28.5 C
Tirana
E enjte, 26 Qershor, 2025
type here...

Ajsbergu më i madh në botë lëviz përsëri, largohet nga Antarktida! Shkencëtarët parashikojnë se…

Ajsbergu më i madh në botë po lëviz përsëri duke u larguar nga Antarktida. A23a ka një sipërfaqe prej 3,800 kilometra katrorë  dhe një trashësi prej 400 metrash.

 

Ai u shkëput nga Antarktida në vitin 1986, edhe pse pak më vonë ngeci në det të hapur.

Thellësia e ajsbergut ishte aq e madhe sa fundi i tij u fut në shtraten e Detit Weddell , ku mbeti i palëvizshëm për më shumë se 30 vjet.

Filloi të lëvizte drejt veriut në vitin 2020, por nga pranvera e vitit 2024 filloi të rrotullohej në vend sepse u bllokua në një kolonë rrotulluese uji pranë Ishujve Orkney.

Kohët e fundit, ajsbergu i madh ka filluar të lëvizë më në veri.

Shkencëtarët po e vëzhgojnë atë për të parë nëse do të lëvizë përgjatë së njëjtës rrugë që kanë ndjekur ajsbergët e tjerë të mëdhenj jashtë Antarktidës.

Besohet se përfundimisht ai do të largohet nga Oqeani Jugor dhe do të hyjë në Oqeanin Atlantik, ku do të ndeshet me ujëra më të ngrohta. Ndoshta do të shpërthejë në ajsbergë më të vegjël dhe përfundimisht do të shkrihet.

Deklaroi se praktikat e OpenAI për mbledhjen e të dhënave shkelnin ligjin, ish-punonjësi i kompanisë së inteligjencës artificiale gjendet i vdekur. Ja çfarë dyshohet

Një studiues që punonte për kompaninë e inteligjencës artificiale, OpenAI, i cili më vonë u bë një kritik i tyre, u gjet i vdekur në një apartament në San Francisko, thanë autoritetet.

 

Sujir Balaji, 26 vjeç, u gjet i vdekur më 26 nëntor pasi policia tha se kishte marrë një telefonatë duke u kërkuar oficerëve të kontrollonin gjendjen e tij.

Zyra e ekspertit mjekësor në San Francisko vendosi që vdekja e tij ishte vetëvrasje dhe se policia nuk gjeti prova për aktivitet kriminal.

Balaji, siç raportohet nga BBC , ishte shprehur publikisht kundër praktikave të OpenAI, e cila po përballet me një sërë padish mbi praktikat e mbledhjes së të dhënave që përdor për modelet e saj të inteligjencës artificiale.

New York Times kishte botuar një intervistë me Balaji tetorin e kaluar, në të cilën ai pretendonte se OpenAI kishte shkelur ligjin amerikan për të drejtën e autorit.

Artikulli thoshte se pasi punoi në kompani për katër vjet si studiues, Balaji kishte arritur në përfundimin se “përdorimi i të dhënave me të drejtë autori nga OpenAI për të ndërtuar ChatGPT, shkelte ligjin”.

Balaji u largua nga kompania në gusht, duke i thënë The New York Times se që atëherë ai kishte punuar në projekte personale. OpenAI shpjegon se modelet e tij janë trajnuar duke përdorur të dhëna të disponueshme publikisht.

“Jam shqiptar, kam folë e do të flas zyrtarisht shqip”/ Haklaj: Kush prek shqipen, përballet me luanët!

Nga Azgan Haklaj

Incidentet e paprecedent’ që po materiazohen deri në eleminimin e përdorimit zyrtar të gjuhës shqipe në Maqedoninë e Veriut nga shumica e Mickovskit jo vetëm po tentojnë të risjellin një konfikt ndëretnik në këtë vend të brishtë por kanë në prapaskenë një regji për përfshirje konfliktuale shumë të gjerë në Gadishullin Ilirik (Ballkan).
Kam qënë i shqetësuar sistematikisht dhe kam ngritur zërin e arsyes për retorikat e rrezikshme gjatë fushatës të krerëve të VMRODPMNE-së kundër shqiptarëve, simboleve të tyre deri në sulm ndaj kolonës së tyre vertebrale identitare siç është gjuha.
Paralelisht po me argumete paralajmëruese kam nënvizuar qëndrimin aspak korrekt dhe kombëtar të “VLEN” i cili po deshmon se vetëm nuk vlen shqiptarisht por po bëhet patericë e bindur e nacional-shovinizmit sllavo maqedon.
Mirëpo pas një eksperience të hidhur me shqiptarët etnikë në vitin 2001 ky shtet nuk duhet të guxonte të ngacmonte plagët e kaluara, aq më tepër kur ka një Marrëveshje si ajo e Ohrit të pranuar jo vetëm nga palët por edhe ndërkombtarisht.
Atëherë ku e marrin guximin këta ultranacionalistë që në një vend anëtar të NATO-s dhe negociues për në BE të marrin rolin e grupeve militante terroriste si HAMAS apo Hesbollah duke tentuar të injorojnë e sulmojnë në palcën e identitetit të tyre shqiptarët të cilët janë jo vetëm autoktonë në trojet e tyre por dhe faktori i dytë shtetformues në Maqedoninë e Veriut.
Përgjigja është e vetkuptueshme dhe e thjeshtë:
Pas këtij revanshi qëndron Serbia dhe Rusia.
Që të gjithë këta bashkë po mundohen të shfrytezojnë situatën gjeopolitike kaotike të luftërave e konflikteve në glob që të mund të përfitojnë ç’të munden sidomos tani në periudhën e fundme të nderrimit të administratës në SHtepinë e Bardhë.
Mirëpo duhet ta dinë se i kanë bërë llogaritë pa hanxhinë.
Këtë e tregoi reagimi i menjehershëm i Frontit Europian i prirë nga Ali Ahmeti,
Nëse sot jemi akoma në luftë e retorikë në rrafshin politik me veprimet skandaloze që pritet të marrë Gjykata Kushtetuese atje atëherë situata do përshkallëzohet.
Nëse nuk ndalet kjo bandë shoviniste shqiptarët duhet të reagojnë si komb dhe Maqedonia e Veriut kurrë jo vetëm nuk do gezojë stabilitet por do shkojë logjikisht drejt ndarjes e eleminimit si shtet.
Ky mentalitet konfliktualiteti i shovinistëve sllavo maqedonë ka qënë vazhdimisht edhe tek fqinjët e tyre grekë e bullgarë dhe nëse vazhdojnë ti fryjnë zjarrit përfshirja do të jetë e gjërë.
Sa për shqiptarët kudo ku jetojnë dihet botërisht se janë kombi më pro euroatlantik në kontinent e shumë më gjërë ndaj gezojnë suportin e aleatëve në kauzat e drejta që mbrojnë e liritë themelore politike e njerëzore që kërkojnë.
Në këtë situatë apeli për unitet nacional të bie në sy indiferenca e shurdhëria e disa politikanëve shqiptarë që patën nxituar për të përshëndetur Mickovskin e koalicionin e tij.
Ku janë vallë sot patriotizmi e sovranizmi i Albin Kurtit, Sali Berishës e Ilir Metës ???
Dikund e kanë shitur e ndokush jua ka blerë!!!!

