kjo ka qetësuar në atë kohë familjarët, të cilët ishin më të qetë për të birin që të mos bënte ndonjë veprim të papërgjegjshëm. E gjithë frika sikurse dëshmonte anëtari i Lidhjes së Burrelit ishte se mos Rama vriste ndonjë nga zboristët e tjerë, duke qenë se në atë kohë krizat i kishte më të shumta. Kujtojmë se bëhet fjalë vetëm për tre vite pas lëshimit të kartelës nga pavijoni neurologjik i Spitalit Nr. 5.
Skema “Xhafaj-Marku”, për të liruar djalin përdhunues të deputetit Rraja
Mesditën e së dielës, Policia deklaroi me nota gati triumfuese se ishte arrestuar Rexhep Rraja, djali i deputetit socialist, Rrahman Rraja, i cili trazoi jo pak maxhorancën ditët e fundit.
Djali “gangster” i deputetit kishte keqtrajtuar fizikisht ish-të dashurën Xh.M, e kishte djegur me cigare, e kishte kërcënuar me pistoletë rreth dy muaj më parë, por asnjë institucion ligjzbatuese nuk kishte reaguar.
Vetëm kur nënkomisar Emiljano Nuhu denoncoi publikisht mbi kërcënimet që kishte marrë nga familjarët e deputetit për shkak të hetimit të këtij rasti dhe vetëm pas reagimit të fortë qytetar dhe opozitar, Policia dhe Prokuroria vendosën të vepronin. Nën këtë presion, Prokuroria e drejtuar nga Arta Marku vendosi t’i drejtohet gjykatës për caktimin e masës së sigurisë “arrest me burg” ndaj djalit të deputetit socialist të Krujës.
Gjykata, natyrisht, po për shkak të të njëjtit presion publik, vendosi që Rexhep Rraja të arrestohet, vendim që u zbatua menjëherë nga Policia, e cila, në fakt mund ta kishte arrestuar në flagrancë që ditën kur ka bërë kallëzimin e dhunuara.
Arrestimi i Rexhep Rrajës lehtëson Edi Ramën dhe maxhorancën e tij, të cilët janë akuzuar për mbrojtje politike që i kanë dhënë djalit të deputetit të tyre. Gjithashtu, çliron edhe Policinë e Prokurorinë, të gjendura nën akuzë publike se nuk kanë reaguar ndaj këtij rasti flagrant.
Por, si përherë, “djalli fshihet në detaje”, sidomos kur dhunues apo shkelës të ligjit janë familjarë të pushtetarëve socialisë.
Policia, në njoftimin e saj zyrtar për rastin konkret, deklaron se “ka zbatuar vendimin e gjykatës për arrestimin e Rexhep Rraja, i dyshua për veprën penale “Përndjekja”. Për këtë vepër e ka referuar policia e Fatmir Xhafaj në Prokurori dhe për këtë vepër e ka dërguar çështjen edhe Prokuroria e Arta Markut në Gjykatë.
Pra, nuk ka akuzë as për dhunë fizike, përfshirë edhe djegien me cigare e hematoma të shumta. Nuk ka akuzë as për armëmbajtje pa leje, pasi denoncuesja deklaron se dhunuesi i saj e ka kërcënuar me pistoletë si jashtë, ashtu edhe në ambjentet e Postës Policore të Fushë-Krujës.
Natyrisht, për veprën penale të armëmbajtjes, askush nuk mund ta akuzojë sot, pasi nuk mund të provohet që Rexhep Rraja ka pasur në dorë armë para dy muajsh. Për këtë vepër aim und të arrestohej në flagrancë, nëse do të kishte pasur vullnet policor që në momentet e para.
Gjithësesi, duke u rikthyer tek vepra për të cilën akuzohet zyrtarisht Rexhep Rraja, “Përndjekja”, Kodi Penal parashikon një dënim gjashtë muaj deri në 4 vjet burgim. Pra, ekzistojnë të gjitha mundësitë që Rexhep Rraja të marrë dënimin edhe 6-mujor, për shkak të “sjelljeve të mira” dhe pranimit të autorësisë së veprës penale.
Nëse e pranon “përndjekjen” para gjykatës, ai mund të përfitojë edhe uljen me 1/3 e dënimit, pra të qëndrojë përfundimisht pas hekurave 4 muaj.
Por, nëse mbahet parasysh se një ditë në paraburgim konsiderohet 1 ditë e gjysëm burgim, atëherë, me llogari të thjeshtë, Rexhep Rraja mund të jetë pranë familjes shumë kohë para festës së Vitit të Ri.
Këto janë parashikimet e thjeshta, për sa kohë institucionet e drejtuara nga Xhafaj-Marku kanë vendosur ta akuzojnë vetëm për një vepër penale, “Përndjekjen”. Publiku tashmë e ka të qartë për dhunën që ka pësuar shtetasja Xh.M. nga djali i deputetit socialist, Rrahman Rraja. Por ndërkohë, Policia dhe Prokuroria e akuzojnë vetëm për “Përndjekja”, e parashikuar në nenin 121/a të Kodit Penal, i cili parashikon se: “Kërcënimi ose ngacmimi i personit me anën e veprimeve të përsëritura, me qëllimin për t’i shkaktuar një gjendje të vazhdueshme dhe të rëndë ankthi apo frike për sigurinë vetjake, të një të afërmi ose të një personi, me të cilin ka lidhje shpirtërore, apo për ta detyruar të ndryshojë mënyrën e tij të jetesës, dënohet me burgim nga gjashtë muaj gjer në katër vjet”.
Ky nen nuk flet në asnjë moment për ushtrim dhune, për djegie me cigare, për kërcënim me armë. Pra, duket qartë se Xhafaj-Marku i kanë ofruar “amnisti” të plotë djalit të deputetit socialist, Rrahman Rraja.
“Boldnews.al”
500 milionë euro nga eurobondi, Tabaku-Ramës: Po merr para për të shlyer borxhet e luksit
Deputetja e PD, Jorida Tabaku i është përgjigjur kryeministrit Edi Rama, pak pasi ky i fundit shprehu entuziasmin për marrjen e 500 milionë eurove nga eurobondi.
Postimi i Jorida Tabakut 
Rama e quan arritje marrjen e borxhit për të shlyer borxhin!
Pa asnjë investim, pa rrugë, pa shkolla, pa spitale me taksa të rritura 4 miliardë e prapë merr borxh për të shlyer borxhin. Merr borxh për të shlyer borxhet që mori katër vjecarin e parë, parà që i përdori për luks e udhëtime, pisha dhe palma!
Në një kohë kur, në janar 2018 Maqedonia doli në treg me Eurobond me interes 2,75% dhe në prill 2018 Mali i Zi në Prill doli me një interes Eurobondi 3,375%! Shqipëria sot me 3,55%.
Me një borxh të fshehur prej PPP-ve që shkon në 82% me një ekonomi të prangosur nga monopolet e ardhmja e qytetareve është e zymtë te cilët sipas INSTAT mbijetojnë me 600 lekë në ditë!
Ekonomia çlirohet kur ikin monopolet, kur buxheti nuk ndahet si plaçkë, kur i jepet mundësi të gjithëve në treg. Ekonominë e çliron taksa e sheshtë dhe derregullimet për biznesin e vogel, oferta e PD!
Kryesore
Continue to the category
