Në protestën që po zhvillohet para Kryeministrisë në përkrahje të 25-vjeçares Xhisiela Maloku, e cila është dhunuar nga Rexhep Rraja, i biri i deputetit socialist, Rrahman Rraja.
ishte i pranishëm edhe avokati Adriatik Lapaj, i cili hodhi akuza ndaj klasës politike, ndërsa i quajti ata si horra, ndërsa tha se, duhet të jemi krenar për nënkomisar Nuhun, i cili publikoi rastin.
Aktivisti i shoqërisë civile, Besjan Pesha teksa ka bërë thirrje kundër sistemit politik të inkriminuar dhe futjes në Kuvend të personave të panjohur, që njihen vetëm në raste krimesh, Pesha u shpreh se, kjo është një protestë politike, kundër të gjithë sistemit.
“Si të mos jetë kjo në protestë politke, kur ky sistem politik çon në Kuvend persona që njihen vetëm kur bijtë e tyre përdhunojnë vajzat e fshatrave. Si të mos jetë politke, kur të gjitha partitë çojnë në Kuvend persona të anonimë.
Si të mos jetë politike, kur e dimë që ky përdhunues do të rrijë disa muaj në burg, e më pas do të dalë e askush nuk do e kujtojë më këtë. Me këtë politikë, nëse nuk do të bëhemi të gjithë bashkë, situata nuk do të ndryshojë, por do të vijë duke u përkeqësuar”, tha Pesha.

Gazetari Basir Çollaku, i cili intervistoi nënkomisarin Emiljano Nuhun, i cili denoncoi se Rexhep Rrahja, djali i deputetit socialist Rrahman Rrahja, e kishte kërcënuar atë me armë në zyrën e tij tregon prapaskenat e kërcënimit. Ai shprehet se, e gjithë kjo ka ndodhur për shkak të denoncimit të bërë nga 25-vjeçarja Xhisiela Maloku, e cila akuzonte djalin e deputetit Rrahja për dhunim.
Sipas gazetarit Çollaku, Kryeministri ka të zgjedhur të tij të përfshirë në krim, ndërsa hodhi akuza ndaj qeverisë për përdorim të të dëmtuarës.
“Ajo që po ndodh nën regjinë e kësaj qeverie, që herë e merr të dëmtuarën dhe e çon në një vend e herë në një vend tjetër.
Më datë 20 shkon vajza për denoncim, por të afërmit e deputetit Rrahja, nuk lejojnë vajzën që të dëshmojë. Të nesërmen vjen në komisariatin nr. 3 në Tiranë”, tha Çollaku.
Më tej ai tregoi edhe sesi u kërcënua nënkomisari me armë pasi ky i fundit njoftoi djalin e deputetit të merrte avokatin se do të arrestohej.
“Nënkomisari njofton djalin e deputetit që të marrë avokatin se do të arrestohet pas dëshmisë së vajzës. Pas kësaj më 21 korrik vijnë persona politikë, miq të Rrahjas në komisariat, e më pas ndodh kërcënimi i nënkomisarit Nuhu me armë”, tha Çollaku.
Siças Çollakut, “po më këtë datë, çështja shkon tek nënkomisari tjetër, Gentian Çitozi, ndërsa e kanë bindur të dëmtuarën nëpërmjet dhunës që të tërheqë padinë.
Është krejt e qartë që është ushtruar dhunë, ajo shkon në SHÇBA e kallëzon atë që i ka ndodhur, e cila këshillohet që të mos meret me këto gjëra, se do të dalë e humbur”.