Zbulohen përgjimet/ Operacioni italian që zbardhi lidhjet e ngushta të ‘Ndragheta-s’ me lejet e ndërtimit të dhëna në Tiranë

Operacioni ‘BASSO PROFILO’, zbardhi aferat korruptive mes mafias kalabreze e pushtetit në Shqipëri. Gjykata e Apelit vendosi pak orë më parë dënimet duke ndryshuar ato të Gjykatës së Shkallës së parë.

Rëndohen dënimet, ndërsa gjykata ka dhwnw 3 shekuj dënime për 40 të dënuar.

Mega operacioni i Antimafias Italiane ekzekutuar më 2021 zbardhi aferat korruptive në nivel të lartë në Shqipëri e investimet e mafias kalabreze Ndrangheta në ndërtime e tenderimet në Bashkinë Tiranë, në sektorin e shëndetësisë e sipërmarrjes.

Operacioni i Antimafias së Katanzaros ekzekutuar në janar të 2021 coi nën masa ndalimi e nën hetime të një numri të madh personash , eksponentë mafiozë të klaneve mafioze të Ndranghetas kalabreze si ‘Grande Aracri’, ‘Arena’, ‘Buonaventura’e Aracri’, që veprojnë në Crotone, Isola Capo Rizzo, e Cutro, e sipërmarrës, politikanë, profesionistë e funskionarë publikë.

Aktiviteti kriminal i tyre kishte investuar në Shqipëri përmes lidhjeve korruptive me politikanë e funksionarë shtetit. Në dosjen ekskluzive voluminoze të siguruar nga gazetarja Alba Kepi, dokumentohet takimet mes një funksionari të Guardia di Finanza Italiana (aktualisht në pension) dhe Kreut të Policisë Shqiptare, një zëvendësministri shqiptar e një sekretari shteti, për të investuar në Shqipëri me sipërmarrës të lidhur më mafian kalabreze Ndrangheta. Dokumentohet gjithashtu afera për ngritjen e një kulle shumëkatëshe në qendër të Tiranës, ku duhej paguar 20% e shumës për të marrë tenderin.

Gjykata e Apelit e Katanzaros pak orë më parë ka dhënë vendime më të rënda ndaj 40 personave.

Bashkëpunim e pjesëmarrje në aktivitet mafioz, afera korruptive me funksionarë publikë e sipërmarrës, abuzim me detyrën, kërcënim mafiozë, trafiqe kapitalesh të paligjshme, mashtrime fiskale në dëm të shtetit, mashtrim informatik, krim tatimor, pastrim parash, shkëmbime favoresh elektorale, ‘presta nomi’ kompanive fiktive, nxjerrje të sekretit profesional janë akuzat e ngritura ndaj të arrestuarve të megaoperacionit të antimafias italiane i koduar ‘Basso profilo’.

Princi i Ndranghetas Antonio Gallo, kompania e të cilit vazhdon të jetë operative në Shqipëri ka marrë dënimin 30 vite burg, ushtaraku i Guardia di Financa Ercole Alessandro është dënuar me 10 vite burg nga 7 vite që kërkoi shkalla e parë e gjykimit e Glenda Giglio kryetarja e Dhomës së sipërmarrësve të rinj është dënuar me 7 vite burg ndërkohë që Gjykata e shkallës së parë kërkoi lirimin e saj.

Vendimet e Gjykatës së Apelit për 40 personat nën akuzë me të cilëve dhe shqiptarë:

Henrik Baçi (48 vjeç) Niku shqiptar: 7 vjet (Gjykata e shkallës së parë kërkoi 2 vite ).

Elena Banu (53 vjeç ) shtetase rumune rezidente me 3 vite e 4 muaj (Gjykata e shkallës së parë kërkoi po 3 vite e 4 muaj)

Antonio Santo Bagnato (57 vjeç): Gjykata e Apelit kërkoi 6 vite e 6 muaj (Gjykata e shkallës së parë kërkoi po 6 vite e 6 muaj).

Saverio Brutto (35 vjeç) 6 vite Gjykata e shkallës së parë kërkoi lirimin e tij.

Tommaso Brutto (61 vjeç): 8 vite (Gjykata e shkallës së parë kërkoi lirimin e tij.)

Maria Rosaria Caliò (55 vjeç) 3 vite e 8 muaj (Gjykata e shkallës së parë kërkoi 3 vite e 8 muaj).

Eliodoro Carduçelli (46 vjeç)12 vite (në shkallë të parë u kërkua 8 vite).

Ilenia Cerenzia (26 vjeç) me 6 vite e Gjykata e shkallës së parë kërkoi 4 vite e 5 muaj).

Nicola Cirillo (57 vjeç): 2 vite e 8 muaj (Gjykata e shkallës së parë kërkoi 2 vite e 8 muaj).

Ercole D’Alessandro (67 vjeç): 10 vite (Gjykata e shkallës së parë kërkoi 6 vite e 8 muaj).

Vincenzo De Luca (45 vjeç): 3 vite (Gjykata e shkallës së parë kërkoi lirimin e tij).

Antonella Drosi (68 vjeç), 2 vite (Gjykata e shkallës së parë kërkoi 2 vite).

Santo Faldella (40 vjeç): 5 vite (Gjykata e shkallës së parë kërkoi 4 vite e 10 muaj).

Antonello Formica (61 vjeç) 6 muaj (Gjykata e shkallës së parë kërkoi 6 muaj)

Antonio Gallo (44 vjeç), vendlindja Sellia Marina: 30 vite (Gjykata e shkallës së parë kërkoi po 30 vite).

Francesco Gallo (70 vjeç): 5 vite (Gjykata e shkallës së parë kërkoi 4 vite e 2 muaj).

Glenda Giglio (43 vjeç): 7 vite (Gjykata e shkallës së parë kërkoi lirimin e tij).

Umberto Gigliotta (41 vjev) 30 vite (Gjykata e shkallës së parë kërkoi 30 vite).

Odeta Hasaj (57 vjeç shqiptare): 4 vite e 2 muaj (Gjykata e shkallës së parë kërkoi 4 vite e 2 muaj).

Giuseppe Lamanna (38 vjeç) 2 vite, (Gjykata e shkallës së parë kërkoi 2 vite)

Andrea Leone (56 vjeç) 20 vjet (Gjykata e shkallës së parë kërkoi 18 vite burg)

Francesco Lerose (53 vjeç) 9 vite. Gjykata e shkallës së parë kërkoi 4 vite e 8 muaj.

Ieso Marinaro (60 vjeç) 7 vite e 6 musj. Gjykata e shkallës së parë kërkoi 7 vite e 2 muaj.

