Pirja e kakaos çdo ditë mund ta rrisë nivelin e HDL kolesterolit (“të mirë”), bëjnë të ditur hulumtuesit japonez të OchanOmizu University nga Tokioja. Ata studiuan 25 burra të shëndetshëm japonez me nivel normal ose mesatarisht të lartë të kolesterolit.
Asnjëri nga ta nuk kishte marrë barna, antioksidues ose vitamina. Ata nuk kishin as mbipeshë, duke gjykuar sipas mesatares së indeksit të masës trupore dhe nuk kishin pirë shumë alkool.
Së pari, hulumtuesit kontrolluan mostrat e gjakut dhe të urinës së pjesëmarrësve në studim dhe i ndanë në dy grupe. Grupi i parë u caktua të pijë sheqer me përmbajtje kakaoje çdo ditë për 12 javë. Grupit tjetër iu dha të pinë pije sheqerore që nuk përmbanin kakao, po ashtu për 12 javë.
Por grupi i parë nuk pinin kakao të rëndomtë. Studiuesit blenë kokrra të kakaos i poqën, i qëruan dhe i copëtuan ato në laborator. Ata po ashtu analizuan edhe pudrën e kakaos për të qenë të sigurt se nuk kishte humbur sasi të madhe të antioksiduesve gjatë përpunimit.
Në fund të eksperimentit 12 javor, pjesëmarrësit bënë disa analiza të mostrave të gjakut dhe të urinës.

HDL dhe LDL kolesteroli
Njerëzit në grupin që morën kakao treguan një rritje 24% të nivelit të HDL kolesterolit. Nivelet e HDL po ashtu u rriten edhe në grupet tjera krahasuese, por në një nivel më të ulët (5% ngritje në HDL).
Hulumtuesit kanë testuar edhe LDL kolesterolin (“e keq”) të tyre. Testet kanë përmbajtur disa lloje të ‘shprishura’ të LDL kolesterolit me disa radikale të lira që mundësojnë procesin e oksidimit. LDL kolesteroli i oksiduar mund të jetë pjesërisht i rrezikshëm, pasi që oksidimi mund të ndihmojë që LDL kolesteroli të grumbullohet në arterie, shpjegojnë hulumtuesit.
Testet laboratorike kanë treguar se LDL kolesteroli i njerëzve që kanë pirë kakao gjatë ditës, për 12 javë rresht, ishte më shumë rezistues ndaj oksidimit, se sa LDL kolesteroli i atyre që nuk kanë pirë kakao.
Sidoqoftë, studimi tregon nivele të njëjta të LDL kolesterolit në të dy grupet, përfshirë edhe LDL e oksiduar (d.m.th. LDL i përgjithshëm), pa varësisht nga konsumimi i kakaos.
Antioksiduesit e kakaos
Kakaoja përmban antioksidues të grupit të polifenolëve, që mund të jenë përgjegjës për rezultatin e studimit, thonë kërkuesit. Por, studimi nuk dëshmon se kakaoja ishte e vetmja arsye për rritjen e HDL kolesterolit të njerëzve.
Hulumtuesit rekomandojnë pije të kakaos çdo ditë për çdokënd. Çaji, vera, pemët dhe perimet po ashtu përmbajnë polifenole dhe mund të ndihmojnë shëndetin e zemrës.
“Për më tepër”, janë shprehur ata, “është e pakundërshtueshme se një balancim ditor i ushqimit është i rëndësishëm për mbështetjen e shëndetit të njeriut”. Me fjalë tjera, mos llogaritni në kakao për të lënë anash ushqimet tjera.