Sipas Çollakut, më 22 korrik çështja i kalon çështja nënkomisar Nuhut. Më 30 thërret sërish të dëmtuarën, për ta marrë në pyetje, por pas kësaj të afërmit e z. Rrahja, e marrin sërish në telefon nënkomisar Nuhun dhe e kërcënojnë.
Duke u ndalur tek mungesa e pamjeve të pranisë së poltikanëve në komisariat dhe kërcënimit të nënkomisar Nuhut, tha se pamje ka nëse do prkuroria që ta zbardhë çështjen.
“Thonë se nuk ka pamje të kërcënimit të nënkomisarit, apo të pranisë së politikanëve në komisariat, por realiteti është se pamje ka, por mund të jenë fshirë. Por edhe nëse janë fshirë mjafton që të ekzistojë dëshira e mirë dhe fare lehtë mund të rikthehen të gjitha materialet e fshira në server”, tha Çollaku.
Çollaku u ndal edhe tek sulmi i ndërmarrë nga Kryeministri e anëtarë të tjerë të qeverisë si dhe medias pranë oborrit të tij, ndërsa tha se kryeministri Rama ka ngritur të gjithë strukturat në këmbë për të sulmuar dhe nxjerrë të paligjshëm nënkomisar Nuhun, e kjo ndodh për një arsye.
“Dijenia lidhur me shumë ngjarje kriminale e banda kriminale, është ajo që e bën kryeministrin të mos lejojë zbardhjen e ngjarjes. Së dyti është vijimi i denoncimit, pjesa e dytë, lidhur me emërimet në polici të kriminelëve. Prandaj i gjithë presioni është që të nxjerrim nënkomisarin të paligjshëm, e për këtë ka ngritur në këmbë të gjithë strukturat e shtetit. Kjo është një përdorje e shëmtuar”, tha ndër të tjera Çollaku.
Çollaku ngriti akuza ndërsa tha se tashmë që ngjarja është marrë në dorë nga “partia” nuk ka më një hetim, por një çhetim të kësaj çështje. Sipas tij, kjo është një sheqerosje nga ana e policisë. Persona përgjegjës në 4 komisariatatet që nuk e kanë pranuar dëshminë, duhet të merren nën hetim.
Duke ngritur pikëpyetje mbi marrjen në mbrojtje të Xhisiela Malokut, Çollaku tha: “Uroj të jetë mbrojtje. Por unë them se e kanë marrë në mbikëqyrje për t’i bërë testet nga partia. Unë uraj të jetë mbrojtje, është jeta e njeriut”, ndrësa shtoi se dosja po shkërmoqet.

Armand MAHO

Ende pa mberritur ne ambjentet e paraburgimit Rexhep Raja, do ishte Taulant Balla (akuzuar per kercenim te punonjesit te policise) dhe Edi Rama qe do nxitonin te reagonin per kete “ sukses” te radhes se policise dhe drejtesise. Pa dashur te ve ne dyshim pasionin e tyre per drejtesine, duket se ne kete histori ka disa gjera qe nuk shkojne.
Rama nje dite me pare e etiketoi Emiljano Nuhun si horr, qe “nuk do i ndahet kemba kembes”. Po ashtu dhe Taulant Balla akuzoi se jane dhene dhjete mije euro per deshmine e Nuhut. Nga ana tjeter enturazhi mediatik u angazhua per ta etiketuar oficerin e policise si “kriminel qe na i paska rene ne qafe engjellit Balla pet te perfituar azil”! Megjithate askush nuk u kujtua te thoshte se ne rast se nuk do ishte deshmia e tij askush nuk do e prekte Xhen Rrajen, dhe vajza do ishte sot e kesaj dite nen presion. Ne rast se nuk do ishte “Babale2” terrori ndaj vajzes do vazhdonte serish dhe sa here te shkonte ne komisariat do dile atyndonje shef, ndonje Bush, ose ndonje Balle per ti thene se “ai qe te rreh te do”, sic mesohet ti kene thene vajzes pas terheqjes se denoncimit ate nate!
E dyta, pershendetja e ketij veprimi duket nje perpjekje e deshtuar per te shmangur vemendjen nga akuza per prezencen e Balles ne stacionin policor me date 21 korrik. Nuk jane te vetmit… madje me shume se nje here kane cituar vajzen qe ka thene se deshmine ne komisariatin e Krujes ja ka marre nje oficer tjeter, duke i meshuar idese se Nuhu ate dite te shtune nuk ka qene i gatshem.
Ne fakt ka disa gjera qe nuk korrespondojne sepse Nuhu ne asnje rast nuk ka thene se deshmine me date 21 ja ka marre ai.