Giovanni Mazzei (66 vjeç) 6 vite e 4 muaj. Gjykata e shkallës së parë ka kërkuar 3 vite.

Antonio Melino (56 vjeç 4 vitr (Gjykata e shkallës së parë kërkoi lirimin e tij).

Giuseppe Liberato Paciullo (70 vjeç) : 4 vjet e 4 muaj. Po aq kishte kërkuar dhe Gjykata e shkallës së parë.

Daniela Paonessa (48 vjeç) 7 vite e 6 muaj. Gjykata e shkallës së parë kishte kërkuar 7 vite.

Raffaele Posca (43 vjeç) 2 vite. Gjykata e shkallës së parë kishte kërkuar 2 vite.

Andrea Rosa (31 vjeç) 4 vite e 2 muaj. Po aq kishte marrë dhe në gjykimin në dhkallë të parë.

Umberto Rotundo (26 vjeç) anni e 2 vite e 2 muaj. Po aq kishte kërkuar dhe Gjykata e shkallës së parë.

Rolando Russo (40 vjeç) 3 vite e 4 muaj. Po aq kishte kërkuar dhe Gjykata e shkallës së parë.

Giovanni Servidio (36 vjeç) 3 vite. Po aq kishte kërkuar dhe Gjykata e shkallës së parë.

Maurizio Silipo (65 vjeç) 3 vite e 8 muaj. Po aq kishte kërkuar dhe Gjykata e shkallës së parë.

Maria Teresa Sinopoli (47 vjeç) 7 vite e 8 muaj. Po aq kishte kërkuar dhe Gjykata e shkallës së parë.

Rosa Talarico (36 vjeç) 6 vite. Gjykata e shkallës së parë kishte kërkuar 4 vite e 6 muaj

Matteo Tarantino (34 vjeç) 3 vite. Gjykata e shkallës së parë kishte kërkuar 3 vite.

Luca Torcia (33 vjeç) 3 vite. Gjykata e shkallës së parë kishte kërkuar 2 vite e 7 muaj.

Rosa Torcia (56 vjeç) 3 vite, Gjykata e shkallës së parë kushte kërkuar 3 vite e 9 muaj.

Alberto Zavatta (39 vjeç) 1 vite e 8 muaj e po aq kishte kërkuar dhe gjykimi në shkallë të parë

Claudio Zavatta 67 vjeç: 1 vit e 8 muaj e po aq kishte kërkuar dhe gjykimi në shkallë të parë.

Mega operacioni i koduar ‘Basso profilo’ (profil i ulët) ka impenjuar rreth 370 forca policore, prej të cilëve 200 trupa të Antimafias italiane, e 170 forca policore nga Guardia di Finanza e Policia së Shtetit e ka ekzekutuar 50 masë ndalimi janë vënë , 35 persona janë vënë në arrest shtëpiak, 13 në burg, e 2 persona me detyrim paraqitje. Mes tyre dhe 7 shtetas shqiptarë, një prej të cilëve është femër.

Ky grupim kriminal në bashkëveprim me ndrinat e mafias kalabreze Ndrangheta, ishte strukturuar mbi një formulë kriminale me një evazion sistematik të taksave përmes kompanive fiktive e operacioneve financiare të paekzestiueshme.

Për veprimin e aktivitetit të tyre korruptiv kishin ngritur disa kompani fiktive në pronësi të personave fals, ‘preta nomi’ shtetas shqiptarë e italianë që zgjidheshin nga mafia kalabreze Ndrangheta e që hapnin e mbyllnin kompani biznesi të paekzisstueshme.

Është dokumentuar se ‘Pronarët’ shqiptarë të kompanive kanë mbërritur nga Durrësi në Bari ku janë pritur nga bosat ndraghetistë e më pas janë shoqëruar në Catanzaro ku janë pajisur me kode Nipt tatimore italiane. Përmes dokumentacioneve të firmosura nga noteri ata janë bërë pronarë të kompanive të pakezistueshme që shërbenin vetëm për pastrimin e parave të mafias kalabreze Ndrangheta.

Në krye të këtij grupimi kriminal qëndronte sipërmarrësi kalabrez Antonio Gallo i njohur me nofkën ‘princi’, me lidhje të ngushtë me të gjithë bosat mafiozë të ndrineve kalabreze i devotshëm në aferat kriminale të Ndranghetas e me investime në Shqipëri.

Dosja hetimore mbi 1000 faqe dokumenton mbi 266 mijë dialogë përgjime ambientale e telefonike, 1800 llogari bankare në vëzhgim e 388 mijë operacione financiare.

Në dokumentet ekskluzive të siguruara nga gazetarja Alba Kepi, zbardhet se një nëntenent i Guardia di Finanza, Ercole D’Alesandro, tashmë në pension i shërbente sipërmarrësit Antonio Gallo me informacione mbi operacionet e policisë italiane, e hetimet e antimafias duke siguruar një vend pune për djalin e tij në një kompani që Antonio Gallo kishte hapur në Shqipëri. Ish nëntenenti i Guadia di Finanza premtonte të gjente cëlësat e duhur pranë Ministrive shqiptare e Administratës Publike me qëllim hapjen e aktiviteteve sipërmarrëse.

Aktiviteti sipërmarrës në Shqipëri i interesonte dhe politikanëve e funksionarëve kalabrezë Tomaso Brutto e Saverio Brutto, baba e bir. Tomaso Brutto ishte këshilltar në komunën e Cattanzaros e Saverio Brutto këshilltar në komunë Simeri Crichi në provincën e Katanzaros.

Tomaso e Saverio Brutto po përpiqeshin të hapnin në Shqipëri një sipërmarrje tip Brico për tregtimin e materialeve për parandalimin e aksidenteve me aksione të barabarta mes tyre po që shuma fillestare e investimit do të jepej e tëra nga Antonio GALLO.

Marrëveshja e tyre për investime në Shqipëri do të niste më 14 prill 2017 pas takimit të zhvilluar mes politikanit kalabrez Tomaso Brutto e funksionarit të Guardia di Finanza të Catanzaros Ercole D’Alesandro.

Nga përgjimet e antimafias, politikani italian Tomasso Brutto ndjehej i siguruar se në këtë aferë ishte ortak dhe financieri Ercole.

Në një tjetër përgjim të antimafias, në takimin e dytë të zhvilluar mes tyre, më 24 prill 2017, ish funksionari i Guardia di Finanza Ercole D’Alesandro siguronte se kishte lidhje të mirë me Shqipërinë e se për të bërë biznes duhej paguar rushfete. ‘Duhet të paguash e të paguash një person të vetëm e në nivel Ministrie e vetëm tek njëri aman…’ thotë ai në këtë bisedë.

Aktiviteti sipërmarrës i tyre në Shqipëri u inaugurua më 22 qershor 2017 e pikë referuese ishte djali i funksionarit të Guardia di Finanza Ercole D’Alesandro.