A ju pëlqen kuzhina meksikane? A ju pëlqejnë erëzat dhe shijet e forta? I keni thënë lamtumirë hudhrës dhe qepës dhe pini alkool më shpesh?
Disa ushqime, sidomos ushqimet me erëza dhe aroma të buta jo vetëm ushqejnë trupin tuaj, por mund të ndikojnë rrënjësisht në erën trupore. Dr. Federica Furfaro, gastroenterologu i Humanitas e shpjegoi këtë fenomen.
Erëzat
Erëzat nuk kufizohen në stimulimin e oreksit dhe lehtësimin e proceseve të tretjes. Aroma e këtyre erëzave shkrihet në gjuhë dhe dhëmbë, duke mbetur në lëkurë dhe në frymëmarrje.
Hudhra dhe qepë
E dobishme si bazë për përgatitjen e shumë pjatave tipike të kuzhinës italiane, molekulat e hudhrës dhe qepës mbesin në gjuhë, duke i dhënë të ashtuquajturën frymë të rëndë dhe duke përfaqësuar një faktor pezhorativ për marrëdhëniet ndërpersonale.
Mishi i kuq
Kur konsumojmë mish të kuq, disa proteina pa erë lirohen nga lëkura përmes djersitjes. Këto substanca, duke u përzier me bakteret e lëkurës, mund të japin një erë që jo gjithmonë është e këndshme për trupin e njeriut.
Peshku
Bëhet fjalë për një çështje gjenetike, por ka shumë njerëz që, pas ngrënies së peshkut, konvertojnë një substancë të quajtur kolinë në trimetilamin. Lëshuar nga lëkura dhe nga fryma, kjo substancë lëshon një aromë të njohur që gjithashtu mund të jetë intensive.

Brokoli
Tretja e bronkolit, lakrës dhe lulelakrës liron acidin sulfurik. Kjo substancë lëshohet gradualisht nga trupi i njeriut përmes frymës, djersës dhe gazit të zorrëve.
Shpargu
I njohur për vetitë për të ngjyrosur urinën e gjelbër dhe për të ndryshuar fuqishëm erën, shpargu përmban merkaptanin i cili, nëpërmjet proceseve të asimilimit, bëhet acid sulfurik e ngjyrosjes së urinës së gjelbër dhe fuqishëm ndryshimin e erës, asparagusi përmban merkaptanin i cili, nëpërmjet proceseve të asimilimit, bëhet acid sulfurik.
Alkooli
Kur merret përmes pijeve, alkooli metabolizohet në acid acetik, i cili del nga poret e lëkurës dhe fryma, duke i dhënë frymëmarrjes një aromë intensive dhe të pështirë kur pimë në sasi të mëdha.
Nga se varet aroma e lëkurës?
“Era e lëkurës varet nga një numër faktorësh – shpjegon Dr. Federica Furfaro, gastroenterologe i Humanitas-it, në veçanti ajo zhvillohet nga ndërveprimi midis djersës së prodhuar nga trupi ynë në nivelin e gjëndrave të djersës dhe florës bakteriale që banon lëkura.
Gjëndrat e djersës prodhojnë djersë për të mbajtur temperaturën e trupit. Djersa përbëhet nga uji, jonet, ure, imunoglobulina dhe kolesteroli. Lipidet, në kontakt me bakteret që banojnë në lëkurë, prodhojnë erëra më intensive. Kjo aromë është subjektive, por gjithashtu mund të ndikohet nga ushqimi që hamë, si dhe nga droga apo stresi”.

Hulumtimet e reja kanë zbuluar se të rinjtë ndihen më të vetmuar sesa secila grupmoshë tjetër.
40% e personave të moshës 16-24 vjet thonë se ndihen të vetmuar shpesh ose shumë shpesh, krahasuar me 29% të personave 65-74 vjet dhe 27% të atyre që janë mbi 75 vjet, sipas një anketimi të kryer nga emisioni ‘All In The Mind’ në bashkëpunim me ‘Wellcome Collection’.
Studimi ka analizuar të dhënat e 55,000 personave të moshës mbi 16 vjet, duke i pyetur ata për përvojat personale të vetmisë.
Zbulimet e këtij studimi i hedhin poshtë imazhet tona kur e mendojmë si të vetmuar vetëm një person të vjetër, pasi që rezulton se të rinjtë janë shumë më të vetmuar sesa grupmoshat e vjetra.
Mes periudhës së moshës 16-24 vjet, njerëzit kryesisht kalojnë përmes një kohe të ndryshimit të identitetit dhe mësimit të rregullimit të emocioneve, gjë e cila shpie në ndjenja të izolimit.
Hulumtuesit gjithashtu kanë zbuluar se ata që raportojnë se janë më të vetmuar, kanë tendenca të kenë më shumë miq virtual, siç është platforma Facebook.
Top pesë karakteristikat e të qenit të vetmuar, sipas anketimit, janë:
– S’keni me kë të flisni
– Nuk ndiheni të lidhur me botën
– Ndiheni të lënë anash
– Jeni të pikëlluar
– Nuk ju kupton askush.