Emiljano Nuhu eshte shprehur se denoncimin vajza e ka bere ne komisariatin numer 3, e cila ja ka kaluar prokurorise se Krujes dhe kjo e fundit per hetime te metejshme ja ka kaluar policise se fushe krujes, te ciles ju percoll ne email! Nuhu me pas ka thirrur Rexhep Rajen ne komisariat i cili nuk ka pranuar te jape asnje deklarim ne lidhje me ngjarjen. Pas komunikimit serish me prokuroren e gatshme kjo e fundit ka dhene urdhrin e pare per ndalim. Ne ate kohe Raja i vogel ka thirrur Rajen e madh i cili eshe paraqitur se bashku me te te vellane Xhelalin, Bushin e Bashkise dhe Ballen e Parlamentit, si dhe me nja dhjete bashibozuke qe kane uzurpuar te armatosur stacionin policor.
Pas kesaj Nuhu pretendon se eshte kercenuar dhe ska mundur te kryeje arrestimin. Pas largimit te tyre ka kontaktuar serish me porkuroren ne fjale dhe shefin e tij direkt. E para i ka treguar prokurorine e pergjithshme per denoncim pasi personat ne fjale jane me imunitet. Ndersa i dyti pra shefi i tij i ka hequr ceshtjen dhe ja ka kaluar G. Citozit. Ky i fundit shprehet ne deponimin e tij se Rahja eshte paraqitur rreth ores 20 se ishte ne afersi te postes se se policise. Ne proces verbal shenon oren 22 te terheqjes se denoncimit nga ana e vajzes, (rreth 2.5 ore pas incidentit ne zyren e Nuhut) cila na qenkerka paraqitur se bashku me Rajen i cili ne mengjes kishte ushtruar dhune! Ora e vone e terheqjes se padise konfirmohet dhe nga avokati dhe psikologia.

Me tej pas denoncimit ne SHKB te vajzes per veprimet e Citozit, dhe daljes se ekspertizes mjeko ligjore me date 25 Citozi shkarkohet dhe ceshtja i kalon serish Emiljano Nuhut. Pra vajza eshe takuar me Emiljano Nuhun me date 27 korrik!
Dhe pika tjeter por jo me pak e rendesishme eshte dhe nje dalje e grave te PS te cilat pershendeten faktin se Raja do gjykohet nga nje femer. Ama nuk permendin faktin tjeter se eshte e njejta prokurore cila ne fillim dha urdhrin per arrestimin e Rajes dhe me pas u terhoq duke e lene te lire prej me shume se dy muajsh. Ne rast se duan qe te zbardhen pretendimet e Nuhut duhet qe se paku te zbardhet komunikimi telefonik mes oficerit e policise dhe prokurores se asaj dite qe si rastesisht eshte e njejta prokurore qe sot dha urdhrin per arrestimin e Rajes. Ne fakt prokurorja duhet te kishte dhene disa sqarime ne lidhje me perfshirjen e saj ne kete ceshtje, ku me kryesorja ishte nese ka komunikuar me Nuhun per kete ceshtje dhe a eshte vene ne dijeni te ngjarjes ku perfshihen dy deputete te parlamentit dhe nje kryebashkiak.
Eshte e qarte se Xhepi i Rahmanit, pas zhurmes qe u be duhej te sakrifikohej qe te fshihej nje tjeter skandal me i madh, ai i perdorimit te pushtetit per te mbrojtur ushtaret e tij. Pavaresisht angazhimit te pjeses tjeter te ushtareve per ta vene theksin vetem dhuna e ushtruar ndaj vajzes, serish kjo nuk do jete dicka qe fashitet vetem me nje arrestim. Le te ulerase sa te doje Rama ne tëitter e le te pellase sa te doje Balla ne Facebook!