Në përgjimet e Guardia di Finanza zbardhet dhe emri i një tjetri eksponeti të lartë të politikës kalabreze, Francesco Talarico sekretar rajonal i Partisë UDC (Bashkimi demokristian) e këshilltar i bilancit në rajonin e Kalabrias.

Në një bisedë mes tij dhe financierit Ercole D’Alesandro, flitet për korrupsionin në Shqipëri.

‘korrupsioni është total’ thonë në bisedat me njëri-tjetrin, ‘bëhet biznes pa tendera’, ‘mjaft që një ministri në Shqipëri t’i japësh…’

Sektori tjetër i preferuar i tyre ishte ai i instrumenteve mjekësore të mbrojtjes personale si maska, doreza, kaska oksigjeni etj.

Në rrjedhën kronologjike të dokumentacionit të Antiamfias evidentohet dhe takimi që financiari Ercole D’Alessandro kishte zhvilluar me Kreun e Policisë së Shtetit shqiptar, me një zëvendësministër, me një nënsekretar shteti për investimet që kërkonte të kryente në Shqipëri një sipërmarrës kalabrez i lidhur me ndrinen ‘Grande Aracri’.

Dosja hetimore zbardh dhe rolin e shqiptares Odeta Hasaj e cila në bashkëpunim me financierin Ercole Alessandor përcillnin informacion mbi operacione policor e hetime ndaj shtetasve shqiptarë e italianë.

Megaoperacioni ‘Basso profilo’ coi në skuestrimin e 59 sipërmarrjeve, 45 banesave, 29 automjeteve lluksoze, mes të cilave 2 Porsche, 77 llogari bankare, 2 karta krediti, 1 shufër floriri, 1 mjet lundrues, 1 orë roleks.

Afera korruptive kapërcente mbi 250 milionë euro.

Biseda mes sipërmarrësve Antonio Gallo, Antionio Speziali sipërmarrës në sektorin e ndërtimin ndërtim, avokatit Claudio Larussa e politikanëve babë e bir Tomaso e Saverio Brutto. Në bisedë aludohen lidhjet me një person mjaft pranë kryeministrit shqiptar e kryetarit të bashkisë së Tiranës. Vetë Claudio Larusa pohon se ka takuar me e Kryetarin e Bashkisë së Tiranës.

Biseda e datës 28 tetor 2017 ora 9.24 min e 37 sec, kohëzgjatja 5 minuta e 09.

Në shënimin e antimafias italiane i shkruar në dosjen hetimore në kokën e faqes numër 618 (sipër) shkruhet:

‘Gallo (Antonio) i shpjegon Spezialit, Larussa, e Brutti, mënyrën e veprimit në Shqipëri, për të marrë tendera në sektorin publik duke aluduar qartë ryshfetet. Bashkëbiseduesit arsyetojnë mbi investimet e mundshme në Shqipëri.

Brutto: Dhe ai mund të na arrij ndonjë lidhje në Shqipëri, ti mos u tall se ti (duke iu referuar Antonio Speziali?, ndonjë ministër o ndonjë tjetër ti nuk të mungojnë ty..

Speziali: Internacional e?… po si është Shqipëria… unë e njohë këtë vend por…

Gallo:… është në zhvillim ku vend…

Speziali: …shqiptarët të vjedhin dhe syzet në kokë…

Gallo:… nuk është më kështu… është mentaliteti sepse e dinë se në duam t’ja hedhim atyre, pra është ndryshe e kundërta, ne nuk shihemi mirë ajte… sidoqoftë është një realitet i bukur.. po zhvillohet është tipi Italia e viteve ’60… duhet të bëjnë hekurudha…duhet të bëjnë një sërë gjërash…

Speziali:… thonë se duan të bëjnë… duhet të shkoja këtë të dielë me Claudion por më tha se nuk mundet këtë të dielë e do të shkojmë pas 15 ditësh..

Gallo: e kanali është ky NIKU?

Gallo: kam një kanal të mirë unë atje e duan të bëjnë një konsorcium

Speziali: ai kanal sipërmarrje që ka dhe..

Gallo: kam shumë… më i forti është Presidenti i grupit Fumagalli atje… e Sol e oksigjenit…njeh të gjithë spitalet…

Gallo: Ai është shqiptar është President i këtij grupi atje në Shqipëri

Speziali: Dhe në spitale mund të punohet…

Gallo.. nuk e di por ai është President i Sol në Shqipëri .. të gjithtë spitalet… është pranë Kryeministrit, pranë Kryetarit të Bashkisë së Tiranës… është një njeri i rëndësishëm..

Speziali: ka shkuar Claudio (Larussa) atje me Kryetarin e Bashkisë së Tiranës..

Brutto: si një muaj… një muaj

Speziali: më thuaj, në Shqipëri, unë vërtet i kam impiantet por ja pak skeptik ti çoj… nëse i marrim e t’i çoj është mirë për mua… por jo që të ma hedhin… duhet dërguar personi i duhur..

Gallo: pak ditë më parë isha me këtë Nik përmes një miku prej këtu…. më beso një mik i afërt

Speziali: djali i Ercole (i referohet financierit Ercole D’Alessandro)

Spezziali:…më kanë thënë për djalin e Ercoles…dëgjo e di gjithë bota si shkon…

Gallo: kam njohur këtë Nik kam folur me të…

Gallo: është i zgjuar… por herë, herë kanë shumë llafe atej… e është mirë që ne të jemi shumë më konkret… nuk ka presin ne atje..

Speziali:…. jam i bindur për këtë..

Gallo: atëherë kam folur me këtë mikun tim Nik që më ka thënë se tipi që mori tre licnesa për të ndërtuar në Tiranë… ka tre licenca në duar e për 180 miliona që dunë për të bërë ka 10 milionë

Gallo: kërkojnë financierë më tha… gjejnë një sipërmarrës që është mirë e banka e financon… mund të bëhen para pasi shiten 4 milionë 5 milionë për metër… gjysma e Tiranës…

Gallo: Apartamentet… ky ka në duar tre licenca gratacelash… ky konstruktorë..

Speziali: 4000 euro jo… 2700-2800 euro

Brutto: për atë perëndi….në qendër të Tiranës?

Gallo: Në gratacelat e reja shiten 3800-4000 euro për metër.. e kosto e di sa është kosto e vërtet? 510 euro…+

Speziali: Por nëse e bën diçka luksoze..

Brutto: e a mund të flasim me këtë nik?

Gallo: nëse je në Romë më 9 nëntor vjen… është Presidenti i Grupit Sol në Shqipëri…… i oksigjenit ka lidhje me spitalet , me Enel, me të gjitha ka lidhje …e ma tha qartë se tenderat duan 20% -shin më tha….. por mund ta paguajnë ata i referohet Nik)

Speziali: Në Shqipëri… pallati i kulturës në shesh, i bukur…

Gallo: eh atje ka shumë barez (nga Bari) ta dish… unë besoj se për këto ndërtimet e mëdha nuk presin italianët

Përgjimi i datës 28 tetor 2017 ora 9 minuta e 27 sec. Kohëzgjatja 1 minutë.

Sipërmarrësi Antonio Gallo në shoqëri me politikanët kalabrezë Tomaso e Saverio Brutto.

Antonio Gallo duke iu referuar Luciano D’Alessandro thotë:

Gallo: kam çuan Lucianon atje… tek ai i SOl (duke i referuar punëmbaruesit NIK e takimi dokumentuar nga antimafia)

Burri (i pranishëm në bisedë) po

Gallo: i thasë urdhëro Presidentin, Kryeministrin, … i thashë qartë… ishte i pranisëhm Luciano.. më jep tenderat ENI e ju merrni 20%-ishin..

Gallo: në janar dhe spitalet …ok?

Biseda tjetër në përgjimet e antimafias italiane.. Datë 28 tetor 2017 ora 9.27 minuta.. kohëzgjatja 4 minuta

Katër sipërmarrësit italianë, Antonio Gallo, Antonio Speziali, Tomasso Brutto, Saverio Brutto ndodhen në një lokal publik….

Biseda lidhet me investimet në Shqipëri.

Brutto Saverio: atje të japin koncesion për 10 vite e të lejnë të nxjerrësh cfarë mundesh nga rëra… e lumit?

Brutto Saverio: të japin licensën 10 vite e mund të nxjerrësh cfarë të duash..

Speziali: duhet të shkoj atje… të shoh vendin se impanti i ndërtimit është nëj gëj serioze.

Gallo: atje punojnë natën nuk punojnë ditën..

natën punojnë në rrugët urbane e ditën në rrugët e reja … por atje duhet ndërtuar rrjeti i kanaleve të zeza, rrjeti i hekurudhave, metroja… gjithcka..

Speziali: Eshtë një protektorat amerikan Shqipëria sot?.

Speziali: Ka dalë nga influenca ruse…

Gallo: ka aq shumë punë për të bërë, por duhet të kesh lidhje… duhet të shkosh të bësh një xhiro atje e të shohësh vetë…

Përgjim i datës 29 / 11 /2017 ore 18.13 kohëzgjatja 5 minuta e 8 sekonda.

Biseda zhvillohet në Romë në zyrën e avokatit Claudio Larussa.

Biseda mes Avokatit Claudio Larussa e sipërmarrësit Antonio Gallo pika referimit e mafias kalabreze Ndrangheta për investimet në Shqipëri në lidhje e afera me shumë ndrina kalabreze.

Claudio Larussa e Antonio Gallo bisedojnë për investimet në Shqipëri:

Gallo: nuk kanë fonde për t’i bërë…. kërkojnë fonde… apo dikë që të bashëkpunojë me to… me tha NIK (shqiptar i paidentifikuar mirë)

Larussa: e kjo është një gjë që na përket ne..

Gallo: e prandaj të thashë që përmes Nik është një gjë e thjeshtë ( është si një shëtitje)..

Larusso: e njeh ai Lucianon? (i referohet Alessandro Luciano sipërmarrës italian në ortakëri biznesi në Shqipëri me Antonio Gallo: BRUTTO Saverio, D’ALESSANDRO Luciano, Henrik BACI.

Larussa: s?më ka thënë asgjë, asnjë m… s’më ka thënë…

Gallo: se nuk do të të coj jo…

Larussa: e nuk do të më coj jo se nëse bëhet asgjë, nuk fiton asgjë askush… është e thjeshtë…. e njëjta histori gjithmonë,,, të gjithë duan të fitojnë por duhet bërë se…

Gallo: qartë… këtu është ky… pra mund të bëjmë… mund të bëjmë këtë tender… më vë në kontakt… këta duan kaq total… hyjnë brenda me ne (aferë)… qartë… në ortakeri..

Gallo:… thotë se ka kuptuar nga Nik se gratacelat në qëndër të Tiranës vlejnë 700-750 euro për metër e shiten 4000-5000 metra.

Gallo: Nik më tha se janë këta… vjen një shqiptar….vjen në janar e ta prezantoj…. që të bën … të qepin një tenderin më tha… natyrisht duhet t’i japësh 20% të tij… e mirupafshim e faleminderit… edhe kontakte me spitalin e të tjera… prandaj duhet të shkojmë ta takojmë në janar

Ndërkohë flasin për sipërmarrësin Luciano D’Alessandro i cili ka nisur disa aktivitete sipërmarrëse në Shqipëri përmes disa të njohurve të tij shqiptarë.

Gallo: unë kam këtë karakter…. problemi i tyre nëse u bëjnë,.. por nëse kanë probleme të përgjigjen vetë, unë merrem vetëm me të miat për të tjerët nuk përgjigjem… unë me NIK është një person i besueshëm… atë ditë që shkuam më shpjegoj shumë mekanizma si funksionon…. është një kompani konsulence në Itali për të ulur kosto e më shpjegoj një sërë gjërash të vlefshme për të gjithë…

Larussa: natyrisht por sipas meje duhet ta shohim bashkë këtë gjë… se ndoshta nuk hapet menjëherë.

Gallo: eh në janar ai vjen…o vjen ai në Romë o shkojmë bashkë në Shqipëri..

Larussoa: do ishte gjëja më e mirë… të shkojmë bashkë sepse unë kam fondin për të investuar në këtë gjë… për IMOBILIAREN kam fondin anglez, është amerikan në fakt me seli në Londër… quhert Fortess… ( Fortess Investment GROUP LLC) është e hebrejve ata i bëjnë këto aktivitete..

Larussa: …eh po duan dhe siguri këta… jo vetëm garanci… duan konkretësi në gjërat që i themi..

Gallo atje dikush është… ka shumë rrugë për të kryer… e le të ecim para….’

Donald Trump zgjedh Richard Grenell si të dërguar për misione të posaçme ndërkombëtare

Presidenti i zgjedhur i Shteteve të Bashkuara, Donald Trump tha të shtunën se ka zgjedhur ish-shefin e tij të zbulimit Richard Grenell, si të dërguar presidencial për misione të posaçme, një post ku ai pritet të ndihmojë administratën e ardhshme që të përballet me disa nga sfidat më të vështira të politikës së jashtme.

 

“Ric do të punojë për disa nga pikat më të nxehta në botë, përfshirë Venezuelën dhe Korenë e Veriut”, tha zoti Trump në platformën e tij të mediave sociale Truth Social, pa dhënë më tej për përgjegjësitë e këtij pozicioni.

Një burim nga ekipi i tranzicionit i zotit Trump tha për agjencinë Reuters se zoti Grenell do të fokusohet gjithashtu tek tensionet në Ballkan.

Zoti Grenell reagoi në platformën X:

“Të punosh në emër të popullit amerikan për Donald Trumpin është nderi më i madh i jetës. Presidenti Trump është dikush që u gjen zgjidhje problemeve, duke i mbajtur amerikanët të sigurt dhe të begatë. Kemi shumë punë për të bërë. Le të fillojmë punën”, u shpreh ai.

Gjatë mandatit të parë të zotit Trump, zoti Grenell shërbeu si ambasador në Gjermani, i dërguar i posaçëm presidencial për negociatat mes Serbisë dhe Kosovës, si edhe si Drejtor në detyrë i Zbulimit Kombëtar.

Ai ka qenë prej kohësh një nga këshilltarët e politikës së jashtme të zotit Trump.

Pasi bëri fushatë intensive për zotin Trump për zgjedhjet e 5 nëntorit, zoti Grenell ishte pretendent kryesor për postin e Sekretarit të Shtetit, por zoti Trump emëroi senatorin Marco Rubio për atë post.

Ai u përmend gjithashtu si kandidat i mundshëm për pozicionin e të dërguarit të posaçëm për luftën në Ukrainë, por përfundimisht zoti Trump zgjodhi gjeneral lejtnantin në pension Keith Kellogg për atë detyrë.

Ai ishte i pranishëm kur zoti Trump u takua me presidentin ukrainas Volodymyr Zelenskyy në shtator. Zoti Grenell është shprehur në favor të një marrëveshjeje paqeje që do të ruante territorin e Ukrainës megjithatë do të lejonte “rajone autonome” ku Rusia mund të mbetet në kontroll.

Ai ka këshilluar gjithashtu kundër zgjerimit të NATO-s përfshirë anëtarësimin e Ukrainës, duke thënë – ashtu si edhe zoti Trump – se aleanca nuk duhet të zgjerohet derisa anëtarët aktualë të përmbushin objektivat e shpenzimeve të mbrojtjes të aleancës. Anëtarët e aleancës transatlantike janë zotuar prej vitesh të shpenzojnë 2% të Prodhimit të tyre të Brendshëm Bruto për mbrojtjen, por disa vende ende nuk e kanë arritur këtë objektiv.

Zoti Grenell bëri fushatë intensive për zotin Trump me votuesit arabo-amerikanë në Miçigan, ku presidenti i zgjedhur arriti të fitojë në një elektorat tradicionalisht demokratik, pavarësisht se në të kaluarën ai kishte ndaluar imigracionin nga disa vende me shumicë myslimane. Zoti Grenell organizoi aktivitete pro zotit Trump me votuesit arabo-amerikanë.

Presidentët emërojnë të dërguar të posaçëm apo presidencialë për t’u fokusuar në çështjet globale, krizat ose përpjekje specifike diplomatike. Koreja e Veriut dhe Venezuela janë kundërshtarë të SHBA-së, megjithëse sipas njoftimeve zoti Trump po konsideron mundësinë e bisedimeve të drejtpërdrejta me udhëheqësin e Koresë së Veriut, Kim Jong Un, duke shpresuar të minimizojë rreziqet e konfliktit të armatosur.

Gjatë fushatës së tij presidenciale, Trump e quajti udhëheqësin venezuelian Nicolas Maduro një diktator. Zoti Maduro tha se rizgjedhja e zotit Trump ishte “një fillim i ri” për marrëdhëniet dypalëshe.

Në mandatin e tij të parë, Trump vendosi sanksione më të ashpra ndaj vendit të Amerikës së Jugut, veçanërisht në industrinë e tij kryesore të naftës. Maduro i ndërpreu marrëdhëniet në vitin 2019.

Agjencia Reuters njofton se në vitin 2020 zoti Grenell u takua fshehtazi me një përfaqësues të Maduros në përpjekje për të siguruar ikjen paqësore të udhëheqësit venezuelian nga pushteti pasi rizgjedhja e tij në vitin 2018 u konsiderua e manipuluar nga shumica e vendeve perëndimore, por nuk u arrit ndonjë marrëveshje.

Senatori republikan amerikan Bill Hagerty shprehu mbështetje për zotin Grenellin, duke thënë në platformën X se ai do të “bëjë një punë të shkëlqyer duke u marrë me disa nga sfidat më të vështira të botës”./VOA

Shqiptarët kanë paralajmëruar një tubim në Athinë, policia greke jep urdhër: Të ndalohet grumbullimi

Prej disa ditësh në rrjetet sociale është bërë thirrje për një protestë në Athinë sot në orën 19:00  në rrugën “Koris” në zonën e Alimos.

 

Por sipas medias greke Protothema, policia ka dhënë urdhër që të  ndalohet mbajtja e tubimeve nga qytetarët shqiptarë.

Sipas policisë greke “ndalimi është vendosur pasi ka rrezik serioz për prishje të jetës social-ekonomike në zonën e caktuar nga mbajtja e tubimit dhe nga ana tjetër, mbajtja e tij do të shkaktojë pengesë të trafikut dhe aksesit në shërbimet publike, organizatave me përfitim publik dhe institucioneve spitalore, funksionimit të infrastrukturave dhe objekteve publike dhe furnizimit të tregut me sende jetike”

Shiu përmbyt rrugët në Bulqizë, bora shkakton probleme në male

Reshjet e mëdha të shiut të shoqëruar edhe me reshje dëborë në lartësinë 500 metra mbi nivelin e detit kanë sjellë probleme në rrugë.

Sikurse duket nga pamjet që sjell korrespondeti i Top Channel, reshjet e shiut kanë përmbytur rrugën qe lidh Lagjen e Re me Lagjen e Vjetër.

Reshje dëbore ka pasur edhe te minierat e Zonës D, po ashtu edhe te minierat e Ternovës dhe dhe ato të Marraneshit, ku policia u bën thirrje drejtuesve të automjeteve që transportojnë minatorët të kenë kujdes në lëvizje dhe të përdorin zinxhirë në vendet ku ka nevojë.

Preç Zogaj: Alternativa berishiane e mosbashkimit të opozitës

Nga Preç Zogaj

Në përgjigje të një pyetjeje rutinë, kryetari i PD-së, Sali Berisha përsëriti se partia e tij do të bëjë koalicion me të gjitha partitë që duan largimin e qeverisë së Ramës. Po të ishte vetëm opozitarimi çështja, problemi do të kishte lindur i zgjidhur. Partitë opozitare të vendosura djathtas, në qendër apo edhe në majtë të spektrit bëjnë opozitë sepse duan largimin e qeverisë. Përndryshe do të ishin aleatë të saj.

Në të kaluarën, falë kodit elektoral dhe ndryshimeve të papërfillshme programore, bashkimi elektoral nën një ombrellë i PD-së dhe partive satelite të saj ka patur sens. Votat e secilit subjekt numëroheshin dhe shkonin pa firo në një thes. Të voglat merrnin pjesën e tyre të përfaqësimit në Kuvend. Apo në Qeveri kur fitonin zgjedhjet.

Nga zgjedhjet e vitit 2021 e këndej ky lloj bashkimi ka disa pengesa të reja që nuk i ka patur. E para, është ndalimi me kushtetutë i koalicioneve partiake, një ndërmarrje diabolike e kryeministrit Rama për të kushtëzuar koalicionet opozitare me vetmohimin e partive të vogla. Duke diktuar kësisoj një ndeshje tek për tek me kundërshtarin kryesor, që i leverdis PS-së, e cila mbulon e vetme pothuajse gjithë spektrin e majtë. Ndërkohë që fragmentimi në spektrin opozitar është mjaft i madh.

Kohët e fundit kanë dalë në skenë disa parti të reja, siç janë “Shqipëria bëhet” e Adriatik Llapajt, “Mundësia” e Agron Shehajt , “ E djathta-1912” me nismëtar Enkelejd Alibeajn me shokë e ndonjë tjetër. Ndërkohë janë në aktivitet LZHK e Dashamir Shehut, që është distancuar nga PD e Berishës, lëvizja “Thirrja ” e Endri Shabanit që ka konkurruar e vetme edhe në vitin 2021 , Lëvizja “Bashkë” e Arlind Qorrit, si dhe “Demokratët euroatlantikë” të Lulzim Bashës, e paformalizuar ende si forcë politike. Ka edhe subjekte të tjera akoma më të vogla në aleancë me të lartpërmendurat.

Ky arqipelag politik fotografon opozitën plurale në Shqipëri, ku secila parti ka diçka specifike të dallueshme nga tjetra. Rrjedhimisht, ka zgjedhësit e vet që identifikohen me këto dallime.

A mund të ketë një formulë që realizon bashkimin e tyre rreth objektivit të përbashkët të rrotacionit të pushtetit? Në princip po. Si kryetar i partisë më të madhe opozitare Berisha ka barrën të dalë i pari me një projekt të tillë. Rrotacion i pushtetit kërkon që partitë opozitare, nga më e madhja te më e vogla, të çojnë në kutitë e votimit elektoratin antiqeveritar që është dukshëm më i madh se elektorati i rrudhur proqeveritar. Me dallimin se ndërsa Rama dhe PS i çojnë një për një në zgjedhje votuesit e tyre, ansambli opozitar çon vetëm një pjesë, madje partitë e vogla humbasin nëpër marifetet e ligjit zgjedhor edhe nga kontingjenti që çojnë. E gjithë kjo bën që pakica e votuesve socialiste të dalë e para në kutitë e votimeve dhe shumicë në përllogaritjen e votave përfaqësuese.

Për të ndaluar këtë kurth elektoral kompleks, ideja e parë që të vjen në mendje është bashkimi i subjekteve opozitare. E thjeshtë për t’u thënë, por jo aq për t’u bërë. Berisha foli për bashkim pa thënë si. Nuk besoj se partitë e reja do të pranonin të vetmohoheshin për një karrige deputeti, nëse do t’u bëhej një ofertë konkrete. Të shtojmë këtu edhe faktin se bashkimet mekanike-pragmatike nuk marrin me vete gjithë zgjedhësit. Sidomos kësaj radhe kur ndarjet lart për arsyet e njohura kanë zbritur si asnjëherë tjetër te zgjedhësit e thjeshtë.

Por edhe sikur ustallarët t’ia gjenin anën driblimit të pengesës kushtetuese, ata do të përballeshin me pengesa të tjera shumë më të vështira. Pengesa e parë, e pakapërcyeshme sipas mendimit tim, është papajtueshmëria programore për një çështje madhore siç është qëndrimi ndaj SPAK dhe reformës në drejtësi.

Berisha s’resht së kërcënuari me ton zhbërjen e tyre. Sapo të vijë në pushtet! Ai e di shumë mirë se për të zhbërë reformën në drejtësi duhen dy të tretat e deputetëve të parlamentit, ndërkohë që sondazhet periodike tregojnë se PD e tij është dukshëm larg shumicës së thjeshtë dhe jo më të ketë dy të tretat. Veç po të ketë në mendje votat e PS-së dhe të jetë duke folur edhe në emër të Edi Ramës. Pa qenë nevoja të ketë nga ky i fundit lejen formale. Të cilën e ka kapur në ajër, sa kohë që edhe PS ka hedhur në eter idenë e “një reformë të re në drejtësi” në pritje të pjekjes së kushteve!

Sado ëndrra të shohin, edhe po t’i futeshin punës, turk e trim, si i thonë fjalës, do të ishin në pamundësi absolute për ta zhbërë drejtësinë e re në shtyllat e saj. Nuk i lë SHBA dhe BE-ja. Nuk i lë elektorati shqiptar. Nuk i lë vetë konsolidimi dhe suksesi i shumëvlerësuar i SPAK. Berisha e ka retorikë dhe truk komunikativ premtim- kërcënimin e tij. Kërkon të duket shumë i fortë para ndjekësve të vet. Vret shumë lart për të kapur sa më shumë të jetë e mundur poshtë.

Premtim kërcënimi i tij është qartazi antielektoral. Shumica dërmuese e shqiptarëve mbështesin dhe inkurajojnë SPAK-un. Kreu i tij, Altin Dumani është njeriu më popullor në Shqipëri dhe kudo ku jetojnë shqiptarët. Pakica që nuk e mbështet është ajo që ka formuar Berisha me retorikën e tij, ndoshta edhe të afërmit e zyrtarëve dhe njerëzve të botës së krimit në rrjetën e drejtësisë së re.

Duke e bërë rastin e tij si person akuzuar që pret të gjykohet kriter të qëndrimit hakmarrës ndaj SPAK dhe Drejtësisë së re, Berisha nuk shton asnjë aleat nga radhët e partive të vogla parlamentare që nuk janë satelitë të tij. Përkundrazi, i mëshon edhe më shumë vijë së pakalueshme ndarëse me ta. Madje vë në pozitë të vështirë edhe disa nga mbështetësit e tij të rinj, të bashkuar me të në “diversitet”. Projekti i tij i anulimit të Reformës në Drejtësi është projekti i mosbashkimit të opozitës. Me sa kam parë, asnjëra prej partive të reja opozitare nuk e çon nëpër mend të përqafojë kthimin e pandëshkueshërisë në sferat e larta, gangrenës që i ka bërë dëme kolosale demokracisë sonë.

Kjo vijë ndarëse mund të hiqet nëse Berisha tërhiqet nga qëndrimet e tij anti-SPAK, duke i lënë radhën heqjes së vijës tjetër ndarëse, asaj të sanksionimit nga SHBA dhe Britania e madhe. Në dorë të Administratës së Presidentit Tramp e para dhe Gjykatës së Strasburgut e dyta.

Në këto kushte partitë opozitare që mbështesin pa ekuivokë SPAK dhe drejtësinë e re do të duhet të organizohen si një pol i dytë opozitar për t’i dhënë jetë opozitës plurale që bashkëvepron në diversitet secila në shtëpinë e vet. Si në shembullin e së djathtës italiane./Liberale.al

Analiza: Largimi i shqiptarëve, a rrezikojmë skenarin e Kroacisë?

Shqipëria është përfshirë prej vitesh nga një valë e gjerë emigracioni, e cila u theksua sidomos pas pandemisë së COVID-19. Bizneset në vend ngritën alarmin se mungesa e punonjësve po bëhej një nga problemet e tyre më shqetësuese.

Ky largim masiv nuk përfshinte më vetëm një tipologji por ishte një miks mes inxhinierëve, mjekëve, IT, atyre që kanë profesione specifike si hidraulik, shofer kamioni, elektricist për t’u zgjeruar madje edhe tek ata që nuk kanë edukim apo arsimim specifik.

Kjo tendencë duket se u shtua pas disa programeve për politikat e emigracionit ligjor, ku vende të caktuara si Gjermania apo ato skandinave, hapën dyert për emigrantë nga vendet jashtë BE-së për të plotësuar nevojat për forca pune brenda ekonomive të tyre.

Por me një Shqipëri që kërkon me këmbëngulje të jetë pjesë e Bashkimit Europian, çfarë do t’i pengojë shqiptarët për të emigruar masivisht në një skenar të ngjashëm me Kroacinë e pak viteve më parë.

Të pyetur nga Monitor, gjatë një takimi me mediat, lidhur më këtë, përfaqësuesit e disa institucioneve kyçe në BE pranuan se, edhe pse në parim një skenar si i Kroacisë apo i Polonisë më herët, është i mundshëm, historia ka treguar se gjithçka është proces dhe merr kohën e tij dhe rezultatet janë më shumë pozitive.

Li Anderson, Eurodeputete dhe Kryetare e Komisionit për Punësimin dhe Çështjet Sociale në Parlamentin Europian:

Kjo është një temë interesante dhe e rëndësishme. Së fundmi pata një diskutim me dikë nga Shqipëria që ngriti shqetësimin për mjekët që emigrojnë nga Shqipëria drejt Gjermanisë apo për gjithë këto kurse gjermanishteje ku studentët njëkohësisht studiojnë në shkollë, por edhe mësojnë gjermanisht si një parapërgatitje për ikje. Personalisht mendoj që kjo është pjesa e dytë ku Bashkmi Europian duhet të punojë.

Pra ti ke një ‘talent pool’ (databaza e kandidatëve të mundshëm për punë) dhe gjithë këto programe edukimi, ke gjithashtu disa objektiva sa i takon emigracionit legal për të adresuar këtë mungesë të fuqisë punëtore brenda BE-së.

Por gjithashtu duhet të kesh një politikë dhe një vizion mbi atë se çfarë lloj emigracioni zhvillojmë dhe të drejtën për të qëndruar në këto vende (vende afër BE përfshirë Shqiëprinë) sepse më pas këto marrëdhënie nuk do të jenë të balancuara nga një këndvështrim i një Europe më të madhe apo global.

Mendoj se duke punuar në mënyra të ndryshme dhe këtu përfshij edhe ETF dhe atë që bën, por edhe agjenci të tjera në sektorë të tjerë të BE-së, duhet të ketë partneritete të natyrave të tjera përveç atyre që kanë të bëjnë me emigrimin në BE.

Mario Nava, Drejtor i Përgjithshëm, në Drejtorinë për Punësimin, Çështjet Sociale dhe Përfshirjen pranë Komisionit Europian

Ju përmendët Kroacinë që është një nga vendet me rritjen më të shpejtë në Euopë. Në fillim është e vërtetë që pati emigracion më të madh, por më pas kjo ka një efekt tjetër zinxhir, ku ata që kanë emigruar, kanë tendencën të kthehen, të tërheqin investime drejt vendeve të tyre.

Shembujt e kanë treguar këtë dhe është një cikël që e kanë kaluar më herët Bullgaria apo Polonia. Mendoj se duhet t’i jepni kohë-kohës dhe ka plot shembuj ku gjërat kanë funksionuar më mirë.

Pilvi Torsti, Drejtore e Fondacionit Europian të Trajnimeve

Për ta plotësuar këtë ndoshta me një shembull nga vende që nuk janë sot në tryezë, vendet e Azisë Qendrore. Javën tjetër kemi një event me zv.ministrat e Edukimit dhe Punës së Uzbekistanit, Taxhikistanit, Turkmenistanit, Kazakistanit.

Kur pata mundësinë të takohesha për herë të parë me ta në Europë, dy vite më parë, kur lançuam një analizë, ajo që ndodhi në fakt aty, për shkak të agresionit rus në Ukrainë, tregoi se migrimi dhe fluksi ndryshoi dhe situata u bë komplekse dhe e vështirë. Pra ishim përpara një ndryshimi dramatik që nuk e kishim parashikuar dot.

Mendoj që sa i takon Kroacisë, si shembull që ju e sollët, dua të them që ndonjëherë është vështirë të parashikosh çfarë ndodh, për shkak të forcave të jashtme, ndaj aderimi në BE e ka këtë dimension në vetvete.

Aspekti i dytë janë analizat dhe është e rëndësishme që gjithmonë të shohim evidencat. Shqipëria ka për momentin sinjale interesante edhe pse të miksuara, por ama janë sinjale.

Ajo që ka ndodhur me Shqipërinë është ndryshimi i stereotipit, pra ka ndryshuar dhe nëse shohim të dhënat e tregojnë që ka disa sektorë të ekonomisë që po rriten dhe me Strategjinë e Specializimit Inteligjent janë dhënë disa prioritete.

Në këtë kontekst, kur ti zbërthen pak panoramën e plotë, atëherë nis të shohësh edhe trendet e mundshme të së ardhmes. Më pas vjen tek ajo që ne mendojmë, të kemi mundësinë të ndihmojmë, pra me analiza të aftësive të nevojshme të së ardhmes dhe të ofrohen mundësi për të rinjtë dhe për të gjithë punonjësit, në mënyrë që të jenë të vendosur aty ku duhet në tregun e punës. Në ato punë që në fakt po pakësohen./Monitor

Diplomatët amerikanë dhe ata rajonalë takohen për ta diskutuar të ardhmen e Siris pas rrëzimit të Assad

Diplomatë të lartë të Shteteve të Bashkuara, të Turqisë, Bashkimit Evropian dhe vendeve arabe janë takuar të shtunën në Jordani për bisedime mbi të ardhshmen e Sirisë, pas rrëzimit të regjimit të presidentit Bashar al-Assad.

Administrata e presidentit amerikan, Joe Biden, ka nisur angazhimet me grupet rebele, përfshirë atë Hayat Tahrir al-Sham, të cilët e udhëhoqën sulmin e befasishëm që rezultoi me pushtimin e Damaskut, të dielën e shkuar.

Bideni ka dërguar sekretarin e Shtetit, Antony Blinken, në rajon këtë javë për të kërkuar mbështetje për parimet që Uashingtoni shpreson se do ta prijnë tranzicionin politik në Siri.

Fqinji verior i Sirisë, Turqia, ka mbështetur prej vitesh forcat opozitare siriane dhe ka shprehur gatishmëri për të luajtur rol në përkrahjen e tranzicionit paqësor në Siri.

1...539540541...8 382Faqja 540 nga 8 382

Kryesore

Continue to the category
Më shumë
© 2024 Rilindja Demokratike Euroatlantike